كانوا يسموني يتيمة ((كامله))

بسم الله الرحمان الرحيم

البارت الاول

واقفه هي وامها عند بيت كبير تترجى امها انها تغير رايها لاكن لاحياه لمن تنادي ..

البنت ودموعها تنزل بحراره وقلبها يتقطع : يما طلبتك مستعده اسوي اللي تبينه الا هذا الشيء ..

الام وهي تمثل قساوه القلب لاكن من داخل ودها لو كانت اللي فيه حلم : يابنتي هذا الشيء انتي اللي اخترتيه وانتي اللي جبتيه لنفسك ...

البنت بدون حيله : طيب لاتحطينه الا لما اروح ...

مشت ومشت بعيد عن امها ماتدري كم .. لاكن الاهم تبعد كثر ماتقدر .. لالا حتى لو بعدت الاف الاميال عمرها ماراح تنسى لان هذا شيء منها ... لاكن هذي غلطتها من البدايه لازم تتحمل
اهون عليها تتخلى عنه .. ايه اهون...اهون من كلام الناس والفضيحه والعار اهون بكثير .. بكثير ...

الام : ( دقت الجرس وحطت اللي بيدها جنب الباب واتجهت لنفس طريق بنتها ) ....

من داخل البيت سمعت الجرس وفتحت الباب طالعت اللي بالارض شالته ودخلت فيه داخل متعوده كل يوم يجيهم نفس الحاله ...هذا شغلها دخلت فيه داخل ...

مديره الدار ( حمده ) تسال الموظفه: مين اللي دق الباب ..

الموظفه هي ترفع اللي بيدها : حاله جديده ..

حمده بحزن وهي طالع الطفل الملفوف بقماش : بنت والا ولد ؟؟ ...

الموظفه رفعت القماش وبعدين طالعت حمده : بنت ... بس استاذه ماشاءالله البنت قمر ..

حمده قربت من البنت وشالتها كانت فعلا حلوه وقالت بحزن : في ناس تتمنى ظفر جاهل وهذول يحذفون عيالهم مايبونهم ..

الموظفه : ماتدرين ياستاذه عن ظروف اهلها وايش اللي خلاهم يجيبونها هنا ..

حمده وهي تكتب بيانات الطفله : مافي اي ظرف يبرر ترك الام لعيالها ....( وبتغيير للموضوع ) خذي هالاوراق وحطيها مع الملفاات في المستودع ...

الموظفه : حاضر ...

هذا كان حال الدار كل يوم يجيهم اطفال بمختلف الاعمار والاجناس مالهم ذنب في الحياه غير انهم انوجدو عند ناس مايخافون الله ولا يحمدونه على النعمه اللي غيرهم يتمناها هذا ذنبهم ..لو كان عارف الطفل انه راح ينولد يتيم مختار يكون على هالحياه من الاساس .. لاكن لاعتراض على قدر الله ..{فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا} ...

بعد مرور 17 سنه كانت مليئه بالاحزان والافراح ...

كانت باخر الفصل تلبس عبايتها وتدخل كتبها بالشنطه وصديقاتها ينتظرونها تعودو مايطلعون الا مع بعض ...

مشاعل : ريموووه يلا خلصي ماصارت عبايه حشى عرووس ..
ريم وهي تخزها : محد قالك انتظريني يالعربجيه ..
مشاعل بعصبيه : انا عربجيه يالمايعه ..
ريم بعصبيه اكثر : هذي انوثه يالبويه مو مياعه ..
نوره بتافف : الله يعينا عليهم بدت الاسطوانه اليوميه ..
العنود بلا مباله : خليهم الحين يسكتون وكان شيء ماصار ..
نوره : والله شكل الباص بيمشي على بال مايخلصون ..
بعد ماخلصت ريم ركبو الباص اللي كان بيمشي عنهم لاكن مشاعل العربجيه لحقته هههههههه وقفته ...

البنات في مكانهم المعتاد اخر اربع كراسي بالباص... ياويل احد يقرب له تدعسهم مشاعل :black8: ابتدو يسولفون .. نوره جنبها مشاعل و ريم وجنبها العنود ..

نوره بلقافه تطالع بنت قدامها تسلم على خويها من النافذه وكاشفه وتعلك قالت لها بعصبيه : هي هي انتي وش ذا القله حياء اهلك ماربوك ..
البنت بنص عين لفت على نوره : وانتي وش دخلك ..
نوره وهي تدق مشاعل : سمعتي ميشو تقولي انا وش دخلني ..
مشاعل بعربجه : وشو .. وش دخلها ذي عريفه الباص تسجل اسماء الصايعات اللي مثلك ..
البنت طنشتهم وكملت حركاتها ..
نوره بعصبيه : شف ملعونه الخير سفطتنا ..
مشاعل : بكره علمي ابله ذكريات وخليها تطلع هالتطنيشه من عينها ..
نوره بابتسامه شريره : وانتي الصادقه ...

اما عند العنود و ريم ..ريم كانت متعرفه على بنت جديده اسمها ساره وتحكي لعنود عنها ..
ريم : اقولك مرره طيوبه وشكلها بنت عز ..
العنود بفهاوه : وش دراك ..
ريم : اقولك اليوم نقلت فصلنا وجلسوها جنبي بس الصراحه حبيتها ..
العنود : كلهم كذا بالبدابه حبوبات بس بعدين يطلعون فتانات ومنافقات ..
ريم باصرار : لا انا متاكده منها ..

و طول الطريق هم على ذا الحال سوالف و ضحك وصراخ الله يعين سواق الباص :black9: ...

اعرفكم على بطلات الروايه و بنفس الوقت هم بناات الدار

مشاعل : (( 17 سنه ثالث ثنوي ادبي انسانه عربجيه وتحب الهواش وحقت فزعاات ماتحب دلع البنات نهايئا طويله وضعيفه قاصه شعرها لين تحت اذنها لونه بني مملوحه و سمراء فاشله بالدراسه هواياتها لعب الكوره بانواعها ))

ريم : (( 17 سنه ثالث ثنوي علمي شاطره بالمدرسه غرامها الازياء والميك اب تموت بصديقاتها اللي هم خواتها بالدار لاكن ماتبين ذا شيء ساعات يكون فيها غرور خفيف
شعرها طويل واسود لين اخر ظهرها لون بشرتها قمحي وطولها وسط جميله تحب تعتني بشكلها بزياده جسمها متناسق وحلو موضعيف ولا متين ))

نوره 17 سنه ثالث ثنوي ادبي مع مشاعل بنفس الصف ملقوفه درجه اولى يسمونها صديقاتها <العجيز> لان شخصيتها مثل العجايز تحب القرقه والسوالف تموت لو ماتعرف اي سالفه
مشهوره بالمدرسه كل شيء تشترك فيه اضاعه مسابقات نشاطات > زود لقافه < اخبار المدرسه كلها عندها .. ضعيفه وشعرها لين كتفها اسود وفيه خصل بنيه فاتح حلوه لاكن ماتهتم بشكلها .. ونفس حالت مشاعل فاشله دراسيا .. تحب الطبخ ))

العنود ( 17 سنه ثالث ثنوي علمي لاكن بصف غير ريم مفهيه يسمونها ام سلوم اللي بفريج متفوقه بدراسته امنيتها انها تدرس بالخارج وتكون طبيبه نساءولاده ...
مليانه شوي وبيضاء شعرها لين كتفها لونه اشقر ( طبعا هي صابغته ) هوايتها القراءه ))

نرجع لروايتنا رجعو البناات الدار هم تعبانين من المدرسه كل وحده رمت نفسها على السرير وراحت بسابع نومه ...

في مكان بعيد اول مرره نروح له في احد القصور الراقيه والفخمه في الدمام على طاوله الطعام
اللي كان عليها مالذ وطاب من الاكل والخدم كان واقفين حولها وغرفه الطعام الكبيره كانو العائله جالسين عليها ....

نزل من الاصنصير في كامل كشخته واناقته متجه لغرفه الطعام كان فارس احلام بنات العائله كل بنت تتمنى يكون من نصيبها وسيم لاقصى الحدوم وشخصيته اللي تجذب لابس بدلته السوداء رسميه للشغل وجزمته السوداء ( وانتو بكرامه ) من احد الماركات العالميه وساعته الفضيه ونظارته اللي معلقها دخل الغرفه توجه الى امه وابوه وحب راسهم ...

.....: السلام عليكم ..
الكل : وعليكم السلام ..
ابوه : هلا بولدي وسندي اخبارك راشد ..
راشد وهو يجلس على الكرسي : الحمدلله بخير جعلك بخير..
ابو راشد : ها كيف الشغل الجديد معاك ..
راشد : الحمدلله تماام ...
جاله احد الخدم وحطله شوربه ...
ام راشد : ها ياوليدي متى راح تفرحني ونسوي تجهيزات زواجك ..
راشد وانسدت نفسه من الطاري : يمه ليه العجله انا توني خاطب... قلتو لي اخطب هذا انا خطبت لاكن الزواج بدري عليه ..
ابو راشد : خلي الولد على راحته يافاطمه ..
ام راشد بقله حيله: براحتك ..
دلال : راشد صح تسلم عليك فرح وتقول كلمها ..
راشد بعصبيه خفيفه وهو يطالع اخته بنص عين : انا ماكلم بنات الا اذا صارت مرتي غير كذا لا ..
دلال : عادي مافيها شيء هي خطيبتك وبنت خالك ..
راشد : والله انا كذا عاجبها زين مو عاجبها كل واحد يروح بحاله ..
ام راشد ماتبي يخترب كل شيء ماصدقت على الله راشد يخطب : لا عاجبها ماعليك من كلام اختك .. ( وغمزه لبنتها ) ...
ساره بسخريه : بنااات اخر زمن هم اللي يطلبون من الرياجيل يكلمونهم ..
ابو راشد خز ساره : ساره ...
ساره سكتت ... كملو غداهم وكل واحد ساكت العائله كلها متجمعه معدا شخص واحد بس كان مو موجود هم تعودو على عدم وجوده ...

في مكان يسود فيه الفساد ..مكان مختلط نساء ورجال .. كاسات الخمر ماليه المكان .. صوت الاغاني عاليه .. صوت ضحكات النساء العاليه .. لبسهم العاري ... اكيد عرفتوه ..
في احد الاستراحات المخصصه لفعل الحرام والمنكر جالس وحوله بنتين وهو في قمه السكر ..

بنت لبنانبه اسمها (نتالي) منسدحه على صدره لابسه فستان احمر مشابه لقميص النوم قصير وشعرها الاشقر ولون بشرتها البيضاء : راكان بيبي مو حكيت الي بدك تجيب اهلي هون السعوديه .. ( راكان حبيبي مو قلت لي راح تجيب اهلي هنا بالسعوديه ) ..
راكان وهو في قمه السكر: اجيب عائلتك كلها اذا حبيتي ...

نتالي بضحكه مايعه : لك تؤبرني شو رجال ...

سحر بنظرات حزينه مصطنعه : راكاان انا زعلانه منك خالص اوعى تكلمني ..

راكان وهو يقرص خدها : له له .. ليه الحلو زعلان مني ...

سحر بدلع اكثر : ازاي مش قولت لي حتديني فلوس ومادتنيش حاقه ...( كيف مو قلت بتعطيني فلوس وماعطيتني شيء ) ...

راكان رمى كل اللي في جيبه عليها : انا تحت امرك ياقميل ههههههه ...

واستمر على ذا الحال هو سكران و هم يسحبون منه كل اللي يبون هذا هو طريق الفساد الله يهدي الجميع ...

نرجع لدار ... البنات لما قامو من النوم تغدو وراحو يطالعون التلفزيون ملاحظه الدار مو للحكومه هذا لرجل اعمال هو متبرع فيه وهو عباره عن بيت كبير فيه عدد قليل من البنات بمختلف الاعمار ومقسم لغرف ... الغرفه اللي كانو فيها بطلاتنا رقمها 4 ..

مشاعل وهي تسحب الريموت من ريم : جيبي الريموت ..لادوس بطنك ..
ريم وهي تسحبه لجهتها : انا اخذته قبلك ..
مشاعل بعصبيه : مانبي نتابع المايقات حقينك ..( تقصد محطه الاغاني اللي حطتها ريم ) ..
ريم بعصبيه اكثر : واحنا مو اولاد نتابع مصارعه ..
دخلت عليهم مديره الدار ( حمده ) بصرااخ : بناات ..
خافو البناات والتفتو عليها تكلمت ريم : ماما حمده شوفيها بتحط مصارعه احنا مو اولاد ..
مشاعل : ولا انا ماابي اتابع اللي تحطه هي ياعرض ازياء والا اغاني ..
حمده بعصبيه : انتي وهي عقابا لكم مافي تلفزيون كل وحده على غرفتها يلا ..
مشاعل و ريم : اوووف ..
وراحو غرفتهم وكل وحده تتوعد بالثانيه ..

في بيت ابو راشد الكل كان طالع ماعدا ساره... وراشد كان نائم دلال رايحه لبنت خالها فرح ( خطيبت راشد ) وابو راشد بالشغل كالعاده وام راشد طالعه لاحد الجمعيات النسائيه وراكان بالاستراحه مع شله السوء.. ساره قاعده تفرفر بالتلفزيون وطفشانه دائم هذي حالتها محد معبرها الكل يطلع وتبقى لوحدها طلع راشد من الاصانصير وهو كاشخ مشى مستعجل وقفه صوت ساره ..

ساره : راشد وقف ...
راشد لف عليها : نعم ..
ساره : طالع ..
راشد : ايه ..ليه ؟؟..
ساره شوي وبتصيح :تكفى خذني معااك ..
راشد مبقق عيونه : وين اخذك معي ..
ساره بترجي : اي مكاان تكفى .. والا بموت اذا قعدت لحالي ..
راشد : اجل وين امي ودلال ..
ساره : كالعاده امي بهالجمعيات ..ودلال رايحه عند اللي ماتتسمى ..
راشد باستغراب : مين ذي ؟؟..
ساره : مين غيرها فرحووه ..
راشد ضحك على كره اخته لخطبيته : طيب يلا لبسي عباتك وتعالي هالمره بس عشان بطلع مع ولد عمي مشعل ناخذك معانا و ....
ساره بدون لاتسمع كلامه الباقي بسرعه راحت تلبس عباتها قبل لايغير رايه ..
لبست عباتها وطلعو ركبت سياره مشعل كان.. قدمها اخوها ومشعل جنبه هو اللي يسوق ..
ساره : سلام مشعل ..
مشعل بضحكه : هلا وغلا بنت العمه تو مانورت السياره ..
راشد يطالعه بنص عين يعني دائم يروح معاه مايقولها ذا الكلام ..
ساره بخجل: منوره باهلها ..
راشد : اقول شرائك تمشي ترا طولتها ..
مشعل : خخخخخخخخخ ...
مشو متوجهين الى جياان

بنفس الوقت كانو بناات الدار يتجهزون لانهم بيرحون جيان رحله من الدار ...

خلص البارت الاول القاكم في بارت جديد باذن الله انشاءالله الاقي حمااس منكم
مين تتوقعون بطله الروايه من بطلاتنا الاربع ؟؟
هل راح يلتقوت ابطالنا في بعض والا لا ؟؟
فرح خطيبه راشد ليه تكرها ساره ؟؟
بنات الدار هل راح يتعرفون على اهلهم

؟؟

البارت الثاني ...

بنفس الوقت كانو بناات الدار يتجهزون لانهم بيرحون جيان .. رحله من الدار ...

مشاعل وهي تدور بالدولاب : بنات مين عندها جوتي ( وانتو بكرامه ) ابيض ..

العنود : انا عندي ..شوفيه تحت التسريحه ..

مشاعل طالعت تحت التسريحه : ايه لقيته ..

ريم وهي تحط الروج وتطالع بشكلها بالمرايه وبصوتها العالي : نوييير... ماصار دوش تراا بنروح ونخليك ..

نوره وهي طالعه من دوره المياه ( وانتو بكرامه ) تنشف شعرها : خلاص طلعت ...

كملو البنات لبسهم ... وبعد ماخلصو اتجهو للباص وهم فرحانين بالرحله اللي اعدوها لهم الدار ..

استاذه حمده : بناات اللي اقول اسمها تقول نعم ..

جواهر: (نعم) ..تهاني: (نعم)..خديجه: (نعم ) ...ريم : بكل نعومه (نعم)...ميعاد: (نعم) ..

مشاعل: باقوى ماعندها ( نعممممممممممممم) ..

نوره توخر اذنها عن مشاعل : يمال الوجع بطيتي اذني ..

استاذه حمده : العنود .... ( محد رد عليها ) ....قالت بصوت اعلى ..العنود : ها ..ايه ..موجوده ..

ريم باستهزاء : الحمدلله على السلامه ...

وكملت ذكر الاسماء ..

*************************************

اما عند راشد و مشعل وساره وصولو جيان وجلسو بكوفي شوب .. طلبو لهم قهوه وكيك ..

مشعل يكلم ساره : الا اي سنه انتي ساره ؟؟..
ساره بدون ماتطالعه : انا اخر سنه ثالث ثنوي ..
مشعل : موفقه انشاءالله ..علمي والا ادبي ؟؟ ..
ساره : اجمعين ...علمي ..
راشد يطالع مشعل : محسسني انك اول مره تشوفها ..
مشعل تفشل وحب يرقع السالفه : لا مو كذا بس من زمان عن اخبارها ..
ساره حست مشعل تفشل : لا عادي خذ راحتك ( ماصدقت على الله ) ...
نخليهم يكملون نسوالف ونروح لمكان ثاني ..

**************************************

عند دلال اللي كانت بيت فرح دلال جالسه على سرير فرح وفاتحه الاب توب بحضنها وفرح تطقطق على البلاك بيري ..
فرح بملل: اقول دلو اخوك ماقال بيكلمني ...
دلال مركزه بالاب مو يم فرح :.........
فرح عصبت وقامت سكرت الاب عن دلال
دلال : اوف منك ليه ...
فرح باستهزاء: لو ماعرفك بقول ذي ماعندها لاب بالبيت .. شفيك اكلمك ..
دلال : نعم ..شتبين ..
فرح جلست على السرير مقابل دلال : اقولك اخوك ماقال بيكلمني ..
دلال كانها تذكرت شيء : سكتي اليوم مو قلت لها ..
فرح بقله صبر : ايه وش قال ..
دلال وهي حاطه يدها على قلبها : سكتي عطاني نظره ...خفت على نفسي ..
فرح بغرور : اخوك ذا شايف نفسه بس انا اللي بجيب راسه زي ماجبت غيرها ..
دلال بسخريه : تقدرين على اي احد الا راشد صدقيني ..
فرح بغرور اكثر وثقه : مو انا اللي مقدر على رجال ..
دلال بلا مباله : عاد هذا اللي انتي اخترتيه تحمليه ..مدري شعاجبك فيه ..
فرح وهي تكلم نفسها ( قال شلي عاجبك فيه ..مال وجاه ..وشخصيه وجمال ..وكل البنات يتمنونه ) ..
دلال تحرك يدها قدام وجه فرح : الووو ...الووو ..
فرح تو تنتبه : ها .. وش تبين ؟؟ ..
دلال وهي تصفق يدها بعض : لا شكل راشد بدا ياخذ عقلك من الحين ..
فرح بغرور : مسكينه لا راشد ولاغيره انا اللي ابيه باشاره اجيبه لي ..
دلال : اقول خلي عنك راشد وقولي لي اخبار مشعل ..
فرح : تمام ..
دلال : ماقال عني شيء ..
فرح : ولاجاب طاريك ابد ..
دلال : انشهد انا اخوك خقه ..
وكملو سوالفهم على هالطريقه الشباب والجوالات والازياء وغيره ..و زي مايقولون وافق شن طبقا ...

***************************************

عند بنااات الدار دخلو جيان وكل مجموعه بناات راحو في مكان ...اللي عند الالعاب واللي بالمحلات واللي عند المطاعم ..
ريم و العنود و مشاعل ونوره الرباعي المشاكس كانو مع بعض ..

ريم تاشر على محل : بناات شوفو ذا المحل شكله خطير امشو نروح له ..
البناات : اوكي ..
دخلو المحل وطبعا ريم مافي قطعه ماشافتها ونوره كل ماشافت الاسعار انهبلت وعنود جلست على الكرسي وسفطتهم اما مشاعل مو عاجبها المحل بكبره .. طالع بالملابس باحتقار لانه اغلبها كانت عريانه وطبعا هالاشياء ماتعجب ميشوو..

ريم رافعه بلوزه بيدها : بناات شرايكم بذي البلوزه مع بشرتي تطلع واو ..( كانت شايله بلوزه بنفسجيه بدون اكمام وعليها كرستالات موف ) ..
نوره على طول شافت بطاقه السعر و شهقت : ول ..ول ..250 على بلوزه.. هذي تأكل عائله مده اسبوع..اللهم لاتجعلنا من المبذرين ..
ريم سحبتها من يدها : صدق عجيز وخري بس ..

************************************

عند ساره ومشعل و راشد كانو يمشون و طبعا ساره شافت المحل اللي تحبه ...
ساره بلهفه : راشد بليز وقف شوي بدخل ذا المحل ..
راشد : صدق البنات ماينعطون وجه ..الحين بتقعدين سنه داخل ..
ساره بترجي : لا تكفى شوي و اطلع ..
مشعل يمثل دو الحنون : حراام ..عشان خاطري خلها تدخل ..
راشد طالعه بنص عين : من متى تحن على البنات ..
مشعل لثاني مره تفشل من كلام راشد : من عمري وانا حنون ..
راشد : اي واضح ..(وطالع ريم يكلمها ) يلا دخلي بس بسرعه عشان بنطلع ...
ريم ماصدقت على الله بسرعه دخلت واول مامشت اصدمت في وحده : اسفه اختي مدري ..
.... : ساره صح والا انا غلطانه ..
ملاحظه : ( ساره تكشف مجرد عبايه كتف وحجاب ) ..
ساره وهي تطالع البنت اللي قدامها مو عارفتها لانها لابسه عبايه راس و متغطيه : ايه ساره ..بس انتي مين ؟؟...
ريم : انا ريم اللي جلستي جنب اليوم بالدرسه اكيد ماعرفتيني من الغطاء ..(ورفعت غطاتها شوي لساره ) ..
ساره وهي فرحانه لشوفت ريم ضمتها بقوه : هلا وغلا ريم اول يوم نتعرف على بعض ونشوف بعض بره المدرسه .. صدق ونااسه ..
تو ريم بترد الا جاتها نوره بلقافه : ماعرفتينا على الحلوه ريم ...
ريم وهي تاشر عليهم : اعرفكم على بعض ..ساره صاحبتي بالمدرسه .. نوره اختي معاي بالدار ..
نوره : و اخيراا شفناك ياساره ..( حبت تتفلسف اكثر) ..ريم ماعندها سالفه غيرك كل يوم تجيب طاريك ..
ساره بضحكه : صدق .. غريبه انا لسه متعرفه عليها اليوم ..
نوره بطيحه وجه قويه حاولت تصرفها : اجل يمكن ساره وحده ثانيه ..على العموم تشرفنابمعرفتك ..
ساره بابتسامه : وانا اكثر ..
ريم تجر يد ساره تعالي بعرفك على خواتي الثانيات وصلت عند مشاعل اللي واقفه وعنود جالسه على الكرسي اشرت على مشاعل : هذي ميشو ..

ساره مدت يدها وبابتسامه: هلا والله ..
مشاعل مدت يدها وبادلتها الابتسامه : هلا بك زود ..

ريم وهي تاشر على العنود : و هذي العنود ..
سلمو على بعض وجلسو يسولفون شوي بالمحل راعي المحل متعود على الوضع ...لما اتاخرت ساره على راشد ومشعل دخل راشد المحل شاف اخته واقف مع مجموعه بناات .. مشى لما وصل عندهم وطالع ساره : يلا ساره مشينا ..

البناات التفتو على الصوت اول ماشافوه خققو مالومهم عليه جمال وشخصيه تجذب .. كل وحده منهم مبققه عينه من وراء النقاب راشد متعود على الوضع رفع حاجبه و عطاهم نظره غرور خلت كل وحده تلف عنه ...

ساره : راشد هذول صاحباتي بالمدرسه ..
نوره بتميلح : خلها تجلس شوي ماشبعنا منها ..

سفها راشد وسحب ساره من يدها و مشوو ..
اول ماطلع من المحل فقعو البناات ضحك على نوره اللي كان واضح انها تميلح لاكن هو ماعطاها وجه ...
نوره بعصبيه : صدق مغرور.. الا شيطلع لها ريم ..
ريم : اكيد اخوها والا كان مامسك يدها ..
مشاعل بضحكه : هههههههه طالعو عنود بالله زود على الفهاوه فهت زياده ..
ريم و نوره : هههههههههههههه

*************************************

عند مشعل وراشد وساره بالسياره ...
راشد يتحلطم : بنات اخر زمن كل وحده مبققه عينها ... لا وبقواه عين ( يقلد صوت نوره ) خلها تجلس شوي ماشبعنا منها ..
مشعل وساره ماسكين ضحكتهم لانهم عارفين انه يتنرفز من البنات اللي كذا .. طول الطريق وهو يتحلطم .. لما وصلو البيت ..

********************************

اما عند البنات فنسو سالفه ساره واخوها وقضو اليوم و هم مبسوطين ..رجعو لدار بانتظار يوم جديد يكون احلى من اللي قبله ...

***************************************

يوم جديد يطل على ابطال روايتي الكل صاحي بدري ونشيط بناات الدار متجمعين على طاوله الطعام وكلن بهمه سرا اللي يذاكر واللي يحل الواجب واللي يحفظ واللي يسولف ...الخ

ريم تاشر على الكتاب تكلم عنود: هذا معانا بالاختبار ..
عنود وهي تاشر على نفس المكان : اللي مخطط بس اما الباقي للقراءه فقط ..
ريم : اهاا ...

مشاعل تكلم بنت اسمها هاجر : مين اللي طقتك أي وحده فيهم ..
هاجر : اللي اسمها مريم ...
مشاعل تفكر : امممممم .... مدري ماعرفهت لاكن شوفي اليوم بالمدرسه اشري لي عليها ..وابشري باللي يسرك ..( قايله لكم البنت حقت مشاكل ههههههه) ....

نوره تلقط سوالف من البنات كالعاده....
وصل الباص توجهو البناات للمدرسه ....

**********************************

اما في بيت ابو راشد دخل راشد غرفه الطعام و ماحصل الا امه حب راسها و جلس ...
راشد : صباح الخير يالغاليه ..
ام راشد : صباح النور ..
راشد باستغراب : غريبه مافي احد اليوم ..
ام راشد : ايه اخوانك راحو مدارسهم بدري و ابوك كلموه الشركه و طلع اما راكان كالعاده من امس ماجاء البيت ..
راشد يهز راسه على اللي يسويه اخوه : الله يهديه ...
ام راشد من قلب: امين ..
فطر وطلع لدوامه اما ام راشد راحت لصاله الرياضه في القصر عشان تحافظ على جسمها ...

***************************************

البناات في المدرسه ريم وهي تذاكر بسرعه قبل لاتجي الابله عليهم اختبار اول حصه : لو قلنا هذا في ذا يعطينا.....اممممم 25 ونقسمه ....اوكي تمام ..

ساره : ريم وش فيك تكلمين نفسك ..

ريم وهي تطالع الكتاب : اذاكر ..

دخلت المدرسه و بدو الاختبار ...

في صف العنود كانت تشرح للبنات درس وهي مبسوطه كانت هذي درجه النشاط ...والابله معجبه بطريقه العنود كلامها واسلوبها في الشرح كان الفصل هدوء والكل يصغي لها ..

في فصل مشاعل و نوره ...
نوره مسويه فيها وجالسه تفتي للبنات عن حكم تشقير الحواجب ..
البنت : انا سمعت انه حراام ..
نوره : لا التشقير مو حرام لاكت قص الشعر بعد التشقير اختلفو في حكمه لاكن بالنهايه أي شيء فيه تغير لخلقه الله حراام ..
البنت باقتناع : صادقه ..

اما مشاعل كانت منحاشه من الحصه وتتمشى مع وحده معجبه فيها ..( هذا حال البنات الحين بنت تعجب بنت والعياذ بالله )....

**************************************

راشد كان في شركته الجديده توه من يومين مستلمها ..
راشد وهو يوقع : حمد ...
حمد السكرتير : نعم استاذ ..
راشد وهو يمد اوراق بعد ماخلص من التوقيع : أي اوراق تحتاج لتوقيع جيبها لي الحين ...
حمد : انشاءالله ..
راشد : و لاتنسى تكلم الشركه الثانيه يجيبون العقود ..
حمد : على امرك ..
راشد وهو ياشر له : تقدر تتفضل ..

طلع حمد وبنفس الوقت دخل ابو راشد
راشد اول ماشاف ابوها قام من محلها وحب راس ابوها
ابو راشد بابتسامه: حبتك العافيه ..
راشد : اللي يعافيك ..
راشد سحب الكرسي لابوه وجلسه مكانه احترم له ..
راشد : تفضل يبا ..
ابو راشد : دام فضلك ... ماشاءالله الامور ماشيه تمام بالشركه ..برافو عليك ياولدي...
راشد : انا تلميذك يبا ..
وبدو يتكلمون عن الشغل وامور الشركه والاسهم ...

**********************************

في بيت ابو راشد ام راشد كانت تكلم اخوها ابو مشعل ..

ابو مشعل : البنت مانقدر ناخرها اكثر من كذا .. انتي عارفه عيال عمها يبونها ..
ام راشد : ادري والله .. لاكن ولدي و انا اعرفه اذا حنيت عليه اكثر بيلغي فكره الزواج مره وحده..
ابو مشعل : انا بنتي الف من يتمنااها لاكن انا ماتمنى زوج لبنتي الا راشد لاني عارفه وبامن على بنتي معاه ...
ام راشد : و انا والله ..يوم المنا اللي اشوف فرح في بيت راشد .. لاكن شباب هالوقت يبون كل شيء على كيفهم ..
ابو مشعل : الله يهديهم ..

***********************************

في المدرسه وقت الفسحه ريم وعنود و نوره جالسين ياكلون مكانهم المعتاد تحت الدرج .. ومعاهم ساره جديده على الشله ...

ريم : الا وين ميشو ماشفتها اليوم ..
نوره : عندها هوشه ..
العنود مبققه عيونها : احلفي .. مع مين ؟؟...
نوره : والله ... مع البنت اللي طقت هاجر امس من سنه ثانيه ادبي ..
ساره : ومين هاجر ؟؟....
نوره : وحده معانا بالدار ...
ريم: بناات شرائكم نروح نشوف الهوشه ونشجع ميشوو..
البنات بحماااس : يلااااا

اول ماوصلو البناات كانت الهوشه حاميه مشاعل كانت ماسكه البنت من شعرها وتسحبها والبنات يصفقون لمشاعل لما البنت دفت مشاعل عنها وقامت البنت كان شعرها منكوش وجها مشمخ وشفايفها كلها دم قالت بعصبيه : هين ياللقيطه انا اوريك...

مشاعل توها بطقها لاكن جمدت مكانها هذي الكلمه قلبت كل موازينها حست نفسها ضعيفه مهزوزه ...طالعت وجوه البنات شافتهم يبتسمون باستهزاء طالعت في البنت بنظراات قهر وقله حيله رجعت لوراء وركضت لدورات المياه دخلت اول حمام وقفلت عليها منو كان يصدق مشاعل الجبروت اللي كل بنات المدرسه يخافون منها تهزها كلمه وحده بس ..ركضو وراها نوره والعنود وريم وساره
شخصيتها ريم وهي تدق باب الحمام : ميشو ماعليك منها لاتهتمين لكلامها هي منقهره منك ...
العنود : ميشو انتي اكبرمن هالكلام لايهزك..
نوره : مشاعل تكفين افتحي الباب ...
ضاع الكلام كله لما سمعو صوت انين وبكاء مشاعل ...مشاعل اللي ماتخاف لا من ضرب ولا كلام الدنيا كله هزتها كلمه وحده .. لقيطه أي صح لقيطه البنت ماقالت شيء غلط انا فعلا لقيطه ... ماعندي اهل..عايشه في دار مع بناات مثلي .. مدري أي مكان لقوني فيه يمكن مسجد لالا يمكن محل و لايمكن حتى جنب زباله .. طالعت في السقف نزلت دمعه حاره على خدها ..
مشاعل : يارب ليه عشت في هالدنيا ..ليت امي يوم تركتني ذبحتني قبل لاتروح ..ليت القدر كان غير ليت كانت عندي ام بس مو لازم ابو او حتى ليت اعرف اسمي .. يارب ارحمنا برحمتك الناس ماترحم ...بكت وبكت بصوت واطي مايسمعه احد الا هي ورب العالمين ..

بعد ماخلصت بكي طلعت من دوره المياه (وانتو بكرامه ) لقت البنات عند الباب ينتظرونها مشت وماتكلمت لاكن نظرات عيونها تحكي كلام كثير ..صديقاتها.. ماحبو يضايقونها ماكلموها .. دق الجرس وكل وحده توجهت لفصلها ..

انتهى الدوام وكان يوم مؤلم لمشاعل كلمه وحده غيرت حياتها ماكانت تفكر فيها لاكن من يوم و رايح راح تحطها قدامها ...

*****************************

على البيت البنااات ينتظرون الباص اللي تاخر عليهم شوي ...
ساره تكلم ريم : تعالوا ..اوصلكم معاي ..
ريم : لا الباص جاينا ..مشكوره سارونه ..
ساره : على راحتكم ...

راكان كان طالع من الاستراحه وفي قمه السكر ركب سيارته وهو حده دايخ ساق السياره وهو فاقد وعيه متجه لبيتهم وهو ماشي بالطريق شاف البنات طالعين من المدرسه ..
راكان بابتسامه شيطانيه: اوه ..اوه بناات كثير...والله حلو .اروح اضبط لي كم وحده..

مشى بسرعه بسياره متجه لعند البناات..

البناات واقفين قدام المدرسه العنود اول ماشافت الباص جاي من بعيد خطرت الرصيف ومشت بالشارع تبي تركب بالباص اول وحده لاكن في شيء سبقها .....

طااااااااااااااااااااااااااااااااااااااااااااااااا اااااااااااااااااااااخ
العنود طارت بقوه وطاحت بنص الشارع وراكان ماقدر يتحكم في السياره الا لما صدم بالرصيف من كثر ماكان خايف من اللي صار وعى ..

ريم نوره و مشاعل وساره وبناات المدرسه راحو ركض لعند العنووود ..
ريم شافت عنود مغطيه بالدم قامت تهزها : عنوود عنوود حبيبتي ردي علي ..
نوره بعصبيه : لحد يقرب ...طلبو الاسعاف ..بسرررعه ..

مشاعل راحت لراكان اللي كان نازل من السياره ومو عارف شيسوي ضربته على صدره باقوى ماعندها : لهدرجه احنا و لاشيء عندكم ليه ؟؟ ....ليه ؟؟
جاتها ساره تبي تفكها من الرجال اللي تضربه لاكن انصدمت لما شافت وجه الرجال ..ايه اخوها ساره بعدم تصديق : رر ..راك ..راكان ..
راكان زاد خوفه وماعرف شيرد ..
ريم جاتها نوبه بكاء المعلمات تجمعو وطلبو الاسعااف البنات كانو في حاله يرثى لها نوره كانت ماسكه اعصابها تهدي صديقاتها اللي شافو صديقتهم تنصدم قدامهم .. الاسعاف شالو العنود كانت شبه جثه ..

انتهى البارت الثاني اتمنى يكون عجبكم انشاءالله البارت القادم راح نتعرف على الشخصيات اكثر واحداث اروع ....

ايش راح يصير لعنود ؟؟
راكان ايش راح يسوي ؟؟
ساره وش ردت فعلها لما شافت اخوها ؟؟
البنت اللي تهاوشت مع مشاعل شنو راح تسويلها والا بتعديها لها ؟؟

وسؤال اللي دايم راح نكرره ..
مين من البناات الاربع بطله الروايه

؟؟

البارت الثالث ...

بارت مليء بالاحزاان و الدموع ...

مشاعل راحت لراكان اللي كان نازل من السياره ومو عارف شيسوي ضربته على صدره باقوى ماعندها : لهدرجه احنا و لاشيء عندكم ليه ؟؟ ....ليه ؟؟
جاتها ساره تبي تفكها من الرجال اللي تضربه لاكن انصدمت لما شافت وجه الرجال ..ايه اخوها ساره بعدم تصديق : رر ..راك ..راكان ..
راكان زاد خوفه وماعرف شيرد ..

ريم جاتها نوبه بكاء المعلمات تجمعو وطلبو الاسعااف البنات كانو في حاله يرثى لها نوره كانت ماسكه اعصابها تهدي صديقاتها اللي شافو صديقتهم تنصدم قدامهم .. الاسعاف شالو العنود كانت شبه جثه ..

************************************************** *********

راشد كان توه طالع من الشركه ركب سيارته .. دق جواله طالعه وحصل الرقم غريب نقزه قلبه رد بسرعه بخوف ...

راشد بقلق : الو ...
....: السلام عليكم ...
راشد : وعليكم السلام والرحمه ..مين معاي ؟؟ ..
....: معاك الضابط صالح من مركز شرطه الدمام ...
راشد باستغراب : ضابط وشرطه شالسالفه ..
الضابط صالح : طالبين حضورك بالقسم ..اخوك محجوز عندنا ..
راشد من سمع طاري اخوه خاف : اخوي .. وش مسوي ؟؟..
الضابط صالح : انت تعال وراح تعرف كل شيء ..
راشد : دقائق وجاي ..

مشى راشد بسرعه متوجه لقسم الشرطه و كل مشاعر الخوف والقلق كانت متواجده فيه مايدري اي مصيبه هالمره اخوه جايبها لهم ...اهم شيء عنده ابوه مايدري كل شيء بالنسبه له يهون الا مرض ابوه..

************************************************** ********

عند البناات في المستشفى .. البناات بعد ماصار الحادث اتصلو على مديره الدار وخبروها السالفه وتوجهو مع الباص للمستشفى كان الممر مليان من البناات والمعلماات الكل خايف على العنود بتموت والا تعيش... محد يدري عن حالته الدكتور صار له نص ساعه في غرفه العنايه ماطلع
..العنود كانت محبوبه عند الكل ... ريم دموعها ماوقفت خايفه على صديقتها واختها واهلها و كل شيء لها بهالدنيا مو عارفه شتسوي كانت تصيح تمشي رايحه راجعه قدام غرفه العنايه اللي فيها العنود ... اما نوره ماكانت اقل حال من ريم تصيح وتدعي ربها انه يشفي لهم العنود كانت تقول عادي لو تصير مشلوله عادي لو تكون عمياء عادي اي شيء بس ماتموت ماتتخيل حياتها من دونها ...ومديره الدار حمده كانت خايفه على عنود اللي تعتبرها بنتها ..ايه بنتها ..كيف ماتكون بنتها وهي اللي ربتهم وعاشت معاهم افراحهم واحزانهم من يوم فتحو على هالدنيا كانت لهم الام والحضن الحنون ...اول ماطلع الدكتور ريم ركضت بسرعه له .. الكل ركض وراها وتجمعو حول الدكتور ..

ريم بلهفه ودموعها على خدها وبنظرات رجاء للدكتور انا يطمنها : دكتور تكفى طمني على اختي ..

الدكتور يهز راسه باسف ...

ريم امسكت الدكتور من كتوفه بقوه وانفضته وهي تصارخ بوجهه : لاتقول ماتت ..لا لا ما ماتت صح ... العنود عمرها ماراح تخليني انت فاهم ..انت اصلا مو دكتور ماتفهم شيء ...

************************************************** *******

راشد وصل الشرطه نزل بسرعه دخل القسم وتوجه الى مكتب الضابط ..او مادخل المكتب انصدم شاف اخته ساره و اخوه راكان جالسين في المكتب ..

الضابط صالح : تفضل استاذ راشد ..

راشد جلس الكرسي مقابل للضابط وعيونه لاخته واخوه مو فاهم شيء : انا مو فاهم شيء ممكن تفهمني ...و بعدين وش دخل اختي هنا ..

الضابط صالح : تطمن اختك مالها دخل هي مجرد شاهده بالقضيه ... اما بالنسبه لاخوك راكان فهو عمل حادث قدام مدرسه البنات وتسبب في نقل بنت للمستشفى والله اعلم بحالها الحين هي بين الحياه والموت ..

راشد وعصبيه الدنيا كلها فيه مسك اخوه من ثوبه وقفه وعطاه كف من قوته طاح على الكرسي : انت شنو ماتحس ..متى راح تعقل ..شفت طيشك واستهتارك لوين وصلنا ..لو ابوي يدري الحين بيروح فيها عارف يعني شنو راح يروح فيها .. حسبي الله عليك ماوراك الا المشاكل ..( ومسكه مره ثانيه وعطاه كف اقوى من اللي قبل وراكان منزل راسه وساكت ..مسكه الضابط على شان يهديه ) ...

الضابط صالح وهو ماسك راشد : خلاص هد ياستاذ راشد كل شيء بالتفاهم ينحل ..

راشد جلس على الكرسي بعصبيه : اي تفاهم اللي ينحل .. والبنت تقول بين الحياه و الموت ..

الضابط صالح : استاذ راشد الحين تقدر تاخذ اختك وتروح ... اما راكان راح نحجزه عندنا لما تخلص اجراءات القضيه ..وراح نخبرك باللي يصير مع البنت ..

راشد : اوكي مشكور ..( وطالع اخته بعيون كلها شرار ) يلا قومي ..

ساره طول الوقت كانت ساكته اول مره تشوف راشد معصب كذا.. قامت ومشت قدامه وهي ميته خوف ماتدري شنو راح يسوي لها .... بعد ماشافت اللي سواه براكان ...

************************************************** **

في المستشفى ..

ريم امسكت الدكتور من كتوفه بقوه وانفضته وهي تصارخ بوجهه : لاتقول ماتت ..لا لا ما ماتت صح ... العنود عمرها ماراح تخليني انت فاهم ..انت اصلا مو دكتور ماتفهم شيء ...

الدكتور يبي يتكلم لاكن ريم مو مخليته يحاول يبعدها ..

حمده وهي تبعد ريم عن الدكتور : ريم اهدي .. خلينا نعرف شيقول الدكتور ..

الدكتور بعد ماتركته ريم : انا ماؤلتش انها ماتت .. احنا عملنا اللي علينا والبائي على ربنا ..ادعولها . ( انا ماقلت انها ماتت احنا سوينا اللي علينا والباقي على ربنا ) ...

ومشى الدكتور عنهم ...الكل قام يدعي لها ...

نوره راحت لعند باب الغرفه اللي فيها عنود كان فيه نافذه زجاجيه صغيره طالعت العنود وهي مدد على السرير وملامحها مو باينه من الجروح والدم اللي كان على وجها كانو الممرضات حولها يمسحون الجروح ويحطون اكياس دم لها ...كانت تتكلم وكان العنود تسمعها ودموعها تنزل وحده ورى الثانيه ( اه يالعنود ليت الوجع بعروق قلبي ولا فيك ... ليته دعمني ولا جاك شيء ... وش تسوى الدنيا بعد فرقاك .. عنود انتي اكيد ماراح تخلينا .. والله اذا رجعتي بخير راح ادلعك ولا راح اتخانق معاك ابد ... عنود انتي تسمعيني صح ... عنود تذكرين لما غششتيني بامتحان العلوم بالمتوسط كنت مو مذاكره وجالسه اصيح ( وصارت تضحك وتصيح بنفس الوقت ) وبعدين انتي حاولتي تغششيني بالامتحان وانا اطالعك واصيح لما صادتك المدرسه وحرمتك من الامتحان .... جاتها حمده رمت نوره نفسها بحضن حمده وبكت بكي يقطع القلب ...وحمده بكت معاها

***********************************************

راشد بالسياره وهم متوجهين للبيت ..

راشد بعصبيه : من متى وبناتنا يدخلون مراكز الشرطه ..

ساره عارفه نفسها غلطانه : ا ..انا ..انا والله ..بس كنت ابي اشهد ..

راشد وبنفس العصبيه : هه و الله شيء غريب في احد يشهد ضد اخوه ... شوفي بنات الملجا ذول لاعاد اشوفك معهم والا والله مايحصلك خير ( قالها بتحذير ) ..

ساره : بس ذولا..

قاطعها راشد بعصبيه : وتراددين بعد لما اقولك شيء تقولين حاضر ..

ساره بخوف : حاضر ..

راشد : لا ابوي ولاحد من البيت ابيه يدري ..

ساره : حاضر ..

وصلو البيت .. ساره بسرعه دخلت وطلعت فوق لغرفتها ماتبي احد يشوفها ..

دخل راشد و حصل اهله في الصاله رمى نفسه على الكنبه بقوه ..

ابوراشد : عسى ماشر وش فيكم ..

راشد : مافينا شيء يبا ..

ابوراشد : اول مره تروح لاختك المدرسه ...السواق راح لها قالو له راحت مع اخوها ..

راشد بتصريف : ايه يبا انا اليوم خلصت شغل بدري فمريتها المدرسه ورحنا تغدينا مع بعض بس ..

ام راشد: عليكم بالعافيه ..

راشد وهو قائم : الله يعافيك .. انا بروح اريح صحوني قبل الاذان ..

ام راشد : انشاءالله ..

وراح راشد قبل لايفضح نفسه ..

ابوراشد : انا حاس فيه شيء ومخبينه علي..

ام راشد : مافيه الا العافيه انشاءالله بس انت لاتشيل هم ..

ابوراشد : انشاءالله ...

***********************************************

في الشرطه ....

ضغط الضابط السبيكر : ياعسكري دخل الشهود على الحادث وخذ راكان الحجز ...

العسكري : حاضر ...

جاء العسكري واخذ راكان وهم طالعين من الباب دخلو البنات اللي كانو شاهدين على الحادث وكانت من ضمنهم مشاعل ....مشاعل اول ماشافت راكان وقفت قدامه ورفعت صبعها السبابه في وجه راكان بتهديد : واللي خلق سابع سما اذا صار في العنود شيء لابكيك دم ..

راكان وخر يدها عنه بقرف وقال بغرور : مو انتي اللي تبكين راكان ولد ابو راشد ...انتي تعرفين من انا يا ..( وطالعها من فوق لتحت باحتقار ومشى عنها مع العسكري ) ...

مشاعل انقهرت منه وحلفت انها تنتقم منه طال الزمن والا قصر ....دخلو البناات وقالو كل تفاصيل الحادث بعدين مشاعل توجهت للمستشفى ..والبنات راحو لبيوتهم

************************************************

في المستشفى ...

البناات والمعلماات توجهو لبيوتهم ... مابقى الا مديره الدار استاذه حمده و ريم و نوره و مشاعل ... نقلو العنود الى غرفه خاصه ... كانو البناات جالسين في الغرفه يترقبون اي حركه ممكن تسويها العنود

**********************************************

قبل صلاه المغرب صحى راشد من النوم اخذ له شاور وجلس على الاب توب يكمل بعض اشغاله دق الجوال وبدون مايطالع رد عليه ..

راشد : الو ..

جاله صوت ماايع : الو ..

راشد لاعت كبده : مين معاي اختي ؟؟...

بمياعه اكثر : شدعوه راشد ماعرفتني ..

راشد بعصبيه خفيفه : بتقولين من انتي والا اسكر..

بدلع : انا فرح خطيبتك واللي انشاءالله راح اكون زوجتك ..

راشد ماعجبته حركاته : امري فرح بقيتي شيء ..

فرح : في احد يقول لخطيبته امري بقيتي شيء وهي داقه عليه .

راشد : والله فيه .. انا .. على العموم انا عطيت دلال وامي خبر مافي بينا مكالمات الا بعد الزواج .. دامك ماتبين شيء ... مع السلامه .

توها فرح بتتكلم الا جاها ...طوط ...طوط .. طوط ..

فرح بعصبيه : صدق مااعنده ذوق انسان شايف نفسه ... لاكن والله راح اجيب راسك ياراشد..( وابتسمت بثقه )..

***********************************************

راشد ضرب على راسه وكانه تذكر شيء : يوه .. نسيت موضوع راكان .. راح اتصل بالضابط واخذ عنوان المستشفى واروح اشوف البنت بنفسي ...

ترن ..ترن ..ترن جاله صوت الضابط ..

الضابط صالح : الو ..

راشد : السلام عليكم ..

الضابط صالح : وعليكم السلام ..مين معاي ؟؟..

راشد : انا راشد ال .. اخو راكان اللي عمل حادث قدام مدرسه البناات اليوم ..

الضابط صالح : ايه هلا استاذ راشد ..

راشد : حبيت اسالك وش صار على القضيه وشنو وضع البنت ..

الضابط صالح : لسه البنت حالتها مو مستقره ..مانقدر نسوي شي بالقضيه دام لحد الحين ماحددنا حالت البنت ..

راشد :طيب ممكن تعطيني عنوان المستشفى عشان اروح اطمن على البنت ..

الضابط صالح : اوكي .. سجل عندك مستشفى .......

راشد : شكراا ..مع السلامه ..

الضابط صالح : مع السلامه ..

************************************************** ***

ساره طول اليوم كانت جالسه في غرفتها وتدعي انا العنود تقوم بالسلامه ... اندق عليها باب الغرفه عرفته من دقت الباب : ادخل راشد ..

دخل راشد وشافها جالسه على السرير جلس جنبها : امممممممممم لحد الحين زعلانه علي ..

ساره بدون ماتكلمه : ماتفرق ..

راشد : شلون ماتفرق ( وفرص خدودها ) انتي تعرفين اللي سويته اليوم كله من خوفي عليكم ..وانتي بعد غلطتي مفروض من الاساس مارحتي.. مو كافي اللي سواه اخوج راكان ...

ساره وهي منزله راسها : انا اسفه ...

راشد بابتسامه خفيفه : قبلت اعتذارك .. والحين يلا البسي عشان نروح المستشفى نطمن على البنت .. تعرفين مايصير اروح بروحي وهناك كله بناات ..

ساره : اوكي ثواني واكون جاهزه ..

راشد وهو طالع : اوكي ..

انتهى البارت الثالث ..اتمنى يكون اعجبكم ..ولسه في احداث اكثر بالبارات القادم مايخلو من الحزن والفرح والكوميديا والاكشن وغيره ..

اسئله البارت ..

وش راح يصير لعنود ؟؟
مشاعل وش راح تسوي لراكان ؟؟
وراكان وش مصيره ؟؟
فرح لوين تبي توصل مع راشد ؟؟
وش علاقه عائله ابو راشد في بنات الدار

؟؟

البارت الرابع ...
بارت مليء بالاثاره والتشويق ..

ساره وهي منزله راسها : انا اسفه ...

راشد بابتسامه خفيفه : قبلت اعتذارك .. والحين يلا البسي عشان نروح المستشفى نطمن على البنت .. تعرفين مايصير اروح بروحي وهناك كله بناات ..

ساره : اوكي ثواني واكون جاهزه ..

راشد وهو طالع : اوكي ..

*********************************

بعد نص ساعه وصل راشد وساره المستشفى .. توجهوعند الاستقبال ..

راشد : السلام عليكم ...

الموظف : وعليكم السلام ..امر اخوي ..

راشد : حبيت اسال عن غرفه مريضه عندكم ..

الموظف ويطقطق على الكمبيوتر : عطني اسمها ..

راشد توهق لانه موعارف اسمها : اا .. مدري .. ..

ساره بلقافه : اسمها العنود عبدالله .. ( طبعا عبدالله اسم مستعار بس) ..

الموظف دور بالكمبيوتر بعدين طالع راشد: غرفه 212الدور الثالث ..

راشد : شكراا ..

دقائق وهم قدام الغرفه ..

راشد : اسمعي ادخلي انتي اول .. واذا حصلتي مديره الدار ناديها لي ..

ساره : طيب ..

دخلت ساره الغرفه كانت هدوء حصلت نوره جالسه جنب سرير العنود تقراء قران ودموعها على خدها خافت من رده فعل البنات بعد ماعرفو انا راكان اللي صدم العنود اخو ساره وقفت شوي تتامل شكل العنود كانت جسد بلا روح والاجهزه مركبه عليها من كل مكان شكلها يعور القلب ..نوره طول الوقت مانتبهت لها تنحنحت شوي ..

ساره : احمم ..ااا ..

لفت عليها نوره باستغراب : ساره ..

ساره بارتباك: اا .. ان .. انا جيت اتطمن على العنود ..

نوره مسحت دموعها و بابتسامه : حياك الله ..تعالي اجلسي ..

ساره باطمان جلست على الكرسي وعيونها على العنود : كيف حالتها الحين ..

نوره بحزن : زي ماهي ماتتحرك على الاجهزه وبس ...

ساره : الله يشفيها .. والله العنود ماتستاهل ..

نوره هزت راسها بمعنى ايه ..

**************************

عند راشد كان جالس على كرسي جنب باب الغرفه جات ريم ومشاعل اللي كانو رايحين يجيبون عشاء لهم اما حمده قالت لهم بتروح مشوار وبترجع ...

مشاعل اول ماشافت راشد جالس على الكرسي اشتعلت براكين الغضب داخلها ..اما ريم انبسطت انا ساره جايه لهم حست انها صديقه وفيه وخصوصا لما شافتها يوم الحادث كانت واقفه جنبهم ..

مشاعل وقفت قدام راشد وقالت بصوت عالي : لكم عين بعد جايين هنا ..

راشد وقف قبالها وكان اطول منها قال بهداؤه : ماله داعي ذا الكلام .. احنا جايين نطمن على البنت ونلملم الموضوع انا عارف انا اخوي غلطان ... انا راح انفذ اللي تبون واعطيكم اللي تطلبون بس نسكر على الموضوع ..

مشاعل بعصبيه : اجل الحقير ذاك طلع اخوك ..واللي يقولك الموضوع راح يكبر اكثر من كذا ومايبرد قلبي الا لما اشوف اخوك معلق في حبل المشنقه ...

راشد : لثاني مره اقول لك ماله داعي ذا الكلام .. انا جاي اصلح الامور مو اخربها ..

مشاعل بعصبيه اكثر : اي امور اللي جاي تصلحها والبنت بين الحياه والموت .. والا عادي عندكم تذبحون بناات الناس وتمشون ولاكان شيء صار ..

راشد باحتقار : بنات الناس ..

ريم طول الوقت تسمع كلامهم كانت بتدخل الغرفه لاكن انقهرت من وقاحته : ايه بناات ناس والا عندك اعتراض ..

راشد باستهزاء : لا ابد .. بس وينهم الناس ذول ودي اتناقش معهم احسن من اتكلم مع مبزره ..

ريم انقهرت اكثر منه : هي ..انت على شنو شايف نفسك ليش هالوقاحه ذي ..

راشد بغرور : لايكثر انتي وهي ..ابقى اكلم صاحبه الدار والا انتو مالي كلام معاكم ..

مشاعل : اذا تبي شيء تكلم معنا .. صاحبه الدار موهنا .. ولعلمك اختي اذا ماقامت صدقني اخوك راح يلحقها ..

راشد بعصبيه : ماشاءالله صرتو تسمون بعض خواات ولا تهددين بعد ..اقول انقلعي من وجهي وروحي نادي ساره ..

ريم : والله خساره ساره تكون اخت واحد مثلك..

راشد بعصبيه : انا كنت ابقى كل شيء ينتهي بالطيب لاكن شكلكم تحبون المشاكل .. بس الحين كلامي مو معاكم مع صاحبه الدار .. (وفتح غرفه العنود بقوه )..ساره يلا مشينا ..

ساره قامت بسرعه خافت من نبره صوته : طيب جايه ومشت بسرعه ..

طلعت ساره بسرعه وشافت ريم ومشاعل واقفين عند الباب وراشد باين عليه معصب ومشاعل وريم نفس الحاله مشت قدامه بسرعه خايفه يسفل فيها قدام البنات ... راشد عطى ريم ومشاعل نظره تهديد ومشى ورى ساره ...

ريم بقهر : صدق قليل ادب ويهدد بعد ..

مشاعل : ماعليك منه على باله كل الناس عبيد له وبيشتريهم بفلوسه ..

دخلو لغرفه العنود واول ماشافتهم نوره سالتهم شالسالفه ( ماتخلي اللقافه *_*) قالو لها وش صار ..

نوره : اوف ..صدق حقير ..

*********************************
في بيت ابو راشد كانت الساعه 8 بالليل
ام راشد وابو راشد كانو جالسين في الصاله .. ودق الجرس ..

ام راشد بصوت عالي : سنتياا ..يا سنتياا ..

سنتيا : نعم مداام ..

ام راشد : افتحي الباب ماتسمعين ..

راحت تفتح الباب ورجعت ..

ام راشد : مين عند الباب ..

سنتياا : هذا مدام يبقى مستر سعود ..( هذي حرمه تبقى استاذ سعود ) ..

ابو راشد باستغراب : حرمه تبغاني انا ..

سنتيا : يس سير ..

ابو راشد : اوكي دخليها المكتب جاي لها ..

راح ابو راشد المكتب .. ودخلت الحرمه عنده ..طلب محد يدخل عليهم ابد ..

ام راشد وهي تكلم نفسها ( مين ذي الحرمه ..غريبه .. يمكن تبي مساعده ..لا ماتوقع كان ابوراشد بيخليها تتكلم قدامي ..بس ليه قفلو عليهم المكتب ومايبي احد يدخل .. ليكون يخوني ) ... وراحت فيها الضنون بعيد ..

اما عند ابو راشد في المكتب ..

الحرمه : وهذي كل السالفه يابو راشد ...

ابو راشد بعصبيه : اوكي انا راح اتصرف ..لاكن قلت لك قبل كذا لاتجين البيت ابد ماابي احد يشك ..انتي تبين تجيبين لي المشاكل ..

الحرمه بخوف : كان لازم اجي لانك ماترد على الجوال .. ومن زماان ماجيتنا ..

ابو راشد : خلاص تقدرين تروحين وياويلك تقولين لاحد عن أي شيء او مين انتي .. واذا سال
تك ام راشد قولي لها انك جايه تطلبين صدقه ..

الحرمه : انشاءالله ...

وطلعو من المكتب وبسرعه الحرمه طلعت من القصر من دون لاحد يشوفها ابو راشد رجع لصاله وجلس على الكنبه ..

ام راشد بشك : من ذي يابو راشد ..

ابو راشد بارتباك : ها .. اا ..ايه وحده جايه تطلب صدقه واعطيتها وراحت خلاص ..

ام راشد مامر عليها الكلام لاكن حبت تمشيه بمزاجها ..واكيد راح تنبش وتعرف السالفه ..

***************************************

ساره وراشد وصلو البيت وهم داخلين من بوابه القصر شافوا الحرمه طالعه من القصر ..

راشد : يلا انزلي ..
ساره : و انت مو نازل ..
راشد : لا انا بروح لبيت خالي عند مشعل ..عطي امي خبر ..
ساره : طيب

نزلت من السياره وراشد مشى متوجه لبيت مشعل ..

***************************************

في مكاان اول مره نروح له فيه ابطال جداد على روايتنا في حاره شبه مهجوره مافيها الا كذا بيت ساكنين فيهم ناس اما الباقي مهجورين شوارعها مكسره وكلها حفر ومظلمه .. في احد البيوت الشعبيه يعيش فيه رجال وزوجته جالسين يتعشون الاكل كان عباره عن خبزه يابسه وروب هذا حالهم كل يوم ياكلون اللي ينوجد الحمدلله على كل حال .. حالتهم تصعب على الكافر ملابس قديمه ومشققه وجيه مشحبه وصفراء من الجوع والهم والمرض ...

ناصر اخذ كسره من الخبزه وغطها بالروب بابتسامه حطها بفم زوجته : جعله مداخيل العافيه ..

فاطمه بادلت زوجها الابتسامه : الله يعافيك .. اكل انت ماكلت شيء ..

ناصر : انا شبعان اليوم اكلت في البوفيه اللي في الشغل ( كان يكذب عشان زوجته تاكل وتشبع ) ..

فاطمه تعرف زوجها انه يكذب : بس الاكل مع زوجتك غير صح..

ناصر بغزل : انا اشهد انه غير ..
فاطمه بحياء : تسلم لي ..

***********************************

راشد كان جالس مع ولد خالها وصديق الطفوله اللي يعتبره اخوه وكاتم اسرار كل ماضاقت عليه الدنيا راح اشتكى له ..

راشد : اخ يامشعل .. مدري وش اسوي اخاف اعلم ابوي ويصير له شيء .. واخاف اسكت وراكان يروح فيها ... وذولاك كل وحده لسانها اطول من الثاني ...

مشعل حط يده على ظهر راشد: ياخوي انشاءالله شده وتزول .. وانا معاك لاتخاف ..

راشد من قلب : الله لايحرمني منك والله من دونك اضيع ..

مشعل بابتسامه : ولا منك .. عن اذنك بروح اجيب القهوه ..

فرح عرفت انا راشد عند مشعل راحت تكشخت وهي حاطه في بالها خطه لازم تنفضها وتجيب راس راشد .. كانت تراقب المجلس لما شافت اخوها مشعل طلع من المجلس .. بسرعه توجهت للمجلس دخلت على راشد كان معطيها ظهره ..كانت لابسه فستان احمر بدون اكمام وقصير فوق الركبه وضيق .. مسيحه شعرها وفالته وحاطه ميك اب خفيف وروج احمر صارخ وكعب احمر جلست وراء راشد وسكرت عيونه ...

راشد بضحكه : اووه .. مشعل شهالحركات .. ههههههههه..

فرح ساكته ... تسمع كلامه ..

راشد : مسك يد فرح ولمسها : يدك صايره صغيره وناعمه ..

فرح شالت يدها ووقفت قدام راشد .. راشد اول ماشافها انصدم على وقاحتها ..

راشد : انتي وش مجيبك هنا ..
فرح بدلع وهي تلعب بشعرها : شرايك بالمفاجاءه ..

راشد لايعه كبده : بايخه ..

فرح قربت منه : شدعوه رورو .. كل هذا ثقل .. والا تتغلا علي ..

راشد لف عنها : فرح لو سمحتي طلعي برا لايجي اخوك يشوفك هنا ..

فرح مشت ووقفت قدامه قالت بدلع : اول مره اعرف انا اسمي حلو ...تكفى عيده ..

راشد بعصبيه : فرح ياريت تطلعين برا .. صدقيني اذا ماطلعتي كل شيء راح ينتهي بينا ...

فرح خافت من كلامه : اوكي بطلع .. اهم شيء كحلت عيونك بشوفتك .. يلا تشااو ( قالتها بدلع ) ..

راشد طول الوقت كان منزل عيونه ويحاول يلف عنها لما طلعت من المجلس .. قال في نفسه : (انا شبليت نفسي فيه .. والله لو مو امي كاان .. والا انا اخذ هالاشكال ) ..

راشد كان يفكر بتصرفات و وقاحه فرح وحاس انه ورط نفسه معاها عشان يرضي اهله ... دخل مشعل وجلس جنب راشد ..

مشعل بعصبيه خفيفه : الصراحه ماتوقعتها منك ياراشد .. يعني لهدرجه مو معتبرني اخوك ..

راشد بارتباك وخوف من انه يخسر مشعل : اا .. مشعل والله اسف .. ماكان قصدي .. هي اللي جات .. وانا والله مالمستها ولاشفتها حتى ..

مشعل بضحكه : ههههههههه شفيك انت اليوم ؟؟ ..

راشد بفهاوه : موانت تقول ماتوقعتها منك ..

مشعل : انا اقول ماتوقعتها منك تجي بيتنا ولا تمد يدك على الاكل ..

راشد بارتياح : ايه كنت انتظرك عشان ناكل سواا ..

مشعل : يلا اجل تفضل تراني جوعان مووت ..

*****************************************

فرح راحت لغرفتها ودقت على دلال وقالت لها السالفه ...

دلال : حللفي !! ..

فرح : والله ههههههه ..

دلال : حبيبتي هالحركاات ماتمشي مع راشد اخوي .. يمكن هالحركه تخليه يشيلك من باله مره وحده..

فرح بخوف : لا تقولينها ..

دلال : كيفك انا قلت لك ..اخوي راشد يحب الثقل والرزانه مايحب البناات الخفيفات .. هالحركات ماتمشي الا مع اخوياك فهمتي حطي ذا الكلام في بالك ..

فرح بتفكير : اجل من يوم ورايح راح اكون شخصيه ثانيه .. مستعده اسوي كل شيء بس يطالع فيني .. بس اليوم صدق اخوك يهببل ..

دلال : اخوي دايم حلو ماتشوفين بنات العائله خاقين معاه ...

**************************************

راشد طلع من بيت مشعل وراح الشرطه يشوف شصار في قضيه اخوه راكان قاله الضابط القضيه لحد الحين نفس ماهي مافي جديد لان البنت حالتها مو مستقره لحد الحين .. وبعدها راح البيت ينام لانه عنده دوام بكره ..

*********************************

في المستشفى حمده والبناات ماتحركو من عند العنود يراقبونها يتمنوم انها تسوي أي حركه ويرجع الامل لهم انها تصحى وتكون بخير ..
ريم : ماما حمده انا بكره مو رايحه المدرسه ..

حمده : لا .. لازم تروحين مايصير ..

نوره : انا بعد مو رايحه بقعد عند العنود ماراح اخليها ..

حمده : بس لو العنود صاحيه .. ماكان راح تخليكم تغيبون عن المدرسه ..

مشاعل : انا اقترح ثنتين منا يروحون ... وحده تبقى كل يوم كذا وماما حمده ترجع الدارعشان البناات ..

ريم : انا موافقه انا اول وحده بقعد عندها مو مداومه بكره ..

حمده : ياسلام خططتو على كيفكم ..وانا مالي راي ..
نوره : لاتحاولين احنا قررنا خلاص ..وانا اللي بعده ..

حمده : اخ منكم بس .. اجل انا بروح مع مشاعل نجيب ملابس لكم .. يلا تعالي مشاعل .. وانتبهو لنفسكم ..

مشاعل : اوكي يلا ..

طلعو مشاعل و حمده لدار يجيبون الاغراض وبقت ريم و نوره ..

*****************************************

طلعو من المستشفى وركبو تكسي متوجهين لدار ..

وهم في الطريق .. رجعت حمده بذاكرتها لقبل 17 سنه .. لما دخلت عليها الموظفه بنت كانو حاطينها عند الباب اكيد ذكرتوها ..

................( الموظفه : ماتدرين ياستاذه عن ظروف اهلها وايش اللي خلاهم يجيبونها هنا ..

حمده وهي تكتب بيانات الطفله : مافي اي ظرف يبرر ترك الام لعيالها ....( وبتغيير للموضوع ) خذي هالاوراق وحطيها مع الملفاات في المستودع ...

راحت الموظفه للمستودع حمده وهي تتامل البنت فكت اللفه لاكن انصدمت لما شافت ورقه في لفه البنت فتحتها لقتها رساله مكتوب فيها ..

الرساله :..

بنتي امانه عندك ياللي فتحت الرساله الظروف هي اللي خلتني اتركها هنا انا متاكده انها راح تون بايدي امينه سميها (....).. وانا راح اقولك منهو ابو بنتي عشان لو يوم من الايام سال عنها وحن عليها يكون يعرف بنته مين .................................... الخ)

انتهى البارت اتمنى يكون عجبكم و انشاءالله البارتات القادمه راح تكون احلى ..

اسئله البارت :

مين الحرمه اللي جات لبيت ابو راشد ؟؟
وابطالنا الجدد في الروايه مين هم وايش قصتهم ؟؟
فرح وراشد لوين راح تكون علاقتهم ؟؟
دلال هل راح يكون لها دور اكثر في البارت القادم ؟؟
راكان بيطلع من التوقيف والا لا ؟؟
العنود راح تتعافى والا بتسوى حالتها اكثر ؟؟
وسؤالنا اللي دايم نطرحه :
مين من من البنات الاربع هي البطله ؟؟

كل هذا واكثر في البارت القادم ...تابعوني

..

البارت الخامس ....

طلعو من المستشفى حمده و مشاعل وركبو التكسي متوجهين لدار ..

وهم في الطريق .. سنتدت حمده راسها على الدريشه ورجعت بذاكرتها لقبل 17 سنه .. لما دخلت عليها الموظفه ومعاها بنت صغيره ملفوفه بقماش اكيد ذكرتوها ..

................( الموظفه : ماتدرين ياستاذه عن ظروف اهلها وايش اللي خلاهم يجيبونها هنا ..

حمده وهي تكتب بيانات الطفله : مافي اي ظرف يبرر ترك الام لعيالها ....( وبتغيير للموضوع ) خذي هالاوراق وحطيها مع الملفاات في المستودع ...

راحت الموظفه للمستودع حمده وهي تتامل البنت فكت اللفه لاكن انصدمت لما شافت ورقه في لفه البنت فتحتها لقتها رساله مكتوب فيها ..

الرساله :..

بنتي امانه عندك ياللي فتحت الرساله الظروف هي اللي خلتني اتركها هنا انا متاكده انها راح تكون بايدي امينه سميها (....).. وانا راح اقولك منهو ابو بنتي عشان لو يوم من الايام سال عنها وحن عليها يكون يعرف بنته مين .................................... الخ)

مشاعل تتهز حمده من كتفها : ماما ... ماما حمده .. ماما ..

حمده تو تنتبه انا احد يكلمها : ها .. وش فيك ؟..

مشاعل باستغراب : ماما ..انتي اللي وش فيك وصلنا ( واشرت لها على الدار ) ..والتاكسي يبقى الحساب ..

حمده باستوعااب : ايه اسفه سرحت شوي .. ( طلعت فلوس من الشنطه عطتها التاكسي ونزلو )

خذو الاغراض ودوها المستشفى للبناات ... البناات نامو عند العنود اما حمده ماتقدر تجلس لان الدار مسؤليتها ..
بعد ماوصتهم ونبهتهم على نفسهم .. رجعت لدار ..

************************************************** *

يوم جديد يطل على ابطال روايتي .. في الصباح الجو جداا حار مع رطوبه .. مو غريب هذا جو الدمام ..

صحو البناات مبكر لبسو ملابس المدرسه ( المريول ) وفطرو واتجهو للمدرسه اما ريم زي ماتفقو ضلت عند العنود
وحمده كانت بالدار.. لان الدار ماراح يمشي بدونها ..

في الدرسه نزلو البنات من الباص نوره ومشاعل هذي اول مره يداومون بالمدرسه من دون ريم ولا العنود ..كانو دائما يضحكون على العنود انها ماتغيب عن المدرسه حتى لو كانت مريضه لاكن هالمره غير هي جسد بلا روح كيف تداوم .. حسو انا في شيء ناقصهم دخلو المدرسه و كلهم امل انهم لما يرجعون من المدرسه يحصلون عنود صحت وتكون بخير و ترجع حياتهم زي اول ...

*********************************************

في بيت ابو راشد كالعاده الكل كان على طاوله الطعام ماعدا شخص واحد اللي لحد الحين محد فقده وهو غائب عن البيت
ابو راشد من امس وهو مو على بعضه من يوم جته الحرمه.. وام راشد ذابحها الفضول وبنفس الوقت كانت تحس انا زوجها يخونها ...وراشد كان شايل هم اخوه اللي مايدري كيف يخبر ابوه بالسالفه لحد الحين.. ساره ماكانت احسن من راشد تفكر باخوها وبصديقاتها اللي تو تعرفت عليهم وحستهم خواتها .. و دلال مبسوطه لانها تعرفت على واحد جديد من الشباب وكان غني ومريش وحلو لانه وراها صورته .. طبعا كان عن طريق الفيس بوك.. الهدوء كان يعم المكان ...باختصار نقدر نقول كلن بهمه سرا ..
طاوله الطعام زي كل يوم عليها عشراات من اصنااف الاكل من مالذ وطاب ...

ابو راشد : اسمعو ياعيال .. ( الكل لف على ابوراشد ) عمكم راشد اتصل علي وقال انه بكره بيرجع الديره ..

الكل استغرب عمهم راشد له 25 سنه عايش بالخارج عمرهم ماشافوه بس كانو يسمعون عنه من كلام ابوهم ..

راشد باستغراب : عمي راشد !!

ابو راشد: ايه عمك راشد .. قرر انه راح يرجع ويستقر هنا ..

ام راشد : وش الطاري وش اللي غير رايه ..

ابو راشد وهو قائم : مدري عنه ..المهم يام راشد ابي كل شيء يكون جاهز وجهزو لهم الجناح اللي فوق ترا هو بيجي مع عياله و زوجته واذا احتجتي شيء قولي للخدم يروحون مع السواق ويجيبون لك اللي تبين ...

ام راشد و علامه استفهام فوق راسها: انشاءالله ..

وكمل كلامه : يلا انا طالع الشركه .. ( التفت لراشد ) ..راشد لا تنسى ترسل لي اوراق الصفقه ..

راشد : حاضر يبا ..

طلع ابو راشد وترك الكل في حيره .. عمهم بعد 25 سنه قرر يرجع السعوديه عمرهم ماشافوه و لاشافو عيال عمهم حتى مايدرون كم عنده عيال ..ليه و كيف و متى وشلون ..كل هالاسئله دارت في بالهم ..بعد ماخلصو راشد راح للشركه وساره للمدرسه ودلال للكليه ..

اعرفكم على بيت ابو راشد ..

ابو راشد ( سعود ) : عمره 56 اكبر اخوانه عنده ثنين اخوان واحد توفى والثاني طول عمره عايش بره تزوج وجاب عيال وهو بالخارج .. مثال للاب الحنون والديمقراطي على عياله مايقصر عليهم بشيء لو يطلبون عيونه ..قليل مايعصب لاكن اذا عصب محد يغير كلامه ولايناقشه ...عنده حلال ومال كثيير .. مايعتمد على احد في شغله الا ولده راشد ))..

ام راشد ( مزنه ) : عمرها 46سنه .. انسانه مثقفه واعيه.. تحب الكشخه والرزه والتفشخر .. ودائم تشوف نفسها على صاحباتها بزوجها وعيالها .. طيبه مع عيالها لاكن ماتهتم فيهم كثيير ))..

راشد : 25 سنه ... يدير شركات ابوه وعنده شهاده اداره اعمال .. الكل يحترمه من المؤظفين ورجال الاعمال واصحاب ابوه لانه شاب محترم وذكي ويعرف يدير الامور.. رجال بمعنى الكلمه لاكن عيبه ساعات يكون شوي مغرور.. شاب وسيم طول وعرض شعره ناعم اسود كثيرلحد اذنه .. ورموشه الكثيفه لون عيونه كانت سوداء لاكن فيها لمعه حلوه .. ملامحه البدويه طاغيه عليه حلو لاكن بملامح الرجل الشرقي .. ابوه يعني له كل شيء مايحب يزعله ابداا )) ..

راكان ( 23 سنه .. شاب طايش وصايع مايهتم في اي شيء بالحياه عنده مصلحته وناسته نمبر ون .. اربع وعشرين ساعه بره البيت .. دراسته الجامعيه ماكملها يقول ( انا راكان ولد سعود ال .. ادرس وابوي عنده فلوس تغطي عين الشمس ) .. عصبي .. مايحب احد يتحكم فيه .. يغار من اخوه راشد لانه ابوه مسلمه كل شيء .. شكله حلو ضعيف لاكن عنده عضلاته بسيطه .. لون عيونه سوداء شعره اسود وناعم لاكن دائم يحلقه على الصفر ( اصلع ))..

دلال ( عمرها 21 سنه ..سنه ثالثه بالكليه .. هوايتها في الحيااه تشبيك الشباب ..
ملامحها حلوه وناعمه تحب تهتهم بشكلها ولبسها كثير .. كلمه توديها وتجيبها يعني ينفص عليها بالكلام .. ساعات تكون لعبه عند فرح اللي تعتبرها صديقتها الوحيده .. دائما في غرفتها نادر ماتجتمع مع اهلها الا في وجبات الاكل )) ..

ساره : (( 17 سنه ..ثالث ثانوي علمي .. بنت مدلـلـه بس عاقله ودلوعه ونااااااااعمه بكل شي مشيتها تصرفاتها وحتى ضحكتها وكلامها وكل شيء .. تحب الناس البسيطين وتكوين الصداقات اجتماعيه ... حلوه قصيره وضعيفه شعرها لحد نص ظهرها لونه بني فاتح )) ..

************************************************** ***

راشد طلع من البيت وتوجه للدار بعد ماخذ عنوانه من المستشفى عشان يكلم مديره الدار و يحاول يقنعهم يتنازلون عن القضيه و يتخفف الحكم عن اخوه راكان او يطلعونه .. اول ماوصل الدار كان متوقع شكله غير يعني مبنى حكومي لاكن تفاجاء انه كان بيت عاادي .. وصل عند الباب ودق الجرس ..

تررن .. تررن ..

فتحت له المؤظفه الباب ..

راشد نزل عيونه : السلام عليكم ..

المؤظفه : وعليكم السلام ..

راشد : استاذه حمده هنا ..

المؤظفه : ايواا هنا ..

راشد : اقدر اشوفها ..

الموظفه : مين اقول لها ..

راشد : انا جايه لها لشغله .. انتي قولي لها في واحد يبي يقابلك ضروري ..

المؤظفه : طيب لحظه شوي ..

دخلت داخل..وهو كان واقف على الباب.. بعد دقائق رجعت له وفتحت له الباب ..

المؤظفه : تفضل .. هي تنتظرك داخل ..

راشد : شكراا ..

دخل عند حمده في المكتب ..

راشد : السلام عليكم ..

حمده : وعليكم السلام .. تفضل استريح ..

راشد : شكراا .. ( جلس على الكرسي وتكلم بسرعه ) .. انا الصراحه مو عارف كيف ابتدي ..انا جاي لك بخصوص الحادث اللي تعرضت له بنت عندكم في الدار ..

حمده : اهاا .. لاكن انت مين ماعرفتني بنفسك ..

راشد : انا راشد سعود ال ... اخو راكان اللي صدم البنت ..

حمده والصدمه على وجها : انتوعيال سعود ال ...

راشد ماخفى عليه صدمتها : ايه احنا عياله .. انتي تعرفين الوالد ..

حمده تتهرب : لالا.. انا ماعرفه بس اسمع اسمه دائم .. ماشاءالله ابوك تاجر معروف بالبلد ..

راشد نفخ ريشه شوي : زين انك تعرفين الوالد كذا سهلتي علي الكلام اللي بقوله .. انا جاي اعرض عليك عرض ..

حمده بخوف : اللي هو ؟؟ ..

راشد : انا شفت مبني الدار وانا داخل والصراحه حسيته صغير عليكم ومافيه اماكن ترفيه .. فعشان كذا انا مستعد اعطيكم مبلغ كمساعده لدار .. بس بشرط تتنازلون عن القضيه وكان شيء ماصار ..

حمده : ماله داعي ..خلاص صاحب الدار صار عنده خبر و بيحل المساله وانشاءالله اخوك بيطلع ..

راشد باستغراب اكثر : ليه الدار مو للحكومه ..

حمده : لا.. هذا لشخص متبرع فيه ..

راشد : طيب دام كذا.. اجل انا استاذن ..

حمده : اوكي مع السلامه ..

طلع راشد واخيراا انحلت مشكله اخوه لازم يطلع قبل لابوه يعرف والا بتصير مشكله طويله عريضه ...

***********************************************

في المستشفى ريم جالسه تطالع التلفزيون ومندمجه مع برناامج على ال mbc فجاء سمعت صووت ..

العنود بتمتمه : امم .. امممم ..

قامت ريم بسرعه لما شافت العنود تتحرك : عنود.. عنود تسمعيني ..

العنود تلف وجها على الجهتين : بنااات .. وينكم .. انا وين ..

ريم ماسكه يد العنود بفرحه : عنود انا هنا طالعي فيني .. انا هنا .. ( ورفعت يدها فوق ) ..الحمدلله يارب ..

عنود : احنا وين ؟؟..

ريم : بالمستشفى ..

عنود : مستشفى ليه ؟؟ ..

ريم : ايه انتي تعرضتي لحادث ونقلوك للمستشفى .. ماتذكرين شيء ..

العنود تحاول تتذكر وماسكه راسها : مدري كل اللي اذكره .. ايه صح انا كنت بروح للباص وانتو ناديتوني بعدين معرف وش صار ..

ريم : ايه كنا ناديك تبعدي عن السياره ..

العنود بالم : طيب ولعي النور ليه مطفينه ..

ريم بصدمه : النور مفتوح شفيك العنود .. فتحي عيونك ..

العنود : انا مفتحهه عيوني ماشوف شيء.. ليه مطفي الانورا ريم ..

ريم بخوف : عنود انتي ماتشوفين ؟؟..

العنود تو تحس انها ماتشوف : لا .. انا ماشوف شيء ..( بصراخ وهي حطه يده على وجها) .. ريم مااشوف .. ماشوف شيء ... انا صرت عمياء ..لااااااااااااااا ...

ريم تهديها : عنود استهدي بالله الحمدلله انا قمتي بالسلامه .. يمكن لانك تو صحيتي ماتشوفين ..

العنود بصوت عالي ودموعها تنزل على خدها : ريم انتي شقاعده تقولين اقولك مااشوف .. تعرفين يعني شنو مااشوف يعني حلمي ضاع امالي ضاعت ..

ريم بحزن : لاتقولين كذا .. انا بروح انادي الدكتور ..

دقائق والدكتور كان عند العنود اللي ماوقفت بكي .. وريم من جهه ثانيه تصيح بصمت عشان عنود ماتسمعها ..
الدكتور فحص عيون عنود وحط نور على عيونها وسالها كذا سؤال وطلع ..

العنود : ريم وينك فيه ؟؟ ..

ريم وهي تمسك يد عنود: انا هنا ..

العنود بخوف : تكفين لاتتركيني ..

ريم لاتخافين ماراح اتركك ..

*********************************************
في بيت ابو راشد كانت التجهيزات شغاله لوصول عمهم راشد بكره.. الخدم ابتدو تنظيف الجناح الخاص بالضيوف وحضرو الطاولات والكراسي للحفل اللي راح يسويها ابو راشد لاخوه ... وام راشد اتصلت منظمين الحفلات وحجزت البوفيه و الدي جي و اتصلت ب صديقاتها وجماعتهم واقاربهم وعزمتهم ..الكل كان مستغرب من جيت راشد بعد هذي السنين الطويله لاكن ام راشد ماكان عندها جوااب لهم ..

ام راشد وهي تكلم ام مشعل ..

ام راشد : عاد ماوصيك يام مشعل لازم تجون وجيبي فرح معاك ..

ام مشعل بنفاق : ولو احنا اهل وفرحكم فرحنا اكيد بنجي نشاركم الفرحه ..

ام راشد : الله يسلمك .. يلا اجل اخليك بروح اكمل التجهيزاات ..فمان الله ..

ام مشعل : فمان الكريم ..

سكرت ام مشعل من ام راشد ..بنزول فرح على الدرج جلست جنب امها ..

فرح : ها .. ماما .. وش عندها ام راشد ..
ام مشعل وموعاجبها الموضوع : عازمتنا على حفل جيت عم عيالها من السفر ..
فرح باستغراب : ليه هم عندهم عم غير اللي توفى ؟ ..
ام مشعل : ايه عندهم كان عايش هناك وتزوج وعنده عيال ..
فرح بخووف من اللي فباله يكون صح : وعياله كبار ..
ام مشعل : والله اتوقع كذا ..
فرح : لايااربي هذا وقته ..
ام مشعل : وليه وش فيك ..
فرح : تعرفين لو عند عمهم بنت كبيره اكيد راح يزوجونها راشد لانها اولى .. يعني كل شيء راح يخترب علي ..
ام مشعل بتفكير : ايه والله و انتي الصادقه .. بيخرب كل شيء .. بس ماظنتي ابو راشد يخلف بوعده لابوك ..
فرح بقهر : اووف .. ( وراحت لغرفتها معصبه واتصلت على دلال عشان تسالها عن موضوع عمهم اللي مدري من وين طلع لها .. لقت الخط مشغول عصبت اكثر .. لان اليوم ماعليها محاضرات وماراحت الكليه ) ..

************************************************** *******

عند دلال كانت جالسه بالكافتيريا تكلم خويها اللي توها متعرفه عليه بالفيس بوك .. وصديقاتها جالسين حولها ..

دلال بدلع :يعني بكره راح تنور الشرقيه ..

..... : اكيد بتنور مو انا راح اكون فيها ..

دلال بضحكه مايعه : ههههههههه ياواثق انت ..

.... : فديت هالضحكه .. بس ها لازم اشوفك مو جيتي تروح بلاش ..

دلال : اوكي راح اشوف معنا ماتوقع لان عندنا بكره عزيمه ..عمي بعد جاي من السفر ..

..... : اووه خساره ..

دلال : الجايات اكثر ...

.... : على قولتك ...

وكملو كلامهم على هذا المنوال دلال بدلع والشاب يتغزل فيها ..
************************************************** ******

في المدرسه بعد الحصه الثالثه دق الجرس معلن بدايه الفسحه تجمعو البنات في مكانهم المعتاد تحت الدرج ..

ساره بحزن : تصدقون اليوم مو حلو بدون ريم ..

نوره : وانتي صادقه حتى بدون العنود الله يقومها بالسلامه ..

مشاعل و ساره : اميييييين ..

ساره : بناات بكره عاملين بارتي بمناسبه قدوم عمي من السفر .. بليز تعالو..

مشاعل : اولا مانقدر نجي لان العنود تعبانه ولازم نجلس عندها .. وثاني شيء وهو الاهم شورنا مو بيدنا كل ماحبينا طلعنا من الدار ..

ساره : حاولو تجون بلييز والله صرت اعتبركم صديقاتي المقربات ..واتمنى تجوون ..

نوره : تسلمين والله .. انا بقول لماما حمده ونشوف ..

ساره : اوكي اجل خذو رقمي ********** ..

مشاعل سجلت الرقم بيدها بعدين قالت : قومو خل نشتري اكل ونرجع ..

ساره ونوره : يلا ..

************************************************** **

في الشركه عند ابو راشد كان نازل من الاصنصير بيطلع من الشركه لاكن وقف لما شاف الفراش ناصر عند الباب ..

ابو راشد بابتسامه : هلا والله بناصر ..

ناصر : هلا فيك عمي سعود ..

ابو راشد : شقلنا كلمه عمي ذي ماابي اسمعها .. قولي ابو راشد كاافي ..

ناصر باحراج : انشاءالله ابو راشد ..

ابو راشد : بكره عندنا عزيمه اخوي راجع من السفر .. واحنا عزمنا كل اللي يعزون علينا .. واكيد انت منهم .. عمر وانت معانا في الشركه وصرت منا وفينا ..

ناصر : تسلم يابو راشد.. بس انا ..

قاطعه ابو راشد بامر : لابس ولا شيء تعال انت وزوجتك وعيالك ..حياكم الله ..

ومشى عنه وخلاااه ناصر وجعته كلمت عيالك تمنى لو من جد كان عنده عيال بس الظروف كانت اكبرمنه ..

**************************************************

خلص دوام المدرسه ركبو البنات الباص متوجهين للمستشفى.. بعد ربع ساعه وصلو المستشفى وطلعو الدور الثالث غرفه رقم 212 دخلت نوره بسررعه : ريووووو ... ( لاكن اسكتت لما شافت العنود جالسه ) ..

مشاعل دخلت ونفس نوره انصدمت وبنفس الوقت فررحت لما شافت عنود صاحيه : عنود صحيتي ..
(وركضت لها وضمتها باقوى ماعندها ) ..

نوره من الفرحه قاممت تناقز بالغرفه وتصاررخ : عنود .. عنود .. عنود ..

ريم تضحك على هبال نوره وتوخر مشاعل عن عنود : ههههههه ..هيء مشاعل فعصتيها خلاص ..

مشاعل وهي تبوس العنود بقووه : مالك دخل بعدي ..

العنود فرحانه لان خواتها مبسوطين لانها صحت : ههههههههههههه مشاعل ب .. بعدي هههههههه ..

كانت الفرحه ماليه وجيهم لاكن ماكتملت الفرحه لما عرفو انا عنود ماتشوف لان الدكتور قال لريم احتمال انها ترجع تشوف بنسبه 15 % .. لاكن بالنسبه لهم اهم شيء انها عائشه .. دقت نوره على الدار وخبرت حمده .. فرحت كثير لما سمعت الخبر ..وبناات الدار بعد كانو فرحانين وفاقدين اختهم العنود ..

************************************************** ***
في بيت ناصر ..

ناصر : لازم نروح يافاطمه .. مايصير ازعل ابو راشد جمايله مغرقتني ..

فاطمه : لاكن انت تعرف الحال كيف نروح لهم وهذا حالنا ..

ناصر : صدق انا راتبي 1200 ريال لاكن الحمدلله عايشين وماذلينا عمرنا لاحد والفقر مو عيب .. واذا على الملابس ابو راشد عارف الحال وهو اصر علي بنفسه ..

فاطمه باقتناع : دامك مصمم براحتك ..

ناصر : ايه مصمم علشان ابو راشد ..

قطع كلامه لما انطق باب البيت... راح ناصر يفتح الباب لاكن انصدم من اللي شافه معقوله ..

الى هنا انتهى البارت البارت الخامس ... اتمنى يكون عجبكم والبارتات القادمه راح تكون احلى واحلى ..

اسئله البارت الخامس ..

راشد اخو سعود ليه رجع بعد هذي السنين السعوديه ؟؟
وش راح يصير بالحفله ؟؟
العنود بترضى بوضعها وبترجع تشوف والا لا ؟؟
ناصر شنو شاف عند باب البيت ؟؟
بناات الدار بيحظرون الحفله والا لا ؟؟
والسؤال اللي دائم اكرره : ..
مين من بناات الدار بطلتنا

؟؟

البارت السادس
بارت طويل لعيونكم ...^^

في بيت ناصر ..

ناصر : لازم نروح يافاطمه .. مايصير ازعل ابو راشد جمايله مغرقتني ..

فاطمه : لاكن انت تعرف الحال كيف نروح لهم وهذا حالنا ..

ناصر : صدق انا راتبي 1200 ريال لاكن الحمدلله عايشين وماذلينا عمرنا لاحد والفقر مو عيب .. واذا على الملابس ابو راشد عارف الحال وهو اصر علي بنفسه ..

فاطمه باقتناع : دامك مصمم براحتك ..

ناصر : ايه مصمم علشان ابو راشد ..

قطع كلامه لما انطق باب البيت... راح ناصر يفتح الباب لاكن انصدم من اللي شافه معقوله ..

ناصر بصدمه : مو مصدق حمده ..

حمده بمزح : بتخليني واقفه عند الباب والا كيف ترا حر ؟؟

ناصر باحرج : معليش .. تفضلي حياك الله ..

حمده وهي داخله : دام فضلك ...

فاطمه لما شافت ناصر تاخر عند الباب راحت تشوف مين ... لاكن انصدمت لما شافت حمده داخله عند الباب ..

حمده ابتسمت اول ماشافت فاطمه وراحت بسرعه وضمتها : اشتقت لك موووت يالغاليه ..

فاطمه بادلتها المحبه : وانتي اكثر ياحمده ..

بعد ربع ساعه من التعبير عن الشوق والبكي والسلام .. ناصر طلع من البيت وخلاهم ياخذون راحتهم ..

فاطمه بزعل : وينك يالقاطعه ماتزورينا ولا تسالين حتى ...

حمده : والله ادري اني مقصره يابنت الخاله لاكن تعرفين الدار ماخذ كل وقتي..ومسؤليه البناات والشغل مايخلص ..

فاطمه : اي والله العمر يخلص والشغل مايخلص .. انتي كنتي تكلميني لاكن انقطعتي فجاءه ..

حمده بتعب وتحط يدها على راسها : البناات مو ملحقه عليهم كل وحده ومشاكلها و طلباتها واللي اوديها المستشفى وغيره.. لاكن مع كذا احسهم بناتي مني وفيني ..

فاطمه بنظراات حزن والم : وهي بخير ؟؟...

حمده وعرفت المقصوده بالسوال قالت بابتسامه : الحمدلله بخير .. ( وقالت تبي تضحك فاطمه ) بس لسانها طويل مو عارفه على مين .. انتي و ناصر هاديين ماخبركم كذا هههههههههههههه ..

فاطمه ضحكت بالم : هههههههه يمكن عليك ...يوم صغيره كنتي ملسونه ..

حمده : ههههههههههههههههههههههه صادقه ...

************************************************** ****************************************

في بيت ابو راشد التحضيراات كانت على اكمل وجهه وكل شيء جاهز مابقى الا وصول العم راشد لسعوديه .. العائله كانت مجتمعه بالصاله ماعدا راكان اللي كالعاده مو فالبيت ولا احد فقده ..

ابو راشد : ها يامزنه جهزتو كل شيء تراا راشد ماعنده خبر عن العزيمه ...

ام راشد : كل شيء جاهز .. الا تعال متى وصول طيارتهم ...

ابو راشد : هو قال على الساعه 9 الصباح يكونون هنا ..

راشد بفضول: يبا عنده عيال ..

ابو راشد : ايه عنده ثلاثه .. ولدين وبنت ...

راشد بفرح : من جدك يبا ... انت شفتهم ..

ابو راشد : لا انا عمري ماشتفهم كل اللي بيني وبين عمك مجرد مكالمات ..

ساره بفرح تصفق بيدها : الله ونااسه يعني واخيرا تحقق حلمي وراح يكون عندي بنت عم ...

ابو راشد بابتسامه : لا وبعد راح تعيش معاك على طول ..

ام راشد بنرفزه : راح يعيشون هنا !! ...

ابو راشد باصرار : ايه راح يعيشون هنا .. عندك اي اعتراض ..

ام راشد لوت بوزها على جنب مو عاجبها : لا ماعندي اعتراض ...

راشد : يبا طيب كم اعمارهم ..

ابو راشد : وش فيك على الاسئله ياراشد ..

راشد : اسال عن عيال عمي مو من حقي ..

ابو راشد : الا عيال عمك ومن حقك .. بس انا مدري عن اعمارهم .. بس هم ماشاءالله كباار ..

قطع كلامهم لما دق جوال دلال شافت الرقم وكان نفس الشخص اللي يكلمها : عن اذنكم بروح اريح بغرفتي ...

ابو راشد : وين يابنيتي جلسي معنا ..

دلال بتصريف: تعبانه شوي وبروح ارييح ..

ابوراشد : طيب براحتك ..

طلعت دلال على غرفتهاعشان تكلم براحتها الشخص اللي اخذ قلبها ..

ابو راشد بانبساط واضح عليه : راشد يبا عزمتك ربعك ..

راشد مستغرب من فرح ابوه : لا يبا ..

ابو راشد : ليه اعزمهم ابي الكل يعرف انا عمك رجع الديره ..

راشد : انشاءالله يبا بعزمهم ...

ساره تناقز بالصاله : فرحاانه يبا فرحانه واخيرا بشوف عمي وعيال عمي ونااسه ..

ام راشد تتحلطم بصوت واطي : مدري شنو يفرح بالموضوع ..

************************************************** ************************************************

عند البنات في المستشفى كانو متجمعين على سرير العنود ...اللي منسدحه جنبها واللي عند رجلها واللي جالسه على جنب وحاطين فلم رومنسي على mbc 2 وكل وحده ماسكه شيبس وبيبسي ...

مشاعل كانت منسدحه جنب العنود وكل شوي تاكل العنود شيبس : يلعن خيره خقه ..

نوره بحمااس : ايه والله صادقه ميشوو .. يهبببببببل ....

ريم بعدم مباله : مو ذاك الزود ..

العنود كانت تسمع بس جاها فضول تشوف شكله : كيف شكله اوصفوه لي ..

ريم : عادي مو حلو كثير شعره طويل وجسمه عريض معضل شوي ...

مشاعل مبققه عيونه : يالظالمه كل هالجمال ومو حلو ..

نوره تكش على ريم : ماتعرفبن توصفين ..( ورجعت تكلم العنود ) .. عنود ...شفتي ذاك اخو ساره صديقه ريم اللي قابلناه بالمول ..

العنود وهي تتذكر شكله : ايه ..

نوره : مثله يهبببببل ...

ريم طالعه نوره بنص عين : شكلك حاطه عينك علييه نوييير ..

نوره بهبال تقهر ريم امسكت قلبها وقالت بهيام : ااااخ ياقلبي ....

مشاعل لما شافت نوره تستهبل على ريم حبت تشاركها : رييييم وربي عذااب ...

ريم بنرفزه : هي انتي وياها الولد تراا خاطب ..

العنود بشك : ريمووه شدرااك انه خاطب ..

مشاعل تطالع ريم بحرككه شيطانيه : روووويم اعترفي ...

نوره اشتغل عرق اللقافه : يلا قولي وش السالفه ..

ريم بارتباك وجها صار احمر : شفيكم ..عادي .. بس يعني لما شفنااه ذاك اليوم ...كنت اسولف عادي مع ساره ..وقالت لي انه خاطب ..

ريمم اسكتت لما شافت نوره ومشاعل يطالعونها بنظرات تشكيك ..

مشاعل : متاكده عادي مافي شيء منا والا منا ..

ريم بتغير للموضوع : اوف منكم ... بروح اجيب شيء اشربه ..

طلعت ريم والبناات فقعو ضحك عليها .....
مشاعل : ههههههههههههههههههه الخايسه شكلها طبت ومحد سمى عليها ..

العنود :هههههههههههههه حراام عليكم ..

نوره : ماعليكم بكره اطلع السالفه كلها منها ...

مشاعل : اللي قاهرني ذيك المره مسفله فيه معاي ...

العنود : متى انت شفتوه غير اللي بجيان ...

مشاعل : ايه لما ....( وقالت لها كل السالفه ) ...

العنود : مغرور هالانسان ..

مشاعل : تذكرين نوير لما تميلحتي عليه وعطاك كوع ...

نوره بحقد : ايه اذكر ... هذا عيبه حلو لاكن مغرور ..

سكتو لما شافو ريم داخله ...

مشاعل ماسكه الضحكه : ريم ..

ريم بعصبيه مو عارفه كيف ترقع الموضوع : ولا كلمه ...

مشاعل : لا بس حبيت اقولك ترا البيبسي حقك مليان شوفيه ...

ريم مسكت العلبه حقتها لقته مليانه فعلا حست باحراج لان عرفو ان خروجها تغيير للموضوع : ايه اصلا ادري بس كنت بجيب لي واحد ثاني ..

نوره بتسليك : اهاا ...

************************************************** ************************************************** ***************

عند حمده و فاطمه ..

حمده : يعني بكره بتروحون عزيمه بيت ابو راشد ..

فاطمه : ايه .. هو عزم ناصر ...الصراحه انا ماودي لاكن ناصر مصمم ...

حمده : حتى البناات بكرره معزومين هناك بنت ابو راشد عازمتهم ...

فاطمه : بيروحون ؟؟..

حمده : ايه صاحب الدار اذن لهم ..

فاطمه : وهي معاهم ؟؟....

حمده هزت راسها بمعنى ايه ..

فاطمه فرحت من قلب لاول مره راحو تشوفها .. تحمست كثيرر انها تروح الحفله ...

************************************************** ************************************************** ****************

في بيت ابو راشد بعد ماتعشو كل واحد توجه لغرفته راشد راح يناام لان بكره وراه شغل ... شغل الشركه وعزيمه عمه ... ساره من فرحتها بجيت عمها مانامت تبي الوقت يعدي بسرعه وتجي الساعه 9 لاول مره راح تقابل عمها وعياله.. تتخيل اشكالهم راح تكون كيف .. وبنت عمها حبوبه.. قدها والا لا ... ام راشد مو عاجبتها جيتهم من الاساس ... اما ابو راشد كان فرحان بجيت اخوه ...ودلال كانت لحد ذا الوقت تكلم نفس الشخص اللي ماخذ عقلها وقلبها .. يسمعها احلى كلام الغزل وهي طايره من الفرحه ..كل ساعه يكلمها.. بثلاث ايام بس تعلقت فيه.. كان بالنسبه لها فارس الاحلام ..

..... بغزل : دلولتتي .. طولت عليك ..

دلال بحب : لا عادي خذ راحتك لو تكلمني طول اليوم مامل منك ...

..... : فديت قلبك دلولتي ..

دلال بدلع : وقلبك ..

...... : اوكي .. انا اخليك بناام وراي سفره بكره ..

دلال : اوكي .. توصل بالسلامه ..

....... : يلا باي ياقلبي ..

دلال حياء : بايات ..

وبكذا انتهت المكالمه... اول ماسكرت الجوال باست الشاشه ولمت الجوال بقووه ورمممت نفسها على السرير .. وقالت بحب صادق : وربي احبك ...

************************************************** ***********************************************

البناات في المستشفى بعد ماخلص الفلم رتبو الغرفه من العفسه اللي كانو مسوينها وجلسو حول العنود يسولفون ..

ريم بفرح : احلى شيء سويتيه نوره انك خليتي ماما حمده توافق على روحت الحفله ..

مشاعل : اول مره بروح احتفال عند ناس ماعرفهم ..

نوره نافخه ريشها : عشان تعرفون انا شاقدر اسوي ..

مشاعل : استريحي بس لو صاحب الدار مو وافق كان مارحنا ..

نوره بتحطيييم : صح كلامك لاكن انا ساهمت بالموافقه لاني قلت لماما حمده..

ريم : بناات تعالو شنو نلبس .. ترا هذولا ناس اهل خير يعني اكيد لبسهم كشخه ومن ماركات عالميه ومصممين ..

نورره : عاادي انا اي شيء مرتب وبس ..

مشاعل : انا عن نفسي بلبس جينز ..

ريم بقرف : ياربي هالبنت بتموتني .. هذي سهره يعني تلبسين فستان مو كل شيء جينز ..

مشاعل بعدم مباله : والله انا مارتاح الا بجينز وراح البسه ..

العنود بحزن : خسااره ماراح اروح الحفله معاكم ..

مشاعل : الدكتور كتب لك خروج بكره ..

العنود بفرحه : صدق ..

البناات بفرحه : يب ..

نوره : خلاص بناات بكرره نقرر شنو نلبس والحين خلنا ننام ..

ريم : ايه والله ورانا دوام بكره ..

كل وحده من البناات نامت وهي تحلم بحفل بكره كيف راح يكون ...تخيلو اشكالهم راح تكون مثل الاميراات في افلام الكرتون فستاان ملكي وجزمه ( وانتو بكرامه ) من كرستال ومجوهرات غاليه وراههم الخدم شايلين الفستان ..< لايكثر *_* ..

************************************************** ************************************************** **************

ثاني يوم ...اليوم المنتظر وصول العم راشد الشرقيه ... في بيت ابو راشد محد راح الدوام ماعدا راشد اللي داوم شوي وبعدها توجه للمطار يستقبل عمه مع ابوه ....

*************************************

في المدرسه وقت الفسحه البنات جالسين في مكانهم المعتاد تحت الدرج ...

ريم بحزن : حسافه ساره ماجات اليوم ..

مشاعل : اكيد مشغوله عشان كذا مقدرت تجي ..

ريم : يمكن ..

نوره : الا تعالو بنات العنود كيف بداوم بالمدرسه ..

ريم : بيخلونها تداوم بمدرسه ثانيه خاصه للعميا راح نفتقدها ..

نوره : صادقه تعودنا عليها معانا..

مشاعل : صاحب الدار قال بيسوي لها العمليه بالخارج على حسابه وانشاءالله ترجع تشوف مثل اول و احسن ..

ريم و نوره من قلب : يارب ..

**************************************

بعد انتهى الدوامات رجعو البنات على الدار وبدو يتجهزون للحفله ..

**************************************
في بيت ابو راشد كل شيء جهز للحفله الرجال في بيت الشعر الخارجي كان مجهز لهم .... والحريم في الصاله طبعا الصاله كبيره يتوسطها الدرج وجنبه الاصنصير الصاله كانت مزينه بلونين بيج وبني كاكوي الطاولات مفروش عليها مفرش لونه بيج وبالاطراف زخارف باللون البني والكراسي بنيه مربوط عليها شرايط ذهبيه بطريقه انيقه وعلى الطاوله محطوط بالنص فازا زجاجيه طويله داخلها ورد مجفف باللون البيج والاصفر وجنبها كاسات بنيه داخله شموع فواحه برائحه الكاكو وكاسات الشرب مزينه ب شرائط ذهبيه
ونفس الشيء الملاعق والشوك والسكاكين ملفوفين بمناديل بيج وعليهم شرائط ذهبيه ..وكل طاوله عليها اسم المعازيم بلوح خشبي منحوت عليه الاسم ..عائله فلان ...الدرج كان مفروش عليه سجاده ذهبيه من اوله لنهايه بطريقه مرتبه منظمين الحفلات خلو الصاله كانها قاعه ملكيه كل شيء كان بطريقه انيقه ومرتبه وحتى الخدم كانو لابسين يوني فورم بيج والمريله باللون البني وحاطين طوق ذهبي ....

ام راشد وهي تكلم الخدم : لما يجوون الضيوف توزعون العصائر والاكل الخفيف اول شيء بعدين تقدمون الحلوياات اوكي ..

الخدم هزو راسهم بمعنى حاضر ..

نزلت ساره من الاصانصير وفتحت فمها : واااو ..
ام راشد بابتسامه ثقه : شرايك ..

ساره باعجاب : عن جد وااو .. احلى من يوم خطوبه راشد ..

ام راشد لوه بوزها : اخوك راشد اللي قال خطوبه عائليه والا كان سوينا له افخم حفله ..

ساره : معذور اخوي موب من زين اللي ماخذها ..

ام راشد ماعجبها كلام ساره : ماعلينا .. قولي لي فساتينكم جات والا لا ..

ساره : لا شوي وتوصل ... انا بروح اخذ لي دش اكيد عمي شوي ويجي ...تشااو ..

ام راشد : طيب ( وكملت تعطي اوامر للخدم وتشيك على كل شيء ) ...

**************************************

في المطار اعلنو عن وصول الطائره ابو راشد مو قادر يصبر رايح جاي متشوق لشوفه اخوه بعد هالسنين كلها ...

راشد : يبا نزلو الركااب ..
ابو راشد يطالع اللي نزلو من الطياره وعينه تدور اخوه : وينه ماجاء ..
راشد : ايه يبا الاجراءات تطول شوي ..

ابو راشد تو بيتكلم لاكن سكت لما شاف اخوه داخل وزوجته جنبه وعياله وراه يجرون عربيات الشنط نفس الملامح نفس الثقه نفس الهدوء لاكنه صار رجال كبير شعر راسه فيه شيب تحت عيونه هالات سوداء وضعيف ابوراشد في داخله ( هذا انت ياراشد ..الله ..شكثر فرقتنا الايام كنت ابيك جنبي بكل خطوه ولحظه من حياتي كنت ابي عيالك يربون مع عيالي ويحسون لهم عزوه ..وعم لو جارت عليهم الايام يكون سندهم اااه ياخووي ياكثر ماكنت بس اللي كان عمره مايصير ))

العم راشد اول ماشاف اخوه يبتسم له من بعيد مشى بسرعه يبي يضم اخوه .. ايه اخوه اللي من 25 سنه ماشافه كان يبي يختصر كل المسافات عشان يوصل له بسرعه كل ثلاث خطوات يمشيها بخطوه وحده عشان يوصل بسرعه نسى كل العالم وحس انه بروحه بالمكان هو واخخوه بس اخوه اللي ياما تخانق معاه واللي لعب معاه وجمعتهم ذكريات الطفوله... حس انه لو ظل يمشي ماراح يوصل بسرعه ركض لخوه بسرعه .. لما وصل عنده وضمه بقووه ..

العم راشد وهو يبكي وضام اخوه :اخوي سعوود ..

راشد لما شاف ابوه وعمه وحراره الشوق اللي كانت بينهم هذا هي معنى الاخوه عرف يعني شنو اخواان نزلت دمعه يتيمه من عينه مسحها بطرف شماغه ..

ابو راشد نزلت دموع فرح بللت خده : نورت السعوديه ..

العم راشد وخر عن اخوه ومسك كتفه : منوره باهلها ياسعود ..

ابو راشد بقله صبر :الحمدلله على سلامتكم .. وين عيالك ..

العم راشد وهو ياشر على شابين و بنت كانو متوجهين لهم : الله يسلمك ..هذا هم ..

جاءه الولد الكبير وسلم على على عمه وحب راسه : هلا ياعم انا فيصل ..

ابو راشد بتمعن يبي يمليء عينه بشوفه عيال اخوه : هلا والله بولد اخوي ..

جاء الولد الاصغر وحب راس عمه : السلام عليكم .. اخبارك ياعم ..

ابو راشد : بخير الله يسلمك ..
العم راشد وهو ياشر على ولده الثاني : هذا خالد ...

فيصل و خالد سلموو على راشد ..

بعدها جات بنت متحجبه : اهليين عمي انا جود ..

ابو راشد : ياهلا بجود ( وغمز لراشد )..

راشد طالع ابوه باستغراب مافهم معنى الغمزه ..
جات امهم وسلمت على راشد وابو راشد بعدها توجهو الى بيت ابو راشد وطول الطريق ماوقفو سوالف ...

وصلو القصر وفتحو البوابات اول مانزلو عيال العم راشد وزوجته من السياره كانو مصدومين بالعز اللي عايش فيهم عمهم سعود ومن القصر اللي كانو ساكنين فيه ..

جود فتحت فمها : واااو ..او ماي قاد .. ( يالهي )

الى هنا انتهى البارت السادس ..

المزيد من الاحداث والتشويق في البارت القادم ..
اسئله البارت السادس ..
سر اختفاء العم راشد طول السنين اللي فاتت ؟؟
فاطمه من هي اللي تسال عنها دائما ؟؟
الحفله شنو راح يصير فيها ؟؟
دلال والشخص اللي متعرفه عليه مين هو وشنو نهايه علاقتهم ؟؟
مين صاحب الدار المجهول ؟؟
وسؤالنا اللي دايم نكرره ..
مين من البنات الاربع بطلتنا ؟؟

البارت السابع ...
يوم الاحتفال ...

وصلو القصر وفتحو البوابات اول مانزلو عيال العم راشد وزوجته من السياره كانو مصدومين بالعز اللي عايش فيهم عمهم سعود ومن القصر اللي كانو ساكنين فيه ..

جود فتحت فمها : واااو ..او ماي قاد .. ( يالهي )
فيصل بمزح: ماشاءالله عمي انتو ساكنين بديره لحالكم ..
ابو راشد : ههههههه ( ومسك اخوه من ظهره ) تفضلو البيت بيتكم منتو اغراب ..
العم راشد : تسلم ...

قعدو الرجال بالمجلس والحريم بالصاله الوسطيه ..
في الصاله عند الحريم بعد ماسلمو على بعض البنات جلسو بجهه ...والحريم بجهه ..طبعا ساره مو سايعتها الفرحه ببنت عمها مابقى سؤال ماسالتها عنه.. ودلال مو يمهم تطقطق في البي بي ..

ساره : كم عمرك جود ..
جود كلامها شوي مكسر مو زي اخوانها يعني عربي مكسر : I am nineteen ..( عمري 19)..
ساره تاشرعلى نفسها :انا عمري 17 يعني سفن تين ودلال عمرها تونتي ون 21 ..
جود وهي تهز راسها : اها ..
ساره : انتو في اي بلد كنتو ..
جود : اميركا ..
ساره : انا مارحت امريكا الا مرتين وكنت صغيره بعد ..
جود : انتي سافرتي مكان بعيد غير اميركا ..
ساره : اي رحت كثير دول الخليج كلها والدول العربيه ورحت تركيا والهند و تايلاند يعني كثير سفراات ..
جود : That good ..( هذا جيد ) ..
ساره وتكلم دلال : دلول قولي شيء ؟؟
دلال بملل : وش تبيني اقول ..
ساره : اي شيء سولفي معنا ..على الاقل جلسي جنبنا ..
دلال بغرور مارفعت عينها عن البي بي: مايحتاج من هنا اسمعكم ..
جود تبي تتقرب من بنات عمها : Dalal How old are you.. ( دلال كم عمرك ) ..
دلال رفعت حاجبها وطالعت فيها : تو ساره قايله لك ..حركات التلصق ماحبها ..(عطتها نظره وقامت وخلتهم ) ..
جود انحرجت من دلال اللي باين عليها الغرور وحست نفسها تبي تصيح لاكن مسكت نفسها كل هدفها من السؤال تتقرب منها وتحببهم فيها ..
ساره تبي ترقع الموضوع : معليش جود اختي دلال شوي عصبيه ..
جود : .. Not normal.. ( لا عادي ) ..
ساره بابتسامه : باين عليك طيوبه ..( وبدون مقدمات نقزت عليها وضمتها ) ..فديتك بنت عمي ..
جود انبسطت لطيبه وبساطه بنت عمها وارتاحت لها كثير : Thanks and you too....( شكرا ..وانتي ايضا) ..

عند الحريم ام راشد لما عرفت انا بيت العم راشد حالتهم الماديه مو ذاك الزود شافت نفسها عليهم وكل كلامها مع زوجه العم راشد تفشخر وتقليل من قيمتها ..

ام راشد : الا وش اسمك ..
زوجه العم راشد سعوديه كانت تدرس برا تعرفت على راشد ومن بعدها تزوجو : حصه ..
ام راشد : انتي سعوديه ..
حصه : ايه ابا عن جد .. بس انا رحت فتره ادرس برا وهناك تعرفت على راشد وتزوجنا ..
ام راشد باستهزاء : غريبه السعوديين الاصل مايخلون بناتهم يدرسون بره بروحهم ..
حصه وفاهمه قصد ام راشد : ومين قالك بروحي انا اهلي كلهم كانو معاي ..
ام راشد وباي طريقه تبي تطلع فيها غلط : شدعوه اهلك كلهم رايحه تدرسين والا تجاهدين ..
حصه سكتت عنها لان شكلها بتطولها وقالت بنفسها ..( الله يعين شكلها ماهي هينه ومن البدايه مو بالعتني ) ..
ام راشد : الا انتو من اي عائله وش ينقال لكم يعني ..
حصه : احنا من عائله ال ... معروفه ..
ام راشد وتسوي نفسها تفكر : غريبه ماقد سمعت فيها ..
حصه بذكاء : عادي .. هذا انتي اسم عائلتك اول مره اسمع فيه معنك تقولين اصل ..
ام راشد ( شكلها داهيه ) بابتسامه مصطنعه: اي صح ..

اما عند الرجال في المجلس كان الجو فله ضحك وسواليف وناسه ..

راشد يكلم ولد عمه فيصل : الا كم عمرك يافيصل ؟؟ ..
فيصل : 24كذا .. وانت ؟؟ ..
راشد : انا اكبر منك بسنه ..( ولف على خالد ) وانت ياخالد ..
خالد : 22 ونص ..
راشد : العمر كله لكم ..
فيصل وخالد : عمرك الدائم ..
ابو راشد بحزن يكلم اخوه: مابغينا نشوفك ياخوي ..
العم راشد : انت عارف ..
ابو راشد : سنين فرقتنا ..
العم راشد حط يده على رجل اخوه : انشاءالله من بعد اليوم مافي فراق ..
ابو راشد بابتسامه : انشاءالله ..
راشد يحاول يلطف الجو اكثر : اقول فيصل ماشفتلي وحده شقراء معك بامريكا تراني ابي اعرس ..
ابو راشد مبقق عيونه : وراك تراك خاطب ..
العم راشد بفرحه : من جد ...مبرووك مبرووك ..
راشد بضيقه خلق لما تذكر فرح : الله يبارك فيك ..
فيصل : اجل زين جينا عشان نحضر العرس ..
خالد يكمل عن اخوه : وناكل مفاطييح ..
راشد بضحكه : هههههههه وش علمك بالمفاطيح انت ..
خالد : صدق عايش بره لاكن اعرف كل شيء عن ديرتي ..
ابو راشد : اجل اليوم غدانا مفطح ..
خالد : اقعد وناسه ..
العم راشد : لاتكلف على نفسك ياخوي ماعليك منه ..
ابو راشد : لاكلافه ولا شيء كل هالخير لكم .. راشد قم قلهم يصلحون لنا الغداء ..
راشد وهو قائم : انشاءالله ..
العم راشد يناظر في راشد طالع من المجلس : ماشاءالله ياخوي عرفت تربي والله ..
ابو راشد : الله يسلمك .. البركه في عيالك ..
العم راشد : الا وين راكان ماشفناه ...
ابو راشد بارتباك : مسافر مع ربعه انشاءالله قريب يجي ..
فيصل : خساره كان نفسي اشوفه ..
ابو راشد : انشاءالله بتشوفه وتشبع منه بعد ..

بعد الكلام والسوالف تغدو وبعدها راحو الجناح يريحون طبعا الجناح عباره عن صاله صغيره وقدامها مطبخ تحضيري نفس الشيء صغير لان الاكل يسونه الطباخين .. وعلى كل طرف غرفتين نوم وحده لفيصل وحده لخالد جنب بعض.. والطرف الثاني غرفه للعم راشد وحصه وغرفه لجود .. الكل طلع الجنااح ينام بعد تعب السفر ماعدا جود اللي لزمت عليها ساره تنام معاها بالغرفه ..

**************************************************

عند بناات الدار كانو عافسين الغرفه مشاعل تكوي قميص اللي بتلبسه للحفله مع بنطلون جنز ( عنيده لازم جنز *_*)... وريم كانت مطلعه كل الملابس اللي بالدولاب كلها .. كل ماتطلع قطعه ماتعجبها تحذفها في الارض ...
نوره خلصت اول وحده وراحت تلبس العنود وتحط لها مكياج و تمشط شعرها ..

ريم بطفش ماسكه تنوره : اوف ولا هذا مو حلو ..( وحذفتها بقووه لاكن بالغلط جات على وجهه مشاعل) ..
مشاعل وهي تشييل التنوره عن وجها : هي ياتبن انا مو زباله عندك تحذفين على وجهي ..
ريم بحزن جلست على السرير: سوري ميشو ..
مشاعل شافت ريم حزينه تركت اللي بيدها وجلست جنب ريم : شفيك رووويم .. ليه زعلانه ..
ريم بحزن : ماعندي شيء البسه كلهم مو حلوين .. لازم فستان حلو اكيد ساره صديقتي بتكون كشخه وانا بروح بخلاجين ..
مشاعل : هذا اللي مزعلك ومخلي دمعتك بعينك ..
ريم بزعل : ايه ...
مشاعل : احم .. شوفي انا عندي فستان جديد ماقد لبسته تقدرين تاخذينه عادي ..
ريم باستغراب : انتي عندك فستان ؟؟ ..
مشاعل : ليه مو ماليه عينك انا تراني انثى ..
ريم بتحطييم : اشك والله ..
مشاعل : شوفي مابقى اتهاوش معاك لان ورانا حفله وابي اكون مروقه .. بس على العموم اصبري ..
( وفتحت دولابها وطلعت فستان لونه فوشي رووعه ريم اول ماشفته طاحت سعابيلها ) ..
ريم سحبت الفستان وراحت المرايا تستعرض فيه : وااو ميشو من اين لك هذا ( قالتها بالفصحى ) ..
مشاعل بفخروترفع ابه القميص اللي لابسته بحركه عربجيه : اهدتني اياه ماما حمده يوم عيد ميلادي ..
ريم : والله يطلع منك يالعربجيه ..
مشاعل طالعت ريم بتهديد ..
ريم بخوف تاخذ منها الفستان : اسفه ماكنت اكلمك ...
مشاعل بثقه : احسب بعد ..

عند نوره و العنود كانو جالسين قدام التسريحه ونوره تحط للعنود مكياج ..
العنود : نويير ماابي ثقيل شيء ناعم ..
نوره وماسكه راس العنود : اوكي .. بس انتي لاتتحركين كثير ..
العنود : طيب ..
بعد ماخلصت من المكياج مسكت شعر العنود ...
نوره : كيف تبين شعرك ..
العنود : لا بس استشوريه زين خصوصا اللي قدام حرقيه لي بخليه مفتوح..
نوره : استني بدور الاستشوار ..

دخلت عليهم حمده وانفجعت من شكل الغرفه : بناات وش هالفوضه ..
البناات كلهم اشرو على ريم ..
ريم بارتباك : بس اخلص برتب كل شيء ..
حمده : اوكي .. بس يلا اخلصو بسرعه الساعه 6 لازم تكونون جاهزين ..
البنات : انشاءالله ..

وطلعت وخلتهم يكملون لبس ..

******************************************

في بيت ابو راشد المعازيم بدو يوصلون مجلس الرياجيل امتلىء وابو راشد و راشد مو ملحقين على السلام ... دخل ابو مشعل و مشعل ..

ابو مشعل يسلم على العم راشد : الحمدلله على السلامه ..
العم راشد بابتسامه : الله يسلمك ..
مشعل : تو مانورت الديره ياعم ..
العم راشد : منوره فيكم تسلم ياوليدي ..
بعد ماسلمو على الكل وقف مشعل جنب راشد ..
راشد بصوت واطي : مابقيت توصل ..
مشعل : تعرف الحريم ياخذون وقت على ما يجهزون ..
راشد : بتعلمني فيهم ..
مشعل : الا وش كنت تبي ..
راشد : ابيك تساعدني مانت شايف الزحمه وراكان لحد الحين ماطلع ..
مشعل باستغراب : راكان انا من شوي شايفه عند بوابه القصر نازل من سيارته ..
راشد بصدمه : من جدك ..
مشعل : والله العظيم شايفه بعيوني ..
راشد : خلك محلي لو ناداني ابوي قوله شوي وراجع ..
مشعل تو بيتكلم الا راشد مشى بسرعه ..

راشد دخل البيت صعد الدرج بسرعه وتوجه الى غرفه راكان فتح الباب بقووه لاكن انصدم لما شاف راكان طالع من دوره المياه ( وانتو بكرامه ) وعلى خصره فوطه بس ..
راشد بصدمه : راكان ..
راكان بنرفزه : في شيء اسمه باب ينطق ..
راشد سفه كلامه وجاء ضم اخوه : الحمدلله على السلامه ..انت كيف طلعت ..
راكان بلا مباله دف راشد عنه ومسك المشط يمشط شعره : ليه كنت تبيني اقطن بالسجن ..
راشد وكالعاده اخوه مايحب يتقرب منه: ليه تقول كذا انا طول الايام اللي فاتت احاول اطلعك باي طريقه ..
راكان بملل من كلام راشد : ابوي هو اللي طلعني ..
راشد بتعجب : ابوي كيف عرف انا ماقلت له !!..
راكان : ايه ابوي ممكن تطلع و تسكر الباب وراك ..
راشد بعصبيه خفيفه : عمرك ماراح تتغير .. ( وطلع و سكر الباب وراه ) ..

راشد يكلم نفسه وهو نازل على الدرج ( ابوي كيف عرف .. انا ماقلت له ..يمكن الشرطه .. بس غريبه ماقال لي شيء ... اممم يمكن انشغل مع عمي عشان كذا ماقالي ) ... فجاءه صدم بوحده ..

راشد باستهبال : مين انتي ؟؟ ..
ساره بحياء : ماعرفتني انا ساره ..
راشد : اوووهو شهالحلاوه ...
ساره باحراج :تسلم عيونك الحلوه ...
( ساره كانت لابسه فستان ذهبي فوق الركبه وماسك على جسمها وبالوسط فيه فيونكه كبيره باللون البني وصندل ذهبي ناعم ( وانتو بكرامه ) وشعرها مسويته بوف خفيف وحاطه طوق ناعم بلمعه ذهبيه وحلق ذهبي ناعم صغير وميك اب ذهبي وبيج وقلوس وردي كان شكلها بيبي فيس طبعا هم اتفقو مع امهم يلبسون نفس الوان الصاله ) ..
راشد : تعالي في احد من الحريم وصل ..
ساره : اي وصلو شويه بس امي خلتهم بالصاله الداخليه لما يجون الباقي ...
راشد : ايه زين لاني نسيت ودخلت .. يلا تشاو ..
ساره : تشاو ..

دخلت ساره للصاله الداخليه شافت فرح واقفه عند الباب عرفت انها كانت تتسمع عليهم طول الوقت
عطتها نظره احتقار ومشت عنها ..فرح راحت جلست جنب دلال وحطت رجل على رجل سيقانها كلها طللعت من الفستان ..

( فرح كانت لابسه فستان احمر طويل بسيور حول الرقبه والظهر كله طالع وشوي من صدرها طالع وعلى الجنبين في فتحات طويله لحد اخر الساق وشعرها مسويته تسريحه مرفوعه ومكياجها حاطه ظل اسود وروج احمر صارخ واكسسورات فضيه ولابسه جزمه حمراء ( وانتو بكرامه )

فرح بملل : دلال قومي نروح غرفتك ترا طفشت من ذا الوجيه .. ( تاشر على جود وساره ) ..
دلال : والله ودي .. بس امي متحلفه فيني اذا طلعت غرفتي تعلم ابوي ..
فرح : اوف ..

عند ام راشد : الا ماقلتي لي يام بندر تخرج ولدك والا لا ..
ام بندر كانت من الحريم اللي لها هيبه والكل يحترمها لشخصيتها ومكانتها بالمجتمع : لا لسه باقي عليه ..
ام فيصل ( حصه ) : وش يدرس ولدك ..
ام بندر : يدرس طب ببريطانيا الله يحفظه ..
ام فيصل ( حصه ) : امين ..
ام بندر : وانتي عندك عيال ؟؟..
ام فيصل : عندي ولدين وبنت ( تاشر على جود ) هذيك بنتي جود ..
ام بندر طالعت جود وماشالت عينها عنها : ماشاءالله تبارك الله ... وش هالجمال الله يخليها لك ..
ام فيصل : تسلمين ..
ام راشد انقهرت من حصه وبنتها... دلال طول عمرها قدام ام بندر عمرها مامدحتها واليوم مدحت جود من اول ماشافتها ..

عند ساره وجود ..
ساره بضحكه : شوفي الحرمه كيف تطالع فيك ..
جود : واي لوك تو مي ؟؟..( ليه تطالعني ؟؟ ..) ..
ساره بلعانه: اممممم مدري بس يمكن حطتك براسها ..
جود : وات ؟ ..(ماذا ؟؟..) ..
ساره : خخخخخخخ بيجيك العلم بعدين ..

**************************************************

في الدار بعد معركه في الغرفه واخيراا البنات خلصو لبس ..

مشاعل ( لابسه جنز ازرق وقميص ابيض ومرفعه الاكمام ولامه شعرها بربطه ..شعرها قصير حيل ماينربط كامل.. خصل منه طايحه لابسه جوتي رياضه ابيض ( وانتو بكرامه ) وساعه سوداء واساور سبور )

العنود ( لابسه تنوره خضراء وبلوزه اورنج فيها ورود خضراء صغيره و لابسه جزمه ( وانتو بكرامه ) بنيه لانها ماحصلت نفس لون ملابسها فاكه شعرها وحاطه فيونكه برتقاليه على جنب وحلق نازل شوي برتقالي حاطه ميك اب ناعم وكحل اخضر من تحت وقلوس اورنج كانت ناعمه )

ريم ( لابسه فستان فوشي تحت الركبه من فوق ماسك عليها لين الخصر ومن تحت وسيع الفستان بدون اكمام لبست عليه شال دانتيل اسود وصندل اسود ( وانتو بكرامه ) الصندل كان خربان لاكن هي ضبطته حطت له غراء .. ومسيحه شعرها وفاكته وحاطه شريطه فوشيه بشعرها ومناكير وروج لون فوشي.. اللون الفوشي والا سود زادها جمال على جمالها الطبيعي كانت قمه في الانوثه والروعه )

نوره ( لابسه فستان طويل بجميع الالوان وعليه جكيت جنز قصير واساور ملونه وكعب ( وانتو بكرامه) اسود ومجعده شعرها وحاطه مكياج ناعم شكلها كان حلو هذا كان اختيار ريم لها )

حمده : يلا بناات البسو عباياتكم السواق عند الباب ..

لبسو البنات و توجهو لقصر ابو راشد ..^_^

*******************************************

راكان اخذ له شور ولبس وتكشخ وراح لمجلس الرجال سلم على الكل وجلس جنب ابوه ..
العم راشد : هلا براكان مابغينا نشوفك ..
فيصل : اي والله .. من اليوم اسال عنك ..
راكان بابتسامه بدون نفس : اسالت عنك العافيه ..
العم راشد : اخبارك راكان ..
راكان : الحمدلله بخير ..
ودقه ابوه بكوعه ..
راكان تذكر : اخبار انت ياعم ...
العم راشد : بخير جعلك بخير ..
خالد : ماقلت لي راكان وش تدرس والا تشتغل انت ؟ ...
راكان ارتبك لانه لا كذا ولا كذا قال بسرعه : انا اشتغل مع ابوي بالشركه ..
خالد : اهاا ..زين والله ..

*************************************

عند الحريم بالصاله كانت ممتليه وبدء صوت الدي جي يعلى ..

ساره بعدم صبر : وش فيهم تاخرو ..
جود : مين ؟؟ ..
ساره : صديقاتي اذا جو بعرفك عليهم ..
جود : اوكي ..

***********************************

راكان ماعجبه الوضع بالمجلس طلع شوي براا ..

البناات وصلو دخلو من البوابه ومعاهم حمده ..
حمده تمشي قدامهم يلا بسرعه بنات قبل لاحد يطلع من الرجال ..
البنات : طيب ..
البنات اول مادخلو بالحديقه انصدمو من البيت اللي كان كلمه روعه قليله علييه الحديقه مرتبه بشكل هندسي السيراميك النظيف الامع والنوافير ماليه المكان اشكال والواان شكل البيت الفخم اذهلهم وحجمه ...
حمده سبقت البنات ودخلت داخل.. العنود ونوره طالعو شوي بعدين دخلو داخل .. اما مشاعل وريم اصرو يتفرجون على المكان اتجهو للحديقه اللي كانت قريبه من المجلس.. بس مايشفونهم الرجال.. راكان اول ماشاف بنات انخش بسرعه ..

ريم وهي تطالع حولها: واااو ماشاءالله يجنن المكان تكفين ميشو قرصيني ... اخاف انا بحلم ..
مشاعل قرصت ريم باقوى ماعندها ..
ريم صرختت بقووه : اااااااي وجع ..
مشاعل : انتي اللي قلتي قرصيني ..
ريم : ايه قلت بس مو كذا دفشه ..
بعد مابعدو شوي عن المكان وتفرجو على كل شيء قررو يرجعون ..
مشاعل : ريم خل نرجع ..
ريم : طيب يلا ..
ومشوو متوجهين للمكان اللي جو منه لاكن خربطو الطريق من كبر الحديقه والقصر راحو اتجاه غير اللي جو منه .. لان مجلس الرجال يكون بعيد عن البوابه والحديقه لها اكثر من مدخل ..

ريم بخوف : اقول ميشوو ..
مشاعل : هاه ..
ريم بخوف اكثر : متاكده هذا المكان اللي جينا منه ترا شكله غير ذاك كان في نافورات هذا مافيه ..
مشاعل : مدري بس كنا هو ..
ريم : لا مو هو ..
مشاعل : طيب امشي و انتي ساكته شوي ونوصل ...
مانتبهو للشخص اللي كان يمشي وراهم خطوه بخطوه ..

مشاعل وقفت فجاءه : ريم تسمعين صوت ؟..
ريم ورجولها مو شايلتها من الخوف لان المكان بداء يظلم : لا ماسمع شيء ..
مشاعل : لحظه لاتتحركين ..
فجاءه صرخو الثنتين بصوت عالي : اااااااااااااااااااااااااااااااااااااااااااااااااا ااااااااااااااااااااااااااااااااااااااااااء
راكان طلع قدامهم : لحظه لحظه ..
مشاعل خذت حصا كبيره من الارض ومسكته بيدها بتهديد : اي حركه راح اكسر راسك فيها ..
راكان : هيء انتي لاتسوين نفسك قويه انا جاي اساعدكم ..
مشاعل : على مين يابابا قديمه حركاتكم يالشباب ..
راكان وهو يتذكر وماسك ذقنه : انا سامع صوتك من قبل بس وين مدري ....
مشاعل وهي تركز فيه : هذا انت ياوجه النحس ..
راكان بعصبيه : احترمي نفسك .. الحين عرفتك نفس الهمجيه ..
مشاعل : الهمجيه احسن منك ... والا انت اصلا مكانك بالسجن لما تعفن ..
راكان بغرور : انا راكان سعود ال .. انقط بالسجن مستحيل ..
مشاعل بعصبيه : اصلا السجن مانوجد الا لاشكالك ..
راكان : وبعدين معاك يام لسان طويل ..
ريم من الخوف سكتت ماعرفت شتقول ..
مشاعل : وش بتسوي يعني اذا فيك خير قرب بس ..
راكان قرب منهم ..ريم ومشاعل يتحركون على وراء لما الصقو بالجدار وحط يده على الجدار مقابل مشاعل : تدرين انا شاب وقليل ادب وانتو بنتين بروحكم والدنيا ظلام هنا ولو تصارخون من قمه راسكم محد يسمعكم المكان بعيد ..

مشاعل تكابر الخوف : انا حذرتك قبل كذا ... اذا فيك خير سو شيء ليكون اخر يوم في حياتك ..
راكان بابتسامه : يعجبني فيك شجاعتك ... بس يلا بكسب فيكم اجر امشو وراي بوديكم لباب القصر ..
مشاعل بعدم اطئنان : غيرك كان اشطر ضف وجهك مانبيك توصلنا ..
ريم بترجي : تكفين مشاعل خل نروح معاه ..
مشاعل بعناد : لا مانبي منه شيء ..
راكان : اجل اسمك مشاعل .. اوكي على راحتكم ( وحرك يده قدام وجهم ) باي ..

دقائق واختفى عنهم ..
ريم بخوف اكثر : ميشو كله منك كان الحين ودانا المكان بدال هالدواره ..
مشاعل : لو شنو يصير ماروح معاه ..
ريم : اوف منك صدق غبيه ..
مشو ربع ساعه وكل مره يمشون يروحون لمكان جديد وماوصلو للبوابه اللي جو منها حسو نفسهم ضاعو ومافي احد معاهم ولا حتى جوالات ولا شيء وراكان خلاص راح عنهم ..
ريم جلست تبكي : حرام عليك يامشاعل ..
مشاعل : خلاص ريم والله البكي ماراح يجيب فائده ..
ريم وقفت بعصبيه : لو خليتيه يوصلنا كان ماقعدنا لحد الحين هنا ..
مشاعل :اوههو تروحين وترجعين على طاري ذا الزفت خلاص .. انا جد احتريت من العبائيه ودي افصخها ...
ريم مبققه عينها: مجنونه انتي تفصخين العباءه ..
مشاعل : شسوي طبخت والله ..

************************************

داخل عند الحريم ..
ساره : وين ريم ومشاعل ..
نوره : مدري قالو بيتفرجون شوي على الحديقه وبيلحقونا ..
العنود : بس تاخرو لو تدري ماما حمده ياويلنا منها ..
ساره : لا انشاءالله ماراح تدري هي عند الحريم وش يدريها .. بس اهم شيء مايضيعون المكان ..
جود : طيب ماعندهم موبايل نكلمهم ..
ساره : لاماعندهم ..

**********************************

عند ريم ومشاعل تعبو من الف في الحديقه على الفاضي قررو يجلسون شوي لانهم من جد تعبو والمكان كبير والانوار خافته شبه ظلام ..

مشاعل : يالله تعبت رجولي تقطعت بقووه ..
ريم : ميشو وربي خايفه تخيلي احد يجي ويقتلنا هنا محد درا عنا ..
مشاعل : اتركي عنك حركات الافلام .. انشاءالله بيجي احد .. حتى لو ذاك الزفت ماعندي مانع ..
ريم : الحين غيرتي رايك من شوي لا ..
مشاعل : شسوي اذا صارت حاجتك عند الكلب قوله ياعمي ..
طلع راكان : انا كلب و هذا و انا بساعدكم ..
مشاعل وريم وقفو ...
مشاعل بخوف : هلا والله اخوي .. جابك الله .. ممكن تودينا لعند بوابه الحريم ..
راكان بلعانه : اخوي ..غريبه من شوي كنت زفت واطي وكلب ..
مشاعل : من قال كذا .. محشوم ياخوي ..
راكان بابتسامه : طيب يلا امشو وراي ..

مشت ريم و مشاعل وراءه لما وصلهم لباب القصر عند الحريم ورجع لمجلس الرجال مبسوط على الاخر < < وش اللي يفرح *_*

دخل المجلس عند الرجال وجلس جنب مشعل و راشد حط رجل على رجل وهو لحد الحين مبتسم ..
مشعل قام من مكانه بسرعه وطلع جواله : لاتتحرك راكان خلك زي مانت ..
راكان وعلامه استفهام : ليه وش فيه ؟؟ ..
مشعل : بصورك اول مره اشوفك مبتسم من قلب ..
راشد طالع باخوه فعلا كان مبتسم بارتياح والابتسامه منوره وجهه ..
راكان : اقول وخر عني ماله داعي اعصب ..
مشعل : خلاص بجلس ..ماصدقنا على الله انك ابتسمت ..( ودخل الجوال بجيبه و جلس ) ..
راكان طلع الجوال من جيبه وحاول يشوف شكله من شاشه الجوال المظلمه قال في نفسه ..( وش فيهم لهدرجه اول مره ابتسم .. بس صح وش اللي خلاني ابتسم .. صدق غبي ) ودخل الجوال جيبه ورجع لحالته اللي قبل معصب ولايعه كبده ماله خلق احد ..

**************************************

عند البنات دخلو لصاله الحريم وفصخو عبايتهم جاتهم ساره بسرعه اول ماشافتهم ..

ساره : وين رحتو خوفتونا عليكم ..
ريم لفت بارتباك : ها .. لا بس كنا نتمشى شوي بالحديقه .. ( وطالعه مشاعل ) صح ميشو ..
مشاعل : ايه صح ..الزبده ابي اجلس ترا من جد تعبت ..
ساره ماطمنت لاشكالهم بس مشتها لهم : حياكم تفضلو ..
ريم وضمت ساره : فديتك ماسلمت عليك ..
ساره بضحكه : هههههههههههه هبله ..
مشاعل دخلت لعند الحريم وسلمت بعدين شافت البنات جالسين على طاوله عند الباب جلست معهم وعرفوها على جود ..
ريم عدلت مكياجها شوي بالمرايا وبعدها دخلت مع ساره لعند الحريم سلمت وجلست ..

عند فرح و دلال ..
فرح : مين هذولا ..( تاشر على طاوله البنات ) ..
دلال بقرف : هذولا بنات الملجا ساره تو متعرفه عليهم واذتنا فيهم ..
فرح بغرور : من جدكم تخلونها تصادق هالاشكال ترا ينخاف منهم ..
دلال : والله امي وابوي يعرفون ماقالو لها شيء ..
فرح وتطالعهم بنظراات احتقار : وووع ..

عند البنات ..
مشاعل تطالع فرح اللي ماشالت عينها عنهم : شوفو ذيك شلون تخزنا ..
نوره لفت بسرعه تشوف مين : أي وحده فيهم ..
مشاعل بعصبيه : ذيك اللي لابسه احمر ..
ساره : ماعليكم منها هذي بنت خالي .. دائم شايفه نفسها ..
ريم لاشعوريا : خطيبه راشد ..
البنات كلهم التفتو لها ...
ساره : أيه خطيبه اخوي راشد ..
مشاعل : مغروره على نفسها مو علي لو ماشالت عينها بقوم اكفخها الحين ..
نوره تهدي مشاعل : ماعليك منها ميشو احنا عند ناس لازم نحترم المكان اللي احنا فيه ..
مشاعل : هين انا اوريها ..
ريم بقهر تكلم ساره : مو حلوه ذاك الزود مدري ليه خذاها.. معنا اخوك حلو ماشاءالله ..
ساره استغربت من كلام ريم : والله انا بالنسبه لي الاخلاق اهم .. وهي ماتملك لا ذا و لاذا ..
مشاعل وهي تطالع ريم : اهم شيء هو مقتنع فيها ..
ريم فهمت قصد مشاعل من نظراتها : يمكن ..
نوره : مو يمكن الا اكيد دامه خطبها يعني عاجبته..
ساره : خليكم من ذا الكلام قومو نرقص ..
مشاعل : ماعرف .. خلاص روحو انتو انا بقعد مع العنود ..
جود : مي تو ..
نوره : انا مالي خلق ..
ساره: اوكي ريووم قومي نرقص انا وانتي ..
ريم : اوكي ..

جلسو نوره و مشاعل و العنود على الطاوله اما ساره وريم قامو يرقصون .. كانت اغنيه عراقيه شغاله .. هنا ريم طلعت كل قدراتها بالرقص تموت بالرقص على الاغاني العراقيه ومع شعرها الطويل و جسمها المتناسق زاد رقصها حلاه .. كل اللي في الصاله عيونهم عليها كان رقصها رووعه قليله عليها .. تهز بخصرها بسرعه وتحرك شعرها مثل الريشه الحريم كل وحده تسال الثانيه من بنته هذي اللي كانو يرقصون جلسو على الكراسي وساره وقفت بذهول لرقص ريم الروعه وقامت تصفق لها والبنات بدورهم كانو يشجعونها ويصفقون لها ونفخو ريشهم اكثر لما شافو الحريم يطالعون ريم باعجاب .. بعد ماخلصت الاغنيه توجهت ريم و ساره لطاوله ..
ساره غمزه لساره : الصراحه صدمتيني رقصك خيال ..
ريم بابتسامه : تسلمين ..
ساره : من وين تعلمتي عليك حركات خقه ..
ريم : الله يسلم التلفزيون و ..( تو بتتكلم الا طاااخ انكسر الكعب ) ..
مشت ريم تعرج لما وصلت الطاوله ..
ساره : تعالي معاي اعطيك جزمه غيرها ..
ريم : لا خلاص ماله داعي بجلس لين نروح ..
ساره : تعالي بس شكثر عندي جزم.. الغرفه مليانه نقي اللي يعجبك ..
ريم باحراج : اوكي ..( وقامت معها ) ..
توهم بيطلعون بالاصانصيل لاكن وقفهم صوت ام راشد : ساره يممه قولي للحريم يتفضلون للعشاء ...انا بشيك على بوفيه الرياجيل ..
ساره : اوكي .. ( ولفت على ريم ) .. انا بروح اقول للحريم اطلعي مع الدرج ثاني غرفه على يدك اليمين ..
ريم توهاا بتتكلم : ..بس ما ..( الا ساره مشت عنها لصاله الحريم تقلطهم على العشاء ) ..
ريم بتحلطم : ياربيه وش يعرفني بالمكاان انا .. اخاف اضيع مثل بالحديقه ..
( مشت وهي تتحلطم على الدرج لما وصلت مكان فيه غرف كثير دخلت ثاني غرفه على اليمين ) ..
دخلت الغرفه بسرعه الا صدمت بشيء قووي
طاااخ رفعت عيونها ريم بارتباك : اااا ..

ساره قالت للحريم يتفضلون على العشاء طبعا ماشاءالله الحريم اول ماينقال لهم العشاء يهجمون على البوفيه كانهم مو شايفين خير ..
مشاعل تكلم نوره : انتي خليك مع العنود وجود .. انا بجيب لنا اكل وراجعه ..
نوره : طيب ..
راحت مشاعل لغرفه الطعام اللي كان فيها البوفيه شافت ساره ..
مشاعل : وين ريم ؟ ..
ساره : ريم ايه صح ذكرتيني خل اروح اشوفها .. خربطت قلت لها الغرفه على اليمين وهي على اليسار ..
مشاعل مافهمت شيء لاكن ساره ماعطتها فرصه تشرح لها طلعت فوق و مشاعل راحت لعند البوفيه اخذت صحنين وبدت تغرف لهم اكل من كل شيء تشوفه قدامها في بعض الاصناف ماعرفت شنو ..بس حطت منها عشان تجربها ..لما وصلت عند المشاوي ..
مشاعل بتفكير : اخذ هذا .. لا ذاك شكله حلو .. اخذ الاثنين وبس ..
فرح وهي ماشيه التفتت على مشاعل : على فكره الاكل مابيطير.. الحمدلله والشكر.. لاكن ماعليك شرهه بنت ملجا مو شايفه خير ..

مشاعل لفت على صاحبه الصوت اول ماشافت انا هي نفسها ام الفستان الاحمر قالت في نفسها ( جيتي والله جابك )
فرح بعد ماقالت الكلمتين اللي بقلبها مشت عن مشاعل بعد ماعطتها نظرت احتقار .. مشاعل حطت الصحون على الطاوله ومشت وراء فرح وداست على طرف فستان فرح من وراء اللي كان طويل شوي .. فجاءه فرح زحلقت مع السيراميك وطاح صحن الاكل اللي كان معاها على فستانها وشعرها شكلها كان مهزله والكل التفت لها والبعض ابتسم بشماته عليها .. فرح ناظرت مشاعل بقهر .. مشاعل طالعتها بابتسامه سخريه ومشت عنها ..

الى هنا انتهى البارت السابع القاكم في بارت جديد وباحداث مشوقه اكثر تكمله للحفله المشئومه ..

اسئله البارت ..

وين فاطمه و زوجها ماشفناهم بالحفل ؟؟
ريم شنو اللي ضربت فيه ؟؟
فرح راح تسكت على مشاعل بعد الفشيله قدام الحريم ؟؟
دلال والشخص اللي متعرفه عليه مين هو ؟؟
عائله العم راشد كيف انطباعكم عنها ؟؟
العنود راح ترجع تشوف مره ثانيه والا لا ؟؟
الحفل راح ينتهي على خير او لا ؟؟
والسؤال اللي دائم نكرره ..
مين بطله روايتنا

؟؟

البارت الثامن ...

مشاعل لفت على صاحبه الصوت اول ماشافت انا هي نفسها ام الفستان الاحمر قالت في نفسها ( جيتي والله جابك )
فرح بعد ماقالت الكلمتين اللي بقلبها مشت عن مشاعل بعد ماعطتها نظرت احتقار .. مشاعل حطت الصحون على الطاوله ومشت وراء فرح وداست على طرف فستان فرح من وراء اللي كان طويل شوي .. فجاءه فرح زحلقت مع السيراميك وطاح صحن الاكل اللي كان معاها على فستانها وشعرها شكلها كان مهزله والكل التفت لها والبعض ابتسم بشماته عليها .. فرح ناظرت مشاعل بقهر .. مشاعل طالعتها بابتسامه سخريه ومشت عنها ..

فرح بصوت عالي : انا اوريك ياتبن راح اردها لك ياللقيطه ..

مشاعل كانت بتروح لاكن الكلمه وقفتها هذي ثاني مره تسمعها لفت بسرعه على فرح : اللقيطه اشرف منك ومن اهلك كلهم ..

فرح قامت بعصبيه : مو ناقص الا هالاشكال تصير اشرف من اهلي ..

الكل تجمع الحريم والبنات حولهم ماصدقو على الله تصير هوشه عشان يتفرجون ..
جاءت ام راشد شافتهم متجمعين على شيء بعدت الحريم و دخلت بينهم انصدمت من شكل فرح فستانها موصخ وعليه اكل وشعرها منكوش و مكياجها ساح ..

ام راشد : شفيك يما فرح وش صاير ؟؟..
فرح بعصبيه : خالتي يرضيك اتهزاء في بيتكم ..
ام راشد : محشومه يابنتي انتي صاحبتي البيت لاتنسين انك زوجه ولدي ..
فرح تاشر على مشاعل : هالاشكال ياخاله هي الي غلطت علي .. هذا اخر صداقه بنات الملجأ ..
ام راشد شافت مشاعل وقالت باستهزاء : انا قايله لساره لاتعزمين هالاشكال بيتنا ...
مشاعل : ترا اذيتيني انتي وياها الاشكال والاشكال .. لعلمك صدق احنا يتاما وتربينا في ملجأ على قولتك لاكن عمرنا ماسرقنا ولاظلمنا و محافظين على دينا واخلاقنا مشكلتنا اهلنا هم اللي ظلمونا .. وانا اكد لك انا احنا اشرف واحسن بميه مره من اللي عايشين بين اهلهم ..
ام راشد : بلا طواله لسان احترمي نفسك يابنت ..
مشاعل بادب : انا ماغلطت عليك ياخاله .. لاكنك على طول جيتي ودافعتي عنها بدون لاتعرفين السالفه ..
ام راشد تبي تقصر السالفه عشان المعازيم : خلاص بلا كثره كلام ...( وجهت الكلام للحريم ) .. تفضلو كملو عشاكم اسفين على اللي صار تعرفون البنات ومشاكلهم ..
كلن رجع لمكانه و مشاعل راحت لعند البنات ..

******************************************

ريم بتحلطم : ياربيه وش يعرفني بالمكاان انا .. اخاف اضيع مثل بالحديقه ..
( مشت وهي تتحلطم على الدرج لما وصلت مكان فيه غرف كثير دخلت ثاني غرفه على اليمين ) ..
دخلت الغرفه بسرعه الا صدمت بشيء قووي
طاااخ رفعت عيونها ريم بارتباك : اااا ..
راشد كان توه بيطلع من غرفته فتح الباب بيطلع انصدم لما حصل ريم بوجهه كانت ايه من الجمال بياض بشرتها ونعومتها وشعرها الطويل الاسود نظرات عيونها البريئه و لون الفستان الفوشي كان كل شيء فيها يجذب باختصار سبحان من صورها راشد بعد ماطالعها ماقدر يشيل عينه عنها فتره من الزمن قعد يتاملها هو مو من النوع اللي يطالع البنات لاكن غصب عنه شكلها يجذب ...حتى خطيبته فرح عمره ماطالعها كذا لف راشد عنها وعطاها ظهره ..
راشد باحترام : اختي انتي غلطانه الحفل تحت مو هنا ..
ريم بعد ماستوعبت انها طول الوقت كانت تطالع فيه : ها .. ايه ادري ..
راشد : طيب ايش مطلعك فوق ..
ريم : ساره قالت لي اطلع غرفتها لان صندلي انكسر ..
راشد وهو ياشر بيده بعيد : غرفه ساره من ذيك الجهه ثااني غرفه على اليسار ..
ريم براءه : لا اخاف اضييع ..
راشد باستغراب : طيب ابعدي عن الباب وحطي شيء على راسك .. انا بوصلك للغرفه ..امشيء وراي ..
ريم حطت الشال راسها وكتوفها مشى راشد قدامها وهي وراه .. وهو يمشيء قدامها ناظرت فيه تتتامله قالت في نفسها يالله شكثر حلو طول وعرض وجمال واخلاق يعني لو واحد ثاني و شاف بنت وهم لوحدهم كان استغل الفرصه من جد رجال ) ..
مانتبهت الا لما كلمها راشد : تفضلي اختي هذي الغرفه ..
ريم : شكرا ..
راشد : العفو ..( ومشى وخلاها )
راشد وهو نازل من الدرج قابل ساره ..
ساره بخوف : انت هنا ..
راشد : ايه ..
ساره : كيف دخلت ..
راشد : من الباب الخلفي .. و مره ثانيه لتخلين البنات يصعدون فوق تاكدي اذا في احد قبل والا لا ..
ساره بخوف : يووه ريم .. انت شفتها ..
راشد بارتباك : لا طبعا .. بس سمعت احد داخل غرفتك وعرفت انا احد صعد ..
ساره بشك : وش دراك انا احد مو من البيت يمكن انا ..
راشد بعصبيه : خلاص بلا كثره اسئله ..( ونزل عنها و خلاها ) ..

************************************************** **

عند البنات جات لعندهم مشاعل وباين انها معصبه وسحبت الكرسي و جلست بعصبيه ..
نوره حست انا مشاعل معصبه : وش فيك ميشو ..
مشاعل والشياطين تناطر قدامها : مافيني شيء ..
نوره باستغراب : وين الاكل ؟؟..
مشاعل بعصبيه ورفعت يدها بحلف : يمين بالله محنا ماكلين من عندهم شيء ناس مغرورين ماعندهم ذوق ولا احترام ... انا ابي امشي من هنا .. وين ريم خل نمشيء ..
العنود : فوق ماجت لحد الحين ..
جود : مشاعل بليز لاتروحو ..
مشاعل : معليش جود لازم نمشي ..
العنود : انا مو فاهمه شيء ..
مشاعل : لما نروح الدار بفهمكم كل شيء ..

************************************************** *

ساره دخلت غرفتها حصلت ريم جالسه على السرير ..

ساره بابتسامه : ريوووم زين انك دليتي الغرفه ..
ريم وقفت باحراج : سارونه جيتي والله جابك بليز اعتذريلي من اخوك ..
ساره مو فاهمه : ليه ؟..
ريم : لان دخلت غرفته .. والله فشله الحين شنو بيقول عني اكيد بيحس اني بنت مو زينه ..
ساره باستوعاب : اها الحين فهمت ليه هزءني على الدرج .. عاد ولا يهمك اخوي راشد مايفكر كذا .. بس غريبه انا سالته قالي ماشافك ..
ريم : مدري بس المهم اعتذريلي منه ..
ساره : اوكي .. يلا تعالي اعطيك جزمه ...

غرفه ساره كانت كبيره مره السرير دائري بوسط الغرفه ورفيع شوي والتسريحه مقابله له وعلى جنب في قوس مفتوح داخله دواليب كثيره كانت للملابس وغيرها ... فتحت ساره الدولاب لريم كان كبير حيل تقريبا خمس رفوف كلها مليانه جزم ( وانتو بكرامه ) ..بانواع واشكال والوان مختلفه ريم هنا احتارت شنو تنقي منهم ..احسدت ساره على العز اللي عايشه فيه تمنت لو عندها شيء بسيط من اللي عند ساره ... بالاخير اخذت صندل اسود ناعم لبسته و نزلو تحت عند البنات ..

************************************************

عند الرجال بعد العشاء مابقى احد الكل مشى .. مابقو الا ابو راشد وعياله و العم راشد وعياله ومشعل و ابوه ..

مشعل : عيال شرائكم نلعب بلوت ..
راشد بحماس : يلا من زمان مالعبنا ..
راكان بسخريه بصوت واطي : صدق مبزره ..
فيصل : وانا معكم ..

وابتدو اللعب مشعل وراشد وفيصل و خالد بجهه والرجال يسولفون بجهه ثانيه .. وراكان يفرفر بالقنوات ..
خالد : اللي يخسر يطلعنا بكره على حسابه ..
راشد : افا عليك من عيوني بكره اطلعك انا ..
خالد : تسلم لي ياولد العم..
فيصل يكلم راكان : تعال العب معنا ..
راكان بدون نفس : لا شكرا ..
فيصل ماعجبه طريقه راكان : على راحتك ..

ابو مشعل يكلم العم راشد : الا وش ناوي تسوي بعد رجعتك لديره ..
ابو فيصل ( العم راشد) : لحد الحين مدري .. اهم شيء اني بين اهلي وناسي .. بس الاكيد بدور لي شغل ..
ابو راشد : تدور شغل وشركات اخوك موجوده .. اختار الشركه اللي تعجبك ومن بكره ديرها بنفسك ..
ابو فيصل : لا ماله داعي انا عندي شهادات و انشاءالله بلقى لي شغل مناسب .. كلفنا عليك بما فيه الكفايه ..
ابو راشد : افا بس يا راشد مابينا هالكلام حلالي هو حلالك وخبرتك وشهادتك احنا محتاجينها .. وماراح القى احسن منك يدير حلالي ..
ابو فيصل : انشاءالله على امرك..
ابو راشد : الامر لله وانا اخوك ..
ابو مشعل بداخله ندم على الكلمه اللي قالها ابو فيصل بيمسك حلال اخوه وهو مايبقى هذا الشيء يصير طول عمره يتمنى انا هو اللي يمسك وحده من شركاته ..لعن نفسه مليون مره ..

***********************************************

ريم اول ماوصلت عند البنات هي وساره وقفت مشاعل على طول وقالت بعصبيه : ريم يلا بنمشي ..
ريم باستغراب : ليه تو الناس ..
مشاعل : انا مابي اجلس هنا ..( والتفتت على ساره ) .. ومره ثانيه اذا صار عندكم مناسبه لاتعزمينا لان احنا مو من مستواكم ..
ساره : شهالكلام ياميشو الكبر لله كلنا عيال واحد .. انا زعلتكم بشيء ..
ريم : وش فيك ميشو البنت ماسوت شيء هذا جزاتها انها عزمتنا وجبتنا ..
مشاعل بعصبيه : الحق ينقال ماجاء منك الا كل خير لاكن كفايه الكلام اللي سمعته من امك ..
ساره بخوف : امي وش قالت لك ؟ ..
مشاعل : اساليها وهي تقولك .. ( ولفت على البنات ) انا بروح اقول لماما حمده عشان نمشيء .. هي وينها ؟ ..
نوره تاشر على الطاوله اللي جالسه عليها حمده وحرمتين : شوفيها هناك ..
راحت مشاعل تقول لحمده وطبعا هي ماعارضت لاكن استغربت كانو متحمسين والحين الساعه 11 وبيمشون ..
ريم وهي تلبس عبايتها : وش فيها ..
العنود : علمنا علمك .. جت معصبه وقالت بعدين بقول لكم ..
نوره : اكيد احد مسمعها كلام .. والا ماكان هذا حالها ..
ساره : ميشو الله يهديها تعصب بسرعه .. خساره نبي نجلس مع بعض اكثر ..
جود : بليز لاتروحو ..
ريم : تبين ميشو تفجر فينا .. الله يعينا عليها ..
مشاعل جتهم : يلا بنات مشينا السواق ينتظر عند الباب ..
نوره : امداه وصل ..
مشاعل : هو جاي من زمان بس ماما حمده قالت له ينتظر بره ..
ساره : الله يهديك يا ميشو ليه العصبيه ..
مشاعل : بليز سارونه مالي خلق اتكلم ..

دقائق وطلعو بره القصر ركبو السياره وتوجهو لدار البنات كان ودهم يجلسون اكثر من كذا لاكن عصبيه مشاعل خوفتهم ..

***************************************

وصلو البنات الدار و توجهو لغرفتهم يبدلون ملابسهم ..
ريم بعصبيه خفيفه تكلم مشاعل : ماله داعي حركتك اليوم ..
مشاعل : انتو ليه مو راضين تفهموني ..
ريم : انتي اللي مو راضيه تفهمين نفسك ..
مشاعل جلست بحزن على السرير بقهر ونزلت منها دموع على خدها هذي ثاني مره تنزل دموعها لنفس السبب ونفس الكلمه ..
نوره جلست جنب مشاعل : ميشوو لاتبكين دموعك غاليه .. بس انتي هزءتي ساره وهي ماله ذنب ..
مشاعل وهي تبكي : انا بس قلت لها اسالي امك .. اخ يابنات لو سامعينها وقفت مع ذيك الزفته وسمعتني كلام زي السم .. وين ماروح يقولون بنات ملجأ ولقيطه لين متى بنسمع هالكلام لهدرجه احنا بنظرهم بنات سيئات مو ذنبنا اذا اهلنا رمونا هنا و لاذنبنا انا صرنا بنات ملجأ الى متى بنسمع هالكلام قولو لي الى متى ؟..
ريم بحزن جلست مقابل مشاعل و حطت يدينها على كتف مشاعل : لما نموت يا ميشو راح نسمع هالكلام لاتحسبين انك الوحيده اللي تسمعين ذا الكلام حتى احنا بس ماقد قلنا لك لان تعودنا خلاص ..

مشاعل : اذا انتو بتنظرون الناس تسكت لا عمرها ماراح تسكت .. ليه مانسكتهم احنا ..

العنود : شلون يعني ؟؟..

مشاعل : ندور اهلنا ونثبت لناس كلهم احنا منو ..

البنات انصدمو من كلام مشاعل ..

العنود : مشاعل انتي عارفه شتقولين .. اي اهل اللي بتدورينهم .. ووين بتدورينهم ؟؟ ..
مشاعل : ايه عارفه وش اقول .. عادي في اي مكان ..
نوره باستهزاء : لو اهلنا يبونا ماجابونا هنا من الاساس ..
ريم تكمل باستهزاء اكثر: وانتي تتوقعين لو لقيتي اهلك بيعترفون فيك ..
مشاعل : ايه اكيد انا بنتهم ..
ريم : انتي بنتهم ايه .. لاكن بالنسبه لهم عار فهمتي ..
مشاعل غرقت عيونها بالدموع : عار ..
ريم : ايه عار لان احنا مجرد غلطه سووها في حياتهم وحبو يدفنونها بعيد عن عيون الناس ..
نوره : عشان كذا يا ميشو عمرك لاتفكرين بهالموضوع ..
العنود : وعيشي اللي بقى لك من حياتك زي ما انتي ..

وقامو عنها وتركوها في افكارها وحزنها ريم بدلت ملابسها وراحت تنام .. العنود نفس الحاله بدلت لها نوره ملابسه ونامت .. اما نوره راحت للمطبخ تجيب لها شيء تاكله لانهم ماتعشو ..
مشاعل بعد مافكرت بكلام خواتها حست انا معاهم حق اي اهل اللي رمو بنتهم هنا برضاهم هذول ماعندهم ذره رحمه كيف راح يرحبون فيها بعد هالسنين الطويله اكيد هي بالنسبه لهم انسانه غريبه .. وكيف راح تحصلهم .. خابت كل امالها ..

**************************************
في بيت ابو راشد بعد ماراحو كل الموجودين جود وحصه راحو يريحون في جناحهم ام راشد كانت جالسه في الصاله جاتها ساره ...

ساره بعصبيه وقفت قدام امها : يمه ايش اللي سويتيه في صحباتي اليوم خليتيهم يمشون من الحفل متضايقين ..
ام راشد بعصبيه : مو ناقص اللي تعطيني كفين ..
ساره : يمه حرام عليك ليه تعاملينهم كذا ..
ام راشد : انا ماسويت شيء هي اللي تعدت حدودها وغلطت على مرت اخوك ..
ساره : من جدك يمه تدافعين عنها انتي اكثر وحده تعرفين انا فرح هي اللي تدور المشاكل وشايفه نفسها ..
ام راشد : يلا عاد هذي بنت خالك بلا طواله لسان ..
ساره : يمه انا شايفتها من اول الحفله وهي تطالع فيهم وتتحرش ..
ام راشد : اسكتي لايسمع اخوك ترا مو ناقص بلحاله ماخذها بالغصب ..
ساره : ايه اخوي عارفها مو مثلك منغشى فيها ..
ام راشد : الف مره اقولك ذي بنت خالك .. انا مدري ليه مهتمه في ذولاك على شنو توك متعرفه عليهم ..
ساره : لانهم بنات محترمين وخلوقات وهم صديقاتي ماراح ارضى احد يغلط عليهم ..
ام راشد بغرور : لاتخافين ماراح يتركونك هالنوعيات ماعندهم كرامه يلزقون بالواحد .. والحين يلا بعدي ابي اشوف المسلسل ..
ساره : وانتي عندك شيء غير المسلسل ..

مشت من عند امها معصبه راحت لغرفتها بدلت ملابسها وراحت تنام وهي تفكر كيف تعتذر من البنات بعد اللي صار لانها عرفت السالفه من اختها دلال لما قالت لها فرح ..

*********************************************

عند دلال بالغرفه كانت تكلم حبيبها ..

.... : ها ياقلبي انبسطتي ..
دلال بملل : مو مره ..
.... : ليه ؟ ..
دلال : كيف تبيني انبسط و انا طول الوقت افكر فيك ...
.... : اروح وطي انا..
دلال : وانت وش كنت تسوي ..
.... : انا كنت مشغول شوي تو فضيت و كلمتك على طول ..
دلال : ماودك نتقابل ..
.... بفرحه : صدق .. انا جاهز بس انتي اختاري المكان والوقت اللي يناسبك ...
دلال : اوكي بكره العصر في مطعم ....
... : ياربي كيف بصبر .. متى يجي بكره بسرعه ..
دلال بهيام : لهدرجه تحبني ..
.... : انا ماحبك ..
دلال بزعل : لا والله ..
... : انا اعشقك ..
دلال بخجل : و انا اكثر ..

*******************************

في المجلس بعد ماطلع ابو مشعل و مشعل .. وراكان راح يكمل سهرته بالاستراحه ...

راشد يكلم خالد : وين فيصل ..
خالد : شكله يكلم ( وغمز له ) ..
راشد مافهم : مين ؟؟..
خالد : الحب ياقدع ..
راشد يصفر: اخس فيصل يحب ..
خالد : يعني شيء من كذا ..

ابو راشد سمع تصفير راشد لف عليهم : وش عندكم ؟؟ ..
راشد بارتباك : لا يبا و لاشيء ..
خالد بصوت واطي : اسكت لاتفضحنا ..

ابو فيصل : متى يابو راشد راح تقول لهم ..
ابو راشد : قريب انشاءالله راح يعرفون كل شيء ..
ابو فيصل : انت وعدتني يا سعود جيتي هنا بشرط الكل يعرف السالفه ..
ابو راشد : انشاءالله بيعرفون كل شيء بس انتظر الوقت المناسب ..
ابو فيصل : لين متى واحنا نقول الوقت المناسب.. ابوي اللي سكت علشانه توفى الله يرحمه واخوي وتوفى ..سنين مرت واحنا نقول الوقت المناسب ماتدري مين بكره مننا يروح.. قول كل شيء ياسعود و خلنا نرتاح ..
ابو راشد هز راسه بمعنى ايه ..

فيصل بعد ماخلص مكالمته دخل المجلس وجلس جنب راشد ..
راشد يغمز له : اجل الحب هاه ..
فيصل طالع اخوه خالد : امداه قال لك ..
خالد : ولد عمنا ماهو غريب ..
فيصل : انا اشهد ..
راشد : تسلم ..
فيصل : الا اقول وش رايك تخاويني بكره ..
راشد : وين ؟؟..
فيصل : بقابل خويتي بكره في مطعم .. تعرفه ..
راشد : ايه دائم نروح له انا والاهل ... بس انا بسالك سؤال من جدك تحبها ..
فيصل : امممم .. الصراحه لا يعني تقدر تقول صداقه ..
راشد : دامك ماتحبه ليه مضيع وقتك وتلعب بمشاعر بنت الناس ..
فيصل : ذاك لول نقول نلعب بمشاعر البنت ..الحين البنات يعرفون انا العلاقه مجرد مزاج ويكلمونك ..
راشد : وانت وش دراك يمكن البنت ذي تحبك صدق و انت تلعب عليها ..
فيصل : لا وش العب عليها .. علاقتي معها مجرد مكالمات بكره اول مره بقابلها ..وصدقني تلقاها عندها عشرين واحد غيري ..
راشد : الله يهديك ..
فيصل : المهم بتروح معي .. عشان تدليني المكان..
راشد : معني ماحب هالسوالف بس يلا عشانك ..
فيصل : يسلملي الحنون ..
راشد وخالد : هههههههههههههه ..

بعد ماخلصو سوالف راح كل واحد ينام في جناحه ابو راشد قرر بكره يجمع العائله كلها ويخبرهم بالكلام اللي كان لازم يقوله من سنين ...

*****************************************

ثاني يوم الصباح البنات كالعاده لبسو مرايلهم وفطرو وركبو الباص متوجهين للمدرسه ماعدا العنود اللي تعودت اليومين اللي فاتو انها راح تجلس بالدار اشتاقت للمدرسه كثير كان حلم حياتها انها تخرج من الثانويه ..وتسافر بره تكمل دراستها وتصير دكتوره وتبعد كثر ماتقدر عن الدار وتبني حياتها بنفسها وتكوون عائله تكون ام صالحه هذا كان حلمها لاكن الحادث هدم لها كل احلامها وامالها صارت قليله الكلام طول الوقت حزينه تحس نفسها عاله على خواتها هم اللي ياكلونها ويشربونها ويلبسونها و يدلونها الطريق ... الخ .. كل املها انها ترجع تشوف بعد العمليه اللي راح يسويها صاحب الدار لها على حسابه ..

في الباص ..

ريم : ياريت العنود معانا ..
نوره : ايه والله مسكينه احسها صايره حزينه وقليل ماتتكلم ..
مشاعل تذكرت راكان : حسبي الله على اللي كان السبب ياريت كان فيه ولا فيها ..
ريم : انا مو قاهرني الا انه طلع ولا كان سوى شيء ..
نوره باستغراب : ليه هو طلع ..
مشاعل : ايه .. ( وقالت لها سالفت الحديقه يوم يتاخرون عليهم ) ..
نوره : ايه اكيد عيال الاغنياء مايتحاسبون لو انه ولد فقير و كان مظلوم كان جلس طول عمره في السجن ..
ريم : ربي ياخذ حقها منه ..

*****************************

في بيت ناصر ..

ناصر وهو يحط ملعقه الدواء في فم فاطمه : لا بجلس معك غياب يوم واحد ماراح ياثر..
فاطمه وخرت ملعقه الدواء : لا لازم تروح .. وتعذر لنا من ابو راشد لان ماجينا العزيمه ..
ناصر : خليني جالس معاك احسن ..
فاطمه : ماله داعي كلها حراره وبتخف انشاءالله .. انت توكل على شغلك ..
ناصر : طيب .. هذي الادويه مكتوب عليها كل الاوقات والمقدار .. انا بروح .. يلا مع السلامه ..
فاطمه : فمان الله .. كح كح ...

*****************************

في الدار عند حمده ...

العنود كانت ماشيه جنب مكتب حمده تلمس الجدار عشان تدل المكان اللي تعودت عليه 17 سنه حتى لو كانت عميه لاكن هي حافظه كل شبر في الدار المكان كان هاديء كل البنات في مدارسهم مشت بتروح المطبخ تجيب لها اكل لاكن وقفها الكلامه اللي سمعته ..

حمده بعصبيه : مافي قانون بيسمح لك تاخذين البنت بعد كل هالسنين .. الحين جايه بتاخذينها ..

..... : بنتي وانا حره واخذها متى ابي ..

حمده : اذا تبينها روحي طالبي فيها بالمحاكم .. لاني انا لايمكن اني اعطيك اياها .. بعد 17 سنه جايه تقولين هالكلام ..

.... : الحين انا ابيها وباخذها وراح تشوفين ياحمده ..

طلعت الحرمه من المكتب بسرعه ومن الدار.. كان شكلها ملفت عبايتها على الكتف ومطرزه بالالوان وريحه العطر تنشم على بعد كيلو وصوتها العالي وجها المكشوف ...
حمده طلعت من المكتب شافت العنود واقفه عند الباب ..

حمده بارتباك : عنود انتي هنا ؟؟..
عنود : انا كنت بروح المطبخ ..
حمده تضيع السالفه : ليه ماناديتي احد من الموظفات تجيب لك اللي تبين ..
العنود ودموع ماليه عينها : ماما ..الكلام اللي سمعته صح هذي ام ...
حمده هزت راسه : ايه ..

الى هنا انتهى البارت الثامن اتمنى يكون عجبكم وانشاءالله البارتات القادمه راح نكشف اسرار خطيره ..

اسئله البارت ..
مين الحرمه اللي جات و من هي بنتها ؟؟
شنو الكلام اللي بيقوله ابو راشد للعائله ؟؟
دلال والشخص اللي بتقابله اكيد عرفتوه كيف راح تكون رده فعلها ؟؟
بيت العم راشد و سر رجعتهم بعد هالسنين ؟؟
مين صاحب الدار المجهول ؟؟
بيت ابو مشعل هل راح يكون لهم دور في البارت القادم ؟؟
والسؤال اللي دائم نكرره ..
مين من البنات الاربع بطلتنا

؟؟

ال

جزء التاسع
البارت التاسع ...
بارت مليء بالاحداث والتشويق ..^^

حمده : اذا تبينها روحي طالبي فيها بالمحاكم .. لاني انا لايمكن اني اعطيك اياها .. بعد 17 سنه جايه تقولين هالكلام ..

.... : الحين انا ابيها وباخذها وراح تشوفين ياحمده ..

طلعت الحرمه من المكتب بسرعه ومن الدار.. كان شكلها ملفت عبايتها على الكتف ومطرزه بالالوان وريحه العطر تنشم على بعد كيلو وصوتها العالي وجها المكشوف ...
حمده طلعت من المكتب شافت العنود واقفه عند الباب ..

حمده بارتباك : عنود انتي هنا ؟؟..
عنود : انا كنت بروح المطبخ ..
حمده تضيع السالفه : ليه ماناديتي احد من الموظفات تجيب لك اللي تبين ..
العنود والدموع ماليه عينها : ماما ..الكلام اللي سمعته صح هذي ام ...
حمده هزت راسها : ايه ..
العنود ودموع نزلت على خدها: يعني هذي ام مشاعل .. وجايه تاخذها ..
حمده : ايه .. بس انا لايمكن اعطيها مشاعل .. انا اللي ربيتكم وانتو بناتي .. ولو انها ام تخاف الله كان هذا حقها لاكن ..( سكتت ماقدرت تكمل الكلام ) ..
العنود تلمس الجدار استغربت من سكوت حمده تلفتت بوجها تبي تحس بشيء : لاكن ايش ..
حمده بارتباك : خليك من هالكلام ... امشي نروح المطبخ ..
العنود : بس ..
قاطعتها حمده : كل شيء راح تعرفينه بوقته ..
ومسكت العنود من يدها ودتها المطبخ يسوون لهم اكل ..

*******************************************

في المدرسه ..

في الصف عند ريم وساره الحصه الاولى كانت المدرسه تشرح وساره تكلم ريم تعتذرعلى اللي صار ..

ساره باحراج : ريم والله اسفه امي دائم كذا ماتهتم الا بكلام الناس .. تفكر بالمنظر قبل الجوهر ..
ريم بابتسامه حطت يدها على ظهر مشاعل : مايحتاج تتاسفين .. مشاعل زودتها شوي مفروض انا اللي اعتذر ..
ساره بجديه : لا بالعكس كلام مشاعل في محله مفروض امي ماقالت كذا من الاساس ..
ريم : انا ماعلي من امك اهم شيء انتي ..من يوم تعرفنا عليك وانتي تتعاملين معانا باحترام و طيبه ..
ساره بحب صادق وعيونها امتلت بالدموع : يشهد علي ربي احسكم خواتي .. واعز بعد ..
ريم بادلتها الشعور : لبى قلبك سارونه ..
المعلمه توجه كلامها لريم وساره : يعني شلون انتي وهي نوقف الدرس ونسمع سوالفكم ..
ريم انتبهت للمدرسه : اسفه استاذه ..
المعلمه : هذا التنبيه الاخير .. يلا ركزو معاي ..
ساره : انشاءالله ..

******************************

عند نوره ومشاعل في صف 3/3 ادبي ..

المدرسه تشرح وطبعا البنات مو يمها اللي تحط كحل واللي تقراء روايه واللي تساسر اللي جنبها واللي جايبه جوالها وتطقطق فيه واللي ... واللي ..

مشاعل طول الحصه كانت حاطه راسها على الطاوله ونايمه .. نوره مكانها جنب مشاعل كانت تسولف مع البنت اللي قدامها ..

المعلمه بعد ماخلصت شرح التفتت على البنات :يلا يابنات فتحو كتبكم بنحل الاسئله ..
الكل طلع كتابه ماعدا مشاعل كانت في سابع نومه ..
المعلمه تكلم مشاعل : ياست مشاعل .. مشاعل..
نوره تدز مشاعل بكوعها ..
مشاعل بالم لفت عليها بعصبيه : وجع .. كم مره اقول عصاقيلك توجع ..
نوره تاشر بعيونها على المعلمه : الاستاذه تكلمك ..
مشاعل لفت على المعلمه بخووف وابتسمت : ياهلا والله ..
المعلمه متعوده على حركات مشاعل : هلا فيك .. حبيبتي مشاعل ماتبين اجيب لك لحاف ومخده ( قالتها باستهزاء ) ..
مشاعل بعربجيه طقت على صدرها والابتسامه شاقه وجها : ماتقصرين استاذه كذا مرتاحه ..
بنات الفصل ضحكو على خبالها : هههههههههههههههههههههههههه
المعلمه بعصبيه تكلم البنات : بس ..هذا اللي فالحين فيه ... ( ولفت على مشاعل ) وانتي يلا طلعي كتابك اول سؤال انتي بتحلينه ..

مشاعل بارتباك : ها .. كت..كتااب ..
المعلمه بسخريه: ايه كتابك ياشاطره ..
مشاعل : كتابي .. ايه كتابي الله يسلمك وحده من البنات خذته بتنقل منه وترجعه ..
المعلمه بطنازه: من زود الفلاحه تاخذ كتابك ..
نوره ضحكت بصوت عالي : كااااااااااك ..
مشاعل طالعت نوره بنص عين لانه طاح وجها ...
المعلمه بعصبيه: اطلعي بره الفصل لان وجودك مثل عدمك انا مدري ليه تعبين نفسك وتدامومين ..
مشاعل قامت من مكانها وطلعت تعودت على الوضع مو شيء جديد اغلب الحصص مطروده بره ..

****************************************

في الشركه ابو راشد وراشد و العم راشد وولده خالد كانو بالشركه ماعدا فيصل اللي ماصحى من النوم ..
ابو راشد اخذ ابو فيصل ودارو على المكاتب وتعرف على الموظفين و شاف الشغل كيف ماشي نفس الشيء عند خالد و راشد ..

راشد : انت قلت لي عندك شهاده محاسبه ..
خالد : ايه ..
راشد : طيب احنا ناقصنا محاسبين وماراح نلقى أأمن منك يدير حلالنا ..
خالد توه بيتكلم : لاكن انا ..
قاطعه راشد باصرار: خلاص اعتبر نفسك تعينت هنا وراح تكون مدير المحاسبين بالشركه ..
خالد باستسلام : اوكي ..

عند ابو راشد وابو فيصل كانو جالسين بالمكتب يناقشون مواضيع الشركه .. اندق الباب ..
ابو راشد : تفضل ..
دخل ناصر ومعاه فنجال قهوه وكاس عصير حط الفنجال قدام ابوراشد والعصير قدام ابو فيصل ..
ناصر بابتسامه يكلم ابو فيصل : الحمدلله على السلامه ..
ابو فيصل بابتسامه : الله يسلمك ..
ابو راشد : ماشفناك امس ياناصر ..
ناصر بفشله : سامحني ياعم زوجتي تعبت وماقدرنا نجي ..
ابو راشد : لا اذا كذا معذور .. ماتشوف شر ...
ناصر : الشر مايجيك .. عن اذنكم ..
ابوراشد و ابو فيصل : اذنك معك .. ( وطلع ناصر من المكتب ) ...
ابو راشد : مدري ليه كل ماشوف هالرجال اتذكر ابوي الله يرحمه ..
ابو فيصل : اكيد من هوصغير يشتغل عند ابوي ..و قبل لايموت وصى عليه ..

*********************************************

في بيت ابو راشد دلال ماكان عندها محاضرات طول الوقت قاعده في غرفتها ..
و ام راشد وحصه راحو لاحد الجمعيات النسايئه ..
فيصل قام من النوم و رفع الساعه اللي جنبه شافها 11 نقز من مكانه بسرعه : اووف راحت علي نومه اللي يعيني على صراخ ابوي ..
قام بسرعه ودخل الحمام اخذ له شور و لبس بنطلون جنز رمادي وبلوزه بيضاء وجزمه سبور ( وانتو بكرامه ) حط جل بشعره ولبس ساعته واخذ نظراته و نزل بسرعه ..

دلال حست بالجوع قررت انها تنزل تاكل شيء لانها مافطرت ..

فيصل اول مانزل من الاصانصير بتفكير: جوعان خل اكل شيء بعدين اروح .. ماراح اطول ..

دخل المطبخ ماحصل احد باستغراب : حتى الخدم مو موجودين .. هاجرو ذولا والا شسالفه ..
فتح الثلاجه حصل سندويشات بحافظه حطله ثنتين بطبق ودخلهم الميكروف وصبله كاس عصير و جلس على الكرسي يستنى ..

دلال نزلت من الدرج كانت ماخذه راحتها على الاخر فاكه شعرها و لابسه بيجامه موف وفيها ورود تفاحيه وشحاطه ريش تفاحيه وماسكه البي بي بيدها ..

دخلت المطبخ بسرعه .. وقفت مكانها لما شافت فيصل ياكل بشراهه وحاط سندويشه بحلقه والثانيه بيده ..
ملاحظه : البنات مايتغطون عن عيال عمهم بس يلبسون ملابس ساتره وطويله ..

لما شافت فيصل جالس بالمطبخ قررت ترجع لاكن صوته وقفها : عادي تعالي ..
دلال باحراج : لا بس كنت ابي ميرري تجيب لي الاكل فوق ..
فيصل : دورت قبلك ماحصلت احد.. ( واشر لها على الكراسي ).. تعالي بس سخنيلك من هالسندويشات واكلي ..

دلال كانت بتغير رايه لاكن صوت بطنها من الجوع جبرها تجلس اخذت كم سندويش و جلست تاكل ..
فيصل يطالعها باستغرااب ..
دلال بنفسها ..( شفيه ذا يخز شكل عينه بالساندويشه اللي اكلها من شاف شكله من شوي ..مشفوح ) : فيه شيء ؟؟ ..
فيصل : لا بس استغربت اكلتي الساندويش بارد ..
دلال : ايه انا احبهم كذا عندك مانع ..
فيصل ( شكلها نفس راكان هي وهو نفس النمونه ) : لا بالعافيه ..
ماردت عليه ..
فيصل : الا انتي باي سنه ؟ ..
دلال بدون نفس : سنه ثالثه كليه ..
فيصل : انا خلصت الجامعه و انشاءالله بشتغل بشركه عمي ..
دلال ( اوف احد ساله ذا ) : اها ..
فيصل : فرصه حلو التقينا اليوم عشان نتعرف على بعض ..
دلال ودها تكفخه مالها خلقه: امممم ...
فيصل : تحبين ؟؟ ..
دلال بصدمه : شهالسؤال ؟؟ ..
فيصل بارتباك : لا يعني قلت اتعرف عليك اكثر ..
دلال بغرور : لا طبعا ... ولو احب انت اخر واحد له دخل .. ( وعطته نظره وطلعت من المطبخ ) ..
فيصل يطق راسه : اوف مني علي اسلوب غبي ..

بعد ماخلص اكل توجه للشركه ..

**********************************************

في احد الجمعيات النسائيه للمسانده المراءه في حقوقها ..
ام فيصل ( حصه ) .. كانت تاخذ و تعطي مع الحريم باسلوبها العقلاني والراكز ام بندر كانت من ضمن الحضور كل يوم تعجب بشخصيه ام فيصل اكثر تحسها انسانه مثقفه و محترمه و اعيه ..

ام فيصل كانت تحاور الحريم الموجودين : كل وحده تقدر تكون شيء ناجح في المجتمع لاكن بحدود عاداتها وتقاليدها كل وحده فينا تقدر تكون مساهمه بنجاح مجتمعها والوصول الى اعلى المراتب .. يعني الدكتوره و المدرسه وحتى ربه المنزل لها دور في نجاح المجتمع .. انا مثلا درست بره وعشت 26 سنه في امريكا وكنت متفوقه في دراستي وبعدها تزوجت وبعد كنت ام ناجحه وكل هذا وانا بالخارج عمري ماتخليت عن حجابي ولا عن مباديء اللي تربيه عليها ..

ام بندر باعجاب : وانا اوافقك الراي ..
وحده من الحضور : و كيف قدرتي توفقين بين البيت والدراسه ..
ام فيصل : بسيطه .. كنت اسجل كل شيء بسويه على ورقه وانفضه بوقته ..وفوق كل هذا عندي وقت فراق كبير ..
وحده ثانيه من الحضور : طيب ماكنتي تحسي انو حجابك مسببلك بعض العثرات .. و خصوصا انا دول بره تعتبر اللي يلبسون حجاب تحت اطار الارهابين ..

ام فيصل : نهايئا عشت حياه طبيعيه .. ومحد تعرض لي ابدا او قلل من قيمتي .. وكونت صداقات كثيره مع اجانب وكانو ينظرون لي بنظره مشرفه ..

ام راشد لعنت نفسها لانها جابت حصه معها واخذت عليها الجو والكل بداء ياخذ رايها ويستشيرها وهي ولاكانها موجوده ..

**********************************************

بعد انتهاء الدوامات البنات زي كل يوم ركبو الباص عشان يرجعون للدار ..

نوره : احسن من قالك تتفلسفين ..
مشاعل بعصبيه : لايكثر ..
ريم : هههههههههههه خطيره ميشو صارو ياخذون كتبك ..
مشاعل : انطمي انتي الثانيه ..

وطول الطريق وهم يضحكون على مشاعل وهي معصبه ..

وصلو الدار نزلو من الباص توهم بيدخلون من الباب..

.... : مشاعل ..
مشاعل لفت على الحرمه اللي تكلمها باستغراب : نعم انتي تعرفيني ؟..
.... : وشلون ماعرفك و انا شلتك في بطني 9 شهور ..
مشاعل : انتي مين ؟؟ ..
نوره و ريم واقفين باستغراب مو فاهمين شيء ..
.... ببكي مصطنع : انا امك يا مشاعل ...
مشاعل بسخريه : امي .. غريبه جيتي بدري ..
.... : انا كم مره اجي ابي اخذك لاكن مايرضون ..
مشاعل عقدت حواجبها : مايرضون مين ذولا ..
..... : صاحب الدار و حمده ..
ريم تدخلت بسرعه و بعصبيه : لو كنتي تبينها ليه رميتيها من الاساس ..
.... : انا مارميتها ابوها اللي حرمني منها ..
مشاعل : ابوي ... ابوي عايش ..
.... : لا توفى ... بس هو اللي خذاك مني بالغصب ورماك هنا .. حاولت اخذك لاكن رفضو يعطوني اياك ...
مشاعل ودموعها بدت تنزل على خدها : انتي شقاعده تقولين ..
نوره : مشاعل لاتصدقين هذي مو امك تكذب عليك ..
.... : اذا مو مصدقتني اسالي حمده ...

مشاعل بدون تفكير دخلت داخل الدار بسرعهه .. رمت شنطتها وحجابها وركضت بسرعه لمكتب حمده وفتحت الباب بقوه ... حمده رفعت راسها شافت مشاعل ودموعها تنزل على خدها .. لحقوها البناات و امها ..

مشاعل : صحيح اللي تقوله هاذي ؟؟ ....( واشرت على امها ) ...
حمده بارتباك وخوف : شنو قالت ..
مشاعل : هذي امي والا لا ..
حمده نزلت راسها بقله حيله : ايه مك ..
مشاعل : جات قبل كذا والا لا ؟؟..
حمده اخذت نفس عميق : ايه جات ..
مشاعل : مين اللي جابني هنا ؟ ...
حمده : ابوك وهو اللي طلب .. نمنعها منك ..
مشاعل بصرااخ : ليييييييييييه ؟؟... انا شنو .. ليه تتحكمون فيني انا لعبه بالنسبه لكم ..
حمده :لاكن ..
مشاعل مشت لعند حمده ووقفت قدامها قالت بقهر : لاكن ايش ... اهلي عايشين والناس كانو يسموني يتيمه .. اهلي عايشين والناس يقولون لي لقيطه .. طول عمري اتمنى يكون عندي اب احمل اسمه .. كنت اتمنى يكون عندي ام .. ام اشكي لها .. ام انام بحضنها .. ام لو مرضت تكون جنبي .. ام تدافع عني ...

حمده والدموع تجمعت بعينها : انا كنت امك طول هالاسنين ..
مشاعل بصرااخ : بس انتي مو امي مو امي مو امي ... امي هذي هي عائشه وحرمتوني منها ..( اشرت على امها ) ..
حمده وكان سكين طعنتها كلام مشاعل كان مثل السكين عمرها كله وهي تسهر على راحتهم و تعطيهم من حبها وحنانها كانت لهم الام والاخت والصديقه و كل شيء الام مو اللي حمل وتولد الام هي اللي تربي ..

ريم مسكت ضمت حمده و قالت بعصبيه : مشاعل انتي شقاعده تقولين ماما حمده هي امنا ومالنا غيرها ..
مشاعل : لا مو امي .. امي هذي ( اشرت على امها ) ومن يوم رايح بس هي امي .. وراح اروح مع امي لان انا اللي اقرر حياتي مو انتو ..

.... بفرحه : حبيبتي بنتي كنت متاكده انك بتجين معاي ..
مشاعل لمت امها : ايه يماا بجي معاك ومن يوم ورايح بكون معاك طول العمر ..

نوره بحزن : مشاعل و احنا ..
مشاعل : انتو كفايه عشت معاكم 17 سنه خلاص ابي اشوف حياتي ..
ريم : لهدرجه جيت امك.. نستك كل شيء كان بينا ..
مشاعل : خلاص انا راح انسى كل شيء وابتدي حياه جديده مع امي و بس ..

مشاعل اخذت حجابها ولبسته ومسكت يد امها خلاص راح تبتدي حياه جديده مع امها وبس تبي تعوض كل سنين الحرمان اللي فاتت .. وتعوضه بحنان امها ... ايه امها وبس ..

تركت الدار .. تركت كل شبر في الدار يحمل ذكرياتها ... تركت انسانه كانت لها الام .... تركت خوات عاشو معاها على الحلوه والمره .. تركت مكان حفظت فيه كل شيء .. تركت لعبهم وضحكهم و حزنهم وهواشهم و ذكرياتهم .. لاول مره في حياتها كانت انانيه فكرت في نفسها وبس ...
ركبت مع امها السياره اللي كان فيها السواق بنتظرهم .. ومشوو مشووو بعييد ..

حمده تبكي بقهر : كنت عارفه انها راح تروح معاها ..
ريم بحزن : خلاص ماما لاتبكين هي اللي اختارت ....
نوره بقساوه : راح تندم وعمرنا ماراح نساممحها ..
حمده طالعت البنات : وانتو ماتبون تلقون اهلكم ..
ريم : اهل اللي رموني هنا مايلزموني ..
نوره : انتي امنا و بس ..
حمده حست براحه من كلامهم ..

**************************************

في بيت ابو راشد الكل كان مجتمع على طاوله الطعام ماعدا راكان اللي دائم مو موجود ..

ابو فيصل : الا وين راكان من امس ماشفته بعد العشاء ..
ابو راشد بتصريف : راح مع ربعه الاستراحه مسوين عشاء احتفال بسلامه صديقهم ..
ابو فيصل : اهاا ..
ابو راشد يكلم : اليوم بعد صلاه المغرب ابي الكل يكون موجود.. انا و عمكم نبي نقول لكم شيء مهم ..
الكل مستغرب: انشاءالله ..
ابوراشد : وانت ياراشد اتصل على اخوك و قوله المغرب يكون موجود ..
راشد : انشاءالله ..

بعد ماتغدو فيصل ودلال بدو يتجهزون لموعدهم ...راشد وخالد راحو يريحون شوي .. ساره راحت تذاكر لان عليها اختبار بكره .. اما ابو فيصل وابو راشد راحو يكملون سوالفهم بالمجلس الخارجي .. ام راشد كان عندها جلسه مساج .. وام فيصل طلعت الجناح ...

****************************************

في الدار البنات كانو في حاله حزن وحمده ماكانت اقل منهم ماتوقعو انا مشاعل ممكن تتخلى عنهم بهالطريقه ..

العنود : يعني خلاص ماراح اشوفها ..
ريم : الظاهر كذا ..
العنود : كنت اظن هي اول وحده راح تكون معاي اذا سويت العمليه ..
نوره : واحنا وين رحنا ..
العنود : انا ابيكم كلكم تكونون معاي ..
ريم : مشاعل خلاص تغيرت حبها للحياه نساها مين احنا بالنسبه لها ..
نوره : اللي مو فاهمته انا ليه استاذه حمده ماقالت شيء ..
ريم : مشاعل ماعطت احد فرصه ..
العنود : انتو لو سمعتو امها وهي تكلم ماما حمده كان قلتو هذي مو امها .. مدري انا مو مرتاحه لها نبره صوتها غريبه ..

****************************************

في العصر الساعه 3ونص فيصل جهز كان شكله ولا حتى معرس في ليله زواجه لبس ثوب ابيض مخصر على جسمه ومبيض عضلاته و منسف الغتره و الجزمه اللماعه السوداء ( وانتو بكرامه ) وساعته السوداء الفخمه والسكسوكه كان مضبطها بالحلاق مابقى عطر ماتعطر فيه ..
راشد يدق عليه حرق الجوال .. واخيرا رد: الو ..
راشد : ها يالمعرس خلصت ..
فيصل رز نفسه : احم احم .. شوي ونازل ..
راشد : يلا انتظرك بالسياره ..
خمس دقائق و فيصل كان جاهز نزل بسرعه وركب مع راشد و توجهو للمطعم ..

عند دلال ماكانت اقل كشخه من فيصل لبست فستان اسود قصير وعليه اكسسورات فضيه واستشورت شعرها ولمته فوق و حطت روج فوشي و مناكير فوشي وكعب فوشي صارخ وكحل خفيف اسود ولبست عبايتها المطرزه بالفضي والحجاب نفس الشيء و تعطرت بعلبه كامله .. كان شكلها قمه بالروعه والكشخه لفت حجابها باهمال ونزلت بالاصنصير ... ماشافت احد بسرعه طلعت بره وركبت مع السواق وقالت له عنوان المطعم ..

دلال وصلت المطعم قبل فيصل لانه تاخرو عند الاشاره كانو جايين من طرق زحمه ..

دلال دخلت المطعم وقالت للسواق لما تدق عليه يجيها اختارت احد الطاولات جلست و سكرت عليها الستاره ..

*********************************************

اول مادخلت البيت انبهرت كان شكله حلو واثاثه راقي وكبير ..

مشاعل : ماما ..
... قاطعتها بتصنع الفرحه: الله شكثر كنت انطر كلمه ماما ..
مشاعل بابتسامه: راح تسمعينها مني كل يوم .. الا وش اسمك ماما ..
.... : اسمي هيا ...
مشاعل تتلفت حولها : البيت مره حلو ..
هيا : انشاءالله يعجبك اكثر .. على فكره انا كل يوم اسوي حفله راح تنبسطي كثير ..
مشاعل باستغراب : حفله !! ..
هيا : ايه نتجمع انا والشله ونستانس واليوم بعد في حفله .. راح اعرفك على صديقاتي ..
مشاعل بفرح : الله وناسهه .. احب الجمعات ..

************************************

وصل فيصل المطعم ونزل لاكن شاف راشد مانزل كلمه من الدريشه ..

فيصل : وش فيك مو نازل خلني اعرفك على خويتي ..
راشد : لالا .. ماحب هالسوالف انا بنتظرك هنا ..
فيصل : اقول انزل راشد انا جايبك تنزل معي مو تقعد بالسياره ..
راشد : اوكي انت ادخل بعدين انا بلحقك ..
فيصل : اكيد ..
راشد : اكيد ..
فيصل : اوكي ..

فيصل دف الباب ودخل حصل مرايه جنب الباب شاف شكله وعدل النسفه بعدين توجه لنفس المكان اللي اتفقو عليه ثالث طاوله على اليمين فتح الستاره جلس و سكرها عليهم ..

دلال كانت منزله راسها تطقطق بالبي بي لاكن اول ماشافت احد جلس رفعت راسها قلبها يدق بسرعهه واخيرا بتشوف حبيب قلبها ..واذا بالصدمه الكبيره ..

فيصل اول ماشافها بصدمه : دلال ..
دلال بخوف : فيصل ..
فيصل بشك : انتي مواعده احد هنا .. انا كنت جاي مع خويي بس شكلي خربطت بالطاوله ..
دلال بارتباك : حتى انا جايه مع صديقتي راحت تجيب الطلب وتجي ..
فيصل باحراج : اوكي انا اسف ..
رفع الجوال و دق على نفس الرقم دلال بنفس الوقت دق جوالها بسرعه ردت عشان تصرف حبيبها لايجي ويفضحها مع ولد عمها ..
دلال : الو ..
فيصل رفع عينه على دلال لانه جاه صدى صوتها .. سكر الجوال ودق مره ثانيه
دلال ناظرت الشاشه حبي يتصل فيك ..
فيصل سحب الجوال منها .. ايه هذا انا نفس رقمي ..يعني اللي اكلمها كل هالمده بنت عمي ..

فيصل : انتي دلال ..
دلال بخوف : انت فيصل ..
فيصل بعصبيه : لما اكلمك لاتردين بسؤال ..
دلال من الصدمه والخوف وقفت بنفس الوقت ماقدرت تتكلم ..
فيصل بعصبيه اكثر مسكها من يدها وشدها له بقووه : تكلمي يامحترمه ...
دلال بخوف منه : ااا.. ان..اناا ..
فيصل شد على يدها اكثر وكلمها من بين اسنانه : اخ لو انك اختي كان ذبحتك لاكن للاسف ..
دلال بخوف : حتى انت غلطان ..
فيصل مسك كتوفها وحركها بقووه : انا ولد يعني مارح يضرني شيء .. لاكن انتي لو طالعه مع واحد غيري كان لعب فيك ..
دلال طالعته بالم : فيصل المتني ..
دق جوال فيصل طالع بالشاشه ورجع طالع فيها وحط صبعه على فمها : اشششششششش ..
رد بسرعهه : الو ..
راشد : ها فيصل انا دخلت المطعم اي طاوله انت ..
فيصل طالع في دلال مصيبه و طاحت على راسه : اا............

............

الى هنا انتهى البارت .. القاكم في البارت القادم باحداث مشوقه اكثر..

اسئله البارت ..
فيصل كيف راح يتصرف بالموقف اللي هو فيه ؟؟
و راشد كيف راح تكون رده فعله ؟؟
تجمع العائله والكلام اللي راح يقولونه الاخوان شنو ؟؟
مشاعل وحياتها الجديده كيف راح تكون ؟؟
ايش قصه هيا ؟؟
و ايش توقعاتكم لباقي ابطالنا

؟؟

البارت العاشر ..
راح نكشف الخبايا .. -_^

فيصل مسك كتوفها وحركها بقووه : انا ولد يعني مارح يضرني شيء .. لاكن انتي لو طالعه مع واحد غيري كان لعب فيك ..
دلال طالعته بالم : فيصل المتني ..
دق جوال فيصل طالع بالشاشه ورجع طالع فيها وحط صبعه على فمها : اشششششششش ..
رد بسرعهه : الو ..
راشد : ها فيصل انا دخلت المطعم اي طاوله انت ..
فيصل طالع في دلال مصيبه و طاحت على راسه : اا... راشد ..
راشد : شفيك هههههههه اي راشد ..
فيصل بارتباك : ايه انا بدوره المياه وانت بكرامه شووي و اطلع لك ...
راشد : اوكي ... طيب البنت جات والا لسه ..
فيصل يطالع بدلال باحتقار: لا ماجات ..
راشد : شكلها بتسحب عليك ..
فيصل : شكلها ... يلا شويات وجايك بالسياره ...
راشد : طيب ..( وقفل الجوال ) ...

فيصل مسك زند دلال بقووه وضغط عليه وطالع فيها بعصبيه : تدرين لو اخوك راشد شافك وش راح يسوي فيك ..
دلال حطت عينها بعينه تبي تقراء الاجابه قبل لايقولها ..
فيصل مانزل عينه عنها وكمل بعصبيه : والله كان مايطلع من هنا الاوانتي محملينك بالاسعاف ..
دلال بلعت ريقها ورمشت بقوه وقالت بترجي : تكفى فيصل لاتقوله ..
فيصل : اكيد ماراح اقوله لان مابي اطيح من عينه ..( ورفع يده الثانيه بحلف ) .. لاكن والله واللي اسمه الله ان عدتيها لاذبحك انا قبله ..
دلال نزلت راسها وبدات تبكي : اسفه والله اسفه ...
فيصل ترك يدها وفتح الستاره : انا طالع عشان راشد مايحس بشيء .. الحين اتصلي على السواق يجي ياخذك ابي نرجع و نلقاك هناك قبلنا ..
دلال بطاعه : انشاءالله ..

طلع فيصل من المطعم وتفكيره مع دلال معقوله اللي صار كل هذا صدفه اللي يكلمها كل هالمده بنت عمه وهو ناوي انه يقص عليها مجرد تضييع وقت و بعدين يسحب عليها حس بتانيب الضمير وكلام راشد كان صح .. دلال بعد ماطلع فيصل على طول اتصلت على السايق يجيها دقائق وكان عندها طلعت من المطعم بسرعه ورجولها مو قادره تشيلها من الخوف اللي صار اليوم لازم يكون درس لها ..

***********************************************

في السياره عند فيصل و راشد ...

فيصل كان يطالع من الدريشه سرحان و يكلم نفسه ( لو يدري راشد شنو راح يكون موقفه وهو اللي نصحني عن ذا الشيء مايدري ان البنت طلعت دلال اخته .. بس انا ليه عصبت عليها تعودت اشوف كثير من هالنوعيات .. لا هذي بنت عمي واللي يمسها يمسني .. انا ماصدقت على الله لقيت اهلي و عزوتي لايمكن اسوي شيء اخسرهم .. وخصوصا راشد بهالايام القليله اللي تعرفت عليه فيها عرفت معنى الاخوه الحقيقيه ) ..

راشد ويحرك يده قدام وجه فيصل : ياهوو .. الو رد علينا ..
فيصل تو يصحى من السرحان لف على راشد: ها .. نعم ..
راشد بمزح : نعم .. لاشكلك سرحان فيها لنا الله ياشيخ ..
فيصل بابتسامه ( انا في شنو وانت بشنو ) قال بجديه : راشد ممكن اسالك سؤال وتجاوبني بصراحه ..
راشد : اسال ..
فيصل : لو يوم من الايام غلطت بحقك ممكن ان ...
قاطعه راشد : لاتقول هالكلام انت مايجي منك الغلط وانا اخوك .. بعدين ترا مت من الجوع قلت فيصل بيعزمنا بس سحبت علي ..
فيصل طق صدره: خخخخخخخخخخخ افا عليك بس .. ودنا اي مطعم .. والعشاء على حسابي لعيونك يابو سعود ..
راشد : تسلم ..

************************************************** ******

دلال دخلت البيت وعلى طول صعدت الدرج متجها لغرفتها بالطريق قابلت ساره .. ساره اول مرره تشوف دلال بالشكل هذا عيونها منفخه واضح انها باكيه .. وحجابها مبهدل وتعابير وجهه مرتبكه وخايفه وكان احد يركض وراها .. صدق هم عمرهم ماجلسو مع بعض او تكلمو مع بعض كخوات لاكن مهما يكون هي اختها ..

ساره بخوف : شفيك دلال ؟؟..
دلال لاول مره في حياتها رمت نفسها بحضن ساره : خايفه يا ساره خايفه ..
ساره ومسكت وجه اختها بين يدينها : من شنو ؟؟ ...
دلال بعدت يد ساره عنها ومشت بسرعه وخلتها ..
ساره تكلم نفسها ( شفيها .. اكيد صاير معاها شيء كبير .. المشكله لو رحت لها ماراح تعطيني وجه .. اممم بعدين اسالها )

***********************************************

في بيت ابو مشعل تحديدا في غرفه فرح ماسكه الجوال و تكلم دلال ..

فرح : مو من صدقك ... اوه عادي واذا يعني ... حبيبتي هو ولد عمك مو اخوك ... خليه يقول ماعنده دليل .. اوف منك دلال لاتصيرين خوافه ... بس ولد عمك طلع مو هين .. اسمعي دلو ماما تناديني بعدين اكلمك باي ...

نزلت دلال تحت لقت اهلها متجمعين ابوها وامها واخوها بالصاله ..
دلال : ماما ناديتيني ..
ام مشعل بفرح : ايه تعالي ..
دلال مشت باستغراب لاكن في يد مسكتها من وراء ... لفت على طول وصرخت باعلى صووت وبفرحه : طلووووووووووووووووووووووووووووول ..
طلال وهو يضمها : بشحمه ولحمه ..
دلال ضمته بقوه : وحشتني يادب ..
طلال : هههههههههههههه فديتك ..
وبعد السلام وحراره الشوق اللي بينهم ..
ابو مشعل : ليه ماقلت لنا ياولدي انك جاي ..
طلال : حبيت اسويها لكم مفاجاءه ..
فرح : احلى مفاجاءه وربي ..
طلال بثقه : ادري ..
مشعل : ياواثق انت .. ها بشر كم باقي وتخلص ..
طلال : لا المشوار طويل لسه باقي ..
ام مشعل : وش حقه ياولدي هالغربه ... يعني هنا مافي جامعات ..
طلال : فيه يما .. بس انا حاب ادرس بره ..
ابو مشعل : خليه يام مشعل اهم شيء يسوي اللي هو يبيه ..
فرح وتسحب يد طلال : يلا قوم ورني وش جبتلي من المانيه ..
ابو مشعل : هذا اللي همك خليه يرتاح لاحقه ..
مشعل : بزره ..
فرح مدت لسانها لمشعل : انت مالك دخل ..
طلال ويسحب يده منها : ههههههههه طيب يدي ..

************************************************

في بيت هيا وعند مشاعل ..
مشاعل تطالع بنفسها بالمرايا : ماحب البس كذا ..
هيا باعجاب : بالعكس شكلك حلو .. انتي بنت لازم تلبسين فساتين مو كله بهالبناطيل ..
مشاعل جلست بدفاشه : اووف .. ماابي بعدين ذا النعال تعور ماعرف امشي فيها..
هيا : اولا هذي(تاشر على الصندل برجل مشاعل) اسمها صندل .. وثانيا وهو الاهم راح تضلين كذا اجل كيف تبين تقابلين صديقاتي ..
مشاعل : يارببي والله مو مريح بعدين كله عرياان ..
هيا بنفسها( وهذا المطلوب ) : عادي واذا.. كلنا حرييم مافيه شيء .. اذا بدلتي ترا بزعل عليك ..
مشاعل بانصياع : طيب ..
هيا : يلا قومي احطلك ميك اب ..
مشاعل مبقق عينها : بعد مكياج ..
هيا بطفش : وبعدين : الضيوف بيوصلون و احنا ماسوينا شيء ..
مشاعل : امري لله ..
مشاعل كانت تسوي كل شيء تقوله لها امها ماتبي تخسرها وبنفس الوقت تبي تثبت لخواتها ان اختيارها كان صح وهم الغلطانين ..( راح نشوف يامشاعل اختيارك وين بيوديك )..

**********************************

راكان : خلاص ... اوووهو قلنا خلاص .. طيب ... يلا .. ( سكر وهو يتحلطم ) يعني اني الابن المطيع ..
صديق راكان اسسمه جابر : اخوك ؟..
راكان بقهر : ايه .. في غيره ينرفزني ..
جابر : انا مو عارف ليه تكرهه .. معنا قابلت كذا مره انسان محترم ..
راكان طالع صديقه بنرفزه : هذا اللي قاهرني كلكم تمدحونه .. انا الوحيد اللي اعرفه على حقيقته يبي يسوي فيها الطيب .. الحنون .. المحترم .. يجذب الناس له و يطلعني الغلطان ..
جابر مل من اسطوانت راكان عن اخوه : ماعلينا .. اقول لاتنسى السهره اليوم ...
راكان بابتسامه خبيثه : لا شلون انسى واليوم في مزز جدد .. انا بروح اشوف ابوي شيبي فينا وبعدين راجع للحلوين ( وغمز له ) ..
جابر بضحكه : هههههههه تعجبني ...

********************************************

عند البنات في الدار كانو مجتمعين على طاوله الطعام ..
العنود بحزن تحرك صبعها في الصحن بدون ماتشوف : وحشتني سواليف ميشو ..
نوره قالت بتنهيده : و انا بعد ..
ريم تكابر: انا عن نفسي عادي ..
العنود بابتسامه وهي تتذكر : تتذكرون كانت ماتسكت الا لما ينحط الاكل قدامها وتقول ...
نوره تكمل عنها : لاكلام اثناء الطعام ..
ضحكو فجاءه كلهم : ههههههههههههه
حمده كانت تسمع كلامهم تبتسم لاكن من داخلها تتالم ..
فجاءه عم السكوت والحزن ..
ريم : تذكرون لما طقتني الاستاذه ..
العنود : وميشو عشان تنتقم منها حطت لها فازلين على الدرج ..
نوره : والاستاذه غابت اسبوع من الطيحه ماقدرت تداوم ..
ريم : الله كانت ذكريات حلوه ..
العنود : عشناها مع بعض لحظه بلحظه ..
نوره : ياريت ترجع مره ثانيه ...

*****************************************

في بيت ابو راشد بعد صلاه المغرب الكل كان مجتمع في الصاله وعندهم فضول يعرفون الكلام اللي بيقوله ابوراشد .. ابو راشد وقف قدام الكل وقال بصوت عالي بعد ماعطاه اخوه راشد نظره بمعنى تشجع ..

ابو راشد : بسم الله الرحمان الرحيم .. طبعا الكل مستغرب وجودكم هنا .. انا ابي اقولكم شيء كان مفروض من سنين تعرفونه دفنه الماضي لاكن رجوع عمكم كان بشرط اني افتح الدفاتر القديمه.. واكيد من حقكم تعرفون لانكم الحين كبار وكل واحد مسؤل عن تصرفاته ( هنا فيصل عطى دلال نظره .. دلال خافت ونزلت عينها ) وعشان ابريء ضمتي .. الشيء اللي بقول لكم اياه هو انا ...
ابو فيصل وقف جنب اخوه مايبيه يتردد ويخرب اتفاقهم : قول ياسعود ..
ابو راشد : عمكم تركي الله يرحمه ... كان متزوج ... و و.. ( قال بسرعه ) و عنده بنت ..
الكل انصدم عمهم عنده بنت وينها وليه محد قال وينها كل هذي السنين عمرهم ماشافوها وش سالفتها ..
راشد : يبا انت قلت لنا عمي تركي توفى وهو ماتزوج ..
ابو راشد : لان جدكم ماكان يبي احد يدري بالموضوع ..
ساره : هي موجوده هنا ..
ابو راشد هز راسه بمعنى ايه ..
ام راشد : عمرك ماقلتي لي يابو راشد ..
ابو فيصل : لان ابوي الله يرحمه منعه من هالشيء..
ابو راشد : زي ماقال راشد ابوي ماكان يبي احد يدري ...
فيصل باستفهام : ليه ؟؟..
ابو فيصل : لان زوجته كانت من عائله مالها اصل ..
ابو راشد : ولما رفض ابوي زواجهم اخوي تركي تزوجها بالسر وجابو بنت بعدين بالصدفه ابوي عرف .. وهدده يتبرا منه لو ماطلقها ..
خالد : طيب البنت مايعيبها شيء لان بالنهايه عياله بيحملون اسمه ..
ابو فيصل : جدكم كان عصبي و ياخذ الامور بتفكير غلط .. وشنو راح يقولون الناس مايفكر باحنا شنو نبي ...
ام راشد : طيب هي وين كانت عايشه هالسنين اللي فاتت ..
ابو راشد : ابو زوجه تركي كان بخيل وماكان عندها عيال الا غاده زوجه تركي واول ماتزوجت فرح كثير لانه بيفتك منها لاكن لما رجعت له ومعاها بنتها ذوقها الويل لما اضطرت تودي بنتها لدار الايتام ..
الكل : دار الايتام ..
ابو راشد يكمل : ايه .. و من بعدها مادرينا عنها .. بعد مرور الايام سمعنا انا غاده واهلها توفو بحادث على طريق الرياض وماعرفنا شنو صار بالبنت ... لاكن يوم جاتني حرمه وقالت لي انا بنت اخوي عندها بالدار ولما توفى جدكم راشد حاول فيني انا اقولكم لاكن انا مارضيت وكان شرط جيته ورجوعه السعوديه اني اخبركم بكل شيء و هاذي السالفه ..
راكان بدون نفس وحاط رجل عل رجل : والحين المطلوب ..
ابو راشد : راح نجيب بنت عمكم تعيش معانا .. خلاص الي كنا نخاف منه مات الله يرحمه ... ومهما يكون هي بنت اخونا ...
ابو فيصل : حبينا نعطيكم خبر قبل لانجيبها ..

بعد ماحكى لهم ابو راشد وفيصل السالفه الكل انصدم وبنفس الوقت اكرهو حركه جدهم قرر ابو راشد وابو فيصل يروحون يجيبون بنت اخوهم من الدار كفايه السنين اللي عاشتها في الدار خلاص لازم تعيش معاهم من يوم ورايح..
ام راشد ماعجبها الموضوع من الاساس مو كفايه اهل ابو فيصل عندها بعد هذي من وين طلعت لها تحس انهم راح ياخذون عنها كل شيء.. راكان مافرقت معاه ابد .. راشد مبسوط لان اهله وعزوته متجمعين حوله بس تمنى انا الظروف تختلف .. طبعا ساره اكثر وحده فرحانه ودلال ماودها احد يشاركم بيتهم كفايه اللي جو بعد ذي .. كل واحد و تفكيره ..

*******************************************
راكان بعد ماخلص من اجتماع ابوه في القصر طلع على طول متوجه لمكان السهره اليوم اكيد ماراح بفوت الفرصه عليه وخصوصا انه في بنات جدد مزز على قولته وراح تكون السهره صباحي ..

دخل راكان البيت اللي كان متفقين عليه للسهره اليوم كالعاده المكان مليان اشكال والوان من البنات والشباب واصوات الاغاني واصله لاخر الحاره .. وكاسات الخمر في كل مكان واشياء ثانيه لزوم السهره ..

راكان يكلم نفسه: ههههههههههههه والله وسويتيها ياهيونه ..

جاءه جابر : شفيك تاخرت ..
راكان : تو الوالد خلص وعلى طول جيت ..
جابر : اهاا
راكان : الا وين هيونه صدق شغلها متعوب عليه ..
جابر : ايه والله ماقصرت .. تلقاها بالغرفه اكيد ..
راكان غمز له : انا بروح لها ..
جابر : اوكي ..
راكان توجه لغرفه هيا ( اكيد عرفتوها ) ...
من داخل الغرفه
مشاعل : ها ماما جو صديقاتك ..
هيا بابتسامه خبيثه : ايه .. بس اسمعي في شيء بقولك اياه ..
مشاعل : شنو ..
هيا : انا صديقاتي مايحبو يجون الا مع ازواجهم ...
مشاعل : ازواجهم !!
هيا : ايه ازواجهم .. حبيت اخبرك عشان ماتنصدمين اذا شفتيهم ..
مشاعل : بس ماما كيف ... مايصير .. وتجلسين معهم بدون عبايه ..
هيا بلا مباله : ايه عادي هم حسبت اخواني يعني مافيها شيء ..
مشاعل مبققه عيونها : ماما لا انا ماراح اطلع ..
هيا تبي تقنعها : صديقيني انتي بس تطلعين بتتعودين على الوضع ..
مشاعل : لا .. بس انا عمري ماشفت كذا الا بالمسلسلات حريم ورجال يجلسو مع بعض ..
هيا : صدقيني بتنبسطي بس انتي اطلعي بره وخليني ابدل ملابسي ..
مشاعل بخوف طلعت من الغرفه بشويش وسكرت الباب وراها غمضت عينها ماتبي تنصدم من المنظر بسرعه كانت متردده وخايفه بنفس الوقت معقوله تجلس مع رجال وبهذا اللبس فتحت عينها بشويش لاكن حصلت قدامها واحد يبتسم لها..
راكان طالع بمشاعل باعجاب : هلا والله بالحلوه
(مشاعل كانت لابسه فستان مخصر على جسمها نيلي بدون اكمام وصندل نفس اللون وشعرها مستشورته وفالته قصير لتحت اذنها بشوي وحاط ميك اب صارخ شكلها كان قمه بالانوثه هذي اول مره تلبس لبس يبرز انوثتها وجمالها .. راكان ماشال عينه عنها وقال بنفسه ( والله وعرفتي تنقين ياهيا ) ..
مشاعل حطت يدها على فمها بصدمه : راكان ..
راكان عقد حواجبه باستغراب : انتي تعرفيني ..
مشاعل اشرت بصبعها عليه : انت اخو ساره ..
راكان بارتباك حس انه بينفضح : ساره مين ؟؟..
مشاعل : ساره صاحبتي ..بعدين ليه جاي هنا .. انت تعرف ماما ...
راكان : انا دائم اجي هنا .. ماما ومين ماما بالله ..
مشاعل : اوهو امي هيا ..
راكان عقد حواجبه : انا سامع صوتك بس مدري وين .. انتي مين ؟؟..
مشاعل : انا صاحبت ذيك اللي صدمتها قدام المدرسه ..
راكان تذكر بابتسامه على جنب : اها عرفتك وانا اقول الصوت سامعه انتي الملسونه ..
مشاعل طالعته بعصبيه : ملسونه بعينك ..
راكان بابتسامه خبيثه : بس ماتوقعتك تجي هالاماكن ..
مشاعل باستغراب: اماكن ..عادي هذا بيت امي ..
راكان : انتي بنت هيا يعني ..
مشاعل : ايه ..
راكان ( الحين فهمت كل شيء اجل هذي بنتك ياهيا والله غريب امرك بس حلوه ولو انها طويله لسان بس تستاهل ) ..
راكان مسك يدها: تعالي بوريك شيء ..
مشاعل فكت يده بقوه : ابعد ايدك .. مو رايحه معاك .. انا انتظر امي تلبس عشان اروح معها للضيوف ..
راكان : ضيوف ؟؟..
مشاعل : ايه صديقات ماما وازواجهم ..
راكان موفاهم شيء : اهاا ..
مشاعل بفضول : ساره جت معاك ..
راكان وخطره على باله فكره شيطانيه : ايه جت ..ماتبقين تروحين لها..
مشاعل : والله .. طيب هي وين ..
راكان اشر على غرفه في الزاويه : هناك .. امشي نروح لها ..
مشاعل بتفكير : بس ماما اذا طلعت يمكن تبيني ..
راكان : ماعليك .. اذا تبيك بدورك وتجيك ..
مشاعل : اوكي يلا ..
مشو للغرفه اللي اشر عليها وصلو لباب .. مشاعل طالعت راكان بمعنى ادخل لاكن هو فتح لها الباب واشر بيده يعني انتي اول دخلت قبله لفت يمين يسار تدور على ساره حصلت الغرفه فاضيه لفت بتكلم راكان لقته يقفل باب الغرفه وقف على الباب وابتسم لها ..
مشاعل هنا مغصها بطنها حست بالخوف ماتدري وش معنا الحركه ذي : شفيك ليه قفلت الباب ..
راكاان قرب منها ورفع كتوفه : بنسوي شيء صغير.. بعدين بفتحه لك ..
مشاعل ترجع لورى خطوه وهو يتقدم لها خطوتين لما لصقت بالجدار رفعت صبعها بتهديد وخوف : والله اذا قربت مني ماتلوم الا نفسك ..
راكان عض صبعها بقوه وابتسم لها: كم مره اقولك انا راكان ولد سعود ال .. ماحد يتجراء يهدده ..
مشاعل هنا انقهرت من وقاحته حاولت تمشيء بسرعه لاكن مسكها وحذفها على سرير .. وطب عليها ..مشاعل ترفسه باقوى ماعندها لاكن هو رجال جسمه ثقيل عليها حاولت تصرخ لاكن اصواات الاغاني اعلى من صوتها تنادي امها لاكن لاحياه لمن تنادي .. راكان حطها بين ايدينه و ...........

الى هنا انتهى البارت القاكم في بارت جديد وباحداث جديده ...

اسئله البارت :..
مشاعل شنو راح يصير لها ؟؟
طلال بطلنا الجديد هل راح يكون له دور في الروايه ؟؟
راكان ليه دائم يمشي طريق الغلط ؟؟
مين بنت عمهم تركي وهل راح تعيش معاهم والا لا ؟؟
فرح و راشد بيتزوجون ؟؟
بناات الدار وحياتهم بدون مشاعل بتتغير

؟؟

البارت الحادي عشر ..

راكان عض صبعها بقوه وابتسم لها: كم مره اقولك انا راكان ولد سعود ال .. ماحد يتجراء يهدده ..
مشاعل هنا انقهرت من وقاحته حاولت تمشيء بسرعه لاكن مسكها وحذفها على سرير .. وطب عليها ..مشاعل ترفسه باقوى ماعندها لاكن هو رجال جسمه ثقيل عليها حاولت تصرخ لاكن اصواات الاغاني اعلى من صوتها تنادي امها لاكن لاحياه لمن تنادي .. راكان حطها بين ايدينها و ...........
مشاعل باقوى ماعندها دفته عنها .. طاح راكان على الارض وبسرعه قامت من السرير ووقفت عند الباب : انت مجنون ... صدق انك وسخ وحقير ..
راكان : انا وسخ طيب تعالي ..
مشى لها بسرعه ومشاعل تحاول تفتح الباب لاكن المفتاح طاح على الارض من الارتباك ..
راكان وصل عندها ومسكها من كتوفها : عيدي ماسمعت ...
مشاعل والدموع بدت تسيل على خدها وطالعته بترجي : تكفى ياراكان والله انا مو حقت هالسوالف ...
راكان : كلكم تقولون بالبدايه كذا لاكن بعدين يعجبكم الوضع ..
مشاعل وهي تشهق من البكي : الا انا تكفى خلني اطلع ... اكيد امي تدورني الحين ..
راكان باستهزاء : هه انتي لحد الحين مصدقه انا امك ممكن انها تدورك ...
مشاعل : مافهمت !!..
راكان : مو لازم .. ( واشر بيده ) ابعدي عن الباب ..
مشاعل وخرت عنه فتح راكان الباب ومد يده بمعنى تفضلي : تقدرين تطلعين ... على فكره انتي مو ذوقي ...
مشاعل : انت على وشهو شايف نفسك ؟؟ ..
راكان تنهد بقوه هالبنت عنيده ماتتوب : شكلك عجبك الوضع اللي مساع ..
مشاعل بخوف فهمت قصده : لا خلاص اسفه ..
طلعت بسرعه لاكن راكان مسك يدها بقووه : بس نصيحه مني لك ياريت ماتوثقين باي احد بسرعه ...
( ترك يدها ومشى قدامها بسرعه ) ...

مشاعل جلست واقفه في مكانها تفكر بكلامه وش يقصد ...

طلعت من الغرفه وشافت مناظر غريبه اول مره تشوفها في حياتها شباب وبنات يرقصون كاسات الخمر بيدهم و حركاتهم الغريبه لفت يمين شافت واحد طالع من الغرفه ومعاه وحده طلع من جيبه فلوس وعطاها.. لفت يسار شافت وحده ترقص بمياعه والشباب حولها ينثرون عليها فلوس مناظر كانت تشوفه بالمسلسلات بس .. راحت تدور امها تبي تسالها شنو اللي قاعد يصير ...

******************************

عند البنات في الدار كانو جالسين بالغرفه يذاكرون لان الاختبارات على الابواب وكل وحده مسويه لها جدول بالمواد الصعبه عليها ...
نوره تضرب راسها : اوووف .. والله صعب هالانجليزي مافهم شيء ...
ريم : ياليت على الانجليزي انا الرياضيات طلع لي الشيب ...
العنود بحزن : تدرون بناات وحشتني الدراسه والكتب ...
نوره : ياقلبي انتي .. انشاءالله بتسوين العمليه وترجعين تشوفين ...
العنود من قلب : يارب .. ادري تعبتكم معاي كل شيء انتو اللي تسونه لي ..
ريم : لاتقولين كذا ترا بزعل عليك ... احنا لبعض ..
دخلت عليهم حمده فجاءه : ها كيفكم بنات مع المذاكره ..
البنات : تممام ...
حمده جلست على سرير العنود ومسكت يدها ..
عنود ابتسمت على حركت حمده شكثر هالانسانه حنونه ..
حمده بفرحه : عندي خبر لكم بيفرحكم وبيفرح العنود اكثر ..
البنات بصرااخ : شنو ؟؟..
حمده : انشاءالله الاسبوع الجاي العنود بتسافر عشان تسوي العمليه ..
نوره و ريم طبو على العنود : يس يس ..
حمده : ههههههههه بعدو عنها خنقتوها ..
العنود من الفرحه قامت تصيح واخيرا راح تسوي العمليه ..
نوره : عنود حبيبتي لاتبكين ..
ريم لاشعوريا قامت تصيح معاها
حمده : لاتقلبونها هم يابنات ... انشاءالله العمليه تنجح وترجع تشوف ..
العنود تمسح دموعها : غصب عني ماما مليت وانا على هالحال .. ابي اشوفكم ابي ارجع مثل اول اسوي كل شيء بنفسي ابي اكمل دراستي واحقق حلمي ..
حمده : انشاءالله كل هذا بيصير ...

**************************

في بيت ابو راشد على العشاء الكل كان موجود على طاوله الطعام ماعدا راكان ...

ابو راشد : احنا كلمنا الدار .. وانشاءالله بكره بنجيب بنت عمكم ...
ابو فيصل : انشاءالله ...
ام راشد بقلبها ( من وين طلعت لي ذي بعد ) : والبنت وافقت انها تجي تعيش معنا ..
ابو راشد : احنا لحد الحين ماكلمناها .. بس ماتوقع انها بترفض اذا عرفت انها احنا اهلها ..
ابو فيصل : وانا اقول كذا ..
فيصل : بس يبا يمكن البنت تعودت على الوضع وعاجبتها عيشتها ..
ابو فيصل : مافي احد بيرفض انه يكون لها اهل وعزوه ...
حصه : انا مو عارفه كيف عمي كان تفكيره يعني البنت مالها ذنب وبالاخير هي تحمل اسم ابوها ...

ابو راشد : ابوي الله يهديه على رغم ثقافته وشخصيته وكبر سنه الا انا كلام الناس كان مهم بالنسبه له من أي شيء ..

فيصل وهو يطالع دلال ورافع حاجبه باستهزاء : في كثير ياعمي كبار وفاهمين ودارسين الا انهم مايعرفون الصح من الغلط ..

دلال بنفسها ( علم نفسك كان انا الوحيده الغلطانه ) ..

ابو فيصل : خلاص اللي صار انتهى .. راح نبتدي حياتنا من جديد كلنا مع بعض عائله وحده ... وننسى الماضي ..

***************************

في بيت ابو مشعل ...

ام مشعل : توك جاي يما ماشبعنا منك ...
طلال : يماا الاسبوع الجاي بسافر مو الحين ..
ام مشعل : ولو توك جاي يعني كم يوم تقعد عندنا وشهور وانت هناك مانشوفك ..
طلال : لاتزعلين يالغاليه انشاءالله المره الجايه بقعد عندكم شهر كامل لاكن الاسبوع الجاي عندي اختبارات ...
ابو مشعل : يام مشعل لاتضيقينها على الولد خليه يشوف مستقبله ..
مشعل : في ناس منطقى هنا محد درا عنها وناس يترجونهم يجلسون ...
ام مشعل : شدعوه كلكم عيال واحبكم ..
فرح لفه بوزها : ياشين الغيره ...
طلال : مشعل وش رايك تجي معاي تشتغل بره ..
مشعل : لا انا واحد ماقدر افارق ديرتي وهلي ..
طلال : تكفي يالوطني ..
ام مشعل : اقول بس خل مشعل عنك لاتلعب براسه انا واحد منكم مو متحمله فراقه شلون اثنينكم تبوني اموت ..
الكل : بسم الله عليك ..
فرح : يما دريتي بيت ابو راشد طلعت لهم بنت عم ..
ابو مشعل : من زمان قديمه ..
فرح : لا مو عمهم راشد بنت عمهم تركي ..
ام مشعل باستغراب : من قالك ؟؟..
فرح : دلول .. من شوي دقت علي وقالت لي ..
ابو مشعل : انا اللي اعرفه انا عمهم تركي ماتزوج ..
فرح : الا يبا كان متزوج بالسر من وحده مالها اصل عشان كذا خبو السالفه ..
ام مشعل : وش هالعائله اللي كل شوي طالع واحد يقرب لهم ..
ابو مشعل : غريبه ابو راشد ماقال لي ..
مشعل : ولا حتى راشد ماجاب لي سيره ..
طلال : يمكن توهم عارفين بالموضوع لاتستعجلون .. ياخي مشتاق لراشد ..
مشعل : بعد شوي بتصل عليه واقوله انك وصلت بيطير من الفرحه ...
طلال : وانا بعد متشوق لشوفته ..

******************************

مشاعل راحت لغرفه امها عشان تكلمها عن المهزله اللي صايره في البيت فتحت الباب بشوي لاكن انصدمت من اللي شافت امها مع شخص في وضع مخل هنا مشاعل حست انها في حلم
سكرت الباب و مشت وهي تفكر ( معقوله امي .. لا لا استغفر الله يارب .. يمكن زوجها .. بس هي قالت انها ماتزوجت بعد ابوي .. كيف .. يارب يككون تفكيري غلط مابي اخسر امي توني حتى يوم ماصارلي معها )
قطع تفكيرها واحد سكراان مسك يدها وجرها له : تعالي ياحلوه معاي ..
مشاعل تسحب يدها بعصبيه : وجع انشاءالله ابعد يدك ..
رجع مسكها مره ثانيه بقووه وسحبها لما لصقت في صدره : لا تتغلين علينا .. مستعد ادفع لك اللي تبين ..
مشاعل تبعده عنها : اقول ابعد بس .. واطي وحقير ...
.... : احب البناات الشرسين ..
( ومسكها من خصرها بقووه وخذاها متوجه للغرفه ومشاعل ترافس وتحاول بقوتها انها تفلت منه )

*****************************

راشد كان جالس في غرفته فجاءه رن جواله .. اول ماشاف الرقم ابتسم ورد بسرعه ...

راشد : هلا بالقاطع ..
مشعل : حرام عليك .. محد قاطع غيرك ..
راشد : انا لهيت شوي مع الاهل .. الا انت وش عندك ..
مشعل : هذا اللي ابيه اقوله .. طلال جاء من السفر ..
راشد بفرحه : احلف ؟؟..
مشعل : والله العظيم ..
راشد : يالله شكثر مشتاق له .. اقول اسمع ..
مشعل : هلا ..
راشد : شرايكم نطلع البحر ...
مشعل : الحين ..
راشد : ايه ماعندنا شيء نسهر للفجر ..
مشعل : قدام .. انا عن نفسي ماعندي مانع ..
راشد : خلاص قول لطلال وانا بجيب معاي فيصل وخالد ..
مشعل : اووم الفله .. طيب ..
راشد : يلا اجل انتظركم..
مشعل : اوكي ..

****************************

في بيت ابو ناصر فاطمه صارت احسن الحمدلله طبعا ناصر طول الوقت عندها ويهتم فيها خايف يصير لها شيء هي الوحيده اللي بقت لها في هالدنيا ..

فاطمه : اقول ناصر ..
ناصر : امري ياعيون ناصر ..
فاطمه : تسلم ... يعني اقول وش رايك لو نجيبها تعيش معنا ..
ناصر بالم : تتوقعين ترضى بعد هالاسنين كلها ..
فاطمه : نحاول مو خسرانين شيء ...
ناصر : ولو رفضت بنعيش طول عمرنا بحزن والم ..خلينا كذا عايشين على الامل احسن ...
فاطمه : بس انا خايفه امووت و..
قاطعها ناصر : بسم الله عليك الله يطول بعمرك ..
فاطمه : ماتدري متى ربي ياخذنا من هالدنيا خلنا نعيش معاها ولو يوم واحد كفايه اللي راح ...
ناصر سكت عن فاطمه كل يوم تعيد هالموال ..
الظروف جبرته يسوي كذا والا مافي احد يقدر يتخلى عن قطعه منه عايش في هالدنيا بدون احساس .. كل شيء حوله يحس ماله قيمه ولا له طعم كذا الحياه بنظره .. الشيء الوحيد اللي مصبره هو زوجته فاطمه ..
*****************************

في غرفه ساره ..
جود جالسه تفهم ساره بعض الدروس الصعبه عليها في الرياضيات ...
ساره سكرت الكتاب فجاءه وطالعت بجود : تدرين جود شنو احس فيه ...
جود : وت ؟؟..
ساره : احس بفرحه ماتتخيلينها طول عمري اتمنى يكون عندي بنت عم والحين بدال الوحده ثنتين ..
جود بفرحه : يس .. مي تو ..ايام سو هابي ..
ساره طبت على بنت عمها وضمتها من الفرحه ...

مافي احلى من احساس لمت الاهل والعزوه وخصوصا اذا كان قلبهم على بعض ...

************************
دلال كانت تكلم فرح ..

دلال : كل شوي يطالعني بنظرات تخوف ..
فرح : جد يبيله تصفيق ولد عمك ذا ..
دلال : والله ودي .. بس كل خوفي يعلم ابوي والا اخواني لاروح فيها ..
فرح : ماعليك حبيبتي اذا قال لهم انكري كل شيء واقلبي السالفه عليه ..
دلال : اووف منه عمري ماكرهت احد كثره ..
فرح وخطرت على بالها فكره : دلوول لقيت لك خطه .. تتغدين فيه قبل لايتعشى فيك ...
دلال : شنو ؟؟..
فرح بخباثه : اسمعي ..............الخ ..
دلال بصدمه : لا اخاف بعدين محد يصدقني .. لالالا حرام ..
فرح : اوف منك بتظلين طول عمرك غبيه ..
دلال : طيب واذا محد صدقني شبسوي ذيك اللحظه ..
فرح : انا متاكده اذا شافو المنظر الكل بيوقف بصفك وهو بيطيح من عينهم ...
دلال باقتناع : طيب متى اسويها ..
فرح : باسرع وقت ولو اليوم بعد يكون احسن ماتظمنين يمكن بكره تلقينه ناشر الخبر ...
دلال بخوف : ياربيي ...

************************

مشاعل عضته من يده : ابعد عني .. ياحيواان ..
عصب من حركتها نزلها من يده توه بيعطييها كف لاكن في يد مسكته قبل : من متى الرجوله كانت في ضرب البناات ...
.... : وانت وش دخلك ؟؟..
راكان : تبي تعرف شدخلني ..( وعطاه بوقس خلاه يطيح على الارض ) ..
الرجال قام من مكانه ورد لراكان البوقس بس بطنه ..
راكان تالم شوي وبعصبيه مسك الرجال وقام يضرب فيه واللي ساعده عليه انه كان سكران الكل تجمع حولهم يشوفون الهوشه ..
الرجال من كثر ماضربه راكان ماعاد يشوف قدامه الدمامين ماليه وجهه جو اصحابه وفكوه من يد راكان ...
راكان طالع اللي متجمعين حولهم : تقدرون تكملون سهرتكم تفضلو ..
الكل انسحب من المكان وارجعو لسهرتهم ..
مابقى الا مشاعل وراكان بالمكان ..
مشاعل تطالع في راكان ( عجزت افهمك ياولد الناس مره تحاول تدافع عني وتنقذني ومره انت اللي تاذيني ) ..
قاطعها صوت راكان طالعها رافع حاجبه : مضيعه شيء بوجهي ..
مشاعل قربت من وجهه ومدت يدها .. راكان استغرب من الحركه .. لمست حاجبه بخفيف : في دم عند حاجبك ..
راكان لمستها كانت غريبه عليه لف وججه بارتباك : ايه جرحني الكلب ..
مشاعل مدت يدها مره ثانيه ولفت وجهه عليها وطالعته بامتنان : شكراا .. صدق انك رجال ..
راكان جلس يتاملها شوي اول مره يحس بلذه كلمه رجال : مشكوره هذا واجبي ..
مشاعل : هاذي ثاني مره تساعدني وتثبت انك فعلا رجال ..
راكان : تدرين انتي اول وحده تقول لي رجال ..
مشاعل طالعت بوجهه و شافت الالم بعيونه : ليه ؟؟..
راكان باستهزاء : الكل ينظر لي بنظره غير عن كلمه رجال .. ( لف عنها وتركها واقفه بروحها )...

**************************

في بيت ابو راشد فيصل طالع من جناحهم وبيده شنطه فيها ملابس بياخذها معاه للبحر لانهم قررو يسهرون هناك وينبسطون مشى بسرعه مستعجل وقف لما سمع صوت دلال تناديه : فيصل ..
لف عليها ورد بدون نفس : خيير ..
دلال ( مالت عليك ) : ممكن طلب ؟؟..
فيصل تكتف وطالع فيها : انتي اللي مثلك مفروض مايطلبوون ..
دلال ( بنشوف اخرتها معاك يافيصل ) : المكيف بالغرفه يطلع شرار خايفه ينفجر .. انا دورت راشد ماحصلته فلما شفتك يعني ..
فيصل بدون نفس يبغى يخلص : اوكي بسرعه اشوفه لك العيال ينتظروني ..
دلال ( غبي مسرع اقتنع ) : اوكي تعال معاي ..
مشو لغرفت دلال دخل فيصل اول وتوجه للمكيف بسرعه هنا دلال استغلت الفرصه قفلت الباب .. فيصل كان معطي الباب ظهره ويطالع في المكيف : مافيه شيء من وين يطلع شرار ..
دلال شقت بلوزتها وفكت شعرها ونكشته ..
فيصل لما شافها ماردت عليه لف عليها وانصدم من شكلها : شفيك ؟؟..
دلال وتتصنع البكي : حرام عليك ليه كذا ..
فيصل بفهاوه : شنو ؟؟...
دلال بدات تصارخ : تكفى لااااااا ... حرام عليك ... فيصل لااااااااا...
فيصل جاء عندها وحاول يسكر فمها : هيء انتي بتفضحينا اسكتي ..
دلال وتبعد يده وتصاارخ باعلى ماعندها : الله يخليك لاااااااااااا ...

ساره وجود طلعو من الغرفه على صوت دلال ...
بنفس الوقت طلعت ام فيصل من الغرفه : وش ذا الصراخ من وين ؟؟...
ساره بخوف : الصوت من غرفه دلال ..
وراحو ركض لها ..
كل اللي في البيت اجتمعو من صوت الصراخ اللي كان بالدور الثاني ..
دقائق والكل كان مجتمع حول غرفه دلال يسمعونها تصارخ تقول : لااااااا .. الله يخليك اتركني ... تكفى الا شرفي ...
ابو راشد يضرب على الباب : دلال افتحي الباب شفيك .. ردي علي ..
ام راشد حاطه يدها على قلبها : يما بنتي ..
راشد : يبا وخرو بنكسر الباب ..
خالد : مافيا الا كذا يلا راشد ..
راشد : بسم الله 1 2 3 ..
الكل بعد عن الباب دفو الباب مره ومرتين وثلاث مانفتح ..

فيصل لما سمع اصواتهم عند الباب تفل على دلال : تفوو .. صدق وقحه ..

راشد : يلا خالد قرب ينفتح ..
دفو الباب باقوى ماعندهم واخيرااااا
طراااااااااااااااااااااخ انكسر الباب ..

دخلوا لغرفه انشلت رجولهم عن الحركه وعقولهم لما شافو فيصل مع دلال بالغرفه وشكل دلال الكل وجهه نظره لفيصل وبعيونهم الف سؤال ..
فيصل تنهد بقووه ونزل راسه ...

الى هنا انتهى البارت اتمنى يكون نال اعجابكم ...

اسئله البارت ..
فيصل ودلال ورده فعل العائله شنو بتكون ؟؟
الشباب وطلعتهم للبحر والا بتتكنسل ؟؟
مشاعل والمكان اللي هي فيه ؟؟
راكان ونظرته للحياه بتتغير ؟؟
بناات الدار وحياتهم اللي جايه ؟؟
ناصر وفاطمه والشخصيه اللي يتكلمون عنها مين

؟؟

الجزء الثاني عشر
فيصل لما سمع اصواتهم عند الباب تفل على دلال : تفوو .. صدق وقحه ..

راشد : يلا خالد قرب ينفتح ..
دفو الباب باقوى ماعندهم واخيرااااا
طراااااااااااااااااااااخ انكسر الباب ..

دخلوا لغرفه انشلت رجولهم عن الحركه وعقولهم لما شافو فيصل مع دلال بالغرفه وشكل دلال الكل وجهه نظره لفيصل وبعيونهم الف سؤال ..
فيصل تنهد بقووه ونزل راسه ...
ابو فيصل بعصبيه قرب من فيصل : ممكن افهم شنو اللي قاعد يصير ...
دلال تكمل التمثيليه ركضت وراء ابوها ومسكت ثوبه من وراء وبكي مصطنع : يبا فيصل كان يبي يعتدي علي ..
ابو راشد بصدمه : فيصل ..
ابو فيصل عطا فيصل كف : اه يالخسيس يالواطي صدق ماعرفت اربي انا كنت ادري انك حق بنات لاكن توصل فيك القذاره انك تتعرض لبنت عمك ...
راشد بعدم تصديق : فيصل الكلام اللي تقوله دلال صحيح ؟؟..
فيصل تنهد باقوى ماعنده : ايه صح ..
ابو فيصل بعصبيه اكثر : بعد تقولها بكل قواه عين .. ( ورفع يده وبدء يضربه باقوى ماعنده الكل مصدوم من رده فعل فيصل كان واقف ومسلم نفسه لابوه ولاتحرك ) ..
ام فيصل : خلاص يابوفيصل لاتذبح الولد ..
ابو فيصل بعصبيه : لاتقولين بو فيصل ماعندي ولد اسمه فيصل ..
خالد ويحاول يمسك ابوه عن اخوه : خلاص يبا عشاني تكفى خلاص ...
ام راشد تبيها من الله : هذول الناس اللي جبتهم لنا يابو راشد وعيشتهم معنا ..
ابو راشد : اسكتي ياحرمه ..
ام راشد : لين متى تبيني اسكت لما بنتي تروح فيها ..
ابو راشد بتهديد : والله ان ماسكتي لارمي عليك يمين الطلاق ..
ساره : خلاص يما اقطعي الشر ..
ام فيصل : بعد الكلام ذا مالنا قعده يابو فيصل هنا ..
ابو راشد : انا مصدقت على الله نرجع لبعض تبون نرجع نفترق اذا الولد غلط بياخذ جزاه لاكن احنا مالنا غنا عن بعض ..
ابوفيصل ويمسك فيصل من ثوبه : اطلع برا ماعاد ابي اشوف رقعه وجهك هنا ..
فيصل باستسلام طلع من الغرفه اخذ شنطته اللي كان حاطها عند الباب ومشى طالع من القصر لحقه راشد ..
راشد : ليه يافيصل ؟؟..
فيصل لف على راشد وسكت ..
قرب منه راشد وقال : طول عمري اتمنى يكون لي اخو ويوم لقيته طلع اسوء خلق الله ..
فيصل : راشد انا ..
قاطعه راشد بعصبيه : انت شنو .. ماعندك رجوله فوق ماعزيناكم بيتنا يطلع منك كذا .. لاكن صدق الخير ماينفع مع اشكالك ..ولا انا اللي انصحك طلعت حاط عينك على اختي .. والله لو مو عمي كان ذبحتك اليوم لاكن من يوم ورايح مابي اشوفك موطوط هنا ..
فيصل : صدقني ماراح تشوفني ابد ..
ولف عنه و طلع من القصر ..

في داخل القصر ابو فيصل كان يعتذر من اخوه على اللي صار ابو راشد صمم انهم مايطلعون من البيت على طلاق زوجته.. ام فيصل وافقت لانها ماتبي تهدم بيتهم .. بنفس الوقت مفتشله من اللي سواه ولدها ومحترق قلبها عليه لانه طلع من البيت ..

خالد : والله ياراشد انا اعرف فيصل صدق يكلم لاكن عمره مايسوي هالشيء وخصوصا انها بنت عمه ...
راشد : لو مو شايفه بعيني كان ماصدقت انا صدق ماعرفكم من زمان لاكن بهالفتره البسيطه فهمتكم وحسيتكم اخواني لاكنه خيب ظني ..
خالد : الله يسامحه ...

********************************************

عند دلال بعد ماخلصت من التمثيليه واقنعت الكل باللي سوته على طول سكرت عليها الغرفه كانه شيء ماصار واتصلت بفرح تخبرها باللي صار ...

دلال وضميرها يانبها : فرح والله حرااام .. ماكنت ابي يصير هالشيء وينطرد فيصل من البيت ..
فرح بوناسه : بالعكس هذا اللي مفروض يصير اجل تبينه يهددك طول الوقت ..
دلال : صدق كنت كارهته وخايف منه لاكن كسر خاطري تخيلي ماتكلم ولا كلمه ..
فرح بضحكه : ههههههه بس الصراحه ماتوقعت انك ممثله مبدعه اصلا ماتوقعت انك بتسوين الخطه بهذي السرعه ..
دلال بقلق : انتي وين وانا وين .. انا اول مره يانبني ضميري على شيء اسويه وانتي فرحانه ..
فرح بلا مباله : ارتاحي حبيبتي افتكيتي منه لاتشيلين هم مو اول مره نخطط لشيء ..
دلال : اوف من برودك ..

****************************************

راشد : هلا مشعل ..
مشعل : وينكم ؟؟..
راشد : خلاص مشعل بنكسل الروحه وانشاءالله بكره بجيكم اسلم على طلال ..
مشعل بشك : شفيك عسى ماشر ..
راشد : سالفه طويله بعدين اقولك .. يلا انا بسكر تامرني بشيء ..
مشعل : لا سلامتك ..
راشد : الله يسلمك .. فمان الله ..
مشعل : فمان الكريم ..

*************************************

في الدار البنات متجمعين بالصاله يتفرجون على التلفزيون ..
ريم كانت تفرفر المحطات لقت قناه فيها مصارعه وقفت عليها ..
ريم بابتسامه حزينه : لو ميشو هنا كان كفختني لما اخليه على القناه ..
العنود : اكيد الحين عندها تلفزيون خاص بغرفتها ..
نوره : واكيد امها تسوي لها الاكل اللي تحبه ..
وحده من البنات : ياحظها على الاقل عايشه مع امها ومبسوطه..

*****************************************

مشاعل لما اذن الفجر توضت وصلت بعدها دخلت وحده من الغرف وراحت في سابع نومه كانت تبي تكلم امها من اللي شافته واللي قاعد يصير واللي كانت بتتعرض له لاكن النوم كان اقوى منها تعبت من هذا اليوم ...

****************************

فيصل بعد ماطلع من بيت عمه راح لاقرب فندق وخذاله غرفه وطلب له عشاء ..
دقائق و كان العشاء عنده حط الاكل على الطاوله وجلس يفكر ...

فيصل بقهر: طلعتي موهينه يادلال لاكن والله العظيم راح اردها لك وقريب انشاءالله .. انا الغبي اللي صدقت كلامك ... مو قاهرني الا كلام ابوي اخ بس لو انفرد فيك يوم يادلال لاعلمك مين فيصل وشنو يقدر يسوي ...

رفع جواله اتصل على رقم الحب .. ابتسم بسخريه لانه ماغير اسمها من يوم كان يكلمها قبل ..

دق ودق محد رد عليه بعد مده جاله صوتها المرتبك وخايف ..
دلال بخوف من رده فعله : الو ..
فيصل : بس حبيت اقولك راح تندمين على اللي سويتيه ...
دلال بخوف اكثر: فيصل والله اسفه بس انت اللي ..
قاطعها فيصل بعصبيه : اسفك مايفيد الحين ( ورفع صوته اكثر ) لاكن ورب العباد لانسيك اسمك والايام بينا ..
دلال بترجي : انا مستعده اصلح كل شيء لاكن ..
ماكملت كلامها لانه سكر بوجها ..

فيصل بعصبيه ضرب بايده على الطاوله بقوه ودف الاكل طيحه على الارض وحذف الكرسي بعيد كان يبي أي شيء يطفي القهر والعصبيه اللي بداخله ...
اكل حبتين بنادول ونام ..

******************************

في الجناح عند حصه وزوجها راشد ..
حصه بدموع وقلب الام : تكفى يابو فيصل ..
ابو فيصل طالعها بتهديد : قلت لك لاتجيبين اسمه انا ماعندي ولد اسمه فيصل ..
حصه : حرام عليك اللي تسويه ..
ابو فيصل : والله لو موخوفي من الله كان ذبحته .. اجل عاجبك اللي سواه ..
حصه : انت تسرعت مافهمت حتى السالفه شنو .. على طول هاوشته وضربته ..
ابو فيصل بسخريه : كنتي تبيني ابارك له على اللي سواه ..
حصه : لا موكذا .. بس كان خليته يتكلم يبرر موقفه..
ابو فيصل : اه يافشيلتي عند اخوي ..
حصه : هذا اللي همك .. مو هامك ولدك الحين وينه فيه ..
ابو فيصل : عساه للموت ..
حصه : لا استغفر ربك ..
ابو فيصل : اوهووه ..
طلع من الجناح بكبره وخلها تصيح وتفكر بولدها اللي مو عارفه وينه فيه دقت عليه اكثر من مره لاكن مارد عليه ..

****************************

ثاني يوم الصباح الكل توجه لدوامه اللي راح لمدرسه واللي جامعه والشركه ...

ام فيصل اول ماصحت من النوم نزلت تحت الصاله حصلت ام راشد حاطه قناع على وجها وتشرب عصير كوكتيل طبيعي << عجائز اخر زمن -_-"

ام فيصل : صباح الخير ..
ام راشد بدون نفس : صباح النور ..
عم السكوت دقائق ...
ام راشد بطريقه اهانه تاشر بيدها : اذا جوعانه ترا باقي من الفطور لسا ماشالوه على الطاوله ..
ام فيصل ماعجبتها طريقه كلامها : لا الحمدلله موجوعانه ..
ام راشد وهي قائمه : براحتك ..

******************************

مشاعل صحت من النوم على المنبه كان راسها يعورها لانه مانامت الا كذا ساعه دخلت دوره المياه ( وانتو بكرامه ) غسلت وطلعت بره لبست ملابس المدرسه اللي كانت عليها يوم تطلع من الدار ..
واخذت شنطتها وطلعت من الغرفه ماحصلت احد بالبيت كان عفسه والانوار مطفيه ...
دخلت غرفت امها وصلت عند السرير وبدت تهز امها بشويش : يماا .. يماا .. يمااااا..
هيا بنوم: امممممم ...
مشاعل : يماا ..
هيا بدت تقوم شوي : خيرر وش عندك ..
مشاعل : الساعه 6 ونص ابي اروح المدرسه مين بيوصلني ..
هيا : مو لازم تروحين غيبي ..
مشاعل : لا هالايام لازم اروح مراجعات قبل الاختبارات ضروريه ..
هيا : اوهو خلاص دبري عمرك .. شوفي خذي فلوس من الشنطه وروحي بتكسي ...
مشاعل بصدمه : تكسي بروحي ؟؟..
هيا : اهوو يعني كيف تبيني اوديك اجل اذا مو عاجبك اطلعي بره الغرفه خليني اكمل نومتي ..
مشاعل بقله حيله : طيب ..
طلعت من الغرفه وسكرت الباب بهدوء ..
لفت متجهه لغرفتها لاكن انصدمت لما حصلته بوجها : راكان !! ..
راكان يمسك راسه بالم : ايه ..
مشاعل : انت هنا .. غريبه انا ماشفت احد ..
راكان : انا صحيت لقيت نفسي نايم بالارض بالصاله الثانيه ..
مشاعل : اهاا .. طيب لما تطلع سكر الباب وراك ..
راكان : لحظه.. انتي بتروحين المدرسه ؟؟..
مشاعل : كنت بروح بس للاسف امي قالت غيبي لان ماعندي احد يوصلني ..
راكان : اوكي انا طالع اوصلك بطريقي ..
مشاعل : لا انا ماركب مع احد غريب ..
راكان بنبره صدق: لاتخافين ميشو انتي حسبت اختي ..
مشاعل رفعت عينها والتقت بعينه اول مره احد يقول لها ميشو بهالحلاوه ماتدري ليه ارتاحت من كلامه وبدون تفكير : طيب ...

طلعو من البيت وركبت مشاعل بالسياره من ورى وراكان قدام وانطلقو للمدرسه ...
راكان شغل الراديو طلعت اغنيه يارا صدفه خلاها وطول عليها ..
صدفة ومن بين كل الناس علّقني
من يوم شفته وعيني جت في عنيه
حسيت شيء في عيونه حيل يجذبني
ولما ابتسم بانت بوجهي تلاوينه

صدفة ومن بين كل الناس علّقني
من يوم شفته وعيني جت في عنيه
حسيت شيء في عيونه حيل يجذبني
ولما ابتسم بانت بوجهي تلاوينه
راكان هنا ابتسم لما سمع مشاعل تردد وراها رفع المرايا وجها على مشاعل وقعد يتاملها وهي تسوي حركات بيدها على الاغنيه وتغني معاها مو حوله مانتبهت له ..
سلم علي وجلس جنبي وكلمني
كل الحواجز تلاشت بيني وبينه
أخذ ايديني بإيديه وقام يوصفني
ولا تمنيت ايديني تترك ايدينه

صدفة ومن بين كل الناس علّقني
من يوم شفته وعيني جت في عنيه

حسيت شيء في عيونه حيل يجذبني
ولما ابتسم بانت بوجهي تلاوينه

قاللي كلام بصراحة حلو دوّخني
ما قد سمعت بحلاته اه يا زينه
معاه احس الاغاني عنه وعني
واجمل اغاني الغزل شعري وتلحينه

قاللي كلام بصراحة حلو دوّخني
ما قد سمعت بحلاته اه يا زينه
معاه احس الاغاني عنه وعني
واجمل اغاني الغزل شعري وتلحينه

صدفة ومن بين كل الناس علّقني
من يوم شفته وعيني جت في عنيه
حسيت شيء في عيونه حيل يجذبني
ولما ابتسم بانت بوجهي تلاوينه

خلصت الاغنيه هنا مشاعل رفعت عينها لما انتهت من فيديو الكليب اللي سوته شافت راكان يطالع فيها وماشال عينه عنها ..
مشاعل حست بفشله قالت بدون ماتحس : خلاص خلصت وخر عينك ...
راكان فقع ضحك عليها : هههههههههههههههههههههه ...
مشاعل بغباء : شفيك ؟؟..
راكان مسك نفسه لما شاف انه وصل عند باب المدرسه : ابد ولاشيء تقدرين تنزلين ..
مشاعل التفت على الدريشه شافت فعلن انهم قدام المدرسه: وصلنا بسرعه ..
راكان : ايه ..
نزلت مشاعل بس قبل لاتسكر ..
راكان لف عليها وقال من قلب : انتبهي على نفسك ..
مشاعل من كلمته حست بمشاعر غريبه اول مره تحس فيها حست بنظرات عيونه الصدق : اوكي .. شكراا ..
راكان : العفو ..
سكرت الباب بقوه شوي وينكسر ودخلت المدرسه راكان ضحك على طريقتها ماتخلي الحركات العربجيه هالبنت ...

**************************

فيصل صحى من النوم حس راسه ثقيل..
فيصل مكشر بالم : اوف شكلي نمت كثير ...
قام من السرير واخذله دوش سريع و لبس ملابسه وطلع وهو حاط في باله خطه لازم ينفذها وبيعلم دلال درس عمرها ماراح تنساه ...

******************************

في المدرسه بالفسحى ريم ونوره وساره كانو جالسين بالدرج مكانهم المعتاد يسولفون .. مرت من جنبهم مشاعل لاكن ماعطتهم وجه ولاحتى طالعت فيهم ..
نوره : شفتو ميشو خلاص نستنا ..
ريم : مصيرها تندم ..
ساره : حرام عليك ريم تراها طيبه لو انتي محلها كان سويتي نفسها واكثر ..
ريم : مستحيل .. انسى خواتي عشان ناس عرفو اني بنتهم متاخر ...

****************************

فيصل دخل الشركه دخل الاصنصيل وضغط على زر الدور الثاني ...... دقائق وصل .. طلع من الاصنصيل وصل مكتب عمه سعود .. وقف قدام مكتب السكرتير ..
فيصل : عمي عنده احد داخل ..
السكرتير : لحظه شوي ..
دخل السكرتير المكتب شوي وطلع ..
السكرتير : تفضل ابو راشد ينتظرك ..
فيصل اخذ نفس : شكراا ..
طق الباب ودخل : السلام عليكم ..
ابو راشد : وعليكم السلام ..تفضل فيصل ..
جلس فيصل على كرسي مقابل لعمه وقال بدون مقدمات : اكيد انت عارف ياعم ليش جاي انا بهالوقت ...
ابو راشد كان متفهم نوعا ما : تبرر اللي صار امس ..
فيصل : لا طبعا .. اللي صار امس شفتوه قدام عيونكم ماله داعي ابرر ..
ابو راشد باستغراب من طريقه كلام فيصل واصراره على الغلط : اجل ليش ؟؟..
فيصل : اللي غلطان لازم يصحح غلطه .. انا جاي ياعم اطلب يد دلال على سنه الله ورسوله واتوقع اني ولد عمها واحق فيها من الغريب ..
ابو راشد : صح كلامك لاكن ..
قاطعه فيصل : خلني اكمل كلامي ياعمي ... انا شاري البنت وبالنهايه هي بنت عمي وراح اخاف عليها اكثر من نفسي وانا عارف اللي سويته غلط بس الله يلعن الشيطان على العموم هذا انا جاي اصلح غلطتي ..
ابو راشد : وانا ماراح القى احسن منك يافيصل زوج لها ...
فيصل بابتسامه خباثه : استشير البنت اذا وافقت على بركت الله ..
ابو راشد : بدون لا استشيرها .. ماراح تلقى احسن منك .. وجيتك اليوم هنا اثبتت لي انك رجال والانسان مو معصوم من الغلط ..
فيصل يمثل الفرحه : مشكور عمي .. ( وقام باس راس عمه ) ..
ابو راشد انبسط من ولد اخوه : ولا تشيل هم ابوك بكلمه اليوم و كل شيء بيرجع زي ماكان ..
فيصل : تسلم ياعم ..

***************************

في الجامعه فرح ماكان عليها محاضرات جلسه بالكافتيريا طلبت لها موكا ..
كانت تكلم واحد من اللي متعرفه عليهم ..
فرح بمياعه : هههههه شكلك مره كيوت ..
الولد اسمه هيثم : يعني ماعجبك شكلي ؟؟..
فرح تكش عليه من وراء السماعه ولايعه كبدها منه لانه لزقه : امممممم عادي مو حلو ولاشين بس كانك بزر ...
هيثم : لا شدعوه فروحه عمري 22 سنه تقولين بزر ..
فرح : انا قلت شكلك مو عمرك .. على العموم بيبي وقت المحاضره بعدين اكلمك ...
هيثم : طيب وين البوسه حقتي قبل لاتروحين ..
فرح لاعه كبده منه وسكرت الجوال بوجهه ..
بعد ماسكرت قالت بصوت عالي : او ماي قاد شنو هالاشكال صدق طعس ..
جاتها دلال : مين ذا ؟؟..
فرح : واحد غبي ..
دلال وباين على وجها القلق والحزن : اهاا ..
فرح وحاسه انا دلال فيها شيء : شفيك دلال ؟؟..
دلال : اسكتي امس فيصل كلمني وجلس يهدد طول امس ماقدرت انام من اللي صار ..
فرح : انتي لحد الحين مع ذا الفيصل جد ماعندك سالفه ..
دلال بخوف : لو سامعه كلامه كان جد خفتي .. فرح والله خايفه ليتني ماسويت اللي سويته ..
فرح : يخسي مايقدر يسوي شيء .. كلام بس ..
دلال : يارب يكون كلام .. والله بموت من الخوف ...

******************************
ابو راشد : ها شرائك ؟؟..
ابو فيصل : اذا كذا ماعندي مانع بس اول يتزوجها ...
ابو راشد بفرحه : على البركه... والله وبنصير نسايب يا راشد ..
ابو فيصل فرح من كلام اخوه: هذا الشيء الوحيد اللي بيخليني اسامحه ...
ابو راشد ضغط الزر يكلم السكرتير : دخل فيصل ..
فيصل دخل ومنزل راسه راح عند ابوه وحب راسه : والله اسف يالغالي .. لاكن وعد مني بصلح غلطتي و هذي اخر مره اسوي شيء غلط بس اهم شيء رضاك ..

ابو فيصل : عشان خاطرعمك .. ولانك فكرت انك تاخذ بنت عمك وتغطي على فعلتك الرديه .. بس ها ابيك تحطها بعيونك ..
فيصل : بعيوني يبا والله ..
ابو فيصل : انشاءالله ..

******************************

بعد انتهاء الدوامات البنات طلعو من المدرسه واقفين عند البوابه ينتظرون الباص لاكنا انصدمو من اللي شافوه ... مشاعل ركبت مع راكان السياره هنا ريم حست بالحقد ركبت مع الشخص اللي خلا العنود عمياء ..
نوره ماكانت اقل حقد منها ..
ريم : بينت على حقيقتها ..
نوره : انا اشك انا هذي ميشو ...
ريم : وبنشوف اكثر منها ...

******************************

في سياره راكان ..
مشاعل : ماتوقعتك تجي ابد ..
راكان : كنت مار من هنا قلت اكيد ماعندك احد يوصلك وانا ماعندي شيء ..
مشاعل : مشكور ..
راكان طالعها بالمرايا : ولو حاظرين للحلوين (وغمزه لها) ..
مشاعل ارتبكت من حركته شالت عينها عنه وصارت تطالع الطريق ...

*****************************

في بيت ابو راشد على الغداء الكل كان موجود على طاوله الطعام ماعدا راكان اللي هذا طبعه و فيصل اللي رجع الفندق ...

ابو راشد بفرحه : اليوم جاني شخص وطلب يد دلال ..
الكل التفت على دلال وهي نزلت راسها بخجل ..
حصه بفرحه من قلب نظيف : مبرووك تستاهلين دلال ..
ام راشد نفخت ريشها : اكيد هذي بنت سعود الكل يتمناها ..
ابو فيصل : وانتي الصادقه والنعم ..
ساره بمزح : واخيرا بنفتك منها ويجي دوري ..
راشد رفع حاجبه : فاصخه الحياء ماشاءالله عليك ...
ابو راشد : ماسالتوني مين الشخص ذا...
الكل بفضول : مين ؟؟..
ابو راشد بفرحه : فيصل ولد عمك ماراح تلقين احسن منه ..
دلال بصدمه وقفت بسرعه : نعم ؟؟..

الى هنا انتهى البارت القاكم في البارت القادم باحداث جديده ...

اسئله البارت ..

مشاعل وعلاقتها بامها بتستمر والا لا ؟؟
راكان ومشاعل لوين بيوصلون ؟؟
مين بنت العم تركي ؟؟
دلال وزواجها من راشد بتوافق والا لا ؟؟
فرح وراشد متى يتحدد مصيرهم

؟؟

البارت الثالث عشر ..

ام راشد نفخت ريشها : اكيد هذي بنت سعود الكل
يتمناها ..
ابو فيصل : وانتي الصادقه والنعم ..
ساره بمزح : واخيرا بنفتك منها ويجي دوري ..
راشد رفع حاجبه : فاصخه الحياء ماشاءالله عليك ...
ابو راشد : ماسالتوني مين الشخص ذا...
الكل بفضول : مين ؟؟..
ابو راشد بفرحه : فيصل ولد عمك ماراح تلقين احسن منه ..
دلال بصدمه وقفت بسرعه : نعم ؟؟..
ابو راشد استغرب من رده فعلها توقع انها بتفرح : شفيك ؟؟..
دلال : لا اكيد يبا تمزح ..
ابو راشد بجديه : لا مامزح ..
دلال : بعد كل اللي سواه تبي تزوجني اياه ..
ابو راشد : هو غلط و حب يصلح غلطته .. وبالنهايه هو ولد عمك واحق فيك ..
دلال : بس انا اللي اقرر .. وانا مابيه ..
ام راشد : من جدك يابو راشد ولا كان شيء صار ..
ابو فيصل : انا عارف ان ولدي غلطان ولاتخافين دلال وانا عمك اذا ماتبينه خلاص الزواج قسمه و نصيب ..
ابو راشد التفت على اخوه : شنو اذا ماتبينه .. لا انشاءالله بتاخذه ..
دلال بعصبيه وهي واقفه : بس انا مابيه ..
ابو راشد : موب على كيفك .. انا قلت تاخذينه يعني تاخذينه ..
حصه : الزواج مو بالغصب يابو راشد ..
ام راشد : البنت هي اللي من حقها تختار ..
ابو راشد وقف وقال بامر : انا قلت بتتزوجه يعني بتتزوجه وغير كذا مابي كلام زايد .. انا ضامن ولد عمها راح يسعدها ..
ام راشد : أي ولد عم اللي ضامنه كان يبي يعتدي عليها والحين تقول ضامنه .. اذا هذا اوله ينعاف تاليه ..
ابو راشد ضرب بايده على الطاوله بعصبيه ..
راشد هنا عرف انا ابوه بداء يعصب هذا مو من مصلحتهم مسك يد ابوه : خلاص هد يالغالي ماراح يصير الا اللي تبيه ..
هنا دلال ركضت بسرعه على الدرج وهي تصيح من القهر .. ركضت وراها ساره ولحقتها جود ..
ابو فيصل طالع في دلال وهي طالعه من غرفه الطعام ودموعها على خدها لف على اخوه : ماكان مفروض تجبرها على شيء هي ماتبي ..
ابو راشد : انا ابوها واعرف مصلحتها اكثر منها ..
راشد غمز لعمه بمعنى لاتتكلم معاه الحين لان عارف ابوه بيعند زياده ..

***************************

عند دلال دخلت غرفتها معصبه وتشاهق من البكي معقوله هالانسان اللي تكرها يصير زوجها وبالاجباري عمرها ماتوقعت ابوها يجبرها على الزواج طول عمرها كانت تحس ابوها انسان واعي ومتفهم وياخذ برايهم لاكن بهاللحظه كل فكرتها عنه تغيرت حسته انسان متسلط وكل شيء يسويها لمصلحته اب قاسي ولايفكر فيهم هذا كان تفكيرها كرهت ابوها وكرهت فيصل زياده مليون مره ..
شافت على التسريحه عطورات زجاجيه بدت تاخذ وحده وراء الثانيه وتكسرها بالارض وتصرخ كان ودها بدال العطر تكسر راس فيصل ..
دخلت ساره وشافت المنظر اللي فيه دلال على طول خذت من يدها زجاجه العطر الاخيره اللي كانت بتكسرها ..
ساره ضمت دلال : خلاص دلال هدي شوي ..
دلال هذي ثاني مره تضم اختها : مابيه ساره مابيه ..
ساره حزنت على اختها : انشاءالله ماراح يصير الا اللي تبينه ..
دلال قامت تشاهق اكثر من البكي ..
جود جات ببراءه امسحت على ظهر دلال : ..( بليز دلال لاتبكين ) ..
دلال لفت عليها بعصبيه : محد سبب لنا المشاكل غيركم طلعو من حياتنا مانبيكم تفهمون مانبيكم ..
ساره : عيب هالكلام يادلال ..
دلال بعصبيه : طلعو من غرفتي انتي وياها ..
ساره بعصبيه من وقاحت اختها : دلال لاتت..
قاطعتها دلال وهي تدفها : بره يلا بره ..
ساره لما وصلت عند الباب هي وجود : هذا واحنا جاين نواسيك صدق ماتستاهلين غبيه ..
ماحصلت الا الباب مسكر بوجها ..

**************************

مشاعل تكلم راكان ولحد الحين تطلع بالطريق : راكان ممكن اسالك سؤال ..
راكان فز قلبه لما سمعها قالت اسمها قال بصوت عادي : تفضلي ..
مشاعل : انت طيب والا شرير ؟؟..
راكان فقع ضحك على طريقه سؤالها .. كان سؤال بريء وعفوي منها ..
راكان ودموعه بدت تسيل من الضحك : ههههههههههههههههههههههههههههههههه...
مشاعل طالعته بقهر : وجع ليه تضحك قايله نكته انا ..
راكان مستمر بالضحك : هههههههههههههههه ..
مشاعل بعصبيه : الشرها على اللي يسالك ..
راكان مسح دموعه وقف سياره فجاءه بنص الطريق ولف عليها : لاتزعلين ميشو بس سؤالك مدري وش يبي ..
مشاعل : تطالع قدام خايفه من السيارات وهم بنص الطريق : هي انت مجنون ..
راكان : لا بس وقفت السياره عشان اجاوبك على السؤال ؟؟ ..
مشاعل بخوف : صدق مهبول تبي تموتنا .. عمرك ماجاوبت اهم شيء اعيش ..
راكان ابتسم على كلامها حرك السياره ومشى ..
راكان بلمعه حزن بعيونه : تصدقين مشاعل من زمان ماضحكت من قلب زي اليوم ..
مشاعل وتتامل بنظرات عيونها من المرايا : ليه ؟؟ ..
راكان : ماعاد فيه شيء يبسطني ..
مشاعل : انت ليش تشوف الدنيا بنظره سوداء ..
راكان : لانها سوداء ..
مشاعل : طيب ممكن اسالك اسئله وتجاوبني عليها ..
راكان : ايه ..
مشاعل : عندك اهل والا لا ؟؟..
راكان استغرب من سؤاله هي تعرف اهله : ايه ..
مشاعل : عمرك نمت وانت جوعان ؟؟..
راكان : شهالاسئله الغريبه؟..
مشاعل : انت جاوبني بدون لاتساأل ..
راكان : لا ..
مشاعل : عمرك تسلفت من احد فلوس ؟؟ ..
راكان : لا ..
مشاعل : عندك مرض خطير في جسمك ..
راكان : لا ..
مشاعل : عندك بيت تسكن فيه ..
راكان : ايه ..
مشاعل : اجل قول الحمدلله غيرك مو لاقي ولا شيء ومبسوطه بحياته ..
راكان ابتسم من طريقه تفكيرها وكلامه هالبنت عجيبه في كل شيء الواحد مايمل من جلوسه معاها تحببك بالحياه اكثر ..
وصلو عند البيت نزلت مشاعل : شكرا للمره الثانيه ..
راكان : لاشكر على واجب .. وجهزي نفسك كل يوم بجي اخذك ..
مشاعل : لا مشكور مايحتاج انشاءالله باجر باص يوديني ويجيبني ..
راكان : لاتزعليني منك انا ماعندي شيء .. وبكون مبسوط لو خليتيني اوديك واجيبك ..
مشاعل كلامه من شوي اثر فيها حبت تسوي شيء يبسطه : اوكي ..
راكان بفرحه : يلا اجل اشوفك بكره ..
مشاعل : طيب ..
وسكرت باب السياره .. راكان ظل واقف لما شافها دخلت البيت بعدها مشى ..

**************************

فرح : حلفي ؟؟..
دلال بقهر : والله ..
فرح : ماصدق عمري ماتوقعت عمي يجبرك على الزواج ..
دلال بعصبيه : كلا من افكارك الغبيه شفتي لوين وصلتيني ..
فرح : لا والله الحين صارت افكاري غبيه ..
دلال : ماعلينا .. الحين شسوي ابوي اذا خذا قرار لايمكن يتراجع عنه ..
فرح بتفكير : امممممممممممم .. شرايك تدقين على الزفت فيصل ..
دلال بلوعه كبد : هذا اللي ناقص انزل نفسي لاشكاله بيحسبني ميته علي ..
فرح : حبيبتي انتي في موقف مفروض ماتفكرين فيه بالكرامه ..
دلال : مكالمتي له لاراح تودي ولا تجيب ..
فرح : بالعكس .. حاولي تكسرين خاطره بكلمتين ..
دلال : واذا ماقتنع لان بعد اللي سويته فيه ماراح يصدقني ..
فرح : اوكي ذاك الوقت راح نفكر بشيء ثاني لاتستسلمين ..
دلال بقله حيله : هالمره بنزل نفسي بس عشان مايتم هالزواج ..

*****************************

عند بناات الدار كانو جالسين يتابعون مسلسل على التلفزيون وحمده كانت جالسه معهم ..
جاءت موظفه بالدار : استاذه حمده تلفون ضروري ..
حمده : طيب جايه ..
حمده راحت المكتب ورفعت سماعت التلفون ..
حمده : الو .. وعليكم السلام والرحمه .. هلا والله .. ايه .. متى اليوم .. لاكن .. طيب خلنا نعطي البنت خبر .. اكيد من حقكم .. خلاص انشاءالله .. اوكي .. مع السلامه ..

سكرت من المكالمه : ياربي والله ماني عارف كيف افتح معاها الموضوع ..

*****************************

راكان بعد ماوصل مشاعل راح لبيتهم على طول دخل البيت وهو مبسوط الضحكه شاقه وجهه ..
حصل الكل جالس بالصاله الداخليه : السلام عليكم ..
الكل : وعليكم السلام ..
جلس على اول كنب ..
ابو راشد : وين كنت فيه ؟؟..
راكان : في الاستراحه مع الربع ..
ابو راشد : هذي حياتك بس ماتعرف الا ربع واستراحه متى راح تعقل وتصير رجال ..
راكان : مافيها شيء.. انبسط وش تبيني اسوي ..
ابو راشد : ابيك تحس بالمسؤليه شوي وتساعدني ..
راكان باستهزاء : هه عندك راشد قائم بكل شيء مايحتاج .. ( وقام من المكان طلع فوق ينام ) ..
راشد حز بخاطره كلام اخوه اللي دائم يعتبره عدو له بعكسه هو اللي يحبه ويتمنى يصيرون على قلب واحد ..
ابو راشد : محد بيموتني غيره ..
الكل : بسم الله عليك ..
ابو فيصل : هد ياسعود الشباب كلا كذا يحبون السهر والطلعات بس مصيره يتعدل ..
ابو راشد : الله يسمع منك ..
راشد : ها يبا مشينا ؟؟..
ابوراشد : يلا ربي يكتب اللي فيه الخير لنا ولها ..
ابو فيصل : امين ..
وطلعو من البيت عشان يجيبون بنت اخوهم تركي ويشوفون رده فعلها ويتعرفون عليها اكثر ..
ام راشد ودها كل شيء يخترب مو ناقصه احد ثاني يجي عندها في البيت تحس انهم مقيدين حريتها ..
عكس حصه وجود وساره مبسوطين اما دلال لحد الحين حابسه نفسها بالغرفه ..

******************************

فيصل كان منسدح على الكنب وجالس يفكر
( والله يادلال لادفعك الثمن غالي وماكون فيصل .. بس كل شيء بوقته حلو )
فجاءه دق الجوال بنغمه هو خصصها لرقمها مسك الجوال ابتسم بخبث ورد : الو ..
دلال تمثل دور المسكينه : الو .. فيصل ..
فيصل يمثل دور الهيمان: ياعيون فيصل ..
دلال : انا اتصلت فيك حابه اقولك شيء ..
فيصل : تفضلي ياحبي انا تحت امرك ..
دلال منقرفه منه بس ماحبت تخرب كل شيء : ابوي قالي انو انت خطبتني .. الصراحه انا مابي اتزوج الحين ودي اكمل دراستي .. يعني لو ناجل مساله الزواج شوي ..
فيصل ابتسم بفرحه لانه عرف انا خطته نجحت وعمه جبرها على الزواج : بس انا مقدر ياقلبي .. يعني المره اللي فاتت حاولت اعتدي عليك .. هالمره ماضمن نفسي شنو ممكن اسوي من كثر مانا احبك ..
دلال فهمت قصده : فيصل بليييز .. انا مالي بالزواج ..
فيصل : اجل .. لك بالمكالمات والطلعات صح ..
دلال بعصبيه : احترم نفسك ..
فيصل بهدوء : لاتكفين كل شيء ولاتعصبين علي ..
دلال تحاول تتمالك اعصابها : تكفى فيصل .. انا غلطت وعارفه غلطتي .. لاكن لاتاخذ الامور بجديه وتدخلها لموضوع الزواج ..
فيصل : المطلوب ؟؟..
دلال : ترفض موضوع الزواج ..
فيصل بعناد : وانا راح اتزوجك يادلال ..
دلال بعصبيه : غصب هو مابيك ..
فيصل : مو مشكلتي .. انتهى وقت المكالمه .. يلا سلام ..
وسكر بوجها ..
دلال اول ماسكر بوجها رمت الجوال على السرير بعصبيه : وجع صدق حقييير ..
فيصل بتهديد يكلم نفسه : بعدك ماشفتي شيء يابنت العم ...

***************************

مشاعل كانت بالمطبخ تسوي لها اكل حصلت بيض بالثلاجه حطته بالصحن وحطت عليه ملح وفلفل وبدت تخطله ..
دخلت عليها امها : شتسوين ؟؟..
مشاعل تكلم امها بدون نفس : زي مانتي شايفه ..
هيا : خلاص اتركيه من يدك انا طلبت لنا اكل من المطعم ..
مشاعل : انا باكل ذا وبس ..
هيا بعدم مباله : براحتك ..
مشاعل تطالع امها بنظرات تمعن ..
امها : شفيك ؟؟
مشاعل : يما مين الرجال اللي كان معاك بالغرفه ..
هيا بارتباك : هذا .....

****************************

حمده دخلت ريم المكتب وقفلت عليهم الباب ..
ريم باستغراب : شفيك ماما ؟؟..
حمده بابتسامه ارتباك : حابه نسولف شوي ..
ريم : في شنو ؟؟
حمده مو عارفه كيف تبدي : اممممممم .. يعني مثلا تخيلي انو عندك اهل شنو بيكون شعورك ..
ريم بقساوه : مايهموني ؟؟..
حمده حست الموضوع تعقد لازم تمهد قبل لايجون : طيب لو اهلك جو الحين وقالو بياخذونك معهم بتوافقين ..
ريم ماسكه القلم تفتح وتسكر فيه : لا ..
حمده : حتى لو عرفتي شنو الظروف اللي منعتهم ..
ريم ومازالت تلعب بالقلم : ماتفرق بالنهايه انا عائشه هنا ..
حمده سكتت ماعرفت شتقول ..
ريم : بس انتي ليه تساليني هالاسئله ..
حمده حبت تجيبها من الاخر : ريم اهلك عايشين وجايين ياخذونك اليوم ..
ريم وكان احد كب عليها ماي بارده اهل مين ذولا وينهم من زمان وفجاءه كذا وشلون راح تقابلهم لا اكيد حمده تكذب عليها ...

الى هنا انتهى البارت الثالث عشر .. القاكم في بارت قادم باحداث جديده ..

هالمره ماراح اسئلكم كل وحده تكتب توقعاتها للبارت القادم .

. ا

الجزء الرابع عشر
ريم : بس انتي ليه تساليني هالاسئله ..
حمده حبت تجيبها من الاخر : ريم اهلك عايشين وجايين ياخذونك اليوم ..
ريم وكان احد كب عليها ماي بارده اهل مين ذولا وينهم من زمان وفجاءه كذا وشلون راح تقابلهم لا اكيد حمده تكذب عليها ...
فجاءه اندق جرس الباب ريم بدون شعور وقفت : اكيد هم صح ..
حمده حست بارتباكها : لاتخافين حبيبتي انا بقابلهم اول ..و لما تحسين انك جاهزه لمقابلتهم تعالي ..
ريم بسرعه طلعت من المكتب وراحت عند خواتها بالغرفه دخلت عليهم بهدوء
العنود كانت منسدحه على السرير اما نوره كانت تقراء في روايه جلست على سريرها بصمت
ولاكلمه بعدها مصدومه فجاءه طلع لها اهل كانت تقول اذا لقيت اهلي مستحيل اترك الدار لاكن احساسها كان مخلوط بين الحزن والفرح ..
نوره رفعت عينها من الكتاب وطالعت ريم : بسم الله انتي متى دخلتي ..
العنود تحرك راسها : ريم جات ..
نوره : ايه ..( ورجعت تكلم ريم) .. روويم ..
ريم طالعت بنوره بنظرات بدون احساس : نعم ..
نوره : شفيك ؟؟ ..
ريم : اهلي ..
نوره باستغراب : شفيهم ؟؟..
ريم : هنا ..( وخنقتها العبره حطت ايدها على وجها وبدت تبكي ) ..
نوره قامت لها بسرعه وجلست جنبها : انا مو فاهمه شيء ليش تبكين ..
العنود لما سمعت صوت ريم وهي تبكي قامت من مكانها وبدات تتحسس كل شيء حولها لما جلست على الارض قدام ريم : ماما حمده وش قالت لك ؟؟..
ريم وهي تشاهق من البكي : ماتفهمون اقولكم اهلي هنا .. و ..وهم الحين عند ماما حمده ..يبون ياخذوني ..
نوره بصدمه : تتكلمين جد ..
ريم : والله العظيم ..
العنود بحزن : وانتي بتروحين معاهم ..
ريم هنا اسكتت ..
نوره : يعني شنو ؟؟..
ريم ظلت ساكته ..

******************************

عند حمده بعد مادخلت ابو راشد وابو فيصل ..
ابو فيصل : احنا مقدرين مشاعر البنت وعارفين الموقف اللي هي فيه ..
ابو راشد : بس بالنهايه احنا ماجينا هنا الا واحنا متاكدين انها بنت اخوي تركي ..
حمده : اتمنى انكم تعطونها فرصه عشان تخلونها على الاقل ترتاح لكم وبعد كذا تكون الامور سهله ..
ابو فيصل : طيب نقدر نشوفها على الاقل ..
حمده : طيب ثواني اشوفها ..
طلعت حمده من المكتب وراحت لغرفه البنات

*******************************

ريم وكل انواع المشاعر كانت تحس فيها : انا .. يعني ..الصراحه ..
فجاءه اندق الباب ودخلت حمده ..
قالت بابتسامه تهدي فيها ريم : اعمامك يبون يشفونك ..
ريم زاد خوفها تكلمت وهي تاشر على نفسها : اعمامي انا ..
حمده : ايه انتي ..
ريم بارتباك : بس انا .. ( وطالعت بنوره )
نوره هزت لها راسها بمعنى شوفيهم وش بتخسرين ..
ريم تشجعت شوي : طيب ..
مشت حمده قبلها وريم اخذت حجابها وراحت وراها
دخلو المكتب جلست بالكنب اللي مقابل لاعمامها بدون ولاكلمه ..
ابو فيصل : كيفك ياريم ..
ريم منزله عينها بصوت واطي مخنوق : الحمدلله ..
ابو راشد : اناعمك سعود ..(واشر على ابوفيصل ) وذا عمك راشد ..
ريم هزت راسها بمعنى ايه ..
ابوفيصل بمزح : بس ماتوقعت بنت اخوي حلوه كذا ..
ريم طالعت فيه بسرعه وقالت براءه : وين ابوي ؟؟..
ابو راشد : الله يرحمه ..
ريم بحزن : يعني مات ..
ابو فيصل هز راسه باسف ..
ريم : طيب و امي ..
ابو راشد : بعد الله يرحمها ..
ريم وقفت : اجل انتو ليه جايين .. دام اللي ابي اشوفهم ماتو ..
ابو فيصل وقف جنبها وحط يده على كتفها : اذا امك وابوك توفو حنا هلك وماجينا هنا الا لانك تهمينا ..
ريم طالعت بعيونه حسته حنون : وليه بعد كل هالسنين ..
ابو راشد : احنا درينا بوقت متاخر كانت الظروف ماتسمح ..
ريم ونزلت دمعه على خدها : اي ظروف اللي تمنع اني اعيش مع اهلي ..
ابو فيصل : وانا عمك ياريم .. خلينا ننسى الماضي ونبتدي حياه جديده .. احنا هلك وعزوتك ومالك غنى عنا ..
ريم : وحياتي هنا .. و ذكرياتي واخواتي وامي .. كل هذا كان حلم وصحيت منه .. تتوقعون بهالسرعه انسى كل اللي عشته واجي معكم ..
ابو راشد : احنا بنخليك براحتك لما تتعودين علينا ..
ابو فيصل : كافي اللي راح من عمرنا وانتي بعيده مانبي نطولها العمر قصير وانا عمك ..
ريم ارتاحت من كلام عمها راشد وبدون مقدمات رمت نفسها بحضنه وبكت ..

هذا حال الايتام محتاجين من يمسح دمعتهم من يحسسهم بالامان من ياخذهم بحضنه من يحسسهم بالدفى والطمانينه هذا كل اللي حتاجونه كلمه حلوه نظره حنونه لمسه دافيه ولمه اهل ...

****************************************

مشاعل تطالع امها بنظرات تمعن ..
امها : شفيك ؟؟
مشاعل : يما مين الرجال اللي كان معاك بالغرفه ..
هيا بارتباك : هذا ايه صح ماقلتلك..
مشاعل تنتظر الاجابه ..
هيا : مو انا تزوجت تعرفين انا وحيده واحتاج رجال يصوني ويحافظ علي ..
مشاعل بشك : وليه ماقلتي لي ..
هيا بدات تمثل : خفت انك ترفضين تجين معي كنت اموت لو ر فضتي.. وانا وهو متزوجين بالسر عشان ماتعرف زوجته الاولى ..
مشاعل : اهاا ..
هيا : شفيك يما مو مصدقتني ؟..
مشاعل تمشيها لها : الا يما شلون ماصدقك ..اكيد مصدقتك..
مشاعل حطت البيض بالصحن بعد ماستوى وحطته لها في صينيه مع بيبسي وخبز وطلعت لصاله
جلست قدام التلفزيون تاكل وتفرفر بالمحطات شافت لقطه من فلم عمر وسلمى وخلته عليه تذكرت ريم كانت تحب افلام تامر حسني هذي اول مره تطالع شيء رومنسي ..
جات امها وجلست جنبها : الا تعالي مين وداك المدرسه ؟؟..
مشاعل تذكرت راكان وابتسمت : التاكسي ..
هيا بعدم مباله: ايه زين .. اسمعي انا طالعه للمشغل ..
مشاعل : مشغل ليه ؟؟..
هيا : ايه صح ذكرتيني انا اليوم عندي حفله وتعرفين الحفله للحريم ماقدر اخذك معي ..
مشاعل : يعني بجلس بروحي ..
هيا : عادي انتي كبيره وانشاءالله ماهو جايك شيء ..
مشاعل : بس يما لو صار شيء لو طب حرامي على البيت مثلا ..
هيا : دقي علي ..
مشاعل بقله حيله : طيب براحتك ..
هيا وقفت : يلا بخذ عباتي وبطلع وبرجع عشان البس واروح للحفله تشاو ..
مشاعل : مع السلامه ..
طلعت هيا من البيت وتركت مشاعل .. مشاعل ماعجبتها حركات امها لبسها لبس بنات صغار تصرفاتها كلها دلع ومياعه طلعاتها الكثيره والحفلات اللي بدون لزمه تذكرت ايامها في الدار وخواتها وحمده اللي دائم تهتم فيهم ماتنام الا ومطمنه عليهم ..

**************************************

فيصل دفع للفندق واخذ اغراضه وطلع لانه عمه وابوها قالو له يرجع لقصر وهو طبعا قرر يرجع عشان ينفذ باقي خططه كل شيء بالنسبه له مو مهم بس انتقامه من دلال كان كل تفكيره ..
ركب السياره وتوجه للقصر ...

**************************************

دلال نزلت من غرفتها بعد ماطلعت كل القهر اللي فيه بتكسير الاغراض اللي بغرفتها ..
شافت جود و ساره جالسين بالصاله .. يطالعون فلم عمروسلمى ..
ساره : دلوول تعالي شوفي الفلم معانا ..
دلال بطفش: قديم شايفته ميه مره ..
ساره : براحتك ..
دلال : وين امي ..
ساره : طلعت مع خالتي ام فيصل لوحده من الجمعيات ..
دلال من اسمعت هالاسم جاها اكتئاب ..
عم السكوت شوي لاكن اقطعه صوت الجرس راحت الشغاله تفتح الباب ..
طبعا الصاله مكشوفه على الباب الرئيسي دخل فيصل وعطا الشغاله شنطته ولما شاف البنات متجمعين قال هذي فرصته ..
جود اول ماشافت اخوها انقزت بسرعهه : My brother I miss you much.. ( اخي اشتقت لك كثيرا) ..
فيصل ابتسم لها وفتح يدينه وضمها : وانا اكثر ياقلبي ..
جاته ساره : نورت الحته فصوول .. ( وغمزت له ) ..
فيصل : هههه بوجودك ..
جلس على الكنب وساره وجود رجعو لمكانهم ..
فيصل طالع دلال اللي باين عليها نظرات الكره والحقد : وانتي ماشتقتي لي ..
دلال طالعته بنظره يعني كل تبن ..
فيصل بابتسامه على جنب : عادي ياقلبي عاذرك كل البنات يستحون قبل الزواج ..
دلال عطته نظره ثانيه نفس الاولى ..
فيصل يكمل : لاكن بعد الزواج تصير تموت بزوجها ..
دلال قامت من مكانها وجاءت بتمشي لاكن فيصل مسك يدها قال بسخريه : لاتقولين استحيتي ماتوقع ذا الشيء منك ..
دلال فهمت قصده فكت يدها منه وطلعت فوق ..وجود وساره يطالعونهم بصمت ..

************************************

عند البنات في الدار بعد ماجات ريم من عند اعمامه ..
قالت لهم وش صار بالتفصيل الممل ..
ريم تنهدت : مدري حسيتهم طيبين ..
العنود : وانتي شقررتي ..
ريم : مدري ..
نوره : فكري على راحتك لاتسوين مثل ميشو نستنا بالمره ..
ريم : لا عمري ماراح انساكم حتى لو وافقت اروح معاهم انتو بالنسبه لي اهلي..
العنود بحزن : كل مالنا ننقص ..
نوره : ونفترق ..
ريم : لاتقولون كذا ماراح يفرقنا الا الموت انشاءالله احنا خوات وراح نظل خوات وحتى ميشو اكيد بيجي اليوم اللي تحس فيه بغلطتها ...
نوره تتثاوب: يلا خلونا ننام الحين بكره ورانا دوام ..

*************************************

راشد في السياره : ها يبا وش قالت ..
ابو راشد : احنا شفناها وتعرفت علينا .. حبينا نعطيها فرصه تفكر فيها على راحتها ..
ابو فيصل : تعرف بنت 17 سنه عايشه بمكان تعودت عليه مو سهل عليها تتركه بهالسهوله ..
راشد : ايه والله صادق ياعمي ..
ابو راشد : دق على خالد شف فيصل جاء البيت ..
راشد بدون نفس: ايه يبا من شوي كلمني يقول جاء ..
ابو راشد : زين ..

************************************

الساعه 10 بالليل هيا طلعت بعد ماكشخت باحسن لبس عندها ومكياج فل وانواع العطور والعبايه المليانه كرستالات تبرق .. مشاعل كانت جالسه بالصاله تطالع التلفزيون شوي و سمعت صوت بالحوش خافت وقلبها بداء يرقع ماعرفت شتسوي رفعت التلفون بتدق على امها لاكن تذكرت انها حتى ماتعرف الرقم جلست قالت بنفسها يمكن يتهيأ لها الصوت لاكن كل ماله الصوت يعلى كانه احد يمشي بالحوش خافت اكثر قررت انها لازم تحمي نفسها راحت المطبخ ودورت بالدرج لقت سكينه كبيره اخذتها وخبتها وراء ظهرها وبدت تمشيء بشويش لعند الباب تسمع الصوت اللي من بره ورجولها مو قادره تشيلها من الخوف لفت وراها واذا بالصدمه
: اااااااااااااااااااااااااااااااااااااااااااااااااا ااااااااااااااااا..

الى هنا انتهى البارت .. القاكم في البارت القادم ..

اسئله البارت ..
مين اللي شافته مشاعل ؟؟
ريم بترضى تعيش مع اهلها ؟؟
فيصل وشنو خططه المستقبليه لدلال ؟؟
ردت فعل ساره اذا عرفت انا ريم بنت عمها

؟؟

البارت الرابع عشر..
الجزء الثاني ..

الساعه 10 بالليل هيا طلعت بعد ماكشخت باحسن لبس عندها ومكياج فل وانواع العطور والعبايه المليانه كرستالات تبرق .. مشاعل كانت جالسه بالصاله تطالع التلفزيون شوي و سمعت صوت بالحوش خافت وقلبها بداء يرقع ماعرفت شتسوي رفعت التلفون بتدق على امها لاكن تذكرت انها حتى ماتعرف الرقم جلست قالت بنفسها يمكن يتهيأ لها الصوت لاكن كل ماله الصوت يعلى كانه احد يمشي بالحوش خافت اكثر قررت انها لازم تحمي نفسها راحت المطبخ ودورت بالدرج لقت سكينه كبيره اخذتها وخبتها وراء ظهرها وبدت تمشيء بشويش لعند الباب تسمع الصوت اللي من بره ورجولها مو قادره تشيلها من الخوف لفت وراها واذا بالصدمه
: اااااااااااااااااااااااااااااااااااااااااااااااااا ااااااااااااااااا..
حط يده على فمها : اسكتي فضحتينا ..
مشاعل : راكان خوفتني ..(مشت للكنب وجلست عليه ) .. انت شجابك هنا ..
راكان لاارديا قال : قلبي ..
مشاعل بعصبيه : نعم !!..
راكان : اقصد يعني قلبي ..حسيت انك لوحدك في البيت وخايفه يعني كذا ..
مشاعل : ماني خايفه تقدر تروح ..
راكان بزعل : افا طرده ..
مشاعل وقفت : لا مو طرده .. بس عيب اكون وياك ومامعنا احد .. ترضاها لاختك ..
راكان وقف قبالها : تتوقعين اني ممكن اضرك بشيء..
مشاعل وعيونها تعلقت بعيونه : لا ..
راكان ابتسم لها وعيونه برقت بحب: اجل ليه تبيني اروح ..
مشاعل : حتى لو كنت واثقه فيك بس انا تربيه على اشياء مقدر اخالفها ..
راكان : ممكن اسالك سؤال ؟؟..
مشاعل : شنو؟..
راكان : ايش اللي خلاك توثقين فيني ..
مشاعل : احساس ..
راكان : مو شرط احساسك يكون صح ..
مشاعل لفت عنه عطته ظهرها : تذكر ذاك اليوم .. اا ..يوم حبستني بالغرفه ..
راكان نزل راسه متفشل من حركته : ايه ..
مشاعل تكمل : لو كنت انسان سيء ماكان خليتني اطلع .. راكان رغم الدشاره اللي انت فيها الا ان داخلك بذره خير.. وقلب طيب لاكن تدري شنو مشكلتك ..
راكان بفضول : شنو ؟؟..
مشاعل : دايم تحس نفسك وحيد وانا الكل بعيدين عنك ..
راكان بحزن : و هذا هو الواقع ..
مشاعل باصرار: غلطان التفت حولك بتلقى ناس كثير ... عطهم فرصه يكونون جنبك ..
راكان : مشاعل ممكن اقولك شيء بس ماتعصبين ..
مشاعل : ماله داعي عارفه وش بتقول ..
راكان بفرحه : صدق ..
مشاعل : وانا نفس الشيء بعد ..
راكان من الفرحه لفها لجهتها ومسكها من كتوفها : يعني انتي تحبيني ..
مشاعل عقدت حواجبها باستغراب : حب .. انا احس بالراحه معاك بس ..
راكان وانطفت فرحته : بس ؟ ..
مشاعل لفت عنه تخفي نظرات عيونها : ايه بس .. انت متوقع وحده مثلي تفكر بالحب ..
راكان وقف قدامها : ليه وش ناقصك ؟؟..
مشاعل : انا انسانه حتى اسلوب بالكلام ماعندي كيف تبيني احب ..
راكان ابتسم : تدرين الشيء اللي خلاني احبك هو اسلوبك ..
مشاعل : هذا مو حب صدقني .. يمكن راحه او اعجاب ..
راكان مسك كف يدها بيده : مشاعل ..
مشاعل جاتها قشعريره من حركته : نعم ..
راكان بهيام : احبك ..

*************************

ريم بعد ماسلمت على خواتها ودعتهم على امل يلتقون عن قريب مشت ودموعها على خدها فتحت باب السياره حطت شنطتها داخل .. دخلت و سكرت الباب .. طول الطريق كانت ساكته ..
ابو راشد كان يسوق السياره لف على ريم : شفيك ساكته ؟..
ريم بصوت واطي: مدري ..
ابو فيصل ياشر لابو راشد: وقف عند المحطه بشتري لنا شيء نشربه ..
وصلو عند المحطه نزل ابو فيصل (راشد) للبقاله ...كانت المحطه قديمه والبقاله صغيره وعليها صور اعلانات قديمه مشققه ..
ريم التفتت حواليها ماشافت بيوت والشارع فاضي شكلهم راحو في مكان بعيد حتى المحطه فاضيه مافيها ناس ..
ريم : عمي احنا وين رايحين ..
ابو راشد طالعها بنظره مخيفه : كل شيء بوقته حلو ..
ريم خافت من نظراته ومن المكان اللي شبه مهجور وقديم : مافهت ..
ركب ابو فيصل السياره وسكر الباب طلع من الكيس قطع لحم نيء وعطاه ريم ..
ريم من الخوف دفت يد عمها وطاح اللحم تحت الكرسي ..
ريم بلعت ريقها : شنو هذا ؟؟..
ابو فيصل بضحكه بصوت عالي : هههههههه ماتعرفين شنو هذا ..
ابو راشد يكمل عن اخوه : هذا لحم ياروح عمك ..
ريم وجها بداء يعرق وتحس انها مخنوقه : بس هذا نيء ..
ابو فيصل بابتسامه خبيثه : ايه احنا تعودنا ناكله كذا ..
ريم خوف : خلاص رجعوني الدار مابي اروح معاكم ..
ابو راشد بسخريه : هههههههههه هو دخول الحمام زي خروجه ..
ريم وبدت تبكي : تكفى عمي رجعني ..
ابو راشد وابو فيصل يضحكون : هههههههههههههه..
ريم وتحاول تفتح باب السياره : تكفون ابي اطلع انا مخنوقه .. رجعوني ..
حاولت تفتح كل شيء ماقدرت البيبان مسكره والدريشه ماتنفتح خلاص مو قادره تحس انها بتموت مخنوقه وخايفه ...
ريم تبكي بصوت عالي وترافس وتحاول تفك العبايه : خلاص ..خلوني اروح .. تكفون مابيكم .. ابي ارجع لدار ..

نوره تهز ريم بخفيف : ريم ... ريم ...ريم ..
ريم بدت تفتح عيونها بشويش لما شافت نوره قدامها : نوره ..
نوره تمسح عليها : لاتخافين ياقلبي هذا حلم ..
ريم تتنفس بقووه : نوره ابي اطلع اشم هواء تكفين ..
نوره وتوخر اللحاف عن ريم : يلا امشيء نتمشى بالحوش ..

***************************
في بيت ابو راشد جود و ساره كانو يلعبون كيرم بالصاله << شخباري -_-"
ساره بنرفزه : لاياحبيبتي السوداء دخلت قبل الحمراء ..
جود وتضرب يدها على الكريم بعصبيه : not red ...( لا الحمراء)
ساره بعصبيه اكثر من جود : هي انتي لاتعصبيني وتكلمي عربي احسن لك ..
جود عصبت و خذت طاوله الكيرم وكبت اللي فيها على الارض ...

ساره بققت عيونها : ياحيوانه ليه ؟؟..
جود حطت صبعها السبابه على راسها : كوفي ..(كيفي ) ..
ساره : صدق متخلفه انطقيها عدل اول ...
جود : شت اب ..(اسكتي ) ..
ساره بعصبيه : طيب ياجودوه الزفت راح تشوفين ..
ساره بعصبيه طبت على جود مشعت شعرها وبدت تعضضها في كل مكان وجود مسكينه بس تصارخ تبي احد ينقضها من ذا المتوحشه ..
خالد كان داخل البيت بياخذ شيء و بيطلع شاف ثنتين على الارض والمعركه مشتده بينهم ..
ركض بسرعه وحاول يفككهم : هي انتي فكيها ..
ساره معنده وماسكه شعر جود بقووه ..
جود بالم تبعد ساره عنها : Leave the may hai .. (اتركي شعري)
خالد صرخ بصوت عالي : خلاااااص ..
واخيراا ساره تركت شعر جود ..
خالد يكلم ساره : مو عيب عليك طايحه طق باختي ...
ساره تنافخ من التعب : تستاهل ..
خالد رفع حاجبه : وليه انشاءالله ..
ساره : محد قال لها تطول لسانها علي ..
خالد : ليكون مفكرتها جاريه عندك ..
ساره : ايه ..
خالد : نعم ..
ساره : اللي سمعتها ايه جاريه ..
خالد : شوفي هالمره بعديها هذي اخر مره تمدين يدك على اختي فاهمه ..
ساره وحاطه يدها على خصرها : كل يوم بضربها عندك مانع ..
خالد ناظرها باحتقار : ماتوقت انك قليله ادب كذا ..
ساره : طالعه عليك ..
خالد : اقول اقصري الشر .. وكولي تبن ..
ساره حبت تقهره لانه استفزها : عشنا وشفنا قاعدين بيتنا ويغلطون علينا بعد ..
خالد توه بيتكلم لاكن في احد رد عنه ..
ابو راشد : اا يابنت ال .. ( وضغط على شفايفه ) ..
ساره اول ماشافت ابوها قالت بنفسها يارب استر ..
جا ابوها ومسكها من اذنها : حق مين تقولين ذا الكلام ..
ساره بدت دمع عينها من الخوف واذنها حرتها : اسفه يبا والله امزح معاه ..
ابو فيصل : اتركها ياراشد .. بزره وقالت كلمه ..
ابو راشد راص على اذنها بقووه : بادبها عشان ماتنطقها مره ثانيه ..
ساره ومسكه يد ابوها : اح .. والله يعور ..
خالد كسرت خاطره : خلاص ياعم احنا كنا نمزح مع بعض ..
ابو راشد : حتى لو ماتقول هالكلام ..
خالد : عم عشان خاطري اتركها ..
ابو راشد فكها : هالمره عشان خالد بس اذا سمعتك عدتيها قصيت لسانك ..
ساره منزله راسها : طيب ..
ساره طلعت بسرعه لغرفتها ولحقتها جود ...
خالد ماعجبه تصرف عمه : عمي مفروض عرفت السالفه قبل لاتضربها ..
ابو راشد : تستاهل ..
ابو فيصل : الله يهديك يابو راشد تعاملك مع عيالك غلط بغلط ..
ابو راشد : ماعلينا ..( يكلم خالد ) الا وين اخوك فيصل ..
خالد : طالع .. عن اذنكم ..
طلع فوق لغرفه ساره ...

****************************

جود باستغراب من ساره : ماراح تبكي ؟..
ساره والحياه ايزي : وليش ابكي ..
جود : عشان عمي ضربك ..
ساره : هههه لاطبعا يابنت العم .. انا دموعي ماتنزل الا على شيء يستاهل ..
جود : بس احنا ليش تهاوشنا ..
فقعو ضحك الثنتين : هههههههههههههه..
لانهم تذكرو انا هواشهم كان على شيء تافه صدق مبزره ...
خالد فتح الباب وشافهم يضحكون مرر ايده على فمه وخشمه : الحمدلله والشكر .. صدق مهبل انا الحين قلت بلقاك ميته من البكي ..
جود و ساره مازالو مستمرين بالضحك : ههههههههههه ...
خالد : وانا جاي اعتذر اقول مالت عليكم ..
طلع وخلاهم في هستريه ضحك على نفسهم ..

***************************

ريم ونوره كانو يتمشون بالحوش ..
نوره : لاتخافين هذا مجرد قلق لانك تحسين انك في حيره ..
ريم : نوره بتزعلين اذا طلعت من الدار ..
نوره تنهدت : بزعل لاني بفارقك لاكن اكيد بكون فرحانه لك لانك بتعيشين مع اهلك وراح تكونين مبسوطه ..
ريم تطالع النجوم اللي بالسما : انا محتاره ..
نوره : انا اقولك صلي صلاه استخاره وربي يكتب لك اللي فيه الخير ..
ريم : انشاءالله ..

*************************

راشد جالس مع مشعل و طلال عند البحر الجو كان رطوبه ومع كذا اصرو انهم يرحون البحر ...

راشد : يعني بعد بكره بترجع ..
طلال : ايه ..
مشعل : راشد شخبار فيصل ..
راشد تنرفز من الموضوع : مدري عنه ماشفته ..
مشعل : ماشفته والا انت تحاول تتهرب منه ..
راشد : مفروض هو اللي يهرب مني والا هو مايهمني ..
طلال : بس بالنهايه تراه ولد عمك ..
راشد : هذا اللي قاهرني ..
مشعل : الصراحه ياراشد الحق ينقال ماصدق ان فيصل يسوي شيء زي كذا ..
راشد طالع مشعل بعصبيه : يعني اختي هي اللي غلطانه ..
طلال : لا لاتفهم الامور كذا .. بس لو انه مو انسان عنده اخلاق ورجال كان ماتقدم لاختك ..
راشد : كنت احسبه رجال لاكن خيب ظني فيه ..
طلال : عطه فرصه ثانيه وصدقني ماراح تندم ..

****************************

هيا كانت في احدد شقق الدعاره مع احد الزبائن
الانوار الحمراء كانت ماليه الشقه والاستريو مشغل ووبعض انواع المكسرات والمقبلات على الطاوله مع المشروب المحرم لابسه قميص نوم موف فوق الركبه وترقص بمياعه وقدامها شخص عمره يتجاوز الخمسين والشيب مالي شعره يصفق لها ويميل راسه مع كل ميله من جسمها والضحكه شاقه وجهه .. نسو عيالهم واهلهم وفكرو برغباتهم نسو الاخره ولهو بالدنيا ..
فجاءه اندف الباب بقوه ودخلو عليهم مجموعه من رجال الشرطه ..
هيا اول ماشافت اللي اقتحمو المكان خذت الروب ولبسته على جسمها ..
الرجال اللي كان معها بخوف : اا مين انتو ؟؟..
واحد من رجال الشرطه : تفضلو معنا وراح تعرفون كل شيء ..
هيا بارتباك : بس انا ماسويت شيء ..
الشرطي رد عليها بسخريه : خمر .. وخلوه غير شرعيه .. اماكن دعاره .. وكل هذا وماسويتي شيء ... ( وبعصبيه) يلا قدامي بسرعه ..

الى هنا انتهى البارت القاكم في البارت القادم باذن الله ..

توقعاتكم للبارت القادم ؟

؟..

البارت الخامس العشر
بارت طويل ومليء بالاحداث لعيونكم ..

الرجال اللي كان معها بخوف : اا مين انتو ؟؟..
واحد من رجال الشرطه : تفضلو معنا وراح تعرفون كل شيء ..
هيا بارتباك : بس انا ماسويت شيء ..
الشرطي رد عليها بسخريه : خمر .. وخلوه غير شرعيه .. اماكن دعاره .. وكل هذا وماسويتي شيء ... ( وبعصبيه) يلا قدامي بسرعه ..

الشرطه خذو هيا والرجال اللي معها وحطوهم بالتوقيف ... لما تكتمل اجراءات القضيه ...

**************************************

في بيت هيا ..

مشاعل فتحت الباب ومدت يدها : خلاص راكان تقدر تروح ..
راكان : طيب اسمعيني بس ..
قطع كلامه لما شاف شاشه الجوال تنور جاله اتصال رفع الجوال بسرعه ورد : الو .. من جدك ..متى ذا الكلام .. طيب وكيف الحين .. طيب خلاص انا بهتم بالموضوع .. اهم شيء لحد يشوفك .. يلا سلام ..
سكر الجوال وطالع في مشاعل بسرعه : جيبي عباتك بسرعه ..
مشاعل ببرود : مهبول انت ..
راكان مسك يدها وسحبها لغرفتها : بسرعه مشاعل مافي وقت ..
مشاعل وتفك يدها منه بقوه وطالعته بعصبيه : خلاص عاد راكان مصختها ..
راكان : انتي جيبي عباتك وراح افهمك كل شيء ..
مشاعل كتفت يدها وتطالعه بعصبيه ( يعني وبعدين ) ..
راكان بترجي : مافي وقت صدقيني كل ذا لمصلحتك خليني نمشي قبل لاحد يجي ..
مشاعل : اوهو وبعدين معك ..
راكان مسكها يدينه من كتوفها و ركز بعيونها : مو قلتي لي انك تثقين فيني ..
مشاعل تطالع الساعه اللي بيدها : راكان والله مو وقتك الساعه 2 وراي بكره مدرسه ..
راكان توه بيتكلم لاكن سمع صوت الباب الخارجي انفتح سحب مشاعل من يدها بسرعه ودخلها الغرفه وسكر عليهم ..
مشاعل : راكان لاتخليني اضربك ..
راكان ماكان حولها قاعد يدور مكان يتخبون فيه نزل راسه تحت السرير ماشاف المكان مناسب فتح باب دوره المياه ( وانتو بكرامه) بعدين رجع لقدام الدولاب كل هذا باسرع ماعنده ..
و مشاعل تمشي وراه وتتحلطم هو موملقيها سالفه : هي انت راكانوه مين سمح لك تفرفر بغرفتي وتنبش ..
راكان حط يده على فمها وسحبها معاه للدولاب و سكر الباب عليهم ..
راكان يطالع فيها مازال حاط يده على فمها : اششششش ..
مشاعل تحاول تفك يده عن فمها تبقى تتكلم : ام امممم اا ..
اسكتت لما سمعت احد فتح باب الغرفه اللي هم فيها ..
خارج الدولاب ..
الضابط يعطي امر لعناصر الشرطه اللي معاه : بسرعه انت وياه فتشو في كل مكان أي شيء تلقونه مشبوه فيه جيبوه..
الشرطه انتشرو في ارجاء البيت اللي راح المطبخ واللي بالصاله واللي بالغرف الثانيه .. الضابط كان معاه واحد وابتدو يدورون بالغرفه اللي هم فيها ..
هنا مشاعل قلبها طاح من الخوف وطالعت راكان بخوف راكان غمض لها عينه يعني لاتخافين بس خليك ساكته ...
الضابط : بسرعه شوف تحت السرير .. والدولاب والادراج كل مكان يلا ..
مشاعل بطنها مغصها اكثر لما سمعته قال الدولاب بدت تردد بصوت واطي : ( وجعلنا من بين ايديهم سدا ومن خلفهم سدا فاغشينهم فهم لايبصرون ) ..

**********************************

عند مشعل وطلال وراشد جالسين قدام البحر يلعبون ورقه ..
راشد جالس جنبه مشعل وطلال قدامهم ..
مشعل يطالع اوراق راشد : اوف اوراقك حلوه تبدل ..
راشد لم الاوراق على صدره وخز مشعل: ماتخلي حراكاتك .. انقلع بعيد عني ..
مشعل بعد شوي عن راشد : طليل يلا حط ورقه ..
طلال : اوه دوري ..
دق جوال راشد وطالع بالرقم كان غريب عليه نزله جنبه و سفطه ..
مشعل بفضول : مين ؟؟..
راشد يرفع كتوفه : مدري .. رقم ماعرفه ..
مشعل : اخاف انه عمي سعود ..
راشد : لا ابوي ارقامه كلها مخزنه عندي .. وانا داق عليه من شوي قايله اني بالبحر مع عيال خالي ..
رجعو للعب و سفطو الجوال ..
دقايق والجوال رجع يدق ..
طلال بطفش : ياخي رد عليهم اقلقونا .. والا حطه صامت ..
راشد فتح سماعت الجوال : الو ..
جاله صوت ناعم : الو ..هلا راشد ..
راشد عقد حواجبه باستغراب سامع ذا الصوت من قبل : هلا .. عفوا اختي من معي ..
مشعل ويرقص حواجبه لراشد : خف علينا يامهند ..
بدلع : ماعرفتني ؟؟..
راشد مايحب ذا الحركات : بتقولين مين والا اسكر بوجهك ..
بدلع اكثر : قالو لي انك مغرور بس لهدرجه ماتوقعتك ...
راشد بعصبيه خفيفه : اقول شكلك فاضيه ..
تنهدت بصوت عالي : لا والله ماني فاضيه بس ماقدرت انام الا لما اسمع صوتك ..
مشعل فاطس ضحك على راشد لانه عصب ..
طلال يغمز له بمزح : ضبطها هالايام محد يحصله بنت تكلمه ..
راشد اشر لهم بيده يعني اسكتو خل اسمع : الزبده بتقولين وش تبين وا لا اقفل ..
..... بمياعه وهي تلعب بخصل شعرها الاشقر1 : اوف ياربي منك .. قتلك ماقدرت انام قبل ماسمع صوتك ..
راشد باستهزاء : هذاك سمعتيه يلا سلام ..
.... : لحظه لحظه راشد ...
راشد بدون نفس : خير ..
.... : احبك ..
راشد بس سمع ذا الكلمه قفل بوجها ..وطالع في مشعل وطلال اللي فاطسين ضحك عليه : خير وش يضحكم ؟؟..
طلال : ههههه بالله وش قالت لك اخر شيء ..
راشد يسوي نفسه موفاهم شيء: مين ذي ؟..
مشعل : ياهوه قديمه ذا الحركات ..
راشد بارتباك يحاول يضيع السالفه : اقول بس خلكم منها .. خل نكمل لعبنا ..
مشعل وطلال رمو الاوراق وانسدحو من الضحك راشد وجهه كان احمر باين انه منحرج ومرتبك ...

***************************************

مشاعل بطنها مغصها اكثر لما سمعته قال الدولاب بدت تردد بصوت واطي : ( وجعلنا من بين ايديهم سدا ومن خلفهم سدا فاغشينهم فهم لايبصرون ) ..
الضابط يكلم الشرطي اللي معه: خلاص امش نروح نشوف العناصر ..
مشاعل زفرت بارتياح مؤقت والتفتت على راكان بصوت واطي : ليه الشرطه هنا احنا ماسوينا شيء ..
راكان : وطي صوتك .. بفهمك كل شيء لما يطلعون من البيت ..
شوي وحسو انا البيت هدوء..
راكان : اسمعي لاتتحركين من هنا ..
مشاعل تهف على نفسها بيدها : ابقى اطلع اختنقت ..
راكان بامر : انا بطلع قبل اتاكد انهم راحو وراجع لك ..
مشاعل هزت راسها يعني طيب .. راكان فتح الدولاب بشويش ومشا شوي شوي لما وصل لباب ناظر ماحصل احد طلع لصاله وطل في كل الغرف والبيت كامل ماحصل احد رجع لمشاعل و فتح عليها الدولاب ..
مشاعل من الخرعه صرخت : اااااااااااااااا ..
راكان وياشر بيده : هذا انا راكان ..
مشاعل وحاطه يدها على قلبها : خوفتني .. اوف طولت مره ..
راكان : ايه قعدت اشيك على البيت كله ..
مشاعل جلست على السرير : الحين ممكن افهم شنو فيه ؟؟..
راكان : والله مدري شقولك بس ..
مشاعل : بس شنو ..
راكان : مشاعل امك ..
مشاعل : امي شفيها ..اي صح هي تاخرت ..
راكان : ماراح تجي ..
مشاعل وقفت : ليه ؟؟..
راكان نزل راسه : الشرطه قبضت على امك في شقه دعاره ..
مشاعل بصدمه : دعاره ؟؟..
راكان : ايه .. بس لاتخافين انا معاك ..
مشاعل تمشي وتفكر : امي انا في شقه دعاره .. لا امي ماتسوي كذا..
راكان بجديه : امك هذا حالها هم ماجابو شيء من عندهم ..
مشاعل : بس كيف .. وليه .. ومن متى ..
راكان : كيف وليه مدري بس متى من زمان وهي على ذا الحال ..
مشاعل طالعت فيه بشك : وانت شدراك عنها ؟؟..
راكان بارتباك : ها ..ايه الكل يقول مب انا ..
مشاعل رجعت وجلست على السرير بدت تبكي : اخ ياربي هذي اخرتها امي و شقه دعاره وانا اللي تخليت عن كل شيء على شانها .. صدق ماكانت عاجبتني تصرفاتها لاكن عمري ماتوقعت انها توصل لحد الدعاره .. راكان انا ضعت ..
راكان نزل لعند ركبتها : لا يامشاعل ماتضيعين وانا موجود .. ( مسك يدها ) .. قومي معاي ..
مشاعل طالعته باستفهام : وين ؟؟..
راكان : انتي لازم ماتجلسين بذا المكان .. الشرطه ممكن تجي باي وقت ...
مشاعل : وين تبيني اروح ؟؟..
راكان : بتروحين معاي يلا قومي خذي اغراضك ..
مشاعل بقلق : بس انا مقدر اروح معاك ..
قاطعها راكان : والله يامشاعل واللي خلقني ماراح اسويلك شيء صدقيني بحافظ عليك اكثر من روحي ..
مشاعل : انت تحسبني خايفه منك .. لا ياراكان لو اخاف من نفسي ولا اخاف منك ..
راكان ابتسم من كلامه : اجل قومي معي ..
مشاعل : بس انت وين بتوديني انا مقدر اروح بيتكم ..
راكان : لا انا بوديك مكان غير بيتنا ..
مشاعل : اذا كذا طيب دقائق الم اغراضي ..
راكان : اوكي ..

ربع ساعه وطلعو من البيت ..وطول الطريق مشاعل ماوقفت بكي مو مصدقه اللي صار وراكان يحاول يهديها ..

*****************************************

راشد على الساعه 4الفجر رجع ..دخل البيت كانت الانوار مطفيه يعني الكل نائم .. بسرعه صعدغرفته فتح الباب وشغل المكيف وطفى الانوار حط الجوال على الطاوله جنبه وانسدح على السرير يحس انها هلكان وتعبان وده ينام يوم كامل توه بيغط بالنوم بس شاف نور شاشه الجوال تطفي وتشتغل طالع فيها حصله نفس الرقم طفى الجوال وتلحف وراح بسابع نومه ...

***************************************

يوم جديد يطل على ابطال روايتي كان الجو حار مره

في الدار نوره جالسه تستشور شعرها و ريم تحط الكتب بالشنطه بيد و بيدها الثانيه تاكل سندويش جبن .. اما العنود جالسه على السرير وطفشانه ..

ريم تكلم نوره وبفمها الاكل : كل شيء بيخرب ..
نوره طفت الاستشوار : شتقولين ماسمعت ؟؟..
ريم : اقولك لاتستشورين شعرك بيخرب مع الجو ..
نوره تكمل استشوار: لا بس اللي قدام ..
ريم : عنييد طيارتك الجمعه الساعه كم ..
العنود بملل : الساعه 3 العصر ..
ريم : اهاا ..
نوره : روويم شكل الباص جاء روحي شوفيه ..
ريم: طيب ..
طلعت بره الحوش تتاكد من الباص بس ماحصلته جاء .. رجعت عند البنات

**********************************

في بيت ابو راشد الكل على طاوله الطعام ماعدا راكان ..
راشد الاخلاق قافله معاه وماسك راسه بالم: ساره جيبيلي بنادول ..
ابو راشد : شفيك ؟؟ ..
راشد : راسي يعورني مانمت الا 3 ساعات ..
ابو فيصل : خلاص لاتروح الشركه ريح اليوم انا وابوك بندبر امورنا ..
ابو راشد : عمك صادق ..
راشد : لامقدر اليوم بالذات عندي شغل مهم ..
جاتله ساره ومعاها حبتين بنادول وكاس مويه ..
راشد اخذ البنادول : شكرا ..
ساره وهي تجلس محلها : العفو ..
عم السكوت شوي .. قطع الصمت كلام فيصل ..
فيصل : عمي بما انا كلنا مجتمعين وزي مايقولون خير البر عاجله .. انا ودي تكون الملكه الاسبوع الجاي ..
دلال وعيونها شوي وتطلع من محلها ..
ابو راشد : خلاص و انا عمك مالك الا اللي يرضيك ..
ابو فيصل : وليش مستعجل خل البنت تفكر ..
ابو راشد : ماله داعي تفكر مارح تلقى احسن من ولد عمها ..
دلال حطت الكاس بعصبيه على الطاوله وقامت : اوف .. انا ماشيه الجامعه .. ( وطالعت فيصل بتهديد ) ..
راشد طالع في دلال وهي طالعه وطالع فيصل بنظره احتقار ..
فيصل انبسط لانه كسر خشمها ولسه الخير جاي بالطريق ..

بعد مافطرو الكل راح لدوامه ..

****************************************

في المدرسه عند ريم كانت ماشيه بالسيب بتروح لفصلها سمعت بنتين يتكلمون ..
البنت الاولى : تدرين انا ذي تجي من دار الايتام ..
البنت الثانيه حطت يدها على فمها : احلفي ..
البنت الاولى : والله .. استغفر الله يقولون انها بنت حرام ..
البنت الثانيه : الله يستر علينا بس ..

ريم استفزتها ذي الكلمه راحت للبنت ووقفت قدامها قالت بثقه : حبيت اصحح لك المعلومه انا مو يتيمه وعايشه مع اهلي واذا ماتعرفيني مين انا اعرفك اسمي ريم تركي ال ...
( وابتسمت لها ومشت بغرور ) لاول مره تحس انها مو خايفه من شيء وتقدر تواجه العالم كله وعندها ثقه بنفسها ...

****************************************

نوره دخلت الفصل وحطت الكتب على الطاوله بعصبيه وهي تتافف..
صديقتها شهد : وش فيك معصبه ؟؟..
نوره وتجلس بملل : اوف ياختي حر مره ..
شهد : حر الدنيا ولا حر جهنم ..
نوره : بسم الله علينا .. مامداني اتهنى بشعري بس دخلت وكش خرب كل الاستشوار ..
شهد : ياختي تعودنا .. حطيلك جل احسن ..
نوره : يع ماحبه يخشن شعري .. ماعلينا وين جمانه ..
شهد : هي قايله امس ماراح تجي ..
نوره : حسافه ..

**********************

طلال كان جالس بالصاله وحاط الاب توب بحضنه
ام مشعل : يما طلال انت هنا ..
طلال وعينه على الاب : ايه ..
ام مشعل : معليش يما السواق راح يودي اختك الجامعه وابي اغراض من السوبر ماكت ..
طلال : خلاص يما كتبي اللي تبينه على ورقه و انا اجيبه لك ..
ام مشعل : ثواني اجل ..
كتبت الورقه وجات له : هاك يما هذي الطلبات ..
طلال وهو ياخذ الورقه : انا بمشي اجيب لك الاغراض بس يما لحد يفصل الاب توب ابيه يشحن ..
ام مشعل : طيب .. جيب نفس النوع اللي كاتبته لك اذا ماحصلت لاتجيب ..
طلال : طيب .. يلا سلام ..
ام مشعل : مع السلامه ..
طلع البيت وركب السياره وتوجه لسوبر ماركت ..

***********************************

حمده : يلا تعالي معاي ..
العنود : ماما بدال ماتروحين تتقضين الاغراض بتشيلين همي ..
حمده : ماعليه انتي بس اطلعي غيري جو ..
العنود : ماما انتي عارفه انا انخنق من العبايه ..
حمده : ماعليه تحجبي .. يلا عاد لاتطولينها ..
العنود : طيب ..
حمده ساعدت العنود تلبس عبايتها وبعدها طلعو للسوبر ماركت يشترون بعض اغراض لدار واغراض لعنود عشان السفره ..

مشاعل صحت من النوم ودخلت دوره المياه ( وانتو بكرامه ) فرشت اسنانها وغسلت وجها وطلعت للصاله لان راكان استاجر لهم في فندق حصلت الساعه 9 ونص الصباح استغربت انا راكان ماصاحها للمدرسه دورت راكان ماحصلته راحت للمطبخ شافت الطاوله محطوط عليها انواع الفطور ابتسمت عرفت انا راكان هو اللي سوا كل ذا جلست على الكرسي شوي وسمعت الباب ينفتح دخل عليها راكان المطبخ ..
راكان بابتسامه : صباح الخير .. تاخرت عليك ..
مشاعل : صباح النور ..لا بس انت وين رحت ؟؟..
راكان يرفع الكيس اللي بيده : ابد جبت اغراض الفطور ونسيت الخبز عاد نزلت اجيبه ..
مشاعل : يعطيك العافيه ..
راكان : الله يعافيك .. يلا افطري وش تنتظرين ..
مشاعل : الصراحه مو عارفه شاكل كل شيء يشهي ..
راكان فتح كيس الخبز اخذ قطعه وحط فيها بيض : خذي ذي من يدي ..
مشاعل انحرجت من حركته وبنفس الوقت ماحبت تحرجه خذتها من يده : تسلم .. ( وحطتها بفمها )..
راكان : الله يسلمك .. وش رايك بطباخي ..
مشاعل ماقدرت تبلع اللقمه لانها مالحه غصبت نفسها و ابتسمت وهزت راسها مجامله ..

***************************

في السوبر ماركت طلال يدف العربانه قدامه وعيونها على الرفوف يقراء الطلبات بالورقه ويحط بالعربانه
طلال يكلم نفسه : لا هذا مو نفس الشيء ... امممممم ايه هذا هو ..

العنود وحمده كانو في نفس السوبر ماركت حمده ماسكه العنود والعربانه بنفس الوقت ..
حمده : عنود ماما خليكي هنا بجيب كرتون طماطم واجي لاني نسيته ..
العنود : طيب ..
حمده : لاتتحركين ..
العنود طيب ..
حمده خلت العربانه عند النود وراحت ..

طلال بتفكير: ياربي وش ذا ..
و طرااااااااااااااااااااااااااااااااخ ..
طلال العلبه اللي كانت بيده طاحت بالارض وانكسرت والعربانه لفت من يده شوي
رفع عيونه وشاف وحده واقفه قدام وبيدها العربانه ..
قال بعصبيه : وجع انتي ماتشوفين عمى يعميك ..
العنود مسكت بطنها بالم لان العربانه رقعت بطنها وماردت عليه ..
طلال : هيء انتي الشرهه مو عليك على اللي مخليك تدخلين السوبر ماركت ..
العنود حزت بخاطرها كلمته لها عمى يعميك ازود من هالعمى اللي هي فيه صدق ناس ماعندها مشاعر حاولت تحسس الاشياء اللي حولها عشان توخر عن الطريق لايعصب عليها هالمجنون اكثر ..
طلال بعصبيه : لاحول الصراحه الواحد من الصباح ويشوف هالاشكال مايدري كيف بيكمل يومه ..

حمده جات عند العنود وبيدها كرتون الطماط ابتسمت لراكان وحطت الكرتون تحت بالعربانه : اسفه اخوي سدينا عليك الطريق ...
طلال لما شاف حمده مسكت يد العنود وترشد لها المكان وعنود ماده يدها قدامها عشان ماتصدم بشيء عرف انها عمياء فعلا كانه موي بارده انكبت عليه لعن نفسه مليون مره لو انه ماتسرع وقال هالكلام بس خلاص فات الاوان هذا حال الناس مايفكرون قبل لاينطقون الكلام بوجه غيرهم ويجرحونهم وهم مايعرفون ظروفهم...

**************************************

في الشركه راشد جالس بالمكتب و كل شوي طالب قهوه عشان يخف الم راسه ..
دخل عليه مشعل : السلام عليكم ..
راشد بدون نفس : هلا ..
مشعل : شفيك مو طايق احد ..
راشد : اسكت مسهريني امس للفجر مانمت الا 3 ساعات راسي ذبحني ..
مشعل : متاكد مننا والا ..( وغمز له ) ...
راشد فهم قصده : والله مالي خلق حركاتك ..
مشعل شاق الحلق : لاتخاف ماراح اعلم زوجه المستقبل ( يقصد اخته فرح) .. بس ضبطني معك ..
راشد توه بيتكلم ودق الجوال ارفعه بعصبيه : ان دقيتي مره ثانيه على ذا الرقم صدقيني بتندمين ..
...... ببرود: اعصابك ياقلبي ..
راشد بعصبيه : شكلك ماتفهمين بطيب ..
..... بدلع : اوكي . بس لاتعصب عشان راسك مايألمك اكثر ..
راشد تلفت حوله شلون عرفت ذي : انت مين ؟؟..
..... : معقوله رورو ماعرفتني ..
راشد وقف بعصبيه : خلصيني انتي مين ؟؟..
...... بجديه : اسأل قلبك و تعرف انا مين ..
راشد كانت هذي صدمت حياته : انتي ......

الى هنا انتهى البارت القاكم بالبارت القادم ..

مين اللي كلمت راشد ؟؟
مشاعل وكيف راح تعيش بعد امها وبعد خواتها ؟؟
العنود وكلام طلال القاسي لها وعمليتها بعد بكره ؟؟
راكان وحياتها مع مشاعل كيف راح تكون ؟؟
فيصل و دلال

؟؟

البارت السادس عشر
بارت راح يكشف بعض الخفايا ...

في الشركه راشد جالس بالمكتب و كل شوي طالب قهوه عشان يخف الم راسه ..
دخل عليه مشعل : السلام عليكم ..
راشد بدون نفس : هلا ..
مشعل : شفيك مو طايق احد ..
راشد : اسكت مسهريني امس للفجر مانمت الا 3 ساعات راسي ذبحني ..
مشعل : متاكد مننا والا ..( وغمز له ) ...
راشد فهم قصده : والله مالي خلق حركاتك ..
مشعل شاق الحلق : لاتخاف ماراح اعلم زوجه المستقبل ( يقصد اخته فرح) .. بس ضبطني معك ..
راشد توه بيتكلم ودق الجوال ارفعه بعصبيه : ان دقيتي مره ثانيه على ذا الرقم صدقيني بتندمين ..
...... ببرود: اعصابك ياقلبي ..
راشد بعصبيه : شكلك ماتفهمين بطيب ..
..... بدلع : اوكي . بس لاتعصب عشان راسك مايألمك اكثر ..
راشد تلفت حوله شلون عرفت ذي : انت مين ؟؟..
..... : معقوله رورو ماعرفتني ..
راشد وقف بعصبيه : خلصيني انتي مين ؟؟..
...... بجديه : اسأل قلبك و تعرف انا مين ..
راشد كانت هذي صدمت حياته : انتي !!..
.....: ايه انا جواهر ...
راشد بعدم استيعاب : جواهر ..
مشعل لف على راشد لما سمع اسم جواهر انصدم ..هو يعرف كل شيء عن راشد كاتم اسراره واخوه بهالدنيا ..
جواهر : راشد ..
راشد فز قلبه : ياعيون راشد ..
جواهر بحزن : اشتقت لك ..
راشد حط ايده على قلبه : تكفين لاتقولين هالكلام ..
جواهر سكتت والدموع تسيل على خدها بصمت ..
راشد يحسبها سكرت : الو ..الو ..
جواهر تمسح دموعها : معاك ..
راشد حب يسولف اكثر معها وحشه صوتها : من زمان عنك قوليلي شخبارك ..
جواهر بحزن : اخباري هه ..( قالتها باستهزاء) حياتي من بعدك مالها طعم ..
راشد : مايصر تقولين هالكلام انتي متزوجه ..
جواهر بالم : انا متزوجه بنظر الناس .. لاكن بالنسبه لي قلبي وروحي وكلي معاك ..
راشد بكره: حسبي الله على اللي فرقنا ..
مشعل يطالع في تعابير وجه راشد كان حزين وهموم الدنيا عليه رجعتله ورجع معاها الحزن والالم لقلبه من جديد ..
جواهر وتطالع طفل صغير بحضنها مسكت يده الصغيره قالت بحزن : انا جبت راشد الصغير ...
راشد وحس بسكاكين تنغرس في قلبه وقال بدون تفكير: ولده ؟..
جواهر بابتسامه حزينه : ايه .. تذكر لما قلت لي اذا جبتي ولد سميه وانا نفذت طلبك .. بس ها اذا جبت بنت سمها جواهر..
راشد : تتوقعين من بعدك ممكن اعيش ...
جواهر : لا ياراشد بتعيش زيك زي اي انسان وبتتزوج و تجيب بنت وتسميها جواهر بعد ..
راشد : ااخ ياجواهر صوتك رجعني لثلاث سنين ورى ..
جواهر توها بترد عليه لاكن سمعت صوت الباب ينفتح قالت بسرعه : راشد يلا مع السلامه اهلي جو ..
راشد : جواهر لحظه ..طوط ..طوط..طوط..
سكرت السماعه طالع في مشعل بنظرات حزينه وعيونه مليانه بالدموع قاله وكانه طفل صغير: سكرت..
مشعل حب يضيع السالفه : اسمع راشد طلال قالي اقولك بكره طيارته ..
راشد وحاس بغصه داخله : اها .. يوصل بالسلامه ..

*******************************

طلال بعد مارجع البيت شغل الاب توب عشلن يكمل شغله لاكن وين يسوي شيء وضميره يأنبه
كان يبي يتاسف لها لاكن ماحب يبين انه غلطان وتنهان كرامته ولما استجمع قوته وقرر يتاسف ماحصلها اختفت من السوبر ماركت ... طلال يكلم نفسه ( انا ليش قلت لها كذا .. ياربي والله ماكنت ادري ..اكيد عمرها ماراح تسامحني وبتدعي علي واللي زيها دعوتهم مستجابه .. استغفر الله بس .. يارب سامحني )...
ام مشعل تحرك يدها قدام وجه طلال: طلال .. طلال ..يما طلال ..
طلال لف فجاءه تو يستوعب انا احد يكلمه : هلا يمه ..
ام مشعل : واخيراا .. انت شفيك ؟ ..
طلال بارتباك : ها ..لا ولاشيء..
ام مشعل تجلس جنبه : اللي يشوفك يقول شايل هموم الدنيا .. ماعلينا وين الخبز اللي وصيتك عليه ..
طلال ويضرب راسه : يووه نسيت ..قلت بمر المخبز بس نسيته ..
ام مشعل وهي تقوم: خلاص مو مشكله كمل شغلك انت ..
طلال : اذا تبينه ضروري الحين اجيبه لك ..
ام مشعل : لا ماله داعي .. بعدين اوصي ابوك ..
طلال : طيب ..
ام مشعل راحت المطبخ تكمل شغلها و طلال رجع يكمل شغله دقيقه على الاب وساعه سرحان ..

***************************************

مشاعل تلم السفره بعد الفطور ..
راكان وياخذ عنها الصحن : خلي عنك انا اسويه ..
مشاعل تاخذ الصحن منه : لا مايصير مو كفايه صلحت الفطور .. عيب علي ..
راكان : عادي واذا ..
مشاعل بمزح: اقول لاتدلعني كثير ترا مو متعوده على هالدلال ..
راكان يمزح معها : على فكره بس اليوم والا بعدين بكرفك كرف ..
مشاعل وحطت يدها على خصرها : ياسلام شغاله ابوك انا ..
راكان حب ينرفزها : لا ابوي مايجيب شغالات كذا .. لازم يكونون عيال عوائل محترمه ( قالها بعفويه ) ..
مشاعل حزت بخاطرها الكلمه حطت الصحون بالمغسله : صح كلامك انا مو من عائله محترمه .. اذا كانت امي مقبوض عليها بشقه دعاره ..
راكان لعن نفسها مايعرف يقول كلمتين عدل : اسف والله مو قصدي مشاعل ..
مشاعل عيونها مليانه دموع تحاول تخليه مايشوف وجها وهي تدخل الاكل بالثلاجه : عادي اصلا انت ماقلت الا الصدق ..
راكان حب يتركها لايخربها اكثر من كذا : انا رايح البيت .. وانشاءالله بمر عليك العصر..
مشاعل : اوكي ..
راكان : تامرين بشيء ..
مشاعل : لا سلامتك ..
راكان اخذ جواله و طلع من الفندق .. مشاعل اول ماشفته طلع تركت لدموعها الحريه جلست تبكي على حالها ضايعه مو عارفه شتسوي اول كانت تحس انها يتيمه الام والاب لاكن الحين تحس نفسها يتيمه بكل شيء وحيده لا بيت ولا اهل و لا هدف في حياتها ..

***********************************

ريم وساره وقت الفسحه ماطلعو من الفصل جالسين يسولفون ..
ساره : ريم انت شفيك .. لك كم يوم مو عاجبتني ..
ريم ماحبت تقول لساره الا لما تاخذ قرار : مافيني شيء ..
ساره حست انها ماتبي تقول لها شيء : الحمدلله ..
ريم : اخبار جود ..
ساره تضحك : ههههههه اسكتي كل يوم انا وهي نتكافخ ونزعل من بعض وبعد ربع ساعه نرجع ولاكان شيء صار ..
ريم بابتسامه : يحليلكم ..
ريم احسدت ساره على بنت عمها وتمنت انه يكون عندها بنت عم تكون طيبه مثل جود وتصير لها اخت ...

***************************************

شهد ونوره يتمشون بالساحه في الفسحه ..

شهد : غريبه مشاعل ماجات اليوم ؟؟..
نوره وماهمها الموضوع : مدري عنها ..
شهد : تتوقعين مريضه ..
نوره بنفس الا مباله : مدري ..
شهد : اول مره نوير تقول مدري بالعاده كل الاخبار اول باول عندك ..
نوره وكانها تذكرت شيء : تعالي ماقلت لك ..
شهد بحماس : شنو؟..
نوره : تعرفين ذيك البنت اللي تكرهينها ..
شهد بتفكير : اي وحده ؟..

نوره : اللي شعرها طويل وشكلها حلو..اللي تهاوشتي معها ..
شهد بكرهه : ايه شفيها ..
نوره : طلع ابوها تاجر وعيال عز ونعمه ..
شهد من داخل مقهوره بس حبت تبين غير كذا : ويعني شسوي ..
نوره : لا بس يعني قلت تاخذين احتياطك لا تبلشك ..تعرفين ذولا ينخاف منهم يودونك بداهيه ..
شهد : تخسي الا هي ..
نوره تجر شهد من يدها : خلي عنك الهياط .. امشي نشتري جوعانه حدي ..
شهد : مي تو ..

********************************

ام راشد و ام فيصل كانو جالسين بالصاله .. ام فيصل كانت تشرب قهوه وام راشد تكلم ام بندر وتطالع بام فيصل بقهر ..
ام راشد: لا .. ايه بندر يستاهل كل خير ..
ام فيصل عرفت الموضوع لان ام بندر كلمتها من قبل ..
ام راشد ودها تذبح ام فيصل من الغيره والحسد : اكيد وين راح تلقين احسن من جود لبندر .. انشاءالله .. ماعليه هي اذا عطت ابوها خبر وخذو راي البنت بترد عليك .. ايه .. مع السلامه ..
سكرت السماعه وطالعت في ام فيصل باستهزاء: ماشاءالله جيتكم هنا دبرت عريس لبنتك ..
ام فيصل حبت تقهرها : والله بنتي الكل يتمناها سواء كانت هنا والا هناك .. الحمدلله صغيره وكل يوم جايلها معرس .. بس احنا نشوف اللي يستاهلها..
ام راشد واشتعلت من داخل : طلعاتك مع ام بندر جابت نتيجه ..
ام فيصل فهمت قصدها : ام بندر ذكيه وتعرف معدن الشخص بفتره قصيره.. مو مثل غيري سنين معها ويحاولون لاكن عجزو يضبطونها لبنتهم ..
ام راشد طرطعت : وش تقصدين ؟..
ام فيصل ببرود : ابد ولاشيء .. الا اذا انتي حاسه بشيء ..
ام راشد ( هين يا حصووه ان خليتك تتهنين انتي وبنتك ماكون انا مزنه ان تمت هالزواجه ) ..

***************************************

راشد بعد ماطلع مشعل من عنده جالس بالمكتب حاس نفسه مخنوق الدنيا فجاءه اقلبت بوجهها وده يصارخ وده يكون كل شيء حوله حلم ويرجع سنين وراء ... راشد بحوار داخلي بينه ( ليه ياجواهر .. ليه رجعتي بعد هالسنين .. انا قربت انساك .. لالا كذاب يا راشد انت عمرك مانسيتها هي معاك وين ماتروح .. اجل شتفسر عدم زواجك .. بس انا احبها ... بس هي مو نصيبك ... لاكن مقدر اكون نصيب غيرها .. انت قلت لها بتنساها ... حاول بس ماقدرت
) ...
راشد رجع بذاكرته لثلاث سنين وراء لما كان عمره 22 سنه ...
راشد رجع البيت طاير من الفرحه شاف امها قدامه حب راسها وضمها : باركيلي يالغاليه اخذت الشهاده خلاص تخرجت من الجامعه ..
ام راشد بفرحه : مبروك ياولدي .. ( وزغرطت بصوت عالي ) .. كلللللوليييييش ..
راشد الفرحه مو سايعته: الله يبارك فيك ..
ابو راشد نازل من الدرج شاف راشد : ها بشر ؟..
راشد ركض لعند ابوه : نجحت يبا الحمدلله ..
ابو راشد يسلم على ولده : مبروك تستاهل ..
راشد : الله يبارك فيك .. بس لاتنسى وعدك لي ..
ابو راشد يضحك على ولده : ههههه عيال اخر زمن .. انا عند وعدي بكره نروح بيت البنت ونخطبها لك ..
راشد يناقز من الفرحه وماسك الشهاده يبوس فيها ...
ساره جات من المطبخ : الحمدلله والشكر شوي شوي لايطق فيك عرق ..
راشد سفها وطلع على الدرج ركض وهو يغني : اول مره تحب يألبي .. اول يوم اتهنى .. ياما على نار الحب ألولي ولئيتها من الجنه ..
ساره تطالع فيه وتمرر يدها على فمها وخشمها : الحمدلله والشكر استخف ولدكم ..
ابو راشد : هههههههه خليه يفرح عسى ايامه دوم فرح ..
ام راشد : اميين ..

ثاني يوم بعد صلاه العصر..
راشد كاشخ واقف قدام المرايا يعدل شماغه بدقه ..
دلال : شعليك بتخطب ..
راشد طالعها وشاق الحلق من الضحكه : شرايك فيني ؟ ..
دلال : عين عليك بارده تهبل .. الا ماقلت لي عطيت حبيبت القلب خبر ..
راشد : لا انا ماكلمتها من يوم بدت الاختبارات .. ابي اسويلها مفاجاءه ...
دلال تغمز له : ياعيني ياعيني على الحب ..
راشد يطالع الساعه : مو كان ابوي تاخر ..
ابو راشد وهو نازل من الدرج وماكان اقل كشخه من راشد : ماتاخرت .. اصلا في احد يروح يخطب
بهالوقت ..
راشد : عادي يبا نغير الروتين ..
ابو راشد : اخ منك لهدرجه مستعجل ..
راشد بحياء ابتسم ..
ام راشد جابت البخور وبخرت ابو راشد وراشد ..
راشد حب يد امه : ادعيلي يالغاليه ..
ام راشد : الله يوفقك ياوليدي ..
ابو راشد : يلا مشينا والا بغير رايي ..
راشد : لالا .. يلا نمشيء ..
ابو راشد يبي يطفشه شوي قال بمزح : عيال مايجون الا بالعين الحمراء ..

طلعو من البيت وراحو لبيت ابو جواهر ..
ابو جواهر ويمد فنجال القهوه لابو راشد: حياالله بابوراشد ..
ابو راشد : الله يحيك ويبقيك ..
راشد ياخذ الفنجال من ابو جواهر : تسلم ياعم ..
ابو راشد بعد ماشربو القهوه : انا بدخل بالموضوع على طول بدون لف ولا دوران ...
ابو جواهر : امر ..
ابو راشد : مايامر عليك ظالم .. انا جاي اطلب يد بنتك المصون لولدي راشد على سنه الله ورسوله .. وانت عارف راشد سنين واحنا جيران الجدار بالجدار وحسبت اهل .. احنا ماراح نلاقي احسن من بنتك زوجه لولدي ..
( هنا راشد الابتسامه بدت تبرز اكثر )
ابو جواهر انصفق وجهه : والله يابو راشد ولدك انا عارفه حسبت ولدي ولنا الشرف نناسبكم .. وجيتك ذي والله غاليه علي لاكن ..
ابو راشد عقد حواجبه : لاكن شنو ؟..
ابو جواهر : انت عارف البنت عندنا من هي و صغيره تكون محيره لولد عمها ..
راشد وابتسامته بدت تخف لف على ابوه ..
ابو راشد مايقدر يقول شيء لان البنت من عمرها لازم تكون لولد عمها الا اذا هو مايبيها : ماعليه كل شيء نصيب ..
ابو جواهر بفشله : والله لو مو ولد عمها يبيها .. كان عطيتك اياها بعباتها .. وراشد كلن يتمناه زوج لبنته ..
ابو راشد : ماقصرت يابو جواهركلامك سليم مامنك خطا ..
راشد و كل احلامه انهدمت معقوله جواهر تكون لغيره هذي حب الطفوله كبر على شوفتها تعلق فيها حب حياته لا اكيد هو بحلم شلون وهو اللي خطط كل تفاصيل حياتهم شلون وهو اللي درس وتعب عشان يجي يخطبها وعدها يعيشها احلى عيشها وعدها يكون لها طول العمر وعدها ان ايامهم كلها تكون حلوه وهي وعدته تكون له كل شيء حبيبته وصديقته وامه وعدته ماتحب غيره وعدته مايلمسها انسان غيرها وعدته عيالها مايكونون الا منه ... بس كانت مجرد وعود مزيفه وكلام ماوفى فيه الزمن .. القدر والنصيب كان اكبر منهم بكثير .... راشد من بعد ذاك اليوم وصار انسان تعيس حياته كلها شغل وبس .. اهله كانو شايلين همه لانه صار انسان بدون مشاعر مايحس باللي حوله نقلو من بيتهم عشان ينساها لاكن مافاد.. بعد شهرين سمعو خبر زواجها .. كان ذاك اليوم اسوء يوم مر بحياته كان يوم وفاتها هو عايش صح لاكن قلبه ميت ... اهله حاولو بكل الطرق يخلونه ينسى واصحابه .. وبعد فتره امه وابوه جبروه يخطب بنت خاله فرح .. حب يفرح اهله ويبين لهم انه نساها وطاوع كلامهم .. لاكن عمره ماراح يحب اي وحده غيرها ولا في اي انسانه ممكن تاخذ مكانها ...

رجع من ذكرياته لارض الواقع فتح درج المكتب طلع منه صندوق صغير كان مقفول طلع ميداليه المفاتيح ودور المفتاح من بينهم .. فتح الصندوق .. كل شيء زي ماهو ماتغير هذا اللي بقاله منها .. شويه ورق قديم ... بالنسبه لنا ورق قديم لاكن بالنسبه له كنز عظيم ...

*****************************************

بمستشفى النساء والولاده ..
جواهر جالسه على السرير ترضع ولدها وزوجها جالس على الكرسي جنبها ...
سلطان زوج جواهر وبنفس الوقت ولد عمها : انا مو عارف شعاجبك باسم راشد ..
جواهر وعينها على الساعه اللي معلقه بالجدار قدامها : اسم حلو وبس ..
سلطان : حلو بس مو ذاك الزود .. كان ودي اسميه على ابوي ..
جواهر طالعته بعصبيه : اسم ابوك قديم ..بعدين انا اللي اتعب وانت اللي تسمي ...
سلطان يبي يرضيها : خلاص براحتك .. اهم شيء لاتعصبين ..
جواهر تافف : اوف ..
سلطان : جواهر زعلتي ..
جواهر : ايه ..
سلطان بترجي: تكفين لاتزعلين علي .. خلاص انا اسف ..
جواهر : سلطان ممكن تروح لاني مليت منك ...
سلطان بانصياع : خلاص بطلع .. بس قوليلي اول انك مازعلتي مني ...
جواهر بملل : ياربي .. مازعلت ممكن تروح ..
سلطان وقف: طيب ..( وهو طالع ) باي حبيبتي ..
جواهر بدون نفس : باي ..

*******************************************

مشاعل بملل تفرر المحطات بالتلفزيون ماحصلت شيء عجبها قررت انها تروح تذاكر شوي على الاقل تسلي عمرها ...

*********************************************

هيا كانت بالسجن وماتدري شنو الحكم اللي راح يحاكمونها فيه ..
فكرت انها لازم تتصل في احد معارفها يطلعونها من المشكله اللي هي فيها .. تبقى تطلع وتحس بحريتها زي اول زهقت من ذا المكان فيه كل اللي فيه اشكالهم ماتطمن المكان مكتوم ووسخ والاكل محدود وشويه هي تعودت تعيش على راحتها وبترف كل شيء متوفر لها وعلى مزاجها لازم تطلع من ذا المكان باي طريقه .. مافكرت بنتها ابدا ولا قالت هي وين بتعيش شنو بتسوي بروحها نهائيا كان تفكيرها بنفسها و بس ...

**********************************************

فيصل جالس عند عمه بالمكتب ..
فيصل : ماله داعي ياعم انا حاب الملكه تكون بسيطه بالبيت يعني بينا ..
ابو فيصل : لا يافيصل البنت هي اللي تقرر تبي حفل والا لا .. خلها تفرح ..
فيصل : يبا راح اسوي لها حفله زواج كبيره لاكن الملكه خلوها بينا بس ..
ابو راشد : خلاص اللي تامر فيه يامعرس ..
فيصل بضحكه : هههههه تسلم ..
ابو فيصل : شوف يابو راشد من الحين اقولك اذا البنت رافضه فيصل ماياخذها ابد ...
ابو راشد : لاانشاءالله بتوافق من نفسها بس ..انت تعرف دلع البنت ..
ابو فيصل : هههههه تعلمني فيهم .. جود ذابحتنا بالدلع ..
فيصل ( لو تعرفون دلال على حقيقتها كان ماقلتو هالكلام .. والله انا اللي ببتلي فيها .. لاكن راح اعلمك درس يا دلال عمرك ماتنسينه ) ..

************************************

دلال : اوف فرح لو تزوجت هالادمي بموت ..
فرح : بسم الله عليك انشاءالله هو ولا انتي ..
دلال : بيموتني بكل برود يقول الملكه الاسبوع الجاي .. وابوي فرحان فيه ..
فرح : انتي لازم تكونين ذكيه شوي ..
دلال : كيف يعني ؟..
فرح : يعني جننيه لما يطفش من الزواجه بكبرها ..
دلال : توبه ماخذ بافكارك اصلا كل اللي صار من تحت راسك ..
فرح : انا قلت لك وانتي بكيفك ..
دلال : اوف ..
فرح : راشد ماقال لكم شيء عن زواجنا يعني ماحدد موعد ..
دلال : اذا بتنتظرين راشد يحدد موعد الزواج لاتحلمين ..
فرح : بيذبحني اخوك .. مو كاني خطيبته سافطني ولا يفكر فيني ..
دلال : الله يعينك راشد عنيد واي شيء براسه يسوي ..
فرح : اذا هو عنيد انا اعند منه بكثير ..
دلال : اه ياربي .. مارتاح الا لما اذبح ذا الفيصل ...
فرح : اخوك ماعنده ذوق حتى عمره ماكلمني باسلوب زين ..

باختصار زي مايقولون كلن بهمه سرا ..

**********************************

بعد انتهاء الدوامات الكل رجع للبيت ..

في بيت ابو راشد كالعاده مجتمعين على وجبه الغداء ولاول مره راكان يكون موجود معهم ..
ام راشد وفي فمها كلمه لازم تقولها : مبروك يابو فيصل ..
ابو فيصل باستغراب : على شنو ؟؟..
ام راشد تطالع ام فيصل : على خطبه جود ..
ابو فيصل : جود !!..
ام راشد : ايه امس ام بندر ال .. اخطبت جود لولدها ..
ام فيصل ( ياربي هالحرمه ناشبتلي ) : ايه يابو فيصل كنت بقولك امس بس شفتك مشغول ..
ابو فيصل : اها ..( ولف على بو راشد ).. تعرفه ياسعود ..
ابو راشد : والنعم والله .. ابو بندر من التجار المعروفين بالديره اصل وفصل وجاه وولده بندر الكل يمدحه اخلاق وادب و فوق كل ذا متفوق ويدرس بره ...
ابو فيصل طالع بجود كانت منزله راسها باحراج : بنسال عن الولد وبعدها اذا البنت موافقه انشاءالله على خير ..
ابو راشد : تستاهلين يابنيتي جود ..
جود بحياء: ثانكس ..
دلال طالعت فيها بحقد هي بتتزوج واحد بنظرها مايسوى وهذي بتاخذ افضلها واسمنها وكل المواصفات الزينه فيه ...
خالد : يلا عقبالي انشاءالله مابقى الا انا ...
الكل ضحك على كلامه : هههههههههه ...
راكان : انا وانت زواجنا بنسويه بيوم واحد ..
استغربو من راكان اول مره يتكلم بطريقه عاديه بدون عصبيه ويشاركهم بالكلام ..
خالد : خلاص اجل ناخذ خوات شرايك ..
راكان قال بسرعه : المشكله ماعندها خوات ..
لما شاف الكل طالعه باستغراب حب يرقعها : اا ..يعني اقصد لو ماعندها خوات ..
خالد : لا لازم ناخذ خوات والا ماتتزوج بدوني ..
راكان : هههههههه اجل ماتزوجت ابد ..
راشد كان ساكت طول الوقت يراقب الكل ويسمع لهم بهدوء لاكن استغرب من فرحت اخوه اللي عمره ماشافها ..
خالد : لا تخاف انشاءالله بنلقى البنات كثير ..
ابو فيصل : اعوذ بالله من هالجيل .. مايستحوون ..
ابو راشد : اي والله .. يوم اني بعمرهم استحي اجيب سيره لابوي بهاذي الامور ..
خالد : عم يبا .. وقتكم غير واحنا غير ..
ام راشد : الله يرحم ايامنا ..

***************************************

عند بناات الدار حاطين سفره الاكل بالارض وجالسين يتغدون ..
نوره : عنود شفيك ماتاكلين ؟؟..
العنود مالها نفس : مو جوعانه ..
ريم : ماما حمده متى بيجون اهلي ؟ ...
لفو عليها قالت اهلي يعني بدت تتقبل وجود اهلها .. اكيد وافقت انها تروح معاهم ..
حمده : اليوم العصر ..
نوره انسدت نفسها عن الاكل بالاول راحت مشاعل والحين بتروح ريم والعنود بتسافر مابقى لها احد قامت : الحمدلله ..
العنود تلف راسها على الصوت : خذيني معك ..
نوره وتمسك يد العنود : يلا تعالي ..

****************************************

الساعه 4:15 العصر
ابو راشد و ابو فيصل كانو موجودين بالدار عشان يسمعون قرار ريم ..
ابو راشد : ها ياريم وش قررتي ..
ريم بعد مافكرت وصلت صلاه الاستخاره : انا موافقه لاكن بشرط ..
ابو فيصل : امري شنو شرطك ..
ريم : .............

الى هنا انتهى البارت القاكم بالبارت القادم انشاءالله ..

اسئله البارت ..
شنو شرط ريم لاعمامها ؟؟..
هيا بتطلع من السجن ؟؟..
جود وخطبتها لبندر بتم والا ام راشد بتخربها ؟؟..
وين ناصر وفاطمه من زمان ماشفناهم ؟؟..

العنود بتشوف بعد العمليه والالا ؟؟
نوره و فرح و خالد و ساره ومشعل بيكون لهم دور بالبارتات القادمه ؟؟..
طلال وتانيب الضمير اللي يحس فيه ؟؟..
راشد وجواهر ؟؟..
راكان ومشاعل ؟؟..
فيصل ودلال ؟

؟..

البارت السابع عشر ...
الجزء الاول ..

الساعه 4:15 العصر
ابو راشد و ابو فيصل كانو موجودين بالدار عشان يسمعون قرار ريم ..
ابو راشد : ها ياريم وش قررتي ..
ريم بعد مافكرت وصلت صلاه الاستخاره : انا موافقه لاكن بشرط ..
ابو فيصل : امري شنو شرطك ..
ريم بتردد: يعني اقول اذا مارتحت عندكم ارجع للدار ..
ابو فيصل : اكيد هذا من حقك يابنيتي ..
ابو راشد قرب منها وحط ايده على كتفها بحنان : انا متاكد انك راح ترتاحين عندنا وتتعودين علينا وراح تحبينا مثل مانحبك ..
ريم من قلب: انشاءالله ..
ابو فيصل لف على حمده : نقدر نخلص الاجراءت اليوم وناخذها معنا ..
حمده تطالع بالاوراق اللي قدامها : ايه مافي مشكله ..
ابو راشد ابتسم لها : يلا ريم جيبي اغراضك على مانخلص الاوراق ..
ريم : طيب ..
طلعت من المكتب مشت بتثاقل كل خطوه كانت تخليها ثلاث خطوات .. ودها الزمن يوقف في هذي اللحظه كيف راح تودع خواتها كيف راح تتركهم كيف ممكن تعيش بعيده عنهم هي تبقى يكون لها عائله واهل لاكن خواتها هو الشيء الوحيد اللي مخليها متردده ..
وقفت فجاءه وطالعت في بنات الدار مجتمعين بالصاله ويضحكون ويسولفون امتلت الدموع بعينها ( اسفه لاني بخليكم راح توحشوني كثير ) نزلت دمعه حاره على خدها مسحتها بسرعه .. مشت لين وصلت لغرفتها قبل لاتفتح الباب شافت الشخابيط اللي على الجدار ابتسمت بالم .. هذي الشخابيط سوتها هي وخواتها لما كانو صغار لحد الحين موجوده مانمحت تمنت ان خواتها مايمحونها من ذكرياتهم وتظل في بالهم على طول ... غمضت عينها وفتحت الباب بشويش .. انفتح الباب فتحت عيونها ببطىء .. حصلت نوره والعنود واقفين عند الباب : شفيكم ؟؟..
نوره : ماتبينا نودعك قبل لاتروحين ..
ريم لاشعوريا ضمتهم وقامت تشهج من البكي : احبكم واللي خلقني احبكم ...
نوره والعنود كانوعلى نفس الحاله ..
بعد دقايق من البكي والم الفراق ..ريم ابعدت عن خواتها وطالعتهم بوعد : صدقوني ماراح اخليكم .. اصلا كل اسبوع بكون عندكم .. بس انتو لاتنسوني ..
نوره ضربتها : يالخبله ينساك الموت ولا ننساك..
ريم توجه الكلام لعنود مسكت يدها : ابقاك ترجعين من السفر وترجعين لنا مثل اول تشوفين ..
العنود بحزن : مابقى ارجع اشوف خلاص ابي اظل عمياء ..
ريم : ليه تقولين كذا ؟؟ ..
العنود ودموع تنزل على خدها وحده وراء الثانيه : اللي ابي اشوفهم راحو ..ماعاد تلزمني عيوني من بعدكم..
ريم حطت يدها على فم العنود : لاتقولين هالكلام .. انشاءالله بتشوفين واحسن من الاول بعد ..
نوره : الشيء الوحيد اللي مهون علي .. اني بشوفك بالمدرسه ..
ريم : اكيد مافي شيء راح يتغير ..
نوره : يلا بساعدك الم مع الاغراض ..
ريم : حطيتهم من امس بالشناط ..
نوره سحبت الشناط بره الغرفه كانو شنطتين كبار ... ريم جلست على السرير شوي تتامل كل زاويه بالغرفه يمكن تكون اخر مره تشوفها .. كل قطعه وكل زاويه وكل مكان في الغرفه لها فيه ذكريات 17 سنه من عمرها طفولتها ومراهقتها عاشتها بهالغرفه ياما بكت فيها وياما اتخانقت مع خواتها فيها وياما فرحت فيها كل شيء كان فيها ... راحت لسرير مشاعل مسكت المخده ضمتها بقووه كانت تتخيلها مشاعل وشمت ريحتها ( حتى انتي راح توحشيني .. ادري انك بعيده عنا و يمكن نسيتينا لاكن عمري مانسيتك كل لحظه تمر تكونين معاي هنا ) اشرت على قلبها ...
قامت من السرير فتحت الدرج طلعت منه كتاب عريض شوي ... خذت عبايتها لبستها ولفت الحجاب ... وطلعت من الغرفه ..
ريم تمد الكتاب لنوره اللي واقفه عند باب الغرفه : خذي ..
نوره : شنو ؟ ..
ريم : هذي كتاب الروايه اللي دائم نتهاوش عليه ..
نوره : بس ...
ريم تقاطعها: خليه ذكرى عندك عشان تتذكريني دائم ..
نوره خذته : طيب ..
ريم سلمت عليهم وضمتهم لاخر مره ... راحت للمكتب حصلت اعمامها ينتظرونها قالت وعيونها على امها حمده : خلصت ..
ابو راشد : يلا اجل مشينا ..
ابو فيصل : مشكوره استاذه حمده ماقصرتي ..
حمده : ولو هذا واجبي ..
ابو راشد ابتسم لحمده : مع السلامه ..
حمده : مع السلامه ..
ابو فيصل : يلا ريم مشينا ..
ريم : لحظه ..
راحت لعند حمده ضمتها : شكرا على كل شيء ماما ..
حمده كلمت ماما عصرت قلبها ووجعتها لاكن حاولت تتمالك نفسها وماتبكي قدام ريم : انتي بنتي مابينا شكر ..
ابو راشد ينادي ريم من عند الباب : يلا ريم ..
ريم : مع السلامه ..
حمده : مع السلامه .. ماوصيك انتبهي لنفسك ..
ريم هزت راسها : انشاءالله ..
طلعت من المكتب اعمامها مشو قبلها .. شافت خواتها واقفين بعيد اشرت بيدها لهم يعني مع السلامه وهم بادلوها نفس الحركه ..
طلعت من الدارالعم بو فيصل كان يحط الشناط بالدبه .. ركبت السياره وقعدت تتامل البيت من بره .. تنهدت بقووه ولفت قدام ...

******************************

راشد منسدح على السرير يفكر هذي كانت حالته وكان هموم الدنيا كلها فيه ..
وحشه صوتها كانت ساعات بس من يوم كلمتها لاكنه يحس انها سنين .. ( اكلمها ..لالا ياراشد عيب هي متزوجه .. وهذي مو من اخلاقك )..
رفع عينه على السقف ورجع بذاكرته لقبل خمس سنين ...
راشد نازل من سيارته كان جاي من الجامعه ..
جواهر طالعه من البيت ...
راشد ياشر لها بيده : اشش ..اشش ..
جواهر لفت على الصوت شافته راشد ابتسمت لفت عنه ..و كملت طريقها ..
راشد لحقها هي تمشي بسرعه وهو يمشي وراها ويتلفت عشان محد يشوفه ... لما وصلت عند البقاله ودخلت .. راشد دخل البقاله وراها ..
جواهر خذت كيس وراحت عند الثلاجه فتحت الكيس وبدت تعبيه بيبسي ولبن ..
راشد لما شافها عند الثلاجه اخذ كيس وقف جنبها : انتي ليه طالعه بروحك ..
جواهر : ابوي مو موجود وامي تبي لبن للغداء ..
راشد بعصبيه خفيفه : ولو كان قلتي لي اجيبلك .. احسن من طلعتك بهالظهر ..
جواهر : ولا يهمك مره ثانيه بقولك ..
راشد : خلاص اتركي الكيس من يدك وارجعي البيت انا بجيبه لكم ..
جواهر وتتشرط تبيه يعصب : بس اسمع ربع ساعه اذا تاخرت ياويلك ..
راشد طالع بعيونها : اتاخر على الدنيا كلها الا عليك ..
جواهر ارتبكت من كلامه وبالغلط انفكت الكيس وطاح كل اللي فيها على الارض ..
راشد نزل على الارض يلم الاغراض وبعدين وقف يمثل دور العصبي: يلا قدامي ..
جواهر بضحك : ههههه طيب ...
طلعت من البقاله ورجعت البيت ..
راشد حاسب واخذ الاغراض بعد عشر دقائق كان قدام البيت دق الجرس ..
طلعت له جواهر : مين ؟؟..
راشد : انا راشد ..
جواهر بلعانه من ورى الباب : مين راشد .. لازم اعرف لان في ناس يغارون علي مقدر افتح ..
راشد وعارف انها تقصده قرب من الباب بصوت واطي : انا راشد اللي يعشقك ويموت فيك ..
جواهر بلعانه اكثر : امممم ماعرفتك اخوي ...
راشد تعب من الاكياس اللي بيده : تكفين افتحي تقطعت يدي من الكيس ..
جواهر كسر خاطرها فتحت الباب خذت الاغراض وسكرت بوجهه بسرعه عشان مايقول شيء ..
راشد بقهر بصوت عالي : اوف منك ..
جواهر ضحكت عليه : ههههههههه ..
فتحت الكيس حصلت ايسكريم توت ابتسمت راشد حافظ كل شيء عنها ...

راشد ابتسم بالم ...مو بس الذكريات اللي تجمعهم حتى الحب ... غمض عينه نزلت دمعه يتيمه على خده ..ومن بعدها راح في سابع نومه ...

******************************

ساره بعدم صبر : ماما متى بيجون ...
ام راشد طفشت هذي عاشر مره تسالها : خلاص لاتحنين ..شوي ويوصلون ..
ام فيصل : سارونه رتبتو الغرفه لبنت عمك ..
ساره : ايه خاله من زمان ..وطلعنا انا وجود تاكدنا منه ..
ام فيصل : زين ..
ام راشد بنفسها ( بيتي وتنهي وتامر على كيفها عشنا وشفنا ) وعطتها نظره ...
دلال جالسه على الكنب وحاطه رجل على رجل وتتصفح المجله : محسسيني اللي بتجي وزيره .. ترا كلها جايه من ملجأ ..
ساره انقهرت منها : ملجا والا غيره اسمها بنت عمنا ..
دلال : والله وكثرو اللي ينقال عنهم بنات عمنا ..( تقصد جود ) ..
ساره سكتت عنها لان شكلها بتزودها ..
ام فيصل فهمت قصد دلال بس طنشتها هي اكبر مالازم تحط عقلها بعقل وحده زيها ..
اما ام راشد عاجبها كلام بنتها دلال وكل ماقالت شيء ابتسمت عشان تقهرهم ..

****************************

عند مشاعل بالشقه كانت طفشانه حييل مو عارفه شتسوي .. ملت من التلفزيون ... رن تلفون عندها ترددت انها تشيله لاكن لما شافته دق اكثر من مره قررت انها ترد عليه ..
مشاعل : الو ...
راكان : واخيراا رديتي ..
مشاعل : هذا انت .. مدري خفت ارد ويطلع احد ثاني ..
راكان : لا انا ..انتي ماعندك جوال كيف ادق عليك .. اسمعي افتحي الباب وادخلي الغرفه وسكري عليك .. بيجيبون لك الغداء ..وبعدها بدق عليك عشان اطمن ..
مشاعل : طيب ..

******************************

في المستشفى ..

جواهر بملل : متى بطلع من هنا ..
سلطان ولده بحضنه ماسك يده الصغيره ويتامل فيه ..
جواهر بصوت عالي : سلطااان ..
سلطان رفع راسه : هلا حبيبتي سوري ماسمعتك ..
جواهر بزعل لفت وجها: خلاص مو لازم ..
سلطان حط الولد في السرير وجاء جلس جنبها على السرير : اسف والله ماسمعتك ..يلا عاد جوجو لاتقلبينها نكد ...
جواهر : نكد ...اصلا حياتي كلها معك نكد ..
سلطان بترجي: افا بس ليه ...انا زعلتك بحاجه ...قصرت عليك بشيء ...
جواهر ماكان عندها جواب فاختارت السكوت ..
هذي كانت حياتهم من ثلاث سنين تقريبا سلطان يحاول يسوي أي شيء عشان يرضيها ويخليها تحبه لاكن هي مايملي عينها شيء ..عفوا اقصد قلبها .. كيف تحبه وقلبها وروحها وتفكيرها بشخص ثاني ...بس بنفس الوقت شنو ذنب زوجها اللي يحبها وده يعيش حياته معها بتفاهم ومحبه .. لاكن هي تدور اقل شيء عشان تتمشكل معاه وتزعل..

******************************

طلال نزل من الدرج مستعجل : يماا ...
ام مشعل : نعم ..
طلال : ابي ملابسي تكون مكويه وجاهزه قولي لشغاله بكره طيارتي لاتنسين ..
ام مشعل بحزن : انت لازم كل شوي تذكرني انك بتروح ...
طلال جلس جنبها وحب راسها : لاتزعلين يالغاليه .. كله وقت مؤقت وانشاءالله ارجع لك بالشهاده ...بس انتي ادعيلي ..
ام مشعل رفعت يدها لسما : روح ياوليدي الله يوفقك دنيا واخره ..
طلال حب راسها مره ثانيه : انا وش ابي غير هالدعوه الحلوه ...( ووقف ) انا طالع تامرين بشيء ...
ام مشعل : سلامتك ..
طلال : الله يسلمك ..

******************************

ريم اول ماوصلو القصر طالعته باستغراب هذا المكان مر عليها من قبل شايفته بس ماتدري وين
قالت اكيد شايفه زيه بمجله او بالتلفزيون ..

كل شيء كان حولها يدل على الفخامه والترف ..من عند المدخل الى باب القصر الداخلي ..
فتحو الباب ودخل ابو راشد ودخل وراه ابو فيصل ... اول ماشافت ساره انا ابوها وصل ركضت بسرعه ولحقوها الكل ...
ريم كانت واقفه عند الباب ..
ابو راشد ياشر لها : تفضلي البيت بيتك الحين ...
دخلت ريم واول ماشافت اللي واقفين قدامها انشلت رجولها معقوله اللي هي تشوفه ...
ساره طالعت جود بصدمه حتى جود ماكانت اقل صدمه منها بعدين طالعت بريم : ريم !! ..

الى هنا انتهى البار

ت .

البارت السابع عشر ...
الجزء الثاني ..

ابو راشد ياشر لها : تفضلي البيت بيتك الحين ...
دخلت ريم واول ماشافت اللي واقفين قدامها انشلت رجولها معقوله اللي هي تشوفه ...
ساره طالعت جود بصدمه حتى جود ماكانت اقل صدمه منها بعدين طالعت بريم : ريم !! ..
ابو راشد طالع في بنته باستغراب : انتو تعرفون بعض !!..
ام راشد تجاوب عن بنتها : هذي وحده من صديقاتها اللي كانو بالملجأ ...
ابو راشد : زين دام طلعتو تعرفون بعض سهلتو الامور علينا ..
ساره سحبت ريم لحضنها وضمتها بقووه : ماني مصدقه ريووم ...كل هالوقت وبالاخير تطلعين انتي بنت عمي تركي ...
ريم ولحد الحين مو مصدقه معقوله اللي يصير يكون حلم وبتصحى منه مو عارفه كيف تتصرف مشاعرها غريبه فرحه وصدمه ...
جود ابعدت ساره وسلمت على ريم وحاولت تتكلم عربي: انا مبسوته..(انا مبسوطه) ..
ريم ابتسمت : وانا اكثر ..
ام راشد مدت يدها بدون نفس : هلا ..
ام فيصل باستها بعدين دفتها من ظهرها : يلا ادخلي وش فيك مستحيه ..
دخلو الصاله وجلسوالكل عيونه على ريم ..
ابوراشد : ها ريم تبين تقعدين معنا والا تروحين لغرفتك ترتاحين ..
ريم نزلت راسها : على راحتك عمي ..
ابو فيصل : وين العيال يجون يسلمون على بنت عمهم ..
ام راشد : طالعين ..وراشد نايم ..
في هذا الوقت راشد كان نازل على الدرج ..
راشد دخل عليهم كان وجهه كئيب ومبين عليه التعب والارهاق من التفكير : السلام عليكم ..
ريم كانت كاشفه من اول مادخلو البوابه لاكن لما شافت راشد دخل على طول غطت وجها ..
ابو فيصل يوجه الكلام لريم اللي كان جالس جنبها : عادي يابنتي مولازم تغطين هذولا بحسبت اخوانك انتي بتعيشين معهم بيت واحد ..
ابو راشد يكلم راشد اللي كان بيجلس : تعال راشد سلم على بنت عمك ..
راشد تو انتبه ان في شخص جديد بالمجلس طالع فيها وقف ومشى لما وصل عندها مد يده بهدوء : هلا فيك ...
ريم رفعت عينها على يده وبتردد صافحته بطرف يدها بسرعه ونزلتها وقالت بصوت واطي : تسلم ..
راشد استغرب من حركتها على باله منقرفه منه او شايفه نفسها لانه تعود انه يصافح البنات في الشغل وبنت عمه جود ... جلس على الكنب اللي جنب امه ..
ام فيصل : الا ماقلتي لنا ريم كم عمرك ..
ريم بصوت ماينسمع : 17 ..
ام فيصل : شنو ماسمعت ..
راشد يساسر امه : هذي شفيها تتكلم من طرف خشمها ..
ام راشد : لا حبيبي ..هذي تتمسكن لما تتمكن تسوي نفسها طيبه وهاديه ..
راشد لف على ريم وطالعها بتفحص وهي ترد على ام فيصل بصوت اعلى : عمري 17 ياخاله ..
جود وساره جالسين جنب بعض مقابل ريم وابو راشد وابو فيصل ..
ساره توجه الكلام للكل بفرح: الصراحه هذا احلى يوم في حياتي صديقتي المقربه بالمدرسه تطلع بنت عمي ياحظي ..
جود تصفق بيدها بوناسه : مي تو ..
راشد بغرور رافع حاجبه ماعجبته تصرفات ريم : لا طلعتو صديقات يعني ..
ساره شاقه الحلق : ايه ..
راشد طالع في ريم : وصديقتك على طول ماتتكلم كذا ..
ابو فيصل : خلوها على راحتها لسه ماتعودت علينا ..
راشد : ماراح ناكلها ياعم .. بس تتكلم على الاقل ..
ريم من تحت الغطاء تطالع في راشد وتفكر في نفسها ( الله يعين اذا ذا المغرور ولد عمي ..اجل رحت فيها ) وتذكرت يوم يشفونه بالمجمع مع ساره ...
ساره وقفت قدام ريم ومسكت يدها : تعالي نوديك غرفتك ..
جود : كم ريم ..(تعالي ريم ) ..
ابو راشد يطالع بريم : اطلعي مع بنات عمك ..
ريم وقفت وراحت معاهم ...

انفتح الاصنصير طلعو فيه لدور الثاني ..

ريم تفكر بالاصنصير وهم طالعين لدور الثاني سرحت لبعيد تذكرت خواتها ورجعت بذكرياتها ..

مشاعل ماسكه باب الاصنصير وتقول بصوت عالي : يلا تعالو قبل لايتسكر ..
الناس كانو يطالعون فيهم شنو هالهمج وبنات في نص المجمع يسون كذا ..
نوره بسرعه ركضت ودخلت وراها العنود ..
ريم كانت تشتري فشار من الكشك وتاشر بيدها لمشاعل : لحظه خليك ماسكته ..
مشاعل بصوت عالي : طييييب ..
ريم خذت الفشار بسرعه وركضت لعند خواتها وهي رايحه لهم تزحلقت من السيراميك وانكب الفشار على الارض ..

البنات يضحكون عليها : هههههههههههههههههههه ...
ريم تلتفت حولها احد شافها والا لا .. حصلت الناس يطالعونها من الفشله ماقدرت تقووم ..
خواتها طلعو من الاصنصير وجوها ..
مشاعل ماسكه بطنها من الضحك : ها ههههه ..هااتي ايد.. هههه ..هاتي ايدك ..
ريم بفشله : وجع لاتضحكون علي .. مو كفايه الناس اللي يطالعوني ..
نوره تمسح الدموع من الضحك: روويم الطيحه خطيره ههههههههه ..
ريم واخيرا وقفت متفشله من الناس اللي يضحكون عليها ..
العنود : هههههههه لو انا منك كان سويت حبتين وقلت زي نكتت العجوز وشرايكم بالحركه ..
البنات هنا فقعو ضحك وريم معهم : هههههههههههههه ..

رجعت من ذكرياتها لما كلمتها ساره ..
ساره : ريم يلا انفتح الاصنصير ..
ريم : طيب ..
طلع من الاصنصير وتوجهو لغرفت ريم ..

***************************************

مشاعل سوت اللي قال عليه راكان بعد دقائق فتحت الغرفه بشويش ماحصلت احد بالجناح .. لقت عربانه مليانه انواع الاكل والباب كان مسكر .. راحت لباب قفلته وحطت الاكل على الطاوله : كل هالاكل صدق مبذر ..
توها بتحط اللقمه بفمها لاكن دق التلفون رفعته بسرعه : الو ..
راكان : هلا ..ها جا الاكل ؟..
مشاعل : ايه ..بس ليه جايب كل ذا كثيير علي ..
راكان يتكلم مصري بمزح: عشان ترمي عظمك يابت ..
مشاعل : ههههه لا ياخويه طيب مرسي اوي ليك ..
راكان : بالعافيه ..لاالله الا الله ..
مشاعل تضحك عليه لانه جايد اللهجه المصريه : هههههههه محمد رسول الله ...
سكر التلفون وبعدها جلست تاكل .. كانت تاخذ من كل صحن لقمه تبي تجرب كل شيء قدامها ..

******************************************

راكان كان جالس في الاستراحه مع اخوياه ..
راكان : في سهره اليوم ..
جابر : ايه .. اليوم السهره من اللي يحبها قلبك ..
راكان فهم قصده: احلى شيء ..
جابر : ابي اسالك ..
راكان : اسال ..
جابر : انت وش عليك من هالبنت .. ماتت والا عاشت ..من متى تهتم في البنات ..
راكان : لو وحده غيرها ماتهمني لاكن ذي غير ..
جابر بشك : من اي ناحيه ؟؟..
راكان : من كل النواحي ..
جابر : شكلك تحبها ..
راكان سكت عنه ...
جابر : ودامك تحبها ليه لحد الحين تسهر ومع بنات وشرب وغيره ..
راكان طالع بجابر : لا هذي حياتي مقدر استغنى عنها ...اقولك خلك من هالموضوع وكلم الربع عشان مايتاخرون على السهره ...

*****************************************

ساره وجود كانو يساعدون ريم يفضون اغراضها بالدولاب ..

ساره : تصدقين ريم لحد الحين مو مصدقه انك بنت عمي ..
ريم بابتسامه: ولا حتى انا ..
ساره : احلى شيء صار بحياتي ..
ريم : لو يدرون خواتي .. بينبسطون كثييير ..
ساره : اي صح شخبارهم ..
ريم : الحمدلله بخير ..
ساره : العنود متى بتسافر ..
ريم تذكرت العنود وقالت بحزن : بكره ..
ساره حست بحزنها: ولا يهمك بكره نروح لها المطار نودعها ..
ريم بفرحه : صدق ..
ساره : والله ..
ريم : مشكوره سارونه ..
جود ساكته تتسمع لهم وتحط الملابس بالدرج ..

***********************************

ام راشد بطنازه : ها يابو راشد نسوي حفله على جئت بنت اخوك ..
ابو راشد : اكيد راح نسوي عزيمه للحريم .. لاكن لما البنت تتعود علينا ..
ابو فيصل : انا اقول ماله داعي ..
ابو راشد : لا بالعكس منه نعرف الناس عليها ..وهي بعد تتعرف على العائله ..
ام فيصل : الناس راح تاكل وجهكم يابو راشد .. الحريم اسالني عنهم كل وحده تبي تعرف السالفه بتفصيل عاد ذاك الوقت شبتقولون لهم .. ليه ماعرفو كل هالسنين..
ابو فيصل : عادي اللي يسال قولو لهم الحقيقه ..
ام راشد : لا تبون تفشلوني عند اهلي وجماعتي ..
ابو راشد : اي فشيله .. البنت وبنت اخونا وزواج كان بالحلال ..وش اللي يمنع ..
ام راشد : انا اقول القو موضوع الحفل من الاساس واذا احد سالنا نقول كانت عايشه بره ..
ام فيصل : لا بالله انا وحده ماني بكاذبه ياقول الصدق والا اسكت ..
ابو فيصل : خلاص ذاك الوقت يحلها الف حلال ..
ابو راشد : المهم الحين تقربو من البنت عشان ترتاح لكم وتتطمن لنا ..
ام فيصل : اكيد بعيونا ..
ام راشد لوت بوزها ..
ابو راشد بتنبيه : سمعتي يام راشد وش قلت ..
ام راشد : طيب ..
ابو راشد : وانت ياراشد ..
راشد : انا وش دخلني فيها ..
ابو راشد : انا اقول للكل ..
راشد : انشاءالله ..
ابو فيصل وقف : يالا انا بروح اريح يابو راشد.. تامر بشيء ..
ابو راشد : لا سلامتك ...
طلع ابو فيصل و طلعت وراه حصه .. وبعدها بدقائق طلع ابو راشد ..
راشد يغير المحطات بالتلفزيون لف على امه شافها سرحانه : يما ..
ام راشد : نعم ..
راشد : شفيك سرحانه بشنو ؟؟..
ام راشد لفت عليه : انا حاسه ذا البنت مو سهله ..
راشد : كيف يعني ؟..
ام راشد : يعني شكلها داهيه ..بتلعب بعقل ابوك وعمك ..وهذا اذا مالعبت بعقلك انت بعد ..
راشد : تخسي انا مالقي البنات سالفه ..
ام راشد : كفو ياولدي ..
راشد : انا هالبنت ماعجبتني شفتيها كيف سلمت علي باطراف اصابعها تقل يهودي اللي يسلم عليها ..
ام راشد تحاول تشيش : ايه شفتها يما..

********************************************

العنود جالسه على السرير ونوره بالارض ترتب الشنطه لعنود ..
نوره ماسكه بيدها الاستشوار : تبين تاخذين الاستشوار معك ؟؟..
العنود : لا ماله داعي انا بكون بالمستشفى ..وش استفيد منه ..
نوره حطته بعيد : امممممم طيب كم قطعه ملابس احط لك ..
العنود : مدري ماما حمده قالت بجلس اسبوع ..
نوره : خلاص بحط لك على ذوقي كذا بدله ..
العنود : نوييير مو رايحه معي ..
نوره : لا ماتوقع لانه مراجعات ..
العنود : طيب ..مين بيروح معاي ؟..
نوره : بتروح معك ماما حمده ..
العنود : اها ..
نوره تركت الاغراض وجلست جنب العنود حطت ايدها حول ظهر العنود : لاتخافين .. كله اسبوع وبيعدي بسرعه ..
العنود : اسبوع والا شهر او حتى سنه اهم شيء ارجع اشوف لاني تعبت من اللي انا فيه ..
نوره : انشاءالله لاتفقدين الامل .. كل شيء بيد رب العالمين ..

*******************************************

جواهر بدون نفس: سلطان ..
سلطان : عيونه ..
جواهر : ابي مويه ..
سلطان : من عيوني ..
جواهر الماي كان جنبها كانت تبقاه يقول شيء عشان تزعل لاكن هو صب لها في الكاس وجلس جنبها يشربها ..
جواهر شربت شوي بعدين ابعدت الكاس بقرف : شنو ذا طعمه مو حلو ..
سلطان حط الكاس على الطاوله : الله يهديك بس .. الموي ماله طعم ..
جواهر حابه تدور اي شيء : ادري .. لاكن ذا شكله من الحنفيه ..
سلطان : ولايهمك الحين بنزل السوبر ماركت اجيب لك مويه غير ذي ..
جواهر اول ماشفته طلع من الغرفه على طول ارفعت الجوال ودقت على نفس الرقم ..

**********************************

راشد جالس مع امه بالصاله ...
ام راشد : غريبه ماطلعت اليوم ..
راشد : مالي مزاج اطلع ..
دق جواله شاف رقمها بدون تفكير رد بسرعه حتى نسى انا امه جنبه : الو ..
جواهر : الو ..هلا راشد كيفك ..
راشد طلع منه الكلام تلقائيا : تمام دام سمعت صوتك ..
ام راشد عقدت حواجبها بعدين ابتسمت ( طلعت مو هين ياريشد تكلم فرح من ورانا ومن قدامنا تسوي نفسك ثقيل ) ..
جواهر : تسلم ...اسفه لاني سكرت ذاك اليوم ..بس اهلي جو فجاءه ..
راشد : لا عادي .. اخبار راشد الصغير ..
ام راشد تفكر ( مين راشد الصغير .؟..) ..
جواهر تناظر في ولدها في السرير كان نائم ببراءه الاطفال : تماام ..
راشد : وانتي ؟؟..
جواهر تنهدت : الحمدلله .. راشد ممكن اشوفك ..
راشد انصدم : نعم ؟..
جواهر بارتباك : انا كنت اقول يعني .. بس خلاص اذا ماتبي عادي ..
راشد بسرعه : وين ؟..
جواهر ابتسمت كانت عارفه انه ماراح يمانع : بالمستشفى زوجي بالليل يكون موموجود ..
راشد : طيب ..
جواهر تعطيه العنوان : انا في مستشفى ... الاهليه غرفه 316 الدور الثالث ...
راشد : طيب ..
جواهر : اوكي اشوفك اليوم..مع السلامه ..
راشد : مع السلامه ..

سكر السماعه ..تو ينتبه انا امه جنبه لف عليها حصلها مبتسمه وتطالعه : مين هذي ؟..
راشد بارتباك ياشر على الجوال : ها اااا هذي ...
ام راشد : اكيد فرح ...
راشد : ايه هذي فرح ...
ام راشد : وليه مرتبك عادي يمه هذي خطيبتك ...
راشد : لا عادي مو مرتبك ..( وقف ) يلا انا بروح اغير ملابسي عشان بطلع ...

*************************************

فرح كانت في غرفتها ومنسدحه على السرير تلعب في خصل شعرها وتكلم واحد كانت تو متعرفه عليه عن طريق الفيس بوك ...
فرح ومو مصدقه : انت ولد ال ...
الولد : ايه ..
فرح : ماشاءالله عائلتكم معروفه ..
الولد : تسلمين ..
فرح بدت تتميلح : اقول ..ماجد صح ؟ ..
ماجد : ايه ماجد ..
فرح : وش تشتغل ...
ماجد : انا ادير شركات ابوي .. وانتي ؟..
فرح : لا انا لسه بالجامعه ..
ماجد : طيب ماقلتي لي اسمك الكامل ..
فرح بدلع : لا مايصير بس اسمي فرووحه ..
ماجد : عادي وش فيها ياقلبي ..انا قلت لك كل شيء عني ..
فرح بدلع : نو ..انت ولد ماتفرق معك .. لاكن انا بنت غير ..
ماجد : براحتك ..المهم فرووحه اكلمك بعدين مشغول مع الوالد شوي..
فرح : اوكي خذ راحتك ..تشاوو ..
ماجد : تشاوو ..

ماجد بعد ماسكر لف على صديقه بخبث : وهاذي صيده جديده ..
صديقه بضحكه شيطانيه : هههههههههه تعجبني ..

*************************************

في المستشفى ..
سلطان كان شايل ولده حبه وحطه بالسرير: يلا انا ماشيء ..
جواهر : مع السلامه حبيبي ..
سلطان استغرب اول مره تقوله كذا : لا اذا فيها حبيبي شكلي بجلس ..
جواهر بسرعه : لاااااا ..
سلطان : شفيك ؟..
جواهر بارتباك : مافيني شيء .. بس يعني بكره وراك دوام انا اقول تروح البيت عشان تريح ..
سلطان شك بالوضع : اوكي يلا اجل تصبحين على خير ياقلبي ..
جواهر : وانت من اهله ..
طلع سلطان من الغرفه وهو مستغرب من طريقتها اول مره تتكلم معاه بهالاسلوب بدون عصبيه ..

**************************************

دلال جالسه في غرفتها تطقطق على الاب توب دخل عليها ابوها ..
دلال اول ماشافت ابوها فاتح الباب وجاي لعندها سكرت الاب توب لايشوف فضايحها وعدلت جلستها بلعت ريقها بخوف ابوها مايجي عندها بالغرفه الا وراه شيء : هلا يبا ..
ابو راشد جلس جنبها على السرير : هلا فيك .. اسمعي يانيتي ( طلع من جيبه ظرف فيه فلوس ) هذا مبلغ عطاني اياه فيصل عشان تجهزين نفسك الملكه يوم الخميس الجاي ..
دلال بترجي شوي وتصيح : بابا لحد الحين انت على رايك ...
ابو راشد : ايه .. لاتخليني ازعل منك ..
دلال : بس والله ..
قاطعها ابو راشد : لا بس ولا شيء انا قلت لامك عشان تروحون السوق وتجهزين نفسك ...
دلال بقله حيله ناظرت بالظرف : طيب ..
ابو راشد قام وطلع من الغرفه ...
دلال خذت الظرف ورمته على الارض بعصبيه والفلوس اللي فيه تناثرت : كلب حقير واطي ... يارب تموته وافتك منه ..
دق جوالها شافت رقم فيصل ( جيت والله جابك ) : خير ...
فيصل ببرود : ههههههههه اجل وصلتك ...
دلال بعصبيه : فيصل لاتخليني احطك براسي تراك موقدي ..
فيصل كان في السياره : جربي انك تسوين شيء صدقيني بتندمين واتوقع انك شفتي شنو اقدر اسوي ..
دلال : لاتتحداني ..
فيصل : لايكثر .. المهم الملكه يوم الخميس ابيك تكشخين ..لان بصراحه ذوقك مايعجبني ..
دلال : مو لازم ؟..
فيصل : لا مايصير انتي زوجتي لازم تلبسين على مزاجي ..
دلال : تخسي الا انت ...
فيصل : لاتعصبين ياقلبي لاحقه على العصبيه ..بعدك ماشفتي شيء ..
دلال تنرفزت منه قالت بتهديد : والله العظيم يافيصل راح تندم على كل شيء ..
فيصل كان ساكت ..
دلال : و لاتفكر اني خايفه منك ..
فيصل كان على نفس الحال ..
دلال تكمل : لو مو ابوي كان مو انت اللي تستاهل تاخذني ..
فيصل ببرود : خلصتي ..
دلال : ماتحس انت ماعندك كرامه وحده ماتبيك ..
فيصل : للاسف ولا حتى انا ابيك ...
دلال : خلاص اجل ليه كل ذا ..
فيصل : تقدرين تقولين مزاج ...
دلال : بس اا...
ماحست الا والتلفون مسكر بوجهاا ...طوط ..طوط ..طوط ..

فيصل بالسياره وصل للمحل اللي بيقابل اصدقاءه فيه كان ميت ضحك عليها لانه متنرفزه منه وهذا هو اللي يبيه ...

****************************************

راشد دخل المستشفى كان ماسك بايده باقه ورد ..
طلع لدور الثالث ..غرفه 316 ..
دق الباب ...سمع صوتها : تفضل ..
دخل راشد واول ماطاحت عينه في عينها نسى العالم والوقت وكل شيء .. اشتاق لها ..يدري اللي يسويه غلط ومفروض يكون عنده اخلاق اكثر من كذا مو من عوايده يسوي الغلط لاكن الشوق كان اكبر منه حبه لها كان اقوى ...
راشد حط الورد على الطاوله : الحمدلله على السلامه ..
جواهر وعيونها عليه مانزلتها : الله يسلمك ..
راشد قرب من السرير شاف ولدها يتحرك براءه مسح على خده بحنيه : هذا راشد ..
جواهر : ايه ..
راشد لف عليها : يتربي بعزكم ..
جواهر كلمه بعزكم ضايقتها : تسلم ..
جواهر كانت منسدحه شالت اللحاف عنها نزلت من السرير وقفت قدام راشد مسكت يده وحطت عينها بعينه : اشتقت لك ..وعمري ماحبيت غيرك ..
راشد لف عنها وفك ايده منها : عيب ياجواهر .. انا صح جيت هنا بس مو معناته نتمادى بتصرفاتنا ..
جواهر لفت وجهه عليها : مستعده اسوي اي شيء بس اكون جنبك ..
راشد ذاب من لمست يدها ماقدر يقاوم المشاعر اللي اجتاحته : ياريت نقدر ...
جواهر : نقدر نكون لبعض من جديد ..
راشد : كيف ؟..
جواهر توها بتتكلم ..
لاكن الباب انفتح بقووه شافو اللي دخل من الباب .. الخوف كان الشيء الوحيد اللي حسو فيه في هذي اللحظه ..

الى هنا انتهى البارت .. القاكم في البارت القادم...

مين اللي دخل على راشد وجواهر ؟؟..
ريم بتعيش بسلام في بيت عمها ؟؟..
فيصل لوين يبي يوصل مع دلال ؟؟..
ماجد مين هو وش قصده بصيده جديده ؟؟..
مشاعل وثقتها براكان لوين بتوصل ؟؟..
ام راشد وخطوبه جود من بندر ؟

؟..

البارت الثامن عشر ..
حياه ريم الجديده ..

جواهر : نقدر نكون لبعض من جديد ..
راشد : كيف ؟..
جواهر توها بتتكلم ..
لاكن الباب انفتح بقووه شافو اللي دخل من الباب .. الخوف كان الشيء الوحيد اللي حسو فيه في هذي اللحظه ..
راشد اول ماشاف الشخص اللي دخل عليهم .. بلع ريقه بخوف وقال بنفسه.. ( لا رحت فيها ..الله يستر) ..
جواهر الشخص اللي دخل عليهم تعرفه زين مو غريب عليها ..
ام راشد قربت من ولدها راشد اللي كان واقف قبال جواهر وتقريبا ملاصقها .. رفعت يدها ..و طراااااااااااخ ..
عطته كف باقوى ماعندها : هذي فرح يا اا ..
راشد من قوه الكف نزل راسه وغمض عيونه ..
ام راشد امسكته من ثوبه وهزته : كل اخوانك توقعتهم يغلطون الا انت .. هذا اللي مخليك تاخر زواجك من فرح ..
جواهر تحاول تفك ام راشد عن ولدها : خاله تكفين فكيه ..هو ماله دخل ..
ام راشد لفت عليها بعصبيه ..وحطت صبعها السبابه على فمها : انتي اسكتي ولا كلمه محد ضيع ولدي غيرك .. انتي شتبين ؟ .. ليه راجعه بعد كل هالاسنين ..مو كفايه خربتي حياته من قبل ..
راشد كان ساكت لانه عارف نفسه غلطان ومفتشل من امه لاكن لين هنا وبس كل شيء ولا جواهر : يماا ماله داعي ذا الكلام ..
ام راشد بسخريه : لا تعال عطني كم كف عشان ماتزعل الست جواهر ..
جواهر بترجي : خاله والله هو ماله دخل انا اللي قلت له يجي هنا ..
ام راشد : ماتعلميني وش تبين منه ؟..انتي متزوجه الحين وش لك بولدي..
راشد بعصبيه : خلاص يما .. امشي نروح البيت ..
ام راشد تطالع في جواهر بتهديد : والله لو ماتركتي ولدي بحاله لاعلم زوجك بنفسي ..فاهمه ..
جواهر بخوف : لا تكفين ..
ام راشد : انسيه احسن لك .. هو خاطب ..واللي خاطبها وحده تسواك وتسوى اهلك كلهم ..
جواهر بانصياع : انشاءالله ..
راشد انقهر من كلام امه لاكن مايقدر يعلي صوته اكثر من كذا لانها امه وبالنفس الوقت زودتها مع جواهر : يما الله يخليك خلاص ..كفايه ..
ام راشد طالعت براشد : يلا اشوف قدامي وهالمكان لاعاد تعتبه ..
راشد تنهد بقهر ومشى قدام امه وعيونه على جواهر ..
ام راشد قبل لاتطلع لفت على جواهر وقالت بسخريه : صدقيني راشد حلم عمرك ماراح تطولينه لو شتسوين .. خليك بحياتك احسن ..
جواهر الكلام مثل طعن السكاكين بقلبها محد راضي يفهم انها تحبه لحد الجنون .. راشد يعني لها كل شيء بحياتها .. بعدها عنه مووت ..وقربها منه مووت .. الحب عذاب ..
جواهر كانت منزله راسها .. بعد ماشافتهم طلعو رفعت عينها على الباب .. ورمت نفسها على السرير .. وبدت تبكي بحرقه وقهر .. من الحراره اللي تحسها بصدرها ..

************************************

راشد بعد ماركب سيارته وامه ركبت معاه وطلبت من السوق يروح البيت ...
راشد طول الوقت ساكت ويطالع بالطريق ماله وجه يحط عينه بعين امه او حتى يكلمها ..
ام راشد : من متى وانت تقابلها ؟..
راشد بدون نفس : هذي اول مره اشوفها بعد ماتزوجت ..
ام راشد : انا ابي افهم شيء واحد بس .. لهدرجه انت شخص غبي تقابل وحده متزوجه ..لو شافك زوجها كان ذبحك ..
راشد بدون لايطالع : كيف عرفتي ؟..
ام راشد : احساس الام .. كنت شاكه بمكالمتك ولحقتك من اول ماطلعت من البيت واحساسي طلع بمحله ..
راشد بجديه : يماا تكفين لاتقولين لابوي ..
ام راشد : انا ماراح اعلم ابوك .. لاكن خلال الشهر الجاي تحدد موعد زواجك من بنت خالك فرح ..( وبتهديد ).. والا والله يارويشد لاعلم ابوك وذاك الوقت تعرف ابوك شبيسوي لك ..
راشد : بس يماا ..
ام راشد تقاطعها : لا بس ولا شيء .. انا قلتلك وانت بكيفك ..
راشد بقله حيله : يصير خير ..

******************************

في احد الاماكن المشبوهه .. اللي ماتخلو من الاشياء المحرمه ..والبنات ..

راكان ماسك كاس الخمر بيده ويتمايل بمشيته كان مو بوعيه .. كان يبعد البنات اللي حوله لما وصل للمكان اللي يبيه .. وقف عند وحده جالسه على احد الكراسي لابسه فستان ذهبي لين نص الفخذ وفيه فتحه هلى جنب تقريبا شبر .. والصندل اللي فيه سيور على طول الساق .. حاطه ميك اب كثير..وروج فوشي صارخ .. وشعرها البني اللي فيه خصل ذهبيه كان ملموم بطريقه مهمله ونازل منه خصل على وجها .. وحاطه في فمها الزقاره ..
راكان يحاول يعدل وقفته قدامها ويتكلم بلسان ثقيل : هي انتي ياحلووه .. تعالي بقول لك شيء ..
البنت قامت من مكانها ومسكت ياقت القميص اللي كان لابسه راكان وقالت بدلع : اسمي غلا مو انتي .. على العموم شتبقى ..
راكان : ابيك انت ياحلو ..
البنت دفته بدلع ومشت عنه ..
راكان : ههههه شفيه الحلو زعل علينا ( بصرااخ يناديها ) ياحلووو ..
جاته وحده مصريه مسكته من يده : سيبك منها ..دي وحده مش شايفه حد أدامها..( خلك منها .. ذي مو شايفه احد قدامها ) ..
راكان بعدم توازن مشى عنها ولحق البنت ..

******************************

بغرفه ساره كانو البنات مجتمعين ثلاثتهم .. ساره و ريم وجود ..
ريم : بس انا ماتعودت اكشف عند احد ..
ساره : مو لازم .. اذا بتغطين هنا راح تتعبين لانك عايشه معهم بيت واحد .. وراح تشوفينهم بكل وقت على الوجبات وغيره..
جود : يب اتز نورمل ..( ايواا هذا طبيعي ) ..
ساره : اوكي تحجبي وخلاص ..
ريم بعدم قبول للفكره: بفكر ..
ساره : ماعلينا شرايكم نكلم نوره و العنود ..
ريم بحمااس : ايواا ..
جود ترفع يدها فوق: يس ..
ساره : حافظه الرقم ..
ريم : ايه اكيد ..
ساره مسكت الجوال : ايواا كم ؟؟..
ريم : 82***** ..
ساره بعد مادقت الرقم انتظرت شوي بعدين عطت ريم الجوال ..
ريم بشوق لخواتها مو قادره تنتظر : مايردون ..
ساره : يمكن نايمئن ..
جود بدت تتكلم عربي شوي وتتعود عليه : ..اور ..محد عند التلفون ..
ريم عطت الجوال ساره بخيبه امل : يمكن ..
ساره : ولايهمك ريووم ندق عليهم بكره .. واحنا اصلا بنروح للعنود بالمطار ..
ريم : ايه ..
جود تتثاؤب : يلا ..ايام قوقينغ تو سليب ..( يلا انا بروح انام ) ..
جود وقفت وطلعت من الغرفه ..
ريم وقفت بعدها : وانا بعد .. تصبحين على خير سارونه ..
ساره : وانتي من اهله ..

***************************

راشد داخل من الباب : خلاص يما والله فهمت ..
ام راشد : لو كنت فاهم ماسويت هالشيء من قبل ..
راشد بتافف لانه طفش من كلام امه طول الطريق : اوف ..طيب ..
ام راشد : يلا انا بطلع انام ..اوجعت راسي ..
راشد ( مدري مين اللي يتكلم من اليوم ) ..
ام راشد ركبت الاصنصيل واضغطت الزر وطلعت فوق ..
راشد طلع على الدرج .. كان معصب وضايقه فيه الوسيعه .. توه بيدخل غرفته شاف ريم طالعه من غرفت ساره رايحه لغرفتها .. راشد راح لها بسرعه وقف قدامها ..ريم كانت متغطيه ..غطاتها معاها وين مترووح .. انفجعت اول ماشافت راشد قدامها ..
راشد حب يحط حرته باحد : هلا والله ..
ريم ببراءه قالت بصوت واطيء : هلا فيك ..
راشد بسخريه : من بدايتها كذا .. انا قايل انك وجه نحس على البيت ..
ريم اشرت على نفسها : انا ..
راشد باستهزاء : ايه انتي ..في احد غيرك هنا ..
ريم هزت راسها : ليه ؟..
راشد بعصبيه خفيفه : شوفي لاتقعدين تسوين نفسك بريئه هالحركات ماتمشي علي ..شكلك كذا دارسه الموضوع زين قبل لاتجين هنا ..
ريم استغربت هي وش سوت ماصار لها ساعات موجوده بذا البيت : عفوا اخوي انا سويت لك شيء ..
راشد رفع حاجبه : لاتقولين اخوي .. انا ماعندي الا اختين وبس ..
ريم بجديه : طيب ممكن اعرف انا شسويت ؟..
راشد : ولاشيء ..
ريم انقهرت منه من اليوم موقفها ومعصب عليها بالاخير ولاشيء ..
ريم : دام ولا شيء .. يلا مع السلامه ..
تركته واقف ومشت لغرفتها .. توه بتدخل وقفها صوته ..
راشد : هي انتي على شنو شايفه نفسك ؟..
ريم سفهته ودخلت غرفتها وقفلت الباب عليها ..
راشد ماعنده سالفه بس كذا يبي يتحرش فيها .. على قولته مادخلت مزاجه ..

ريم مستنده على الباب ..( مدري شيبي هالانسان مني ..مغرور و تافه .. شكله بيناشبني في حياتي ) ..

****************************************

فاطمه من اسبوعين على نفس الحاله يادوب تاكل شيء خفيف وتنام على طول منسدحه على الفراش ... صارت ضعيفه وجها مشحب وتحت عيونها هالات سوداء وشعر راسها ماليه الشيب ..ناصر خايف عليها وماعرف كيف يتصرف ..قال لها يوديها المستشفى لاكن هي رافضه ..
ناصر بترجي : تكفين يابنت الحلال .. خليني اوديك المستشفى ..
فاطمه تتكلم بتعب : ماله دا..كح كح ..داعي ..
ناصر : عنادك ذا هو اللي بيوديك بداهيه ..
فاطمه : حنا لاقين ناكل عشان اتعالج ..
ناصر : ومين قالك بوديك مستشفى اهلي ..
فاطمه : حتى لو حكومي .. مايبي ادويه تشتريها من الصيدليه .. غير فلوس التاكسي اللي بنروح فيه ..
ناصر ياس منها : الله يهديك بس ..
فاطمه : كح كح ..كح .. ناصر ..
ناصر : نعم ..
فاطمه : ماعليك امر عطني كاس مويه ..
ناصر : طيب ..

************************************

مشاعل استغربت انا راكان ماجاها ولا كلمها .. طفشت من المكان حاسه بملل ..
دخلت الغرفه و فتحت شنطه المدرسه .. فتحت واحد من الدفاتر على الصفحه الاخيره ..حصلت رقم راكان ..كان معطيها اياه يوم كان يوصلها ..شقت الورقه من الدفتر ..وراحت عند السماعه وبدت تضغط الارقام .. جلست جنب التلفون تنتظر رد راكان عليها .. رن الجوال لما قفل ومحد رد عليها ..رجعت دقت مره ثانيه عليه .. بعد كذا دقه جاها صوته : هلا هلا ..
مشاعل : راكان ..
راكان بكلامه الثقيل وهستريه الضحك : خخخخخخخخ ..بشحمه ولحمه ..
مشاعل عقدت حواجبها مستغربه من صوته : عفوا هذا جوال راكان ال ..
راكان : ايواا ..ياحلو هذا انا .. كم تبين ؟..
مشاعل : راكان شفيك ؟؟..انا مشاعل ..
راكان : ايه عرفتك .. ميشو هههههههه .. كم تبين ؟..
مشاعل بجديه : راكان انت فيك شيء ؟..
راكان : انا ههههههههههه عال العال طاير من الفرحه طاير هههههه ..
مشاعل بدأت تستوعب ..هي تشوف اللي بالمسلسلات يتكلمون كذا .. قالت بصدمه : انت سكراان ...
راكان يرفع الكاس اللي بيده : خخخخخخخ لا لا .. بس اشرب ويسكي خخخخخخ ..
مشاعل شهقت بصدمه وحطت يدها على فمها ..
راكان رمى السماعه بتعب وماقفل الجوال لانه ماكان بوعيه ..
مشاعل انصدمت اكثر لما سمعته يقول ..
راكان : تعالي هنا جنبي .. اموت بالشقر .. هههههههه انا كلي لك ياقميييل ...
مشاعل سكرت السماعه بخوف وبدت تكلم نفسه وتلطم خدها : وش سويتي بنفسك يامشاعل ..عايشه مع واحد سكير .. لهدرجه انا غبيه ..

**********************************

يوم جديد يطل على ابطال روايتي في كل مكان ..
بما انا اليوم الجمعه ومافي دوامات الكل صحى متاخر من النوم ...
الساعه 9 ونص ..الكل كان موجود على طاوله الطعام زي كل يوم ...بس في شخص انضاف على هذي الطاوله اللي هي ريم .. ريم كانت جالسه ومتحجبه لانها قررت انها تتحجب زي ماقالت ساره مو بعدل ..تجلس معاهم على الفطور بغطى ماراح تاخذ راحتها ...
راشد يطالع في ريم بحقد ..( انا شايف هالبنت بس مدري وين ) .. وبعد مده تفكير ..( اها الحين عرفت هذي صديقت سوير اللي ذيك المره ..
الكل كان ياكل بصمت ..
ريم كانت حاسه بنظرات راشد لها بس تحاول تتجنبه ( اوف شيبي ذا ..ماعنده سالفه غيري ) ..
ابو راشد قطع الصمت اللي كان مالي المكان : ها ياريم ..عساك مرتاحه ..
ريم نزلت راسها بحيا :..الحمدلله ..
ابو فيصل : واذا احتجتي شيء لايردك الا لسانك ..
ريم : تسلم ..
ام فيصل : وانا بحسبت امك هنا ..لاتترددين انك تطلبين مني أي شيء ..
ام راشد لوت بوزها ( يعني اني الحنونه اعرف الواجب ) ..
ريم : مشكوره ياخاله ..
ساره : بابا كنت بستاذنك اليوم نروح انا وريم المطار ...
ابو راشد باستغراب : المطار !!..
ساره : ايه وحده من خواتها الللي بالدار اليوم بتسافر وحابه تودعها ..
ابو راشد : اوكي معليه .. راشد يوديكم ..
راشد بسرعه : لا يبا .. انا مشغول ..
ابو راشد : وش عندك ؟؟ ..
راشد : اليوم طلال ولد خالي بيسافر ولازم اكون معاه..
ابو راشد : خلاص يعني معك بنفس المكان ..
ابو فيصل : ودهم انت ياخالد ..
خالد : قلت لك يبا سيارتي امس اختربت ..
ابو راشد : خلاص يوديهم راشد .. لان السواق احنا بناخذه ..
راشد ( اوف ..من بدايتها اشتغل سواق لذا النفسيه ) ..
ابو فيصل : وانت يافيصل .. لاتنسى تلحقنا للمستودعات ..
فيصل : انشاءالله يبا ..
دلال تطالع بفيصل ودها لو تذبحه ( الله ياخذك ..محد مسببلي هم بحياتي غيرك ) ..
فيصل شافها تطالع فيه مبين الحقد بوجها حرك حواجبه لها وابتسم قهرها اكثر بهالحركه..

******************************

العنود واقفه على باب الغرفه وماسكه الباب : تاكدي نوره لايكون نسيتي شيء ..
نوره تقراء الورقه اللي بيدها : لا كل اللي كتبناهم بالورقه حطيتهم ..
العنود : زين ..
نوره : اسمعي كل يوم كلميني ..
العنود : طيب بخلي ماما تدق لي عليك كل يوم ..
نوره بامر : ايه .. ولاتثقين باحد هناك .. ترا كلهم دشير وينخاف منهم ..
العنود : انا فاضيه اتكلم مع احد عشان اثق فيه .. خليني بهمي ..
نوره : ايه وش نسيت بعد .. أي صح تذكرت .. وجيبيلي معك صوغه ..
العنود تمد لسانها : ماني جايبه ..
نوره : جربي ماتجيبين شيء ..
العنود : يصير خير .. تعالي نوير وديني الصاله بسلم على البنات ..
نوره مسكت يد العنود : طيب ..

******************************

فرح كانت نائمه .. بس ازعاج الجوال .. ماوقف كل شوي يدق .. صحت من النوم بعصبيه ..
فرح بدون لاتفتح عيونها خذت الجوال من على الطاوله اللي جنبها وفي داخلها تتحلف تسفل باللي يدق عليها.. بصراخ : خييييييييييير ... يعني الواحد ماينام ..
ماجد : اسف ازعجتك ..
فرح اول ماسمعت صوت ماجد نزلت الجوال من اذنها وطالعت بالرقم شافته رقم ماجد جلست وقالت بصوت ناعم : هلا ماجد ..
ماجد : حبي ..اخليك تكملين نومك .. بعدين اكلمك ..
فرح : لا لا عادي .. اصلا انا كنت متضايقه عشان كذا عصبت ..
ماجد ياشر لصديقه يعني اسكت .. لانه كان حاط سبيكر : افا بس ..في احد يزعل فروحتي وماجد موجود ..
فرح : تخيل بابا مو راضي يسفرنا هالسنه ..( طبعا سالفه مالفتها هي بس عشان تثبت له انها زعلانه ) ..
ماجد : ولا يهمك انا اسفرك على حسابي ..
فرح: لا حبيبي مو عن الفلوس بس يعني .. هو موراضي ..
ماجد : بس هذا اللي مزعلك ..
فرح بدلع : ايووه ..
ماجد : تو الناس على العطله انشاءالله يرضى .. اخبارك انتي ..
فرح : تماام .. وانت ؟..
ماجد يمثل دور الهايم: انا بخير دام سمعت هالصوت..
فرح : تسلم ..
ماجد : فروحه ممكن اطلب منك طلب .. بس ماتفهميني غلط ..
فرح : امر ..
ماجد : مايامر عليك ظالم .. بس ودي اشوفك ياقلبي واكحل عيوني بشوفتك ..
فرح : ماجد بليز .. الا هالطلب مقدر ..
ماجد : فرووحه لاترديني حتى لو من بعيد ..
فرح : خلاص بعدين خلني افكر ..
ماجد يحاول يلين راسها : بس تاكدي اني لايمكن افكر بيوم اذيك .. انتي الانسانه الوحيده اللي حبيتها ...
فرح زي أي بنت .. غرها كلامه وصدقته وتعلقت فيه .. كان يسمعها كلام الحب والغزل ويحسسها باهتمامه ..تنام وتصحى على صوته .. ماندري وش اخره هالمكالمات ..

*****************************

ماجد بعد ماسكر من فرح مسك الجوال قدام وجهه وتفل عليه : تفوو .. اخرتك بيدي ..
صديقه : ماجد ..هالبنت شكلها عنيده وماراح تقدر عليها ..
ماجد بخباثه : وانا احب العنيدات اللي زيها .. اموت فيهم ..
صديقه : ياخي خلنا نشوف وحده غيرها ..
ماجد حط صبعها على راسه : لا انا هذي دخلت مزاجي .. واصبر علي كلها ايام و اخليها تحت رجلي ..
صديقه : تعجبني ياهووووه ..

******************************

طلال جالس بالصاله على الاب ...
فرح نزلت من الدرج مبسوطه وتغني وتناقز على الدرج : حب وحبينا وعملنا اللي علينا ...
طلال كان لابس نظارته الطبيه نزلها شوي وطالع بفرح : تكفين .. خفي علينا ياشاديه ...
فرح ركضت بسرعه وباسته على خده وجلست جنبه : شتسوي ؟..
طلال : اكمل اشغالي على الاب .. الا تعالي انتي اللي وش عندك .. ( طالع ساعته ) بالعاده ماتصحين الا العصر .. ونفسك بخشمك ..
فرح : اممممم تقدر تقول فرحانه ..
طلال : عساه دوم .. وش اللي مفرحك ؟ ..
فرح : شفت حلم حلو .. وصحيت وانا مبسوطه ..
طلال رفع يده للفوق : يارب ياكريم انك تخليها تشوف احلام حلوه على طول ..
فرح : امين ..ههههههههههه ..

******************************

في بيت ابو راشد بعد ماخلصو فطور ... ابو راشد وابو فيصل وفيصل راحو للمستودعات يتاكدون من البضائع اللي جايه ..
وام راشد طلعت تنام .. وام فيصل راحت ترتب جناحها شوي .. اما الباقي كانو جالسين .. ريم جالسه على الكنب ..وخالد تقريبا شوي قريب منها ..ودلال وراشد في جهه .. اما ساره وجود منبطحين على الارض يتفرجون على التصاميم في المجله ..
ساره : رييم تعالي شوفي ذا الفستان يهبل ..
دلال باستهزاء: هه من جدك تورينها تصاميم لمصممين عالمين ..هذي ( تقصد ريم ) .. سوق الحب ويخب عليها..
ريم اسكتت مولانها موقادره ترد .. بس مو حابه يكون مشاكل من بدايتها معاهم ..
ساره : دلوول محد كلمك ..
راشد حب يقهر ريم اكثر لانها مو عاجبته من الاساس لف عليها : حتى سوق الحب مايدلونه .. هذول ملابسهم تجي صدقه ..من فضلت الناس ..
دلال : وانت صادق ...
خالد استغرب من طريقه كلام راشد ماكان كذا: وش فيكم على البنت عيب ..
ريم خنقتها العبره .. يعني لانهم يتاما صارو مسخره لناس ..يقللون من قيمتهم .. يجرحونهم باي كلمه تخطر على بالهم ..هي وش ذنبها ..انها كانت غلطت غيرها ..
راشد طنش خالد و يكمل : بالله سوير خليها تختار واحد من هالفساتين اللي عمرها ماشافتهم حتى باحلامها .. وانا بدفع لها ..يالا بعتبرها صدقه ..
ساره انقهرت من تصرفات اخوانها طالعت بريم : ريم ماعليك منهم ..
ريم هنا خلاص الدموع تجمعت في عيونها ..كلمه زياده وبتنزل ..وماتبي تكون ضعيفه قدامهم من بدايتها .. تحس بغصه ..

قامت من مكانها قررت انها تطلع فوق لغرفتها احسن لها ... مرت من قدام ..راشد ودلال .. اللي كانو قاعدين جنب بعض ..
راشد حب يهينها اكثر .. حط رجله قدامها .. ريم ماشيه بسرعه قبل لاتنزل دموعها ..اذا صعدت فوق بتبكي على راحتها ... طاااااااااااااااااااااخ على الارض .. طاحت على وجها والحجاب انفك .. ساره وخالد وجود ..بسرعه قامو لها ... اما دلال ضحكت باعلى صوت ...
ريم رفعت نفسها شافت راشد يطالعها باحتقار ودلال تضحك ...
ساره تحاول تساعدها تقوم : تعورتي ..
ريم مازالت تطالع راشد ودلال ..
خالد اخذ الغطاء من على الارض ..
جود تمد لها يدها : ريم ..
ريم قامت من مكانها بسرعه وراحت لراشد وقفت قدامه و ..........

..

البارت التاسع عشر ..

.. ساره وخالد وجود ..بسرعه قامو لها ... اما دلال ضحكت باعلى صوت ...
ريم رفعت نفسها شافت راشد يطالعها باحتقار ودلال تضحك ...
ساره تحاول تساعدها تقوم : تعورتي ..
ريم مازالت تطالع راشد ودلال ..
خالد اخذ الغطاء من على الارض ..
جود تمد لها يدها : ريم ..
ريم قامت من مكانها بسرعه وراحت لراشد وقفت قدامه وخذت كاس العصير اللي كان على الطاوله قدام راشد .. راشد طالعها بتعجب وش بتسوي .. ريم طالعته بنظرت تحدي وكبت كاس العصير عليه من فوق ..
راشد نقز وشهق لان العصير كان بارد : برررررررر ...
ريم هنا حست انها بردت حرتها شوي وخذت حجابها من يد خالد بعصبيه وطلعت فوق .. لحقوها ساره وجود ..
دلال خذت علبه الكلينكس وعطتها راشد .. خالد مصدوم من حركه ريم راح تسبب لنفسها مشاكل مع راشد هي مو قدها .. راشد وهو ينشف شعره وملابسه بالكلينكس بعصبيه باعلى صوته عشان تسمعه : اوريها الزفته .. تستقوى قدامكم ..طيب ياللقيطه ..

*****************************************

ريم طلعت غرفتها وسكرت الباب عليها وقفلته وجلست على الارض جنب الباب تشاهق من البكي .. راشد شكله ماراح يتركها في حالها ..هي ماسوت له شيء ..ليه يعاملها كذا .. سكوتها عنه مذله لها ..وردها تحدي له ...
احتارت كيف تتعامل معاه .. هذا يوم واحد وماستحملته .. الله يعينها على الايام الجايه ..
ساره تدق الباب على ريم من بره : ريوووم ..تكفين مسحيها بوجهي ..
ريم تبكي مو حولها ..
جود : ريم لاتبكين بليز ..
ساره لاصقه راسها على الباب : رييم والله راشد طيب .. اكيد مايقصد ..
ريم ( كل ذا و طيب ) ..
ساره تكلم جود بصوت واطي : خلينا نخليها على راحتها الحين ..بعدين نرجع لها ..
جود : اوكي ..

*****************************************

الساعه 10:13 دقيقه ...
مشاعل صحت من بدري اخذت دش سريع بعدين سوت لها فطور .. ولما خلصت جلست على التلفزيون شوي ... فجاءه سمعت صوت خبط على الباب .. نقزت من محلها بخوف .. حاطه يدها على قلبها بخوف : بسم الله .. وش ذا ..
..: افتحي الباااب ..يلااا هههههه .. بسرعه ..
مشاعل الصوت ذا مب غريب عليها ..قربت من الباب وحطت اذنها عليه .. جلست تتسمع شوي ..
.....: ميشوووووووووووو .... يا ميشوووووو ..
مشاعل حطت يدها على فمها .. وقالت بصوت عالي تساله : راكان ؟..
راكان ياشر على نفسه بحركات غريبه وبوقفه مو متزنه : ايواا .. انا ..انا راكان .. ( ورفع صوته .. بصراخ
) ..راكان سعود ال ... ههههههه ...( ورجع يضرب على الباب ) .. افتحي الباب ابي انام ..
مشاعل عرفت من صوته انه سكران ..قالت بحزم : ماراح افتح الباب ...
راكان كان دايخ ..ضرب على الباب مره ثانيه برجله : اامم ..اا..انا ..راكان ولد سعود ..لازم يفتحون لي ال..ال شنو ؟؟..( وحط يده على راسه يتذكر ) ...ال ..ال ..ال ..ايه الباب ..خخخخخخ ..
مشاعل حست انه مسوي ازعاج للغرف اللي جنبهم بس كانت مصممه على رايها مستحيل تفتح له وهو كذا يمكن يسوي لها شيء ..وهو مو بوعيه : ماراح افتح لو تموت ...المكان اللي جيت منه ارجع له ..
راكان يصفق بيده : مكاان ...خلاص بح ..راحوو ..
سفهته وراحت جلست بنفس مكانها ..ضرب الباب اكثر من مره بدون فايده كانت سافطته ..

***********************************

ابو راشد وهو داخل : يلا ياعيال قومو تروشو عشان نلحق على الصلاه ونحضر الخطبه ...
فيصل وهو داخل وراء عمه : انا بروح اتروش ...( وطلع فوق ) ..
ابو فيصل : وانت ياخالد يلا قم ..
خالد : انا جاهز يبا ..لاخلصتو بمشي معكم ..
ابو راشد يطالع راشد اللي قميصه كان مبقع : وش ذا اللي على ملابسك ؟..
راشد كان جالس متنرفز ..محب يقول لابوه عارف انه بيوقف بصفها : ابد يبا ..وانا اشرب العصير انكب علي ..
راشد : بزر انت تكب على نفسك العصير..اقول بس قم غير ملابسك وتوضا ..
راشد وهو قائم ( اخ بس ..لو يخلونها بيدي يوم هاللقيطه ) : انشاءالله ..
الكل طلع فوق يتحمم ويبدل ملابسه للصلاه ...ماعاد دلال كانت جالسه وبيدها البلاك بيري تقراء البي سيات وتضحك : هههههههه مو صاحين...

******************************

طلال بصوت عالي يكلم امه : يما جهزتو شنطتي ..ترا مابقى الا ساعات قليله على موعد الرحله ..
ام مشعل ترد عليه من داخل الطبخ : ايه يما ..من امس مجهزتها ..
طلال : كويس .. ( وطلع من البيت بسرعه ) ..
ام مشعل طالعه من المطبخ : طلال ..طلال
...
فرح كانت جالسه على الكنب وحاطه الاب بحضنها ..
ام مشعل : وين اخوك ..
فرح مو حولها ابد ..
ام مشعل جات قدامها وسكرت الاب : صمخ ماتسمعيني اكلمك ..
فرح بتافف : اووف ..نعم ..
ام مشعل : وين اخوك ؟..
فرح ترجع تفتح الاب : ماتسمعين صوت الباب اكيد يعني طلع ..
ام مشعل بعصبيه : لسانك ذا يبيله قص ..
فرح بطفش سكرت الاب ولبست الشبشب : ماينجلس عندكم ابد ...
وطلعت فوق ..
ام مشعل بعصبيه تكلمها وهي طالعه الدرج : انتي وش عندك غير ..هالجوال والاب توب ... اكل ومرعى وقلت صنعا ..
فرح كانها ماتسمع شيء صعدت لغرفتها وكملت اللي كانت تسويه ..

*********************************

مشاعل حست انا الصوت اختفى .. والضرب على الباب وقف : معقوله يكون راح ...
وقفت .. ومشت بهدؤ بشويش ..لما وصلت عند الباب وحطت اذنها عليه .. ماسمعت صوت ولا حس احد .. جالها فضول تفتح الباب .. اخذت حجابها من الغرفه .. لبسته ..فتحت الباب شوي ..وطلعت راسها تطل قبل لاحد يشوفها ..طالعت السيب ( الممر قدام الغرف ) كان فاضي .. توها بتسكر الباب ..الا شافت الشخص اللي كان منسدح على الارض .. ضربت يدها على صدرها : راكان !!..
افتحت الباب وبدت تهزه : راكاان ..راكان ..راكااااان ..
راكان يفتح عيونه ويسكرها ويتمتم : امممممم ..
مشاعل بوهقه : ياربي وش اسوي ...
حاولت تسحب راكان لاكن كان ثقيل مرره ..مستحيل انها تقدر تشيله ولا حتى تسحبه ... شافت واحد من العاملين بالفندق مار بالسيب قالت بسرعه : لو سمحت ..
لف عليها : اؤمريني حدرتك ..
مشاعل عدلت حجابها ..باحراج : ممكن تساعدني ندخله داخل ..
العامل :اوكي من عينيا ..
العامل شاله مع مساعده بسيطه من مشاعل ... فتحت له الباب ودخلوه : احطوه فين ؟..
مشاعل تاشر على غرفه النوم : دخله الغرفه ..ماعليك امر ..
العامل بعد مادخله غرفه النوم وطلع : عيزه حاقه تانيه حدرتك ...
مشاعل بامتنان : لا ..مشكور اخوي ..
طلع العامل ..مشاعل على طول سكرت الباب وقفلته .. فسخت الحجاب : ياربي وش اسوي مع هالادمي ..
دخلت غرفه النوم شغلت التكيف وغطتها بالبطانيه .. وطلعت ..

***********************************

ريم طالعت في شكلها بالمرايا كان وجها احمر من كثره البكي وعيونها ذابله وخشمها محمر ومنتفخ .. دخلت الحمام الخاص فيها ( وانتو بكرامه ) ..فتحت الحنفيه ..وخذت بيدها ماي وكبته على وجها ... طلعت من الحمام .. خذت حجابها وطلعت عشان تروح لغرفه ساره ...

*********************************

فرح : وراشد ..شسوى لها ؟..
دلال : لو تشوفينه ..كان خفتي .. راشد اذا عصب يخوف .. هي طلعت فوق بسرعه مالحق عليها ..
فرح انبسطت هذا من صالحها انه يكون بين راشد و ريم مشاكل عشان يبعدها من باله : شكلها مب هينه ..
دلال بحقد : الله يعينا عليها .. ماقلتي لي شخبار ماجد ..
فرح ابتسمت بحياء من طاريه : اسكتي يادلال ..بموتت من الفرحه.. بهالفتره القصيره حسيته انسان صادق .. ورومنسي ..
دلال كانت منصته لها .. وتتخيلي مواصفات الشخص اللي خذا عقل فرح بنت خالها ..( بنات اخر زمن ..خطيبه اخوها تكلم اكثر من شخص .. وتتعرف على شباب .. وعادي ماتفرق معها مافي غيره ولا احساس الموضوع ايزي ..) ..
فرح : تخيلي امس ارسلي اغنيه اهداء ..
دلال : على وين ؟..
فرح : اتصل فيني وقالي حطي على قناه .... ويوم حطيت شفته كاتب تحت بالشات اهداء لحبيبتي فرووحه ... اغنيه احبك موت لماجد المهندس ..
دلال تنهدت بحلم : ياحظك ..
فرح تبي تنرفزها : انشاءالله يطلع فيصل رومنسي ...
دلال ومزاجها انقلب من طاريه : لاتجيبين اسمه ينرفزني ...
فرح : ايه صح جهزتي للملكه ترا اسبوع مايكفي ..
دلال : ومن قال لك اني بشتري شيء ..
فرح مافهمت عليها : كيف يعني ؟؟..
دلال بابتسامه خبيثه : راح تشوفين بعيونك ..
فرح بعد ماستوعبت كلام دلال : اها الحين فهمت ..طلعتي موهينه دليل ..
دلال : هههههه اعجبك ...

***********************************

هيا تكلم بالتلفون الخاص بالسجن : انت طلعني من هنا ..ولك اللي تبي ..
....: انا مستعد اطلعك اليوم لاكن تكونين عند وعدك ..
هيا : انا عند وعدي بزوجك البنت ..بس طلعني ..
.... ابتسم لان مراده بيتحقق : خلاص اعتبري نفسك اليوم طالعه من هنا ...
هيا بفرحه : والله محد راح ياخذها غيرك ..
.......: نشوف ..

***********************************

الرجاجيل طلعو لصلاه الجمعه ..
دلال كانت بغرفتها كالعاده ..وراكان مو موجود ولا احد درى عنه .. ام راشد وام فيصل راحو لجمعيه نسائيه لمساندت المراءه المطلقه واسترداد حقوقها ..
اما البنات كانو جالسين بالصاله ..
ساره تضرب راسها : لا خطا مو كذا ..
ريم رمت الجوال على ساره : خلاص مابي ..ماعرفت ..
جود : لازم تتعلمين ..
ريم : صعب والله صعب ..
ساره تقرب من ريم : انتي شوفي .. اول شيء تفتحين القفل .. بعدين تضغطين ذا ..( تاشر لها على زر الاسماء ) .. بعدين تختارين الاسم اللي تبينه .. وتضغطين السماعه الخضراء ..
ريم : انا اعرف للتلفون .. لاكن الجوال ماقد استخدمته ..
جود : انتي فهمتي ..من ساره ..او اشرحلك ..
ريم مافهمت شيء .. بس سلكت لساره : ايه فهمت ..
ساره : تمام ..والمره الثانيه بعلمك كيف ترسلين ..
ريم تحس نفسها متوهقه : طيب ..

******************************

في مكان في احد الصالات الفخمه .كانو النساء متجمعات حول بعض .. ويتناقشون في بعض الحقوق اللي تحتاجها المراءه في المجتمع ..
ام راشد : انا اقول اللي تطلق لازم هي اللي تحدد مبلغ النفقه ..
ام بندر : لا مو بعدله ..
ام فيصل : وانا اقول كذا ..في اشياء محدده بالشرع .. احنا مانتخطاها ..لاكن حابين يكون فيه حقوق اكثر للمراءه ..
وحده من الحريم : انا صارلي ثلاث سنين مطلقه .. وزوجي عمره مادفع لي النفقه ..
ام فيصل : كيف ذا من حقك .. لازم تروحين لشيخ .. وقولي له انه تخلف عن دفع النفقه .. وهو بيخليه يدفع غصبن عنه ..
ام بندر تكلم نفس الحرمه : عطيني اسم زوجك ..وانا بحل لك المشكله ..

ام بندر تساسرام فيصل بصوت واطي : الا وش صار على موضوعنا ..
ام فيصل وهي فاهمه قصدها : اعذريني يام بندر ..تاخرنا عليكم بالرد .. لاكن عندنا ظروف ومافضينا ..
ام بندر : لا اذا كذا معذورين ..

******************************

ناصر وهو طالع من عند الباب : انا طالع لصلاه ..
فاطمه ماردت عليه ..
ناصر : تبين اجيب لك شيء وانا جاي ..
فاطمه بعد لارد ..
ناصر لما شافها ماردت عليه ..طلع و سكر الباب وراه ..

****************************

فرح منسدحه على بطنها وتلعب برجلها : قد ايش ؟ ..
ماجد يتكلم لبناني : اد البحر وسماكتو ..( كثر البحر والسمك اللي فيه ) ...
فرح : هههههههه ..
ماجد : دوم هالضحكه ..
فرح : تسلم ..
ماجد : ياقلبي ماقلتي لي وش قررتي ..
فرح : عن وش ؟..
ماجد : ابي اشوفك .. ترا والله تعبت ..
فرح : ماجد لاتستعجل .. هذا احنا نكلم بعض ليش مستعجل ..
ماجد : مستعجل على شوفتك ياروحي ..
فرح ذابت من كلامه ...

************************************

بعد مارجعو ابو راشد وابو فيصل والعيال من الصلاه .. وام راشد وام فيصل بعد رجعو للبيت .. كان الغداء قدامهم ..
على طاوله الطعام ..
ابو فيصل يوجه الكلام لجود : انا وعمك سالنا عن الولد .. وطلع رجال ماعليه كلام .. متدين واخلاق ويكفي انه ولد عائله كلن يشهد لهم بالكرم والطيب والرجوله
جود نزلت راسها بحياء ..
ساره دزتها بكوعها .. وقالت بصوت واطي : علينا هالحركات ..
جود انحرجت اكثر ..
ابو راشد حس انها منحرجه : خلاص يابو فيصل خلها تفكر على راحتها ..
دلال بقهر قالت بصوت مو مسموع: ناس يفكرون وناس غصب عنهم ..
ابو فيصل يكلم بنته : خلاص وانا ابوك فكري .. وبعدين عطي امك خبر ..لا خذتي قرار ..
ام راشد بحقد ( هذا اذا تم شيء هه ) ..
راشد يطالع في ريم باحتقار يبي يرد لها اللي سوته فيك لاكن مو عارف كيف ..
ريم ( ياربي هذا كل وجبه بيقعد يطالع فيني ) ..

ريم قامت من على الطاوله : الحمدلله ..
ام فيصل : وين ..ماكلتي شيء ..
ريم : لا الحمدلله شبعت ...
طلعت للمغاسل عشان تغسل يدها ..
راشد بسرعه وقف : انعم الله عليكم ..
الكل : بالعافيه ..

ريم تغسل يدها بالمغاسل اللي كانت جنب غرفه الطعام .. راشد دخل عليها ..وفك مويت المغسله اللي جنبها ...
ريم وجودهم هم الاثنين بمكان واحد خلاها تخاف منه ..
راشد بعد ماغسل يده .. بحركه سريعه فرط صنبور الماي من تحت .. الماي طشر على ملابس ريم بخفيف ... شوي وانكسر الصنبور من شده دفع المويه .. وصار الماي بقوته على ريم .. بلل ملابسها وشعارها وحجابها.. ريم تحاول تبعد الماي عن وجها .. تحط يدها قدام وجها ... راشد واقف يبتسم بسخريه .. رد لها نفس الحركه .. ريم تغرقت من المويه تحاول تطلع من المكان ..لاكن المويه كانت ساده طريق الطلعه ..
ابو راشد دخل المغاسل كان بيغسل ايده بعد الغداء .. لاكن شاف الماي ماليه المكان .. راشد اول ماشاف ابوه ..سحب ريم من يدها بقوه : ريم تعالي ..
ابو راشد : وش صاير ؟..
راشد يمثل دور البريء : مدري يبى انفلتت الحنفيه بيد ريم ..
ريم تطالع فيه ماتوقعته لهدرجه خبيث ..
ابو راشد يطالع بريم اللي كانت متسبحه بالماي : روحي بدلي ملابسك لاتمرضين ..
ريم طلعت من السيب اللي كان فيه المغاسل .. اول ماطلعت جاتها لفحت هواء من التكييف .. خلتها ترتجف بمكانها ..
راشد : لازم اكلم جمال يجي يصلح الحنفيه ..( جمال السباك ) ..
ابو راشد : ايه كلمه بسرعه لانغرق ..
راشد : طيب ...

*******************************

مشاعل سمعت صوت بالغرفه عند راكان ... دخلت عليه بسرعه .. شافته نايم ويتمتم في بعض الكلمات ...
مشاعل : راكان فيك شيء ..
راكان فتح عيونه ببطى : مين انتي ؟..
مشاعل : انا مشاعل ..
راكان حاول يقوم من السرير ... مشاعل مسكته علشان تساعده .. لاكن صرخت بقووه لما شافت راكان باسها : هي انت مجنون ..
راكان سحب مشاعل لسرير بقووه لما سدحها عليه ..
مشاعل : ابعد عني ياحقيييييييير ..
راكان بخباثه مسكها و ثبت يدها على السرير بيده : ههههههههههههههه ..
مشاعل تتحرك تبي تفلت منه ..تفله على وجهه اللي كان مقابلها : تفوو عليك ياواطي ..

**********************************

بعد الغداء ابو راشد وابو فيصل وزوجاتهم طلعو يريحون قبل صلاه العصر .... اما العيال والبنات كانو جالسين بالصاله ...
ريم بعد مابدلت ملابسها جات جلست معهم ...
ساره بترجي : راشد يلا عاد تكفى ودنا ..
راشد يطالع ريم بحقد : سوري مقدر ..
جود : طيب فيصل انت ودنا ...
فيصل : انا بطلع مع ابوي و عمي قبل العصر نكمل شغلنا ..
جود تلف على خالد : طيب انت ودنا ..
خالد : اولا سيارتي خربانه .. وثانيا وهو الاهم من امس مو نايم ...
جود : يانحسكم ..
ساره تضرب رجلها بالارض بزعل : اوف وش ذا الحظ محد بيودينا ...
دلال : مو لازم تروحين .. تذلين نفسك بالاخير شيء مب لك ..
فيصل عطا دلال نظره ( مدري على شنو ذا الغرور ) ..
ساره تكلم دلال : محد كلمك انتي ..( لفت على راشد ) .. راشد تكفى انت اخوي الحنون .. ودنا ..
راشد : اوكي ..ممكن اوديكم بس بشرط ..
ساره بدون لايقول شرطه : موافقه ..
راشد : انتي اسمعي الشرط شنو بالاول ..
ساره : شنو ؟؟..
راشد طالع بريم : ابي ريم تجي عندي وتطلب مني اوديكم ...
ريم بققت عيونها ..( تخسي الا انت ) ..
ساره طالعت بريم تشوف ردت فعلها ..

**************************

طلال حب راس ابوه : مع السلامه يالغالي ..
ابو مشعل : مع السلامه ...
وحب راس امه : مع السلامه يالغاليه ..
امه والدموع بعيونها : مع السلامه .. يما دير بالك على نفسك ..
طلال : انشاءالله لاتوصين حريص ..
ام مشعل : وكلمنا لي وصلت ..
طلال : انشاءالله ..
طلال وهو يلم اخوه : اشوفك على خير ..
مشعل : تروح وترجع بالسلامه ..
طلال : الله يسلمك ..
فرح ضمته بقووه : لاتنسى الهدايا لاجيت مره ثانيه ..
طلال : هههههههه طيب ..
طلال جر شنطته وعيون اهله عليه .. اشر بيده لهم قبل لايسكر الباب يعني مع السلامه ..

************************************

العنود حاضنه نوره وتبكي: بتوحشيني ..
نوره تمسح على ظهرها : كلها اسبوع وبشوفك .. لاتخليني اصيح ..
العنود تكلم بنات الدار : خلوكم مع نوره .. لاتتركونها بروحها ..
البنات : اكيد ..
نوره : يلا امشي اوديك للباب ..
وصلت نوره العنود لعند الباب ..ودعو حمده .. بعدها طلعت حمده والعنود .. نوره اول ماشافتهم سكرو الباب انفجرت الدموع اللي كانت ماسكتها قدام العنود

..

البارت العشرين ...

العنود حاضنه نوره وتبكي: بتوحشيني ..
نوره تمسح على ظهرها : كلها اسبوع وبشوفك .. لاتخليني اصيح ..
العنود تكلم بنات الدار : خلوكم مع نوره .. لاتتركونها بروحها ..
البنات : اكيد ..
نوره : يلا امشي اوديك للباب ..
وصلت نوره العنود لعند الباب ..ودعو حمده .. بعدها طلعت حمده والعنود .. نوره اول ماشافتهم سكرو الباب انفجرت الدموع اللي كانت ماسكتها قدام العنود ..

******************************************

في بيت ابو راشد ..

راشد : انتي اسمعي الشرط شنو بالاول ..
ساره : شنو ؟؟..
راشد طالع بريم : ابي ريم تجي عندي وتطلب مني اوديكم ...
ريم بققت عيونها ..( تخسي الا انت ) ..
ساره طالعت بريم تشوف ردت فعلها ..
الكل استغرب من طريقه كلام راشد .. اللي عمره ماكان يتكلم بهالحقاره ..ماعدا دلال اللي كانت متلذذه باهانته لريم ..
ساره : يلا عاد راشد ودنا بلا تشرط ..
راشد : نو ..اول شيء تجي ذي ( ياشر على ريم ) تعتذر على اللي سوته .. او ماراح اوديكم ..
ريم مستحيل تسوي ذا الشيء حتى لو كانت ملهوفه على شوفت خواتها ( ابقى افهم على شنو شايف نفسه هالادمي ) ...
ساره طالعت بريم اللي كان باين على وجها الكره ..ورجعت طالعت براشد : خلاص مو لازم ..
راشد : براحتكم ..( ودق جواله .. رد عليه بسرعه ) .. هلا والله .. باللي بيسافر وبيخلينا .. ههههههه لا اكيد .. بجيلك مافيها كلام ..
ريم تطالع فيه وهو يتكلم .. وكيف يضحك جالسه تتامل حركاته ..
راشد انتبه لنظرات ريم له : انشاءالله .. هههههههه .. بس اخاف المعجبات يلتمون حولي ويتركونك بالمطار .. تعرف المعجبات علي كثير... يبون فرصه عشان يناظروني ..( قالها وهو يطالع بريم ..يقصدها )..
ريم اول ماشافته يطالع فيها لفت عينها عنه ..
ساره تكلم ريم : اسفه ريم وعدتك ..اوديك ..بس زي مانتي شايفه محد فاضي .. وراشد صاير عنيد ..
ريم قالتها من وراء قلبها : عادي ..
راشد : يلا شويات ..واكون عندك .. مع السلامه ..
( بعد ماسكر من التلفون .. وقف ) ..يلا انا ماشي ..
ساره تطالع فيه بزعل .. راشد كان يبي يقهر ريم باي طريقه ..ارسل لها بوسه بالهواء .. بعدين مشى طالع من البيت ..
ريم اول ماشافته بيطلع خلاص وقفت وقالت بصوت عالي : انا اسفه ..
راشد توه بيفتح الباب وقفته كلمتها .. لف عليها و على وجهه ابتسامت نصر .. لاكن مع كذا مانشفى غليله .. رجع لها وقف قدامها ..ونزل اذنه لها .. حب يهينها اكثر: ايش قلتي ماسمعت ..
ريم نزلت عيونها عنه ..وشبكت يدينها بعض : انا اسفه ..
راشد هز راسه : اها امممممم .. والمطلوب الحين ..
ريم رفعت عينها بسرعه .. ليه يحاول باي طريقه يستفزها ويهينها ..هو عارف ليه تأسفتله بس قاصد يذلها اكثر يعني ...
ساره جات لمهم : راشد .. خلاص لاتزودها البنت واعتذرت لك ..
راشد ضرب جبهته .. يمثل انه تذكر شيء : اووه ..صح تبوني اوديكم ..
امممم اوكي يلا انا بروح السياره انتظركم..
وطلع وخلاهم ..
ساره لفت على ريم : ليه اعتذرتيله ..
ريم بحزن ماطالعت فيها : عشان العنود ..( وطلعت فوق تجيب عباتها ) ..
ساره تنادي جود : يلا جود تروحين معنا ..
جود وهي قائمه : اوكي ..
طلعو البنات يجيبون عباياتهم ..

**********************************

مشاعل : ابعد عني ياحقيييييييير ..
راكان بخباثه مسكها و ثبت يدها على السرير بيده : ههههههههههههههه ..
مشاعل تتحرك تبي تفلت منه ..تفله على وجهه اللي كان مقابلها : تفوو عليك ياواطي ..
راكان يقرب منها اكثر ...
مشاعل تناظره بخوف ...وش بيسوي ذا المجنون ..
راكان داخ وانبطح جنبها ..كان لساته في حاله سكر ..
مشاعل حطت يدها على قلبها : اشواا ..
بسرعه طلعت مفتاح من الباب وطلعت من الغرفه وقفلت عليه الباب من بره ...

************************************

البنات بعد ماركبو السياره كانت اخر وحده ريم .. ولانها منقهره من راشد ..ركبت وسكرت الباب بقووه ..
راشد انفجع من تسكيرتها ..وجه المرايا عليها : هي انتي .. بشويش على الباب .. ( وباستهزاء ) ادري عمرك ماشفتي مثل ذا السياره .. لو انكسر الباب .. لو ابيعك بكبرك ماجبتي ربع قيمته ..
ريم سفهته ولفت راسها على الدريشه تناظر الحديقه ..
ساره تناظر اخوها راشد ( لحول هذا وشفيه على البنت .. وش اللي غيرك ياراشد ) ..
جود : راشد ..
راشد وهو يحرك طالع من القصر : نعم ..
جود : ممكن تودينا السوبر ماركت ..
راشد بذوق : من عيوني تامرين امر ..
جود : ثانكس ..
ريم اخنقتها العبره ..ليه يعاملها وكانها نكره ..وجود يعاملها بادب وذوق وحب .. معنا الثنتين بنات عمه .. دخلت يدها من تحت الغطاء ومسحت دمعه صغيره نزلت بالغصب من طرف عينها ..

*************************************

طلال جالس بالكوفي شوب اللي كان بقاعه انتظار موعد انطلاق الطياره ..
ماسك جريده بيده واليد الثانيه كوب قهوه .. من زمان ماقراء الاخبار .. سمع صوت حرمتين داخلين الكوفي شوب ..بس مارفع عينه ..
حمده : لحظه ..يمكن احصل عندهم مويه ..
العنود تتلفت بتشتت تبي تحس بالاصوات اللي حولها كانت تسمع ضجيج من كل جهه : مدري ..
حمده : اسمعي اصبري هنا ..
العنود بخوف يصير لها زي المره اللي فاتت : لا بروح معاك ..
حمد : طيب ..
مسكتها من يدها ودخلتها لعند المحاسب : صديق في مويه ..
المحاسب : ايواا فيه ..كم يبغى ؟..
حمده : ثنتين ..
المحاسب : اربع ريال ..
حمده بققت عيونها : الله ..ليه ؟..المويه من عمرها بريال وش اللي غير ..
المحاسب : عشان هزا مهل ..في متار ..وفي ديكور واجد كويس ..( عشان هذا المحل ..في المطار ..وفيه ديكور حلو مكلف ) ..
حمده بعصبيه خفيفه : وانا وش علي من ديكوركم ..بشرب موي والا بتفرج على الديكور ..
طلال كان على نفس الحال مارفع عينه عن الجريده .. ابتسم على كلام الحرمه ..( شكلها مو شايفه هالاماكن كثير ) ...
المحاسب : خلاص ماما مايبقى روح مكان تاني ..( خلاص ماما ماتبغين روحي مكان ثاني
)..
حمده تنهدت : امري لله .. ( عطته الفلوس وخذت الماي ..وطلعو ) ..
طلال رفع عينه بيكلم المحاسب يجيب له الفاتوره .. لمح العنود وحمده ..تاملهم شوي ..بعدين ضرب راسه على خفيف : الظاهر من كثر مو ضميري مأنبني ..صرت اتخيلها بكل مكان ..

**************************************

راشد وصل ..وقف السياره بالمواقف .. قال لجود بابتسامه : ها جود ..شتبين اجيب لك والا تنزلين بنفسك ..
جود : بنزل ..
ساره رافعه يدها وشاقه الحلق : واحنا بعد بننزل ..
راشد وجهه كلامه لساره : انتي اوكي .. لاكن الخيمه المتحركه اللي جنبك بتضحك الناس علينا ..( كان يقصد ريم لانها لابسه عبايه راس وغطاء كامل موباين منها شيء ) ..
ريم ناظرت ساره : انزلي انتي انا ماراح انزل ..
ساره توها بتتكلم ..لاكن سمعت راشد يقول : يلا نزلنا ماعندنا وقت ..
ساره وجود وراشد نزلو السوبر ماركت .. اما ريم ضلت بالسياره ..
كانت تشوف الناس من الدريشه .. ولد شايل اكياس بيده وفرحان يركض فيهم للسياره .. وعائله كانو طالعين من السوبر ماركت شكلهم مشترين مقاضي للبيت .. وشخص مراهق كان جالس على الدرج وبيده زقاره .. واحد شايب كان ماسك كيسه شفاف داخلها خبز وزبادي .. تنهدت بالم ..

**************************************

ناصر بعد مارجع من الصلاه ...شاف فاطمه نايمه بطريقه غريبه على الارض .. كان نص جسمها بره الفراش ... والدواء بيدها ..
قرب منها بسرعه .. بخوف ..هزها بخفيف من كتفها : فاطمه ..فاااطمه ... فاااااطمه ..
فاطمه ..لارد ..
ناصر مسك يدها ..كانت بارده .. رفعه فوق حسها ثقيله ..معقوله تكوووون لااااااااااااا .. حركها باقوى ماعنده : فاطمه .. فاطمه ردي الله يخليك ..
ناصر يتامل عينها يمكن ترمش لاكن للاسف مارمشت .. حط يده على خشمها لاكن ماحس باي هواء ... حركها لاحياه لمن تنادي : فاطمه لاتسوين فيني كذا .. تكفين انتي وعدتيني ..نكون كل العمر مع بعض .. فاطمه انا مالي غيرك بالدنيا .. ( وبدا يتكلم مثل المجنون وهو يهزها ) .. انا زعلتك بشيء .. انتي اكيد تمزحين معي صح .. طيب ردي علي ..
لما ماشاف اي رد منها او استجابه .. حط راسها بحضنه .. وصرخ باعلى الصوت .. وعيونه تفجرت بالدمووووع : فااااااااااااااااااااااااااااااااااااطمه ...

***********************************************

ساره و جود ركبو السياره .. وراشد حط الاغراض بالدبه بعدين ركب ..
ساره تكلم ريم : عسى ماتاخرنا عليك ؟...
ريم : لاعادي ..
راشد لف عليها بسخريه : اسف لان ماجبنا لك شيء .. بس البنات ماعرفو شتحبين ..عاد انا قلت لهم جيبو اي شيء معكم .. لانه اكيد في اشياء كثير مو ذايقتها بحياتك ..
ريم بلعت ريقها بغصه .. وسكتت عنه .. تبقى هالروحه تعدي على خير ..
ساره : راشد شهالكلام ..( ولفت على ريم ) .. ريووم لاتصدقينه اصلا انا جبت لك معي ..
ريم فركت يدينها ببعض تطلع القهر اللي فيها : مو مهم ..
راشد شغل السياره و حرك ( هه .. يعني مو هامني .. قديمه ذي الحركات ) ..
جود مو عارفه ليه راشد ماخذ موقف من ريم .. لهدرجه .. يعني كانه يستقصد يأذيها ..

**************************************

جواهر كانت فاتحه ازرار القميص الازرق الخاص بالمستشفى .. وحاطه ولدها على صدرها ..
الدكتوره : ماينفعش كده .. لازم تهتمي بصحتك ونفسيتك .. عشان دا مهم للحليب ..وتأدري تردعي ابنك ..( ماينفع كذا لازم تهتمي بصحتك ونفسيتك عشان ذا مهم للحليب وتقدرين ترضعين ولدك ) ...
جواهر وكانت في قمه التعب ..وجها قالب للون الاصفر وعيونها الذبلانه ..طلعت هالكلمات بصعوبه : انا اهتم بنفسي زين يادكتوره ..
الدكتوره : لا الكلام ده مش صحيح .. شوفي ازاي مش ادره ..تطلعي كميه حليب كافيه لبيبي .. ( لا الكلام ذا مو صحيح شوفي شلون مش قادره تطلعين كميه حليب للولد ) ..
جواهر : اوعدك يادكتوره اهتم بنفسي ..
في هاذي اللحظه دخل سلطان ومعاه حافظه اكل كبيره ..وكيستين حطهم على الطاوله : السلام عليكم ..
الدكتوره : وعليكم السلام ..
جواهر ماردت ..
الدكتوره : انا زعلانه منك ياستاز سلطان ..
سلطان باستغراب : ليه ؟؟..
الدكتوره : ازاي مش قادر تدير بالك على قواهر ..دي حالته مش كويسه ..ودا حيدر على البيبي ..( شلون مو قادر تدير بالك على جواهر حالتها مو كويسه وذا حا يضر الولد ) ..
سلطان طالع بجواهر : وش فيك حبيبتي ...
جواهر بدون نفس : مافيني شيء ..
الدكتوره : لا دا انتي فيك كول حاقه .. على العموم حاكتب لك شويت مقويات ليكي ..( لا انتي .. فيك كل شيء على العموم بكتب لك شويت مقويات ) ..
كتبت الورقه وعطتها سلطان .. يجيبها من صيدليه المستشفى .. وطلعت من الغرفه .. سلطان جلس جنب جواهر ومسك ايدها : شفيك حبيبتي ..
جواهر اسحبت ايدها بقرف : مافيني شيء .. تصدق ذا العجوز المخرفه ..
سلطان : هالعجوز ..دكتوره اخبر مني ومنك ..
جواهر بعصبيه : اوهوو ..لاتقعد تحن فوق راسي ترا جد مالي خلق احد ..
سلطان : على راحتك ..

*************************************

دلال جالسه بالصاله لوحدها .. نزل فيصل من فوق كان لابسه فنيله وسروال بس ..
دلال اول ماشافته انفجعت ..حطت يدها على عيونها ..
فيصل لما شافها سوت ذي الحركه جلس على الكنب جنبه ..
دلال ابعدت يدها بشويش ..وشافته جالس قدامها : وش تحس فيه نازل كذا ..
فيصل ..حط ايده وراء راسه باريحيه .. وحط رجل على رجل : عادي اهم شيء اكون مرتاح ... >> ابو سروال وفنيله مايخلي حركاته -_-" ..
دلال : في احد يجلس بملابسه الداخليه .. قدام اهله ..
فيصل والموضوع ايزي : انتي قلتيها بلسانك اهلي .. ( وحط عينه بعينها ..وغمز لها
) .. بعدين راح تتعودين على الوضع ذا في بيتنا ياقلبي ..
دلال وقفت .. وحطت يدها على خصرها ..بقرف : نعم ..
فيصل : اللي سمعتي ..
دلال اشرت بيدها قدام وجهه : هي تراك زودتها ..
فيصل وقف وجرها من يدها .. لما لصقت بصدره..لان هو طويل شوي عليها ..ونزل راسه لها قال بين ضروسه بعصبيه : ايدك ذي لاعاد تحركينها قدامي ..عشان مكسر لك اياها ..( وضغط على يدها اكثر ) ..
دلال وعيونها دمعت من الالم : فكني ..
فيصل فك يدها ودفها بخفيف على وراء : عيديها وشوفي..
دلال قالت وهي تضغط على كف يدها بدلع : متوحش ..
فيصل يقلد دلعها بطنازه : ييااااي متوحش ..
دلال طيرت عيونها من حركته : ليه تعيب علي ..
فيصل حب يخوفها .. صرخ بوجها: بنات اخر زمن ..يلاااا..
دلال رمشت بخوف ورجعت على وراء ..
فيصل طلع فوق وهو ماسك الضحكه على شكلها ... << يابضاي *_* ..

****************************************

طلال يكلم جوال : ايه شوفني انا قدامك ... ها شوفني اشر لك .. ايوه هذا انه ..خخخخخخخ يلا تعال ..
طلال يشوف راشد مقبل عليه مع البنات : هلا والله ..
راشد ويلمه : هلا فيك .. وين مشعل ..
طلال : انا طلبت منهم .. محد يجي معاي ..
راشد بمزح : ياحنين .. يعني ماتقدر على الفراق ..
طلال يضحك : ههههههه شيء من كذا ..
راشد : متى طيارتك ؟؟..
طلال يطالع ساعته : امممم نص ساعه ...( وطالع بالبنات اللي واقفين وراى راشد ) ..ماعرفتنا على الحلوات اللي معاك ..
راشد طالعه بنص عين ..
طلال بخووف لايكفخه راشد : امزح ..امزح ..

ريم تكلم ساره بصوت واطي: ابقى اشوفها قبل لاتطير الطياره ..
ساره : اوكي ...

ساره تتنحنح : احم ..احم ..
راشد كان يسولف مع طلال ..لف عليها : خير ..
ساره : شسمه .. ترا نبي نروح نودع صاحبتنا .. يعني ممكن تستعجل شوي ..
راشد: طيب ...
( وطالع طلال ) .. تروح وترجع بالسلامه يالغالي ..ومعاك الشهاده اللي تشرفنا فيها ..
طلال يضمه بقوى : الله يسلمك .. انشاءالله ادعولي انتو بس ..
راشد : الله يوفقك .. يلا مع السلامه ..
طلال : الله يسلمك من كل شر ..
مشو البنات وراشد يدورون العنود ...

***************************************

نوره جالسه بالغرفه ..تتامل المكان حولها ..كل يوم عن يوم يقلون ..عمرها ماكانت تتوقع انهم يفترقون ..او حتى يكون لهم اهل .. مابقى احد معاها ..يونسها ويشاركها ايامها الجايه ... في هاللحظه عرفت احساس الوحده .. صعب حيييل صعب ... غمضت عينها وتذكرت وحده من مواقفهم في هذي الغرفه ..

ريم ماسكه شعر مشاعل : هههههههه صبري طيب ..هههه والله بيعجبك ...
مشاعل بدفاشه توخر يد ريم عنها : ياويلك لو طلع خايس ..
ريم : هههههههه طيب لحظه بس ..
نوره كانت ماسكه فرشه وتحط اللمسات الاخيره من الميك اب على وجه مشاعل : يلا انا خلصت ..
ريم تغمز للعنود بدون لاتشوفها مشاعل ...
العنود تحط المرايا قدام وجه مشاعل : الحين تقدرين تشوفين ..
مشاعل طلعت عيونها من الشكل اللي كانت تشوفه في المرايا .. شعرها كان منكوش ..وفيه مليون شباصه بجميع الالوان ..و جها ملخبط بالمكياج ..كان توحفه ..طالعت فيهم بعصبيه : ياحيواااانااات ..
البنات اشردو من الغرفه بسرعه وهم يضحكون : ههههههههههههههههه ...
مشاعل تركض وراهم بشكلها المخيف : والله اذا مسكتكم لالعب بوجيهكم زي ماسويتولي ...

نوره ضحكت بالم ..كانت ذكريات حلوه .. فجاءه حطت يدها على وجها وبدت تبكي .. كانت زي المجنونه تضحك وتبكي بنفس الوقت ..

*************************************

فرح : خلاص انتي قولي لخالتي تعتمد علي .. وماراح يصير الا اللي يرضيها .. اكيد ..افا عليك انا فروحه .. كل شيء اسوي يضبط .. طيب .. يلا باي ...

فرح بعد ماسكرت من دلال .. دقت رقم كان خارجي مكتوب بالدفتر اللي قدامها .. اضغطت السماعه ... وانتظرت يجيلها رد لاكن للاسف محد رد عليها ... دقت اكثر من مره ..نفس الشيء ماحصلت رد ...

**************************************

راشد : على اي رحله ؟..
ريم : المانيا ...
راشد : نفس رحله طلال .. هناك البوابه تعالو نشوف ..
البنات كانو يمشون وراه طول الطريق ساكتين .. اما ريم كانت تدور بعيونها عن العنود ..
خابت كل امالها لما ماشافتها .. تعبو من كثر الدواره والمطار كبير .. وزحمه .. وازعاج ..
فجاءه صرخت ساره بصووت عالي تنادي : العنووووووووود ..

الى هنا انتهى البارت ... القاكم في البارت القادم ...

راشد وتصرفاته مع ريم هل بتسكت عنه ؟؟...
فاطمه وش صار لها ؟؟...
طلال وضميره اللي يأنبه ومستقبله الجاي ؟؟..
جواهر راح تبعد عن راشد وترضى بقدرها وحياتها ؟؟...
العنود شنو دت فعلها لما تعرف انا ساره هي بنت عم ريم ؟؟..
فيصل وحركاته الغريبه مع دلال ؟؟..
مين صاحب الرقم اللي تدق عليه فرح .. وشنو اللي طلبته منها خالتها ؟

؟..

البارت الواحد والعشرون 00000
اسفه على التأخير لأكن الايام اللي فاتت كنت مشغووالأب اخترب 000
وهذا بارت طويل لعيونكم 00000

فجاءه ساره صرخت بصوت عالي : العنووو 0000العنود حنا هنا 0000
ريم التفتت للمكان اللي كانت تطالعه ساره ... شافت العنود ماسكه يد حمده واقفين جنب البوابة ينتظرون وقت ركوب الطياره ... صرخت بصوت عالي : ماما عنوود ... (وركضت لهم بسرعه ) ...
راشد بعصبيه يكلم ريم : هي انتي وين قاعدين رخي صوتك ....
ريم ولا كان احد يكلمها ركضت لعند العنود وركضو وراها ساره و جود .. حمده سمعت الصوت اللي كان ينادي من بعيد .. التفتت حولها وشافت البنات متجهين لهم .... ابتسمت وقالت العنود : في مفاجاءه لك ...
العنود ماكانت سامعه شيء .. عقدت حواجبها باستغراب : لي أنا ...
حمده. : إيه ..
العنود : شنو ..
ريم وصلت عندهم و كانت تتنفس بصعوبة من التعب ... ضمت العنود : عنود اشتقت لك ...
العنود كانت جئت ريم لها مفاجاءه ماتوقعت انها ممكن تجئ : ريووم هذا انتي حبيبتي وانا اكثر ....
ريم : الحمد لله لحقت عليك قبل لا تطير الطياره ...
جود تتنحنح : احم .. احم ..
ريم تذكرت : أوه .. نسيت أعرفك بنات عماني جود و ساره ... انتي تعرفينهم من قبل .. لأكن هالمره بعرفك عليهم على اساس انهم بنات عماني ..
حمده كانت عارفه ابتسمت لانها حست بفرحه ريم ... العنود : ما فهمت ..
ريم : ساره صاحبتي .. طلعت هي نفسها بنت عمي ...
العنود بصدمه : قولي والله ..
ساره تضحك : ههههههه مانتي مصدقه اسمعي صوتي ...
العنود : واااو شنو هالصدفه طول الوقت صديقات في المدرسة وطلعتو بنات عم بعد ...
ساره : أحلى صدفه ...
العنود : ايه والله ... وين جود ..
جود تمسك يدها : أنا هنا ..
العنود تسلم عليها : ياحظ ريم فيكم ...
ساره أنا اللي احسدها عليكم ...
حمده كانت وافقه على جنب بس لما سمعت ينادون المسافرين لان الطياره لتنطلق بعد ربع ساعه : عنود يلا مشينا ...
عنود ابتسمت للبنات : شكرًا لأنكم جيتو فرحتوني بجيتكم ...
ساره : هذا واجبنا .. توصلين بالسلامه ...
العنود : الله يسلمك ...
ريم ضمتها ثاني مره وقالت بصوت مخنوق : ترجعين لنا بالسلامه ....
العنود : الله يسلمك ...
جود : يالا شدي حيلك نبيك ترجعين تشوفين أحسن من اول ...
العنود بابتسامت الم : انشاء الله ...
بعد ما سلمت على البنات ... ريم سلمت على أمها حمده ودعتها وصتها على العنود .... العنود مسكت يد حمده عشان توجها بالطريق ... لأكن قبل لا تمشي قالت لريم بدون لات طالعها لانها ماكانت عارفه مكانها : اذا شفتي مشاعل سلمي لي عليها وقولي لها اشتقت لها حيل ....
ريم عارفه انها ماراح تشوفها قالت لها بحزن : انشاء الله يوصل ....
مشت العنود طالعين من البوابة وكلها امل انها ترجع لهذا المكان وهي تشوف ....
ريم كانت عينها على العنود وتراقبها لما طلعت من البوابة .. لمت يدها على صدرها وقالت من قلب : الله يحفظك ياختي ....
ساره تاشر برأسها لريم : يلا مشينا ...
ريم : يلا ...
رجعو للمكان اللي كان واقف فيه راشد ... كان يطالع بريم بكره وعصبيه ... ريم ماكانت حوله تدعي لأختها العنود انها ترجع بالسلامه وترجع تشوف .. وترجع حياتها مثل اول ....
راشد باستخفاف يطالع بريم : ما بقيتو توقعتكم بتنامون هناك ...
جود : عادي راشد ما طولنا ...
راشد : ايه ابد ... يلا قدامي نرجع للبيت ...
طلعو من المطار وركوب السيارة متوجهين للبيت .... وطول الطريق راشد يحاول يتحرش بريم .. لأكن هي مؤ ملقيته سالفه ... مخيلته يقول اللي يبي ... وساره مستغربه من شخصيت راشد الجديدة اللي عمره ماشافته قاسي كذا ... كانت تحاول هي و جود انه يخف عن ريم ... لا كن هو عنيد وخلاص حطها برأسه ...

************************************************** ********************

في الطياره .....

حمده تعطي المضيفه رقم الجلوس عشان تعلمها مكانهم : تفضلي ....
المضيفة طالعت بالرقم شوي ...بعدين قالت : انتي هنا (تقصد حمده .. أشرت لها على كرسي كان بالصف الثالث ..) ... اما انتي ( تقصد العنود ) ...تعالي معاي مكانك هناك بالأخير شويه ...
حمده : لا كيف أنا بمكان وهي بمكان .. إحنا حاجزين مع بعض ..
المضيفة : ايواا ..حتى ولو مؤ شرط تكون أرقام الجلوس الكراسي اللي جنب بعض ...
حمده : لأكن هي ماتشوف ولازم اكون جنبها لو احتاجت شيء ...
المضيفة : إحنا هنا بخدمتها اذا احتاجت شيء كلنا حولها ...
حمده : طيب مانقدر نبدل الاماكن ...
المضيفة : لا للأسف القوانين مانقدر نتخطاها ... على العموم تقدري ترتاحي .. عشان أشوف الركاب الثانين و لا تخافي أنا بجلسها بمكانها بنفسي ...
العنود مسكت يد أمها حمده : لا مابي ماما خليك معي ...
حمده بيأس : شسوي يما شفتي حاولت معها تقول مايصير .. لاتخافين أنا حولك ...
العنود بقله حيله : طيب ..
مسكت يدها المضيفة عشان توديها لمكانها ....

طلال كان جالس جنب دريشه ويتأمل شكل الغيوم بسما ... كان منظر رائع وكانها مختلطه مع بعض مثل القطن .... وكل غيمه كانت بشكل وبعضها مختلط بالثاني .. كان حاط شنطته الصغيرة على الكرسي اللي جنبه ... لان ماحصل احد جالس عليه ....
المضيفة ماسكه العنود : لو سمحت ..
طلال لف عليها : نعم ...
المضيفة : ممكن تبعد الشنطه ..
طلال طالع في العنود مشبه عليها ( معقوله هذي هي ....لا وش هالصدف اللي بكل مكان أكيد تتهيئلي ..من كثر ما فكر فيها ) ...
قطعت تفكيره المضيفة : لو سمحت ..
طلال انتبه لها .. وشال الشنطه حطها بحضنه : أسف ..
المضيفة جلست العنود في مكانها وبعدها راحت تكمل شغلها ... العنود مغصها بطنها اكثر لما عرفت من كلام المضيفة انه اللي جالس جنبه رجال مش حرمه ....
طلال كل شوي يلف عليها يبي يتأكد هذي هي والا يتهيء له ... قام يوسوس بكل شيء ...

************************************************** *******************

فرح بعد ما سكرت من ماجد اللي كانت تكلمه لها اكثر من ساعه ... خلاص أدمنت مكالمتها معاه .. صار صوته مثل الدواء بالنسبة لها يكلمها باليوم اكثر من خمس مرات وهي ماتمل منه بالعكس كل يوم تتعلق فيه اكثر صار شيء مهم في حياتها ... مسكت جوالها الثاني اللي تستخدمه للمهمات السريه .... دقت نفس الرقم الخارجي .. اكثر من مره ونفس الشيء محد يرد عليها .. توها بتسكر ...لأكن جاها صوت ذكوري غليض نبره صوته توحي بانه رجل مهم له شخصيه قويه : الو ..
فرح اول ما سمعت صوته ابتسمت بخبث : الو .. انت بندر ال ....
بندر استغرب من صوت اللي تكلمه لانها عمره مامر عليه هذا الصوت ... هو مايرد على أرقام غريبه ...لأكن إصرار اللي متصل عليه خلها يشك انه احد من أهله : ايه .. من معي ...
فرح وبدت تمثيليتها الشيطانيه : أنا .. اممممم ... تقدر تقول فأعلت خير وحابه أساعدك ...
بندر ضيق عيونه بتفكير : تساعديني بشنو ....
فرح : .. أنا الصراحة اعرف امك سيده مهمه بالمجتمع ولها مكانتها بين الحريم والكل يشهد بأخلاقها و ونفس الشيء أبوك رجال له هيبته وكلمته المسموعة بين الرياجيل ... تاجر معروف بالبلد ... وانا ماودي أنه كل اللي بنوه بسنين ينهدم بغلطه منك ...
بندر ماكان عنده صبر : الزبده ...
فرح : البنت الي خطبتها ... استغفر الله العظيم ياربي ... بنت تمشي بطريق خطا وسيرتها على كل لسان ... وانا لو مؤ امك تهمني واعرف انها إنسانه طيبه وعلى نياتها .. ماكان اتصلت فيك ....
بندر بعدم تصديق : انتي كذابه ... وحركآتك ذي قديمه ..
فرح : هذا جزاتي خائفه على سمعتكم وأبقى أنبهكم من اللي بتطحيون نفسكم فيه ...
بندر : البنت أمي واثقه منها ... طيب شنو دليلك ...
فرح : أوكي .. اذا حاب دليل أنا مستعده أوريك إياه ..
بندر بعصبيه : اذا كان معك الدليل كلميني غير كذا لا تدقين ...(وسكر بوجها ) ...
فرح بعد ماسكر بوجها رمت الجوال على السرير: ووجع ... طيب واللي يخليك تشيلها من بالك ...

************************************************** ********************

ريم وساره وجود اول ماوصلو طلعو على غرفهم ... اما راشد لما شاف أمه جالسه بالصاله الداخليه جلس جنبها ...
ام راشد تطالع براشد داخل عليها : أنتو جيتو ..
راشد يرمي نفسه على الكنب بتعب : تو وصلنا ..
ام راشد : من بدايتها أبوك خلاك سواق للهانم الله يستر من الجاي ...
راشد : أنا وديتهم بمزاجي ...
ام راشد : ايه واضح .. المهم ماعلينا مارديت علي بموضوع بنت خالك فرح ...
راشد طالع بأمه يعني مؤ وقته : يمه ..
طالعته بتهديد ...
راشد ما عنده خيار ثاني : خلاص سوي اللي يريحك ...
ام راشد بفرحه : ايه هذا ولدي اللي اعرفه ... خلاص بعد ملكت أختك .. يكلم زوجه خالك ونتفق على موعد الزواج ..
راشد وهو قائم الموضوع غير مهم له : اللي تشوفينه .. يلا أنا بروح أريح هذي قاعدتي من الصبح ..
ام راشد على طول امسكت سماعه التلفون : الله معاك ...

************************************************** **

ناصر كان ينتظر الدكتور يبيه يطمئنه على فاطمه ... كان يمشي بالسيب رائح جاي ... مثل المجنون يرقع راسه بالجدار يصفق بيده .... يكلم نفسه ... فاطمه كل شيء بحياته هي هله وناسه .... شلون ممكن يعيش العمر من دونها ... لا مستحيل ... كان يتحمل هموم الدنيا عشانها ...

طلع الدكتور وباين على وجهه الارتباك ...
ناصر بلهفه تقدم عنده : ها دكتور بشر ؟؟...
الدكتور حط يده على كتف ناصر : كلنا ماشين بذا الطريق ...
ناصر أنشل بمكانه ولسانه ثقل : ي ..يعن.. يعني ...كيف ؟؟ ....
الدكتور : ادعي لها بالرحمه ... دقات قلبها كانت واقفه قبل لا يجيبها الإسعاف حنا حاولنا كثر مانقدر ننقذها لأكن .. هذا يومها مقدر من عند رب العالمين ..
ناصر كان في حاله صدمه ما قدر يتكلم بولا حرف واحد ... الدكتور تركه لانه تعود على ردود الفعل اللي كذا ... ناصر رمى نفسه على الارض .. طاح على ركبته نزل راسه بكى .. ايه نعم بكى مثل طفل صغير يبي امه ... رفع راسه شاف الممرضات طالعين من الغرفة يدفون سرير فاطمه وجهها مغطى بالشرشف الابيض .. وقف بسرعه فتح وجها وبدا يكلمها كانها تسمعه : تركتيني يا فاطمه تركتيني .... مين لي بعدك يا فاطمه مين ...مؤ حرام عليك.. (وضرب صدره بقوه ) ليه ...ليه ...
الممرضات أبعدوه عنها ودخلوها ثلاجة .. عشان يكملون إجراءات الدفن ...

************************************************** **

راشد كان مار من غرفته شاف خالد طالع من غرفه ريم ضحك بسخريه : هه عرفت تلعبها صح هذا ما صار لها يوم وهي مكوشه على الكل .... طلعت أمي صادقه ...
ودخل غرفته عشان ينام ويصحى قبل لا يأذن المغرب ...
خالد دخل غرفه ساره : ما لقيت شيء ...
ريم بخوف : والله شفته كبير ...
خالد : يمكن طلع من البلكونه ... لأني قلبت الغرفة وما حصلت شيء ....
ريم : مدري بس خائفه يطلع لي فجاءه ...
ساره : خلاص ريوم نامي عندي ... لما يجئ أبوي ونقوله ...
ريم : طيب ...
خالد : يلا أنا طالع تبون شيء ...
جود بترجي : خالد تكفى طلعنا اليوم بلييييز ...
خالد : أشوف اذا طلعت سيارتي ...
ساره : عادي خذ سياره راشد ...
خالد : يصير خير ...

************************************************** **

ام فيصل تكلم ام بندر : ايه والله حبيت أخبرك البنت موافقه ...
ام بندر بفرحه : هذي الساعه المباركة أنا بنتك تصيري زوجه ولدي ونصير اهل ...
ام فيصل تحس انها مرتاحه لهالعائله : تسلمين يأم بندر واحنا نتشرف نناسبكم ...
ام بندر : خلاص اجل بنخلي الرياجيل يتكلمون مع بعضهم .. وخير البر عاجله ..
ام فيصل : على بركه الله ...

************************************************** *

مشاعل جالسه على الكرسي مقابل لباب الغرفة اللي كان نائم فيها راكان ... خائفه مؤ عارفه شنو ممكن يسوي لها بعد. اكثر من اللي سواه ... ودها تطلع من الفندق لأكن وين تروح ... ترجع بيت أمها لا خطر عليها ممكن يجونها الشرطة وخصوصا انه مكان مشبوه فيه ... ترجع الدار عند خواتها .. لا يمكن ماراح يستقبلونها بعد الكلام اللي سمعتهم إياه ... هي اللي طلعت من كيفها ... كيف ترجع له ... أمها شنو صار عليها ما تدري صح. أمها غلطانه لأكن مهما يكون ذي أمها ... قطع تفكيرها هزت يد الباب ...
راكان وهو يحرك يد الباب يحاول يفتحه : مشاعل ... وينك الباب مقفول ....
مشاعل رجعت على وراء بخوف ... ومسكت السكين بيدها ... عشان لو سؤالها شيء تدافع عن نفسها..
راكان بصوت اعلى : مشااااعل ... افتحي الباب ...
مشاعل استجمعت قوتها وقالت بصوت عالي عشان يسمعها : ماراح افتح خلك محبوس ..
راكان استغرب من كلامها : ليه بس ...
مشاعل بقهر : بعد كل اللي سويته و تقول ليه ...
راكان يحاول يتذكر : أنا أيش سويت ...
مشاعل باستهزاء : مسكين يا بريء ..
راكان : والله ماتذكر شيء ...
مشاعل : كنت تبي تعتدي علي .. وكنت سكران بعد ..
راكان طق راسه ( ياغبي ): أسف مشاعل هذاك قلتيها ماكنت بوعيي ...
مشاعل : خيبت ظني فيك ... توقعتك بتحميني .. وكنت انت اول واحد يأذيني ..
راكان : افتحي الباب طيب خل اتفاهم معاك ....
مشاعل بعناد : لا ...
راكان : أسمعني أنا ماكنت بوعيي حتى ماتذكر شنو سويت بالضبط ... أنا أسف و ادري أني غلطان ... أوعدك اطلع من هنا و لا أجي الا لما تبين شيء ...
مشاعل : وانا شي ضمني اذا طلعت ماتسوي لي شيء ...
راكان : اللي خلاك توثق ين فيني قبل راح يخليك توثق ين فيني الحين ...
راكان ماسمع صوتها ... شوي ونفتح الباب له ..
مشاعل حاطه يدها على خصرها : تقدر تروح ... بس اذا حاولت تقرب مني ... صدقني بتندم ...
راكان خذه أغراضه وطلع من الجناح بسرعه وماله وجه يطالع فيها ... كان كل اللي يسويه عشان توثق فيه لاكنه هدم كل الثقه ...

************************************************** ***

ابو فيصل : الله يوفقك يابنيتي..
جود بحياء : امين ..
ساره : مبروووك مقدما ( رفعت يدها لسما ) .. عقبا لنا يارب ..
ابو راشد يضحك على خبال بنته : شف قليله الحيا هههههههه ...
ريم تضحك بصوت واطئ على ساره ...
ابو فيصل لف على ريم وهي تضحك : عقبالك ريم ...
ريم ابتسمت لعمها ...
راشد بسخريه : لا انشاء الله المعرس مضمون لريم ...
التفتو عليه ...
ابو راشد بمزح : جايب لها معرس ..
راشد يطالع فيها بنقزه : لا ما يحتاج أجيب لها ... هي بنفسها تجيبه لها ( يقصد خالد ) ...
ابو فيصل : وش تقصد ...
راشد يصرف : لا يأعم انت اقصد انها حلوه وأخلاق الف واحد يتمناها ...
ام فيصل : ايه والله صادق ...
ريم من نظرات راشد لها فهمت انه يلمح لشيء لاكنهامافهمته .....
خالد : ها بنات تبون نطلع ..
ساره : يس وأخيراااا ...
جود بفرحه : اكيييييد ...
ابو فيصل : وين بتوديهم ؟ ...
خالد : هم طلبوني امشيهم ...
ابو راشد : معليه اهم شيء انتبه لهم ...
خالد انشاء الله ..
ساره : نبي نروح جيان ...
جود : لا الراشد ..
خالد : ريم وين تبين ؟ ...
راشد كان يراقب حركاتهم و نظراتهم لبعض ...
ريم ان حرجت لانها ماتعرف اماكن كثير : عادي كيفكم ...
خالد : يلا اجل .. تجهزو اذا طلعنا نتفق ...
راشد وقف وقال : لااا ....
الكل التفت عليه باستغراب ...

الى هنا انتهى البارت .... توقعاتكم للبارت القادم .

..

البارت الثاني والعشرون ...

خالد : ريم وين تبين ؟ ...
راشد كان يراقب حركاتهم و نظراتهم لبعض ...
ريم ان حرجت لانها ماتعرف اماكن كثيره : عادي كيفكم ...
خالد : يلا اجل .. تجهزو اذا طلعنا نتفق ...
راشد وقف وقال : لااا ....
الكل التفت عليه باستغراب ..
راشد : انتظروني .. بروح معكم ..
ريم بنفسها ( ياربي ..الله يصبرني كل شوي بيقعد يهزئني عندهم ) ..
خالد : مو تقول عندك شغل من شوي ..
راشد : لا ..
خالد : الا من شوي قلت العشاء ابي اروح للشركه بجيب ملفات اشتغل عليهم ..
راشد بارتباك : ها ..لا تذكرت اني سويتهم من قبل .. ( وبتصريف ) انت وش عليك والا ماتبيني اروح معكم ..
خالد : لا عادي حياك الله ..
راشد طلع يبدل ملابسه ..ونفس الشيء البنات ..

************************************************** **

نوره جالسه مع البنات .. مو عارفه شتسوي حاسه بملل فضيع وغريب..
كانت جالسه مع خواتها بالدار .. جالسه بجسد ...لاكن عقلها وروحها معاهم ( اقصد ريم ومشاعل و العنود ) ..

************************************************** **

في الطياره .. حمده كل شوي تلف على الكراسي اللي وراء وتطالع في العنود اللي باين انها مو مرتاحه ..

طلال يكلم العنود : تبين شيء المضيفه واقفه ..
العنود منزله راسها .. هزته بهدوء ..يعني لا ...
طلال : جيبيلي عصير برتقال ..
المضيفه : حاضر ..
طلال يكلم نفسه ( ياربي شنو هالصدفه .. وجالسه جنبي بعد .. انا لازم اعتذر لها عن المره اللي فاتت .. لالا فشله .. يوووه طول الفتره اللي فاتت ضميري يأنبني والحين اقول لا ... لازم اعتذر خالص تعبت ) ..
طلال تنحنح شوي بعدين قال : احم .. لو سمحتي ..
العنود ماردت .. لانها تحسب يكلم احد ثاني وهي طبعا ماتشوف اللي يكلمها ...
طلال بحيره من امره مايعرف اسمها وهي ماتشوفه كيف يناديها توهق : ايه انتي اللي جنمبي ..
العنود لفت وجها على جهه الصوت اللي سمعته اللي هو صوت طلال : انا ..
طلال اول ماشافها لفت ضاع الكلام .. كانت ملامح وجهه بريئه وحركاته عفويه وباين على وجهها الارتباك : ايه ..
العنود : شنو ؟ ..
طلال : ايه .. شسمك ؟..>> مافي اسلوب -_-"..
العنود : ليه ؟..
طلال : عشان اناديك فيه ..
العنود : العنود..
طلال : العنود .. انا بقولك شيء مهم .. اتمنى تفهميني ..
العنود استغربت شنو الشيء المهم اللي بيقوله لها .. وهي توها جالسه جنبه ..

**************************************************

في السياره عند خالد و راشد و ريم وساره و جود ..

راشد : لف هنا بسرعه ..
خالد بارتباك لف السياره بسرعه مكان ماشر له راشد : وين بتودينا ..
راشد : انت امش و ماعليك ..
خالد : نشوف ..
ساره وجود وريم جالسين وراء جنب بعض وراشد وخالد قدام ..
ساره تساسر ريم : تتحدين انه بيودينا مطعم هندي ..
ريم طالعت فيها بتعجب .. قالت بصوت واطي: شدراك ؟..
ساره : اخوي راشد يموت بالاكل الهندي الحار ..
ريم كانت جالسه بالكرسي اللي وراء راشد على طول ..( حتى اكله يحبه حار .. طلع مو بس هو حار ) ..
جود : بليييز خالد ودنا ماكدونالدز ..
خالد ويناظر بالطريق ويتبع ارشادات راشد : والله مدري عن ولد عمك وين بيودينا ..
جود : اذا ماعجبني المطعم .. ترجعوني مكدونالدز ..

بعد دقايق من اتباع خالد لارشادات راشد بالطريق وصلو للمكان كان مطعم ( كوين اوف انديا ) بالخبر ..
نزلو من السياره .. ساره عطت ريم نظره بمعنى كلامي طلع صح .. ابتسمت ريم من تحت الغطاء ..
دخلو للمحل وجلسو في طاوله لستت اشخاص .. عشان السعه .. المطعم كان حلو وراقي ومرتب ..
جاهم الجرسون .. راشد طلب لهم على ذوقه ..

بعد ثلث ساعه كان مالذ وطاب من الاكل موجود قدامهم .. مقدم بطريقه مشهيه وانيقه .. مزين بالالوان مصفوف باتقان .. وباشكال مختلفه .. الاكل في الاطباق كانه مرسوم على لوحه .. باختصار غايه في الروعه ..>> طاحت سعابيلي على فكره D: ...

ساره تطالع بالاكل وتستنشقه .. مو قادره تقاوم : الله رشوود ريحته تشهي ..
راشد نفخ ريشه : تفضلو ..

الكل مد ايده وعم الصمت بالمكان .. كانت صوت الملاعق تحتك بالاطباق هو اللي مالي المكان ..

************************************************** ************

بندر يكلم امه ..

بندر : يما تكفين تاكدي لاتوهقيني ..
ام بندر : انا واثقه من اختياري .. وبعدين هذا كلام ناس حاسده لاتصدقه .. مو انت اللي قلت خطبيلي على ذوقك ...
بندر بحيره : ايه يمه .. انا واثق باختيارك وعارف انا نظرتك ماتخيب .. لاكن ..
ام بندر : لا لاكن ولا هم يحزنون .. اذا بتسمع لكلام الناس راح تتعب يما ..
بندر : على رايك .. انشاءالله خير .. انا بجي قبل الاسبوع الجاي .. عشان نروح لبيت زوجه المستقبل ( قالها بدون نفس ) ..
ام بندر : انشاءالله ياوليدي و صدقني .. انا متاكده راح تعجبك البنت ..
بندر : الله يسمع منك .. يلا مع السلامه ..
ام بندر : بحفظ الله .. يما ماوصيك انتبهك لنفسك .. ودق علينا طمنا عليك .. وكل كويس .. ها يما .. ولاتنسى تتغطى عدل ..
بندر ابتسم وهو يسمع كلام امه اللي تعود عليه .. التوصيات اللي ماتخلص .. فكر بينه وبين نفسه ممكن يلقى زوجه مثل امه بكل مواصفاته .. لو يحصلها راح يكون سعيد طول حياته ..

************************************************** ********

في الصاله بالقصر .. باقي العائله كانو مجتمعين فيها ..

ابو فيصل : ليه مارحتي معهم ؟...
دلال : مابقى ..
ابو راشد يمزح معها : اذا بقيتي تطلعين من يوم ورايح خذي راي فيصل لانه هو المسؤل عنك الحين ..
فيصل ابتسم بخبث هالكلام جاء من عمه بوقته عشان تنقهر دلال ..
دلال مببقه عيونها : نعم ..
ابو راشد : ايه هو خطيبك وكلها كم يوم بيكون زوجك ..
دلال : اذا باخذ اذن من احد فهو انت الله يطول بعمرك غير كذا لا ( وطالعت بفيصل يعني فهمت ) ..
فيصل يبي يثبت لها انه يقدر يامر وينهي عليها قال : قوم جيبي لي عصير ..
دلال طالعت فيه : خيرر ..
فيصل : وياليت يكون برتقال .. انا طالع فوق ياريت تلحقيني فيه .. وماابي الخدامه تجيبه لاني ماحب الخدامه تجيب لي شيء ..( وطلع فوق ) ..
دلال حطت المخده بحضنها و سكتت بعناد ..
ابو راشد : ماسمعتي ولد عمك وش قال ..
دلال قامت بتافف : طيب ..

************************************************** ****

طلال : العنود .. انا بقولك شيء مهم .. اتمنى تفهميني ..
العنود استغربت شنو الشيء المهم اللي بيقوله لها .. وهي توها جالسه جنبه ..
طلال توه بيتكلم الا جات المضيفه ومعها الغداء ..
المضيفه تفتح الطاوله للعنود وتحط عليه صحن الاكل و عطت طلال نفس الشيء .. بعدها دفت العربانه وخلتهم ..
طلال : الغداء قدامك ..
العنود توهقت لانها ماراح تعرف تاكل براحتها وهو جنبها ومافي احد يدلها ..
طلال بتردد : تبين اساعدك ..
العنود : لا انا مو جوعانه مره ( كانت تكذب من داخل معدتها بتتقطع من الجوع ) ..
طبعا انتو مستغربين اللي بالطياره يتغدون واللي بالسعوديه يتعشون .. بسبب اختلاف التوقيت بين البلدان .. في السعوديه بالليل .. اما بالطياره كان التوقيت على العصر وكل مابعدو يقل الوقت ...

طلال جلس ياكل بصمت وخلاها على راحتها ..
العنود كانت متوهقه بطنها بداء يطلع صوت اكيد يسمعه طلال .. بدت تتلمس الاغراض اللي قدامها لما وصلت لصحن .. وبدت تاكل على خفيف .. تاخذ شيء بسيط بالملعقه لانها مو شايفه شنو بالضبط وتدخله من تحت الغطاء بشويش .. و تتذوق ...
طلال كان يحاول يلف عليها كل شوي .. يترقب حركاتها .. لاكنه مسك يدها بسرعه لما شافها بتكب العصير بدون لاتحس .. العنود اول ماحست بيد مسكت يدها .. ارتعش جسمها بخوف .. طلال كان لام يدها الصغيره الناعمه البارده بيده الكبيره ..
طلال : انتبهي العصير قدامك ..
العنود اول ماعرفت انه هو اللي ماسك يدها سحبتها بسرعه ..
طلال باحراج : اسف .. بس خفت تكبينه عليك ..
العنود متفشله : لاعادي ..
طابت نفسها من الاكل وتركت كل شيء زي ماهو لما جات المضيفه وشالته ..
طلال مو عارف كيف يتصرف .. هذي اول مره يتعامل مع شخص اعمى وخصوصا انها بنت لو رجال كان اهون عليه ..

************************************************** ******************

دلال دخلت غرفه فيصل بعد مادقت الباب .. كانت الغرفه بارده .. فيصل كان منسدح على السرير يقراء كتاب اول ماشافها مقبله عليه .. رفع عينه وطالعها شوي بعدين نزلها .. دلال واقفه بكاس العصير .. فيصل رفع عينه مره ثانيه .. اشر لها بصبعه يعني حطيه على الطاوله اللي كانت جنبه .. دلال ودها تنتفه على حقارته لو مو ابوها كان من زمان ذابحته ..
فيصل : بطولين طالعين فيني ..
دلال حست على نفسها لانها كانت تطالع فيه بقهر .. لفت بسرعه عشان تطلع لاكن سمعته يقوول ..
فيصل : سكري الباب عدل ..
دلال بالقهر سكرت الباب باقوى ماعندها شوي و بينكسر ..
فيصل اول ماطلعت مات ضحك .. لانها طرطعت وهذا هو اللي يبيه ..

************************************************** ************

قد يكون هناك انسان ..
تتمنى انك لم تعرفه يوما ما ..
ليس لكرهه .. ولاكن لانك ..
تخاف فراقه ..

هذا كان حال راكان مع مشاعل ..
كان جالس على البحر وفاتح ابواب السياره وحاط المسجل على اغنيه ماجد المهندس احبك مووت ومعلي الصوت على الاخير ...

أحبك موت .. كلمة مالها تفسير
وألين اليوم مدري كيف أفسرها
لأني من عرفتك وأنا أحسك غير
مثل روحٍـ(ن) لقت روحٍـ(ن) تدورها

كان يطالع بعيد .. لاكن بدون مايناظر بشيء .. سرحان مع كلمات الاغنيه .. ويفكر بمشاعل .. معقوله يكون يحبها بس عمره ماجرب الحب .. ولا عارف كيف يكون ..

كأني روضتك وأنت سحابة خير
وصوتك لا هما روحي أبشرها
معك صار الغلا أجمل بلا تقرير
لان الناس للناس الله سخرها

الشيء الوحيد اللي رجع فيه الفرحه من جديد .. هو وجود مشاعل بحياته .. فكر بحياته شوي شكثر هي ممله .. وبدون هدف .. سهر ولعب وسكر .. هذا كل اللي يسويه كل يوم .. بدون اي حكمه .. معقوله يخسر مشاعل .. ويرجع وحيد من جديد ..

كبير أنت في قلبي وفعيوني كبير
تغار العين من قلبي وأصبرها
وهو باسمك أساساً مع غلا وتقدير
ونفسي في حلالك كيف أخيرها ؟؟

لكلٍ وصف وعندك يعجز التعبير
تعبت أتخيل أوصافك وأصورها
في قلبٍـ(ن) من طبع مينك يافال الخير
وأنا الفرحه مع أنفاسي أكررها

كلامك عذب ولحروفك عليّ تأثير
مثل ياعونك اللي من تعبرها
أحس من شوقي ودي آخذك وأطير
وألف الدنيا بإحساسك وأعطرها

نعم لعيونك اللي مايصير يصير
أجيب النجمه لو بالك تصورها
وحتى النجمه لو جاتك بها تقصير
أسافر للسما لأجلك وأغيرها

فكر و فكر وفكر .. على صوت الاغنيه لما تعب من التفكير قام من مكانه وشغل السياره وحرك لمكانه المعتاد مع شله السوء .. زي مايقولون ذيل الكلب يضل عوج ...

************************************************** ************

في المطعم بعد ماخلصو من الاكل طلبو لهم نوع من انواع الحلى الهندي ..

خالد يمسح على بطنه : لا الاكل شيء ..
راشد : قتلك بيعجبك ..
خالد : اي والله عجيب ..
ساره : بس الحلا مره حالي ..
راشد : ايه الحلويات الهنديه تجي حاليه بزياده .. ها ماقلتي لنا رايك جود ..
جود : Really delicious ( لذيذ حقا ) ..
خالد : ريوم ماسمعنا صوتك والا ماعجبك الاكل ..
راشد ( ريوم شهالميانه ) : اكيد بيعجبها هي وين شايفه هالاماكن ..
ريم ( ابتدينا ) : الحمدلله .. مشكورين ..
خالد : وين تبون نروح الحين ..
ساره : انا خاطري اركب دبابات ..
خالد : بذا الوقت ؟..
ساره : حلاته عشان محد يشوفنا .. وناخذ راحتنا اكثر ..
جود : ييييييييس ..
رراشد : يلا في مكان اعرفه حلو للدبابات ..
خالد : مشينا ..
طلعو من المطعم متجهين .. للمكان اللي قال عنه راشد ..

************************************************** ***********

مشاعل كالعاده ماعندها الا التلفزيون .. كانت جالسه عند التلفزيون وحاطه بحضنها صينيه الاكل .. وجالسه تتابع فلم على ام بي سي اكشن .. اشتاقت لايام العربجه .. ومندمجه معاهم .. وكل ماسوو حركه .. نقزت ولفت بتلقايه معهم .. اندق جرس الباب ..

من زود الغباء افتحت الباب بسرعه لانها كانت مركزه مع الفلم .. حتى ماسالت مين ولا حطت شيء على راسها ..
دخل بسرعه .. وحط ايده على فمها عشان ماتصارخ .. مشاعل رجفت بيد ايدينه .. حاولت تفلت منه .. اضربته برجلها .. بس ماتعور .. سكر الباب وراه .. شخص اول مره تشوفه بحياتها .. مين ذا و شنو يبي منها ..هذا كل اللي جاء بالها

************************************************** **********

راكان جالس مع اصحابه .. نغزه قلبه فجاءه ...
جابر : شفيك اليوم مانت على بعضك ..
راكان حاط يده على قلبه بعدم ارتياح : مافيني شيء ..
جابر : لا اليوم مو عاجبني .. حتى ماشربت ..
راكان : مالي مزاج ..

************************************************** ******

ناصر كان يمشي بالشارع مثل المجنون .. او نقدر نقول مجنون .. كانت السيارات موقفه لان الاشاره حمراء ..
وقف قدام سياره بيضاء .. ودق القزازه .. فتح له الشخص اللي كان يسوق السياره : الله يعطيك ..
ناصر بضحك هستري وحركات شخص فاقد عقله : تحسب ابس فلوس هههههههه مابي فلوس والله ..
الشخص : اجل شتبي ؟؟..
ناصر : بقولك سر بيني وبينك ..
الشخص عرف انه من المتخلفين اللي يعيشون بالشوارع : شنو ؟؟..
ناصر قرب منه اذنه وقال بصوت واطي كان في احد بيسمعهم : زوجتي ماتت ..
الشخص هز راسه باسف : لا حول ولا قوه الله بالله .. الله يعينك ..
ناصر ميل راسه بتعابير وجه غريبه مخلوطه بالم على فرح على جنون ..
الشخص حرك السياره لما شاف النور الاخضر اعلن الانطلاق وخلاه ..

هذي كانت حاله ناصر يمشي بالشارع ويدق السيارات يعلمهم بوفات زوجته .. مثل المجنون .. بعضهم يسمعه كلام بذيء ويحتقره .. لاكنهم ماحسو بمشاعر لو كانو مكانه يمكن سوو اكثر من كذا .. وبعضهم يحزن عليه .. ويقوله كلمتين تجبر خاطره .. لاكن اي كلام ممكن يمحي القدر ويبعد مر الايام .. وبعضهم يصوره .. ناس قليله عقل .. تحب تنشر ماساءه غيرها ..

************************************************** ***

عند الدبابات كل وحده من البنات ركبت واحد .. ماعدا خالد وراشد اللي اكتفو انهم يطالعونهم من بعيد ... ريم ماكانت حابه تركب لانها ماتعرف .. بس ساره اصرت عليها .. وراشد عطاها دباب كبير عشان تتوهق فيه ..

ريم متوهقه بالدباب اول مره تركبه خالد علمها عليه لاكن حتى ولو هي ماتعودت ... تشوف جود و ساره يمشون من جنبها باحتراف .. طايرين من الفرحه .. وبحركات سريعه ..

************************************************** ***

في الصاله في القصر ابو راشد وابو فيصل وام فيصل كانو بالصاله ماعدا الباقين كانو في غرفهم ..

ام فيصل تناظر في ساعتها اللي بيدها : مو كانهم تاخرو ..
ابو فيصل : لاتو الناس ..
ابو راشد : صار لهم 4 ساعات طالعين حتى مادقو .. اتصل عليهم يا راشد خل نطمن ..
ابو فيصل : طيب ..

************************************************** *

ريم كانت ضاغطه على البنزين على اخر شيء وجايه على جهه خالد و راشد .. من الخوف نست شنو اللي يضغط البريك ... خالد كان ياشر لها من بعيد .. اللي جنب يدك اضغطي .. بس هي متوتره .. وموقادره تشيل رجلها عن البنزين .. تحس نفسها انشلت عن التفكير والحركه ... راشد وخالد لما شافوها جايه جهتهم وباقوى ماعندها بعدو عنها كانو يصارخووون لها باعلى صوت عشان تضغط على البريك ... وجود وساره نزلو من دباباتهم .. يطالعون فيها بخوف ...

راشد بصرااخ وعصبيه : يالغبيه .. اضغطي اللي جنب يدك ..
خالد : شيلي رجلك وراح يوقف بشويش ..

ريم كان قدامها طعس كبير .. لما تعدت راشد و خالد .. كانت ملتفته تطالعهم .. لاكن فجاءه طرااااااااااااااااااااااااااااااااااااخ .... تدربت على الطعس بقووه .. والدباب لف .. وابتعد عنها لما انقلب ... بسرعه ركضو لها بخوووووف ...

الى هنا انتهى البارت .. القاكم في البارت القادم ...

توقعاتكم للبارت القادم ..

بندر وخطبته من جود ؟؟..
ريم وش صار لها ؟؟..
العنود ورحلتها اللي شبه مشؤمه ؟؟..
نوره وعاصفه الملل اللي جاتها ؟؟..
ناصر والحاله اللي هو فيها ؟؟..
فرح وراشد بيتحددموعد زواجهم ؟؟..
جواهر وين اختفت وهل ممكن ترجع ؟؟..
الشخص اللي دخل على مشاعل منهو هو ؟

؟..

البارت الثالث والعشرون

بارت مليء بالاحداث .. وطويل لعيونكم على تاخيري الكثير ...

بسرعه ركضو لها بخوووووف ... ريم كانت تتنفس بسرعه .. على رغم الظلمه اللي كانت حولهم .. الا انه باين تعابير وجها الالم والخوف .. عبايتها قلبت للون الرصاصي من الغبار لانها تشقلبت على الرمل .. يدينها ورجولها متجرحه .. وتحت شايفه شويه دم ... اول شخص ركض لها بسرعه خالد .. بحركه عفويه نزل لها ومسك ايدها بحنان : ريم صار لك شيء ..
ريم الطيحه كانت قويه لاكن الحمدلله جت سليمه مجرد رضوض وجروح خفيفه هزت راسها بالم : لا ..
راشد وقف جنبهم .. اول ماشافها عوره قلبه وبنفس الوقت انبئه ضميره لانه هو احد اسبب هالحادث .. لاكن مسرع مارجع الغرور والحقد لما شاف خالد ماسك يدها .. قال باستهزاء : هه لاحقين على هالسوالف ..
ريم طالعته بعد مابعدت يدها عن خالد .. ناظرته باستفهام .. ليه يعيد ويزيد بنفس الموال .. وش يقصد ..
راشد ظل يناظرها وهو رافع حاجبه ... كانت لمعت عيونها تبرق .. مليانه دموع .. كانت تتالم .. لاكن صابره عشان اللي حولها مايخافون اكثر .. راشد سرح يتاملها ..( مهما سويتي .. مراح تكونين بريئه بنظري .. مساكين اهلي انغشو فيك.. انا الوحيد اللي اعرفك على حقيقتك ) .. قطع تفكيره .. لما شاف ساره وجود يبكون بخوف على ريم ..

ساره تبكي وترتجف بخوف : والله اسفه ريووم .. انا اللي خليتك تلعبين غصب ..
ريووم تحاول تكون اقوى معنها تحس بالم فضيع بظهرها : لا عادي .. شوفيني ( ترفع يدها ) مافيني الا العافيه .. بس جروح خفيفه ..
جود : طيب قومي نوديك المستشفى نطمن عليك ..
ريم تحاول تقوم بمساعدت ساره : لا الحمدلله مايحتاج ..
ريم بعد ماقامت نفضت عبايتها من الغبره .. ولفت حجابها بطريقه ارتب .. ومشت قدامهم متظاهره بالقوه ..

رجعو للبيت بعد ماحاولو بريم انهم يودونها المستشفى لاكنها رفضت ... دخلو البيت واول ماشافو ابو راشد وابو فيصل ريم بهالحاله وقفت قلوبهم لاكن بعد ماعلموهم بالسالفه وتطمنو على ريم .. ارتاحو شوي ..

************************************************** ******************

دخل بسرعه .. وحط ايده على فمها عشان ماتصارخ .. مشاعل رجفت بيد ايدينه .. حاولت تفلت منه .. اضربته برجلها .. بس ماتعور .. سكر الباب وراه .. شخص اول مره تشوفه بحياتها .. مين ذا و شنو يبي منها ..هذا كل اللي جاء بالها ..

جلسها على الكرسي بقووه .. وحط يدينها وراها .. قرب وجهه منها : مابي اسمع صراخ لان ذا مو من مصلحتك ..
مشاعل بنظرات خوف : انت مين وش تبي ؟..
الشخص : اوكي راح اجوبك .. بس نتفق بالاول .. انك تسمعيني للاخير و صدقيني مراح أذيك ابد ..
مشاعل بلعت ريقها .. لاكن مافي يدها غير انها تنصت له وتشوف اخرتها : طيب ..
الشخص بعد عنها وعطاها ظهره .. حط يدينه بجيبه : اسمي مو الحين تعرفينه .. اما بالنسبه شنو ابي ..( لف عليها ) ابي اتزوجك ..
مشاعل استغربت من كلامه على طول كذا : شنو !!..
الشخص : اللي سمعتيه .. لاكن زواجك مني راح يكون هو الطريقه الوحيده انا امك تطلع من السجن ..
مشاعل : امي !!..
الشخص : ايه امك طبعا .. اذا تبينها تطلع .. واتوقع امك شيء مهم بالنسبه لك ..
مشاعل : انا وش دخلني فيها .. اتزوجك واضيع مستقبلي عشانها ..
الشخص رفع كتوفه : مدري .. اعتبري هالكلام عرض .. اذا وافقتي عليه ( رمى عليها كرت فيه ارقام ) اتصلي علي بعد يومين .. اما اذا كان ردك العكس فشقي الكرت .. واعتبري انك ماشفتيني .. بس بالنهايه لاتكابري انا عارف شنو تعنيلك امك .. يلا سلام...( فتح باب الجناح بيطلع .. لاكنه تذكر شيء ..لف عليها ) صح .. ابقى هالشيء يكون سر بينا .. فمان الله .. ( طلع و سكر الباب وراه ) ..

مشاعل مسكت الكرت وطالعت فيه بحيره .. بعدين طالعت بالباب .. ( يااااارب خلاص تعبت .. من حال سيء لاسوء .. انا صدق احب امي لاكن ماابي .. اخسر كل شيء عشانها .. بعد اللي سوته .. لاكن بالنهايه هي امي و اتمنى لها كل خير .. انا استاهل كل اللي صار لي ... وينكم ياخواتي .. تهونون علي حياه المر اللي انا عايشتها ... اخخ بس ) ...

************************************************** ***************

طلال كان طفشان .. وحاب يفتح اي سيره معاها .. خصوصا انها كسرت خاطره : انتي رايحه دراسه ...
العنود فز قلبها من صوته الحنون .. تحس انه رجال طيب .. ودها لو انها مفتحه وتشوف ملامحه .. قالت بصوتها الناعم الهاديء: تكلمني ..
طلال لف عنها يطالع الغيوم من الدريشه : ايه ..
العنود مو عارفه كيف تتصرف اول مره تتكلم مع رجال : لا انا لسه بالثانويه العامه .. بس مسافره للعلاج ..
طلال لف عليها من كلمت علاج : ليه وش فيك ؟..
العنود ابتسمت على سؤاله : يعني مو شايف اني عمياء ..
طلال : اها .. ( سكت شوي بعدين قال ) .. اكيد الحرمه اللي كانت معاك امك ..
العنود .. انحرجت من سؤاله .. اكتفت باجابه وحده : ايه ..
طلال : الله يخليها لك ..
العنود : تسلم ..

************************************************** ************

يوم جديد يطل على ابطال روايتي ..

ساره تسحب بطانيه جود : قومي يالنوامه .. الساعه 7 الا ثلث ..
جود بنوم اسحبت البطانيه و رجعتها عليها : اممممممم ..
ساره : بتفوتك الجامعه .. كيفك احنا بنمشي ... بااااااااي ..

ساره نزلت لدور التتحتي ودخلت غرفه الطعام .. الكل موجود على الطاوله حتى راكان اللي فطر بسرعه وطلع ... وجلست بطفش : مو راضيه تقووم ..
ام فيصل : صارلي ساعه وانا اقومها .. شسوي بهالبنت اذا نامت ماقعدت ...
خالد وهو قايم : خلاص يما انا طالع فوق اصحيها ..
ام فيصل : لاتنزل الا لما تصحى ..
خالد : انشاءالله ..
ساره وقفت فجاءه وسحبت يد ريم : يلا ريووم ورانا مدرسه ...
ريم بانصياع وقفت معاها ..
ابو راشد : انتي وش فيك .. خلي البنت تفطر ..
ساره تتكلم والاكل بفمها : مابي نتاخر ..
ام راشد : لاتتكلين والاكل بفمك الله يلوع تسبدك ..
ساره تبلع اللقمه بسرعه : يلا سلام ..( وسحبت ريم معاها ) ..

راشد بنفسه وهو يطالع فيهم وهم طالعين من الباب (مدري على شنو مستعجله )...

ام راشد : ها يابو راشد وش سويت لتجهيزات الملكه ..
ابو راشد : والله اسالي فيصل هو اللي يحضر ..
فيصل يوجه الكلام لام راشد : معليش ياخاله .. انا جهزت كل شيء .. وبعدين الملكه عائليه .. يعني لاتعبين عمرك ..
ام راشد منقهره على بنتها : حتى ولو .. انا بنتي غاليه علي .. وابي افرحها .. مب قاطينها ..
فيصل يطالع دلال اللي كانت ساكته : لاتخافين دلال غاليه علي .. وكل شيء راح يكون حسب الاصول .. وماراح تطلع من هنا الا معززه مكرمه ..
ام راشد باستغراب : تطلع من هنا ..
فيصل يطالع عمه : ماقلت لهم ياعمي ..
ابو راشد تذكر : اووه صح نسيت ماقلت لك يام راشد .. فيصل لاخذ دلال انشاءالله يبي يسكن مع زوجته بلحالهم ...
ام راشد بعصبيه : بس انا بنتي ماتعودت تبعد عني ..
ابو راشد بسخريه : هه بعيد عنك .. انتي طول وقتك بره البيت .. واذا جيتي ياعند التلفزيون والا نايمه ..
ام راشد طاح وجهها من كلام ابو راشد خصوصا انه قاله لها قدام حصه ( ام فيصل ) ..
ابو راشد يكمل : بعدين الراي الاول والاخير لزوجها هو اللي يقرر وين يعيشون فيه ..
دلال سحبت شنطتها بقهر اللي كانت معلقه بالكرسي .. وعطت نظره حقد لفيصل ..
ابو فيصل : وين وانا عمك .. ماقلتي لنا رايك .. قولي لاتستحين .. ماراح يصير الا اللي تبين ..
دلال لفت على عمها .. بعدين طالعت في فيصل وقالت بغصه : انا وين مايبي زوجي اعيش فيه .. راح اعيش معاه ..( قالت هالكلمات بقهر) ...
فيصل كان يطالع فيها وفي عيونها اللي باين عليها بتبكي لاول مره كسرت خاطره .. حس انه شكثر قاسي عليها ..
ابو راشد بفخر : كفو والله يابنتي هذا الكلام السنع ...
دلال : انا رايحه الكليه ..( لمت كتابها اللي كان بيدها على صدرها ومشت طالعه من الباب ) ..

خالد دخل عليهم .. وجلس على الكرسي بطفش : مابقت تقوم ..
ام فيصل : خلها على الله .. انا كل يوم اتعذب معها لما تصحى ...

دلال اول ماطلعت من باب القصر جلست على الدرج وتركت لدموعها الحريه انها تنزل ... ابوها اول مره بحياته يكون قاسي عليها .. ويرغمها بشيء هي ماتبي ... فيصل اللي كل يوم تكرهه اكثر هو سبب تعاستها .. ندمنت على اللحظه اللي تعرفت فيها عليه قبل لاتعرف انه ولد عمها .. تحس نفسها وحيده رغم الناس اللي حولها ... الوحيده اللي ممكن تقولها كل شيء هي فرح .. لاكن فرح مو فاضيه لها دائما .. بكت بكل الم وحقد وكره للفيصل .. ماتدري زواجهم بيتم والا لا .. ماتعرف كيف راح يكون معاها .. اذا الحين يعاملها بقسوه .. كيف اذا صارت زوجته .. تمنت انه مايجي ذا اليوم .. لاكن قرب موعد ارتباطها في اكثر انسان تكرهه .. خلاص مابقى الا خمس ايام على الخميس وتتم الملكه .. كانت محتاجه احدد تفضفض له وتبكي على صدره .. مين ذا الشخص ... امها عمرها ماراح تفهمها لانها مايهمها الا المظاهر .. ابوها هو اكثر شخص مؤيد .. اختها اصلا هي ناسيه انا عندها اخت .. اخوانها كل واحد بهمه ...
لا لحظه في يد كانت اقرب منها ... وشافت كل دمعه نزلت من عيونها ... وكل اه طلعت منها ...
فيصل قرب منها وطى نفسه لها .. مسك ذقنها الناعم بيده ورفع عينها له .. قال بصوته الرجولي الحنون : شفيك ؟..
دلال في هذي اللحظه كانت تبي كلمه وحده بس تواسيها انفجرت بكي ...
فيصل جلس جنبها مسك يدها .. وطالع فيها : ليش تبكين ؟...
دلال منزله راسها والدموع مثل النهر وحده وراى الثانيه تطيح بحضنها ... ماجاوبت عليها اكتفت بالسكوت ...
فيصل رفع وجها للمره الثانيه بس هالمره بيدينه الثنتين ... دلال طالعت فيه وهي على نفس الحال تبكي ب
صمت ... فيصل توه بيتكلم ...
خالد واقف على الباب يطالع فيهم بضحكه : بدري على ذا الحركات ياهووه .. ( صفر .. وغمز لاخوه ) ..
فيصل باحراج تنحنح : احم ..انت من متى هنا ؟؟..
خالد يغمز له : منذ مبطي هههههه ...( وهو نصاب توه جاي ) ..
دلال شالت شنطتها وقامت ... ركبت مع السواق اللي كان بالسياره ينتظرها ... فيصل انقهر من اخوه ...

************************************************

مشاعل طلعت من الفندق حصلت راكان بالسياره ينتظرها زي ماقال لها بالمكالمه ... فتحت الباب اللي وراء و ركبت بهدوء ..
راكان حرك السياره بدون لا يتكلم بولا حرف .. اكتفى بسرقه نظراات لها من المرايا بدون لا تحس ..
وصلو لعند المدرسه نزلت مشاعل قالت بصوت واطي : اليوم اطلع الساعه وحده وربع ...
راكان ماسمع وش قالت .. بس هز راسه يعني طيب ..

ساره كانت واقفه تنتظر ريم تنزل من السياره بققت عيونها لما شافت السياره اللي كانت مقابله لهم فيها اخوها راكان : ريوووم شوفي لايفوتك ..( تاشر على السياره ) ..
ريم تلبس الشنطه : شنو ؟..
ساره : رفعي راسك .. شوفي هناك ..
ريم رفعت عيونها .. وشافت مشاعل نازله من السياره ..
ريم ببرود : ايواا هذي مشاعل ..
ساره بصدمه : احلفي !!..
ريم : ليه مستغربه .. انا ونوره شفناها قبل كذا نازله من سيارت اخوك ..
ساره : وش دراك انها مشاعل ..
ريم : ميشو اعرفها حتى لو كانت لابسه عبايه ..
ساره فاتحه فمها بذهول : وش علاقتهم بعض ..
ريم : مدري علمي علمك ...( ومسكت يدها ) يلا بس خل ندخل وقفتنا هنا غلط .. السواق مشى ...
ساره مشت مع ريم وكلها استغراب .. وعندها فضول تعرف وش علاقت راكان بمشاعل ...

************************************************

راشد ماسك الاوراق ويكلم المدير المالي لشركه : لاكن يابو عبدالله المشروع مكلف .. واحتمال نجاحه 25% .. يعني قليل .. وهذي مخاطره ..

ابو عبدالله ( المدير المالي لشركه اللي يديرها راشد ) : لاكن لو نجحنا في ذا المشروع راح يكون الربح اضعاف الاضعاف ...

راشد بتفكير : اممممم خلاص عطني كذا يوم افكر واستشير الوالد وارد لك خبر ..

ابو عبدالله : طيب .. يلا انا استأذن ..
راشد : اذنك معك ...
طلع ابو عبدالله من الكتب .. ودخل على طول فيصل ...
وصل لعند مكتب راشد وحط ورقه قدامه : محتاجين توقيعك ..
راشد بدون مايطالعه وقع الورقه ...
فيصل : لحد الحين زعلان علي ...
راشد لارد ..
فيصل : تر احنا عيال عم مهما يكون .. وعايشين بيت واحد ..
راشد ابتسم بسخريه : شكرا لانك ذاكر ذا الشيء ..
فيصل تنهد : مو ناوي تسامحني ..
راشد : يهمك ذا الشيء .. ماخلاص اللي تبي صار ..
فيصل بشك : وش قصدك ؟..
راشد طالع فيه : اقصد انك صرت ذراع اليمنى لابوي .. وكلها كم يوم وتاخذ دلال .. يعني ضمنت نفسك ..
فيصل استفزه كلام راشد : انت يطلع من هالكلام .. انت ياراشد تفكر كذا ..
راشد : والله هذا اللي واضح ...
فيصل : انت عارف انك انت اللي عينتني بالشركه عند عمي عشان تتفضى للشركه هنا .. وبالنسبه لزواجي من دلال هي اللي .. ( مسك لسانه باخر لحظه لايفضحها ) ...
راشد : هي شنو ..
فيصل يصحح غلطته : هي مالها دخل ... بنت عمي وابي اتزوجها .. مافي أي شيء من اللي تفكر فيه ...
راشد بلا مباله : في شيء ثاني حاب تقوله ...
فيصل طالع براشد باستغراب : ايش اللي غيرك ياراشد ماكنت كذا ...
راشد طالعه بدون أي رد ..
فيصل خذا الورقه وطلع .. هذا مو راشد اللي عرفه كل شيء فيه متغير .. وكانه مال من حياته ...

**********************************************

في الطياره .. كان الكابتن يكلم الركاب قبل لحظه هبوط الطياره بدقائق ...

الرجاء من الركاب ربط الاحزمه لموعد هبوط الطائره في المانيه تحديدا في ميونخ بقياده الكابتن ... الخ ..

العنود تتلمس الكرسي عشان تعرف مكان الحزام ...
طلال اشر للمضيفه عشان تساعد العنود بربط الحزام ...
جات لها المضيفه وساعدتها بربط الحزام وراحت ..

بعد ماتاكدو من ان الركاب ربطو الاحزمه .. وخذو باحتياطات الامان ... هبطت الطياره لميونخ .. ثالث اكبر المدن في المانيا الجميله ..
بعض المعلومات عن مدينه ميونخ ب المانيا :..
هي ثالث أكبر مدن ألمانيا و عاصمة ولاية بافاريا. تقع المدينة في جنوب ألمانيا على نهر إيزار على بعد حوالي ساعة بالسيارة من جبال الألب. تدعى أحيانا بالعاصمة الخفية لألمانيا.
يبلغ عدد سكانها حوالي 1,27 مليون نسمة (إحصاءات عام 2005). موقعها المميز في وسط أوروبا، جعلها عبر التاريخ محطة و مركز مهم في القارة.
اليوم تشكل ميونخ باقتصادها، إحدى أغنى مدن ألمانيا وأقواها اقتصادا. بها مقر عدد من الشركات والمصانع الألمانية المهمة،

نرجع لرواياتنا ...

هبطت الطياره بسلام .. وبدو الركاب ينزلون تدريجيا ...
كان من ضمنهم العنود اللي جاتها حمده ونزلو مع بعض .. و طلال .. كلن راح لوجهته .. هنا كانت نهايه لقاء العنود وطلال .. ماندري يمكن الايام تجمعهم مره ثانيه .. ويمكن لا ...

*************************************************

في المدرسه بعد مادق الجرس .. اعلن ابتداء وقت الفسحه ..
ريم بشوق طلعت من الفصل ... متجهه لفصل نوره ... وكلها شوق لشوفت اختها ... دخلت الفصل طالعت بكرسي نوره لاكن ماحصلتها خابت كل امالها .. بس شافت انسانه ثانيه تعزها .. كانت جالسه جنب كرسي نوره ...
مشاعل رفعت عيونها وطالعت ريم .. نظراات كلها شوق ومحبه .. نظرات فيها كلام كثير ... ريم حست في نظراتها .. صارت حافظه كل وحده من خواتها .. تعابير وجهم لما يكونون مبسوطين او حتى حزينين .. و نظراات مشاعل مامرت عليها .. قست قلبها ولفت عنها بتجاهل ..
مشاعل بعد ماشافت ريم طلعت من الفصل بدون لاتعبرها .. فتحت المقلمه وطالعت بالكرت .. هذي المره الالف اللي تشوفه فيها .. كل شوي تطالعه وتسرح بتفكيير ..

ريم توها بتدخل فصلها بس شافت نوره واقفه على الباب ومعطتها ظهرها ... الظاهر كانت تسأل عنها ... لمست كتف نوره ... نوره لفت بسرعه لما حست احد لمسها .. واول ماشافت ريم صرخت بفرحه وضمتها : يالدبه ..
ريم ضمتها اكثر : مالت عليك يالعصلا ..
جاتهم ساره : احم احم نحن هنا ..
ريم بعد ماوخرت عن نوره : ياشين الغيره ...( تذكرت شيء) .. اوه نسيت اعرفك نوره .. ساره ب
نت عمي ..
ساره رفعت كتوفها بفخر ..
نوره بحلقت عيونها بفهاوه : كيف يعني ؟..
ريم : تخيلي ساره طول هالوقت تطلع بنت عمي .. لما رحت مع اعمامي البيت اكتشفت انها تطلع بنت عمي سعود ..
نوره بفرحه : والله ..( وضمت ساره ) ياحظك ريووم ..
ساره بمزح : احم شسمه خنقتيني ..
نوره بحزن : والله الدار من دونكم مو حلو ...
ريم : العنود مادقت ..
نوره : لا مادقت ...
ساره : انشاءالله توصل بالسلامه ...
نوره وريم : انشاءالله ...

**********************************************

في المانيا ..
عند حمده والعنود .. كان ينتظرهم سواق خاص عند بوابه المطار .. ركبو معاه .. اخذهم لاحد الشقق المفروشه اللي طبعا حجزها لهم صاحب الدار .. دخلو الشقه .. كانت شقه انيقه ومرتبه .. وفيها بلكونه تطل على مناظر غايه في الروعه .. والاحلى من كذا انا الجو كان جناان .. والاهم من كذا انها جنب المستشفى اللي راح تتعالج فيه العنود .. دخلو اغراضهم .. جلست العنود في البلكونه .. كانت تحس بلفحات الهواء الي كان يتداخل بين خصلات شعرها ... ويلاعب خدها الناعم ... كانت تحس بروعه المكان على الرغم انها ماتشوفه ..

*************************************************

فيصل جالس بالمكتب فاتح الملف قدامه لاكن باله كان بشيء ثاني ... سرحان يفكر بدلال ... كان عنده فضول يعرف ليش كانت تبكي الصباح ... ( هالبنت رغم غرورها وعنادها الا انا نظرات عينها تقول غير كذا ... اخ منك يادلال محد بيوديك بداهيه الا غرورك ) ...

************************************************

طلال دخل غرفته ... في مبنى سكن الطلاب .. اللي كان في احدا المستشفيات الفخمه في مدينه ميونخ ... حط شنطته باهمال على الارض ونقز على السرير بتتتعب سحب الفراش .. ومن بعدها راح في سابع نومه ..

**************************************************

في مكان يخيم عليه جو النكد .. كان صوت الصرااخ طالع من شقتهم كالعاده ..

جواهر تمشي بعصبيه : لا يعني لا ماتفهم انت ...
سلطان بعصبيه خفيفه : جواهر لا تعانديني ...
جواهر : مو بكيفك اللي ابيه انا هو اللي يصير ...
سلطان : جواهر لاتحسبين تعاملي معك باحترام يعني خوف منك ... لا ... بس لاني احبك وماودي يكون بينا حواجز .. فاقصري الشر وخليني اخذ الولد لامي ..
جواهر جلست على الكنب بعناد وحطت رجل على رجل : ولدي ماراح يروح لامك عجوز قريح ... وبنشوف كلام مين اللي بيمشي ...
سلطان ضرب ايده بالجدار بعصبيه غمض عينه ... اخذ نفس طويل .. وتعوذ من الشيطان اخذ مفاتيحه وطلع ... لين متى و هم على هالحال زهق من حياته الممله اللي كلها هواش ونكد ... جواهر تحاول تسوي أي شيء عشان تخلق مشكله من ولا شيء ... صح يحبها و بنت عمه ... وصيت عمه ... لاكن خلاص مو قادر يتحمل اطباعها ... ثلاث سنين وطلعت براسه الشيب ... كيف راح يعيش معاها اكثر من كذا ...

************************************************

بعد انتهاء الدوامات ....

ابو راشد وابو فيصل رجعو بسياره وحده ... والشباب كل واحد بسيارته ...

كان ابو فيصل يسوق السياره بهدوء مركز بالطريق والصمت يعم السياره ... فجاءه اشر ابو راشد : وقف .. وقف .. هنا بسرعه ..

ابو فيصل ضرب بريك في نص الطريق بخوف : شفيك ؟؟ ..
ابو راشد ياشر له على جهته : شف ذاك ..
ابو فيصل : مين ؟..
ابو راشد بعدم صبر : ذاك اللي جالس على الرصيف ...
ابو فيصل وجه نظره لشخص كان جالس على الرصيف بطريقه غريبه .. في حاله مزريه .. ملابسه متبهدله وسخه .. وشعره منكوش و مغبر .. دقق في ملامحه ... كانت ملامحه مو غريب عليه : مين ذا ؟..
ابو راشد : ماعرفته ذا ناصر فراش الشركه عندنا ... وانا اقول له كم يوم ماداوم ..
قطع حديثهم صوت البواري المزعج .. وبعضهم يسب بكلام بذيء... شكل الناس معصبه .. لانهم ماخرين السير ..
ابو فيصل : الله يهديك بس خليتنا نوقف بنص الشارع ..
ابو راشد وعينه على ناصر : طيب امش ولف عنده ..
ابو فيصل وهو يحرك : طيب ..

ابو فيصل اخذ لفه لما وصل عند ناصر وقف السياره جنب الرصيف نزل ابو راشد لناصر قال بصوت مسموع : ناصر ..
ناصر رفع نظراته على ابو راشد .. كانت عيونها ذبلانه وكانه مو نايمه من شهور وجهه شاحب .. لف عنه كانه محد يكلمه ..
ابو راشد : ناصر شفيك .. ليه مسوي بنفس كذا ..
ناصر لف عليه وبداء يبكي مثل الاطفال : ماتت ..
ابو راشد باستغراب : مين اللي ماتت ؟..
ناصر : زوجتي فاطمه ماتت ..
ابو راشد حزن على حالته : لاحول ولا قوه الا بالله .. الله يرحمها .. ( مد يده له ) ..قم معي وانا اخوك..
ناصر هز راسه يعني لا ...
ابو راشد : يا رجال كلنا ماشين بذا الطريق وماب
اقي الا وجهه الكريم .. انت كذا تعذبها ... خلك صبور هذا اختبار من رب العالمين ...
ناصر : ماعاد لي احد بهالدنيا ابقى عشانه ..
ابو راشد : واحنا وين رحنا ... حنا هلك ..
ناصر سكت ..
ابو راشد سحبه من يده بقووه .. ناصر ماقاوم .. بحركه بسيطه وقف مع ابو راشد بعد ماوساه بكم كلمه فتح السياره وركبه معاهم ...

*************************************************

دلال تلف حجابها طالعه من الجامعه ... لاكن صوت فرح من بعيد وقفها ...
فرح تلهث بتعب : اه .. زين لحقت عليك ..
دلال : شفيك ؟..
فرح : استني بروح معك ..
دلال : حياك الله .. قلتي لخالتي ..
فرح : ايه .. السواق جاء لاني ميته من الحر ...
دلال : ايه بره ينتظر ..
فرح : اجل يلا مشينا ...
طلعو من الجامعه رايحين لبيت ابوراشد ...

*************************************************

ابو راشد يوجه الكلام لام راشد : الرجال بيجلس بالملحق اللي جنب البوابه .. ابي كل شيء يوصله على اكمل وجه ...

ام راشد بنغزه : بيتنا صار مفتوح لكل من هب ودب ...

ابو راشد : انا اللي اقرر هنا ..

حصه تحاول تغير السالفه : ياحرام والله كسر خاطري الله يرحم زوجته .. ويصبره ذا المسكين ...
ابو فيصل : أيه والله ..اصعب شيء بذا الدنيا الوحده ..

راشد : يبا هو ماعنده عيال ..

ابو راشد : والله مدري .. فشله اساله الحين كاني متضايق منه .. راح اعرف منه كل شيء بعدين ..

*************************************************

عند المدرسه مشاعل كانت واقفه بره ... الشمس تحرقها والحر ذبحها ... المدرسه قريب تفضي و راكان ماجاها .. حست بطنهها مغصها بخووف .. تخيلت لو راكان مايجيها كيف راح تتصرف .. حست بارتياح لما ..
شافت سيارات راكان من بعيد جايه ... وقف عندها .. فتحت الباب وركبت ..
راكان : اسف تاخرت عليك ..
مشاعل بدون نفس : عادي ..

*************************************************

في بيت ابو راشد بعد ماتغدو .. جلسو بالصاله ... ماعدا خالد و فيصل طلعو لغرفهم .. لوجود فرح ...

ابو راشد : اخبار ابوك من زمان ماشفناه ..
فرح بدلع وهي تطالع راشد : الحمدلله بخير ..

ساره تساسر ريم باذنها : هذي خطيبه راشد ..
ريم ماتدري ليه كرهتها .. طالعتها بتفحص ...

ابو فيصل بابتسامه : واخير شفت زوجه ولد اخوي ..
فرح تضحك بدلع ..

راشد جالس معاهم بدون نفس كان يبي يطلع فوق لاكنا امه جبرته يجلس معاهم .. كان يجامل فرح قدامهم .. اللي ماشالت عينها عنه ... وكل شوي تساله أي سؤال بس تبي تتكلم معاه باي طريقه ... بس هو كان يضيع الوقت بنظراته لريم ..

*************************************************

في المانيا .. تحديدا بشقه حمده والعنود ... الفرق بين السعوديه والمانيا كان تقريبا ساعتين ..

العنود بملل : متى اروح للمستشفى ..
حمده : بكره انشاءالله ..
العنود : أي ساعه ..
حمده : 8 الصباح ..

*************************************************

العصر الساعه .. 4 ام بندر عند ام راشد وام فيصل .. كان اصرار من ام فيصل انها تجي ..

بعد ساعه من جلستهم .. وسوالف والضحك ... اندق الجرس .. وجات وحده من الخدم معاها ... علبه هديه حمراء ...

ام راشد باستغراب : شنو ذا ميري ...

ميري : مدام ..واحد كلام .. يعطي جود هزا ...
الكل لف على جود ...
جود باستغراب : انا ...
ميري رفعت كتوفها : مايدري ...
فرح ابتسمت بخباثه .. ووقفت : يمككن غلطان ... بروح اشو ف مين ذا ..
ام فيصل طالعت بنتها بنظرات شك ... ام بندر طالعت بجود بتفحص خايفه من كلام ولدها بندر يطلع صح ...

فرح حطت حجابها وطلعت ... دقائق ورجعت لهم .. قالت بصوت عالي : يقول يبي يشوفك ...
الكل وقف بذهول و فضول .. من ذا اللي يبي جود .. وجاي لها لحد البيت ...

الى هنا انتهى البارت ... توقعاتكم للبارت القادم

...

البارت الرابع والعشروون ...

بصوت عالي : يقول يبي يشوفك ...
الكل وقف بذهول و فضول .. من ذا اللي يبي جود .. وجاي لها لحد البيت ...
جود وقفت بارتباك رجولها ترجف بخوف .. على انها واثق من نفسها لاكن بهاللحظه حتى هي شكت بنفسها .. قالت بشفايف ترتجف.. واشرت بصبعها السبابه على صدرها : انا ...
فرح تمثل دور اللي مو فاهمه شيء : ايه .. قلت له اخوي انت غلطان .. قال لي وهو واثق ... مو هذا بيت سعود ال .. انا ابي جود بنت اخوه ... قولي لها وهي بتعرفني ..
جود مشت بسرعه طالعه من الصاله خذت حجابها اللي كان معلق على الشماعه ... طلعت بسرعه لبوابه القصر الداخليه .. الكل لحقها بدون تردد حبو يشوفون كل شيء قدام عينهم ..فتحت الباب بقووه ... شافت شخص قدامها كان قمه بالاناقه والوسامه ... ( اسمر طويل ونحيف .. حواجبه كثيفه بس مرسومه بطريقه حلوه .. شفايفه متوسطه وحولها شعر لحيته اللي كان مسويه ديرتي .. مشخص ومنسف الغتره كان بعمر الشباب يعني ممكن نعطيه 25 وفوق .. اللي يشوفه يقول ولد وزير برزته واناقته والثقه كانت مبينه من نظرات عيونه ) ...

جود حاولت تجمع قوتها ... اللي انهدمت من هالموقف ... موقف لاتحسد عليه .. كلامها هو اللي راح يحدد مصيرها اذا كانت انسانه شريفه اولا ... الكل واقف وراها ينتظر منها رده فعل ...

جود كتفت يدها : انا جود شبقيت ...
الشاب طالع بفرح اشر بعينه بدون لاحد يحس .. جود هزت راسها بمعني ايه بحركه سريعه بدون لاحد يحس ... ورجع طالع بجود : وهل يخفى القمر ... معقوله ماعرفك ...
جود بعصبيه : انا اول مره اشوفك .. لاتكذب ..
الشاب : بيبي شفيك ؟.. انا ماجد حبيبك ايام ال ( وغمز لها ) ...
جود فارت اعصابها : ايام شنو ياحيواان .. انت تتبلى علي .. قول الصدق .. انا اول مره بحياتي اشوفك .. حراام عليك ...
الشاب : جودي حبيبي .. انا اتصلت فيك كثير بس انتي مارديتي ... عشان كذا قلت اجي اطمن عليك ..
جود : كذاااب .. انا ماعرف اشكالك .. ناس واطيه ...
الشاب بسخريه : هه الحين صرتي ماتعرفين ناس واطيه ( وطالع في اللي وراها ) .. والا ماتبين احد يعرف ماضييك الوسخ ..
جود مو عارفه شترد .. انسان مثل هذا ماعنده ضمير .. اكيد ماتفرق معاه يقول اي شيء ... خانتها الكلمات ... لفت عليهم .. حصلت عيون الكل عليها .. وكل عين تقول كلام ... مو انتي ياجود اللي تسوين كذا ... تكفين ياجود مايطلع الكلام صح ... ليه ياجود .. هذا اللي قرته في عيونهم ...

جود طالعت بامها اللي كان باين على وجها انها مفتشله مو عارفه كيف تتصرف ... قالت لها والدمووع تسيل على خدها تترجها انها تصدقها : يمه والله ماعرفه ... يمه لاتصدقين ... ( ام فيصل كانت واقفه بدون لاتطالع فيها ولا قالت اي كلمه ) .. يمه انا بنتك ... انتي اللي ربيتيني ... وتعرفين اني لايمكن اوطي راسكم ... والله يمه يكذب ...( مسكت يد امها ) .. يمه ردي علي ( قالتها وهي تشهق من البكي ) ...

ام فيصل فكت ايدها منها بقسووه ودخلت داخل بدون اي رد ... ام بندر بعد اللي شافته طلعت من القصر بسرعه بس قبل لاتطلع عطت نظراات احتقار لجود ومشت .... الباقي دخلو وراى ام فيصل بدون اي تعليييق ... جوود رمت نفسها على الارض على ركبها ... هالمره حست يعني شنو احساس المظلوم ... احساس يقهر ويفتت الانسان من داخل يسحب كل قوه داخلك ... يهدم حياتك ... احساس صعب توصفه الكلمات ... طالعت في الشاب الظالم اللي كان الوحيد الواقف بالمكان ... قالت بعين ذبلت من البكي : روح الله ينتقم منك ... حسبي الله ونعم الوكيل فيك ...( ورفعت صوتها اعلى ) .. حسبي الله ونعم الوكيل فيك ...

ابتسم بخباثه باس يده وفتحها قدامه ونفخ عليها بشويش كانه يرسل لها بوسه بالهواء ... ومشى ...

ايوه مشى ... مشى وترك انسانه محطمه وراه ... انسانه الكل ينظر لها بانها وحده (......) اختارو الكلمه اللي تعجبكم ... انسانه تعيسه ... حركه بسيطه اهدمت كل شيء بحياتها ... طول عمرها تحافظ على نفسها .. لاكن في شياطين بهيئه بشر ... اكسرو كل حواجز العفه والطهر اللي فيها ... مسحت الدموع السوداء اللي اختلطت مع لون الكحل هذي راح تكون لون حياتها المستقبليه سوداء ... لمت مابقى منها من كرامه ... رفعت نفسها بتعب وثقل لما قامت من مكانها ... دخلت القصر وهي تجر معاها العار و الهم لاهل البيت وسكرت الباب وراها ...

************************************************** ***************

في المانيا .. الساعه 4:00 .. الفرق بينا وبين المانيا بالتوقيت يسبقونا بساعه فقط تقريبا ...

طلال كان نايم بتعمق ... قبل مايزعجه صديقه و يصحيه ...

..... : طلال ... طلال ... يلا ياولد قم كل ذا نوم ...
طلال يلف وجهه الجهه الثانيه ويسحب الفراش عليه : همممممم ...
..... : يحوووول الدكتور يبيك يلا قم ...
طلال نقز بخوف وعيونها مبققه من النوم : الدكتور شيبي ...
.... رفع كتوفه ( يعني مدري ) : تو قابلته بالمبنى ... سال عنك ... وقال يبيك ضروري ...
طلال حك راسه بنوم .. وطالع بساعته : يارب مانمت الا شوي ...
... صديقه وهو ينط على السرير اللي كان نايم فيه طلال ويتغطى بنفس الفراش : روح له وفكنا ...
طلال انقهر منه لانه قومه من النوم وهو نام محله : الحين تقومني بعدين تنام انت .. ( وسحب المخده من تحت راس خويه وضربه فيها ) ...

بعدها دخل الحمام ( وانتم بكرامه ) ياخذله دوش عالسريع عشان يروح للدكتور ...

كلها ربع ساعهه وكان جاهز اخذ لاب توبه وبعض الاوراق المهمه و نزل لمبنى الجامعه ...

************************************************** ****************

العنود كانت مرتاحه من الشقه اللي هم فيها ... ومستمتعه بالاجواء اللي حولها ... من يوم جو .. وهي كل شوي تجلس بالبلكونه ... هالمكان كان يحسسها بالراحه ... كانت تسمع اصواات الناس على الرغم انها مو فاهمه عليهم بشيء ... بس كانت اصواات اصحاب المحلات وهم ينادون الزباين يحرجون على بضاعتهم .. واصواات الاطفال وهم طالعين من بيتهم واصواات بواري السيارات .. كان مثل الموسيقى بالنسبه لها ... ولفحاات الهواء ... تجدد الهواء اللي تستنشقه ... وخصلااات شعرها الطايره ... احساس لايوصف ...

جاتها حمده وحطت صينيه القهوه على الطاوله وجلست بالكرسي مقابل للعنود ... العنود لفت وجهها اتجاه صوت حمده وهي تجلس على الكرسي : ماما ...
حمده : نعم ...
العنود : ابي اتصل على نوره اطمنها علينا وعلى خواتي ..
حمده تتكلم وهي تمسك يد العنود تحط فيها فنجال القهوه : انا كنت بقولك .. خلاص بعد شوي نتصل فيهم ...
العنود بفرحه : طيب ..
حمده ابتسمت على فرحت العنود ... ودعت رب العالمين بصدرها انه يكمل فرحتها وترجع العنود للسعوديه الارض الغاليه وهي تشوف ...

************************************************** *********************

جود جالسه على السرير لامه مخدتها بقووه منزله عيونها بخوووف ....

ام فيصل واقفه قدامها وتاشر بيدها بعصبيه : انتي ياجود كل ذا يطلع منك ... وانا اللي اقول بنتي مايجي منها العيبه ... كذا تفشليني وتسوديني وجهي ...
جود تهز راسها وهي تبكي ... حاطه صبعها على فمها بحلف : والله يمه ماعمري شفته ... ولاعمري سويت شيء يسود وجهكم ...
ام فيصل بعصبيه : خلاص راح وقت اللي اصدقك فيه ياجود ... ولما يجي ابوك واخوانك لنا حساب ثاني معاك ...
جود بخووف ... اكيد اذا عرفو اخوانها بيذبحونها مسكت طرف ثوب امه بترجي : لا تكفين الله يخليك كل شيء ولا اخواني والله بيموتوني ..
ام فيصل سحبت ثوبها عن جود بعصبيه طلعت من الغرفه وسكرت الباب باقوى ماعندها ... جود حطت يدها على وجهاا وبكت خوفها من اخوانها وابوها لو درو شنو راح يسوون لها ..

... جود سمعت الباب ينفتح رفعت راسها بخوووف لاكن ارتاحت لما شافت ريم و ساره داخلين عليها ...
ريم ضمت جود لما شافتها تبكي : خلاص ياجود لاتقطعين قلبي ..
جود : انتو بعد مصدقينه ..
ساره : لو اشوفك قدامي ماصدق ... جود انا يمكن عرفتك من فتره قصيره لاكن ثقتي فيك اكبر من انها تنهز من كلام واحد حثاله مثل ذا ..
ريم رفعت راس جود : وانا بعد ... ولاتخافين مصير الحقيقه بتبان ...
جود بكت اكثر : بس امي بتعلم ابوي و اخواني ..
ساره حطت يدها على فمها وشهقت .. طالعت بريم بخووف وريم بادلتها نفس النظره ... يعني الله يستر ...

************************************************** ********************

ام راشد ودلال و فرح كانو جالسين بالصاله جنب بعض و يتساسرون بصوت واطيء ...
ام راشد مبسوطه من اللي سوته فرح : كفو والله بنت اخوي ... يانك بردت حرتي بحصووه .. الحين ابي اشوف وجها لما تقابل ام بندر مره ثانيه ..
فرح ماكانت اقل فرحه من عمتها : افا عليك عمتي .. انا قلت لك خلي كل شيء علي وراح اوريك فيهم .. ولسه شوفي لما يعرف بندر شنو راح يسوي ...
ام راشد بفخر : والله انا راشد متوفق يوم انه بياخذ وحده مثلك جمال وذكاء ..
فرح تذكرت راشد وبدات تمثل دور الحياء : تسلمين عمه ...
دلال تنهدت بضيقه ..
ام راشد طالعت فيها : وانتي شفيك بعد ؟..
دلال حزنت على جود : كاسره خاطري جود .. والله ماتستاهل حرام اللي سويناه فيها ..
ام راشد : اقول بس لاتكسر خاطرك ولا شيء .. هذولا ماينخاف عليهم ... احنا اللي مساكين فاتحين لهم بيتنا ...
دلال هزت راسها مع كلام امها بعدم اقتناع ...

************************************************** ******************

طلال يكلم الدكتور ( دكتور سوري بالجامعه ) : بس يادكتور يعني عماها اثر حادث يعني مو من هي وصغيره اتوقع انه في امل ..
الدكتور حازم : ايواا انا معك بهالحكي .. لاكن هي شبكيه العين عندها منفرطه .. ولازم نزرع لها شبيكه او نعمل اعاده ترميم لشبكيتها ...
طلال بحيره وتفكير : انا اقول نزرع لها وحده احتمال النجاح اكبر من انو نرمم الشبكيه لان احتمال نجاحها ضئيل جدا ...
الدكتور حازم : وانا بئول هيك ... انا اخترتك انت بالزات من عدد كبير من الطلاب ... لاني واثق انك أد هاي المهمه ...
طلال : شكراا دكتور .. وانشاءالله اكون قدها ...

نتركهم يتكلمون في موضوعهم و نروح لمكان ثاني ...

***************************************

عند البنات كانو جالسين مع جود اللي ماوقفت بكي وهم يهدونها بالاخير استسلمت ونامت بتعب ... فجاءه سمعو صوت صرااخ خالد شكله معصب وكان يتكلم باعلى صوتته : انا اوريها بنت ال ... هذي فعله تسويها ...

جود نقزت من الصوت ولما اسمعت خالد يسب ويلعن ... رجف جسمها بخوف ... مسكت يد ريم اللي كانت جنبها بترجي : تكفوون لا تخلوني والله بيذبحني ...
ساره مسحت على راسها بحنان : لاتخافين مايقدر يسوي لك شيء واحنا موجودين ...
جود قلبها يدق بسرعه من الخوف .. وبطنها مغصها : يااربي ... يارب ساعدني ... والله مظلومه ...
ريم : حسبي الله على من كان السبب ...
ساره : انا بشوف الاوضاع و راجعه لكم ...
ريم : طيب لاتتاخرين علينا ...

طلعت ساره من الغرفه ... شافت خالد واقف بالممر ويتافف وجهه احمر من العصبيه ... قربت منه : شفيك خالد ؟ ...
خالد لف عليها : خير انتي بعد ... وش هاللقافه اللي عندك ...
ساره طاح وجهها ... حبت ترقعها : لا بس صوتك وصل عندي بالغرفه ... (نزلت عيونها موعارفه شتقول << البنت ماعندها اسلوب ) .. يعني قلت يمكن تبي شيء ... يعني كذا ...
خالد والاخلاق قافله عنده : ياشيخه استريحي .. واحد معصب شيبي منك يعني ... بتفزعين معاي ...
ساره حبت تلطف الجو قالت بمزح : ايه ... وبجمع لك بنات الحاره ...
خالد بعصبيه صرخ بوجهها : مو وقت استظرافك ...
ساره لثاني مره يطيح وجهها ... ابتسمت بفشيله : طيب ...
توها بتمشي عنه ... الا شافت الشغاله جايه لخالد وبيدها ثوب عطته وجها منكمش خايفه منه ...
خالد سحب الثوب من ايدها بعصبيه : هذي اخر مره تحرقين ثيابي ... مره ثانيه بخليك تدفعين سعره من راتبك ... توني مفصله ماتهنيت فيه ... يلا ضفي وجهك عني ...
الشغاله مشت بسرعه قبل لايسمعها كلام ثاني ..
ساره بعد ماسمعت كلامه ... ضحكت بفرحه وهي تكلم عمرها ( جود ميته خوف وذا مو حولها يتخانق مع الشغاله .. خلني اروح ابشرها ) ...
خالد شافها تبتسم .. قال بعصبيه : وانتي ايش يضحكك ...
ساره نقزت بخوف : لا ولاشيء ...

وبسرعه دخلت غرفه جود عشان تقول لهم ...

**************************************

ابو راشد وابو فيصل بعد ماجو من بره ... راحو للملحق ... يجلسون مع ناصر و يونسونه شوي لعل وعسى ينسونه همه ..

ابو راشد : الا ماقلتي لي ياناصر ماعندك عيال ...
ناصر تنهد بضيقه ..
ابو فيصل : لاتضايق نفسك وانا اخوك ...
ناصر طالع في ابو راشد : عندي بنت وحده ...
ابو راشد : طيب جيبها خل تعيش معنا ليه مخليها بالبيت لحالها ..
ناصر هز راسه باسف : بس هي مو عايشه عندي ..
ابو فيصل : عند احد من قرايبكم يعني ..
ناصر : لا في دار الايتام ...
ابو راشد وابو فيصل طالعو بعض باندهاش ...
ابو راشد : ليه ؟..
ابو فيصل : دامك عايش ليه تركتها تتربى بالدار ..
ناصر : لان ظروفي ماتسمح ...
ابو راشد : أي ظروف ...
ناصر بحزن : كانت حالتي ماتسمحلي اني اجيب عيال ... واصرف عليهم ... ( وبداء يقص عليهم ) .. قبل 18 سنه وبعد ثلاث سنين من زواجي من فاطمه الله يرحمها ... فاطمه حملت كنا فرحانيين لاكن فرحتنا انهدمت يوم اطردوني من الشغل ... ماكنت املك أي شيء كانت لقمتنا يوم تتوفر لنا ويوم لا عايشين على فضله الناس ... مافي شركه ولا مكتب ولا مداررس ولا ... مادورت عندهم وضيفه كنت ابي أي وضيفه حتى لو براتب 200 ريال اهم شيء اعيش بكرامتي انا وزوجتي ولدنا اللي جاي بالطريق ... لاكن مين بيوظف واحد ماعنده الا شهاده ابتدائيه ... كل شيء بهالايام يمشي بالواسطه ... قررنا انا نتخلص من الجنين ... نتخلص من حلم حياتنا وهو تكوين اسره وبيت نعيش فيه بامان ... لاكن ربي ماكتب انا الجنين ينزل ... اقترحت علينا بنت خالت زوجتي انها تاخذ ولدنا شنو ماكان وتدخله دار الايتام ... بالبدايه رفضنا لاكن بعدين ماكان باليد حيله ... وكان كل يوم بطن فاطمه يكبر ويكبر معاه الالم والحزن ... لما جاء وقت الطلق ولدناها بالبيت وجابت بنت خذتها بنت خالتها ودخلتها الدار و من ذاك اليوم ماشفناها ... ومن بعدها شافني ابوك عند باب المسجد وظفني عنده وصارت حياتي احسن شوي ...

ابو راشد وابو فيصل حزنو على حال ناصر حياتها اللي كلها شقى ... لا اهل ولاعيال ...

ابو راشد : مافكرت تاخذها من الدار بعد ماصارت عيشتك احسن ...

ناصر : الا فكرنا كثير .. بس خفنا انا البنت تردنا .. كان اهون علينا تعيش بعيده بس معززه ومكرمه كل شيء متوفر لها ..
ابو راشد : بنتك لازم تعيش معاك ياناصر ..
ناصر : شلون ؟..
ابو راشد : جيبها تعيش معاك هنا ...
ناصر : لاكن ..
قاطعه ابو راشد : لا لاكن ولا شيء ... هذي بنتك وانت الحين بحاجتها جنبك ... وبيتي مفتوح لكم .. ياناصر انا اعتبرك واحد من الاهل ... لاتردني ..
ناصر نزل راسه بتردد ...
ابو فيصل حط يده على كتف ناصر ... ناصر رفع راسه عليه ... ابو فيصل ابتسم له يعني وافق ... ناصر ابتسم لهم بامتنان وهز راسه يعني موافق ....

**************************************

مشاعل بعد تفكير طويييل ... وصلاه استخاره حست بارتياح من اختيارها ... رفعت سماعت التلفوون ودقت الرقم اللي كان على الكرت ... كان مشغول ... دقت رقم ثاني كان بعد موجود على الكرت ... بعد كم رنه جاها صوت : الو ...
مشاعل قالت بسرعه : انا مشاعل ..
...... : طويل العمر ينتظر مكالمتك ...
مشاعل عقدت حواجبها .. كانت تحسب هو اللي بيرد عليها ..
دقايق وجاها صوته .. قال بصووت رايق وهادي : نعم ..
مشاعل بشك : انت اللي ..
..... : ايواا انا .. اتمنى يكون اتصالك دليل على موافقتك ...
مشاعل بلعت ريقها غمضت عينها .. طلعت الكلمه منها مقطعه : ممم..مووا..موافقه ...
.... ابتسم على جنب : شاطره ...
مشاعل : طيب متى تطلع امي من السجن ...
..... : مستعد اليوم اطلعها ... لاكن اذا لعبتي بذيلك راح ترجع السجن وبقضيه اكبر .. ( بتهديد ) فهمتي ...
مشاعل فهمت عليه : فهمت ...
..... : يلا سلام انا مشغول الحين ...
مامداها تقول شيء لانه سكر بوجهها السماعه ... قفلت سماعه التلفوون ... وجلست تفكر كيف راح تقول لراكان ...

***************************************

بندر كان يكلم امه ... كان في حاله ذهوول يعني كلام الحرمه اللي اتصلت فيه صح ...
ام بندر : اسفه ياوليدي ماعرفت انقي لك هالمره عدل ... بس اوعدك المره الجايه ...
بندر : لا يمه خلاص مافي مره جايه ...
ام بندر : يعني كيف ؟؟..
بندر : انا ابي اتزوج نفس البنت ماراح اخطب غيرها ...
ام بندر مصدومه من كلام ولدها وهو اللي كان خايف تطلع أي كلام .. والحين لما عرف حقيقتها مصمم يبيها : لاكن يا بندر ...
بندر باصرار : يمه انا ابي جود ... والا كيفك ماراح اتزوج ...
ام بندر مو عارفه شتقول ...

***************************************

فرح قررت انها تنام بيت عمتها اتصلت بامها وعطتها خبر طبعا اهلها ما مانعو ...

ريم كانت نازله تحت تجيب لها مويه لانها ماتعرف تنام الا وجنبها مويه ... نزلت تحت اسمعت صوت بالمطبخ والانوار مشغله ... غريبه معنا الكل بغرفهم واكيد ناموو بالبدايه خافت لاكن يوم سمعت صوت احد يتكلم قرربت من عند الباب ... انصدمت لما شافت فرح مقربه من راشد ...
فرح وصدرها ملاصق صدر راشد : فرحت كثير حبيبي لما عرفت انك بتحدد موعد الزواج ...
راشد يحاول يرجع على وراى لاكن هي تقرب منه ... ابتسم مجامله : اها ...
فرح : انت لحد الحين تستحي مني ... خلاص ترا قريب نصير بيت واحد ..
راشد : لا بس ...
قطع كلامه لما ريم تنحنحت وهي تدخل من باب المطبخ : احم .. احم ...
راشد لف على جهه الصوت ... كانت ريم لابسه جلابيه ولافه حجابها عليها وتطالع بالارض ... بحركه لااراديه ضم فرح على صدره وقال بهيام مصطنع : وش كنتي تقولين ياقلبي ...
فرح ماصدقت ... على طول طاحت عليه اكثر : اقول احبك ..
راشد وهو يخطف نظرات لريم اللي باين انها مو معبرتهم : وانا اكثر ياقلبي ..
ريم وكان محد حولها ... فتحت الثلاجه بهدوء من دون لاتطالعهم ... اخذت المويه وهي تردد : استغفرالله .. استغفرالله .. استغفرالله ...
ريم توها بتطلع وقفها صوت راشد : على شنو تستغفرين .. وش شايفه منكر واحد وخطيبته ...
ريم لفت عليه : الاستغفار باي وقت ... يعني مو عليكم ..
راشد بسخريه : يعني اني متدينه واخاف الله .. قديمه حركاتك ...
ريم تنهدت : استغفر الله ..
راشد طرطع منها : رجعت تقول استغفرالله ...
فرح كانت مستمتعه وهي تشوفهم يتخانقون قدامها ..
ريم : تصبحون على خير ...
وطلعت وخلته يعصب اكثر ..

*************************************

كل واحد من ابطال روايتنا كان في سريره ونائم مايعرف شنو ينتظره بكره ... في بعضهم يخطط لبكره ... وفي بعضهم خايف من بكره .. والبعض تارك كل شيء على رب العالمين ..

**************************************

صباح ثاني يوم ... العنود كانت بالمستشفى ادخلت الغرفه المخصصه لها وحمده معاها ... رتبت اغراضها بالغرفه ... جالها الدكتوور : شوفي يابنتي لازم اول شيء نعمل لك بعض الفحوصات الضروريه ... بعدين انشاءالله راح نحدد موعد العمليه ..
العنود كانت منبطحه على السرير قالت بصوت هادي : طيب ...
دخل طلال بسرعه بدون لابنتبه للاشخاص اللي كانو بالغرفه قال باحراج للدكتور : اسف دكتور تاخرت شوي ..
الدكتور : ولا يهمك .. شوف يا طلال هاي المريضه اللي راح نعالجها ..
طلال لف بابتسامه لف على .. لاكن ماسرع ماختفت ابتسامته لما شاف العنود هي نفسها ... هالمره اكيد مو حلم ولا يتخيلها ... هالمره حقيقه وهو اللي بيعالجها ... شنوهاذي البنت ... معقوله تكون صدفه في كل مكان يلاقيها ...

توقعاتكم للبارت القادم ...
طلال ممكن يرفض المساعده بالعمليه بعد ماعرف انا العنود هي المريضه ؟؟...
راشد وفرح لين متى ؟؟...
من هي بنت ناصر العنود والا نوره والا وحده ثانيه مانعرفها ؟؟..
جود ومصيبتها ؟؟...
بندر وشنو يخطط له ... ليه غير رايه بعد ماعرف كل شيء ؟؟..
مين الشخص اللي اداء دور حبيب جود ؟؟..
مشاعل وزوج المستقبل من هو وليه يسوي كذا وشنو مصلحته ؟؟..
راكان وردت فعله لما يعرف انا مشاعل بتتزوج ؟؟

...

البارت الخامس والعشرون ...
الجزء الاول ...

طلال لف بابتسامه لف على .. لاكن ماسرع ماختفت ابتسامته لما شاف العنود هي نفسها ... هالمره اكيد مو حلم ولا يتخيلها ... هالمره حقيقه وهو اللي بيعالجها ... شنوهاذي البنت ... معقوله تكون صدفه في كل مكان يلاقيها ...
قطع تفكيره كلام الدكتور : طلال ..
طلال لف عليه باستيعاب : نعم دكتور ...
الدكتور ياشر بيده : يلا خذ الفحوصات ...
طلال هز راسه ... فتح الملف اللي بيده عشان يسجل فيه الملحوظات ... حط الملف على الطاوله ... قرب من العنود مسك ايدها بيد واليد الثانيه فيها الابره عشان يسحب منها دم ويحللونه ... العنود مجرد مالمس ايدها كش جسمها حاولت تعدل جلستها باحراج ماتعرف مين اللي مسكها ... كانت تسمع حديثهم ... بس اللي عرفته اكيد انه دكتور .. قال لها : عندك سكر ...
العنود هزت اسها : لا ...
طلال مسح يدها برقه محل مايبقى يقز الابره : بسحب منك دم بسيط ... لاتخافي ماراح تحسي بشيء ...
العنود : عادي ..
طلال غز الابره ... وكان يطالع بتعابير وجه العنود ... اللي اول ماحست بالابره تدخل بجلدها غمضت عيونها بخووف ... مسح مكان الابره وترك يدها ..
بدأ يسالها بعض الاسئله .. والدكتور واقف يراقب حركات طلال ويقيمه في الماده ...
طلال : بسالك كم سؤال ... كم عمرك ؟..
العنود : سبع طعش .. ثمن طعش ...
طلال : يعني كيف ؟..
هنا تدخلت حمده : هي خلصت السبع طعش ماشيه بالثمن طعش ..
طلال هز راسه : اها ... طيب تعانين من اي امراض مزمنه ...
العنود : لا ...
طلال بارتباك : اااا .. متزوجه ؟..
طلال .. كان خايف من الاجابه مايعرف ليه ...
العنود باستغراب شعلاقه السؤال بالعمليه : لا !! ..
طلال سالها كم سؤال اضافي علي اللي قبل ... بعدها كتب ملاحظاته وتعليقاته بالملف سكره ...وطلع هو والدكتور للمكتب عشان يتناقشون اكثر ...

طبعا عمل طلال بهذي العمليه .. مو عمل تطوعي هو يعتبر اختبار راح يقيم عليه وراح يحدد مصيره اذا كان ناجح والا لا كم الدرجات اللي يستحق انه ياخذها ...

************************************************** ******************

مشاعل زي كل يوم ركبت مع راكان السياره بهدوء ... طول الطريق كانت ساكته ... لاكن لما حست انهم راح يقربون من المدرسه ...
مشاعل بتررد : راكان ...
راكان فرح لانها نادته .. واخيرا راح تكلمه : نعم ...
مشاعل : انا عارفه انا تاخرنا ... بس قبل لاتوديني المدرسه .. ممكن توقف باي مكان ابي اقولك شيء ...
راكان ابتسم ... الفرحه موسايعته ... اكيد بتقوله انا علاقتهم ترجع زي اول وتسامحه ... : طيب ..

غير طريقه ... يدور اقرب مكان مناسب عشان يوقف السياره فيه ... مواقف .. او حتى جنب الرصيف .. كان كله شوق و فضول انه يسمع الكلام اللي بتقوله ...

واخيراا راكان حصل محل ... موقف كان جنب دكان صغير وقف السياره .. طفاها ... وجهه المرايا على مشاعل : تقدرين تقولين اللي تبينه ...
مشاعل ماتعرف ليه ... بهاللحظه استصعبت الكلام ودها لو انها اختارت وقت ثاني ... بس خلاص لازم تقول كل شيء والحين : راكان ابقى اقولك ... الصراحه انا مو عارفه كيف اشكرك بالبدايه لولاك كان انا الحين بالشارع وموعارفه اتصرف ...
راكان الابتسامه شاقه الوجه ( لاشكلها سامحتني .. يحليلها قلبها طيب ) : ولو هذا واجبي .. انتي ماتعرفين معزتك عندي .. ياميشوو ( شدد على هذي الكلمه ) ...
مشاعل تكمل بدون ماتطالعه : ربي شاهد علي اني اعتبرك مثل اخوي ... راكان ..
راكان حزت بخاطره كلمه اخوي بس مشاها : نعم ..
مشاعل رفعت عينها والتقت بعينه اللي كان يطالعها من المرايا : انا بتزوج ...
راكان بفهاوه : هااه ..
مشاعل بتكرار : انا بتزوج ..
راكان مصدوم وتعيدها بعد : كيف !! ..
مشاعل : شنو كيف .. زي اي بنت بتتزوج ..
راكان ... طلعت من هالكلمه بعفويه ... وقلبه يخفق بقوه .. ونظراات عينه اللي ملاها الحزن : وانا ؟..
مشاعل نزلت عيونها : انت شنو ... عمري ماراح انسى اللي سويته عشاني صدقني ..
راكان امتلى قلبها بالحقد والكره لها : انتي جايبتني هنا تقولين لي هالكلمتين ...
مشاعل : ايه ..
راكان : وانا شدخلني فيك ...
مشاعل : انا قلت اعطيك خبر ..
راكان بسخريه .. غير اللي بقلبه : ليكون مفكرتني احبك .. تراك من البدايه كاسره خاطري بس ..
مشاعل : ادري ... اللي زينا مافي احد بيطالع فيهم ..
راكان : زين انك عرفتي .. ومين سعيد الحظ اكيد من طقتكم ..
مشاعل كلامه القاسي ماثر فيها قالت بهدوء ... غير العاصفه اللي كانت داخل راكان : واحد من اهل امي ...
راكان باستهزاء : مبرووك ...
نزل المرايا ... وحرك السياره للمدرسه عشان يودي مشاعل اللي تاخرت على الحصه الاولى ...
مشاعل كانت متوقعه انها راح ترتاح اذا قالت له ... بس توقعاتها كانت خطا ... كان في شيء داخلها يمزقها ... غصه غريبه ... احساس فضيع ماتعرف شنو ... يمكن يكون تانيب ضمير او خوف او حزن او ....... حب ...

************************************************

في المدرسه ساره كانت جايبه معاها مجله تتصفح فيها منزلتها تحت الدرج عشان الاستاذه ماتشوفها ...
ريم لفت على ساره وبققت عيونها لما شافتها مطنشه الدرس وتتفرج على موديلات الفساتين بالمجله ..
ريم دقت ساره بكتفها : هذا وقته ..
ساره بملل : صارلها ساعه تعيد نفس الكلام ومافهمت شيء ( تقصد المعلمه ) .. وانا جبت المجله عشان نختار فساتين ترا مابقى شيء على ملكه دلال الخميس ذا ...
ريم : وانتي شايفه المكان مناسب .. خليتيه بالبيت تفرجي ونقي على راحتك ...

الاستاذه تكلم ريم وساره بعصبيه : يابنت انتي وهي ... بتسكتون والا تفضلو بره خلو غيركم يستفيد ...
ريم لفت على ساره : زين كذا ..
ساره طنشتها ورجعت تتفرج على الموديلات .. وتفكر بموديل لفستان ملكه اختها ...

**************************************

في ثالث ادبي ... بالتحديد عند مشاعل و نوره .. كان عندهم حصه فراغ وكل مجموعه من البنات منشغلين بشيء ...

مشاعل بتردد لفت على نوره ... نوره كانت تراقب حركاتها بصمت ماخفى عليها ارتباك مشاعل وكانها تبي تقول شيء بس مو عارفه كيف تبتدي ...
مشاعل بلعت ريقها وقالت : ننن .. نو.. نوره ..
نوره طالعت فيها بثقل : نعم ..
مشاعل : انا بتزوج ...
نوره بققت عيونها وقالت بصدمه : راكان !! ..
مشاعل جاتها غصه لما تذكرت راكان : لا .. شخص ثاني ..
نوره نست كل الزعل اللي كان بينهم : من جدك ميشوو ..
مشاعل شوي وبتبكي : ايه ..
نوره : انتي اخر وحده توقعتها انها ممكن تتزوج ... وبهالعمر ذا بعد ...
مشاعل تفرك يدها بخوف وارتباك : لاني .. ( وسكتت )
نوره مسكتها من كتوفها وحطت عينها بعين مشاعل : لانك شنو ..
مشاعل لمت نوره بقووه و بكت ... نوره ارتبكت من حركت مشاعل وخافت عليها ... حست انها فيها شيء خطيير بس مو قادره تقوله ... هذي اول مره مشاعل تبكي فيها بحضن نوره ... نوره لمتها اكثر ومسحت على شعرها بحنان : هدي ياقلبي ....
مشاعل تبكي بصوت يقطع القلب وتشاهق : نوره انا حاسه نفسي وحيده ...
نوره وعلى نفس الحال : افا و احنا وين رحنا ...
مشاعل رفعت راسها بعيون مليانه بدموع : ولا وحده فيكم تكلمني ...
نوره : انتي اللي طلبتي هالشيء .. صح والا ؟..
مشاعل نزلت عينها لانها عرفت نفسها غلطانه ...
مشاعل على طول افتحت قلبها لنوره اللي ماصدقت انها بتكلمها وقالت لها كل اللي صار لها طول الفتره اللي كانت بعيده عنهم فيها ...

**************************************

ام فيصل كانت بجناحها ترتب الغرفه ... لاكن فجاءه جاها اتصال ... كش شعر جلدها منه ..
ام فيصل تكلم نفسها وهي تطالع بشاشه الجوال اللي رافعته : ام بندر غريبه ... بعد اللي صار تتصل ... اكيد تبي تلغي موضوع الخطوبه ... والله مالي خلقها ... ماراح ارد عليها ...
( تركت الجوال على الكومدينه يدق .. سكت الجوال شوي دخلت الملابس بالدولاب لاكن رجع يدق مره ثانيه شافت الرقم نفسه ام بندر .. جاتلها شكوك .. قررت انها ترد ) ...

ام فيصل : الو ..
ام بندر بدون نفس : السلام عليكم ...
ام فيصل : وعليكم السلام ..
ام بندر : بدون مقدمات .. انتي عارفه ليه انا داقه ..
ام فيصل تنهدت : ايه عارفه .. ماله داعي تقولين شيء .. الزواج قسمه و نصيب ...
ام بندر : لا لا انتي فهمتيني غلط ..
ام فيصل : شلون يعني ؟..
ام بندر : ولدي بندر اليوم راح يجي .. وانشاءالله بكره راح نجي نخطب البنت رسمي عطي الرياجيل خبر..
ام فيصل بذهول : يعني !!...
ام بندر تكمل : لا تخافين الولد صار عنده خبر عن كل شيء ... وهو مصمم انه يبيها بعد كل اللي صار .. هذي رغبته .. والا لو علي ماعاد طبيت بيتكم ..
ام فيصل تنرفزت من كلامها : ماراح ارد عليك ... لاني عارفه انا هذي مو من طبايعك يام بندر ..
ام بندر : انا عطيتك خبر ... يلا مع السلامه ...
ام فيصل تضايقت من اسلوب ام بندر ... وكانها متفضله عليها انها بتاخذ بنتها .. لاكن مشت الموضوع ... ارتاحت شوي انها الولد راح يستر على بنتها .. وبنفس الوقت خافت من الجاي ...

***************************************

جود من اللي صار ماطلعت من الغرفه .. خايفه تقابل احد من اخوانها والا ابوها ويكون عندهم خبر .. حتى جامعتها ماراحت تحججت انها تعبانه ....
جود مو عارفه شتسوي طفشانه .. لاكن ماتبي تنزل تحت وتشوف احد .. تحس ان الكل راح يطالعها باستحقار .. متبي تحط عينها بعين امها .. رغم انها عارفه انها شريفه واثق بنفسها ... لاكن عيال الحرام كثير ...
مسكت كراستها وقلم رصاص وبدت ترسم ... هذا الشيء الوحيد اللي كانت تسويه لما تطفش ...
امسكت القلم بطريقه وكانها رسامه محترفه وبدت ترسم بطريقه مجنونه وسريعه وتدقق بتفاصيل الصوره بعض الاماكن دكنت اللون فيها وبعضها خففته ... بعد نص ساعه من المعركه على الورقه ... نزلت قلم الرصاص جنبها ورفعت الكراسه بيدها الثنتين تاملت بالرسمه ... كانت عباره عن رجل عجوز ماليه وجهه التجاعيد اثار مرور الزمن وتعابير وجهه ماليها الحزن عايش في كوخ قديم كان يناظر بالنافذه المفتوحه ومنظر النجوم معبيه السما والقمر المكتمل ...

**************************************

بعد نهايه الدوامات ....

على طاوله الطعام الكل موجود ماعدا راكان اللي بره البيت .. وجود اللي كانت تتظاهر بالتعب ...

فرح رجعت من الجامعه على طول مع دلال على بيت عمتها ...
طول الوقت ماشالت عينها على راشد .. راشد قرف منها ومن نظراتها قام : الحمدلله ..
ابو راشد : وين ماكلت ..
راشد : خلاص شبعت .. ( وطلع برا )..
ريم كانت تراقب نظرات فرح لراشد .. وحست انه متضايق منها ...
ساره قطعت الصمت : بابا ابي اروح اليوم انا وريم وجود عشان نشتري فساتين لملكه دلال ..
ام راشد : اليوم المصممه بتجي هنا .. خلاص ماله داعي ..
ساره : ماتوقع يمديها تصمم لنا شيء ...
ام راشد : انا قلت لها وماعندها مانع ..
ساره : اذا كذا اوكي ..

**************************************

العنود بعد ماعملو لها الفحوصات الازمه ... ودرسو الدكاتره حالتها بدقه .. وجهزو غرفه العمليات .. دخلوها للغرفه
عشان يجرون لها العمليه ...

العنود منبطحه على سرير العمليات ... وجها مرفوع لسقف .. قرب منها طلال اللي كان لابس ملابس الممرضين والقفازات بيده والكمامه على فمه .. قرب من اذنها وقال : قولي لي اكثر ثلاث اشياء تحبينها في حياتك ؟...

العنود كانت باديه تحس بمفعول المخدر ... وعيونها تتسكر ببطىء قالت بكلمات سريعه محد فهمها : ريم ... نوره ... ميشو ...

بعدها دخلت في حاله نوم عمييييييييق ...

حمده كانت جالسه على كراسي الانتظار ... شوي توقف شوي تمشي بالسيب شوي تجلس ....

صار لها على ذا الحال ثلاث ساعات وهي تنتظر ...
شوي وطلع الدكتور من غرفه العمليات نزل الكمامه ...
حمده جات له بسرعه : بشر دكتور ...
الدكتور : لسه دي عمليه عيون ... يعني لازم كم يوم على ماتبان النتيجه ... احنا عملنا اللي علينا ومتفائلين بكل خير ..
حمده رفعت يدها : يارب ...
الدكتور ابتسم لها وبعدين مشى عنها ...
طلع طلال وشافها واقفه جنب الباب ... ابتسم لها بامل وكانهم متاكدين من نجاح العمليه ....

**************************************

ريم بعد ماخلصت الغداء غسلت يدها بالمغاسل ... توها بتطلع فوق لاكنها سمعت شيء وقفها بمكانها ...

فرح كانت تكلم جوال وشكل المكالمه سريه لانها كانت تكلم تحت الدرج وبصوت واطيء : ماجد شفيك ... خلاص طيب ... انت انتظر علي كم يوم ارتب اموري ... وبعدها راح تشوفني ...
ريم عقدت حواجبها باستغراب مين ذا الشخص اللي تكلمه فرح ... وليه مندسه تحت الدرج ... فكرت شوي بعدين طلعت فوق قبل لاتشوفها فرح ...

**************************************

بعد مرور كم يوم من الاحداث اللي فاتت ... اليوم الخميس ملكه فيصل و دلال ...

كل شيء كان جاهز وعلى احسن مايكون .. فيصل طول الايام اللي فاتت كان يرتب لكل شيء ... قررو ان الحفله تكون جنب حمام السباحه ..

فيصل طلع للحديقه يلقي نظره على المكان ... كانو العمال يحطون لمساتهم الاخير ....
اوصفلكم المكان كيف كان ... طبعا فيصل اختار اللون التركوازي لانه عرف انا دلال تعشق هذا اللون ... حمام السباحه مليان بلونات فضيه و تركوازي ومنثور بينهم شرايط فضيه ... الطاولات كانت موزعه حول المسبح بطريقه مرتبه كل طاوله مفروشه باللون التركوازيه ونفس الشيء الكراسي و مربوطين بشريطه فضيه .. وبنص محطوط ورد مجفف داخل فازات زجاجيه طويله باللون النيلي والتركوازي وبنص الطاولات محطوط نجوم فضيه مكتوب عليها عبارات تهنئه للعروسين ... اما بنص الحديقه مفروش على طول الطريق سجاده زرقاء وبالحواف فيها فضي ... المكان رووعه وانييق لون المكان مثل البحر الصافي ...
ابتسم فيصل برضى على التعديلات ... بعدها توجه داخل عشان يجهز عمره ...

قبل لانتكلم في احداث اليوم خلوني اقول لكم بالمختصر حياه كل شخص بالايام اللي فاتت ...

مشاعل ( كانت محتاره من قرارها اللي اتخذته وكيف راح تسلم حياتها لانسان ماتعرف عنه شيء حتى اسمه ماتعرفه ... كل يوم تروح المدرسه وترجع للفندق تحس نفسها مخنوقه وحياتها ممله ... حتى راكان تغيرت معاملته صاير يعاملها بجفاء مجرد انه يوديها المدرسه و يرجعها )

راكان ( صارت حياته من سيء الى اسوء زادت عدد الحفلات وزاد عدد البنات اللي يعرفهم صار انسان متبلد بدون احساس كره حياته اكثر )

نوره ( بعد ماعرفت اللي تمر فيه مشاعل حزنت على حالها .. ودها لو تقدر تساعده .. كلها امل انا العنود تنجح عمليتها .. بالايام اللي فاتت كانت كل يوم تكلم ريم وتسولف معاها لم ينامون مع بعض )

بندر ( بعد ماجو لبيت ابو راشد وخطبو جود خطوبه رسميه وحددو موعد الملكه ... مايعرف ليه زاد تعلقه بالبنت اكثر على الرغم انه ماشافها الا انه في احساس غريب داخله يقوله هذي البنت من نصيبك )

العنود ( كان ملفوف على راسها الشاش ... كل يوم الممرضات يغيرون لها الضمادات اللي على عينها .. محتاجين كم يوم عشان يشوفون النتيجه .. ولازم تكون عينها بعد العمليه لانها ماتتحمل النور على طول ... هي ماعاد فيها تتحمل اكثر .. ودها ترجع تشوف اليوم قبل بكره )

طلال ( يدعي ربه انه تنجح عمليه العنود ... لانه على اساس هالعمليه راح ينجح بماده الدكتور ... كان مهتم للموضوع بزياده كل يوم يزور العنود بغرفتها ويتابع حالتها ويسالها عن صحتها اذا كانت تحس بالم بعيونها والا لا )

راشد ( الايام اللي فاتت صار انسان عصبي ومغرور خصوصا على ريم اللي مالها ذنب بشيء .. شخصيته تغيرت ميه وثمنين درجه .. اغلب اللي حوله ابتعدو عنه .. اما هو مافرق معاه .. كان في شيء بقلبه يبي يوصله بس محد حاس فيه )

فرح ( حددت موعد لقاها مع ماجد بعد ماذبحها بالحنه .. مرتاحه كثير من ماجد .. لاكن ماتبي تتزوج الا راشد .. لان بنظرها راشد هو اللي راح تستفيد من وراه كثير )

جود ( كانت انسانه تعيسه ... خصوصا بعد ماعرفت انا بندر عرف كل اللي صار وفوق كل ذا مصمم انه يبيها .. حست انه راح يستقلها ويذلها )

ناصر ( كان مرتاح عند ابو راشد ومبسوط .. كل يوم يجلسون معاه الضحكه هي الشيء الوحيد اللي تمليء جلستهم .. كان خايف من قرار انه ياخذ بنته من الدار )

اما فيصل ودلال خلونا نعرف مشاعرهم كلها اليوم ... اليوم راح يرتبطون بعض كزوجين ...

دلال جالسه بغرفتها لابسه البيجاما وتطقطق بالبي بي ومافرق معاها شيء مو كانه اليوم يوم ملكتها ... البيت كله محتاس اللي يجهز المكان ... واللي عند الكوفيره واللي يبخر البيت ... واللي يتروش ... ماعدا هي كانت جالسه بلا مباله ...

دخلت عليها ساره و شهقت : انتي مالبستي ؟..

دلال ببرود : لا ..

ساره : مابقى شيء ساعتين وبيجون الناس ..
دلال عطتها نظره غبيه : طيب ..
ساره : يعني يلا قومي اخلصي ..
دلال وبالها شيء بتسويه : يصير خير ..

***************************************

الى هنا انتهى البارت ... تابعوني بالبارت القادم تكمله ملكه دلال و فيصل .. توقعاتكم للبارت القادم

...

البارت الخامس والعشرون ...
الجزء الثاني ...

ساره : مابقى شيء ساعتين وبيجون الناس ..
دلال عطتها نظره غبيه : طيب ..
ساره : يعني يلا قومي اخلصي ..
دلال وبالها شيء بتسويه : يصير خير ..

ساره ملت من عنادها ... طلعت و سكرت الباب وراها ...
دلال رفعت عينها على الباب وتنهدت بقووه ... ماتدري اللي بتسويه صح والا غلط : ااااااه ...

*****************************************

فيصل فاتح باب دوره المياه ( وانتو بكرامه ) يستنى البانيو يمتلي ... كان مدلل نفسه على الاخر ... راح الحلاق و ضبط نفسه ... حلق دقنه وسواله تنظيف بشره ورتب شعره وبدكير لاظافره... الخ ... بعد مامتلى البانيو حط فيه انواع العطور اللي كانت موجوده على الرف ... وملاه بالرغوه ... شاف الماي بداء ينزل من البانيو على البلاط ... سكره ... وابتسم ابتسامه مجنونه ... نط بقووه داخل البانيو ... لدرجه الموي طلع صوت قوي ... ططططططططشششش .. وطشر على الجدار ... استرخاء .. وكل ماله ينزل اكثر داخل البانيو ... مايعرف ليه كان مبسوط والفرحه مو سايعته ... كان يحس هذا يومه ملكه هو وبس هذا اليوم اللي راح تحمل فيه دلال حرم فيصل راشد ال ... ابتسم وهو يتخيل هالشيء ... لاكن اختفت ابتسامته لما تذكر غرور دلال ... وليه هو ارتبط فيها من الاساس كله عشان يبي يكسر خشمها ...

بعد نص ساعه من الحمام الملكي... طلع فيصل من دوره المياه ولاف الفوطه على خصره وفوطه ثانيه كان ينشف فيها شعره ... وقف قدام المرايا وطالع بشكله ... طالع بشعره المبلل خفيف بعد مانشفه بشكل سريع نفظه بالهواء بعدها مرر يده بين خصلات شعره الاسود الغزير ... شعره ناعم واسود وكثيف واللي محليه اكثر انه مايحب يقصه مره يخليه بطول معقول ... اخذ فنيلته ولبسها كانت عضلات جسمه بارزه وجسمه المتناسق الرجولي طويل ومعضل دخل راسه بالفنيله وبعدين يده لما سحبها لتحت ... وبعدها السروال .. هنا ضحك لما شاف نفسه بفنيله وسروال بس .. تذكر تعليقات البنات على زي الرجل السعودي ... طالع بالكومدينه وطالع بعدد العطورات اللي كانت موجوده عليها .. مد يده لعطره المفضل ... عطر فرنسي رايق ... بداء يرش عليه بجنون تقريبا نقدر نقول تسبح فيه ... حس بارتياح ... اخذ ساعته اللي كانت محطوطه بعلبه فخمه ... فتح العلبه وطلعها حطها على يده ... ذكريات تجمعه مع هذي الساعه كانت هديه من ابوه بعيد ميلاده قبل سنتين ... ودائما لما يلبسها يحس بالطاقه يتفاءل فيها فقرر انا اليوم بعد تكون مصدر تفاءل له .. لبسها وسكر السير باحكام ... مد يده بعيد وطالع بالساعه اللي كانت تبرق من فصوص الالماس على الجوانب ... الساعه السوداء لايقه عليه مع لون بشرته القمحي ... لبس ثوبه الابيض الناصع ... ونسف الغتره بطريقه ملكيه .. وجزمته السوداء الفخمه طالع بشكله لاخر مره بالمرايا برضى ... فتح علبه العطر وتعطر لاخر مره ... اخذ بشته ورماه على يده واخذ كيس كبير كان جنب السرير بيده الثانيه وطلع ...

************************************************** **********

مصففه الشعر ( لبنانيه ) هذي رابع مره تدخل على دلال وتعصب عليه وتطردها برا الغرفه ...
فيصل كان جاي لغرفه دلال بس لما شاف وحده واقفه عند الباب استغرب .. قرب منها .. : دلال مشغوله ...
المصففه منقهره من وقاحه دلال : لا .. بس هيه مابدها حدن يدخل الاوضه ) لا بس هي ماتبي احد يدخل عليها الغرفه ) ...
فيصل عقد حواجبه : ليه ؟..
المصففه : مابعريف .. كمان الماكيره .. كل شوي تصرخ .. وام راشد تئول مافي وئت... ( مابعرف حتى حقت المكياج .. كل شوي تصرخ وام راشد تقول مافي وقت ) ...
فيصل هز راسها : اهاا ... ( اشر لها .. عشان تبعد عن الباب ) ممكن شوي ..
المصففه مسكت الشنطه بيدها وابعدت عن الباب : تفدل ( تفضل ) ...
فيصل دق الباب مرتين .. وبعدها جاله صوت دلال بعصبيه و صراخ : ماتفهمووون .. مابي خلاص انقلعو عن وجهي ..
فيصل فتح الباب ودخل عليها ...
دلال رفعت عينها لما انفتح الباب .. وشافت فيصل داخل بكشخته ورزته ... نزلت من السرير ووقفت بخووف ..
فيصل تقدم لها .. قرب منها طالع بشكلها من فوق لتحت .. كانت لابسه بجامه وشعرها لامته باهمال ولا كان اليوم ملكتها .. قال بهدوء : ماتجهزتي ؟؟..
دلال خقت عليه شكله كانه واحد من الملوك كان جنان بكل مافيه وطريقه كلامه الهاديه .. اول مره يتكلم معاها بهالطريقه .. ريحه عطره اللي ملت المكان .. قالت بارتباك وعيونها مانزلت عنه .. كانت رافعه راسه له لانه هو اطول منها بكثير وهالمره مو لابسه شيء بالعاده كعب يطولها شوي : لا ...
فيصل اعصابه رايقه : ليه ؟..
دلال بلعت ريقها : لسه باقي وقت ..
فيصل رفع يده وطالع بساعته : اقل من ساعه وياذن العشاء .. الناس قربت توصل ...
دلال تنفست بقووه كان في شيء كاتم على صدرها ماتعرف شنو ... قرب فيصل منها وترها .. كلامه بعثر كل شيء داخلها : شوي واخلص ..
فيصل ابتسم : اوكي ( ومد لها الكيس اللي بيده ) ...
دلال طالعت بالكيس بتعجب .. بعدين طالعت فيه : شنو ذا ؟..
فيصل اشر بكتوفه ( يعني مدري ) : افتحيه وشوفي ...
دلال طالعت فيه بتردد بعدها خذت الكيس وجلست على السرير افتحته ... انصدمت لما شافت اللي داخله : شنو ذا ؟..
فيصل برومنسيه مدري من وين طلعت ... جلس على السرير قبالها .. تامل فيها : عجبني .. وراح يعجبني اكثر لما يكون عليك ...
دلال توترت اكثر من كلامه ونظراته ... نزلت عينها على الفستان اللي طلعته من الكيس .. عينها برقت باعجاب ... كان فستان تركوازي طويل بدون اكمام من فوق ملفوف وماسك على الجسم الى تحت .. وسيع شوي وذيله طويل بقماش حرير فيه لمعه فضيه خفيفه ...
فيصل : عجبك ؟؟..
دلال بغرور وعدم مبالاه غير اللي داخلها : عادي ...
فيصل عرف انها تكابر .. وقف : يلا اخليك تتجهزين مابقى وقت ...
دلال ضلت تطالعها لما سكر الباب ... طالعت الفستان .. تذكرت كلام فيصل .. ابتسمت بحياء .. وبعدها نادت المصففه بصووت عالي : سمممممر ...

************************************************** *****************

ريم كانت جاهزه ... بس تبخر فستانها قبل لاتلبسها ... حاطه البخور على الارض وتمرر فستانها عليه من فوق ..
انفجعت من فتحت الباب بقووه ... وبدفاشه ... ساره حط ايدها على بطنها وتضحك بهستيريه ..
ريم مررت يدها على وجهاا : الحمدلله والشكر ... مو صاحيه ..
ساره ماسكهه البي بي .. وتحاول تعدل وقفتها تتمسك بريم : ههههههه اه ياربي ...... ههههههههه تقو ... هههههههههه ...
ريم غصب عنها ضحكت ... طريقت ضحكها تخلي الواحد يضحك معها : هههههههه ياهبله بتحرقينا لاينكب الفحم ...
ساره لماهدت شوي : اوووه .. ياربي والله موتتني ضحك ...
ريم : مين ؟؟..
ساره تشرح : وحده من جماعتنا تصير بنت بنت خالت امي ... يعني جدتي اخت جدتها الله يرحمهم ...
ريم علامه استفهام على راسها : مافهمت ؟..
ساره : ماعلينا وحده من قرايبي ضايفتها بالبي بي .. لما شافت راشد اخوي انجنت عليه عاد قالت لي عطيني رقمه و كذا .. قلت لها مايرضى ... المهم اصرت علي ويوم عطيتها الرقم كلمته ... وجلست تتميلح ... سفل فيها وبعدها سكر بوجهها ... عاد الاخت تحطمت ...
ريم بحقد : تستاهل ...
ساره تجلس على الكوميدينه تعدل شعرها : هي تستهبل تبي تقهر فرحووه ... بس ماتوقعت ردت فعل راشد بتكون كذا ..
ريم : وهي كيف شافته ؟..
ساره : الحين من شوي صورت كشخته وحطيتها بالبي بي صورت العرض ... عاد البنات خقو عليه ... بنات العائله مشفح ...
ريم بغيره غريبه : وانتي ليه تحطينها ؟..
ساره خزت ريم : شنو ليه ... اخوي عادي .. اصلا كذا والا كذا اخوي راشد مايهتم للبنات لو راكان كان طاحت سعابيله ...
ريم عطت ظهرها لساره بلا مباله : اها ...
ساره نقزت فجاءه وجات جنب ريم : قولي امين ....
ريم : على شنو ؟..
ساره بعدم صبر : انتي قولي و بس ....
ريم : امين ...
ساره رفعت يدها وكانها تدعي : ماتخلص هالسنه الا انا وانتي في بيوت رياجيلنا ...
ريم بققت عيونها .. وضربت كتفها : قليله الحيا ..
ساره : خخخخخخخخخ ياختي حياه العزابيه انا اشهد انها شقى ...
ريم : ليه وش تبين بالله ...
ساره حاطه يدها على قلبها : ناقصني شويه رومنسيه وشويه انحراف ... ياختي مليت وانا مؤدبه ...
ريم تسلك لها : اها ..
ساره : اجل دلوول من شوي معصبه ومشينه النفس ومابي البس ... وبس دخل غرفتها فيصل .. وطلع منها وهي غاديتن وحده ثانيه ...
ريم فطست ضحك على اسلوب ساره : ههههههههههههههههههه ....
ساره بتفكيير ... ضيقت عيونها : تهقين شنو قالها ... او شنو فعل لها ( يقال بتتكلم فصحه ) ..
ريم سحبت ساره من اذنها : انتي وش دخلك يالملقوفه ...
ساره .. تفرك اذنها بالم : وجع اوجعتيني ... خل نتثقف ...
ريم تدفها من ظهرها : اقول طسي برا بلبس ...
ساره توها بتتكلم لقت نفسها بره الغرفه وريم سكرت الباب بوجها .... راحت لغرفه جود تكمل سوالفها ...

************************************************** *******************

بعيد عن الهدوء .... كانت الضجه والزحمه تعم المكان على الرغم انا الحفل عائلي ... لاكن ام راشد ماخلت احد من جماعتها وصاحباتها ماعزمته ....

كانت الانوار بالوانها الراقيه ... ماليه المكان ...
اليوم الكل حاضر عشان يتوجون ملكه ( فيصل &دلال ) ...

في الحديقه بعيد عن البوفيه بمسافه قليله ... ام راشد وام فيصل كانو واقفين يستقبلون الضيوب بترحيب وسلام حار ....
اصواات الموسيقى كانت ماليه الحي ...

عدد المعازيم تخطى عدد الطاولات ... اضطرو انهم يجيبون كراسي من داخل القصر .... صوت سوالف الحريم ملىء المكان ... ام راشد واقفه بفخر لان اليوم ملكت بنتها .. كانت لابسه فستان ابيض فخم مليان بالكرستالات والتطريز ... وتسريحه شعرها الكلثوميه المرفوعه ومكياجها الثقيل ... اغلب الحريم كانو ناقدين عليها ويحشون فيها بين بعض لانها كانت لابسه فستان ابيض وكانها عروس متشببه وعيالها اطول منها ( كلام الحريم مايخلص ) ....

اما ام فيصل ماكانت اقل كشخه من ام راشد وخصوصا انا اليوم ملكه ولدها بكرها فيصل ... لابسه جلابيه فخمه باللون الاخضر .... وتسريحه شعرها المرفوعه بطريقه مرتبه ... والطقم المرصع بحجر الزمرد ...

ام فيصل كانت الامور بالنسبه لها ماشيه تمام الا حد لما دخلت ام بندر المكان ... هنا جف الدم من عروقها ....
ام بندر بهيبتها وبضخامت حجمها المعروف بين الحريم ... قربت من ام فيصل ومدت يدها : مبروك ... عقبال ماتفرحين بعياله ...
ام فيصل مدت يدها .. بابتسامه مصطنعه : الله يبارك فيك ...
ام بندر بحركه مقصوده .. لما وصلت عند ام راشد لمتها وسلمت عليها بحراره ... عكس السلام البارد اللي كان موجه لام فيصل : هلا وغلا بام راشد الغاليه ... مبرووك والله اني فرحت لدلال مثل بنتي ....
ام راشد وماصدقت ... حبت تقهر ام فيصل اكثر : هلا فيك ... الله يبارك فيك ويسلمك ... تو مانور المكان ..
ام بندر : منور باهله ... وش هالزين يام راشد صغرانه 20 سنه ..
ام راشد نفشت ريشها اكثر : ههههه الله يقطع شرك ... الزين لزين ... حياكم ... تفضلي (ودتها بنفسها للطاوله هي وبنتها بعد ماسلمو عليها .. كانت تبي تخلي الكل يشوف كيف علاقتها مع ام بندر .. وبنفس الوقت تقهر ام فيصل ) ...
ام فيصل كملت سلام على الحريم .. وطنشتهم ...

************************************************** ******************************

في مكان بعيد عن اجواء الفرح ... مكان زرناه من قبل ...

جالس باحد الغرف بالاستراحه ... المكان مظلم مافيه ولا نور ... دافيء وهادي ... جالس على الارض ولام رجوله بيده ... يبكي بحرقه والم ... ايه يبكي ... ليه مستغربين ... الرجل اذا عشق يبكي ... يبكي على فراقها... يبكي على حبه اللي توه مانولد وبلحظه مات ... يبكي على انسانه كانت بتعلمه معنى الحياه الحقيقيه ... يبكي على انسانه علمته يعني شنو حب .... غمض عينه بقهر ... حس بحراره الدموع داخل عيونه ... كان الشيء الوحيد اللي باين بهالظلام لمعت دموعه ..

كان يتكلم مثل المجنون ...

انسااااااااها ... خلاااص ياراكان انساها ...
هي اللي اختارت طريقها ... هي ماتستاهل حبك ...
مصيرك بتلقى اللي احس منها ... رد صوت داخله ( لاكن هي مالها مثيل ) ..
بلقى اللي تسوى اهلها .. ( لاكن هي حب حياتك ) ... بدوس على قلبي ... وبيجي اليوم اللي احب غيرها ...
( لاكن قلبك اختارها هي ) .. وانا بخليه يختار غيرها ...
( لاكن ..) ... صرخ باعلى صوته : خلااااااااااااااااااااص ... لاكن .. لاكن .. لاكن انا مليت ... مليت ...

دخل عليه صديقها بخووف من الصوت اللي اسمعها شغل الانوار ... قرب منه بخوف : راكان شفيك ؟...
راكان طالع فيه بعصبيه ... بعيون ذبلانها ... وبوجهه ملاه السواد ... بملامح قاسيه .. ودموعه على خده : اكرها ياجابر ... اكرها ..
جابر هز راسه باسف عمره ماشاف راكان بهالحال : لا حول ولا قوه الا بالله ...
راكان ضرب صدره بقووه وبجنون : كلا منك ... انت السبب ... ليتني اقدر اشيلك ...
جابر حاول يهديه ... هذا حال راكان من كم يوم .... لااكل ولا شرب ... راكان بشخصيته وجبروته وقسوته وحياته الطايشه ... انقلب الى طفل صغير ... حزين مهموم يدور عن الحنان والحب ... وهذا الشيء مالقاه الا بشخص واحد بس ...... مشااااعل ..

************************************************** ***************************

المانيا - ميونيخ - المستشفى ....

منسدحه على السرير بملل ... الضمادات على عينها وراسها اللي ملفوف بالشاش الابيض كانها مومياء ...
العنود بملل : ماما متى بيشيلون هذا عن عيني ( وهي تلمس راسها ) ...
حمده : انشاءالله بكره .. اتركيه لاتلمسينه كثير عشان مايتجرثم ...
العنود : ماما عطشانه ..
حمده : طيب ( وجابت لها قاروره مويه .. فتحتها لها ... وحطتها بيدها ) ...
العنود : شكراا ...
حمده تحط اغراض العنود بالشنطه الصغيره : العفو ..
العنود بامل : تعرفين ماما ... شنو نفسي فيه اول مافتح ..
حمد : شنو ؟؟ ...
العنود بفرحه وهي تتخيل : نفسي الاقي خواتي ملتمين حولي ... ريم ومشاعل ونوره ... ونرجع نعيش مع بعض زي اول ..
حمده ابتسمت بحزن على امنيتها : انشاءالله ...
دخل طلال اللي كان من فتره واقف يسمع كلامهم : السلام عليكم ...
العنود عدلت جلستها بسرعه ..
حمده والعنود : وعليكم السلام ...
طلال يوجه الكلام للعنود : كيفك ؟..
العنود : تمام ...
طلال : راح اغير لك الضمادات .. بس ابيك ماتفتحين عينك عشان ماتتعرض للنور ..
العنود : طيب ..
طلال بداء يفك الشاش عن وجهها ... كان يفكه وهو يتامل ملامحها الطفوليه البرئيه .. هذي كانت صفات العنود على رغم سنها الا انه فيها براءه ...

**************************************

مشاعل جالسه على الكنبه نفسها ملت منها كل يوم تجلس على نفس المكان وتسوي نفس الشيء ...
رن تلفون الجناح ... شالته بسرعه وكلها امل انه يكون راكان ..
مشاعل بشوق : الو ...
جاها صوته ... نفس الانسان المغرور : هلا مشاعل .. او تحبين اقول ميشوو ..
مشاعل كشرت لما سمعت صوته : لا مشاعل يكون احسن ( هي ماتحب احد يناديها بهذا الاسم الا المقربين منها ) ....
نفس الشخص : على العموم انا متصل .. عشان اقول لك .. امك طلعت .. وبكره راح اجيب الشيخ نملك وبعدها اخذك معي ...
مشاعل .. ماكانت تبي يجي ذا اليوم .. ماتدري ليه هي مو مرتاحه : على طول كذا ...
ضحك بسخريه : ههههههههههه هاهاها ليه تبين اسويلك حفله قبل ...
مشاعل حست انه جرحها وقلل من قيمتها ... هي ماكان قصدها هالكلام كانت تقصد انه بهالسرعه ودها تطول المده اكثر... عمرها ماكانت كذا كان اللي يقول لها كلمه ترد عليه بعشر ... بس بهالايام القليله تعلمت انا السكوت في بعض الاحيان اقوى بكثير من جبرووت الرد ... اكتفت بالسكوت ...
كمل بسخريه اكثر : ولا يهمك ميشوو ( رص عليها ) .. نتزوج واعملك احلى حفله ...
مشاعل بتردد : طيب ممكن اشوف امي قبل ...
قال بجديه : بكره راح تشوفينها .. يلا سلام ( وسكر السماعه بوجهها ) .. طوووط ... طووط ...

مشاعل نزلت السماعه ... توجهت لمكانها جلست بتعابير وجهه ملاها التوتر والخوف ... خوفها من هالزواج المجهول ... ماتدري ليه ضحت عشان امها ... على الرغم انا امها ماسوت لها شيء بحياتها ... غير الالم والحسره والقهروالحزن ....

اسندت راسها على وراء و غمضت عيونها وهي تردد : ليتكم معاي .. ريم .. نوره ... العنووود ...

**************************************

ريم كانت نازله مع ساره على الدرج وحاطه حجابها على راسها ...

ساره تلف على ريم : كان مالبستيه ماله داعي .. محد راح يدخل صدقيني ... وبعدين راح يخرب شعرك ...
ريم بتردد : اخاف احد من الشباب يدخل وماعلى راسي شيء ...
ساره : ماراح يدخلون ... لانه يعرفون انه في حريم واكيد وحده منهم بتدخل باي لحظه ..
ريم : طيب ... ( شالت الحجاب عن راسها وحطته على الاريكه بسرعه ) ... وبعدها اطلعو عند الحريم ... اللي ماشالو عينهم عنهم من اول مادخلو المكان .. الحريم بالمناسبات يتصيدون بنات الحسب والنسب ... واكيد الحلوات والخلوقات.... وساره وريم فيهم كل المواصفات ...

**************************************

راشد واقف جنب باب مجلس الرجال اللي كان مليان على حجمه الكبير والوسيع الا انه كان مافيه مكان ... من الصباح وهو يدق على راكان بس مايرد ... ماهو مرتاح حاس انا اخوه فيه شيء ... ابوه كل شوي يقوله دق على اخوك قوله يجي لملكه ولد عمه عيب عليه ... بس لارد من راكان ...
دق ودق .... حرق كل جوالات راكان .. كل الارقام اللي عنده بس محد يرد عليه ....

راشد حاط الجوال على اذنه يحاول يتصل بجابر اللي مايرد نفس الشيء ...
جاءه خالد : ها راشد بشر ؟..
راشد هز راسه باسف : مو راضي يرد ...
خالد : اخوك ذا غريب ... يعني طول وقته بره البيت ... كان ماعنده اهل ..
راشد بقله حيله : خلها على الله ...
خالد : لو هذا اخوي كان سطرته ... ياخي يقهر ...
راشد : اخوي راكان عنيد ماينفع معاه حتى القوى ... امش بس خل ندخل عند الرجال ..
خالد : يلا ...
دخلو خالد وراشد عند الرياجيل وكملو توجيب وترحيب ...

**************************************

قربت موعد زفت دلال .... كانت جاهزه من جميع النواحي ... طلت من البلكونه اللي كانت تطل على الحديقه اللي فيها المعازيم ... لما شافت عدد الموجودين ... زاد توترها وخوفها ... لفت على الكوافيره : كيف شكلي ...
الكوافيره طالعت فيها باعجاب : ماشاءالله قمر ...
كانت مثل الحوريه ... الفستان اللي جاي مفصل على جسمها مع لون بشرتها البرونزيه كانت مسويه تان من فتره قصيره ... مكياجها الناعم باللون التركواز والذهبي مثل ريش الطاؤؤس ... تسريحتها النازله وبعض خصل شعرها نازله على وجهها ... مناكيرها الفضي .. ولابسه صندل فضي ناعم بكعب صغير ...
دخلت عليها ساره بدفاشه كالعاده : يلا امي تقول انز...
( ماكملت كلامها لما شافت دلال واقفه بحياء ...طالعتها باعجاب كانها ممثله اجنبيه بنعومتها ... صفررت ) ... اقعد يالبيييييه ... ( قربت منها وخذت لف عليها .. قالت باللبناني ) .. شو هيدا .. شو هالجمال ...
دلال اول مره تحس باحراج .. دائما تكون واثقه من شكلها ولايهمها رأي احد .. نزلت راسها وابتسمت يحياء : امانه ساره كيف شكلي ؟...
ساره تمدحها اكثر : عيني عليك بارده .. تو ادري عندي اخت حلوه ..
دلال انقهرت ... عطتها ضربه خفيفه : سخيفه ..
دخلت فرح ... لاكن انصدمت لما شافت دلال كاشخه ... سلمت عليها وهمست باذنها : وين الخطه ...
دلال بنفس الهمس : ماقدرت ...
فرح : ايه واضح ..( وقالت بصوت عالي ) مبرووك ياقلبي .. واخيرا شفتك عروس ...
دلال بحياء : الله يبارك فيك ...
ساره : دلال امي تنتظرك تحت عشان تدخلك عند الحريم ..
دلال : طيب ...
طلعت من الغرفه وتركت دلال وفرح ...
دلال : وينك تاخرتي ..
فرح : تو واصلين ... تاخرنا شوي بالمشغل ... قلت الحين فاتني الاكشن لاكن طلع كلام بس ..
دلال جلست : مدري يوم شفته ماقدرت اسوي شيء ...
فرح : مين ؟..
دلال : فيصل ... لو شفتي كلامه واسلوبه ... تغير ...
فرح لوت بوزها : حبيبتي هذا بس الحين ... لما ياخذك وبعدين يرجع لحقيقته ...
دلال : تتوقعين ...
فرح : ماتوقع .. الا اكيد ...

**************************************

عند الرجال فيصل وابو راشد وابو فيصل وناصر وراشد وخالد ... كان واقفين جنب بعض ...

ابو فيصل بمزح يكلم ناصر بصوت واطي : عقبالنا ...
ناصر ضحك من قلب : هههههههههههههه ...
ابو فيصل : ها وش رايك ... ناخذ ثنتين خوات وحده لك وحده لي ...
ناصر : اللي ودك ...
ابو فيصل : اجل على بركه الله ...
ناصر : ههههههههههههههههه ...

**************************************

انزفت دلال على موسيقى اجنبيه كلاسيك .. كان هذا اختيار فيصل ... اول ماوصلت دلال قدام اعين الجميع ... الكل قام يسميء ويذكر الله على حسنها وجمالها ... مشت بخطواات بطئيه كلها حياء وارتباك ... الزغاريط ملت المكان ...

بعدها بدقايق تغطو الحريم حتى دلال حطو عليها غطى على فستانها لانه عاري وبيدخل خالد .. انزف فيصل وابوه وعمه وراشد وخالد حوله ...
هنا فيصل كان طاير من الفرحه ... والابتسامه شاقه وجهه .. وصل جنب دلال حب راسها ... دلال استحت اكثر ... واحمر وجهها خجلا << لا يكثر << طيب -_-" ...

جاءها ابوها حبت راسه سلم عليهم وبارك لهم ... التفت على فيصل : ماوصيك عليها يافيصل ...
فيصل اشر على عيونه وطالع دلال : بعيوني ...
ابو راشد : هذا العشم ...
ابو فيصل سلم على دلال وبارك لها : هلا هلا بنت عمك ...
فيصل : لاتوصي حريص يبا ...
راشد سلم على اخته : مبروك ...
فيصل كان يبي يكلمه باي طريقه .. رد بدال دلال : الله يبارك فيك ...
راشد ماعطاه وجه مشى عنه ...
جاءه خالد .. بحركه مقصوده قرب من راس دلال كانه بيحبها ... هنا على طول سحبه فيصل بعصبيه ...
خالد : اووه نسيت ... تعرف اخوي من كثر الفرحه لخبطت ..
فيصل يطالعها بعصبيه ودها يقطعه على هالحركه ...
دلال هنا ماقدرت تمسك نفسها ضحكت بخفيف ...
فيصل طالع دلال وهي تضحك منزله راسه .. بعدها قال لخالد : خلاص دامها ضحكت عفينا عنك ..
خالد يغمز له : شفت كيف اضبطك ...

فرح طول الوقت كانت تراقب راشد ...

بعدها طلعو الرجال ... وبقى فيصل بس ... جابوالشبكه اللي كانت طقم الماس ناعم ...

ام فيصل وهي تعطي ولدها العقد ...
فيصل طالع في دلال .. وهو ماسك العقد بيده : تسمحين لي ...
دلال ماعرفت شتقول اكتفت بالسكوت ...
فيصل بعد خصلات شعرها وبعدها حط العقد عليها ويده محوطه رقبتها عشان يسكره ..
دلال هنا حست بقشعريره تسري بجسمها ودقات قلبها تزيد ...
ولبسها الاسواره والخاتم ...
وشربها العصير ... وطلعو من الحريم على الغرفه اللي كانو مجهزينها لهم عشان يجلسون فيها مع بعض ...

ريم كانت بتمشي داخل ...
ساره وقفتها : وين بتروحين ...
ريم : دورت المياه ..
ساره تمد لها جوالها : تكفين شبكيه عالشاحن بيطفي ...
ريم خذته من يدها : طيب ...

ساره رجعت عند الحريم ... عشان تخليهم يتفضلون على البوفيه ..

**************************************

فيصل و دلال صارو زوجين رسميا امس الشيخ ملك عليهم واليوم الحفله ..

ام فيصل وصلتهم الغرفه اللي بيقعدون فيها .. وبعدها تركتهم على راحتهم ورجعت للحريم ... فيصل فتح الباب لدلال : تفضلي ..
دلال طالعته بقلق ماتدري ليه ماتبي يجلسون بروحهم .. لاكن كلام فيصل كان مثل السحر ... تنفذ بدون أي كلمه ... دخلت وجلست على اول مكان ... دخل فيصل بعدها وسكر الباب وجلس جنبها ...
فيصل ماعرف شيقول بهالوقت : مبروك ..
دلال اسكتت ...
فيصل حب يمزح شوي : تدرين الفستان محليك والا انتي يعني عاديه ..
دلال هنا انقهرت : ياسلام ...
فيصل ... يحب شكلها لما تتنرفز : هذي الحقيقه ...
دلال بعصبيه وقفت وحطت يدها على خصرها: دامني لهدرجه مو حلوه ليه خذتني ....
فيصل بجديه : انتي تعرفين ليه خذتك .. حبيت استر عليك ..
دلال رفعت صبعها : ماسمحلك فاهم انا اشرف منك ومن اهلك كلهم ...
فيصل بجديه اكثر : دلال بلا قله ادب انا كنت امزح معك ...
دلال كتفت يدها بعصبيه : لا ياشيخ ... طيب انا مامزح معك ... اذا تتكلم عن الستر روح شوف اختك المصون شنو تسوي من وراكم ..
فيصل : لا عاد زودتيها .. اختي اطهر و اشرف منك ...
دلال بسخريه : ايه واضح .. والدليل قبل كم يوم واحد جاء البيت هنا يسال عنها ...
فيصل فار دمه : ثمني كلامك ...
دلال : مو مصدقني صح روح اسال امك ... الولد جاء وكلمها قدامنا كلنا وقال انه كانت بينهم علاقه .. وحتى ام بندر كانت موجوده ...
فيصل : شنو ؟؟..
دلال : اللي سمعته ... انت على بالك هي ماحضرت الملكه اليوم لانها تعبانه .. لا ياحبيبي لانها خايفه من سواد وجهها ..

هنا فيصل عطى دلال كف خلاها توقف بمكانها بصدمه ...

**************************************

راكان وجابر كانو واقفين عند باب الاستراحه ...

جابر : رد على اخوك يمكن يبيك بشيء مهم ...
راكان : مالي مزاج .. ارد على احد ...
جابر : طيب خلني اوصلك للمكان اللي تبيه ..
راكان : لا لا ابي اكون لحالي ... يلا سلام ...
جابر تنهد من عناد راكان : سلام ... اتصل فيني اذا وصلت ..
راكان : طيب ...

الاستراحه اللي كانو يجتمعون فيها شله السوء راكان واصحابه ... كانت على طريق شبه مهجور عشان محد يعرف مكانهم ... واكثر السيارات اللي تمر منه تكون سيارات كبيره مثل الشاحانات وغيرها ...

راكان من الهم والحزن اللي فيه ماكان يطالع اللي حوله متوجهه لسيارته اللي سافطها مقابل الاستراحه جنب الرصيف ...

قرب يوصل لسيارته .... لاكنه سمع صوت بوري قوي فجر اذنه ... طوووووووووووووووووووووووووط .... لف بسرعه شاف شاحنه كبيره مقبله عليه وشكل اللي يسوقها مو قادر يتحكم فيها ...

راكان توه يستوعب الشيء الكبير راح يقرب منه ... توه بيتحرك ... لاكن ... طااااااااااااااااااااااااااااااااااااااااااااااااا ااااااااخ ...

كلا ذا كان قدام عين جابر اللي كان نفس حاله راكان مانتبه للسياره الا لما سمع صوت البوري ...

الشاحنه صدمت راكان بقووه لدرجه انه طااااار من مكانه والشاحنه انقلبت على جنب في نص الطريق ...

جابر ركض بخووف لراكان ....

**************************************

دلال والدموع تجمعت بعيونها : انت تمد يدك علي !! ...
فيصل بعصبيه : واكسر راسك ... ( دف دلال بقووه .. وطلع من الغرفه بجنون صعد الدرج بسرعه .. متوجهه لغرفه جود .. اللي كانت طول الوقت مختفيه ) ...

دلال جلست على ارض تصيح وفي قلبها تقول .. ( كلام فرح صح ... كلها فتره ويطلع وجهه الحقيقي ) ....

**************************************

ريم بعد ماطلعت من دورت المياه ( وانتو بكرامه ) ... توها كانت بتطلع من باب القصر للحديقه .. لفت نظرها جوال ساره اللي كانت حاطته على الطاوله وشابكته على الشاحن ... جاها فضول انها تشوف صوره راشد ...

مسكت الجوال فتحته ... ودورت بالاستديو الصور على صوره راشد ... ساره علمتها على الجوال صارت تعرف لكل شيء ..
واخيراا لقتها ... جلست تتامل شكله ... كان كاشخ بالثوب والشماغ ... كلمه وسيم قليله بحقه ... رغم انه مغرور الا انه حلم كل بنت .. نظرات عيونه كلها رجوله .... ابتسمت ...

همس باذنها : لهدرجه عاجبك شكلي ...
لفت على الصوت بخوف ... شهقت حتى الجوال طاح من يدها : راشد ..
راشد ابتسم بغرور : لو قلتيلي اني عاجبك كان عطيتك صوره لي ... احسن من انك تدورين بجوالات الناس مثل الحراميه ..
ريم .. انحطت بموقف .. ودها الارض تنشق وتبلعها .. شيفكها الحين من ذا المغرور ... تحاول تبرر : لا والله .. بس ساره عطتني الجوال عشان اشبكه على الشاحن ... وبعدين جلست اتفرج على الصور ...

راشد يتامل شكلها واضح عليها الاحراج : واللي يتفرج على الصور يقعد ساعه على صورتي ..

ريم فركت يدينها بعض بارتباك ... راشد وقف يتاملها ... كانت لابسه فستان اسود قصير لركبه مخصر على جسمها مع بشرتها البيضاء وتسريحه شعرها المكسر مثل فنانات ابيض واسود وحاطه ظل اسود وروج احمر صارخ ومناكير احمر ولابسه كعب احمر معطيها انوثه اكثر واكسسوراتها البراقه الفضيه .. كانت منزله راسها بتوتر ... قطع تامله رنه الجوال ...

رفع الجوال بسرعه ... عطى ظهره ريم ..
ريم بداخلها ( ياربي .. كل مني هذا وقته اطالع الصوره .. زين استاهل )

راشد يكلم جوال : انت وينك ادق عليك ... جابر شفيك ... راكان وش فيه .... رد علي راكان شفيه ... متى هالكلام ... باي مستشفى ... اوكي عرفتها دقائق وانا عندك ...

ريم خافت لما شافت طريقه كلامه انقلبت الى جديه .. وعصبيه ..

راشد قرب منها ومسكها من كتوفه : قولي لابوي انا راكان سوى حادث بين الحياه والموت .. انا رايح له ...

ريم توه بتتكلم ماشافت الا غبرته .... معرفت تتصرف بسرعه ركضت عند ام راشد عشان تقول لها ....

***************************************

فيصل رفس باب غرفه جود بقوه ... مو شايف شيء قدامه ... براكين الغضب داخله ... شافها جالسه على السرير ...

جود لفت عليه بهدؤ : شفيك فيصل ماتعرف .. تدق الباب ..
فيصل سحبها من شعرها : مين هذا ؟..
جود هنا حست انها بتمووت فيصل عرف السالفه : مين ...
فيصل بصراخ : لاتسوين فيها غبيه ... مييييين اللي جاء هنا ..
جود تحاول تبعد شعرها عنه لانه شوي وبيقطعه لها : فيصل والله مالي دخل ...
فيصل : يعني صح الكلام .. اه يابنت ال ...

الى هنا انتهى البارت ... القاكم بالبارت القادم ...

انقلبت الفرحه .. الى تعاسه ... توقعاتكم للبارت القادم

..

البارت السادس والعشرون ....
الجزء الاول ...
بارت مليء بالاهات والاحزان والدموع ...

فيصل بصراخ : لاتسوين فيها غبيه ... مييييين اللي جاء هنا ..
جود تحاول تبعد شعرها عنه لانه شوي وبيقطعه لها : فيصل والله مالي دخل ...
فيصل : يعني صح الكلام .. اه يابنت ال ...
جود تبكي وبنفس الوقت تصارخ عشان احد يجي يفكها من يد فيصل اللي بداء يضربها بوحشيه : يمااااااااااااااا ... يبااا ... فيصل تكفى افهمني ...( تحاول تبعد فيصل عنها ) .. الله يخليك اسمعني ...
فيصل وهو يضربها بيده الثنتين : كل الغلط من امي وابوي اللي ماعرفو يربونك ... دلعوك لما مرمطتي شرفنا ...
جود قامت ترافس على السرير بقوتها ... اوجعها ضربه كان يضربها بلا رحمه ... اخيرا فلتت منه .. طاحت من السرير على الارض وهي تسحب نفسها على وراء وفيصل قبالها هايج ... وينافخ بعصبيه ... جود حاطه يدها قبال وجها بخوف وترجي : الله يخليك فيصل .. اسمعني بس وبعدين سو اللي تبيه والله مظلومه ... والله مالي دخل ( كانت تتكلم بسرعه وهي تجر نفسها عنه ... تبيه يعطيها فرصه عشان تثبت صحه كلامها له ... لاكن فيصل كان مثل المجنون يضرب ويسب ... فصخ عقاله وكمل عليها ... هنا جود خلاص حست نفسها ماتقدر تتكلم اكثر من كذا لسانها ثقل وجسمها انهد من كثر الضرب سلمت نفسها تحت عقال فيصل ) ...

فيصل بعصبيه الدنيا كلها : انا اوريك يا ... راح اذبحك بيدي ...

للاسف هذي عقليه شبابنا مجرد اي كلمه من اي حاقد وعدو وانسان ماعنده ضمير تهزهم ... على طول يفرد عضلاته ويطلع رجولته على خواته وامه ... بدون لا يسمع ولا يتناقش ... وكانهم مايعرف اهله وماكانه عاش بينهم ... وفوق كل هذا يلقي وجود ابوه ...

************************************************** ***************

راشد وصل المستشفى ... بسرعه دخل مثل المجنون يدور بعيونه بين الاسياب والكراسي يدف اللي قدامه ويسب اللي يتعدى طريقه .. وين جاابر ... وينه ... كل همه انه اخوه يكون عايش مايبيه يموت ... لا يارب مايموت ... في كلام كثير وده يقوله له ... كان يردد داخله ( يارب مايمووت ... بس اقضي معاه يوم واحد ... يارب طلبتك لاترد دعاي ) ...

شاف جابر واقف جنب غرفه العنايه المركزه ... ركض بسرعه ... بدون لاسلام ولامقدمات .. مسك جابر من كتوفه بقوه وهزه وعيونه كلها ترجي انه يطمنه على اخوه : راكان عايش ...
جابر طالعه بعيون ملتها الدموع ... نزل عينه ...
هنا راشد هزه باقوى ماعنده : يعني مات ...
جابر : لاتفاؤل عليه يا راشد .. راكان بعيش ان شاء الله .. مستحيل يتركني ..
راشد ترك جابر ... شد شعر راسه بيده على وراء .. طق بايده على الجدار .. ورجع ناظر بجابر : كيف صار الحادث ...
جابر : كان طالع من الاستراحه بيركب سيارته .. وجات تريلا مسرعه وصار اللي صار ...
راشد لمس جيوبه يدور جواله بثوبه .. بس تذكر انه نساهم من العجله بالسياره ... لف على جابر : انا بروح اجيب جوالي عشان اتصل باهلي اخبرهم ... اذا طلع الدكتور اساله عن حاله راكان ...
جابر : طيب ..

طلع راشد للمواقف عشان يجيب جواله واغراضه اللي نساهم بالسياره ...

************************************************** *************

حمده تكلم العنود : انا بنزل للسوبر ماركت اللي جنب المستشفى ... كلها ربع ساعه وراجعه ..
العنود بخوف : ماما لاتخليني بلحالي ... كل شيء موجود هنا ...
حمده : لاتخافين ماراح يصير لك شيء حولك الممرضات لو احتجتي شيء ... في اغراضي كثير خلصت لازم اجيبها ..
العنود بقله حيله : طيب .. بس لاتتاخري ...
حمده : ان شاء الله ...

طلعت حمده من الغرفه متجهه للسوبر ماركت ... دخل بعدها طلال على طول : السلام عليكم ...
العنود صارت تميز بين صوت طلال وصوت الدكتور : وعليكم السلام ...
طلال : كيفك اليوم ..
العنود عدلت جلستها اكثر : الحمدلله ..
طلال حاب يتكلم معاها باي طريقه وكانت فرصه بالنسبه له انا حمده مو موجوده : انا شفت الوالده نازله تحت ...
العنود : ايه راحت السوبر ماركت ...
طلال قرب منها وزي كل يوم فك الضمادات عشان يغيرها وبنفس الوقت يتكلم : انتي سعوديه صح .. ( هو عارف الاجابه لان ملفها وبيناتها عنده بس حب يقول اي شيء يدردش معها ) ...
العنود ( شفيه ذا قاط الميانه ) هذا اللي كان يدور بالها: ايه ..
طلال : انا بعد سعودي ...
العنود كانت بتضحك بس مسكت ضحكتها اكتفت بابتسامه خفيفه لانها ماسالته : اهاا ..
طلال شاف ابتسامه خفيفه رسمتها بشفايفها مايدري ليه ابتسم معها لاشعورياا كانت حركاتها فيها نوع من البراءه : متحمسه بكره على نتيجه العمليه ...
العنود هنا حبت تعبر عن مشاعرها لاحد .. وماصدقت انا طلال سالها : ايه متشوقه كثيرر وفرحانه ياستاذ .. ااا ... الا تعال شسمك ؟..
طلال ابتسامت بانت اكثر على عفويتها : طلال ..
العنود : ياستاذ طلال ..
طلال : انا متفاءل كثير بنتيجه العمليه ...
العنود : يارب ... انت دكتور هنا ...
طلال خلص من لف الشاش ... حط الا غراض اللي استخدمها بالعلبه : لا انا طالب...
العنود قطت الميانه : احلف ...
طلال : ههه والله ...
العنود كانت تحرك يدها بدون راسها اللي موجه قدام : انا حلم حياتي انو ادرس بره واكون دكتوره لاكن ...( وسكتت ) ..
طلال بفضول : لاكن ايش ؟..
العنود : لاكن بعد الحادث ضاعت كل احلامي ...
طلال بحركه لااراديه حط يده على يدها وكانه يطمنها : ان شاء الله بترجعين تشوفين وتحققين كل احلامك ..
العنود توترت من حركته .. سحبت يدها بدون ولا كلمه ..
طلال حس على نفسه وشال يده بسرعه : اسف ..
العنود ولا كان شيء صار .. لو انها مشاعل كان سفلت فيه : استاذ طلال ... ممكن طلب ...
طلال : من غير استاذ .. تفضلي ..
العنود : اوكي طلال .. ممكن تشوف امي تاخرت شوي ..
طلال حس انها خايفه : شكلك خايفه ... ولايهمك بجلس معك لما تجي معنى المكان هنا مايخوف ...
العنود : لا عادي ...
طلال يبيها من الله : اصلا انا ابي اكتب تقرير عن حالتك يعني كذا والا كذا جالس ..
العنود انحرجت : طيب ...

جلس طلال يكتب التقرير دقيقه و عشر دقائق يسولف مع العنود ... كل حركه او كلمه من العنود كانت تضحكه عفويتها وبساطتها ... كان يحس انه يعرفها من سنين .... مو من ايام قليل وخلال علاج ... وده يعتذر لها عن المره اللي جرحها فيها .. بس تردد ... فضل انه يسكت ...

************************************************** *****************

دخلت ام فيصل غرفه جود بعد الاصوات اللي سمعتها طالعه من الغرفه ... فتحت الباب وانفجعت من المنظر اللي شافته ... جود منبطحه على الارض وفيصل فوقها بالعقال انواع الضرب والسب والشتم واللعن ...

بسرعه ركضت ام فيصل عند فيصل ودفته عن اخته .. صرخت بوجهه : يامجنون ليه تضرب اختك ...
فيصل ويتنفس بصعوبه من العصبيه : ليه ها ... يعني مو عارفه ليه ... والا حابه تتسترين على سواد وجها ..
جود اول ماشافت امها سحبت نفسها وراء امها ومسكت طرف جلابيتها بخووف ..
ام فيصل .. خافت ان فيصل عرف السالفه : اي سواد وجه ..
فيصل بصرااخ : يمه لاتقهرين ... مصرين تكذبون ... خلاص انا عرفت كل شيء ... ( قرب من جود ورفسها ) وبايدي بذبحها فاهمه ...
ام فيصل طالعت بجود بنظراات يعني هذا اللي جبتيه لنفسك ... لفت لفيصل وقالت بعصبيه : اسمع انا وابوك مابعد متنا .. عشان تذبحها على كيفك هو ...
فيصل : لو ابوي يدري عن فعلتها هال... كان ذبحها قبلي ..
ام فيصل : الحين مو وقته هالكلام ...
فيصل : ليش ان شاء الله ... متى وقته ..
ام فيصل تنهدت : انزل تحت ابوك يبيك ... ولد عمك سوا حادث ... وعمك لما درا طاح علينا ...
فيصل نسى سالفه جود بقق عينه بخوف : راشد ...
ام فيصل : لا راكان ...
فيصل خذ عقاله من الارض وركض بسرعه تحت ...

ام فيصل اول ماشافت فيصل طلع لفت على جود ... اللي كانت في حاله يرثى لها جسمها مبقع من الضرب وعيونها وارمه من كثره البكي .. وشعره المنكوش وبيجامتها المبهدله ... قالت بجفاء غير احساس اللي داخلها .. احساس الام اللي تتالم لان بنتها متالمه : قومي غسلي وجهك ورتبي شكلك لايشوفك ابوك كذا ...
جود بترجي لاخر مره ... رفعت صبعها الصغير بحلف : يمه والله مالي دخل ... تكفين ( ومسكت طرف ثوبها ) عطيني فرصه اشرح لك ...
قاطعتها ام فيصل بعصبيه : ولا كلمه زياده ... كل هذا انتي اللي جبتيه لنفسك تحملي اللي بيجيك ... والله يعين اذا ابوك وخالد اعرفو ... ادعي ربك انهم مايذبحونك ...
جود طالعت امها بخوف ... ونظررات ترجي وكانها تقول يممه لاتخليني محتاجه لك ضميني انتي الحضن الحنون اللي بيخليني اتحمل كل شيء ...
ام فيصل خلتها على الارض على نفس حالتها وطلعت ... اول ماسكرت الباب ذرفت دموعها على خدها ... دموع الام لما احد ياذي عيالها... كان ودها تلم بنتها وتهديها وتطمنها ... لاكن اللي سوته اكبر من انها تسامحها ... لازم تقسى عليها لانها على غلط علشان تتادب وتتعلم ... مسحت دموعها بكف يدها ونزلت تحت يشوفون المصيبه اللي هم فيها ...

************************************************** ***************

مشاعل كانت منسدحه على السرير ... تعبت من كثر التفكير بحياتها المستقبليه كيف راح تكون ... بكره راح يكون اخر يوم لها بهذا المكان ... خلاص هي اللي اختارت طريق حياتها ... تذكرت راكان ولاراديا نزلت دموعها ... قررت انها ماتكلمه ولا تقول له شيء ... خلاص هي عطته خبر ... فتحت الدرج طلعت منه دفتر وقلم ... فتحت الدفتر من النص ... مسكت القلم وكتبت ...

( اخي راكان ... لطالما حلمت بان يكون لدي اخ ينسيني تعب الايام يقف بجانبي باصعب الظروف ويحميني من غدر هذه الدنيا ... لقد حلمت ان يكون لدي عائله مثل جميع البنات الاخريات لاكن الله عوضني باخواتي بالدار ولطالما حلمت بام لاكن الله عوضني بامي حمده .. وعندما حلمت ان يكون لدي اخ ربي عوضني بك انت ... نعم والله لم احب شخصا كما احببتك كنت لي الاب والاخ بالان نفسه ... لقد قمت بمساعدتني والحفاظ علي احسست بالامان وانا بجانبك كنت تفعل كل شيء بدون مقابل ... شكرا لكل شيء اخي .. ها انا الم احزمتي لاقادر هذا المكان واذهب الى مكان اخر لاعرف اذا كان اختياري صائبا .. اتمنى ان يكون كذلك ... ارجو من الله ان يجمعنا يوما ما ... وتبقى هذي الايام ذكرى بيننا .. راكان ارجع الى صوابك فانت تملك قلبا كبير تسعد به كل من حولك انظر الى جمال الدنيا فهناك اشياء رائعه لم تراها قط لانك لم تعطي فرصه لنفسك ولا حتى لغيرك ان يثبتها لك ... اسمح لقلبك ان يقرر عنك بعض الاشياء كي تعيش سعيدا فالحياه تحتاج الى جراءه وتجربه .. لن اننساك مهما مضت الايام ..

امضى : محبتك بالله ميشوو .. )

كانت تكتب الرساله ومع كل كلمه تنزل دمعه حاره على خدها ... شقت الورقه من الدفتر سفطتها وحطتها فوق الطاوله ... رجعت القلم والدفتر بالدرج ... بعدها انبطحت على السرير وراحت بسابع نومه ...

************************************************** *************

الساعه 2:00 بعد منتصف الليل ..

الحديقه بدت تفضي من المعازيم ... تقريبا مابقى الا ام بندر وام مشعل وبناتهم ...

داخل القصر ... نزلت ام فيصل من فوق .. لاكن ماحصلت احد من الشباب : راحو ..
ريم : ايه .. لما نزل فيصل على طول طلعو على المستشفى ...
ام راشد تبكي على ولدها .. من التوتر والخوف تقوم وتوقف تمشي شوي وترجع تجلس وهم يهدون فيها : ااه ياوليدي بتروح مني ...
ساره تمسك امها : يماا هدي و ذكري الله ... هو الحين محتاج دعاك اكثر من هالكلام ..
ام راشد رفعت يدها : يارب انك تخليه ... يارب ( ومن بعدها بكت بحرقه ) ...

اما ام بندر وام مشعل لما عرفو السالفه جلسو مع ام راشد يهدونها ويواسونها ...

فرح تكلم دلال : بالله هذي ملكه والا عزاء ..
دلال منقهره من فيصل : مالت عليها من ملكه ..
فرح وبدت حركات الخباثه : انتي من جدك خليتيه يمد يده عليك ..
دلال : لو علي كان كسرت يده بس هو ماعطاني فرصه طلع بسرعه لعند جود ..
فرح بابتسامه نصر : الصراحه بردت قلبي بذا الجود .. برافو عليك كان مفروض يعرف ..
دلال وضميرها رجع يأنبها : والله ماكنت ابي اقولها علشان جود .. بس هو استفزني ...
فرح : قلت لك حبيبتي لحظات ويطلع وجهه الحقيقي .. قلتي لي تغير ..
دلال بحقد : تشوفين والله ماراح اعديها له ..
فرح : نشوف ...

**************************************

عند الرجال بالمستشفى ...

ابو راشد اول ماشاف راشد واقف بنفس المكان اللي قالهم عنه ركض له بسرعه وركضو وراه الباقي : ها بشر كيف اخوك ..
راشد والحزن مبين بوجهه : مدري يبا لسه محد طلع من الغرفه ...
ابو فيصل : طيب هو كيف جاء هنا ..
راشد ياشر على جابر : جابر صديقه كان معاه وهو اللي جابه هنا ... وكان موجود لما صار الحادث ...
ابو فيصل يوجه الكلام لجابر : ماقصرت ياولدي تعبناك معانا ..
جابر كان واقف بعيد شوي .. قرب منهم : لا ياعم .. راكان صديقي وحسبت اخوي ..
فيصل : طيب واللي صدم راكان وينه ..
راشد طنشه ولا كانه يسمعه ..
جابر : لا تطمن امسكوه ... هو هندي مدري باكستاني ا لشرطه جات في مكان الحادث وخذوه معاهم ...
ابو راشد كان مافيه حيل ... شبه واعي جلس على الكراسي .. حاس انا الدنيا تدور فيه ويتنفس بصعوبه ..
راشد قرب من ابوه : يبا انت كان ماجيت .. احنا كلنا موجودين هنا ...
ابو راشد ولسانه ثقل : ل ..لا .. اا .. ابي ااتطمممن على ولد.. راكان ...
ابو فيصل : الدكتور وينه ..
قطع كلامه لما شافو الدكتور طالع من غرفه العنايه المركزه ..
على طول الكل ركض له بلهفه ... وعيونهم تقول راكان مات والا عايش ...
الدكتور فهم على طول .. شال الكمامه من فمه : هو الحمدلله كويس لاكن ...
ابو راشد بسرعه : لاكن ايش يادكتور ..
الدكتور : حيكون مشلول .. شلل نصفي ...
الكل رد وراه : شلل ..
الدكتور : وفيه حاقه تانيه احنا لسه مش متاكدين منها ...
راشد : دكتور مافهمنا شيء .. ممكن توضح اكثر ...
الدكتور : انا عايز اتكلم مع ابوه والا اخوه بس ..
راشد : انا اخوه ..( واشر على ابوه ) .. وهذا الوالد ..
الدكتور : طيب تفضلو معاي المكتب ...

الكل جلس بكراسي الانتظار ماعدا راشد اللي مسك ابوه .. والحقو الدكتور ...

في المكتب ..

الدكتور : انا بصراحه مش عارفه اؤل ايه بس احنا مش متاكدين لدلؤتي ... يمكن تطلع توقعاتنا غلط ...
راشد نفذ الصبر منه : دكتور ممكن تختصر ...
الدكتور : طيب .. اخوك احتمال يبئ عقيييييم ..
راشد : عقييم ..
ابو راشد : دكتور اذا في علاج برا قولي .. انا مستعد اوديه لاحسن الدكاتره وادفع كل شيء عندي .. بس ولدي يعيش طبيعي ..
الدكتور : احمد ربنا انو قات على كده .. زمانو كان مات ... دا الحادس ماكنشي بسيط .. بس ربنا كاتب لو انو يعيش .. ( احمد ربنا انها جات على كذا .. كان الحين مات الحادث ماكان بسيط بس ربنا كاتب له انه يعيش ) ...

ابو راشد برضا : الحمدلله ...

طلع ابو راشد وراشد من عند الدكتور بعد ماقال لهم انا العلاج هنا والا هناك واحد ... الناس تدفع فلوسها وكل ماعندها عشان تودي عيالها تتعالج بره .. وهو بالنهايه نفس العلاج ... كل شيء بيد رب العالمين ...

بعدها نقلو راكان اللي كانو منومينه ... من غرفه العنايه الى غرفه خاصه لما يطيب باذن الله ...
ارتاحو ان راكان عاش لاكن بنفس الوقت حزنو على حالته انه راح يكون مشلول وعقيم .. كيف راح يقولون لراكان وكيف راح يتقبل ذا الشيء .. بعد ماكان انسان طايش عنيد مغرور مايفرق معاه أي شيء ...

**************************************

عند نوره كانت تكلم العنود وميته ضحك على سوالفها ..

نوره : ههههههههههه ..
العنود تكمل : نفسي اول مافتح اشوف شكله .. بس خايفه يطلع مو حلو ...
نوره : انا مدري عنك رايحه عشان تعالجين عيونك .. والا تضبطين لك معرس ..
العنود : الاثنين معا .. ياختي ارتحت لذا الانسان اول مره اتكلم معاه بس حسيته طيب وغبي بنفس الوقت ...
نوره : ليه ؟..
العنود : يسالني انت عمرك 17 صح قلت له ايه .. قال لي يعني مادخلتي الجامعه ..
نوره : عادي ساعات الواحد تجيله لحظات غباء ..
العنود : بس حبيت سوالفه ..
نوره : ياربي يالمفهيه والا وطلعتي داهيه ..
العنود : تهقينه حلو ..
نوره : شوفي يقولون اللي يكون صوته حلو يطلع سحت ... والعكس صحيح ..
العنود : لا عزت الله طلع عبدالرب ادريس >> -_-" ..
نوره هنا فقعت ضحك : كااااااااااااااااااااااك ... ليكون صوته حلو ...
العنود : ههههههههه ايه يخقق ... بس مدري ليه احس اني سامعته قبل ...
نوره : يمكن بالتلفزيون.. يشبه صوت مذيع والا ممثل ..
العنود بتفكير : مدري ..

**************************************

ام راشد ارتاحت شوي لما عرفت انا راشد الحمدلله بخير.. لاكن راشد يوم كلمها قالها انه بخير بس ماقال لها الباقي ... عشان مايخوفها ..

لما عرفو الكل ارتاحو وحسو بفرحه ... بعدها ام مشعل وام بندر راحو لبيوتهم ..
والبنات طلعو لغرفهم لانه تعبو من ذا اليوم من ملكه دلال وخبر حادث راكان ...

ام فيصل قبل لاتروح لغرفتها راحت لعند غرفه جود وفتحت عليها الباب شافتها نائمه ... حست بارتياح بعدين توجهت للجناح .. تستنى ابو فيصل والعيال ..

***************************************

ثاني يوم الساعه 2 الظهر ...

بعد الغداء .. ابو راشد وابو فيصل وراشد وفيصل وخالد وناصر ...

توجهو للمستشفى عشان يطمنون على راكان .. لان الدكتور اتصل فيهم وقال لهم انه صحى ولازم يحطونه قدام الامر الواقع وماينصدم ...

**************************************

مشاعل من الصبح وهي تلم اغراضها ... واخيراا خلصت ...
كل شيء كان موجود بالشنط والاكياس .. جهزت عبايتها عشان تلبسها لو انطق الباب ... اخذت الرساله وحطتها بجيب شنطتها ... راح تعطيها موظف الاستقبال مع مفتاح الجناح اذا جت تطلع وهو يعطيها راكان ..

**************************************

في المانيا ..
تحديدا بغرفه العنود ..

كان الدكتور وطلال وبعض الدكاتره والممرضين وحمده موجودين .. خلاص الحين راح يكتشفون نتائج العمليه ...
طلال قرب من العنود : مستعده ..
العنود بشوق وفرحه موسايعتها : اكيد ...
طلال : بسم الله ..
وبدا يفك الشاش بشويش لفه لفه .. والعنود موقادره تنتظر ..
والكل عيونه على العنود وكيف راح تكون رده فعلها لما تشوف ..

تابعوني بالجزء الثاني من البارت السادس والعشرون ...

جود شنو راح يسووي لها ابوها اذا عرف ؟؟..
العنود ونتيجه العمليه ؟؟..
راكان لما يصحى ويعرف انه بيعيش مشلول وعقيم كيف بتكون رده فعله ؟؟..
ناصر ماعرفنا مين بنته وهل بترضى تعيش معاه ؟؟..
طلال والعنود علاقتهم بتكون صداقه وارتياح بس ؟؟..
مشاعل وعريس الهنا ؟

؟..

البارت السادس والعشرون ...
الجزء الثاني ....
بارت مشؤم ...

في المانيا ..
تحديدا بغرفه العنود ..

كان الدكتور وطلال وبعض الدكاتره والممرضين وحمده موجودين .. خلاص الحين راح يكتشفون نتائج العمليه ...
طلال قرب من العنود : مستعده ..
العنود بشوق وفرحه موسايعتها : اكيد ...
طلال : بسم الله ..
وبدا يفك الشاش بشويش لفه لفه .. والعنود موقادره تنتظر ..
والكل عيونه على العنود وكيف راح تكون ردت فعلها لما تشوف ..

واخيراا طلال فتح الشاش كله وشال الضمادات عن عينها : افتحي عينك الحين ...
العنود هنا كان الصبر نفذ منها على الاخر ... بدت تفتح عيونها بشويش ... خلاص الحين بتشوف كل شيء حولها المكان .. الناس .. اخيراا بترجع تشوف مثل اول وترجع لحياتها الطبيعيه ومدرستها وتحقق حلمها انها تكون دكتوره ناجحه وتشرف بلدها ... اخيراا راح تشوف خواتها اللي بدت تنسى حتى ملامحهم اكيد مع مرور الايام كبرو وتغيرت ملامحهم .. اكيد كل وحده فيهم حللوت ... خلاص اليوم راح تشوف طلال اللي ارتاحت له من يوم واحد بس جلست معاه وحست براحه غريبه لهالانسان من امس وهي تتخيل شكله كيف راح يكون ... الحين راح تشوف البلده اللي طول عمرها تحلم تسافر لها راح تشوف المناظر والاجواءوالشوارع والطبيعه ...

العنوود تغمض عينها وتفتحها ... نفس الظلام الدامس ماتغيير شيء ... لا .. لا مو معقوله .. تتلمس بيدينها اللي حولها ... قالت بخوف من اللي تشوفه يكون هذا مصيرها طول العمر : دكتور انا ماشوف شيء ...
الدكتور انصدم وطالع بطلال ... طلال بادله نفس نظرات الحيره .. كان قريب من العنود مرر اصابع يده قدام وجه العنود : والحين ...
العنود بدت تنفعل : ماشوف شيء ... انتو اكيد مطفين النور صح ..
طلال بعصبيه : اهدي شوي .. وركزي معاي ..
الدكتور : استنى طلال .. (ورجع يكلم الممرضه ) ... جيبي النور ..
الممرضه : حاضر ...
كلها دقايق وكانت الممرضه موجوده مع النور المخصص لفحص العين ... قرب من العنود فتح عينها ... وحط النور عليها .. طلب منها تحركها اذا حست بنور ساطع عليها ... لاكن العنود ماحست باي شيء ... كل اللي تشوفه ظلام غشاء اسود قدامها ...
الدكتور رفع راسه لدكاتره اللي كانو ينتظرون النتيجه ... هز راسه باسف يعني العمليه للاسف ...( مانجحت) ...

************************************************** *********************

في السعوديه .. وبالاخص عند بطلتنا نقدر نقول التعيسه .. لانها للاسف لحد اليوم ماشافت اي شيء حلو بحياتها ...

مشاعل حطت الشنط في نص الصاله وجلست عليها تنتظر بملل .. بطنها مغصها بخووف .. خوف من مستقبلها المجهول مع زوج ماتعرف حتى اسمه .. فكرت لاخر مره هل اللي سوته صح والا خطا ؟؟.. خلاص فات الاوان باب الجناح يندق ...

تنهدت بخوف .. اخذت نفس عمييق لبست عبايتها وحجابها ... وفتحت الباب ...
دخل الرجل الغامض ومعاه الشيخ وثنين شهود .. وامها ...
جلسو في الصاله ومشاعل وامها دخلو لغرفه النوم ...

في الصاله ...
الشيخ فتح الدفتر .. اخذ بطايق الشهود وبطاقه الزوج ... ومشاعل كانت اوراقها عند امها وهي الوصيه عليها ...
..... : كم الوقت اللي بتاخذ عشان تخلص موضوع الزواج ...
الشيخ : كلها دقايق اسجل المعلومات .. وبعدها نسمع موافقه البنت وتوقع وخلاص ...
..... حط رجل على رجل وقال بكبرياء : ياريت تستعجل شوي ..

في الغرفه ...
مشاعل طالعت امها بحزن : ليه يمه سويتي كذا ؟؟.. تركتيني بلحالي .. وانا اللي تخليت عن كل شيء علشانك ...
هيا : سامحيني يابنيتي ( ونزلت راسها ) ادري اني غلطت ... بس صدقيني خلاص راح ابتدي حياه جديده نظيفه شريفه..
مشاعل طالعت امها بشك : توعديني يماا ..
هيا : وعد ..
دخل عليهم .... وقال بنفس شينه : الشيخ يبي يسمع رايك عشان توقعين ...
مشاعل : طيب ...
عدلت حجابها وطلعت الصاله وقفت قدامهم ...
الشيخ : يابنتي موافقه على وليد ... ال ... زوجا لك ...
مشاعل طالعت في وليد سرحت وهي تفكر ( وليد ال.. انا سامعه هذا الاسم بس وين ... يمكن مشبهه .. لا مدري حاسه اني اعرفه ) ..
قطع تفكيرها الشيخ وهو يكرر : موافقه على وليد ال .. زوجا لك ...
مشاعل بارتباك لانها كانت سرحانه : ها ...
الشيخ : يابنتي اذا مو موافقه لاتتردين محد يقدر يجبرك ...
مشاعل لفت على امها اللي كانت واقفه عند باب الغرفه وتاشر لها يعني قولي موافقه ... ابعدت نظرها عن امها وطالعت وليد اللي كان جالس بثقه ومو هامه احد وحاط رجل على رجل ويطالع بساعته وكانه تاخر ..
مشاعل : ممم.. موافقه ...
الشيخ : على بركه الله ..
هيا بدت تزغرط باعلى صوتها: كلللللللللللللللللللللولللللليش ...
الشيخ يطالع بمشاعل : مبروك يابنتي ..
مشاعل ماكانت تحس بهالكلمه قالت بمجامله : الله يبارك فيك ..
الشيخ ياشر على طرف الورقه اللي كانت على الطاوله : تعالي وقعي هنا ...
مشاعل مشت لطاوله امسكت القلم ... ووقعت ... بعدها راحت لامها اللي باركت لها وكانت اكثر فرحه من مشاعل ...

دقايق وطلعو الشهود والشيخ بعد ...

دخل عليها وليد وقال بهدوء : مبروك ...
مشاعل : الله يبارك فيك ..
وليد : يلا مشينا ..

كلم الرسبشن عشان يجي العامل وينزل الشنط للسياره .. نزل وليد ومشاعل وهيا اللي بيوصلونها بيتها وبعدها وليد ومشاعل بيرحون لبيت وليد ... مشاعل قبل لايطلعون عطت الرسبشن ورقه وطلبت منه انه يعطيها راكان بنفسه ..

************************************************** ***********************

عند راكان كان هادي على عكس العاده ... جابر من ساعه جالس عنده ولاكلمه حتى بكلمه وحده ... منسدح على السرير يطالع بسقف الغرفه بهدؤ ...
دخل ابو راشد وراشد وابو فيصل وفيصل وخالد وناصر عليه ...

ابو راشد بشووق اول واحد دخل الغرفه ... ركض لعند راكان .. حب راسه : الحمدلله على سلامتك ياوليدي ...
راكان لا تعللييييييييييق ..
ابو فيصل بابتسامه : الحمدلله على السلامه ....
ناصر : ماتشوف شر ...
راكان استغرب من الصوت الجديد لف راسه على ناصر اللي كان واقف على اليسار طالع فيه برود بعدين رجع على نفس الحال ...
راشد قرب من اخوه : راكان شفيك ...
راكان طالع براشد وقال بصوت خفيف : طلعو بره ...
راشد ماسمع : شنو ؟؟...
راكان بصوت اعلى : طلعوو برررره ...
فيصل قرب من راسه : احنا جاين نطمن عليك شفيك ياراكان ...
راكان بصوت عالي شبه الصراخ : اطلعو بررررررررررره ... مابي احد منكم ...
ابو راشد : راكان عيب هالكلام ..
راكان وبداء يصارخ : اطلعوووووووو بررررره ... اطلعوووووو بررررررررره ...
راشد : خلاص هد بنطلع ...
راشد اشر لابووه واللي معاهم .. وطلعو بره الغرفه ...

جابر اللي كان جالس بصمت : ليه ياراكان .. هم جايين عشانك وانت تطردهم ...
راكان رجع على نفس الحاله لارد ..

************************************************** ***********************

ريم كانت جالسه بغرفتها وتكلم نوره من تلفون الثابت ...

ريم : والله مدري .. بس على كلام راشد انه بخيير ..
نوره : اهم شيء انه الحين بخير ..الحمدلله على سلامته ...
ريم : الله يسلمك ..
نوره : راشد كيفه معاك الحين ...
ريم : نفس الحال ماتغير شيء .. بالعكس انا احسه كل يوم يكرهني اكثر ..
نوره : ابي افهم ليه تعطينه فرصه يغلط عليك ...
ريم تنهدت : مابي اسبب مشاكل بالنهايه ذولا اهلي ..
نوره فجاءه ضحكت : ههههههههههه ...
ريم : خبله وش فيك ؟..
نوره بلعانه : اذكر لما كنتي خاقه عليه ... ههههههه وهذا هو طلع ولد عمك ...
ريم ابتسمت .. بعدين قالت بتصريف وهي تلعب بواير السماعه : هو يعني شكله حلو بس ...
نوره بشك : بس حلو ؟..
ريم تتذكر صفات : و مغرور ...
نوره بلعانه ماسكه ضحكتها : اها ...
ريم تكمل بحقد : ومايشوف احد حوله ... انا مو عارفه ليه اختار فرح من زينها ... حتى مافيها ذرت جمال ... يعني البنات كثير والف وحده تتمناه ..
نوره تبي تطلع اللي بقلب ريم : يعني برايك مين مفروض ياخذ ...
ريم بتوتر: اا .. ييعني انا اقول مفروض ياخذ وحده من مستوااه ..
نوره : امممممم .. يعني مثلا لو قلنا بنت عمه ..
ريم : يعني مو شرط ..
نوره كانت تضحك بينها وبين نفسها وتحاول تغيضها بالكلام : مثل جود صح ..
ريم : لا جود مخطوبه ...
نوره : طيب اممم خل نفكر .. مثل مين ...
ريم تضيع السالفه : نوره ماتدرين عن مشاعل ...
نوره : لا الصراحه ... غريبه ذيك المره اقولك عنها وقلتي لي مابي اسمع ولا كلمه عنها ... شاللي غير ..
ريم : مجرد سؤال ...
انفتح الباب بدفاشه ... اكيد عرفتوها .. ايوااا ساره ...
ساره وتناقز لابسه البيجاما وشعرها منكوش ...
ريم : بسم الله وش هالجنيه اللي دخلت علي ...
نوره باستغراب : مين ؟؟..
ساره تكفخها بالمخده : كلي تبن .. تو صاحيه من النوم بس مالي خلق ابدل ..
نوره بداء يشتغل عرق اللقافه : مين ؟؟..
ريم ترد عليها : سوييير ... قامت من النوم وعلى طول جات عندي ..
ساره : مالت عليك .. اقول بس سلمي عليها ..
ريم : تسلم عليك الخبله ...
نوره : الله يسلمها .. عطيني اياها ...
ريم تمد السماعه لساره : خذي تبيك ...
ساره سحبت السماعه بدفاشه : الو .. هلا باللي لفاني ياهلا به ..
نوره تكمل : هلا باللي بعد والشوق جابه ..

ريم وقفت .. وكشت على ساره : اجتمعو المهبل .. بروح عند جود احسن لي ...

************************************************** ********************

في بيت ابو مشعل ...

عند فرح جالسه بالصاله وتتكلم بصوت واطيء عشان محد يسمعها : لا مقدر ...
ماجد : صدقيني ماشبعت من شوفتك ..
فرح : ماجد بلييز لاتحرجني ...
ماجد وبداء يمل من عنادها : فرووحه انتي وعدتيني ... انا انفذ الخطه وانتي تطلعين معاي ..
فرح : ايه صح .. لاكن ...
ماجد : لاكن شنو ... شكلك غيرتي رأيك ...
فرح : لا فرووحه ماتغير رايها .. بس مو الحين استنى شوي ..
ماجد : اوكي نستنى ونشوف ... بس ها .. مو تخلفين بوعدك ..( وبنبره شبه تهديد ) .. عشان مايزعل ماجد ...
فرح بدلللع : اكيد .. كل شيء ولا زعل مجووودي ..
ماجد : فديتك ياروح مجوودي انتي ..

************************************************** ****************

في السياره ...

بعد ماوصلو هيا لبيتها ... ومشاعل ودعتها بالدموع والاحضان كانها اخر مره بتشوفها .. الحين متوجهين لعش الزوجيه ...
فتح بكيت السجاير ... طلع سجاره ولعها .. شفط اول رشفه ونفخها بالهواء وكانه يتلذذ فيها ..
مشاعل اللي كانت جالسه قدام .. لفت عليه وتحس نفسها مكتومه : ممكن تطفيها ... معاي ربو ...
وليد طالع فيها بسخريه : صدق والله ..
مشاعل ببراءه : ايه ...
شفط السجاره باقوى ماعنده لف على مشاعل ونفخ الدخان بوجها .. ضحك باستهزاء : هههههه .. طيب كذا ..
مشاعل هفت الدخان بيدها عن وجها بقرف ... انخنقت من الريحه : كح كح ... كح .. شفيك انت تبي تموتني ...
طالع فيها وعطاها ابتسامه على جنب وكمل سواقته بصمت ...

************************************************** **************

ريم كانت واقفه قدام غرفه جود .. طقت الباب ثلاث طقات...
جالها صوت جود : مين ؟ ...
ريم : انا رييم ..
جود : ادخلي ..
ريم فتحت الباب بابتسامه : صباح الورد ...
جود بابتسامه اكبر : صباح الخير ...

ريم جلست على طرف السرير جنب جود : مو ناويه تنزلين تحت .. لا تخافين محد درا عن شيء ...
جود لفت راسها كامل على ريم واشرت على خدها ...
ريم بقتت عيونها لما شافت خدها متورم ومجرح: شنو ذا ؟...
جود بابتسامه حزينه : فيصل عرف السالفه ...
ريم : هو اللي سوا فيك كذا ..
جود هزت راسها يعني ايه ...
ريم بحقد : جعل ايده الك...
قبل لاتكمل جود حطت يدها على فم ريم : لاتدعين عليه ... مهما يكون اخوي واحبه ..
ريم : طيب ليه .. مين اللي قاله ... اكيد خالتي حصه ..
جود : لا ماعتقد .. لان امي لما دخلت الغرفه استغربت انه عرف السالفه ...
ريم : متى ذا الكلام ...
جود : امس .. شكله بعد زفت دلال ..
ريم : تتوقعين دلال قالت له ..
جود : مدري ولا ابي ادري ... خلاص ريم والله تعبت حتى لو يذبحوني ماتفرق ( وصاارت تبكي .. ريم لمتها وبكت معاها ) ...

************************************************** *******************

ساره : هههههههههه اي شفتها ...
نوره : ههههههههههههه ..
ساره : الا تعالي يالزفته .. ليه ماجيتي الملكه امس ..
نوره : كان نفسي والله ... بس ماما حمده مو موجوده مافي احد اخذ اذن منه عشان اطلع ...
ساره : اهاا .. يلا انشاءالله على عرسي ...
نوره تحاول تجس النبض عن اخوها راشد : لييش على عرسك على عرس راشد مو قرييييب ..
ساره : كانو مقررين انه بعد كم شهر لاكن مع اللي صار الحين والله مدري ..
نوره : اي صح الحمدلله على سلامت راكان ..
ساره : الله يسلمك .. تعالي شخبار العنود ..
نوره : مدري مفروض اليوم تطلع نتيجه عمليتها .. هي قالت بتكلمني ...
ساره : انشاءالله خير ..
نوره : انشاءالله ... يلا سارونه ماطول عليك ..
ساره : اوكي حياتي ..
نوره : مع السلامه ..
ساره : مع السلامه ..

************************************************** ********

ام فيصل على الدرج تنادي البنات بصوت عالي : يابنااااااااات .. انزلو تحت .. يلا الغداء ... بنااااااااااااااااااااااااااااات ...

دلال كانت نازله من الدرج : ماراح ينزلون ..
ام فيصل : ليه ..
دلال : بيتغدون بغرفه جود ... قالو للخدامه ترقي لهم الاكل فوق ..
ام فيصل : اها .. اجل امشي مافي الا انا وامك وانتي نتغداء بروحنا ..
دلال : ليه وين ابوي وعمي والعيال ..
ام فيصل : اتصلو يقولون انهم بيتغدون بره ..
دلال ماتبي تشوف فيصل ماصدقت خبر : احسسسن ...
ام فيصل : شنو ..
دلال بارتباك : اقول احسن لهم يغيرون جو ..
ام فيصل : اي والله ... يلا تعالي ..
دلال : اوكي ...

************************************************** ***************

وليد وقف السياره قدام قصر كبير ...
انفتحت البوابه دخل السياره ... لما وصلو عند باب القصر وقف السياره وعطى السواق المفاتيح ...
وليد يكلم مشاعل اللي مانزلت من السياره : يلا انزلي ..
مشاعل نزلت وهي مستغربه من تصرفاته ... يشرب دخان كثير ... لاحظت انه يتكلم بالسياره مع نفسه بصوت واطيء ..

فتحت الباب ونزلت ...
دخلو البيت .. ودخل وراهم السواق معاه شنط مشاعل حطهم عند الباب وطلع ...

مشاعل اول مادخلت البيت استغربت من الهدؤ .. كانه مهجور ...
وليد اشر لها على غرفه جنب الدرج : هذيك الغرفه .. راح تكون غرفتك ... حطي فيها اغراضك ...

مشاعل هزت راسها : طيب ..

وليد باوامر : ولا تدخلين باي شيء بالبيت .. اكلك راح يوصل لين عندك ...
مشاعل : اوكي ..
وليد رفع يده على وحده من الغرف : هذي الغرفه ياويلك اذا قربتي منها ...( وقرب فمه من اذنها ) راح تكون نهايتك ...
مشاعل خافت من طريقه كلامه : طيب ..
وليد : انا طالع ...

مامداها تقول شيء لانه طلع من القصر بسرعه ... مشاعل خذت وحده من شناطها ومشت متوجهه للغرفه اللي اشر عليها وليد انها تنام فيها ... بس وقفت لما سمعت صوت غريب من الغرفه اللي نبها انها ماتدخلها .. ماتدري خافت من الوضع .. بسرعه شالت اغراضها وراحت لغرفتها ..

***************************************

ابو راشد وابو فيصل والعيال وناصر كانو جالسين على كراسي الانتظار قدام غرفه راكان ... يبون تهدا الاوضاع عشان يدخلون عليه مره ثانيه ..

راشد قرر انه يدخل بروحه : انا بدخل اتفاهم معاه ...
ابو راشد : اجلس ياراشد اخوك تعبان .. لاتضايقه زياده ..
راشد : يبا انا بتكلم معاه بس ... ماراح اتهاوش معاه ..

راشد بعناد دخل غرفه راكان ... شاف جابر جالس على الكرسي جنب راكان ويتكلم معاه : جابر ممكن تخلينا بروحنا شوي ..
جابر وقف : طيب ..
راكان مسك يده : جابر اجلس .. انا قلت مابي احد منهم ..
جابر طالع في راكان : معليش ياراكان انا بروح للبيت وراجع لك ... ( طلع جابر من الغرفه عشان يعطي راشد فرصه يتناقش مع اخوه ) ...
راكان عدل جلسته .. وبعصبيه قال : انت شتبي مني ؟..
راشد قرب من اخوه بجديه قال : لين متى يا راكان لين متى والكره اللي بقلبك علي ...
راكان بحقد : لاخر يوم بحياتي ...
راشد : وابوي شذنبه تحرمه منك ...
راكان : ذنبه انه يحبك اكثر مني .. وكاني مو ولده ..
راشد : غلطان ابوي يحبنا كلنا احنا عياله وعمره مافرق بينا .. انت اللي بعدت عنا ...
راكان : انت اللي خليتني ابعد ..
راشد باستغراب : انا ..
راكان : ايه انت يا راشد .. كل شيء ابيه تاخذ مني ... والا نسيت ..
راشد وفهم قصده : بس كنا صغار السالفه قديمه ..
راكان : .......................

**************************************

العنود .. من يوم طلعو الدكاتره منها وهي على نفس الحال تبكي ..مو مصدقه اللي صار .. بعد ماحطت امل انها بترجع تشوف .. ضاعت كل امالها واحلامها .. يعني طول عمرها بتكون عمياء ... خلاص ..

حمده ودموعها مانشفت من خدها : خلاص يما .. هذا اللي ربي كاتبه لك ..
العنود تشاهق : ماما .. يعني خلاص بضل كذا .. ليتني ماجيت هنا ليتني ...
طلال حزن على حالها وحس بتانيب الضمير لانه ساهم في العمليه : هدي ياخت العنود ... لاتفقدي الامل ...
العنود اول ماسمعت صوته زادت العصبيه : انت ولا كلمه ... انت السبب ..
طلال : انا مجرد طالب مالي علاقه ..
العنود : انت اللي عطيتني الامل .. نسيت كلامك لي امس ... انت انسان فاشل ... اصلا كل مني انا اللي سلمت نفسي لشخص مبتدا مثلك .. اطلع من هنا ...

طلال حز بخاطره كلامها اكتفى بالسكوت ... وطلع بره الغرف ..

الى هنا انتهى البارت .. القاكم في البارت القادم .. باذن الله ..

توقعاتكم للبارت القادم ...

راشد وراكان شنو الشيء اللي سبب العداوه بينهم ؟؟..
ريم ومشاعرها اتجاه راشد كره او حب ؟؟..
ماجد ممكن ينتقم من فرح لو تلاعبت معاه ؟؟..
جود متى راح ترتاح من هالموضوع ؟؟..
مشاعل والزوج غريب الاطوار ومين هو ؟؟..
هيا بتنفذ وعدها لبنتها ؟؟..
دلال وفيصل علاقتهم ممكن تكون احسن من قبل والا الى الاسواء ؟

؟..

البارت السادس والعشرون ...
الجزء الثالث ...

راكان : ايه انت يا راشد .. كل شيء ابيه تاخذ مني ... والا نسيت ..
راشد وفهم قصده : بس كنا صغار السالفه قديمه ..
راكان رجعت ذاكرته لسنين وراء ... تذكر موقف جمعه باخوه راشد ...

قبل سبع سنين راشد وراكان كانو جاين من الثانويه بسياره راشد ...
وهم جالسين بالسياره قدام باب البيت ... مررت جواهر نازله من الباصه ... اشرت بيدها لهم ودخلت ...
راكان ابتسم لها .. ولف على راشد بفرحه : شفت قلت لك انها تحبني ...
راشد : وش دراك ؟؟..
راكان : شفيك راشد مو مركز ... شوفها سلمت علي من بعيد .. كنت حاس انها بتحبني ..
راشد يحاول يقنع اخوه : يمكن اشرت لنا حنا الاثنين بس لان عيال جيرانهم وماتقصد شيء ...
راكان وكانه متاكد : لا اقولك انا متاكد ..
راشد حزن على حال اخوه اللي متعلق بوحده ماتدري عنه وتحب اخوه .. حس ضميره يأنبه ولازم يقوله كل شيء ...
راكان فتح الباب مبسوط بينزل للبيت ... مسك ايده راشد : راكان بقولك شيء .. ممكن تنتظر شوي ...
راكان رجع وسكر الباب : شنو ؟؟..
راشد : اوعدني انك ماتزعل ...
راكان بمزح : ههههه شكل السالفه تخوف ... يلا اخلص علي جوعان ابي اتغداء ...
راشد فتح درج السياره طلع ورقه منه .. وعطاها راكان ...
راكان طالع الورقه باستغراب : شنو ذا ؟...
راشد بجديه : اقراها وتعرف ...
راكان وهو يفتحه قال : شكلك معطينك مخالفه وخايف تقول لابوي .....( لاكن لما فتحها جف الدم من عروقه ... تجمعت الدموع بعيونه ... وتجمع الحقد والكره في قلبه لراشد ... معقوله ... ايه لا اكيد غلطان .. قراءها مرتين وثلاث ... كان يقراها بسرعه يبي يتاكد يمكن يتهيء له .. لاكن للاسف مايتهيء له ... كانت رساله من جواهر تعبر فيها عن حبها لراشد .. يعني الانسانه اللي يحبها .. اللي روحه تعلقت فيها .. حب المراهقه ... اول حب بحياته تحب اخوه ... اي قلب اللي ممكن يتحمل هذي الصدمه ... حبيبتي تحب اخوي ..) ..

نرجع لارض الواقع ... راكان بعد مارجع من ذكرياته الاليمه ... مسك راشد اللي كان واقف جنبه من ثوبه وسحبه بقوه .. وقال بكل حقد وكره وعداوه لاخوه : عمري ماكرهت انسان في حياتي كثر ماكرهتك ... ليه دائم انت الافضل ... ليه دائم انت الاحسن .. ليه ...( راشد اختنق منه لانه ماسكه من عند رقبته وضاغط على ثوبه بقوه ) .. اول انسانه حبيتها اختارتك انت وتركتني ... ابوي خلاك انت الكل بالكل بالشغل ... يتباها فيك قدام الرياجيل لاكن انا لا .. انا دائم افشله ... امي دائم توقف بصفك ضدي ... ليه .. اطلع من حياتي ... اطلع ..

راشد فك ايد راكان بقوه لانه فعلا بداء يختنق .. واللي خنقه اكثر كلام راكان ... مثل السكاكين تطعن بنص الصدر ... الاخوه شيء كبير لايمكن يعوض ... فاقدها يحس بالنقص والعجز ... فما بالكم بانسان يعبر لاخوه شكثر هو يكرها ... جرح كبيير .. والم لايمكن اوصفه لكم ..

راكان وتجمعت كل مشاعر الكره ... لما شاف راشد فلت منه وبعد ... كان يبي ينزل من السرير عشان يكمل عليه ويحس بالارتياح ... حاول يحرك رجوله لاكن كانت ثقيله .. و مايحس فيها .. حاول وحاول ...نص جسمه التحتي مايقدر يحركه .. رفع عينه لراشد اللي كان يطالعه : راشد انا مو قادر اتحرك ...
راشد قرب من اخوه واسدحه على السرير : انت ريح الحين لاتتعب نفسك ...
راكان : لا مابي ارتاح ... ابي اعرف ليه مو قادر احرك رجولي ..
راشد توتر كيف بيقول له بروحه : انت ماعطيتنا فرصه نقولك شيء ..
راكان طالع براشد : انا مشلول صح ...
راشد هز راسه بنعم ...
راكان رجع راسه على وراء وبداء يبكي ..
راشد لما شاف اخوه ودموعه تنزل من عيونه .. اهتزت عواطف الاخوه .. قرب منه وحط ايده على راس اخوه بحنان : لا ياراكان انت رجال .. والرجال مايبكي الا في الشدايد ... صدقني انا وابوي لايمكن نخليك ... بندور احسن دكتور بالعالم ونسفرك .. انت اخوي لايمكن اتركك ... مهما كنت تكرهني انا لايمكن استغنى عنك .. انت اخوي ياراكان تعرف يعني شنو اخوي .. يعني مالنا غير بعض ... يعني من دم واحد ... يعني لما تقول الاه اقولها قبلك ...

راكان كان يبكي بالبدايه لانه بيعيش مشلول ... لاكن كلمات راشد فيضت فيه مشاعر الاخوه .. كلمت انت اخوي ياراكان هزت قلبه ... ضم راشد وبكى بحضن اخوه ... شكثر اشتاق له واشتاق لهاللمه ...

ياريت كل الاخوان يعرفون معنى الاخوه اللي في غيرهم يتمناها ... الاخوه كنز عظيم ... كل شيء ممكن يتعوض الا انك تلاقي اخو يحبك ويخاف عليك اكثر من نفسه ... الاخوه مو نعيش بيت واحد وتحت سقف واحد وبس ... لا .. الاخوه يعني نعيش لبعض ... نحس بعض نساعد بعض ... لما واحد فينا يطيح كلنا نطيح وياه ولما واحد فينا ينجح نتاكد انا احنا احد اسباب نجاحه ... حلوه مشاعر الاخوه لما اخوك الكبير يضربك علشانك غلطت .. حلوه مشاعر الاخوه لما اختك تترك كل شيء ووتجلس تدرسك لانها خايفه على مستقبلك ... حلوه مشاعر الاخوه لما نتشارك في الفرح والحزن ... لما نعتذر من بعض مهما كانت الاسباب .. لسبب واحد بس لاننا ... ( اخوان ) ...

************************************************** ****************

مشاعل دخلت الغرفه ... حطت شناطها على الارض لاكنها حست بالخوف ... اكثر ... لما سمعت صوت باب الغرفه المحرمه ... راح اسميها محرمه لانه منعها انها تدخلها ... سمعت الباب ينطق بقوه وكان احد يضربه بعصا او شيء زي كذا ... خافت يعني راح تعيش بهالبيت بشروط وبحدود هذا من اولها كذا الله يستر من الجاي ... ناظرت بالغرفه .. كانت شبه كئيبه مافيها نوافذ ... مصبوغه باللون الرمادي ... الاثاث فيها شبه قديم ... حطت يدها بتجلس على السرير ... لاكن طلع من الاسفنج كميه غبار كثيره ... شكل محد دخلها من سنين الغبار مالي المكان ... تقدمت للدولاب فتحته ... كان مقشر ومغبر وعليه اثار صور كانت موجوده لاكن احد شالها وجرايد مشققه ... المكان باختصار كان مخيف ... قصر كبير الهدوء كان يغلب على المكان ماعدا صوت الباب اللي ينطق .. ماتعرف ليه كشت من كل شيء حولها ... لفت على باب الغرفه اللي هي فيها ... شافت المفتاح معلق من داخل .. بسرعه قفلت عليها .... فرشت حجابها بالارض وجلست عليه ... تنتظر مصيرها المجهول في هذا البيت ..

************************************************** **************

البنات بعد ماخلصو الغداء اللي جابته لهم الشغاله فوق بغرفه العنود ... جلستهم كانت ماتخلى من السواليف والضحك ...

ساره : الله لو نوره عايشه عندنا .. كان وناسه ..
ريم : عشان يجتمعون المهبل وحده وتكفي ..
ساره خزتها بنص عيني : مين قصدك ؟..
ريم تمثل انها خايفه : جود ... اقصد جود في احد مسبب لنا ازعاج بالبيت غيرها ...
ساره وتعدل بلوزتها بغرور : احسب ...
جود وماسكه ضحكتها عليهم ...
ساره تكلم جود : انا مو باط جبدي غير فويصل ذا ... ودي اكفخه لما يقول امين ..
ريم : وانا بعد ...
جود وذكروها بشيء كانت تحاول تتنساه وتضحك معاهم : اخو.. لو انا محله بسوي نفس الشيء ... كلام وانقال له اكيد بيصدقه ..
ساره بتفكير : انا حاسه .. التبن فرح هي اللي قالت له ... بس اخ لو تطلع هي ... ذبحها مايكفيني ..
ريم حاسه انا دلال هي اللي قالت : لا ماتوقع ..
جود : فكونا من ذا السيره خلاص اللي صار صار ... ريم ماعندك اخبار عن العنود ..
ريم : لا هي تتصل بنوره دائم ... عاد تقول نوره انا اليوم راح يفتحون عن عيونها من بعد العمليه ... وبتتصل علي تبلغني النتيجه ...
ساره : انا متاكده ان العمليه نجحت ..
ريم : ان شاء الله ..
جود : ترجع لكم بالسلامه ..
ريم : امين ..

************************************************** ******************

ام راشد وام فيصل بعد ماتغدو كل وحده طلعت لغرفتها ... اما دلال جلست بالصاله تتفرج على التلفزيون ....
دخل فيصل وكانه مستعجل بياخذ شيء وبيطلع ...

دلال اول ماسمعت باب الصاله انفتح ... لفت عليه... وشافت فيصل داخل بسرعه مستعجل ...
وقفته بسرعه : فيصل ...
فيصل لف على الصوت ... واول ماشاف دلال قدامه كشر بوجها : خيير ..
دلال بارتباك عارفه نفسها غلطانه : كنت بقولك ..
فيصل متنرفز منها : في شيء نسيتي تقولينه عن جود ...
دلال وبداء يشتغل تأنيب الضمير .. نزلت راسها باحراج : شوف انا مو متعوده اعتذر لاحد ... ( رفعت عيونها على عيونه ) .. اسفه ...
فيصل سكت يتأمل عيونها .. هذي ثالث مره تلتقي عيونهم بعض لاكن كل مره يحس انه يشوفها لاول مره ...
دلال تكمل : انا ماكنت ابي اقولك لاكن انت اللي استفزيتني ..
فيصل بسخريه : بعد ماكنتي ناويه تقولين لي ... بس نخلص من سالفه راكان ... واتفرق لسالفه جود ... ولك ...
دلال حست نبره كلامه فيها تهديد : طيب .. راكان شخباره ...
فيصل : مدري عنه ..
دلال : كيف يعني .. انتو مارحتو له ؟..
فيصل بعصبيه : الا رحنا له .. بس اخوك واحد مغرور زيك بالضبط .. هه وانا اقول تشبهين مين ...
دلال : فيصل ماله داعي الغلط ...
فيصل بعصبيه : انتي اكبر غلطه صارت لي بحياتي ..
دلال حاولت تمشيها ماتبي تسوي مشاكل اكثر : مشكور ..
فيصل دفها من قدامه بقررف .. وطلع لفوق ... بيبدل وبيرجع للمستشفى ...

************************************************** ***********************

ام فيصل جالسه على الكرسي وتفكر شنو تسوي بمصيبه بنتها جود ... ام بندر راح تذوق بنتها المر هذا اللي واضح ... وشكل بندر وراه شيء قبوله بجود ... امر غير طبيعي ... كانت في حيره من امرها ... تخاف تقول لابو فيصل ويذبحها هو وفيصل وخالد .. وتخاف تسكت واذا عرف راح يلومها ... وفيصل ماراح يعدي السالفه على خير ... تحس انها شايله هم كبير ... ودها لو بندر ياخذ جود اليوم قبل بكره و تفتك منها ... ومن المصايب اللي راح تجي من وراها ... خلاص تعبت هم العيال وهم صغار وحتى وهم كبار ... قررت انها تنفذ اللي بالها .. مافي الا هذا الحل وبس ...

************************************************** *********************

في المستشفى وبالتحديد في غرفه راكان ...

الكل كان متواجد بالغرفه حتى جابر اللي رجع من البيت ...
راشد جالس على السرير ياكل راكان ومن داخله فرحه ماتنوصف اخوه بداء يتقبله ...
راكان يبعد الملعقه بيده : خلاص شبعت ...
راشد باصرار : لا موب على كيفك ...
راكان يكلم ابوه : يبا شوفه ترا ذبحني ساعه وهو ياكلني ...
ابو راشد : اذا ماكلت منه بجي انا واكلك ..
راكان بطفش : لحوول ..
ابو فيصل بمزح يلطف الجو: شعليك ناس تاكلك وتهتم فيك واحنا لنا الله ...
خالد : افا عليك يبا نحطك بعيونا ..
فيصل : واذا ماكفتك عيونا مكانك بالقلب ياقميل ...
الكل : هههههههههههههه ...

ناصر هنا سرح لبعيد ... ياحظ ابو فيصل .. عياله حوله في كل شيء .. قبل لايطلب الشيء يلقاه قدامه ... الله يخليهم له .. ليت بنتي كانت معاي شاركتني كل شيء بحياتي ... بس هي مين وكيف عايشه مبسوطه ياترا .. والا حزينه .. ودها لو تتعرف علي والا لا ..

هذا كان كل اللي يدور باله يتمنى لو بنته تكون انسانه باره في مثل عيال ابو فيصل .. فيصل وخالد .. وتعيش معاه باقي الايام من حياته ... يعيش بجو اسري من جديد .. في بيت ابو راشد مو ناقصه شيء مبسوط .. وحاس انه واحد من الاهل واكثر .. لاكن خلاص كفايه الايام اللي راحت لازم يعوض بنته ويعيشون مع بعض ...

**************************************

بندر جالس مع امه في الحديقه ام بندر حاطه رجل على رجل والمجله بحضنها وكوب القهوه التركيه بيدها .. وبندر ماسك الايباد ويناقش امه في موضوع جود ..

بندر : يما ياريت تقولين لهم نعجل موضوع الملكه شوي ..
ام بندر والموضوع مو داخل مزاجها من الاساس : انا مو عارفه شلي معجلك على هالزواجه ..
بندر : مو انتي اللي كنتي تبيني اتزوج.. خلاص هذا انا قررت اتزوج...
ام بندر : ايه كنت .. بس للاسف ماعرفت اختار .. ومابيك تاخذ وحده زي ذي ..
بندر : عاد انا اخترتها وخلاص .. مو هاذي اللي كنتي تمدحينها وطلعتيها ملاك موبشر .. كل شيء زين فيها ..
ام بندر : قلت لك غلطت ..
بندر : وانا الحين مابي الا هي .. انا تعلقت بالبنت .. واذا غلطت هذا مو معناته نذبحها ونهمشها من المجتمع ..
ام بندر : محد بيخربك الا جلستك بره .. احنا هنا بالسعوديه اللي تغلط الذبح مايكفي فيها ...
بندر يتكلم وكانه فيلسوف : هذا الغلط ... مو كل من اخطء حطينه عليه حبال المشنقه على كذا محد راح يبقى في البلد ... الا نسان مو معصوم من الاخطاء ... بس احنا بابيدنا نعالجه ونخليه انسان صالح .. لاكن اذا كررها هنا نقدر نحاسبه بس مو قبل مانعطيه الفرصه ..
ام بندر : هذا الكلام يمشي عندهم هناك لاكن هنا لا ..
بندر : على الرغم من انا الغرب عندهم عادات سيئه الا انو في بعض المواقف حكمهم يكون عادل اكثر ..
ام بندر وماكانت تبي أي كلام يخليها تغير رأيها بجود : يصير خير ..

جاء ابو بندر وجلس على الكرسي مقابل لهم : وش تتكلمون عنا ...
بندر : امي مو راضيه بالزواجه ..
ابو بندر : ليه ياحرمه مو كان هذا اختيارك بالاول ..
ام بندر : ايه .. كيفه خل ياخذها بس لايجي أي يوم ويشتكي انا مالي دخل فيه ...
وقامت من الحديقه دخلت داخل وخلتهم ...

ابو بندر : امك اذا حبت مدحت .. واذا كرهت اعوذ بالله ..
بندر : تعلمني فيها .. الله يعين ...

**************************************

المانيا .. 6:00 المغرب ...

العنود بكت لحد مانامت .. بكره راح يكون موعد خروجها من المستشفى .. خلاص العمليه مانجحت لازم ترجع .. فتره السفر انتهت ... كانت ناويه تكلم نوره .. بس لغت الفكره .. شنو راح تقول لها مافي خبر حلو على شان تقوله لها ...

حمده كانت جالسه طول الوقت جنب العنود حتى مانامت حزينه على حالها .. كانت متامله انها بتنجح ... لاكن هذا قضاء الله اللهم لاعتراض .. فتحت المصحف وبدت تقراء قران .. يمكن يهدي العنود .. ويطمن قلبها .. قراءه القران راحه عجيبه ...

والعنود محتاجه ذي الراحه لان اعصابها انهارت ....

***************************************

مشاعل من كثر مانتظرت وملت ... غافلها النوم وراحت في سابع نومها ...

سمعت صوت ضرب على الباب خلها تفز من نومها بسرعه ..
فتحت الباب حصلت وليد واقف قدامها : ليه قافله الباب ..
مشاعل : الغرفه اللي قلتي لي عنها يطلع منها اصوات غريبه عشان كذا قفلت علي الباب ..
وليد يطالع بالغطاء على الارض : طيب ليه نائمه على الارض ..
مشاعل : المكان مغبر زي مانت شايف ..
وليد : اوكي الحين اخليهم ينظفوون المكان ..
مشاعل بفضول : ممكن اسالك ..
وليد : شنو ؟؟..
مشاعل : الصوت اللي يجي من ذيك الغرفه شنو ؟؟..
وليد جن جنونه : اذا تبين تكملين حياتك مرتاحه انسي موضوع الغرفه ...
مشاعل خافت منه : اوكي خلاص اعتبر اني ماسألتك ..
وليد بنفس العصبيه : يكون احسن .. شويات ويجيبون لك الاكل ازحري ونامي ..
مشاعل استغربت من عصبيته .. مجرد سؤال قلب مزاجه ..

توه بيطلع من الغرفه وقفه صوت مشاعل وهي تقول : وين رايح ..
وليد لف عليها : انا طالع فوق انام ..
مشاعل : طيب ..

طلع من الغرفه وصعد فوق كلها دقايق وجاتها الخدامه ومعاها صينيه الاكل ... وجات معها وحده ثانيه نظفو المكان على السريع وطلعو بصمت ولا همسه ... مشاعل استغربت من تصرفاتهم وكانهم خايفين ... قالت بنفسها ( اكيد هذا البيت مسكون .. بسم الله الرحمان الرحيم ) ..

حطت ملابسها بالدولاب واغراضها بالدروج رتبت كل اغراضها بمكانهم ... استنت احد يجي ياخذ صينيه الاكل بس محد جاها ... خلتها على الكوميدينه ... دخلت بالفراش ونامت ...

*************************************

طلال جالس بغرفته .. وحاس بتأنيب الضمير .. هذي ثاني مره ياذيها من دون لايقصد اول مره لما جرحها بالكلام .. والحين لما فشلت العمليه ... يحس انه سبب فيها .. وكلام العنود صح .. هو مبتداء وفاشل ... لازم يصلح غلطته ولازم يجدد حياه العنود ... بس كيف .. مايدري ...

اول مره يحس انه انسانه حقيير وبلا مشاعر ... البنت ذي خلته يوسوس في كل تصرفاته ...

طلال كان منسدح على السرير وبعد طول تفكير .. قرر بشيء واحد .. رفع الجوال ودق على اخوه مشعل .. بعد كذا دقه جاله صوت مشعل : الو ..
طلال : هلا مشعل ...
مشعل : هلا والله .. هلا باللي مانسمع صوته الا بعد شهور ..
طلال : حرام عليك .. الاسبوع اللي فات داق عليكم ..
مشعل : بس ماكلمتني ..
طلال : انت ماكنت موجود بالبيت .. ماعلينا اخبارك ..
مشعل : الحمدلله بخير .. انت شمسوي هناك ها مبيضها والا ..
طلال : افا عليك وانا اخوك ..
مشعل : هذا العشم ..
طلال : مشعل انا متصل بقولك شيء ..
مشعل : انا قايل ماتتصل الا وراك شيء .. ها ناقصك شيء فلوس .. شيء ..
طلال : لا الحمدلله ماني محتاج فلوس الخير واجد .. انا ابيك بشيء ثاني ..
مشعل : شنو ؟؟..
طلال : بتزوج ..
مشعل بصدمه : نعم ..
طلال : شفيك مشعل كاني قايل منكر بتزوج على سنه الله ورسوله ..
مشعل : لا اكيد انت شارب شيء ..
طلال : لاني شارب ولا شيء ...بكامل قواي العقليه .. ياخي ابي اكمل نص ديني ..
مشعل : انت صاحي .. أي نص دين اللي بتكمله وانت ماتخرجت .. ولا تملك دخل .. ولا حتى مسكن .. ماتقولي شلون بتتزوج ..
طلال : عادي مكافاه الجامعه تكفينا .. ولما اتخرج من الجامعه واتوظف .. مابقى شيء ..
مشعل : واهلك بيوافقون ..
طلال : عشان كذا انا داق عليك .. ابيك تقول لهم ..
مشعل : من الحين اقولك ماراح يوافقون ..
طلال : اذا ماوافقو راح اخذها ونعيش بره ..
مشعل : يعني قصدك غصب عنهم ..
طلال : ايه ..
مشعل : لا اكيد هذي وحده لاعبه بعقلك .. ومين سعيده الحظ .. ( بسخريه قال ) جوليانا .. والا ميشيل ..
طلال : لا ..........

**************************************

فرح بغرفتها تكلم ماجد ..

فرح : اوكي بكره بنفس المكان ...
ماجد بفرحه واخيراا : واخيرا فروحه ..
فرح بدلع : عشان تعرف انو فروحه قد كلمتها ...
ماجد : بعدي يافروحه ... ودي اسالك سؤال لو مايضايقك ..
فرح : اممممم .. اسأل ..
ماجد : انتي وراشد كنتو تحبون بعض ..
فرح : نو .. وابدا ..
ماجد باستغراب : اجل ليه مصممه تاخذينه ..
فرح بسخريه : فروحه مو أي احد يدخل مزاجها .. تقدر تقول علشان فلوسه بس ..
ماجد : فلوسه !! ... بس هذي فلوس ابوه ..
فرح : يب .. سعود ال .. من اشهر تجار الشرقيه .. ويحب عياله كثير ... يعني اكيد مراح يرفض طلب لولده .. واذا مات .. نص الحلال اذا مو كله بيكون لراشد .. وحلال زوجي حلالي فهمت ..
ماجد ابتسم على خباثتها : طلعتي موهينه ...
فرح : ايه هههههههه ...

**************************************

بالسياره ...

ناصر كان طائر من الفرحه ... خلاص اوراق خروج بنته من الدار كانت بيده ... كلها كم يوم وتكون معاه ..

ابو فيصل : مبروك ياناصر .. تستاهل كل خير ..
ناصر : تسلم ...
ابو راشد : وانشاءالله بنتك ماراح ترفض انها تكون معاك ...
فيصل اللي كان يسوق السياره لان راشد قرر انه يكون مرافق مع راكان : اكيد لو انا مكانها ماراح ارفض اني اعيش مع العم ناصر .. قلبه طيب وانسان نظيف ..
ناصر : مشكور ياولدي ..
خالد بمزح : عاد ها ياعم من الحين اقولك محجوزه لي ...
ناصر : ههههههههههه انشاءالله ولا يهمك ..

انطفت انوار بيوت الشرقيه وشوارعها .. في هذا الوقت الكل كان نائم ...

الى هنا انتهى البارت ... القاكم بالبارت القادم ...

توقعاتكم للبارت الجاي ..

مين اللي بيتزوجها طلال معقوله تكون العنود وليه ممكن توافق ؟؟..
وليد ليه تزوج مشاعل ؟؟..
شنو الشيء اللي يخفيه وليد بالغرفه المحرمه ؟؟..

نوره تتوقعون هذي نهايه قصتها ؟؟..
راشد وراكان وعلاقه الاخوه اللي بدت تطور ؟؟..
جواهر وين اختفت ؟؟..
مشاعل خلاص نست راكان و ممكن تنهيه عن حياتها ؟؟..
بندر وكلامه لامه ممكن يكون لعبه عشان يقنعها بس ؟؟..
فرح وماجد وين بيلتقون ؟؟

..

البارت السابع والعشرون ...
الجزء الاول ...

أَتْقَنَ آلغِيَابْ .. وَأَنَا أَتْقَنْتْ الحَنِيِنْ ..!

ۈڳ

عـــذراً يـــا قــلـبـي ،،،لــقــد خـــذلـتـكــ

لـــكـــن أقــسـم لــكـ ،،،بــأن لا تـكــون هــنـاك مــــرةاخـــرى

فــلا أحــد يــسـتـحــق ( دمـــــــــــــــــــعــي )

مـــا أصــعـــب أن تــبــكــــي عـــلــــى أمــــــر لـيـــس مـنــــــه رجــــــــــاء ,,,,

وأن تــطــلـــب شــيـئـــــا هــــو والــنـجـــــوم فــــــــي الـــبـعــــــد ســــواء ,,,,

وأن تــحــــــب شــخــصـــــــــــــا يــعـــــــــامــــــــلـك بــجــفـــــــــــــاء ,,,,

و أن تــضـحــي فـــي سـبـيــــل شخــص لا يـعــــرف مـعـنـــى الـــوفــــــــاء

أَتعلم لمـــاذا أصبـــرُ على إهــمـــــالـــــگ لــــــي ؟؟؟!!

لأنــــي أريـــــدُ أَن أكرهــــــگ بقنــــاعـــــة!!!!

في هالوقت الكل كان نائم ماعدا شخص واحد ...

راكان كان يطالع بالسقف ... عينه كانت ماتفارق سقف الغرفه وكانه يطالع شيء مجهول ... تذكر مشاعل .. تذكر جنونها ... ضحكتها .. عصبيتها ... عربجتها ... كل شيء في هالبنت يعشقه عجز انه ينساها ... هي الوحيده اللي خلته ينسى حزن الماضي و يجدد حياته .. حس بغصه الم في قلبه .. وهو يتخيلها مع شخص ثاني وفي بيت واحد .. تكون تحبه بجنون وهو اكثر ... يجيبون عيال .. بعد هالفكره عن باله .. وردد بنفسه ..( ليه يامشاعل ... وانا اللي اخترتك تكونين حبيبتي .. نصيبي ... زوجتي ... ام عيالي .. وصديقتي .. انا كنت بتغير على شانك .. كنت مبسوط وانا معاك ... مبسوط وانا خايف عليك .. اول مره بحياتي احس اني قد المسؤليه وفي احد يعتمد علي ... ليه ماعطتيني فرصه اعبر لك عن مشاعري ... ليه يانظر عيني ) ....

الف ليه و ليه كانت تدور في باله ... لاكن الشخص اللي مفروض يجاوب ماكان موجود ... لف على اخوه راشد اللي كان نائم بالسرير جنبه .. غمض عيونه وداخله قهر وحسره .. في هذي الليله جفاءه النوم ... كان يتقلب في كل الجهات يبي ينام بس ماقدر .. وماتوقع انه يقدر .. تدرون ليش ...( لان العشق يسرق كل شيء من الانسان حتى النوم من العيون ) ...

************************************************** ************

الساعه .. 6:00

هاهي تشرق شمس .. يوما جديد ..
هكذا بدأت الشمس اليوم وهي تشرق ... باعثه اشعتها الذهبيه القويه ... اشرقت وهي ترتدي ابهى حله وهي تحمل معها امل جديد وبشرى يوما افضل .. وكالعاده لاتدع احدا يرى جمالها ويتأمل سحرها .. لا أنصحك بالمحاولة لأنها ستلسع عيناك بلا رحمة إلا إن كان بينك و بينها وسيط، كالكميرا مثلا، وقتها فقط يمكن أن تراها و إن كان من وراء حجاب قد يخفي الكثير من حسنها و روعتها ...

ريم فاتحه الستائر عن البلكونه ... واشعه الشمس كانت داخله بالغرفه .. جالسه على كرسي الكومدينه ترش بقايا علبه العطر اللي كانت على نهايتها .. طالعت فيها بحزن عطرها المفضل بيخلص .. كيف راح تجيب واحد مثله .. كانت حمده هي اللي تجيبه لهم ... تذكرت خواتها .. وبالاخص تذكرت العنود .. ماتدري وش صار على عمليتها .. ماتعرف ليه كانت مو مرتاحه ... لمت شعرها المتناثر على كتفها .. رفعته فوق بيدينها الثنتين خذت البكله .. سوته ذيل حصان .. حطت لها قلوس وردي خفيف .. توها بتاخذ حجابها و بتنزل ...

فتحت الباب بقوه وبدفاشه من غير احم ولا دستور كالعاده : رويم .. يلا عشان نفطر قبل نروح ..
ريم طالعتها بنص عين : انتي متى بتتعلمين الذوق .. يمكن كنت البس والا شيء ..
ساره تتخيل المنظر: ههههههه تخيلي ريم ادخل عليك و انتي مفصخه والله بيصير حدث السنه ..
ريم والاخلاق قافله اليوم : هاها سخيفه وصخه بعد ..
ساره قربت منها واستغربت من نبره صوتها : شفيك ريووم ..
ريم والدموع بعيونها بس ماسكتها تكابر : مافيني شيء ..
ساره ماحبت تزودها عليها : طيب .. ياريت تستعجلين شوي عشان نفطر بسرعه .. لان فيصل هو اللي بيوصلنا ... السواق مشغول اليوم .. ( تتحلطم ) .. حاطين سواق على الفاضي ..
ريم تاخذ حجابها من على الشماعه : انا جاهزه اساسا ..

نزلو تحت وساره مستغربه من ريم اليوم مو طبيعيه .. اول يوم من جات عاشت عندهم تتكلم معاها بهالطريقه ..

على الطاوله ...

ابو راشد يكلم ام راشد : اليوم جهزو نفسكم العصر انتي وام فيصل والبنات عشان تروحون لراكان المستشفى ..
ام راشد : انشاءالله ..
ام فيصل : معافى انشاءالله ..
ابو راشد : الله يعافيك ..
ابو فيصل يناظر بالموجودين على الطاوله : وين جود ... لي كم يوم ماشفتها ....
ام فيصل هنا تبلعمت .. ماعرفت شترد ...
ريم و ساره طالعو بعض بخوف انه تنكشف السالفه ..
ابو فيصل يكمل : كم يوم وانتي تقولين تعبانه ..
ابو راشد : ودوها المستشفى ليكون في البنت شيء واحنا ماندري ..
ام فيصل بارتباك تطالع بفيصل اللي كان هادي ماتدري شنو رده فعله : لا ماعليها شر انشاءالله .. حرارتها مرتفعه شوي .. عاد يبيلها كم يوم لما تتحسن ..
ابو راشد : اهاا ..ماتشوف شر ...
ابو فيصل وام فيصل : الشر مايجيك ..
ام راشد بابتسامه نصر بينها وبين نفسها .. ماراح ترتاح الا لما يعرف ابو فيصل الموضوع كله .. قالت بنفسها ( وهالزواج ماتتم .. يعني ماتتم ) ...
خالد وقف : بروح اشوفها ..
ام فيصل بسرعه : لا استنى ..
خالد باستغراب : ليه ..
ام فيصل توهقات : ل .. لانه ..
ساره تدخل عرض : انا تو جايه منها .. كانت نايمه ..
خالد رجع جلس مكانه : اها .. اجل بعدين اشوفها ..
ام فيصل ابتسمت لساره بأمتنان انها انقذتها ..
فيصل ودلال كانو ياكلون بصمت هم الوحيدين اللي ماشاركو بالحديث ... وقف فيصل : يلا بنات مشينا ...
ريم وساره وقفو معاه وبيدهم شناطهم وعباياتهم ...
دلال كانت جالسه ببرود ولا كان فيصل يتكلم .. فيصل طالع فيها : وانتي ..
دلال تاشر على نفسها : انا ..
فيصل : لا جدتي ... ( فيصل يتكلم بنفس شينه .. ونسى العيون اللي تطالع فيهم ) ..
دلال طالعت فيه باين انه ماراح يعديها على خير ..( كمل فيصل ) : ماعليك محاضرات اليوم ..
دلال : الا .. علي بس مابي اروح الحين ..
فيصل بامر : اجل قومي هزي طولك .. شوي ..
ابو فيصل استغرب من طريقه فيصل مع دلال : شفيك فيصل .. مايصير تكلم بنت عمك كذا ..
فيصل واصله معه من دلال .. اشر بيده لابوه : معليش يبا زوجتي .. واعرف اتصرف معاها .. ( لف عليها بامر ) .. انا انتظركم بالسياره ..
ابو راشد كان مبسوط من فيصل .. هذا اللي يبيه دلال تتعدل كان عنده نظره بعيده من هالزواج : يلا اسمعي كلام زوجك ..
دلال .. خافت منه .. قدام اهلها وماهمه .. اجل شلون لو بروحهم .. شنو بيسوي ..
طلع فيصل والبنات معاه .. دقائق ولحقتهم دلال ..
ام فيصل ماهمها طريقه فيصل مع دلال اساسا هالبنت ماعجبتها ... اما ام راشد انقهرت منه ...

************************************************** *********************

مشاعل صحت من النوم مبكر ... خذت لها دش بالحمام الداخلي بالغرفه ... بدلت ملابسها وجلست على السرير .. انتظرت احد يجيها ... طالعت بالساعه المعلقه بنص الغرفه كانت الساعه سبع الا ثلث .. ولحد الحين ماجاءها وليد ... قررت انها تطلع ... افتحت الباب لفحها الهواء البارد ... كان التكيف عالي بالصاله والاسياب ... والمكان هاديء كالعاده .. وقفت قدام الدرج بتردد تصعد فوق والا لا ... مين بيوديها المدرسه وليد مو موجود ... بعد تفكيير قررت انها ترجع لغرفتها .. لفت وهي تمشي على جهه الغرفه ..

وقفها صوته الرجولي القوي .. كان نازل من الدرج : مشاعل ..
مشاعل رجفت بخوف لانه فاجاءها .. لفت عليه : نعم ...
وليد نزل من الدرج .. وقف قبالها وتكتف .. رفع حاجبه : وش موقفك هنا ...
مشاعل بارتباك تفرك يدينها بعض : اا .. شسمه ..
وليد بقله صبر : لين متى يعني ..
مشاعل : انا كنت ابي احد يوديني المدرسه ..
وليد : السواق بره ينتظرك ..
مشاعل : بس انا ماعرف ادليه المدرسه ..
وليد : لا تخافين هو يدلها ... انا طالع ( رفع صبعه بتهديد ) .. واحذرك لاخر مره لاتقربين لشيء بهالبيت ..
مشاعل بانصياع : طيب ..

دخلت الغرفه واخذت شنطتها وعبايتها .. وطلعت من البيت ركبت مع السواق ... متوجهه للمدرسه ..

************************************************** ****************

في المستشفى ..

راكان جالس بالبانيو ... وراشد واقف بسروال وفنيله .. ومعاه الليفه .. قرر انه يحمم راكان بدال الممرضات اللي ساعدوه بنقل راكان للحمام ( وانتو بكرامه ) ..

راشد حط الليفه على ظهر راشد .. وبداء يفرك جسمه : راح نعملك احلى حمام .. شو بدك كمان ..( باللبناني ) ...
راكان كان يضحك من قلب على حركات راشد .. اول مره يضحك من قلب مع اخوه : ههههههههههه ...
راشد حب يفرح اخوه اكثر : اضحك .. اضحك شعليك ...

************************************************** ***************

ناصر من الفجر وهو صاحي .. راح المسجد عشان الصلاه مع ابو راشد وابو فيصل وفيصل .. اما خالد ماصحى ... صينيه الفطور محطوطه قدامه من نص ساعه بس ماحرك شيء فيها ... يناظر بالاوراق اللي بيده ... كله امل وفرحه انه راح يشوف بنته لاول مره ... من سنين طويل ... اخر مره شافها كان عمرها يوم ... واليوم صارعمرها 17 سنه حرمه كبيره ... من امس وهو كل شوي يطالع بالاوراق وكانها شيء كبير شهاده تكريم والا تفوق ... من درجه فرحته فيها حطها جنبه وهو نائم ... وده الوقت يمشي بسرعه ويجي العصر عشان يقابل بنته ... تمنى لو زوجته فاطمه معاه هذي كانت امنيتها ... تنهد بالم .. ودعا لها بالرحمه ...

***************************************

بالسياره ... بالطريق ...

دلال حاطه راسها على الدريشه ... منقهره من حركه فيصل لها فشلها قدام ريم وساره ..

خلونا نشوف شنو صار ..

دلال بعد ماطلعت من القصر ... حصلت سياره فيصل واقفه قدام الباب ... ريم وساره كانو جالسين وراء ... وهي ماشيه للسياره .. فكرت وين تركب قدام والا وراء ... بعدين قالت بنفسها ..( لا عيب خل اجلس قدام هو زوجي الحين .. مو سواق ) .. وصلت لسياره فتحت الباب المعقد الامامي جنب فيصل ..
توها بتركب ..
فيصل اشر لها : ياريت تجلسين وراء .. ماحب احد يجلس جنبي ..( كان قاصد الحركه ) ..
دلال طالعت بالبنات باحراج .. سكرت الباب بقووه وبقهر ... وركبت وراء ...

وصلو لمدرسه الثانويه .. ودلال على نفس حالتها ..

ساره تاشر لفيصل على باب المدرسه : خلاص وقف هنا ...
فيصل يطالع في الباب باستغراب : هذي بوابه الدخول ... مو كانها حقه الباصات ...
ساره تسحب شنطتها من تحت : ايواا .. بس انا وريم ندخل منها لانها اقرب لفصلنا .. تعرف المدرسه كبيره والمشوار طويل ..
فيصل : كسولات ..
ساره : تقريبا ..
نزلت ساره .. وبعدها ريم : شكرا فيصل ..
فيصل بابتسامه : لاشكر على واجب ولو احنا بالخدمه ..
فيصل ظل واقف لما تاكد انهم دخلوا لمدرسه وبعدها حرك .. لجامعه دلال ..

**************************************

في المستشفى ...

راشد كان شاد حيله مع راكان ... يشيل ويرتب .. يروشه وياكله ويشربه ويلبسه ... ومع كذا ماكان حاس بالتعب بالعكس كان مبسوط ومرتاح ..

راكان منبطح على السرير وراشد يعدل لها المخدات وراء ظهره .. عشان جلسته تكون عدله وماتوجعه ... بعدها اخذ الريموت وبداء يفرفر بالمحطات ..

راشد حاط على فلم كرتون : تبي ذا ؟..
راكان طالع فيه بنص عين : شايفني بزر !! ..
راشد بلعانه : اوه صح نسيت انك كبير ...
راكان تنرفز : لا ياشيخ ..
راشد : خخخخخخخ امزح معك ...
راكان : راشد بقولك شيء بس ماتزعل ..
راشد حط على قناه افلام .. سحب الكرسي وجلس جنب راكان : قول ..
راكان : تصلح تكون شغاله ..
راشد تحطم : اها .. بدينا بالغلط ..
راكان بجديه : لا اتكلم جد .. يعني ماشاءالله عليك .. حركي ونشيط ..
راشد بمزح : اقول اسحب كلمتك .. عشان مانخسر بعض ..
راكان : ههههههههههه ( بجديه ) .. تصدق بهاليومين اكتشفت فيك اشياء .. ماكنت اعرفها ..
راشد بجديه : وانا بعد ..
راكان : مثل شنو ؟؟..
راشد : بقول بس ماتزعل ..
راكان : ايه ..
راشد : احسك يعني طيب .. بس مغرور ..
راكان ضحك : هههههه يعني انت اللي مو مغرور ..
راشد بقق عينه : حرام عليك والله ماني مغرور ..
راكان : لاتحلف .. انت اساس الغرور كله ..
راشد بحماس قرب الكرسي اكثر لاخوه : طيب شنو اكتشفت شيء ثاني فيني ..
راكان بتفكيير : اممممم ... شوف بقول بس ماتزعل ..
راشد : طيب ..
فجاءه فقعو ضحك هم الاثنين على بعض : هههههههههههههه...( لان كل واحد فيهم يقول.. بقول بس ماتزعل ) ...

هذا كان محور حديثهم .. كانهم اول مره يعرفون بعض ... وكل واحد فيهم يكتشف شخصيه الثاني .. وكل واحد فيهم يبتدي كلمته ب ( بقول بس لاتزعل ) .. كان فعلا هذا احساسهم خايفين انهم يخسرون بعض وهم ماصدقو انهم يكونون قراب من بعض ويحسون بطعم الاخوه ...

**************************************

وصل فيصل عند جامعه دلال .. طول الطريق كانت ساكته ...

فيصل باسلوب ناشف : انزلي وصلنا ..
دلال ماردت عليه فتحت الباب بهدوء خذت دفترها وشنطتها ونزلت ..
فيصل : استني ..
دلال بدون نفس قرفانه منه : خير ..
فيصل : متى تطلعين اليوم ؟؟..
دلال : وليه انشاءالله ..
فيصل : لما اسألك جاوبي وبدون كلام ثاني ..
دلال ودها تذبحه ( الله ياخذك ) : وحده ونص الظهر ..
فيصل يستخف دمه : اجل الليل .. ماعلينا بمر اخذك استنيني ..
دلال : لا شكرا .. السواق بيجيني ..
فيصل بعصبيه خفيفه : ماخذت رايك .. انا اعطيك خبر بس ..
دلال برطمت مقهوره .. سكرت الباب باقوى ماعندها تبيه ينقهر منها ... بس انقهرت اكثر منه لما حرك عنها بسرعه وتركها .. حتى ماتاكد انها دخلت الجامعه ... دخلت الجامعه وكلها عصبيه من فويصل الزفت على قولتها ...

**************************************

في المدرسه ..

بالتحديد في فصل ريم وساره ...

كان عندهم حصه فراغ ...

ساره : ريووم شفيك اليوم ؟..
ريم تحاول تتهرب من عيون ساره .. تحس نفسها مخنوقه بس مو عارفه ليش : مافيني شيء ..
ساره مسكت ذقن ريم بيدها ولفته عليها : عيني بعينك ...
ريم اكتفت بانها تطالعها ..
ساره تحاول تجر الكلام منها : انا زعلتك بشيء ؟..
ريم : لا ..
ساره : طيب في احد بالبيت مضايقك ..
ريم : لا ..
ساره : اجل شفيك ؟؟..
ريم : مدري .. احس نفسي مخنوقه ..
ساره ضمتها : بسم الله عليك ( وبدت تقراء قران وتمسح عليها ) ...

***************************************

في الشركه .. ابو راشد وابو فيصل جالسين بالمكتب يتناقشون بمواضيع كثيره عن الشغل ..

ابو فيصل : لاتنسى يابو راشد اليوم موعدنا بالدار مع بنت ناصر ..
ابو راشد : لا مانسيت .. خلاص نتغداء وبعدها نمر على راكان ومن هناك نروح للدار ..
ابو فيصل : الله يجيب فيه الخير ..
ابو راشد : ان شاء الله .. انا متفاءل بكل خير .. وناصر يستاهل ...
ابو فيصل : ايه والله .. الا قلتو لراكان عن حالته ..
ابو راشد بحزن : لا والله .. راشد يقول عرف انه مشلول .. لاكن ماقلنا له عن سالفه العقم ..
ابو فيصل : ربي يشفيه ويخليه لك ..
ابو راشد : امين ..
ابو فيصل تذكر فيصل ولده : شوف انا مو راضي بتصرفات فيصل مع دلال .. وانت اللي عطيته وجه ..
ابو راشد : لاتخاف انا واثق من فيصل .. وصدقني لو هو ماخطبها كنت انا بنفسي بخطبها له .. فيصل رجال ينشد فيه الظهر وعارف الاصول .. وانا ادرى بنتي دلال مايفيد معاها الا العين الحمراء ...

ابو فيصل : بس مهما يكون انا حاس انه يقسي عليها .. كذا البنت بتكرها ..
ابو راشد : لا ماعليك خله يتصرف باللي يشوفه صح .. واحنا مانتدخل فيهم هذي حياتهم .. بكذا راح يكونون مبسوطين اكثر ...
ابو فيصل : على رايك .. نصبر ونشوف ..

*************************************

في الكليه ..

فرح ودلال جالسين بالكافتيريا ...

فرح تطالع ساعتها : باقي نص ساعه ..
دلال : زين باقي كثير على المحاضره ..
فرح : تدرين عاد لو انا منك اكسر راسه هالفيصل ..
دلال : ومن قال لك اني خايفه منه .. اصلا محد مقوي شوكته الا ابوي ..
فرح : واضح .. بس حتى لاتخلينه يتطاول عليك ..
دلال : انا ارد عليه دائم .. بس تعرفين هو رجال اكيد اقوى مني ..
فرح تكش عليها : مالت عليك خليك كذا .. لما يلعب فيك ...
دلال : ماعلينا من الزفت فويصل .. الا تعالي شخبار ماجد حبيب القلب ..
فرح تمسك قلبها : وه بس فديته .. ماقلت لك اليوم بنتقابل ..
دلال بققه عيونها : من جدك ؟..
فرح : والله ..
دلال باستغراب : غريبه انتي اول مره ترضين انك تقابلين واحد من اللي تكلمينهم ...
فرح : تقدرين تقولين هذا غير ..
دلال : من أي ناحيه ... لاتكونين تحبينه بس ..
فرح تحط رجل على رجل : يب احبه ..
دلال : دامك تحبينه وعلى قولتك هو يموت فيك ... خلاص تزوجو .. احسن من انك تركضين وراء اخوي راشد اللي مادرى عنك ..
فرح : احبه أيه .. بس اتزوجه لا ..
دلال : شهالتفكير ... المهم وين بتتقابلون ..
فرح بكل ثقه : عندكم بالبيت ..
دلال بققه عيونها بصدمه وقالت بصوت عالي : نعم !! ..
فرح تتلفت باحراج على البنات اللي التفتو على الصوت : اشش اسكتي .. فضحتينا البنات يطالعون فينا ..
دلال بصوت اوطى : انتي من جدك ؟..
فرح : ايه نفس مقابلته المره اللي فاتت بقابله اليوم بيتكم ..
دلال : المره اللي فاتت كان .. خطه على شان جود .. لاكن هالمره على أي اساس ..
فرح : ماعليك انا مدبره كل شيء ... هو بيشوفني ربع ساعه ولا من شاف ولا من درى ..
دلال : بكيفك انا مالي دخل ..
فرح : انتي اللي ماعدتي مثل اول تضبطين لك من هالشباب ( وغمزت لها ) ..
دلال : توبه بعد اللي شفته من فيصل .. المره اللي فاتت طلع ولد عمي هالمره بيطلع ابوي ..
فرح : هههههههههه ..
دلال تطالع بساعتها : اوف يابرودك .. امشيء بس المحاضره بدت ...

**************************************

في الفسحه ...

مشاعل كانت طالعه من الفصل بتروح للمقصف .. وهي طالعه قابلت ريم بوجها ... اللي لفت على طول اول ماشافت مشاعل وعطتها ظهرها ..

ريم كانت بتمشي بسرعه وقفها صوت مشاعل : ريم ..
ريم لارد وقفت بمكانها .. على نفس الحاله ..
مشاعل بحزن : انا ادري غلطت .. ريم انا من بعدكم تايهه .. في كلام كثير ابي اقوله لك ...
ريم لاتعليق ... عينها بدت تدمع اشتاقت كثير لصاحبه هالصوت .. بس كبرياءها اكبر من انها تسامحها بهالسهوله ..
مشاعل : ماشتقتيلي ... انا عن نفسي بمووت من الشوق ...

ريم حنت لها ودها تركض وترتمي بحضنها ...
جات ساره بسرعه وسحبت ريم من يدها مانتبهت لمشاعل اللي كانت واقفه وراهم : انتي واقفه هنا .. واحنا ننتظرك ..

مشاعل كانت تناظرهم وساره تجر ريم رايحين للمقصف .. لحظات واختفت من قدامها ... مسحت دمعه صغير نزلت من طرف عينها ...

**************************************

حمده كانت طالعه من دوره المياه ( وانتو بكرامه ) ..

اتفاجاءت لما شافت باقت ورد كبيره بجميع الالوان واشكال الورود ... قربت منها تأملتها .. كانت غايه بالروعه .. لقت كرت ابيض معلق فيها .. فتحته ولقت مكتوب فيه كلمه وحده بس .. ( اسف ) .. استغربت من الكلمه .. شكت انهم مخربطين بالغرفه وجايبينه هنا بالغلط ..

العنود : ماما انتي هنا ..
حمده والكرت بيدها : ايه .. شوفي شنو لقيت ..
العنود : شنو ؟..
حمده : باقه ورد كبيره ..
العنود بتعجب : باقه ورد .. من مين ؟؟..
حمده بفضول : مدري .. شفت الكرت .. مكتوب عليه .. اسف ..
العنود هنا ابتسمت عرفت صاحب الباقه ..
حمده تكمل : شكلهم مخربطين ..
العنود كان ودها تشوف الباقه : ماما اوصفيلي شكل الباقه ..
حمده : كبيره .. وفيه ورد احمروابيض واصفر وردي ... بس الصراحه اللي جايبها انسان ذوق ..
العنود : ليه يعني ؟..
حمده : اول مره اشوف باقه ورد ملونه بهالروعه ..
العنود زادت ابتسامتها : اها ..
حمده بمزح : شكله عندك معجب الماني وانا مدري هههههه ..
العنود : ههههههه ..
**************************************

بعد انتهاء الدوامات ... فيصل مر على الجامعه اخذ دلال اللي كانت واقفه بالشمس تنتظره ... اول ماشافها بهالمنظر .. انرسمت على وجهه ابتسامه نصر .. لانه تاخر عليها شوي اخذ ريم وساره قبل بعدين جاها ..

وبعدها راحو للبيت ..

************************************

ابو راشد وابو فيصل وناصر وخالد طلعو من الشركه .. بعد دوام طويل و متعب ... قررو انهم ياكلون أي شيء على الطريق ويروحون لراكان وبعدها يطلعون لدار ..

************************************

في بيت ابو راشد ... فيصل والبنات وام فيصل وام راشد ... الوحيدين اللي كانو على طاوله الطعام ... راشد كان مع راكان بالمستشفى ... وابو راشد وراشد وناصر وخالد بعد ماتغدو طلعو على المستشفى عند راكان ...

فيصل : يما تجهزو العصر على الساعه اربع كذا ... عشان اوديكم عند راكان ..
ام راشد : ليه السواق وينه ؟..
فيصل : مدري .. بس الظاهر عمي موصيه على شغل ...
ام فيصل : خلاص انشاءالله الساعه اربع نكون جاهزين .. سمعتو يابنات ..
ريم وساره : انشاءالله ..
دلال : انا مو رايحه معكم ..
فيصل طالعها بنص عين : وليه انشاءالله ..
دلال : لان فرح بنت خالي بتجيني وفشله اخليها هنا ..
ام راشد تدخل : ايه مايصير عيب يما ... خلاص انتي اقعدي ..
دلال فرحت لان امها شجعتها : طيب ..
فيصل وقف : الحمدلله ..
ام فيصل : وين يما ماكلت ..
فيصل : الحمدلله شبعت .. انا بروح اقيل شوي لاجهزتو صحيني ..
ام فيصل : انشاءالله ..

**************************************

الساعه 3:30 ..

فرح كانت موجوده مع دلال بغرفتها ...

ريم و ساره جالسين بالصاله ..

ساره : تدرين ماودي اروح لراكان ..
ريم : ليه ؟؟..
ساره : مدري احس قلبي بيعورني لو شفته ..
ريم : اكيد .. بس هذا اخوك ماله غيركم اذا شافنا حوله بينبسط ..
ساره : انشاءالله .. بروح اجيب شيء نشربه ..
ريم : اجلسي انا بروح ..
ساره : طيب .. جيبيلي عصير اذا فيه ..
ريم وقفت : اوكي ..

**************************************

ابو راشد وابو فيصل و ناصر في المكتب في دار الايتام ..
خالد قرر انه يبقى في المستشفى مع راشد وراكان ..

الموظفه البديله مكان حمده : لولا الاوراق اللي عندكم والاكنت مقدر ادخلكم لان مديره الدار مسافره حاليا .. وانا ماعندي صلاحيات ..

ابو راشد : يعني نقدر نتكلم مع البنت وابوها يشوفهها والا لا ؟..
الموظفه : اكيد .. بما انكم جبتو اوراق رسميه ..
ابو فيصل : اجل ماعليك امر نبي نشوف البنت ..
الموظفه : اوكي ..

طلعت الموظفه من المكتب تنادي البنت ... ناصر كان يفرك يده بتوتر .. ابو فيصل حط يده على كتف ناصر وابتسم له يهديه ..

***************************************

ريم فتحت الثلاجه ... تدور بعينها عن العصير .. ماحصلت الا انواع البيبسي ...

ريم دورت بعينها على احد من الخدم ماحصلت احد ... شافت باب المطبخ الخارجي مفتوح .. قالت بنفسها ( اكيد هم بالمطبخ اللي بره ) ..

مشت لباب المفتوح .. كان مفتوح شوي وكان احد طالع منه ..
فتحته اكثر على اساس انها بتطلع ... لاكن انصدمت من اللي شافته ... خلاها توقف بمكانها بذهول ... فرح وشخص ثاني واقفين جنب بعض في وضع مخل ..

الى هنا انتهى البارت ... القاكم بالبارت القادم ... باذن الله

..

البارت السابع والعشرون ...
الجزء الثاني ...

لاكن انصدمت من اللي شافته ... خلاها توقف بمكانها بذهول ... فرح وشخص ثاني واقفين جنب بعض في وضع مخل ..

ريم حطت يدها على فمها وشهقت : فرح و...( بتفكير ) مين ذا ... معقوله يكون اخوها .. بس اخوها ماراح تسوي معاه كذا ..

ريم كانت واقفه تطالعهم بدون لايحسون فيها ... فرح معطتها ظهره وماجد كان وجهه مقابلها ... لاكن مايشوفها لانهم بعيدين عنها ...وهي فاتحه شوي من الباب ...

ريم بعد اللي شافته ... طلعت من المطبخ وتفكيرها شاارد .. سرحانه .. وتكلم نفسها ( معقوله يكون اللي بالي صح .. طيب وراشد ... اقولهم .. لا لا ... بلحاله مايطيقني .. اخاف اذا قلت له يكرهني زياده ... ياربي شهالورطه ياريتني مارحت المطبخ ولا شفت اللي شفته ) ..

ساره تطالع بريم اللي طالعه من المطبخ لان الصاله مكشوفه على البيت كله .. طالعتها باستغراب تكلم نفسها .. ويدها فاضيه ..

ريم وصلت عند ساره وجلست جنبها بتعب ...
ساره تطالع بوجها اللي باين عليها القلق : شفيك ؟..
ريم طالعت بساره بلاهه : مافيني شيء ..
ساره غاسله يدها منها من الصباح : انتي اليوم مو طبيعيه ...
ريم بتردد : ساره بقولك شيء ..
ساره عدلت جلستها مقابل ريم : قولي ..
ريم : بس اوعديني انك ماتفهميني غلط ..
ساره بقله صبر : يلا عاد ريووم اخلصي ..
ريم : شوفي انا مو عارفه اللي بقوله .. ذا ممكن انه يهدم علاقات ..
ساره ومركزه مع ريم : ايه ..
ريم تكمل : و انا ماحب اسبب فتن .. لاكن لازم اقوله وابري ضمتي ..
ساره : طيب ..
ريم تتكلم هي تحرك يدها اللي كانت ترتجف بخوف.. اول مره تشوف زي ذا المنظر قدامها : وانا رايحه المطبخ .. مو قلتي لي اجيب عصير ..
ساره : ايه صح انا استغربت انك ماجبتي شيء معك ..
ريم : ايه انا دورت بالثلاجه بس مالقيت .. و ...
قطع كلامها .. فرح جاتهم كانت طالعه من المطبخ : هاي بنات ..
ساره من غير نفس : هاي ..
فرح قالت هالكلمه وطلعت فوق لدلال ...
ساره بفضول : ايه كملي ..
ريم شافت فرح وحقدت عليها اكثر جايه بكل بجاحه وابتسامتها شاق الوجه وتقول هاي ولا كانها مسويه شيء : ايه انا فتحت الباب الخارجي علشان ادور الخدم لان مافي احد موجود بالمطبخ ..
ساره : طيب ..
ريم بتكمل لاكن انفتح الاصنصير وطلع منه فيصل وهو يقول : بنات انتو هنا ؟..
ساره : ايه ..
فيصل : يلا روحو البسو عبايتكم لان تاخرنا على راكان .. امي وخالتي جاهزين ..
ساره وهي توقف : اوكي .. ( ومسكت ريم من يدها ) .. يلا ريم ... بعدين كملي لي السالفه ..
ريم وقفت معاها وطلعو فوق يلبسون عباياتهم ..

دقائق وكان الكل بالسياره مع فيصل متجهين للمستشفى عند راكان .. ماعدا جود اللي لحد الحين تتظاهر بالمرض .. ودلال جلست مع فرح ..

************************************************** *************************

مشاعل بعد ماتغدت هي وليد اللي واخيرا قرر يجلس معاها ولو مره .. طلع فوق وخلاها جالسه بالصاله لحالها ..

ملت من حالها كل يوم على نفس الموال .. دائما جالسه بروحها وماعندها من يونسها .. قبل مع راكان .. والحين مع وليد .. ليه حظها كذا .. ( على طاري راكان .. شخباره اكيد الحين مبسوط .. قراء الرساله .. ايه اكيد قراءها .. اكيد على نفس حاله من بنت لبنت .. وسهر بالليل ونوم الصباح .. ماراح يتغير .. راكان واعرفه .. مو مشكله هو حر بحياته .. انا اللي حياتي ممله .. وامي حتى ماسالت عني .. يقولون الزواج حلو .. بس انا اشوفه اتعس شيء بالدنيا ) ..

طفت التلفزيون.. ودخلت غرفتها .. انبطحت على السرير و نامت ..

هذي حالها يانوم ياكل ..

*************************************

في الدار ..

وبالتحديد في المكتب ...

دخلت عليهم الموظفه .. اللي كانت بكامل حشمتها بعبايه على الراس ... ومعاها وحده ماكانت اقل منها حشمه ...

جلست على كرسي المكتب واشرت للبنت انها تجلس بالكرسي المقابل لهم : تفضلي ..

جلست بالكرسي مقابل لهم ونزلت راسها بتوتر ..
ابو راشد ابتداء الكلام : انتي عارفه احنا ليه جاين اليوم ...
البنت هزت راسها .. وبصوت يادوب ينسمع : ايه ..
ابو راشد .. ياشر على ناصر : هذا ابوك هو حاب انه يعوضك عن الايام اللي فاتت وتجين تعيشين معاه ..
البنت .. قالت بصوت مخنوق وكانها باكيه : دامه يبي اعيش معاه ليه دخلني الدار من اول ..
ابو فيصل : الظروف هي اللي خلته يدخلك الدار .. والا صدقيني مافي اب يقدر يضحي بعياله ..
ناصر كان ساكت وكانه متفشل انه يقول شيء ..
ابو راشد يكمل عن اخوه : انتي حره لك القرار انك توافقين او ترفضين ... بس صدقيني ماراح تندمين انك تعيشين معاه .. ابوك رجال الكل يشهد له بطيبته .. حنون وقلبه ابيض .. واكيد راح يكون احن عليك من اي احد ..
الموظفه : شرايك ياحنان ..
حنان بتوتو : مدري !! ..
ابو راشد : خلاص احنا بنخليك كم يوم تفكرين ..
ابو فيصل بحنان : بس تاكدي يابنتي بتطلعين من عائلتك هنا وبتروحين لعائله ثانيه تحبك وتخاف عليك ..
حنان هزت راسها .. بايه ..

طلع ابو راشد وابو فيصل .. وناصر اللي اكتفى بالسكوت وماقال اي كلمه .. قررو انهم يعطون البنت فرصه تفكر و هذا من حقها .. لان ابوها تركها مده طويله هنا .. مو معقوله بيوم وليله بتغير رايها فيه ..

************************************************** ***************************

في السياره ...

ابو فيصل : ماسمعنا صوتك ياناصر ..
ناصر : مالي وجه اتكلم معاها ..
ابو راشد : التصرف اللي سويته غلط .. لاكن مع كذا انت حاولت تصحح غلطتك .. مهما كانت ظروفك ياناصر مفروض انك ماتخليت عنها .. تعيش معاكم على الفقر .. ولاتعيش مع اغراب ... بلا هويه .. تفتكر اهلها تركوها لانها عار عليهم ... المجتمع مايرحم يا ناصر ..
ناصر نزل راسه وكانه ندم على اللي سواه من سنين ...
ابو فيصل لف عليه لما شافه في حاله حزن وندم .. قاله وهو يهون عليه : بس انا متاكد انها بترجع لك ..
ناصر رفع راسه لفوق : يارب ..

************************************************** *************************

في المستشفى ..

فيصل واللي معاه وصلو لغرفه راكان دق الباب .. مرتين .. وجاله صوت راشد : ادخل ..

فتح الباب بابتسامه ودخل : السلام عليكم ..
راشد وراكان : وعليكم السلام ..
دخلو بعده الحريم ..
ام راشد راحت لراكان بسرعه وضمته وهي تبكي : الحمدلله على سلامتك ياوليدي ...
راكان : الله يسلمك .. تكفين يمه لا تبكين ..
راشد : راكان بخير يمه .. لاتزودينها عليه ..
ام فيصل واقفه وراها : ماتشوف شر راكان ..
راكان : الشر مايجيك خاله..
ساره لما بعدت امها .. جات وحبت راس اخوها : وحشتني ياخوي ..
راكان والدموع بدت تلاعب عيونه : وانتو اكثر ..
ريم بخجل : الحمدلله على السلامه ..
راشد رفع عينه عليها .. صارله كم يوم ناسيها .. ضحك بداخله لانه ماتحرش فيها من فتره اكيد ارتاحت منه ..
راكان : الله يسلمك يابنت العم ..
ريم جلست جنب ساره على الكرسي ..

راكان هنا بس ... عرف شنو معنى العائله .. اول مره يفرح بكونه معاهم .. لمتهم حوله ردت فيه الروح ..

جلسو مع بعض سوالف وضحك .. وراكان انواع الدلال له .. الكل يخدمه من جهه ..ياكلونه ويشربونه ويضحكونه .. وكانه طفل صغير توه مولود والكل فرحان فيه ..

***************************************

عند فرح و دلال بغرفتها ..

دلال : سكتي .. اساسا كنت حاطه يدي على قلبي .. لحد يشوفك ..
فرح : لاتخافين محد حس فيني ..
دلال : انا اول مره اشوف وحده بارده مثلك ... تسوين المصيبه وعادي عندك ..
فرح : خليك مني .. شرائك نطلع ؟..
دلال بخوف : لا مابي ..
فرح والشيطان اللي داخلها بداء يطلع : محد راح يدري عننا .. نطلع ونرجع مع السواق ..
دلال : اصلا السواق اليوم مو موجود ... عشان كذا فيصل هو اللي وداهم المستشفى ..
فرح بلعانه : اها شكلك خايفه من فيصل ..
دلال حاقده عليه : يخسي الا هو ..
فرح : اجل ليه ماتبين تطلعين .. قبل لما اقولك ماتمانعين ..
دلال : مالي مزاج ..
فرح : يلا عاد دلوله .. تكفين انا مواعده واحد بالمول .. ومابي اروح بروحي ..
دلال : فرح بليز لاتضغطين علي ..
فرح : يعني يرضيك صديقتي الوحيده لما احتاجها بشيء ترفض .. الا اذا كنتي خايفه من فيصل ..
دلال بعصبيه : اذيتيني بفيصل .. لاتجبين سيرته لاني اكرهه .. اكرهه فاهمه .. ولعلمك انا ماخاف منه ..
فرح : لا واضح الصراحه ..
دلال : اوكي تبين اثبتلك اني ماخاف منه .. خلاص انا موافقه نطلع ..
فرح تصفق بيده : ياها .. وناسه واخيرا ..
دلال بتحدي : انا جد مالي مزاج اطلع مكان .. بس عشان اثبت لك انه مايهمني ..
فرح بخباثه : تعجبيني .. اجل يلا نتجهز ..
دلال : اوكي ..

**************************************

ابو راشد : خلونا نمر على الشركه اول ..
ابو فيصل : و انا اقول كذا .. شرايك ناصر ..
ناصر : وانا معكم ..

كانو بيروحون البيت لاكن تذكرو الملفات اللي ابو راشد ياخذها معاها البيت دائم .. وقررو انهم ياخذونها قبل لايروحون للبيت لانها مهمه ومايصير يخليها بالمكتب ..

**************************************

في المانيا .. غرفه العنود ..

طلال دق الباب ودخل ...
طلال : السلام عليكم ..
العنود وحمده : وعليكم السلام ..
حمده : جيت والله جابك ..
طلال : خير شنو فيه ..
حمده : انا بنزل تحت السوق لان بكره موعد طيارتنا .. وابي اشتري كم غرض .. عاد ماقدرت اخلي العنود بلحالها ..
طلال : اها .. تقدرين تروحين انا موجود ..

طلعت حمد من الغرفه ... وتركت طلال و العنود بلحالهم ..

العنود كانت منحرجه من عصبيتها وكلامها الجارح له : طلال ..
طلال بثقل غير عادته : نعم ..
العنود : انا اسفه ..
طلال فهم عليها .. قال بمجامله : لا عادي ..
العنود تحاول تحس باتجاهه هو وين واقف : انا ادري اني قليت ادبي عليك .. بس اعذرني كنت معصبه وتعبانه ..
طلال : عادي انا عاذرك .. وبعدين انتي ماقلتي الا الحقيقه .. انا مبتدء .. وماصلح للمكان اللي انه فيه ... انا اللي مفروض اتاسف لك ..
العنود : من كلامك لحد الحين .. شايل بخاطرك علي ..
طلال : لا والله مب شايل ابد ..
العنود : ريحتني .. ايح صح مشكوره على الورد ..
طلال باستغراب : ورد ..
العنود بابتسامه خجوله : انا عرفت انك انت اللي جبت الباقه .. عشان تعتذر عن اللي صار .. بس صدقني كنت معصبه .. ومشكور مره ثانيه ..
طلال مافهم شيء اكتفى بكلمه : العفو ..

طلال حس بتانيب الضمير اتجاها اكثر من بعد ماسمع كلامها .. كل اللي كان يدور باله ( ياريتني ماشفتك بحياتي .. ليه انا واصحى وانا افكر فيك .. ليه دائم ضميري يأنبني على اني مارتكبت أي غلط اتجاهك ) ..

دخلت الممرضه وكانت المانيه : Hallo ..( مرحبا ) ..
طلال رد بابتسامه : Hallo ..
العنود اول ماسمعت احد دخل الغرفه .. عرفت انها ممرضه لانه صوتها نسائي .. وشكلها اجنبيه .. كانت تسمع بصمت ..
الممرضه تدور بعينها على الورد : Gibt es einen Blumenstrauß hier ؟ .. ( هل يوجد باقه ورد هنا ؟ ) ..
طلال مايدري : ich weiß nicht, .. ( لااعرف ) ..
الممرضه لفت على سرير العنود وحصلت الباقه نفس ماهي على الكرسي .. قالت بارتياح : ich bin hier, ( انها هنا ) ..
طلال اللي كان يعرف يتكلم الماني زين : Warum ؟..( لماذا ؟ ) ..
الممرضه متوهقه : Es tut mir leid, aber ich kein Englisch Person angrenzenden Raum fragte mich, gab ich einem Bouquet Rosen an seine Frau, die Mtkhasma Tagen habe ich Akhtt Raumnummer waren .. Es tut mir leid (انا اسفه ولاكن يوجد شخص عربي بالغرفه المجاوره طلب مني انا اعطي باقه الورد لزوجته اللذان كانا متخاصما منذ ايام فانا اخطت برقم الغرفه .. ارجو المعذره ) ..
طلال حس انها منحرجه .. ابتسم لها : Nun kein Problem ( حسنا لا مشكله ) ..

طلعت الممرضه من الغرفه وهي مبسوطه انا المشكله انحلت والورد بيرجع لصاحبه عشان مايهزءها ..
العنود سمعت الصوت الباب يتقفل عرفت انها طلعت : مين ذي ؟..
طلال عرف الحين ليه العنود كانت تشكره : الممرضه ..
العنود : شكانت تبي ؟..
طلال استحى انه يقول لها : كانت تسالني عن مريض ثاني ..
العنود والسالفه عدت عليها لانها اصلا مافهمت وش يقولون : اهاا ..
طلال : العنود ..
العنود .. ( ياحلو اسمي منه ) : نعم ..
طلال : بقولك شيء بس اتمنى انك ماتعصبين ..
العنود : قول ماراح اعصب ..
طلال : اذا موافقه قولي ايه واذا العكس .. بعتبر اني ماكلمتك فيه من الاساس ..
العنود : طيب ..
طلال مو عارف كيف يقولها : احم .. تتزوجيني ؟؟..
العنود بفهاوه : نعم !! ..

**************************************

فرح ودلال بعد ماتجهزو .. وكل وحده منهم كانت اكشخ من الثانيه ..

فرح لبست من ملابس دلال لانها متعوده تاخذ من عندها ومقاساتهم قريبه من بعض ..
( كانت لابسه بنطللون جنز ازرق فاتح وبلوزه حمراء .. وجزمه ( وانتو بكرامه ) كعب احمر ... وحاطه خلخال برجلها عشان تلفت الانتباه اكثر .. وشنطه حجم كبير حمراء.. لابسه عبايه .. نقدر نقول شبه عبايه ... مخصره على جسمها .. قماش حرير طايح .. بنص الخصر فيها شريطه سوداء .. ومن تحت فاتحه ثلاث حبات من الطقطق عشان يبان البنطلون والكعب ( طبعا هذي حركات البنات هالايام ) .. وحاطه فل ميك اب وروج احمر صارخ ( كان هذا الروج غرامها .. على قولتها تجيب فيه رؤس الشباب ) .. ومناكير احمر بعد .. ومتحجبه .. مثل طريقه الطرحه الامارتيه اللي تجي ملفوفه باهمال .. شعرها طالع نصه من قدام ومنزله خصل على الاطراف ..

دلال ماكانت اقل فتنه من فرح .. لابسه فستان موف لتحت الركبه بشوي ... وصندل فضي بكعب عالي .. ومي كاب بظل موفي ممزوج بالفضي وقلوس وردي ناعم .. والمناكير كانت فضيه بلمعه .. والشنطه صغيره تمسكها بيدها .. ونفس الشيء فاتحه كم ازرار من تحت من العبايه مبينه السيقان .. وحجابها حاطته باهمال ..

كانت كل وحده فيهم وكأنها تتحدا الثانيه باللبس .. وريحه العطور والبخور فايحه منهم .. طلعو من بوابه القصر .. لما شافو السواق موجود ... ركبو معاه .. وقالو له يوصلهم المول ..

**************************************

في المستشفى ..

فيصل بمزح : ماقول غير ياحظك .. صرت اتمنى يصيرلي شيء عشان اشوف هالدلال ..
ام فيصل تضرب ولدها بخفيف : بسم الله عليك .. الناس يتمنون الصحه وانت العكس ..
راكان : ههههه خليه ياخاله .. غيران مني .. يحسبني مبسوط بذا الحال ..
ام راشد وتحط بفم ولدها حبه بقلاوه : ان شاء الله تتعافى وتصير احسن من اول ..
راكان يطالع براشد .. راشد عطاه نظره يعني انها ماتعرف شيء لحد الحين ..
راكان : ان شاء الله .. يمه انتي بس ادعيلي ..
ام راشد : الله يقومك بالسلامه ..
ساره بلعانه: رويكن ترا شسمه خذت غرفتك ..
راكان بقق عيونه : احلفي ؟..
ساره : لا وبعد نبشت فيها ..
راكان : ماكثر الله الغرف بالبيت وش تبين بغرفتي ..
ام راشد : ماعليك منها كذابه .. غرفتك مقفوله محد دخلها ..
راكان : ايه زين ..
راشد يطالع بريم : ماسمعنا صوتك ريم ..
ريم طالعت فيه بارتباك : قاعده اسمعكم ..
ام فيصل : ريم كذا قليله كلام ..
ساره بلقافه : ترا بس قدامكم .. والا معاي لسانها يلوط اذنها ..
راشد طالع فيها : لااا .. اجل طلعتي موهينه ..
ساره تكمل بعفويه: ايه اسالني عنها ..
فيصل يقطع كلامهم : يلا نمشي .. انا عندي موعد على الساعه ثمانيه ..
ام راشد : تو الناس ..
ام فيصل : خلاص شف السواق اذا بالبيت خل يجينا .. وانت روح ..
فيصل : طيب .. بس وين خالد ؟..
راكان : كان هنا من العصر بعدها طلع مع ربعه ..
فيصل : اها ..

رفع جواله ودق على السواق ..
السواق : الو ..
فيصل : كومار ..
كومار يطالع الطريق : ايواا بابا فيصل ..
فيصل يسمع صوت السيارات : انت وين ؟..
كومار : انا ودي ماما دلال ويا ماما فرح هزا مجمع هنا .. الهين روه بيت ( انا وديت دلال وفرح هذا المجمع اللي هنا .. والحين بروح البيت ) ..
فيصل طلع برا الغرفه عشان محد يسمعه : طيب وين وديتهم أي مجمع ..
كومار : هزا جيان ..
فيصل : أي بوابه ..
كومار : مايئرف هزا في متائم كتير ( مايعرف هذا في مطاعم كثير ) ..
فيصل يتكلم معاه بنفس طريقته عشان يفهم : اها اوكي انا يعرف .. اسمع استنى كلام ماما جوال عشان يجي مستشفى شيل ماما ودي بيت .

.

دلال ماكانت اقل فتنه من فرح .. لابسه فستان موف لتحت الركبه بشوي ... وصندل فضي بكعب عالي .. ومي كاب بظل موفي ممزوج بالفضي وقلوس وردي ناعم .. والمناكير كانت فضيه بلمعه .. والشنطه صغيره تمسكها بيدها .. ونفس الشيء فاتحه كم ازرار من تحت من العبايه مبينه السيقان .. وحجابها حاطته باهمال ..

كانت كل وحده فيهم وكأنها تتحدا الثانيه باللبس .. وريحه العطور والبخور فايحه منهم .. طلعو من بوابه القصر .. لما شافو السواق موجود ... ركبو معاه .. وقالو له يوصلهم المول ..

**************************************

في المستشفى ..

فيصل بمزح : ماقول غير ياحظك .. صرت اتمنى يصيرلي شيء عشان اشوف هالدلال ..
ام فيصل تضرب ولدها بخفيف : بسم الله عليك .. الناس يتمنون الصحه وانت العكس ..
راكان : ههههه خليه ياخاله .. غيران مني .. يحسبني مبسوط بذا الحال ..
ام راشد وتحط بفم ولدها حبه بقلاوه : ان شاء الله تتعافى وتصير احسن من اول ..
راكان يطالع براشد .. راشد عطاه نظره يعني انها ماتعرف شيء لحد الحين ..
راكان : ان شاء الله .. يمه انتي بس ادعيلي ..
ام راشد : الله يقومك بالسلامه ..
ساره بلعانه: رويكن ترا شسمه خذت غرفتك ..
راكان بقق عيونه : احلفي ؟..
ساره : لا وبعد نبشت فيها ..
راكان : ماكثر الله الغرف بالبيت وش تبين بغرفتي ..
ام راشد : ماعليك منها كذابه .. غرفتك مقفوله محد دخلها ..
راكان : ايه زين ..
راشد يطالع بريم : ماسمعنا صوتك ريم ..
ريم طالعت فيه بارتباك : قاعده اسمعكم ..
ام فيصل : ريم كذا قليله كلام ..
ساره بلقافه : ترا بس قدامكم .. والا معاي لسانها يلوط اذنها ..
راشد طالع فيها : لااا .. اجل طلعتي موهينه ..
ساره تكمل بعفويه: ايه اسالني عنها ..
فيصل يقطع كلامهم : يلا نمشي .. انا عندي موعد على الساعه ثمانيه ..
ام راشد : تو الناس ..
ام فيصل : خلاص شف السواق اذا بالبيت خل يجينا .. وانت روح ..
فيصل : طيب .. بس وين خالد ؟..
راكان : كان هنا من العصر بعدها طلع مع ربعه ..
فيصل : اها ..

رفع جواله ودق على السواق ..
السواق : الو ..
فيصل : كومار ..
كومار يطالع الطريق : ايواا بابا فيصل ..
فيصل يسمع صوت السيارات : انت وين ؟..
كومار : انا ودي ماما دلال ويا ماما فرح هزا مجمع هنا .. الهين روه بيت ( انا وديت دلال وفرح هذا المجمع اللي هنا .. والحين بروح البيت ) ..
فيصل طلع برا الغرفه عشان محد يسمعه : طيب وين وديتهم أي مجمع ..
كومار : هزا جيان ..
فيصل : أي بوابه ..
كومار : مايئرف هزا في متائم كتير ( مايعرف هذا في مطاعم كثير ) ..
فيصل يتكلم معاه بنفس طريقته عشان يفهم : اها اوكي انا يعرف .. اسمع استنى كلام ماما جوال عشان يجي مستشفى شيل ماما ودي بيت ..
كومار يهز راسه : اوكي ..
فيصل : يلا باي ..

سكر فيصل وكله قهر من حركه دلال .. تقول لهم ماتبي تروح علشان تقعد مع فرح .. والحين تتقافلهم وتطلع من البيت ..
لو يشوفها بس بيكسر راسها .. براكين الغضب بتتفجر من عيونه .. مسك اعصابه ودخل عليهم ..

فيصل يكلم امه : انا ماشي .. اذا خلصتو كلمو كومار يجيكم ..
ام فيصل : طيب ..
فيصل : مع السلامه ..
ام فيصل : امانت الله..

طلع فيصل من المستشفى بسرعه ... ركب سيارته وكله غضب من دلال .. لازم يشوفها بعيونه شنو تسوي ومع مين .. وليه سوت كذا ...

*************************************

ابو راشد وابو فيصل دخلو البيت ومالقو احد عرفوا نهم لسى .. ماجو من المستشفى .. ناصر راح للملحق .. قالو له يجي معاهم بس هو رفض .. على كلامه يبي يريح .. وهم خلوه على راحته .. طلبو من الخدم يحضرون لهم العشاء على مايجون الباقي ..

************************************

دلال وفرح كانو جالسين على طاوله وقدامهم مجموعه شباب واقفين .. ياشرون لهم .. خاقين عليهم .. وفرح توزع لهم ابتسامات .. اما دلال ماكان لها خلق شيء .. كانت جالسه وهاديه ..

كان منظرهم ملفت للكل ... وعيون الناس عليهم .. وخصوصن على فرح اللي كانت ماعليها من احد .. ومن حركاتها باين انها بنت أي كلام ...

دلال : خلاص فرح خليك منهم ترا جد لزقه ..
فرح : شفيك مبرطمه .. ترا مو حلوه وانتي كذا ..
دلال : ياشيخه ..
فرح : والله .. وبعدين شوفي ذا اللي معاهم ..
دلال من غير لاتلف : مابي اشوف .. اخلصي خلينا نطلع من ذا المكان ..
فرح : يووه دلول لاتنكدين علينا .. خلينا نتسلى ..
دلال : وبعدين يعني ..
فرح : امانه دلول شوفيهم ..
دلال لفت عليهم بملل ... كانو اربع شباب ياشرون لهم .. كل واحد فيهم يقول الزين عندي .. كشخه وشكلهمم عيال نعمه من طريقه لبسهم ...
فرح : شفتي الثاني اللي على اليسار ..
دلال : أي واحد ..
فرح : اقصر واحد فيهم ..
دلال عرفته : شفيه ؟..
فرح : من اليوم يطالع فيك شكله خاق عليك ..
دلال .. طالعت فيه : حليو ..
فرح : قومي خل نروح لهم صار لهم ساعه ياشرون على البي بي ...
دلال : فروح جد مالي خلق ..
فرح وقفت .. بترجي : عشان خاطري ..
دلال وهي تقوم : عشان خاطرك بس ..

وقفو وقفت معاهم عيون الكل .. مشو من الطاوله لعند الشباب .. الشباب اول ماشافوهم جاين لمهم .. شقوا لضحكه اكثر وحسو بانتصار .. فرح ماهمها احد .. اما دلال كانت تسمع كلام الناس اللي على الطاولات وهم يمرون من جنبهم .. اللي يقول .. بنات اخر زمن هم اللي يغازلون الاولاد .. واللي يقول قليلات ادب .. واللي يقول كلام بذيء ماقدر اقوله لكم .... الخ ..

فرح اول ماوصلت عندهم قالت بمياعه : هاي ..
واحد من الشباب : احلى هاي سمعتها في حياتي ..
فرح بدلع ماسخ : هههه تسلم ..
اللي كان خاق على دلال .. قال لها : هلا باللي لها الخافق يهلي ..
فرح مدت يدها بوقاحه : انا ديما .. وهذي بنت خالتو روان ..
الولد ماصدق خبر سلم عليها بحراره : انا صالح ..
دلال كانت تبتسم مجامله لهم .. وهم يتعرفون على بعض .. كانت قبل تسوي هالحركات بدون ماتخاف من احد .. بس هالايام صارت ماتدخل مزاجها .. كانت تتعرف على اشكال واللوان من الشباب ..

بعد التعارف ضلو واقفين يسولفون معاهم ... وفرح ماخلت ولا واحد فيهم الا وخذت ارقامهم والايملات والبن ..

**************************************

فيصل نزل من السياره مثل المجنون ... دخل جيان .. من البوابه القريبه من المطاعم .. بكل عصبيه الدنيا فيه ... وينها فيه ... كان يدور بعيونه بكل مكان بين المطاعم ... بين الطاولات والكراسي أي بنت .. تمر كان يطالع فيها .. اخ لو يشوفها قدامه بيذبحها .. لا حتى الذبح مايكفي فيها .. كانت الشكوك باله .. انه رجعت لماضيها الاسود ..

شنو راح يسوي لو شافها ؟؟..

***************************************

الساعه 9:00 في ابو راشد ..

كانو ام راشد وام فيصل وريم وساره موجودين بالبيت ..

جالسين في الصاله ينتظرون العشاء يجهز ..

ابو راشد : وين دلال ماهي معكم ..
ام راشد : لا في غرفتها معاها فرح ..
ابو راشد : انا تو طالع للغرفه ماحصلتها ..
ام راشد باستغراب : الا انا متاكده حتى اسال البنات ..
ساره : ايه بابا ..
ريم تذكرت فرح وسواياها ... ماقالت شيء ..
ابو راشد : اقولكم انا وابو فيصل طلعنا فوق تطمنا على جود وبعدها رحت لغرفه دلال ماحصلناها ..
ام فيصل بارتباك تكلم ابو فيصل : انت رحت لجود ..
ابو فيصل : ايه .. ماعليها شر انشاءالله .. حرارتها بدت تخف ..
ام فيصل بتصريف : الحمدلله ..
ابو راشد يكمل : ساره اطلعي شوفي اختك وينها فيه ..
ساره : طيب ..
ساره طلعت بالاصنصير اسرع لها ..
ابو راشد بقلق : البنت وين اختفت ..
ام راشد : يمكن طلعو بالحديقه وانتم مانتبهتو لهم ..
ابو فيصل : خالد اطلع برا وشوفهم بالحديقه والا لا ؟..
خالد : انشاءالله ..
طلع خالد يدورهم بالحديقه .. على المسبح او حتى بمكان ثاني بالحديقه ..

ام فيصل : اكيد باحد الغرف بالبيت ...
ابو راشد : ان شاء الله ..

***************************************

دلال تكلم فرح بصوت واطي : يلا فرح تاخرنا ..
فرح : طيب استني شوي .. ( وترجع تكلمهم ) .. انتو ساكنين هنا ..
صالح : لا احنا جاين من الرياض ..
فرح : اها ..
دلال كانت على اعصابها تطالع في الساعه : ياربي .. اكيد الحين جو ..
فرح تلف عليها : خلاص لاتحنين .. شويات وبنمشي ..
صالح : تبون نوصلكم ..
دلال بتحلطم : هذا اللي ناقص ..
فرح : لا مشكور ..

************************************

بعد عشر دقائق ساره كانت موجوده بالصاله .. تنافخ بتعب : مالقيتها ..
الكل وقف بخوف ...
ابو راشد : متاكده ..
ساره : ايه يبا .. دورت بكل مكان .. بكل الغرف .. ودورات المياه ( وانتو بكرامه ) .. حتى جود دورتها معاي .. ماحصلناها ..
خالد اللي دخل يكمل لما سمع كلام ساره : حتى انا عمي ماشفت احد بالحديقه .. دورت انا بجهه وكومار بجهه .. ماحصلتهم ..
ام راشد حطت يدها على قلبها : يمه بنتي ..

*************************************

فيصل كان مار من جهتهم .. ويدور بعيونه .. خاف انهم يكونون طلعو قبله .. بكذا يكون خسر الفرصه .. انه يكسر راسها ... توه بيلف مكان ثاني .. بس ...لا لحظه لمحها .. ايوه هي دلال .. واقفه مع مجموعه شباب ومعاها وحده .. وقدام الناس ... مشى باسرع ماعنده .. لهم .. زاد القهر فيه .. والعصبيه .. واقفه ومع شباب لاحياء ولامستحى هالبنت بتذبحهه ...

واحد منهم عطاها كرت لدلال : هذا محل ابوي فرع بالرياض .. تقدرين تشرفينا متى ماحبيتي .. وفيه كل اللي يحبه قلبك ..
دلال خذته بمجامله : شكراا ..
فرح : يلا باي ..
الشباب : باي ..

دلال وفرح لفو بيمشون عن الشباب ..

بس في صوت وقفها .. فيصل بعصبيه : دلال ..

لفت على الشخص اللي ناداها باستغراب .. بس لما شافته عيونها طلعت من مكانها بخوف .. ودقات قلبها وقفت ..

( جاك الموت ياتارك الصلاه ) ..

الى هنا انتهى البارت .. القاكم بالبارت القادم .. باذن الله ..

توقعاتكم للبارت القادم ..

مين هي حنان بنت ناصر ؟؟..
فيصل ودلال شنو راح يصير ؟؟..
فرح متى راح تنكشف لعبتها القذره ؟؟..
جود متى راح تتخلص من السجن اللي اختارته لنفسها ؟؟..
وليد ليه تزوج مشاعل ؟؟..
العنود بتوافق على طلب طلال لها ؟؟..
راشد ممكن انه يرتبط بانسانه غير جواهر ؟؟

..

البارت السابع والعشرون ...
الجزء الثالث ...

( جاك الموت ياتارك الصلاه ) ..

دلال تكلم فرح اللي لفت معاها.. بخوف من شكل فيصل والشرار طالع من عيونه : ياربي .. شبيسوي فيني هالمجنون ..
فرح بلا مباله : ماعليك منه .. احنا في مكان عام مايقدر يسوي شيء ..

فيصل تقدم لها ومسك زندها بقوه .. وبعصبيه : مو على اساس بتجلسين مع فرح بالبيت .. انتي تستغفلينا والا شنو ؟..
دلال كانت خايفه بس حاولت تمثل دور القويه .. فكت يدها عنها : مالك دخل فيني ..
فيصل زادت عصبيته : للاسف اني زوجك يانسه ..
دلال تكتفت : وليه للاسف احنا فيها .. طلقني ..
فيصل .. ضحك بسخريه : ههههههه ضحكتني ..
دلال انقهرت منه : مافي شيء يضحك ..
فيصل صرخ بوجها : قدامي .. حسابك بالبيت ..
دلال رجفت مرعوبه من صرخته : احنا في مكان عام ..
فيصل ناظر بالناس اللي حوله كانت عيونهم عليه .. مسك يدها وسحبها لخارج المجمع ..
فرح تركض وراه : هي انت استنى ..
فيصل ... وقف عند البوابه وبعده ماسك يد دلال .. لف عليها : خير .. نعم .. انتي بالذات مابي اشوفك معاها ابد فاهمه ..
فرح : انت شنو مفكر نفسك تقرر عنها .... دلال صديقتي وبنت عمتي وراح نضل مع بعض ..
فيصل : زوجتي وانا اللي اقرر .. ويلا طسي عن وجهي خلي واحد من الشباب اللي كنتو معاهم يوصلك ...
مشى عنها وخلاها ..
فرح انقهرت منه لانه سحب عليها وبقت بالمجمع بروحها : حقيير ..

فيصل وصل السياره ركب دلال وراء .. وركب هو قدام .. شغل السياره وحرك .. وهو مخطط شنو راح يسوي .. دلال ماينفع معاها الطيب .. جننته ..

************************************************** ***************

في المانيا ... المستشفى ..

غرفه العنود ..

حمده تكلم العنود اللي باين انها سرحانه : ماتبين تكلمين نوره ..
العنود ... حاله صمت .. لارد ...
حمده : عنود .. عنود ..
العنود تو تنتبه لها .. لفت على جهه الصوت بفهاوه : هاه ..
حمده عقدت حواجبها : شفيك .. من يوم رجعت وانتي هاديه .. شتفكرين فيه ؟..
العنود بتصريف : افكر .. اذا رجعت السعوديه وعرفو خواتي انا العمليه مانجحت شنو بتكون رده فعلهم ..
حمده بخيبه امل : هذا اللي ربي كاتبه شبيدنا .. ( ووقفت ) انا باخذ لي دوش ..
العنود : طيب ..

دخلت حمده لدوره المياه ... والعنود رجعت لحاله السرحان .. وتذكرت الموقف اللي صار بينها و بين طلال من ساعات ...

طلال مو عارف كيف يقولها : احم .. تتزوجيني ؟؟..
العنود بفهاوه : نعم !! ..
طلال تفشل من اسلوبه : انا اسف .. اول مره اتكلم بهالمواضيع ماعندي خبره ..
العنود : بس انت ماتعرفني .. كيف بترتبط بوحده ماتعرف عنها شيء غير انها عمياء ..
طلال : و هذا يكفيني .. عنود صدقيني انا مو مثل الشباب اللي يهتمون بالتفاصيل .. اكثر شيء يهمني طيبه القلب .. وهذا اللي شفته فيك ...
العنود : انا مانكر اني ارتحت لك ... بس صدقني لو تعرف انا مين ..
طلال قاطعها : كلنا عباد الله .. والاسامي مجرد لقب .. مايزيد الانسان ولاينقصه .. ( كان يحسبها تتكلم عن الاصل والفصل ) ..
العنود : لا انا ماقصد كذا ..
طلال : اجل ..
العنود .. ومشاعر الحزن والالم ملت وجها : كل اللي اقدر اقوله لك لو عرفت مين انا بتندم على كل كلمه قلتها ...
طلال مافهم عليها : عنود انا شاريك .. وابيك زوجه لي على سنه الله ورسوله .. انتي قولي موافقه وانا اروح اخطبك اليوم من امك .. وكم يوم انا بنزل السعوديه وبخطبك من ابوك رسميا ..

العنود حزت بخاطرها كلمت ابوك امك ..على انها ماشفته .. الا انه معاه تحس براحه غريبه : ليه انا بالذات .. طلال .. انت عارفه مع مين بترتبط .. بوحده عمياء ..
طلال .. وبمحاوله اقناع : العمى عمى القلب .. مب النظر ..
( العنود في حيره ارتاحت لهالانسان كثيير .. ودها تكون اسره وتكون مع انسان يعوضها عن كل شيء .. في بيت تكون فيه هي الكل بالكل ملكها .. بس شلون ماتقدر تظلم طلال هي عمياء وفوق كل ذا هي لقيطه من غير هويه .. اكيد لا هو ولا اهله راح يتشرفون بوحده زيها ) ..
طلال شافها تفكر : شقلتي ؟..
العنود شبكت ايدينها بعض : لا يا طلال انا مانفعك .. واساسا انا لسه صغيره مافكر بالزواج ..
طلال : هذا قرارك ..
العنود هزت راسها يعني .. ايه .. : لاتزعل بس ..
طلال قاطعها : لا عادي اعتبري انك ماعرفتيني ابد ... ( ومشى بسرعه من الغرفه ) ..
العنود تناديه : طلال انا .. طلال ...( عرفت انه طلع من الغرفه ) ..

العنود بعد هالموقف تحس انها خسرت انسان .. كان يعني لها .. اول مره تتعرف على شخص .. بس طريقه طلال واسلوبه واخلاقه .. يفرض على الكل احترامه .. ماهان عليها انه يزعل منها ... حتى لو ماكان بينهم علاقه بالمستقبل ..

************************************************** ***********************

في السياره ..

دلال بقهر : ليه خليت البنت بلحالها ..
فيصل : بنت والله اشك انها بنت هذي شيطان على هئيه بنت ... البنت ذي لاعاد اشوفك معها ..
دلال : مو بكيفك .. مو كافي انك فشلتني بالمجمع ..
فيصل بعصبيه : احمدي ربك جت كذا ماكسرت راسك قدامهم ..
دلال مدري من وين جاتها الشجاعه : تخسي ..
فيصل بحلق عيونه .. وقف السياره بنص الطريق لف عليها .. وكان يبي يمسكها من رقبتها لاكن هي ابعدت عنه على وراء ..
فيصل .. رفع صبعه بتهديد : والله واللي اسمه الله .. لاطلع هالكلمه من عينك .. واسمعيني .. اول مانوصل البيت لمي كل اغراضك .. بكره راح نروح على بيتنا .. واجد عليك الملكه .. وهناك انا اللي بربيك من جديد ..
دلال : انا متربيه غصبن عنك .. طلقني مابيك اكرهك ..
فيصل : لا واضح .. وطلاق ماني مطلق .. ولو عاندتيني ولا شيء .. راح اقول لاخوك راشد عن كل شيء وخليه هو يتصرف معاك ..
دلال خافت من فكره انا راشد ممكن يعرف ..
فيصل يكمل : راح اخبره عن ماضيك الجميل .. ( باستهزاء) وليش ماضي وحاضرك بعد .. كفايه اللي شفته اليوم ..
دلال : فيصل خلاص اتركني شتبي مني ..
فيصل حرك السياره : عارفه مشكلتي الوحيده انك بنت عمي والا كان بلعنتك ..
دلال : انت اكره شيء حصلي في حياتي ..
فيصل : لسه ماشفتي الكره .. انتظري علي بس ..
دلال حطت يدها على وجها وهي تبكي منه لانه يستفزها ويهينها ويتحكم فيها .. وهذا اكثر شيء ماتحبها.. : اكرهك.. اكرهك ..
فيصل كان يطالع فيها من المرايه وهي تبكي بس ماهزته كان منقهر منها لو عليه ذبحها ..

************************************************** ***************

ابو راشد يدق على فيصل ماردعليه .. كانت العائله في حاله خوف وقلق .. البنت وينها ...

ام راشد : لازم نبلق الشرطه .. انتو شفيكم بنتي مختفيه وانتو جالسين وهادين ..
ابو فيصل : هدي يام راشد .. الامور ماتنحل كذا .. وحتى لو بلغنا الشرطه لازم يمر اربع وعشرين ساعه على اختفاءه عشان يتحرون عنها ..
ابو راشد : ماله داعي للمخافر والفضائح .. انا اقول دقي على بيت اخوك .. يمكن راحت مع فرح ..
ام فيصل : ايه صح ماخطرت لنا هالفكره من قبل ..
ام راشد بلهفه مسكت سماعه التلفون ودقت على بيت اخوها ابو مشعل .. دق .. ودق محد رد ..
بدخلت فيصل عليهم وراه دلال اللي باين انها باكيه .. ام راشد ركضت لها بسرعه و ضمتها : يمه بنتي ..
ابو راشد : وين كنتو فيه ..
فيصل طالع فيها بتهديد .. وبعدين قال لعمه : كانت عند فرح .. اتصلت فيني عشان السواق مشغول ورحت خذتها ..
ابو راشد : وليه ماتصلتي وعطتيني خبر ..
دلال طالعت في فيصل اللي كذب ماتدري ليه : نسيت بابا ..

بعدها طلع فيصل فوق يبدل ملابسه و نفس الشيء دلال .. كل واحد فيهم كان مقهور من الثاني ...

بعد ربع ساعه .. انحط العشاء .. وزي كل يوم على طاوله الطعام على العشاء تجمع الكل ..

************************************************** *************************

مشاعل تتقلب على السرير .. فتحت عيونها بكسل .. لفت راسها على المنبه .. شهقت .. ونقزت من مكانها .. الساعه 10 من العصر نايمه لحد الحين .. راحت عليها نومه .. نزلت من السرير .. لبست الشبشب ( وانتو بكرامه ) .. وقفت عند المغسله .. غسلت وجها .. ونشفته .. فرشت السجاده .. و صلت المغرب و العشاء .. خلصت صلاه .. طوت السجاده فتحت شنطه المدرسه .. وحطت المواد اللي عليها بكره بالشنطه مع الدفاتر سكرت الشنطه و طلعت بره الغرفه ... كالعاده المكان هادي مافي اي صوت .. الصاله كانت بارده والانوار طافيه .. قربت من الزر ولعت الانوار .. حست بجوع خفيف .. قررت انها تروح بنفسها المطبخ .. لين متى تنطر الخدم .. وهم مايجيبون لها كل الوجبات .. ( ملاحظه الغرفه المحرمه كانت الفاصل بينها وبين المطبخ .. يعني بطريقها لازم تمر عليها ) .. توجهت للمطبخ .. توها بتدخل له .. سمعت نفس الصوت .. ضرب على الباب .. كانت مرعوبه من هالغموض وبنفس الوقت عندها فضول تعرف شنو في هالغرفه .. رجعت خطوات على وراء .. لما وصلت قدام باب الغرفه ... صوت الضرب توقف .. حاولت تحط عينها على مكان الفتحه اللي يدخل في المفتاح .. تحاول انها تشوف شيء لاكن مالقت الا الظلام واستحاله انها تشوف شيء من هالثقب الصغير .. حطت اذنها على الباب .. تحاول تسمع اي كلمه .. اي صوت .. يعطيها فكره عن الشيء المخبه بهالغرفه .. يئست من المحاوله .. تركت الباب ..

ودخلت المطبخ شافت الخدامتين ... وحده تغسل الصحون ... والثانيه تقطع خضار للعشاء .. اول ماشافوها دخلت .. بينت على ملامح وجهم الخوف والارتباك .. قربت منهم بابتسامه : بابا يجي ؟ ..
الاولى هزت راسها يعني لا .. والثانيه كانت تطالعها بدون رد ..
مشاعل : ايش عشاء ..
الثانيه اللي كانت تقطع خضار .. اشرت على السلطه .. وعلى قدر اللي كان يطبخ على النار ..
مشاعل استغربت منهم انهم مايتكلمون : انتي مافي كلام ..
الاولى اشرت على نفسها بعدين اشرت على الثانيه وحطت يدها على فمها .. كانت تفهم مشاعل انا احنا الثنتين مانتكلم ... استغربت مشاعل من وليد .. ليه جايب خدامتين مايتكلمون ماشكلها صدفه .. ابتسمت لهم وطلعت من المطبخ .. راحت للصاله .. شغلت التلفزيون ... وجلست على الكنب تتفرج عليه .. لما يجي وليد ...

************************************************** *************************

فرح رجعت البيت بعد ماتصلت على ابوهايجي ياخذها ... وطبعا ابوها ماكان عنده مانع .. شويات وكان عندها .. خذاها من المجمع .. بدون مايسالها عن شيء .. تعودت انها تسوي كل شيء تبيه .. ومحد حولها .. معطينها كل الحريه .. تدخل و تطلع على راحتها ..

************************************************** *************************

بعد ساعتين من كل الاحداث ..

الساعه 12:00

في هالوقت كان الكل من ابطال روايتنا .. نايم ماعدا مشاعل اللي كانت شبعانه نوم .. انتظرت وليد على العشاء لاكنه ماجاء .. تعشت وجلست على التلفزيون ...

************************************************** *************************

يوم جديد يطل على ابطالنا .. وصباح جديد ..

البنات طالعين من القصر .. راكبين مع السواق .. ريم وساره للمدرسه .. ودلال الجامعه ..
فيصل فطر .. وطلع بدري على الشركه .. نفس الشيء ابوراشد وابو فيصل ..وناصر وخالد بعد الفطور لحقو فيصل على الشركه ..
جود اليوم قررت انها تفطر معاهم بعد ماعرفت ان فيصل طلع مبكر انزلت وفطرت معاهم .. عشان ابوها مايحس بشيء .. طبعا مارتاحت من عيونهم اللي كانت عليها .. كلها اتهامات .. واستحقار .. من ام راشد ودلال وامها ..

************************************************** **********************

في المانيا .. كان موعد انطلاق رحله حمده والعنود .. الساعه 8 بتوقيت المانيا ..

حمده بعد مالمت كل اغراضهم .. من الغرفه .. العنود كانت جالسه على الكرسي تنتظر حمده تخلص من كل شيء .. وهي تفكر في طلال بتسافر وهي ماشافته ... يمكن تكون هذي المره .. اخر مره تشوفه فيها ... لازم تتاسف له .. اكيد هو زعلان لانها رفضته ... بس شلون وكيف ..

قطع تفكيرها حمده وهي ترتب السرير على اخر شيء : يلا مشينا ..
العنود : طيب ..
حمده مسكت يد العنود وطلعت بره الغرفه .. وجاء العامل خذا شناطهم والاغراض ونزلها تحت لهم مع التاكسي اللي بيوصلهم للمطار ..

طلعو من المبنى .. كان في شخص يراقبهم من بعيد .. طلال كان نفسه يودعهم .. بس ماهانت عليه كرامته اكثر من كذا اكتفى بالنظر لهم .. وهم يركبون التاكسي وبعدها انطلقو .. ورجع لداخل المبنى ..

************************************************** **********************

في الجامعه ..
دلال وصلت قبل فرح .. طالعت في الساعه كانت 8 الا .. وفرح ماجات .. خافت انها ماتجي اليوم .. وتجلس بروحها بالعاده اذا مابتحضر تقول لها عشان هي بعد ماتحضر .. لاكن شكل فرح بتسويها فيها .. وحابه تردها لدلال على حركه فيصل ..

دلال طفشت كانت جالسه بروحها بالكافتيريا .. والمحاضره باقي عليها كثير .. شافت زميلاتها جالسين بطاوله ثانيه .. شالت اغراضها وراحت تجلس عندهم .. وطبعا البنات رحبو فيها بسعه صدر ..

************************************************** *********************

كانت الدوامات عاديه ... للبعض متعبه وللبعض لا ...
بعد انتهاء الدوامات ..

في المستشفى الساعه .. 1:00
راشد استاذن من راكان انه بيروح البيت .. كان يبي يجيبله بعض الاغراض والملابس .. ويرجع له .. راشد بعد متاكد من راكان وانه كل شيء عنده .. وصى الممرضات عليه .. بعدها طلع متوجهه للبيت ..

************************************

حمده والعنود كانو في الطياره ..

العنود كانت مرتاحه هالمره لان تذاكر العوده كانت ارقام الكراسي جنب حمده .. عشان ماتتعرض للاحراج زي المره اللي فاتت ..

كانت متشوقه انها بترجع لسعوديه وبترجع لدار اشتاقت له كثير واشتاقت للي فيه ..
كلها كم ساعه وتكون على ارض الوطن الغالي ..
ست ساعات تقريبا او اقل مده السفر ..
من المانيا الى السعوديه ...

*************************************

في السياره .. ابو راشد والباقين .. كان دوامهم اليوم خفيف فعشان كذا طلعو بدري من الشركه .. وراحو للبيت يريحون ..

لاكن ابو راشد جاتله مكالمه خلت ناصر يكون حزين طول الطريق .. كانت مكالمه من الدار انا بنته حنان رفضت انها تعيش معاه .. لانها تعودت على الدار وماتتخيل انها تعيش بعيد عن اللي بالدار .. ومثل ماعاشت بالدار تبي تكمل باقي حياتها بالدار .. ناصر الخبر كسر مجاديفه .. وابو راشد وابو فيصل ... كانو يواسونه ..

***********************************

البنات نفس الشيء بعد انتهاء الدوامات .. طلعو من المدرسه .. ولقو السواق ينتظرهم بره .. نفس الشيء دلال .. بعدها رجعو للبيت ..

************************************

نوره كانت منبطحه على السرير توها راجعه من المدرسه .. حتى مابدلت مريولها .. هلكانه بالمره الدوام اليوم كان متعب بالنسبه لها ..
انفتح الباب فجاءه عليها .. لفت راسها .. وطالعت حمده واقفه .. ومعاها العنود ..
نقزت بفرحه من مكانها : ااااااااااااااا ..
وراحت لها بسرعه وضمتها : اشتقت لك ياحيوانه ..
العنود : وانا اكثر ..
نوره بعد الاحضان وحراره الاشواق .. سلمت على حمده .. مسكت يد ريم و قالت : ها شرايك تغير شكلي ؟.. ( ودارت حول نفسها .. وقالت بمزح ) .. حلويت صح ؟..
العنود نزلت عيونها : انا لحد الحين ماشوف ..
نوره انصدمت : جد !! ..
حمده مسكت العنود ومشتها لحد السرير .. وجلستها عليها ..
نوره وقفت بمكانها مصدومه ..

***************************************

على سفره الغداء .. راشد قرر اليوم يتغداء مع اهله .. اشتاق لهالمه ..

كان الكل ياكل بصمت .. وبعض الاحاديث الروتينيه الخفيفه ..
قطع هالصمت راشد : يبا .. انا خلاص اتخذت قراري ..
ابو راشد : بشنو ؟؟ ..
راشد بابتسامه : انا قررت اقرب موعد زواجي انا وفرح ..
ريم رفعت راسها .. ماتدري ليه الخبر ذا مغص بطنها ..
ساره لوت بوزها بقرف ... اما دلال كانت مبسوطه واخيراا ..
هنا ام راشد من الفرحه وقفت : صدق ..( وعطته زقروطه ) .. كلللللللللللللللوليش ..
ام فيصل زقرطت معاها .. على شان فرحت راشد ..
ابو راشد بفرحه : زين مابقيت ..
ابو فيصل : على البركه ..
راشد : الله يبارك فيك ..
راشد ماكان مقتنع بفرح كزوجه .. بس قرر انه يبتدي حياه جديده وينسى جواهر لانها هي السبب اللي خلاه يفترق عن اخوه .. ومن يوم ورايح مايبي أي شيء يفرق بينهم ..
كان عنده قناعه انه ممكن يوم من الايام يحب فرح كزوجه له ... ويفرح اهله بهالخبر ...

فيصل يبي يستقل الفرصه .. تنحنح : احم .. وانا ابي اقول شيء بعد ..
ابو فيصل : شنو ..
فيصل : انا ودلال اتفقنا انا نروح على بيتنا .. خلاص مو لازم عرس وحركات فاضيه مالها داعي .. والبيت تقريبا خلص ..
دلال كشرت من كلامه ..
ابو راشد : اذا انتو متفقين ... اهم شيء سعادتكم والا العرس مايقدم ولا ياخر ..
فيصل : ايه ياعمي انا اقول كذا بعد .. وحتى دلال موافقه .. صح دلال .. ( وطالعها بتهديد) ..
دلال ( الله يلعنك اكرهك .. خربت فرحتي باخوي ) ..
ابو فيصل ابتسم : السكوت علامه الرضا ..
ابو راشد : حركات البنات اذا استحو... ههههههههه ..
ابو فيصل : ايه والله ..ههههههههه ..
فيصل ابتسم وغمز لها ...

*************************************

بعد الغداء وتحديدا عند المغاسل .. ريم شافت راشد يغسل يده ..

راحت له بسرعه وقالت : راشد ممكن اقولك شيء ..
راشد كان مندمج يغسل يده .. لما سمع صوتها لف عليها : شنو ؟..
ريم طالعت فيه .. هو حاط عينه بعينها ينتظر كلامها .. ارتبكت من نظرت عينه .. اكيد بيعاملها بغرور ويمكن يهزءها ... بس مع كذا لازم تقوله وتبري ضمتها ..
راشد كان هادي اليوم : همم مطوله ؟..
ريم قالت بسرعه : شوف فرح ماتصلح تكون زوجتك ..
راشد ضحك .. بسخريه : اجل من تصلح تكون زوجتي .. انتي ؟.. ( كان يقولها وكانه يقلل من قيمتها ) ..
هنا ريم انقهرت .. وبعصبيه .....

الى هنا انتهى البارت ... القاكم بالبارت الثامن والعشرون ..

توقعاتكم للبارت القادم ..

طلال ورفض العنود له ؟؟..
فيصل ودلال من هنا بتبدي حياتهم الزوجيه كيف بتكون ؟؟..
راشد بيصدق ريم ؟؟..
ناصر وبنته هنا نهايه القصه والا لسه ؟؟..
قصه وليد الغامض ؟؟..
نوره والعنود راح يكون لهم عوائل مثل ريم ومشاعل ؟؟..
راكان واذا عرف انه عقيم ؟؟..

كل هذا واكثر بالبارتات القادمه

..

الجزء الثامن والعشرين
الفصل الأول

البارت الثامن والعشرون ..
الجزء الاول ..

ريم قالت بسرعه : شوف فرح ماتصلح تكون زوجتك ..
راشد ضحك .. بسخريه : اجل من تصلح تكون زوجتي .. انتي ؟.. ( كان يقولها وكانه يقلل من قيمتها ) ..
هنا ريم انقهرت .. وبعصبيه : هي انت .. على شنو شايف نفسك .. انت احقر واوطى انسان شفته بحياتي .. بالنسبه لي ولا شيء ..
راشد باستهتار وكلامها ماثر فيه .. تكتف وطالعها : اها .. وشنو بعد ..
ريم .. خلاص انقهرت منه ومن تصرفاته شهالغرور اللي فيه و على شنو : شوف انا قلت لك عشان ابريء ضمتي .. والا لو تبي الصدق .. هذا كفوك .. انت وهي لايقين على بعض ..
راشد واخيرا استفزته هالكلمه .. مسكها بقوى من كتوفها : والله قويتي يابنت الملاجىء ..
ريم بابتسامه ثقه : بنت الملاجىء .. اشرف منك ومن زوجتك .. صحيح تربيه بملجى زي ماتقول بس عمري ماسويت الغلط .. لان الملجا اللي مو عاجبك ربوني عدل .. احسن من تربيه طوايفك كلهم ..
راشد ماستحمل كلامها جرها من شعرها .. اللي كانت رابطته ذيل حصان : عيدي اللي قلتيه ..
ريم عيونها دمعت .. لانه شاد شعرها واوجعها .. حطت يدها على يده عشان مايشد اكثر : ابعد ايدك ..
راشد : لهدرجه وجعك ترا مابعد اسوي شيء ..
ريم : انقلع عني ..
راشد : اجل صار لك لسان ياللقيطه ..
ريم ساكته لانه شعرها بداء يعورها اكثر .. وراشد كل ماله يشد ..
راشد فك شعرها ودفها على المغسله .. ورفع صبعه بتهديد : لاتحطين راسك .. براس اللي اكبر منك .. ترا تضيعين ..
ريم حطت يدها على وجهها وبكت قدامه .. هي صبوره بعادتها تقدر تستحمل اي شيء .. لاكن كلام راشد الجارح .. وشده لشعرها .. ولما دفها على المغسله ظهرها ضرب بطرف المغسله .. ومشاعر غريبه كانت داخلها .. كل هذا مع بعضه .. سبب كافي يخليها تبكي ..
راشد لما شافها تبكي : شفتي كيف .. هذي البدايه بس وبكيتي .. كيف لو تماديتي .. شيء ماتتحملينه لاتدخلين فيه ..
وطلع من المكان وخلاها ... ريم تشهق من البكي .. اليوم نفسيتها كانت تعبانه .. جلست بتعب على الرخام بالارض .. لمت رجولها بيدينها ونزلت راسها على رجولها .. وكملت بكي .. دموع وراء دموع تنزل .. ليه دائما الماضي يلاحقها حتى بعد ماصارت تملك اسم وعائله .. صارت حالها حال اي انسان بهويه .. ليه دائما مصرين انهم يقللون منها .. تحس باختناق داخلها .. ودها تصرخ بقووه .. وتقولهم ... انا مو لقيطططططططططططه ... انا مو يتيمه ... كانو يسموني يتيمه .. بس اهلي موجودين ... احساس مؤلم ... تكون باهل وبدون اهل بنفس الوقت .. كانت حاله اليتم اهون لها من وضعها الحالي ..

مسح على شعرها بخفيف .. كان حجابها نازل شوي عن شعرها ... ريم اول ماحست بلمست حنان عليها .. رفعت راسها .. كان هو .. نفس الشخص اللي بكاها .. جاي يواسيها .. شنو هالقلب العجيب .. يجرح ويداوي ..

رفع ذقنها الناعم بطرف اصابعه .. طالعها باسف كبير : ليش هالدموع ؟..
ريم استغربت منه .. ماكانه يعرف انه هو السبب فيهم ..
راشد بجديه : ريم ..
ريم هنا .. احساس جميل كان يلاعب دقات قلبها .. شكثر حلو .. وهو يقول اسمها باحترام وعيون تبرق بالحنان ..
راشد : ابعدي عني عشان مغلط عليك مره ثانيه ..
ريم مازالت تناظر فيه باستغراب من طلبه ...
راشد : انا مابي أأذيك .. ولابي اجرحك .. عشان كذا اطلب منك انك ماتحتكين فيني .. ها.. اتفقنا ..
ريم هزت راسها .. يعني طيب ..
راشد وقف ومد يده لها .. عشان يقومها : عطيني يدك ..
ريم بدون تردد رفعت يدها وحطتها بكف يده الكبير .. رفعها بقوته لما وقفت .. ابتسم لها .. وطلع .. بعدها بثواني ريم طلعت وراه ... وماشافت احد بالصاله .. طلعت على طول على غرفتها ...

************************************************** **********

مشاعل .. من جات من المدرسه مع السواق محد جاءها ... طلعت من الغرفه ... شافت الخدامه تنظف الصاله ..
قربت منها : بابا يجي ...
الخدامه اشرت لها باصبعها السبابه على الدور الثاني ...
مشاعل فهمت عليها انه وليد فوق : شكراا ..
لفت عنها متجهه لدرج بتطلع فوق .. ركضت وراها الخدامه و مسكت يدها .. وهزت راسها بخوف .. يعني لاتطلعين ...
مشاعل بفضول صغرت عينها : ليش ؟؟..
الخدامه حطت يدها على رقبتها مثل السكين .. ( يعني لو خليتك تروحين بابا بيذبحني ) ...
مشاعل كان عندها فضول تعرف شنو اللي قاعد يصير .. ليه وليد معيشها بذا البيت .. وحاط لها حدود وكانها سجينه هي زوجته وحره تسوي اللي تبيه في بيت زوجها .. فكت يدها من الخدامه : انتي روحي لشغلك ..
الخدامه بقله حيله .. خذت المكنسه والفوطه واغراض التنظيف من الصاله .. ودخلت للمخزن ..
مشاعل بعناد واصرار .. طلعت فوق على الدرج .. وموخايفه من وليد ولا من احد ثاني ..

كلها دقائق وكانت فوق بالدور الثاني ... شافت غرف كثير موجوده .. احتارت اي غرفه تدخلها .. واي غرفه هي غرفت وليد ... لاكن في صوت ضحك ... سهل عليها المهمه .. مشت لها .. كانت احد الغرف اللي على جهه اليمين بعيده عن الدرج ... قربت منها .. لاكن وقفت مكانها لما سمعت صوت نسائي بالغرفه .. عقدت حواجبه .. معقوله اللي تسمعه يكون نفس اللي بالها .. بدون تردد او خوف ..

فتحت الباب بقوه ..
شافت منظر خلاها تشهق و تحط يدها على فمها ... ايواا .. منظر مقرف .. وليد مع حرمه على السرير .. في منظر لايسمح لي بترجمته ..

وليد رفع عينه على اللي فتح الباب : مشاعل !! ..

************************************************** ***********************

نوره جالسه على الارض قدام العنود اللي جالسه على السرير مقابله لها ..
نوره بحزن : لاتزعلين عنود هذا اللي كاتبه ربي .. وان شاء الله يعوضك عنه بشيء احسن ..
العنود : ومن قال لك اني زعلانه .. بالبدايه لما عرفت بكيت وصرخت .. لاكن الحين لا .. العمى راح يكون شيء موبد بالنسبه لي ولازم ابرمج حياتي عليه ..
نوره : واحنا كلنا حولك و بنساعدك ..
العنود : عارفه .. اللي لايحرمني منكم .. مشتاقه لريم وميشو .. ياترى شخبارهم ..
نوره : دريتي انو مشاعل راح تتزوج .. هذا اذا ماتزوجت ..
العنود تلمس يد نوره : احلفي !! ..
نوره قامت من مكانها وجلست جنبها : والله .. هي قالت لي بنفسها ..
العنود : مدري شناويه عليه هالمشاعل .. بالاول اختارت تكون مع امها .. والحين تزوجت ..
نوره : بس انا احسها تعيسه ومهمومه بحياتها ...
العنود : عنادها هو اللي جاب لها التعاسه ..
نوره : بس تصدقين ميشو تغيرت بكل شيء .. قبل كانت انسانه قويه ماتخاف من احد .. تعرف تاخذ حقها .. الحين يتهيء لي تخاف حتى من ظلها ..
العنود : حزنتيني عليها ..
نوره : و انا حزنت عليها قبلك ..

*************************************

*

الجزء الثامن والعشرين
الفصل الثاني

راشد يمشي بالحديقه وهو يكلم جوال : هلا باللي سافطنا .. وينك يارجال ..
مشعل : معليش راشد اعذرني ادري مقصر بحقك .. بس والله هالايام مشغول بالحيل .. من يوم ابوي فتح له الشركه .. وصار كل شيء على راسي ..
راشد : معذور ياولد الخال .. قبل كنت اشوفك بالشغل على طول لاكن الحين من يوم خالي فتح الشركه صرت ماشوفك الا وين وين ...
مشعل ابتسم .. شكثر يحب هالانسان هو الوحيد اللي يسال عنه كل فتره : انشاءالله اليوم امرك .. انت بتطلع من البيت ؟..
راشد : لامو طالع اليوم حياك .. ترا حتى امي تسال عنك ..
مشعل : يحليلها عمتي والله وحشتني سوالفها ..

في عين كانت تراقبه من فوق .. ريم واقفه على البلكونه وتراقب تحركات راشد وتصرفاته .. من دون لايحس عليها .. هالانسان رغم قسوته عليها الا انه يعني لها الكثير .. من اول مره شافته .. تذكرتو يوم تشوفه بالمجمع كانت لسه متعرفه على ساره .. من ذاك اليوم وهو مايغيب عن بالها .. بس ماكانت تعرف شنو شعورها اتجاهه .. ساعات حب وبعض الاحيان العكس ..

جاتها تركض بقووه وبصوت عالي : ااااااااااااااااااااااانا جيت .. ( ووقفت جنبها ) ..
ريم حطت يدها على فم ساره الفضيحه : وطي صوتك ..
ساره تبعد يد ريم : ليش ؟..
ريم : ولا شيء .. ( سفهتها ودخلت الغرفه ) ..
ساره قربت من حافه البلكونه ونزلت عيونها تحت تشوف شنو الشيء اللي كانت ريم تطالعه ... شافت راشد واقف يمشي جنب النافوره وحاط الجوال على اذنه .. لحقت ريم على داخل لقتها جالسه على السرير .. جلست جنبها : تحبينه !! ..
ريم رفعت عيونها لساره باستغراب : مين ؟؟..
ساره بجديه : راشد ..
ريم تسوي نفسها مو فاهمه .. تتكلم وماتطالع فيها: مين راشد ؟؟..
ساره : لااا .. راشد اخوي في غيره ..
ريم : اها .. نسيت شفيه ..
ساره مسكت وجه ريم ووحطت عينها بعين ريم : مو علي هالحركات ... اساسا انا كنت حاسه ..
ريم .. ومازالت مصره تنكر : حاسه بشنو .. مو طبيعيه على فكره ..
ساره : لا انا طبيعيه .. انا شفت بالحديقه مو هذا اللي كان موقفك بالبلكونه ..
ريم بارتباك : لا انا كنت اغير جو .. مدري يمكن هو جاء بعدي ..
ساره : ريوم .. انتي مو بس بنت عمي .. انتي بالنسبه لي كل شيء .. اختي وصديقتي .. احبك واخاف عليك اكثر من نفسي .. نصيحه مني لاتقربين من راشد لانه عمره ماراح يكون لك ولا حتى لغيرك ..
ريم طالعتها بحزن ..
ساره تكمل : لايغرك انه بيتزوج فرح .. هو مايبيها .. بس كل اللي يسويه عشان ابوي وامي عشان يفرحهم فيه .. صدقيني بتتعذبين على الفاضي ...
ريم هنا ماقدرت تتحمل انفجرت من البكي ورمت نفسها بحضن ساره .. اللي احضنتها بقوه .. وحزنت على حالها ...

************************************************** ************************

وليد قرب من مشاعل وجرها من شعرها : انا مو قلت لك لاترقين فوق ...
مشاعل وبعربجيتها وعنادها المعروف .. بعدته بقوه: انا حره ادخل وين مابي .. ( ومشت بسرعه للحرمه اللي كانت على السرير .. وسحبتها ) .. قومي يا .. انا اوريك يا .. ( وبدت تضربها بيداتها الثنتين ) ..
وليد مسكها من زندها وخرها عن الحرمه : لو مديتي يدك بكسرها لك ..
الحرمه بقميص النوم تخبت وراء وليد اللي واقف قدامها و كانه يحميها من مشاعل .. وماسكه يدها بالم مكان ماضربتها مشاعل : اي .. لودي .. عورتني ..( وطالعت مشاعل ) جعل ايدك الكسر ..
مشاعل واقفه تنافخ بعصبيه : انشاءالله ايدك قبلي ياواطيه .. طلعي بره البيت ..
الحرمه حطت ايدها على خصرها : نعم حبيبتي .. انت اللي تطلعين من هنا مو انا .. هذا بيت زوجي ...
مشاعل و بققت عيونها على وليد : زوجتك ؟..
وليد بثقه: ايه زوجتي ...
مشاعل : وانا ..
وليد : انتي زوجتي بعد ..
الحرمه تبي تقهرها : بالاسم بس ..
مشاعل بعصبيه : انا مو فاهمه شيء ... اجل ليه تزوجتني .. ليه ؟..
وليد : هذاك عرفتي .. انقلعي برا .. ومن يوم ورايح انتي مجرد ضيفه هنا .. مها هي صاحبه البيت ... ( وصرخ بوجها ) يلا طسي براا ..
مشاعل وهي طالعه من الغرفه : انا اوريكم ..
طلعت مشاعل من الغرفه .. وبقى وليد يراضي مها على اللي سوته مشاعل ..

************************************************** ********************

بالمستشفى ..

راكان يطالع التلفزيون ... فجاءه حس بدقات قلبه تزيد ... وشاد بيده طرف المفرش ..

الم غريب بقلبه .. وكانه ينبهه على شيء ... بدون اي شعور تذكر مشاعل ...

راكان تعب من التفكير خلاص مل .. كل يوم على نفس الحال يفكر فيها لما ينام ... لين متى وهو يفكر فيها .. وهي ناسيته .. خلاص هي اللي اختارت ... بس لو كانت عطته فرصه يوم واحد بس ... كان اعترف لها بحبه ... غمض عيونه .. زي كل مره بعد مايفكر فيها يغط في نوم عميق .. لعل وعسى يشوفها بالاحلام .

.

**************************************

الجزء الثامن والعشرين
الفصل الثالث

ساره جالسه عند جود بالغرفه وتخبرها عن ريم وراشد ..

جود مبققه عينها : ماتوقعتها تحبه .. بالعكس حسيتها تكرهه مووت ..
ساره تسوي نفسها حكيمه .. وتتفلسف : لا حبيبتي يقولون مامن محبه الا بعد عداوه ..
جود : الله يعينها .. الصراحه وماتزعلين ..
ساره : لا ليش ازعل .. قولي ..
جود حاقده على راشد من تصرفاته مع ريم : اخوك انسان مغرور وماعنده مشاعر .. مسكينه ريوم بتتعذب مو كافي انه بالطلعه والنزله يبهدلها ..
ساره : بالعكس ترا راشد اخوي من بره تحسينه مغرور .. بس هو مرا حنون وطيب .. لاكن مايحب يبين ذا الشيء ..
جود : والحين هي وينها فيه ..
ساره : بغرفتها ... تقول تبي تجلس بروحها شوي ..
جود : اها ...
ساره : وانتي شصار عليك ..
جود : لاجديد .. فيصل ساكت وسكوته مخوفني .. ابوي لسه ماعرف شيء .. وامي لحد الحين ماتكلمني ..
ساره : ياختي بديت احس انا بيتنا صار كريه ..
جود : ليه ؟..
ساره : راكان بالمستشفى .. وراشد معاه .. دلال وفيصل وكل واحد يكره الثاني .. وانتي وسالفتك .. وريم صايره كئيبه ..
جود : انشاءالله ينحل كل شيء عن قريب .. وانتي ؟..
ساره بثقه : انا الوحيده العاقله في ذا البيت ..
جود : ياسلااام ..

*************************************

مشاعل جالسه بغرفتها تبكي من يوم نزلت من عندهم .. وعلى طول دخلت غرفتها ... هالانسان غريب يتزوجها وهو متزوج .. هي ماتحبه ولاتكن له أي مشاعر من الاساس .. لاكن شعور لما الزوج يكون مع وحده ثانيه يذبح .. هذا شيء بالفطره .. من وين تلاقيها بهالدنيا .. بالاول يتيمه .. ولما صار عندها ام .. طلعت احقر ام بالدنيا .. ولما تعرفت على انسان ارتاحت له طلع اسوء رجل بنظرها .. يقضي وقته بين بنات الليل وبين قارورات الخمر .. ولما اتخذت قرار انها تتزوج .. يمكن يعوضها عن كل شيء .. طلع زواجها مجرد كذبه ماتدري متى بتنتهي .. مشاعل .. اللي كانت ماتبكي الا بوقت الشدايد .. صارت دموعها تنزل بكل وقت .. وعلى أي سبب ..

**************************************

في المانيا .. تحديدا بغرفه طلال المتواضعه ..

جالس على المكتبه الصغيره اللي يذاكر عليها دائما ..الكتب والاوراق مبعثره قدامه .. ونظارته الطبيه على عينه .. يطالع الاوراق بتمعن .. كان يذاكر لان عليه اختبار .. فسخ النظاره من عينه ودلكها بخفيف تعب من كثر التركيز .. قام من مكانه .. وراح لثلاجه فتحها .. اخذ له عصير منجا ورجع جلس على كرسيه ..
طرت على باله العنود .. ابتسم على طاريها .. هالبنت كتله من الفهاوه .. دعا ربي يوفقها بحياتها ...
بعد ماخلص العصير رماه بالزباله ( وانتو بكرامه ) ورجع لاوراقه .. لبس النظاره وبداء يذاكر .. لازم يشد حيله عشان يخلص بسرعه ..

***************************************

راشد و مشعل جالسين بالحديقه .. يسولفون من زمان مو شايفين بعض .. وبما ان الجو كان اليوم حلو قررو يجلسون برا ..
مشعل : ايه شخبار راكان ..
راشد : الحمدلله بخير ..
مشعل : محد معاه ..
راشد : انا كنت مرافق معاه .. بس اليوم خالد راح عني ..
مشعل : الحمدلله على سلامته ..
راشد : لا ماراح نقبلها منك .. الا تروح له بالمستشفى ..
مشعل : ودي والله .. بس انت عارف راكان مايدانيني ..
راشد : لا ابشرك .. راكان تغير 180 درجه .. صار انسان اجتماعي وحبوب ..
مشعل : لا زين .. اذا كذا .. بكره انشاءالله اذا فضيت زرته وتحمدت له بالسلامه ..
راشد : انشاءالله .. شخبار طلال .. مثل اخوه قاطع مايدق ..
مشعل : هههههه اسكت طالع بسالفه جديده ..
راشد : شنو ؟..
مشعل : يقول ابي اكمل نص ديني .. بتزوج ..
راشد : اقعد ههههههه شعنده ..
مشعل : شكل وحده من هالبنات اللي هناك لافه عقله ..
راشد : لا طلال مو حق هالسوالف .. تلقاه حس بالوحده بس ..
مشعل : اتمنى يكون تفكيره كذا .. تعرف بنات بليس كثار ..

**************************************

دلال حاطه الاب بحضنها قاعده تتفرج على موديلات فساتين باحد المواقع التسويقيه ..

اندق الباب عليها : ادخل ..
دخل فيصل عليها .. هنا دلال سكرت الاب بدون شعور .. هالانسان يربكها ويشككها بتصرفاتها .. فيصل رفع حاجبه وهو يقرب لها : ليه سكرتي الاب توب بس شفتيني ؟..
دلال عدلت جلستها : عادي بس كذا ..
فيصل بشك : بس كذا والا في شيء ماتبيني اشوفه ..
دلال بنرفزه : اوف انت تفسر كل شيء على كيفك ..
فيصل : الحين نشوف ..
سحب الاب من حضنها فتحه كان محطوط على وضع استعداد فتحه .. وحصل الصفحه مفتوحه على موقع تسوق .. هنا فيصل تفشل من حركته .. قال بتصريف : ياحبكم للملابس ماتشبعون منها ..
دلال بثقه سحبت الاب منه : اكيد بنات ..
فيصل : ماعلينا .. انا كنت طالع بس قلت اعطيك خبر قبل لاطلع .. جهزي اغراضك .. وياليت تلمين كل قشك .. لان بكره ( وبسخريه ) راح ننتقل لعش الزوجيه .. القفص الذهبي ..
دلال : بكره ..
فيصل: ايه بكره يابرنسيسه .. عمي وابوي عندهم خبر ..
دلال : يصير خير ..
طلع من الغرفه .. دلال بقلبها مابقى دعاوي مادعت عليه فيهم .. مستحيل تتقبل هالشخص .. كيف راح تكون بيت واحد معاه ..

**************************************

حمده بعد ماشافت بنات الدار كلهم وتطمنت عليهم .. راحت للمكتب مع الموظفه البديله .. عشان تشوف اخر التطورات وشنو حصل في غيابها ..

حمده تطالع بالاوراق اللي قدامها : قلتي لي في واحد جاء عشان ياخذ بنته ..
الموظفه : ايه حنان .. بس رفضت ..
حمده : بالنهايه هي اللي لها القرار .. طيب شسم ولي امرها ؟..
الموظفه تاشر على الملفات : الملف اللي لونه اصفر فيه كل المعلومات عنه ..
حمده سحبت الملف الاصفر من تحت الملفات .. فتحته وبدت تقراء بعض المعلومات .. عنه .. ناصر ... الخ ..
رفعت عينها للموظفه : انتي متاكده هذا ولي امرها ..
الموظفه : ايه .. وحتى هو جاب معاه اوراق رسميه ..
حمده وقفت .. بخوف : شاف حنان ؟..
الموظفه : ايه جلست معاه .. وكان معاه شخصين شكلهم من اقاربه ..
حمده بسرعه راحت للملفات في المكتبه .. والموظفه وراها ... فتحت ملف حنان و انصدمت مين مخربط المعلومات ..
حمده طالعت فيها بعصبيه : مين حايس الملفات كذا ؟..
الموظفه بخوف : مدري والله ..
حمده : اذا انتي ماتدرين اجل مين اللي يدري ..
الموظفه : يمكن العاملات .. وهم ينظفون غيرو الترتيب او احد ثاني ..
حمده مازالت في حاله عصبيه : انتي عارفه شسويتي ؟..
الموظفه : شسويت ؟.. انا مالي علاقه مشيت على حسب المكتوب بالاوراق ..
حمده : انتي جلستي حنان بدال البنت اللي هي بنت ناصر ال ..
الموظفه بققه عينها بتوتر : اجل مين بنته ؟..
حمده : ........ هي بنت ناصر ال ..

الى هنا انتهى البارت .. القاكم بالبارت القادم .. باذن الله ..

توقعاتكم للبارت الجاي ؟؟..
زوجه وليد ومشاعل راح تكون بينهم عداوه ؟؟..
فيصل ممكن يسامح دلال ويبتدي صفحه جديده بدايه حياتهم ؟؟..
من هي بنت ناصر اذا ماكانت حنان ؟؟..
طلال والعنود راح يشوفون بعض مره ثانيه ؟؟..
راشد ليه طلب من ريم تبعد عنه ؟؟..
راكان متى راح توصله رساله مشاعل ؟

؟..

الجزء الثامن والعشرون ...
الجزء الثاني ..

حمده : انتي جلستي حنان بدال البنت اللي هي بنت ناصر ال ..
الموظفه بققه عينها بتوتر : اجل مين بنته ؟..
حمده : ........ هي بنت ناصر ال ..

************************************************** **

في المستشفى عند راكان و خالد ..

خالد جالس على طرف السرير مقابل لراكان و يسولف معاه : متى راح تطلع من هنا ..( قالها وهو يطالع بالغرفه ) ..
راكان بقرف : والله مدري .. بس تصدق على اني ماكنت اقعد بالبيت كثير الا انه وحشني ...
خالد : مهما الانسان يروح ويجي .. بس البيت يبقى شيء ثاني يعني هو الماوى الامان الدفى ..
راكان بمزح : اقول بس لايكثر جيب لي كاس مويه ..
خالد تحطم لانه كان حاب يتفلسف اكثر : طيب .. ( نزل من السرير وفتح الثلاجه الصغيره طلع منها مويه فتحها وحطها بيد راكان ) ..
راكان شرب جغمه بعدين قال : خالد انت كم عمرك ؟..
خالد استغرب من سؤاله المفاجىء .. قاله وهو يستخف دمه : توني ماكملت 12 سنه ...
راكان : هههههه لا جد اتكلم ..
خالد : 22 سنه ..
راكان : العمر كله .. يعني 22 سنه عمرك ماتمنيت تكون بين اهلك ..
خالد : تقصد عمي وانتو ..
راكان : ايه ..
خالد : بالعكس طول عمري كنت اتمنى هالشيء .. اساسا انا وفيصل ماكنا مرتاحين هناك تعرف تفكير الغرب عن العرب ..
راكان بابتسامه : ولما جيت السعوديه ..
خالد يستنشق الهواء ويدور حول نفسه : يالبى السعوديه ... غير والله غير ..
راكان : يعني ماتحسفت انك كنت عايش بحريه وهنا في خطوط حمراء ..
خالد : بالعكس مفروض الحياه تكون كذا صدقني لو كل شيء كان عادي مايصير للحياه طعم ... وهالخطوط الحمراء اللي تتكلم عنها لمصلحتنا ..
راكان : صدقت ياولد عمي ..

************************************************** ***********

ريم كانت مطفيه انوار غرفتها واقفه على البلكونه وحاطه حجابها عليها ... تطالع راشد ومشعل وهم يسولفون ويضحكون .. هذي من المرات النادره اللي تشوف فيها راشد يضحك من قلب ... هالانسان بكل مافيه حلو ... معصب والا رايق .. على رغم انه طلب منها تبتعد عنه الا انه في شيء داخله يطالب بالعكس .. يبي القرب منه حتى لو ماكان هو يبيها حتى لو كان يكرها .. حتى لو يقسى عليها .. يكفيها حتى لو تشوفه من بعيد ... تشوفه بخير ومبسوط .. كان شعور غريب عليها اول مره تحس فيه وماتعرف شنو هو .. هي ماتعرف شنو لاكن احنا نعرف شنو ...

راشد : ههههههه من زمان ماضحكت مثل اليوم ..
مشعل : اضحك ياخوي وخل الهم عنك .. كم مره راح نعيش بهالدنيا ..
راشد : مره .. انت تعرف يامشعل اني اكثر واحد يضحك للدنيا بس الدنيا ماضحكت له ..
مشعل : تحسسني انك عايش بغرفه وحده ومو لاقي لقمتك اللي تاكلها ..
راشد : ومن قالك انا السعاده بالفلوس .. لو السعاده بالفلوس كان شفت كل الاغنياء مبسوطين .. بس الحقيقه هم اتعس الناس ..
مشعل : اجل السعاده بشنو ؟؟..
راشد تنهد بضيقه : الحب ..
مشعل : ردينا لنفس السيره ياراشد .. انا على بالي نسيتها ..
راشد : امثل اني نسيتها بس هي معاي وين ماروح .. هنا ( واشر على قلبه ) .. مشعل ..
مشعل : نعم ..
راشد : تتوقع اني استاهل اختك فرح ..
مشعل .. حط ايده على كتف راشد وعيونه لمعت بمحبه اخوه : ماراح نلقى رجال احسن منك .. انا عارف انك راح تسعدها وتخلص لها .. حتى لو كنت تحب غيرها .. على فكره اكثر اللي يتزوجون يكون عندهم علاقه حب صادقه قبل الزواج .. لاكن بعد الزواج يكتشفون انا هذا الحب الحقيقي ..
راشد فجاءه ضحك : هههههههه ...
مشعل مستغرب : شفيك ؟..
راشد : ذكرتني باغنيه محمد فؤاد .. الحب الحئيئي ( يقولها بالمصري ) ...
مشعل ضحك وهو يتذكر الاغنيه : الله ذكريات هالاغنيه .. اتذكر و احنا صغار اللي حافظها كان انسان كشخه مره ..
راشد وهو يردد الاغنيه : الحب الحئيئي بعيش ياحبيبي ..
مشعل يشاركه الاغنيه : بيخلينا نسامح ويفكرنا بايامنا اللي جيه ..
راشد : هو دا .. هو دا ..
مشعل بحماس وصوت عالي : هو دا .. الحب الحئيئي ..

ريم مازالت تطالعهم من فوق .. وابتسامتها كانت مرسومه على شفايفها ... كانت تشوفهم يضحكون بس مو عارفه ليه .. بالنهايه سمعتهم يغنون مع بعض .. واشكالهم كانت تضحك ..

************************************************** ******************

جود .. قررت انها من يوم رايح .. راح ترجع لحياتها الطبيعيه .. خلاص ملت من اللي هي فيه .. لين متى و هي حاطه نفسها في دور المتهمه والمذنبه .. و هي واثقه من نفسها ماسوت شيء .. لازم تبين لامها واخوها وللكل انها مظلومه .. دخلت دوره المياه ( وانتو بكرامه ) .. اخذتلها دش سريع ينعنشها ... بعدها لبست لها لبس مريح ومرتب .. كان عباره عن تنوره زيتيه لتحت الركبه وقميص ابيض .. لبست لها حلق ابيض ناعم .. وساعته البيضاء .. نشفت شعرها ولفته زي الكعكه .. طالعت بوجها بالمرايا اثار الكدمات على وجها بدت تختفي .. حطت بودر خفيف على وجها وكحل اخضر وروج عنابي غامق مع لون بشرتها البيضاء كان روعه عليها ... لبست شبشبها الابيض( وانتو بكرامه ) و طلعت من غرفتها لغرفه ريم ..

وصلت لغرفه ريم دقت الباب عليها .. مره مرتين ... ثلاث .. لاكن ماسمعت صوت ريم ( لان ريم كانت بالبلكونه ماتسمعها بعيده عن الباب ) .. حست انا ريم ممكن تكون نايمه .. قررت انها تدخل وتصحيها ..افتحت الباب ونفس ماتوقعت الانوار كانت مطفيه .. يعني ريم اكيد نايمه .. بدون تردد شغلت الانوار كلها بسرعه : ريووم قومي ...

ريم كانت تطالع راشد بصمت .. ماحست الا بالانوار اللي اشتغلت حولها لفت بخوف وشهقت ...

راشد رفع عينه على الانوار اللي اشتغلت بحكم انو كل انوار الغرف اللي فوق مطفيه كانت انوار هاذي الغرفه ساطعه وملفته .. طالع فيها و شاف اللي كانت واقفه على البلكونه .. عرف انها غرفه ريم واللي واقفه اكيد هي نفسها ..

ريم لفت بسرعه و شافت جود تبتسم لها وهي واقفه بنص الغرفه .. دخلت داخل و سكرت باب البلكونه وراها ..

جود بابتسامه : اخبارك ؟..
ريم قربت منها و حضنتها : واخيرا طلعتي من القصر ( تستهزء بالغرفه ) ..
جود : هههههه ايه ..
ريم : وحشتيني ..
جود تمثل انها زعلانه : نصابه لو وحشتك كان جيتيني ..( ومدت برطمها بدلع ) ...
ريم : هههههه حرام عليك كل يوم عندك انا و ساره .. بس اليوم كنت تعبانه شوي و ماطلعت من غرفتي ..
جود : اها .. شكنتي تسوين على البلكونه ..
ريم بارتباك : ها .. لا بس.. يعني اشم هواء .. تعرفين الجو حلو اليوم ..
جود : ايه مره .. تعالي خل نجلس على البلكونه ( توها بتمشي ) ..
ريم مسكتها بسرعه : لااا مابي ..
جود استغربت من حركتها توها واقفه فيها والحين ماتبي .. جود بشك من تعابير وجه ريم الواضحه انها مرتبكه وخايفه : شفيك ريووم ؟..
ريم : مافيني شيء .. بس انا مليت من البلكونه خلينا نغير ننزل تحت ...
جود : اوكي .. يلا ...
ريم من داخلها حست براحها .. انا جود ماشافت راشد من البلكونه والا كان عرفت كل شيء ... طلعو من الغرفه ونزلو الصاله حصلو ساره جالسه في الصاله .. حاطه بحضنها صحن فشار .. و بيدها العصير .. وحاطه التلفزيون على روتانا سينما ...

جود تكلم ساره اللي معطتهم ظهرها وتابع التلفزيون: انتي هنا وانا ادور عليك ...
ساره لفت عليهم وانفها احمر وعيونها مليانه دموع من كثر البكي ... جود وريم طالعو بعض بخوف وهم واقفين مكانهم ..
ريم بخوف .. اول ماشافت شكلها كذا : شنو صاير ؟..
ساره تضحك : ههههههههه ..
جود تمرر صبعها على فمها وانفها : الحمدلله والشكر .. الحين شنو مبسوطه والا زعلانه ..
ساره وبدت ترجع لحاله الحزن : تخيلو بنات الفلم يعور القلب ..
ريم وجود .. حسو بارتياح على بالهم احد من اللي في البيت فيه شيء .. جلسو جنبها .. وحده على اليمين وحده على اليسار .. جود سحبت منها صحن الفشار وبدت تاكل .. ريم خذت الريموت وغيرت القناه : من جدك تبكين على فلم .. والله خوفتيني ..
ساره تاشر لريم وبحلقها نفيش : لا .. لاتغيرينها ..
جود : لاتتكلمين والاكل بحلقك الحين تغصين ..
ساره بلعت النفيش : ريوم مالك داعي ليه فريتيه ..
ريم : عشان ماتبكين .. المهم شهالفلم الخورافي اللي خلاك تبكين ..
جود : جديد ذا والا قديم ..
ساره تحمست .. تربعت : يعني مو قديم والا جديد .. بس شنو اقولكم جد الله يعينها ..
جود : مين ؟ ..
ساره بحزن : البطله .. تخيلي تحبه وهو مايدري عنها ولا فوق ذا تزوج وخلاها ..
ريم حست بالم بقلبها و كان الكلام عنها .. على طول جاء على بالها راشد و فرح وموعد زواجهم اللي راح يكون باقرب وقت ..
ساره تكمل : وتخيلي كان يعرف انها تحبه .. طلب منها انها تبعد عن حياته وعن زوجته ...
ريم ماتدري ليه كانت ماتبي تسمع اكثر من ذا الكلام .. قاطعت ساره بعصبيه : خلاص ساره فكيني من ذا السيره .. ( ووقفت ) انا بروح اجيب لي مويه احد يبي شيء من المطبخ ؟..
ساره وجود طالعوها باستغراب من تضايقها الواضح : لا ..
ريم راحت المطبخ ...
جود تطالع ساره : شفيها ؟..
ساره طالعت جود بنظرات يعني نفس السبب : يعني شنو فيها ..
جود فهمت : ياحياتي عليها ..

قطع كلامهم راشد داخل من الباب .. قال بسرعه : امي جات ؟ ..
ساره : لا ..
بعد ماسمع الاجابه .. مشى للمطبخ وهو ينادي الشغاله : ميري .. ميري ..

ريم اول مادخلت المطبخ نزلت دموعها بدون سابق انذار دمعه وراء الثانيه وكانهم يتسابقون من اللي توصل لخدها قبل .. كلام ساره عن ابطال الفلم اثر فيها .. خلاها تفكر لبعيد .. لشيء ماكانت حاسبته .. تخيلت لو راشد وفرح يتزوجون شنو راح يكون مصيرها ... احساس مؤلم مثل مجموعه من الدبابيس تنغرس بوسط قلبها .. وجع مقدرت تفسره .. سندت يدها على الطاوله ...

دخل راشد المطبخ وهو يررد : ميري .. وينها ذي ؟..
ريم لفت وجها على الصوت ..
راشد سكت اول ماشافها واقفه .. وشاف الدموع اللي كانت ماليه وجها .. قال بخوف : شفيك ؟..
ريم عدلت وقفتها ومسحت دموعها بسرعه بكف يدها .. وقالت وهي تلف عنه وتفتح الثلاجه : مافي شيء .. ( خذت قرشه مويه صغيره ) ...
راشد مامرت عليه قرب منها .. مسكها من كتوفها .. ولفها عليه : شفيك ريم .. ليش تبكين ؟ ..
ريم ماقدرت تقاوم نظراته اللي كانت مثل السحر بالنسبه لها .. وحنيته الواضحه رغم غروره الدائم .. تعلقت عيونها بعينه .. وكانها تشكيله بنظرات العيون ..
راشد : ماراح تقولين شفيك ؟..
ريم قالت بجفاء تعمدته : مين سمح لك تحط ايدك علي ..
راشد كسرت خاطره وكان عنده فضول يعرف ليه تبكي .. بجديه : انا سمحت لي ..
ريم : بصفتك شنو .. ابوي .. والا عمي .. ( و بسخريه ) والا زوجي ..
راشد .. بصدق : بصفتي ولد عمك .. واعتبرك اختي الصغيره ..
ريم .. كلمه اختي ذي .. فجرت فيها كل معاني الالم .. سفهته ومشت عنه طالعه من المطبخ ..
لحقها ومسك يدها : ماراح اخليك تروحين الا لما تقولين لي شفيك ؟؟..
ريم : اتوقع انك طلبت مني اني ماحتك فيك .. صح ؟..
راشد : صح .. بس انا ابي اعرف شفيك .. وجهك احمر ودموعك ماليه وجهك ؟..
ريم قربت منه .. بجديه : تبي تعرف شنو فيني ..
راشد : ايه ..
ريم بجراءه .. فتحت قاروره الماي اللي بيدها .. ورفعت يدها .. كل هذا وراشد يطالعها بصمت .. بجراءه مدري من وين جابتها .. صبت شوي من المويه البارده على راسه .. نزلتها .. وقالت : هذا اللي فيني .. ابيك تصحى ..
راشد شهق من الموي وارتجف ..
ريم قالت هالكلمتين وطلعت من المطبخ .. وعلى طول طلعت لفوق بدون لاتمر على البنات اللي ينتظرونها ..
راشد استغرب وانقهر من تصرفها .. بس ماكان رايق انه يتخانق معاها .. اخذ مناديل ونشف نفسه على السريع لان الموي نزلت شوي على كتوفه بس ... دخلت عليه الخدامه قالها تجيب لهم شيء يشربونه هو ومشعل وطلع من القصر للحديقه وهو مستغرب من تصرف ريم ...

************************************************** ********************

ابو راشد وابوفيصل وناصر كانو معزومين على عشاء عند واحد من جماعتهم .. والمجلس مليان من الرياجيل والشباب .. بمختلف الاعمار والاشكال ..

ناصر كان منحرج انه موجود معاهم .. يحس نفسه الشخص الوحيد الغريب اللي بينهم .. على رغم رفضه انه يجي الا انو ابو راشد اصر عليه وحلف انهم مايعتبون المكان الا وهو معهم ... شكثر حسد نفسه على وجوده مع هالعائله تمنى لو كان عنده اخو مثل ابو راشد .. وليش يتمنى ابو راشد كان فعلا مثل الاخ له واكثر ...

دق جواله .. اللي كان بجيب ثوبه .. طلعه منه .. رفعه و شاف الرقم غريب ..
تردد انه يرد .. بس بالاخير قرر الرد .. وقف مستاذن من الموجودين .. وطلع بره المجلس : الو ..
.... : الو .. هذا تلفون ناصر ال ..
ناصر : ايوه انا معك ..
.... : معاك حمده .. من دار ال .. للايتام .. عرفتني ياناصر ..
ناصر ابتسم : ايه اكيد ..
حمده : اخبارك ..
ناصر : الحمدلله ..
حمده : عظم الله اجرك .. ولو انها متاخره .. بس صدقني الخبر اثر فيني فاطمه كانت غاليه علي ..
ناصر : اجرنا و اجرك .. انا عارف ماله داعي تقولين ..
حمده : ناصر انا داقه عليك .. عشان اقولك .. انت قبل كم يوم جيت امس الدار عشان تاخذ بنتك وهي رفضت ..
ناصر وتحولت ملامحه لحزن : ايه ..
حمده : ناصر انا اسفه لاكن ..
ناصر : ماله داعي تتاسفين .. هذا حقها ولو انها محلها كنت بختار نفس قرارها ..
حمده : لا لا انت فاهم غلط ..
ناصر : كيف مافهمت ..

حمده : البنت اللي شفتها مو بنتك .. الموظفات غلطو وانا راح احاسبهم على هالغلطه ..
ناصر : مافهمت شيء ممكن توضحين ..
حمده : المؤظفه خربطت بالبنات .. وخلتك تقابل بنت ثانيه .. انا كلمت بنتك وهي موافقه انها تعيش معاك وبكره تقدر تاخذها ...
ناصر والفرحه بدت تملي وجهه : انتي تتكلمين جد .. يعني انتي متاكده ..
حمده ابتسمت .. لانها حست بفرحته من كلامه : ايه متاكده والا انت نسيت انو انا اللي ماخذه بنتك بيدي ..
ناصر : اخاف تكونين مخربطه ..
حمده : لا مو مخربطه .. هذولا بناتي حافظتهم بكل شيء .. لايمكن اخربط فيهم ..
ناصر : الله يبشرك بالخير .. نذر علي ياحمده اذا بنتي رجعت لي لا شتري لك قطعت ذهب ..
حمده بمزح : اجل اشترى من الحين لانها موافقه ...
ناصر : ههههههههه من عيوني احلى ذهب لك ..
حمده : انتظرك بكره .. يلا مع السلامه ..
ناصر : مع السلامه ..

سكر الجوال ودخله بجيبه .. من الفرحه ماكان عارف شيسوي .. عيونه غرقت بالدموع .. بس دموع مليانه بامل وشكر للواحد الاحد ... رفع ايده للسما .. وردد هالكلمات : الحمدلله .. الحمدلله .. الحمدلله .. انا عبدك ياللهي اعجز عن شكرك ..
قرر انه يصوم ثلاث ايام شكر لله سبحانه وتعالى ..

دخل بسرعه للمجلس عشان يقول لابو راشد وابو فيصل اللي اكيد راح يفرحون اكثر منه ..

************************************************** *************

ساره وجود بعد ماشافو ريم تاخرت عليهم .. دورو عنها بعدين طلعو لها فوق و حصلوها بغرفتها .. قالت لهم انها تعبانه وطلعت تريح .. طبعا مامشى عليهم الكلام بس خلوها على راحتها ..

**************************************

مشاعل بعد طول انتظار بعد يوم كان بالنسبه لها يحرق الدم .. حست بطنها يطلع اصوات .. حست بجوع من العصر ماكلت شيء طول الوقت جالسه بالغرفه .. تبكي .. طلعت من الغرفه متجهه للمطبخ تحط لها شيء تاكله .. محد يسال عنها في ذا البيت .. والخدامات مايجيبون لها شيء .. نادرا بعض الوجبات ..

وهي طالعه حست بالمكان هادي .. كالعاده .. بس سرعان ماتحول الهدوء الى رعب .. لما سمعت نفس الصوت يتكرر .. ضرب على الباب .. حست بخوف .. لاكن خوفها تقلب الى شجاعه و فضول لازم تعرف شنو هالشيء اللي وراء الباب .. قربت من الباب وحطت يدها على قبضه الباب وبدت تفتحها .. لاكن حست بالخذوول لما اكتشفت انو الباب مقفول .. رجع الباب يضرب باقوى من اول .. مشاعل قربت من الباب وقالت بصوت عالي : في احد داخل .. ( الباب انطق اكثر ) .. مين موجود ..
الباب انضرب اكثر من ضربه .. مشاعل .. بتفكير ذكي : اذا في احد داخل .. اضرب ضربتين على الباب ..
مشاعل .. استنت شوي .. لاكن جات الصفعه والصدمه على وجها .. لما انضرب على الباب ... طق .. طق .. طقتين وراء بعض ..
مشاعل : طيب اذا .....
ماكملت كلامها .. لانه كلام مها خلاها تلف : انتي شتسوين هنا ؟..
مشاعل بتهديد : اقول طسي عن وجهي .. احسن لك ..
مها واقفه على الدرج وحاط يدها خصرها وتهز : لا ياقلبي انتي اللي تطسين ذا بيتي .. وبعدين شمجيبك عند ذي الغرفه مو وليد حذرك ماتقربين منها ..
مشاعل : تبين تعرفين انا ليش واقفه هنا ..
مها : ايه ..
مشاعل : استني شوي .. ( مشاعل مشت لها بسرعه عشان تكفخها .. مها عرفت قصد مشاعل بسرعه ركضت فوق وراحت لغرفتها وقفلت عليها ) ...
مشاعل واقفه بنص الدرج .. وتقول بصوت عالي : اذا حابه اعلمك ماعندي مانع .. بس خلي بالك انا ميشو مو اي احد .. وحده تافهه ..
دخل وليد على الصوت : ايش فيه ؟؟..
مشاعل نزلت من الدرج : ولا شيء ...
وليد : صوتك واصل بره وتقولين ولا شيء ..
مشاعل قررت انها تتغدا فيها قبل لاتتعشى فيها مها : بصراحه وليد يعني انت قلتي انك متزوج و انا ماعترضت .. بس ماله داعي زوجتك اللي تسويه ..
وليد : ليه وش صاير ؟؟..
مشاعل : تخيلي كنت اناديها للعشى .. نزلت و سبتني ولا كانت بتضربني بس انا ماسمحت لها .. عشانك بس والله ..
وليد : مشكوره .. خلاص انا اتفاهم معاها ..
مشاعل تنزل عيونها بادب .. لما شافت وليد طلع فوق .. ارتسمت ابتسامه نصر على وجها .. راحت للمطبخ وهي ترقص بفرحه .. لازم تكسر راسهم .. وتاخذ حقها منهم قبل لاهم يدوسون عليها ..

************************************************** *******************

طلال كان جالس يلم اغراضه في الشنطه .. بكره موعد طيارته راجع للسعوديه .. راح يقضي اسبوع هناك لانه عنده اجازه لمده اسبوع من الجامعه .. قرر انه يقضيها بين اهله واصدقاءه .. حط اغراضه في شنطه صغيره .. ورتبهم .. قفلها .. ونط على السرير .. مدد جسمه براحه .. تثاؤب .. حط راسه على المخده و نام ..

************************************************** *******************

العنود ونوره .. كل وحده فيهم منبطحه على سريرها وعيونهم للسقف حتى العنود اللي ماتشوف ..

نوره وهي حاطه يدها تحت راسها وتطالع فوق : عنود ...
العنود : همممم ..
نوره : حلوه المانيا ..
العنود : من جدك تسالين هالسؤال .. ( تقصد كيف وهي عمياء.. ماتشوف شيء ) ..
نوره : طيب .. يعني كيف حسيتيها .. الجو .. كذا اوصفيلي اي شيء ..
العنود لفت على جنب على جهه نوره : رغم اني ماشفتها .. بس كنت اجلس على البلكونه .. كان شعور حلو .. الجو كان يجنن لابارد ولا حار .. والشوارع ليل ونهار مليانه .. وريحت الجو بالصباح مليان بالكابتشينو .. وبالليل ريحه المشاوي ..
نوره : ليه يعني ..
العنود : لانه كانت شقتنا مقابله للمطاعم والمحلات ..
نوره وتتخيل الشكل من وصف العنود : وااااااااااو ... طيب كملي ..
العنود : تصدقين على اني ماحب المستشفى من انا وصغيره لانه ريحتها ادويه .. بس مستشفياتهم غير ...
نوره باندماج : اممم ...
العنود تكمل : ريحتها تفتح النفس .. مدري كانه ريحت صابون او عطور او ورد .. حاجه حلوه ..
نوره : وبعد ..
العنود : المكان هادي كثير .. يعني كنت احس براحه نفسيه ..
نوره داخله عرض : و طلال ..
العنود : شفيه ؟..
نوره : مارتحتي له ..
العنود : فوق ماتتصورين ..
نوره : ياختي انتي غبيه .. واحد يبيك ليه ترفضين الفرصه .. في احد يرفض انه يطلع من ذا المكان ..
العنود : انا رفضته لانه وضعي مايسمح .. ولاني مابي يتورط معي ..
نوره : انتي وش دخلك .. هو عارف وضعك وعاجبته .. ليش تحبين تخربين على نفسك ..
العنود بحزن : لانه يشفق علي بس ..
نوره : مافهمت ..
العنود : ولاراح تفهمين .. لانك ماجربتي تكونين عمياء .. تصبحين على خير ..
لفت عنها تلحفت و سفهتها .. نوره حست انها زودتها وخلت العنود تنام وهي متضايقه .. سكتت احسن من تخربها اكثر .. هالبنت تموت باللقافه لازم تعرف كل شيء والا تنجن ..

************************************************** ***********

في هالوقت .. كانت عيون ابطالنا مسكره وغرقانه في نوم عمييق .. في عالم ثاني مليء بالاحلام البعض كانت ورديه .. والبعض كانت مجنونه .. و البعض كانت كوابيس مزعجه .. الا عيون العشاق جفاها النوم .. كانو يتقلبون على على كل الجهات يمكن يلقون جهه تريحهم وتخليهم ينامون .. ساعه يفكرون .. و ساعتين يعيشون حاله من الخيال مع الشخص اللي اخذ قلبهم .. انا عن نفسي بدعي لهم براحه البال وعدم فراق الاحباب وقله الانتظار والصبر و حسن الاختيار بس ذا يمكن يكون ممحال .. وانتو حبايبي .. لكم نفس الدعوه وزود ..

القاكم بالبارت الجاي على خير .. واعذروني لو يوم تاخرت او طولت عليكم .. كل شخص له ظروفه ومشاغله .. بس تاكدو انكم دائم على البال ..

توقعاتكم للبارتات الاخيره

..

البارت الثامن والعشرون ...
الجزء الثالث ..
بارت طويل ومليء بالاحداث ..

اصبحنا واصبح الملك لله سبحانه و تعالى ..

يوم جديد بحله جديده يطل على ابطالنا ... اليوم راح تتغير حياه كثير من ابطالنا ... يمكن للاسوء او الاحسن ...

الساعه 6:00 ..

اصعب انواع المقاومه :
* مقاومه نفسك ..
عندما قلبك يريد شيئا .. وعقلك شيئا اخر ..

هذا كان حال ريم اللي ما نامت الا متاخر وساعات قليله .. قلبها كان يحن لراشد كل دقيقه .. بس عقلها يحاول يبعدها عنه .. تحسفت على الحركه اللي سوتها له .. وماتعرف كيف رده فعله راح تكون لما يشوفها .. تروشت على السريع .. بدلت ملابس النوم ولبست مريولها .. مشطت شعرها وتعطرت لفت حجابها .. و خذت عبايتها و شنطتها ونزلت تحت ..

************************************************** *************************

ناصر بعد مارجع من الصلاه .. وهو حاس براحه عجيبه .. احساس حلو كان يسري داخله .. متفاءل باللي راح يصير اليوم .. خلاص بنته راح تكون معاه .. مايدري كم بقى من عمره .. لاكنه دعا رب العالمين انه يطول بعمره اكثر عشان يعوض بنته عن اللي فات ..
من اليوم ورايح لازم يكون انسان غير .. دام بنته معاه ماراح يهتم لاي شيء راح يعيش معاها على الحلوه و المره ..

جلس على الارض وتربع .. قدام صينيه الفطور اللي جابتها الخدامه .. اليوم راح ياكل ونفسه مفتوحه على الاخر ..
كان يحط لقمه بفمه ويفكر عشر قائق .. يتخيل كيف راح يكون شكل بنته .. ياترا بتتقبله على طول و تتعود عليه ... ياترا بتعاتبه على الايام اللي فاتت وشنو راح يجاوبها .. والا بتفتح صفحه جديده معاه ..

تامل الملحق اللي جالس فيه .. وكانه يشوفه لاول مره .. كان شكله بنظره غير .. حلو وكبير وسيع .. هالمكان اللي راح تعيش فيه بنته معاه ... راح يكون حلو بوجودها .. من اليوم كل شيء راح يتغير بنظرته .. حتى الحياه راح تكون احلى وراح يكون لها طعم اكثر ..

************************************************** ***********************

ريم دخلت عليهم زي كل يوم .. على الفطور الكل موجود .. بس فيه شخص كان بالنسبه لها اهم من وجود الكل هو بلحاله يكفيها : صباح الخير ..
الكل : صباح الخير ..
ريم جلست على كرسيها المعتاد بين ساره وجود اللي كانت موجوده .. عيونها كانت على كرسيه اليوم مو موجود اكيد راح لراكان .. تحس انه وحشها .. ودها لو كل دقيقه تشوفه حتى لو هي ماتهمه ..
ساره حست بنظرات ريم من اول ماجلست على مكان راشد .. قالت لها بصوت واطي : راح لراكان ..
ريم لفت عليها باستغراب : شنو ؟..
ساره وفاهمه ريم زين : اللي ماخذ عقلك ( واشرت بعينها على كرسي راشد ) .. راح المستشفى لراكان ..
ريم انحرجت صار امرها مفضوح .. ماردت على ساره .. اكتفت بانها تنزل عيونها وتفطر بصمت ..
جود كانت تسمعهم هزت راسها باسف على حال ريم اللي تغير .. وفي نفسها كانت تقول ( مالقيتي ياريم تحبين الا راشد ) ..

وكأن الامر بيدها .. الحب شيء غريب مثل السحر .. يقربنا من اشخاص عمرنا ماحبيناهم وبلحظه يبعدنا عنهم .. هو اللي يحدد مصيرنا .. وكان مالنا اي دخل .. هو اللي يختار .. وهو اللي يخلينا نتصرف في بعض المواقف بجنون .. نضحي ونخلص .. سحر عجييب باسم ..( الحب ) ..

************************************************** *********************

راكان : واخيراا اليوم بطلع ..
راشد : بالعكس المستشفى احسن لك .. ليه مستعجل ..
راكان : وحشني البيت تصدق ..
راشد : ذي لا ..
راكان : هههههه شفت كيف .. محد مصدقني اني مشتاق للبيت ..
راشد : البيت بس ..
راكان : واهل البيت بعد ..
راشد قرب الكرسي من راكان بحماس : تدري بيتنا تغير فيه اشياء كثيره .. عن قبل ..
راكان : مثل شنو ؟..
راشد يبتسم : قبل بيتنا كان مهجور .. على رغم انا احنا كلنا عايشين فيه ... الا انا كل واحد عايش بلحاله .. مانلتقي الا على الوجبه بس ..
راكان بحماس : والحين ؟..
راشد زادت ابتسامته : لا الحين كثرو اصحاب البيت .. صارت قلوبنا على بعض اكثر .. صرت ماخاف من الوحده لاني عندي اهل وعزوه ..
راكان لمعت عينه بحب : تصدق انا نفسك تو عرفت معنى العائله ..
راشد : ذي ايه ..
راكان وراشد : ههههههههههههه ..

************************************************** ************************

مشاعل قامت متاخر من النوم .. طالعت بساعه اللي على الجدار .. شهقت لما شافتها .. 6:35 دقيقه .. متى راح يكفيها تلبس وتخلص .. بسرعه قامت من السرير .. دخلت دوره المياه ( وانتو بكرامه ) غسلت وتوضت .. وصلت .. بدلت ملابسها بسرعه اخذت شنطتها وعبايتها وطلعت ماحصلت احد موجود بالصاله .. دخلت لغرفه الطعام تدور وليد .. ليه ماصحاها او احد من الخدم .. حصلت مها .. جالسه تفطر بروحها ..

مشاعل طالعت فيها بقهر : وين وليد ؟..
مها بتافف : يالا صباح خير ..
مشاعل بعصبيه : انا اسألك ردي ياتبن ..
مها : والله مدري .. اممممم ( تطول تبي تقهر مشاعل ) .. يمكن راح الدوام ..

مشاعل سفهتها .. وطلعت بره القصر عشان يوصلها السواق قبل لاتبتدي الحصه الاولى .. لاكنها انفجعت لما ماحصلت السواق .. رجعت داخل .. و شافت مها بترقى فوق ..

مشاعل : وين السواق ؟..
مها لفت عليها وحاطه يدها على خصرها بملل : انا وصيته على مقاضي للبيت .. عندك مانع ؟..
مشاعل .. ودها تنتفها على برودها : ايه عندي مانع .. مين بيوديني المدرسه .. لاحقه على مقاضيك توك طافحه ..
مها : والله انا حره اقوله متى مابي .. اذا رجع خليه يوديك .. ( ومشت عنها .. طالعه الدرج تتميع بمشيتها ) ..
مشاعل ولعت من حركتها .. دخلت غرفتها وكل اللي بالها انها تعلم الزفته ذي درس ( مها ) على حركتها .. كانت عارفه انها تتعمد تغيضها ..

************************************************** ******************

ابو راشد يوجه الكلام لام راشد : اليوم راكان بيطلع .. رتبو له وحده من الغرف اللي تحت ..
ام راشد : وغرفته اللي فوق ..
ابو راشد توهق شيقول لها ..
تدخل ابو فيصل : معليه خلوها له بعدين .. هو توه طالع واكيد مافيه حيل يطلع لفوق وينزل ..
ام راشد : يطلع بالاصنصير ..
ابو راشد بعصبيه خفيفه : الغرف ماكثرها جهزي له غرفه تحت وخلاص ..
ام راشد : طيب ..

ريم وجود وساره .. قامو من الفطور .. عشان يرحون لدواماتهم .. ماعدا دلال .. اليوم عليها محاضرات بس قررت انها ماتداوم علشان تجهز اغراضها .. لانها بتنتقل على عش الزوجيه على كلام فيصل ..

طلعو البنات مع السواق لدواماتهم .. ونفس الشيء ابوراشد وابو فيصل وخالد .. مرو على ناصر وطلعو للشركه .. اما فيصل كان نايم بره البيت .. لانه كان يحط اللمسات الاخيره على شقتهم هو ودلال ..

ام فيصل طلعت تريح فوق لانها صايحه من الفجر .. ونفس الشيء ام راشد .. دلال قررت انها تروح ترتب اغراضها ..

************************************************** ****************

دلال كانت فوق ترتب اغراضها من يوم قالها فيصل امس .. انهم اليوم راح ينتقلون لبيتهم وهي شاده حيلها .. مابقى شيء بغرفتها ماحطته بشناطها .. كل شيء كان يعنيلها كانت تحطه .. ملابسها مكياجها واكسسوراتها شناطها وجزمها ( وانتو بكرامه ) .. كريماتها وعطوراتها كتبها .. ذكرياتها .. وكانها اخر مره راح تشوف هالمكان .. كان بالنسبه لها هذا شعورها .. روحتها مع فيصل كانت بالنسبه لها مثل الموت لاكنه بطيء ..

دخلت عليها امها وهي تقول : ها يما لميتي اغراضك ..
دلال : لسه باقي شوي ..
ام راشد : يلا خلصيهم .. انا بناديلك الخدم يساعدونك .. لانه مابقى وقت .. فيصل يقول لابوك العصر بتمشون ..
دلال : طيب ...
ام راشد توها بتطلع وقفها صوت دلال ..
دلال : ماما ..
ام راشد : نعم ..
دلال وعيونها ملتها الدموع .. كان داخلها حزن كبير : راكان متى بيجي ..
ام راشد : راشد يقول على العصر بيكونون هنا ..
دلال نزلت عيونها: زين .. لانه وحشني ..
ام راشد حسن بنتها .. قربت منها وحضنتها .. دلال وكانها تنتظر هذا الشيء اول ماحست نفسها بين حضن امها نزلت دموعها ..
ام راشد : انا عارفه يما انك ماتبين هالزواج .. بس شقول غير حسبي الله على ابوك ماعنده ضميير ..
دلال رفعت راسها عن حضن امها : لاتدعين عليه .. اصلا كله مني ..
ام راشد باستغراب : ليه ..
دلال ماحبت تقول شيء : ولا شيء ( وخرت عن امها .. وراحت لوحده من شناطها اللي كانت مفتوحه على السرير ) .. ابي الم اغراضي قبل لايجي فيصل ..
ام راشد كالعاده ماهتمت : طيب ..

طلعت وخلتها .. هنا دلال جلست على السرير وكملت بكي ..

************************************************** ************************

بعد انتهاء الدوامات اللي كانت شبه روتينيه للكل لاشيء جديد ... ريم وساره واقفين بره ينتظرون السواق يجيهم ... ونوره واقفه معاهم تنتظر الباص اللي تاخر عليها اليوم ..

نوره بفرحه ماليه وجهها : ريم ..
ريم حاطه يدها على راسها عن قوه الشمس : نعم ..
نوره : اليوم في مفاجاءه لك ..
ريم باستغراب : لي انا ؟..
نوره بوناسه : ايه ..
ساره اللي كانت تسمعهم .. دخلت عرض بفضول ولقافه : شنهي ؟..
نوره طالعتها بنص عين : انا قلت لريم مو ساره ..
ساره طاح وجها .. بس رقعتها : انا وريوم واحد .. يلا شنهي ..
نوره : لا ماراح اقول .. هي مفاجاءه كيف تبوني اقول لكم ..
ريم : طيب من مين ؟..
نوره : مني ..
ريم : متى راح اشوفها ؟..
نوره : اليوم ..
ريم كان ذابحها الفضول بس مشتها : طيب نصبر ونشوف ..
ساره : افا .. وانا مالي .. تراني احب المفاجاءات ..
نوره تسوي نفسها : امممم .. يلا وانتي بعد ...
ساره : ييييييس ..

نوره طالعت الباص جاي عدلت شنطتها على كتفها : يلا سلاااام ..
ريم و ساره : سلااااااااااام ..

بعدها بخمس دقائق جاء السواق .. ركبو البنات شافو جود موجوده بالسياره بعدها اتجهو للقصر ..

************************************************** ************************

مشاعل كانت مقهوره لانها ماداومت اليوم بسبت الحقيره الواطيه مهووي على قولتها .. جلست بالغرفه تقراء بعض الكتب اللي عندها تسلي عمرها .. بس لما حست بالملل .. طلعت للصاله .. و شافت المكان مقلوب فوق حدر .. استغربت راحت للمطبخ وشافت الخدامات يطبخون اكل كثير ويرتبون صحون .. و شاهي وقهوه والحلا وكيك والمعجنات يصفونها بالصحون ..

مشاعل : ليش هذا ؟..
وحده من الخدامات .. اشرت على الاكل بعديت اشرت بصبعها فوق .. يعني الاكل لمها ..
مشاعل : مين بيجي هنا ؟..
الخدامه الثانيه .. حطت اصابع يدها السبابتين جنب بعض .. يعني كانها تقول احد يقرب لمها ..
مشاعل : اهلها ..
الخدامه هزت راسها ب لا ..
مشاعل : صاحباتها ..
الخدامه هزت راسها بايه ..
مشاعل : اهاا ..

************************************************** ********************

ناصر .. اول ماوصلو للبيت دخل ابو راشد وابو فيصل .. قرر انه يروح ياخذ بنته بنفسه من الدار... اخذ تاكسي .. وطلع من القصر ..

وصل الدار ... اول مادخل كانت الامور جاهزه لقى ترحيب من حمده .. جلس بالمكتب .. جلس مع بنته ربع ساعه .. وقع على بعض الاوراق الرسميه .. اول ماشاف بنته حس بارتياح غريب .. ونفس الشيء بنته .. كانت موافقه على انها تعيش عنده ولا كانت متردده ولو لحظه ..

بعد ماخلص من كل الاجراءات الازمه .. اخذ بنته بعد ماودعت خواتها بالدار .. ركب التاكسي راجع للقصر .. وكله فرحه وشوق انه يجلس مع بنته اكثر ..

************************************************** ********************

في بيت ابو راشد ... كان موعد الغداء البنات قررو انهم يتغدون بغرفه ريم ... دلال مازالت ترتب اغراضها .. وفيصل لسى ماجاء .. راشد عند راكان بالمستشفى .. اما الباقي تحت في غرفه الطعام ..

على طاوله الطعام ..

ام راشد تطالع بساعتها : مو كانهم تاخرو ( تقصد راكان و راشد ) ..
ابو راشد : الساعه ثنتين .. هم قالو بيجون العصر ...
ام راشد : طيب دق عليهم شوفهم طلعو والا لا ..
خالد : خاله انا توني داق على راشد من شوي .. يقول لسه بيخلص اجراءات الخروج بعدها بيجون ..
ام راشد : اها ..
ابو فيصل : ناصر وين راح ..
ابو راشد بابتسامه فرح : راح يجيب بنته ..
ابو فيصل انبسط له : لا .. على البركه .
ابو راشد : الله يبارك فيك .. انت ماشفته من الصبح مو سايعته الفرحه ..
ام فيصل : ياحليله .. الله يخليهم لبعض ويعوضها عن اللي فات ..
ابو راشد : امين ..

************************************************** ******************

راشد يلم اغراض راكان بالشنطه الصغيره ..

راكان : الفوطه تلقاها بالحمام ..( وانتو بكرامه ) ..
راشد : خلها .. ماراح اخذها ..
راكان : طيب .. لاتنسى توديني على الفندق قبل ..
راشد : انا مدري وش تبي من الفندق .. على العموم لاطلعنا مريت عليه ..
راكان : قبل الحادث كانت اغراضي فيه ..
راشد : اهاا ..

راشد بعد ماخلص كل شيء نزل الاغراض بالسياره .. وبعدها نزل راكان اللي كان على كرسي متحرك ...

طلعو من المستشفى .. وحرك للفندق .. لما وصل عنده ... نزل راشد للفندق اللي قاله عنه راكان .. اخذ اغراض راكان منه .. بس قبل لايطلع من الفندق سلم مفاتيح الغرفه ..

واحد من الرسبشن .. اخذ المفاتيح : تاكدت انك اخذت كل شيء ..
راشد : ايه .. ابي اقفل الحساب بالمره ..
المؤظف : طيب .. عطني اسمك ..
راشد : اخوي اللي كان ساكن هنا ... راكان ال ..
المؤظف : هو زبون دائم عندنا .. ( طقطق على الكمبيوتر اللي قدامه .. بعدين رفع عينه لراشد ) خلاص قفلته .. الحسااب ....
راشد عطاه البطاقه : ماعندي كاش ..
المؤظف : اوكي عادي .. ( مرر البطاقه على الجهاز بعدين عطاها راشد ) ..
راشد : شكراا ..
المؤظف : لحظه شوي .. ( فتح الدرج وطلع ورقه بيضاء مسطفه بطريقه مرتبه .. ومدها لراشد ) ..
راشد طالع فيها باستغراب : شنو ذا ؟..
المؤظف : وحده كانت ساكنه بنفس الجناح اللي كان ساكن فيه السيد راكان وقبل لاتطلع عطتني هالورقه عشان اسلمها له بنفسي .. لاكن بما انك اخوه اتمنى تسلمها له عشان ابري ضمتي ..
راشد ( اكيد وحده من بنات السوء اللي كان يعرفهم ) .. خذا الورقه : طيب .. وشاكر لك على الامانه .. ( وحط الورقه باهمال بجيبه ) ...
المؤظف : العفو .. هذا واجبي ...

************************************************** *****************

في هالوقت كان طلال بالطياره ... جاي من المانيا لسعوديه ..
الوقت بالنسبه له كان ممل وطويل .. تذكر اخر مره كان راجع فيها من السعوديه لالمانيا وكانت جنبه العنود .. ابتسم وهو يتذكر براءتها وعفويتها .. انشاءالله يوصل بالسلامه ..

********************************

عند البنات .. حاطين الاكل بالارض ..

ساره تاشر على طرف الصحن : حطي هنا .. بعد زياده ..
ريم : مو زين تكثرين من الشطه .. تسبب قرحه ..
ساره : خليك من كلام العجايز.. يازين الشطه مع الاكل .. ( وخذت العلبه لمتها على صدرها ) .. اخ بس ..
جود : هههههه تراها شطه .. محسستني انها مخدرات ..
ساره : بالنسبه لي مثل المخدرات وزود يالباها ..
ريم : ذكرتني بنوير تموت على الشطه .. وتحطها مثل المرق على الاكل ..
نوره وهي واقفه جنب الباب : ميين يحش فيني ؟..
البنات لفو عليها بصدمه .. وقالو بصوت واحد : نووووووووووره ..
نوره : بشحمي و لحمي ..
ريم قامت بسرعه واحضنتها : مو مصدقه انك هنا ..
ساره وجود بنفس الوقت .. ضموها من وراء ..

بعد السلام والاحضان .. جلسو يكملون اكل .. ونوره جالسه معهم ..

ساره : انتي كيف دخلتي ماحسينا فيك ..
نوره : عمي بو راشد قالي انكم بالغرفه ذي .. انا فتحت الباب بشويش ودخلت انتو مانتبهتو لي .. ( وتكمل ) شرايكم بالمفاجاءه ؟..
ساره وريم : احلى مفاجاءه ..
جود : وين العنود ؟..
نوره : في الدار ..
ريم بفرحه : وناسه .. بس لاتروحين بسرعه الله يخليك ..
ساره : ايواا بليز ..
نوره بابتسامه شاقه الوجه : انا راح اقعد عندكم على طول ..
ريم : كيف يعني ؟ ..
نوره : يعني ابوي عايش هنا و انا راح اعيش معاه ..
ريم وساره وجود يطالعون بعض مو فاهمين شيء ..
نوره حست انهم مافهمو عليها .. قالت : انا بنت ناصر ال ..
ريم : حلفي !! ..
نوره هزت راسها بثقه يعني ايه ..

البنات ماقدرو يمسكون نفسهم من الفرحه .. صرخو بصوت عالي وطبو عليها ..

************************************************** ****************

**

************************************************** ******************

دلال بعد ماسكرت شناطها نادت الخدم علشان ينزلون الشناط تحت .. كان عدد الشناط كثيره غير اللي كانو بعلب و كراتين ..

نزلت تحت وكانت بحاله غريبه هدوء مخلوط بالحزن ... جلست بالصاله تنتظر فيصل يوصل ..

نزلو البنات ومعاهم نوره .. شافو دلال جالسه بالصاله بلحالها والشناط معبيه المدخل .. ساره وقفت قدامها ..

ساره : ليه كل هالشناط ؟..
دلال : خلاص انا وفيصل بنروح لبيتنا ..
ساره حزنت على اختها اللي واضح انها متضايقه : اها .. ( واشرت على نوره تغير السالفه ) .. اعرفك على نوره بنت العم ناصر ..
دلال غير عادتها مدت يدها لنوره : هلا والله ..
نوره استغربت منها لانها تعرفها من قبل بادلتها السلام ومدت يدها : هلا فيك .. و مبروك ..
دلال بدون نفس : الله يبارك فيك ..

سمعو صوت الباب ينفتح .. كلهم لفو شافو راشد يدف راكان على العربانه .. نوره تغطت بسرعه وطلعت فوق .. ريم حطت حجابها على راسها ..

ساره بسرعه راحت له وحبت راس راكان : الحمدلله على سلامتك ...
راكان كان مبسوط يتامل بالبيت : الله يسلمك ..
جاتها دلال وسلمت عليه : اجر وعافيه ..
راكان يتاملها من زمان ماشافها .. بس ملامح وجها كانت غريبه عليه مو دلال اللي تعود عليها مغروره واثقه من نفسها لا هنا كانت حزينه و مكسوره : الله يعافيك ..
جود : الحمدلله على السلامه راكان ..
ريم .. كانت تسرق نظرات لراشد اللي مو منتبه لها : الحمدلله على السلامه ..
راكان : الله يسلمكم .. مشكورين ..
راشد .. دفه لما داخل بنص الصاله : اوصلك غرفتك تريح ..
راكان : لا ابي اجلس هنا .. ( ياشر على الكنب بنص الصاله ) ..
راشد : طيب ..

دفه لما الكنب .. ساعده مع ساره وجلسه .. مشى للدرج .. وقف قدامه .. قال بصوت عالي : يماااا .. يباااا .. راكان وصل ..

البنات جلسو حول راكان .. يسولفون معاه ..
راكان يطالع بالشناط اللي كانت عند الباب : مين بيسافر ؟..
دلال : لا هذول حقيني ..
راكان : بتسافرين ؟..
دلال : لا بروح لبيتي عند فيصل ..
راكان : اهاا .. مبروك ولو انها متاخره ..
دلال نزلت راسها وكان الموضوع عادي : الله يبارك فيك ..
راشد جاء وجلس جنب راكان : الحين بينزلون ..

دقائق وجات ام راشد : هلا والله بوليدي هلا بحشاشه يوفي ..
راكان فتح يده لامه .. تمنى لو يقدر يقوم ويحب راسها .. ام راشد سلمت عليه وهو جالس على بالها انه تعبان ... سلم عليها بحراره وشوق .. وبعدها نزل ابو راشد ومعاه ابو فيصل وام فيصل وخالد .. سلمو عليه وتحمدو له بالسلامه ..

دخل فيصل عليهم ... واول ماشاف راكان .. ضمه وجلس جنبه : مابقى ينور البيت ياولد العم ..
راكان : تسلم ..منور فيكم ..

ربع ساعه من السوالف والاخبار ..

فيصل وقف : يلا دلال .. انا بحط الشنط بالسياره لحقيني ..
دلال هالكلمه خلتها تحس بغصه .. ناظرت ابوها لاخر مره وعيونها مليانه بالدموع .. وكانها تترجاه يغير رايه .. ابو راشد ماخفت عليه معنى النظرات تجاهلها .. وبداخله يقول ( بكره راح تعرفين ليه سويت كذا ) ..

الكل وقف يودع دلال ... حبت راس ابوها وعمها ودعتهم .. وراحت لامها لمتها وحبت راسها ... سلمت على اخوانها وبنات عمها ...
دخل فيصل : يلا مشينا ..
دلال : طيب ..
فيصل سلم على اهله وعمه وعيال عمه وعلى الباقي ماعدا راشد اللي كان ماخذ منه موقف من زمان ..
ابو راشد : ماوصيك يافيصل على دلال ..
فيصل : افا عليك ياعمي دلال بعيوني ..
ابو فيصل : واذا زعلتها يوم من الايام تاكد لاني ابوك ولا اعرفك ..
فيصل ابتسم لابوه وحنانه : يبا دلال زوجتي راح اخاف عليها اكثر من نفسي ..
راكان بمزح: ترا دلال اختي الغاليه ياويلك لو تسوي لها شيء .. بذبحك ..
فيصل : كلكم ضدي محد بيوصيها علي ..
ابو راشد : وانتي يادلال .. هلاهلا بولد عمك ..
دلال بدون نفس : انشاءالله ..

دلال مشت قبل فيصل وعيونها على اهله اللي بتفارقهم .. رغم بعدها عنهم بس اول مره تحس انها راح تكون وحيده ..
فيصل توه بيطلع ... رجع لراشد وقف قدامها وقال بصوت واطيء : ماودك تسلم علي ياوخوي ..
راشد ابتسم له .. وضمه بقوه : ماوصيك على اختي ..
فيصل حس بارتياح لما راشد كلمه ابتسم اكثر .. واشر على عيونه : بعيوني ..
راشد : انا واثق فيك .. انت قدها وقدود ..
فيصل : تسلم ..

مشى .. وطلع من الباب وهو يقول : يلا مع السلامه ..
الكل : مع السلامه ..

طلعت دلال وفيصل من القصر ركبو سياره فيصل وانطلقو .. لحياه جديده .. هي وهو بس ..

************************************************** *************************

بندر يكلم امه بالجوال : متى يماا والله طولت السالفه ..
ام بندر : انا مو عارفه ليه تحن .. قبل لما اكلمك عن موضوع الزواج تعصب والحين كل دقيقه تتصل تحن ..
بندر : قبل كنت صغير والحين عمري مناسب للزواج ..
ام بندر : يصير خير ..
بندر : يعني متى ..
ام بندر تبي تسكته : خلاص بشوف اي فرصه قريبه واكلم امها ..
بندر : بكره ..
ام بندر : لا بكره .. ولدهم تو طالع من المستشفى مو حلوه ..
بندر : بالعكس هذا وقته .. تتحمدين لولدهم بالسلامه وتحددين موعد الزواج ...
ام بندر ملت من نفس السيره : اووف ..

************************************************** ************************

في بيت ابو راشد بعد السلام والسوالف والضحك ..

ابو راشد وابو فيصل طلعو للملحق يجلسون مع ناصر .. اللي تعودو يقضون وقتهم مع بعض .. ام فيصل راحت تسوي لهم كيك ... وام راشد راحت تشوف الغرفه اللي قالت لهم يجهزونها لراكان .. اللي ماحست انه مايمشي ..

البنات كانو جالسين معاه ..

راكان : ريم باي صف ؟..
ريم : ثالث ثانوي ..
راكان : يعني مابقى شيء وتخلصين ..
ريم : ايه ..
راكان : علمي والا ادبي ؟..
ريم : علمي ..
راكان : برافو عليك ..
ساره : ترا حتى انا علمي ..
راكان طالعها بنص عين : غيره ..
ساره : لا بس ولا مره قلت لي برافو ..
راكان : و انتي ياجود ؟..
جود : انا باول جامعه ..
راكان : ماشاءالله ..

جات ام فيصل ومعاها صينيه فيها الكيك .. ريم بسرعه قامت وخذتها من يدها بادب : عنك ياخاله ..
ام فيصل .. عطتها الصينيه : تسلمين يما ..
ريم توزع الصحون .. عطت راكان : تفضل..
راكان اعجب بطريقتها وادبها : مشكوره ..
ريم : العفو ..
ريم عطت ام فيصل صحن .. بعدها خذت صحن ومدته لراشد .. راشد بدون مايطالعها .. كان يطالع برنامج ثقافي على التلفزيون مندمج عليه : خليه على الطاوله ..
ريم حطته على الطاوله وخذت الصحون الباقيه .. عطت ساره وجود .. وكانت بتروح لمكانها ... كانت جالسه بالكنبه اللي جنب التلفزيون ... وبدون ماتدري هي ماشيه لمكانها عرقلت بالواير .. وفصلت الافياش وطفى التلفزيون ..

راشد تنرفز : غبيه ماتشوفين ..
ريم توترت : والله غصب عني ..
ام فيصل : خلاص يما ماصار الا الخير ..
راشد يتحلطم ( غبيه)
ساره : خلاص الحين اشبكه لك .. ( وقامت تعدل الفيشات ) ..
ريم مازالت واقفه بمكانها بخوف ..
راشد : شرائك تجلسين مو ناقصنا حركات غبيه ثانيه ..
ريم ابعدت عن المكان وراحت جلست جنب البنات .. ساره طالعت فيها كانت شوي وتبكي من اسلوب راشد ..

************************************************** ***********************

فيصل ودلال اول ماوصلو للمكان .. فيصل فتح الباب لدلال : تفضلي ..
دلال دخلت الشقه بصمت ..
فيصل : انا بجيب الشنط ..

دقائق وكان فيصل مدخل الشنط والاغراض داخل .. سكر باب شقه .. وقفله بالمفتاح ... هنا دلال زادت دقات قلبها ..

فيصل بهدوء : جوعانه ..
دلال : لا ..
فيصل : اوكي انا بطلب لنا عشاء ..
دلال استغربت منه هي قالت لا وهو يقول بطلب لنا ..

فيصل رفع جواله وطلب ديلفري عشاء منوع لهم .. بعدها دخل الشنط بغرفه النوم ..
دلال جالسه على الكنب بالصاله الخارجيه .. جاها فيصل بابتسامه ... مسك يدها وجرها معاه .. دلال خافت من حركته .. وداها لغرفه النوم : ها شرايك ؟..
دلال طالعت بغرفه النوم .. كانت باللون التركوزاي والابيض والاسود قمه بالاناقه ... كلمه روعه قليله عليها .. ممزوجه بثلاث الوان ...
دلال عجبتها الغرفه .. تذكرت لما فيصل قال لها عرفت انك تحبين اللون التركوازي ... طالعت فيه بتعجب ... ذوقه مره يجنن ..
فيصل يناظرها ومازالت ابتسامته على وجهه : اذا ماعجبتك انا تحت الطلب اغيرها لك ..
دلال : لا عادي ..
فيصل جرها من يدها للمره الثانيه ... ودخلها للمطبخ .. دلال طالعت بالمطبخ وانصدمت بذوق فيصل كان من جد رووعه .. الاثاث باللون الاسود .. وجميع الصحون واواني المطبخ ملوونه .. حتى الاكسسورات .. والفوط والملاعق المعلقه .. علب الاكل .. شيء يفتح النفس ..
فيصل : ها كيف حلو ..
دلال كانت في حاله هدوء ممزوجه بخوف على اعجاب بذوقه ..
فيصل هنا لما شافها ساكته مسكها من خصرها و شالها لوحده من الغرف .. ودلال تقوله نزلني .. مالي خلقك ..
وصل للغرفه اللي يبيها .. نزلها وفتح الباب .. كانت غرفه للاطفال باللون الاصفر .. وفيها سريرن ..
فيصل : هذي غرفه لعيالنا .. ( وغمز لها ) ..
دلال تأملت الغرفه وطالعت فيه باستغراب .. هالانسان اكيد مجنون .. سبحان مغير الاحوال ... مره يكون انسان عصبي وحقير .. ومره يكون رايق ورومنسي وحنون ... بعد ماوراها كل الشقه و دلال بنفس الصمت وصل العشاء .. فيصل قال لها تدخل تفصخ عبايتها وهو بيرتب طاوله الاكل ... فعلا دلال دخلت تحط عبايتها وترتب شكلها ... ولما رجعت شافت الاكل مرتب على الطاوله .. جلسو يتعشون .. طبعا دلال مالها نفس بس فيصل غصبها تاكل .. واكلت شوي ..

************************************************** ***************

في بيت ابو راشد .. بعد العشاء طلعو الرجال لفوق .. ينامون لان وراهم دوامات بكره ..

البنات بعد ماخلصو طلعو فوق ونفس الشيء ام راشد وام فيصل ..

ريم قبل ماتطلع قالت لراكان : تامر على شيء ..
راكان : لا سلامتك ..
ريم : تصبحون على خير .. ( تقصد راكان وراشد اللي مو معبرها ) ..
راكان : وانتي من اهله ..

اتركتهم وطلعت فوق .. راكان يطالع بريم وهي طالعه .. كان يشوفها .. بنت نظيفه وطيبه ومحترمه .. هذا اللي حسه من طريقتها وتعاملها ..

راكان ومازالت عينه عليها : راشد شرائك فيها ..
راشد مافهم قصده .. يطالع التلفزيون: مين ؟..
راكان : ريم ..
راشد بعفويه لف عليه : ماعليها .. بس ليه تسأل ..
راكان بجديه : راشد انا قررت اني اغير حياتي .. خلاص ببتدي حياه جديده و بنسى الماضي ..
راشد : انشاءالله ..
راكان : ماسألتني شنو اللي بسويه ..
راشد بفضول : شنو ؟..
راكان : قررت اكلم ابوي يخطب لي ريم ..
راشد بقق عيونه : نعم ..
راكان بجديه : ايه وش فيها .. البنت باين عليها طيبه .. وبنت عمي .. خلني استر عليها ..
راشد حس بغصه و غمض عيونه بالم ... ليه هو واخوه دائم ينحطون بنفس الظروف ... مايبي نفس السبب اللي فرقهم من سنين يفرقهم الحين .. وكيف راكان يتزوج اذا عرف انه عقيم

..

البارت التاسع والعشرون ...
الجزء الاول ..

ذكريات الامس ..

في بيت ابو راشد ..

يوم الخميس مافي دوامات .. الساعه 10:00 الصباح
بعد مافطرو زي كل يوم .. كل شخص راح لغرفته ..

في غرفه راشد .. وبالتحديد على سريره .. منسدح ويطالع السقف بسرحان ... يتذكر اللي حصل بينه وبين اخوه راكان .. قبل مايستاذن منه وينام ..

راكان : قررت اكلم ابوي يخطب لي ريم ..
راشد بقق عيونه : نعم ..
راكان بجديه : ايه وش فيها .. البنت باين عليها طيبه .. وبنت عمي .. خلني استر عليها ..
راشد حس بغصه و غمض عيونه بالم ... ليه هو واخوه دائم ينحطون بنفس الظروف ... مايبي نفس السبب اللي فرقهم من سنين يفرقهم الحين .. وكيف راكان يتزوج اذا عرف انه عقيم ..
راشد وقف وهو يقول : شيل هالبنت من راسك يا راكان ..
راكان رفع عينه على راشد باستغراب : ليه ؟..
راشد تنهد بضيقه : من غير ليه ياراكان ..
راكان بعناد : بس لازم اعرف السبب ..
راشد رجع جلس جنب اخوه .. وقال بهداءوه : راكان اذا كنت تعزني شيل ريم من تفكيرك ..
راكان واللي كان نفس شعور راشد مايبي تكون بينهم مشاكل من جديد : صدقني مافي اي مشاعر اتجاها .. بس حسيت البنت طيوبه وحليوه .. انت قولي ليه ماتبيني ارتبط فيها ؟ ..
راشد اقرب كلام جاء على باله قاله وبدون شعور : لاني كلمت ابوي من قبل عنها ..
راكان بابتسامه .. غمز لاخوه : قول من اول انك حاط العين عليها ..
راشد بابتسامه مصطنعه : ايواا بالضبط ..( وقف ) يلا انا بوديك الغرفه لاني بطلع انام ..

راشد فتح الكرسي المتحرك .. تكى راكان على كتفه لما جلسه على الكرسي .. وبدأ يدفه متجه للغرفه المخصصه له ..

راكان يتكلم وراشد يدفه : بس شلون و فرح ..
راشد ارتبك وهق نفسه بهالموضوع : فرح خلاص الله يوفقها مع غيري ..
راكان : هههه طلعت مو هين مخطط لكل شيء ..
راشد ندم على اللي قاله : تقريبا ..

وصل للغرفه .. فتح الباب .. دخل راكان .. وبصعوبه حطه على السرير ابطحه وحط الكرسي باخر الغرفه .. لحفه وطفى الانوار وطلع ..

راشد غمض عيونه بعد ماتذكر اللي صار .. مايدري ليه قال كذا و ليش وهق نفسه .. شلون بيطلع نفسه من هالموضوع .. اساسا فكره الزواج كلها ماكانت اخر همه الحين شيقول لامه .. فتح عينه وابتسم بفكره شيطانيه .. اكيد امه ماراح توافق على زواجه من ريم .. ليه مايخلي هالشيء عذر له عشان مايتزوج .. قام من السرير بسرعه فتح الباب ونزل تحت ..

************************************************** ************************

نوره كانت نايمه مع ابوها بالملحق .. ناصر لاول مره يطول بالنوم .. من يوم صحى لاذان الفجر .. راح المسجد وبعدها رجع نام ..

نوره تتقلب بالفراش بملل .. ودها تروح للبنات داخل حاسه بملل بس تبقى تاخذ اذن من ابوها .. وهو لسى نائم ..

طالعت في ابوها اللي نايم جنبها .. طالعت بملامح وجهه وهو ينقلب على جهتها.. باين عليه انه مرتاح بنومته .. ابتسمت ..

هذي اكبر نعمها عطاها اياها رب العالمين .. ماكانت تتوقع انه بيكون له اب نفس ابوها .. حنون وطيب .. يوم واحد بس حست بارتياح كبير لهالشخص وكانه تعرفه من زمان .. صدق من قال الدم يحن .. ماندمت على قرارها لما طلعت من الدار .. اساسا هي مافكرت كثير .. لاكن بالنسبه لها قرارها كان صح .. سرحت بافكارها .. وهي تخطط انها لازم تسعد هالانسان بكل شيء .. لازم يكونون مع بعض .. ويعيشون لبعض .. كل واحد منهم كان يخطط انه يعوض الثاني عن اللي الايام اللي قضوها بعيد عن بعض ...

تذكرت جلستها مع ابوها امس .. لما رجعت من عند البنات ..

ناصر حط ايده على فخذ نوره وهو يقول : انا ادري انك تسألين نفسك ليه ابوي تخلى عني .. والحين جاي يرجع كل شيء .. بعد مرور سنين طويله ..
نوره ابتسمت لابوها : واذا قلت لك لا ..
ناصر استغرب من كلامها : يعني ماتبين تعرفين الماضي ..
نوره طالعت بابوها بحنان : انت قلتها ماضي .. انا مايهمني الماضي .. يهمني الجاي كيف راح يكون .. بما انك قررت تاخذني بعد هالسنين ونعيش مع بعض .. هالشيء يكفيني صدقني ..
ناصر ابتسم براحه كان تسري بعروقه .. فتح ايده لبنته .. نوره طالعته .. واول ماشافتح فتح ايدينه لها .. ماترددت انها تكون بين احضانه .. ارتمت بحضنه .. وكانت مثل العصفور اللي يتدفى من برد الشتاء تحت جنحان امه .. لمها على صدره بقووه وكانه يبي يخبيها عن كل هالدنيا .. كانه يقول لها انتي بنتي انا وبس ..

هذا حنان الابوه .. ماقدر اقول لك ياناصرغير .. اللي يعطيك على قد نيتك ..

صحت نوره من ذكرياتها الجميله .. على صوت ابوها وهو يتمتم بكلمات مافهمتها كان يتكلم بصوت واطي .. قربت منه تبي تسمعه وش يقول يمكن يحس بالم اومحتاج شيء .. او يحلم بحلم مزعج .. ناصر رجع يتكلم وهو يقول : ننن.. نووو.. نوره .. نوره ..

نوره ابتسمت على طيبه قلبه حتى بحلمه ماغابت عنه .. حطت ايدها على جبينه ومسحت عليه بخفيف .. وهي تردد داخلها .. ( الله يخليك لي ياحن انسان شفته بحياتي ) ..

**************************************

راشد نزل تحت وشاف امه وام فيصل جالسين بالصاله .. قال وهو مستعجل : يماا وين ابوي ..
ام راشد : بالمكتب مع عمك ..
راشد شق الحلق اكثر : حلووو ..
ام راشد مافهمت : شنو اللي حلو ..
راشد : لا ولاشيء .. انا رايح لهم ..

مشى عنهم رايح للمكتب عند ابوه ..

************************************************** ***********************

نوره بعد ماصحى ابوها .. وتاكدت انه فطر .. شالت الاكل بالصينيه .. واستأذنت منه انها بتروح عند البنات شوي .. تنبسط معاهم .. وهو مامانع ابد ..

كانت لابسه جلابيه باكمام طويله لونها كحلي مطرزه بالسماوي .. ولافه حجابها باحكام .. شالت الصينيه وطلعت بره الملحق .. ماشيه للقصر ..

كلها خمس دقائق وكانت قدام باب القصر .. توها بتنزل الصينيه عشان تفتح الباب .. لاكن في واحد طلع بوجهاا فجاءه ..
شهقت بخووف وهي تشوف .. الصينيه تصقع فيه من الرعبه .. وبعدها طاحت من يدها .. الاكواب والصحون تكسرت بالارض .. والاكل ملىء البلاط .. بسرعه رفعت طرف الغطاء وغطت وجهاا ..

خالد يطلع مناديل من جيبه .. ويمسح الحليب اللي نكب على ثوبه من الاكواب .. وهو يتحلطم : يالا صباح خير ..
نوره تتفلسف كانها ماسوت شيء : شوف لازم تغسله بسرعه لانه لو طول يمكن مايرووح ..
خالد رفع عينه عليها .. وتوه ينتبه لها انها هي اللي كانت شايله الصينيه : انتي مين ؟..
نوره توها بترد ..
قاطعها خالد وهو يقول : انتي خدامه جديده هنا ..
نوره .. طلع عرق العبيد .. وخربت البرستيج .. حطت ايدها على خصرها : نعم نعم .. ولو انا الخدامه انسانه .. بس هذي اهانه في حقي .. ( واشرت بصبعها على نفسها من فوق لتحت ) .. كل هالجمال والاناقه خدامه .. صدق ماعندك ذوق ..
خالد كاتم ضحكته على اسلوبها وكانها من عجايز لول ( يازينهم بس ) ..: لا جد انتي مين تطلعين ؟..
نوره تعدل كتوف الجلابيه بثقه : انا بنت ناصر ال ..
خالد قال بميانه وهو يدزها بكتفها : حلفي انتي بنت العم ناصر ..
نوره بققه عيونها على حركته : لو سمحت انا مرتبطه وشسمه يغار علي لاتمد ايدك ..
خالد ابتسم على طريقه كلامها : اها .. اسف يامرتبطه ..
نوره طقت سوالف معاه ونست الصينيه اللي على الارض : الا انت مين ؟
خالد بيرد عليها ..
قاطعته وهي تردله الحركه : انت سواق جديد هنا ؟..
خالد فهم عليها وحط ايده على خصره يقلدها : نعم نعم .. ولو انا السواق انسان .. بس هذي اهانه في حقي .. ( واشر بصبعه على نفسه من فوق لتحت ) .. كل هالجمال والاناقه وسواق .. صدق ماعندك ذوق .. ( وزاد من عنده بهارات .. وهو يصفق بيده زي البنات ) .. كش بس ..
نوره بعفويه : يييع طلعت خكري .. اقول بس مو شفت بنات الحمايل تبي تتلزق يلا مناك بس ...
مشت عنه بثقه .. وهي تدف باب القصر بدفاشه عشان تدخل تنادي احد ينظف معاه المكان ..
خالد يطالعها بذهول .. هي اللي تتكلم معاه بعدين تطلعه هو اللي يتلزق فيها .. مشى لسيارته وهو يقول بداخله ( تضحك هالبنت ) ..

**************************************

في المكتب عند ابو راشد وابو فيصل ..
ابو راشد بحزن : انا ودي أأمن على العيال قبل لا ..
قاطعه ابو فيصل بخوف : لاتقول كذا و انا اخوك .. الله يطول بعمرك .. و اذا على العيال ماعليهم شر .. الحين هم كبار وكل واحد يعرف مصلحته وانا وين رحت بس ..
ابو راشد : فيك الخير ياخوي .. لاكن الايام تمشي ومادري كم بقى لي يوم اقضيه معاكم .. ايامي الباقيه معدوده ..
ابو فيصل نزل عيونه على حضنه بحزن : ماحد يعلم الغيب وانا اخوك .. طيع شوري و قولهم كل شيء ..
ابو راشد : لا الا هالشيء مقدر اقوله .. ااه ياراشد الوجع كل يوم يزيد والالم ينهش عظامي ..
ابو فيصل ودموعه بدت تغزي عيونه .. لاكن الرجال دموعه ماتنزل كان ماسكها عشان اخوه مايتاثر ويضعف : ليت ياخوي اقدر اتقاسم الوجع معاك ..
ابو راشد : وجودك معاي يعوضني عن كل شيء ..
ابو فيصل : لازم تسافر وتتعالج باقرب وقت ..
ابو راشد : لا لازم اطمن عليهم .. راكان لازم يتعالج ويرجع مثل اول باذن الله .. وراشد لازم انا اللي ازفه على زوجته .. وساره اخر العنقود ( حس بقصه وقفته عنه الكلام ) ..
ابو فيصل : انشاءالله كل اللي تبي بيصير .. ساره بتتخرج وتدخل الجامعه و تتزوج حالها حال البنات .. ودلال خلاص راحت بنصيبها .. وراشد قريب بيتزوج .. وراكان انشاءالله بيرجع مثل اول ..
ابو راشد : وعيالك ..
ابو فيصل : انت بتشيل همي عيالك وعيال غيرك .. عيالي انا موجود ..
ابو راشد : عيالك عيالي .. انا ابي اتطمن على الكل .. ريم هالبنت معوره قلبي .. مدري شنو مخبيه لها الايام الجايه ..
ابو فيصل : ماعليها عايشه .. واحنا حولها ..

قطع كلامهم الباب يندق ..

ابو فيصل : ادخل ..
دخل راشد وعلى وجهه مرسومه ابتسامه عريضه : السلام عليكم ..
ابو راشد وابو فيصل : وعليكم السلام ..
راشد : عسى ماعطلتكم عن الشغل ..
ابو فيصل : لا ابد .. انا وابوك كنا نتكلم عنكم ..
راشد قرب منهم وجلس على الكرسي قبال عمه وابوه : عننا !! ..
ابو فيصل : ايه ..
راشد : عن شنو ؟..
ابو فيصل : عن علاج راكان .. و عن زواجك ..
راشد ابتسم : دام عن زواجي سهلتو علي اللي بقوله ...
ابو راشد : وشهو اللي بتقوله ؟..
راشد بجديه : يباا انا ماني بعارف كيف ابتدي .. لاكن بما انك انت و عمي هنا .. انا بختصر الموضوع .. يبا انا ابي اتزوج ..
ابو راشد وابوفيصل ضحكو عليه : ههههههههههههه ..
ابو راشد : انشاءالله قريب ونحدد موعد عرسك .. احنا انشغلنا مع اخوك شوي ..
راشد : لا يبا مافهمتني .. انتو من زمان تبوني استعجل بموضوع الزواج لاكن دائم اكون متردد .. بس هالمره خلاص لقيت الزوجه اللي ابيها و انشاءالله ماراح اتردد ابد ..
ابو راشد وابو فيصل طالعو بعض باستغراب وش يقول ذا !! ..
راشد : يبا فرح بنت خالي الله يوفقها وتلقى واحد احسن مني .. انا قررت اتزوج ريم بنت عمي تركي الله يرحمه .. طبعا بعد موافقتكم ..
ابو راشد طالع ابوفيصل بفرحه : هذي الساعه المباركه ..
ابو فيصل ماكان اقل فرحه من اخوه : يازين ماخترت ..
راشد انبسط لما شافهم فرحانين : يعني ماتضايقت يبا .. لانك بتخلف وعدك مع خالي ..
ابو راشد : لا ياولدي .. الزواج مو بالغصب اهم شيء تكون مقتنع باللي بتاخذها وراح تقضي معاها كل عمرك .. واذا على خالك خله علي .. وزي ماقلت فرح انشاءالله تلقى الرجال اللي يستاهلها ..
ابو فيصل : والله ريم جوهره ماراح تلقى احسن منها ..
راشد بشك : بتوافق ؟..
ابو راشد هز راسه يعني ايه وابتسم لولده ..

هنا ابو راشد كان طاير من الفرحه ... هذا اللي كان يبيه العيال ياخذون بنات عمهم .. وزواج راشد من ريم راح يخليه يطمن عليها اكثر ويرتاح .. بالنسبه له هم وانزاح ..

************************************************** *************************

عند البنات كانو مجتمعين بغرفه ريم ...

ريم تكلم نوره : كاسره خاطري العنود .. اكيد الحين بروحها ..
نوره وحست بتأنيب الضمير : معنى قبل لامشي .. قالت لي روحي الله يوفقج .. وشوفي حياتك ترى الدنيا قصيره .. الا اني حسيتها تكابر قدامي بس ..
ريم : اكثر شيء معور قلبي عمليتها مانجحت ..
جود بحزن : ياحياتي عليها ..
ساره : شرائكم يوم نعزمها عندنا ..
جود : والله فكره .. تغير جو شوي .. بس الدار يسمحون لكم عادي ( كانت توجه الكلام لنوره ) ...
نوره : ماما حمده تاخذ اذن من صاحب الدار واذا وافق هي ماتمانع ..
جود : اها ..
ساره : اجل اليوم نكلمها ونقولها .. وبكره تجي عندنا ..
ريم : خلاص انا بقولها ..
نوره : والله اشتقت لها هالمفهيه ..
ساره : ياحليلها عنود اكثر وحده عاقله ورزينه بينكم ..
ثواني وغيرت رايها لما شافت نوره وريم يخزونها .. بلعت ريقها بخوف وهي تغير كلامها : اقصد هاديه بس ..
جود : هههههههههههههههههههه ...

************************************************** *******************************

دق جرس بيت اهله .. مشتاق لهم بالحييل .. من المطار على طول .. ركب اول تاكسي .. وجاء لبيته .. له فتره ماجاهم ..

فتحتله الباب امه .. واول ماجات عينها عليه قالت بلهفه وهي تلمه : طلال ..
طلال ضمها بكل شوق : هلا بالغاليه ..
بعدت عنه وهي تقول : هلا بنظر عيني .. ليه ماقلت انك بتجي ...
طلال يحب راسها : ماحبيت اشغلكم علي طول الطريق ..
ام مشعل : ادخل يمه تو مانورت السعوديه ..
طلال : منوره باهلها .. وين ابوي واخواني ..
ام مشعل : داخل في الصا

له

ام مشعل : داخل في الصاله ..
دخل طلال وهو يجر شنطته معاه .. واول مادخل للبيت .. طاحت عينه على ابوه واخوه واخته اللي استقبلوه بكل فرحه ..

**************************************

الساعه 12:20 دقيقه ..

دلال صحت من النوم متاخر .. قامت من السرير .. دخلت دوره المياه ( وانتو بكرامه ) .. غسلت بسرعه .. وبعدها طلعت من غرفه النوم للصاله .. ماحصلت فيصل موجود ... راحت للمطبخ .. نفس الشيء ماحصلته .. حست بجوع ..

فتحت الثلاجه طلعت لها جبن و خبز .. هذا اللي كان موجود بالثلاجه .. صبت لها عصير ..

حطته على الطاوله الصغيره بالمطبخ .. وجلست تاكل بهدوء .. وهي تفكر باحداث امس ... وكل اللي صار بينها وبين فيصل ..

( بعد ماتعشو .. دلال كانت ماتبي تاكل لاكن فيصل جبرها .. دلال بعد ماحست انها اكتفت من اللي كلته قامت من الطاوله ..

فيصل بامر : اجلسي اكلي .. وين رايحه ..
دلال واقفه بملل : الحمدلله شبعت ..
فيصل : البنت السنعه ماتقوم الا لما زوجها يخلص ..
دلال باستهزاء : لما تكون زوجي بالاساس .. ( ومشت عنه ) ..
لحقها فيصل .. وقبل لاتدخل الغرفه .. مسكها من يدها وسحبها على جهته : شقلتي ؟..
دلال بطفش : فيصل مالي خلقك ..
فيصل : ولا انا بعد ..
دلال تطالع بيده اللي ماسكها فيها : اجل ممكن تشيل ايدك ..
فيصل : مو قبل ماعرف معنى كلمتك اللي قلتيها من شوي ..
دلال طالعت فيه بثقه وقوه : اللي سمعته .. لاتحسب انك تزوجتني يعني خلاص راح احبك ... لا ياروحي انت حالك حال أي واحد بالشارع ماملك اتجاهه أي مشاعر .. ولو ابوي كان عمري ماراح ارتبط بواحد مثلك ..
فيصل رفع حاجبه باستهزاء : ليكون انا اللي ميت عليك .. زي ماقلتي لو ماابي اصلح الشيء اللي انتي سويتيه .. والا كان ماتشرف اخذ وحده مثلك .. والا نسيتي ؟..
دلال عصبت من كلمته ماتشرف اخذ وحده مثلك .. رفعت يدها بوجهه بعصبيه : احترم نفسك .. على الاقل انا احسن من اختك اللي من واحد لواحد ... ( ماكملت كلامها لانه جاها كف من فيصل .. خلاها تحس بحراره على خدها ) ...
دلال زي أي بنت حساسه .. تجمعت الدموع بعيونها : هذي الرجوله يافيصل .. شكرا لانك اهديتني اغلى شيء تقدر عليه .. باول يوم بحياتنا .. ( مشت عنه ودخلت الغرفه وهي تبكي ) ..

فيصل ضل واقف مكانه يستوعب اللي سوااه .. غمض عيونه بندم .. شد على قبضه يده بقهر .. رجفه عصبيه تسري بجسمه .. وبداخله يقول .. ( ليه يافيصل .. ماقدرت تمسك نفسك اكثر من كذا .. مو انت وعدت نفسك انك بتبتدي حياه جديده وبتغير رأيها فيك ) ..

فتح عيونه وتنهد .. دخل عليها غرفه النوم .. حصلها لامه نفسها فوق السرير .. وصوت شهقاتها عاليه .. كانت تبكي من قلب .. جلس على طرف السرير .. حط ايده على راسها ومسح على شعرها بحنان ...
دلال بعصبيه دفت يده وطالعت فيه وعيونها حمراء من القهر : ابعد عني .. لاتحاول تقرب فاهم ..
فيصل بندم : خلاص انا اسف .. انتي اللي استفزيتني ..
دلال : انت يحق لك تقول أي شيء و انا لا ..
فيصل : يابنت الناس خلاص قلت لك اسف ..
دلال ضحكت بسخريه من بين دموعها : خلاص قبلت اعتذارك .. انت اكيد مجنون ..
فيصل .. سكت عنها .. فتح الدولاب اخذله بطانيه .. و طلع برا الصاله .. لم الاكل من على الطاوله وحطه في المطبخ .. وبعدها انبطح على الكنب في الصاله ..

دلال بعد ساعات من الدمووع .. دخلت في حاله نوم طويله )

دلال وحاطه اللقمه في فمها .. نزلت دمعه صغيره من طرف عينها .. وهي تتذكر اللي صار ..

مسحتها بكم البيجاما .. بعد ماكلت وخلصت .. شالت الصحون .. وحطتها بالمجلى .. وراحت للغرفه .. اخذت الجوال .. قررت انها تتصل بفرح .. من زمان عنها ..

دقت عليها مره ومرتين وثلاث .. مافي رد .. استغربت منها بالعاده ماتاخذ يوم بالكثير الا وتتصل فيها .. سكرت الجوال وراحت للصاله .. شغلت التلفزيون .. وجلست تفرفر بالقنوات ..

**************************************

بعد الغداء .. في القصر ..

الكل كانو مجتمعين بالصاله الرئيسيه .. كل اثنين و ثلاثه مع بعض يسولفون .. الشباب مع بعض .. والبنات مع بعض .. وابو راشد وابو وام فيصل مع بعض .. ماعدا ام راشد اللي كانت تكلم دلال بالجوال ..

عند ابو راشد وابو وام فيصل ..
كانو جالسين في صدر الصاله .. على كنبين جنب بعض ..
ابو فيصل : انا اقول نفاتحها بالموضوع الحين .. دام الكل موجود ..
ابو راشد : اخاف تنحرج .. انا اقول اكلمها بروحنا ..
ام فيصل مو فاهمه شيتكلمون عنه : مين ذي ؟..
ابو فيصل طنشها وهو يقول لابو راشد : انا اشوف نقولها قدام الكل .. عشان يصير عندهم خبر .. اختصار للموضوع ..
ابو راشد يفكر : طيب ..

عند الشباب اللي كانو جالسين بالزاويه ومشكلين مثلث ..
راكان : انا اذكر ركبت ذا اللعبه و انا صغير ..
خالد : الدول الاجنيه العابهم خطيره .. تحس انك من جد داخل مغامره .. فيها حياه او موت ..
راشد : والله انا ماشجع على ذا الالعاب .. خصوصا للبنات ..
خالد : ليه ؟..
راشد : مدري .. احس بدال مايصير شيء مسلي .. يقلب لفضايح .. اللي تصارخ .. واللي تتعرض لتحرش في الالعاب .. وغيره ..
خالد : مو الكل ..
راكان : على فكره البنات اللي يصارخون .. مو خوف .. يبون يثيرون الانظار حولهم بس ..
خالد : صادق ..
راشد : وغير اللي يكون فيهم امراض .. واذا كانت اللعبه .. ماشرفو عليها الصيانه .. شوف كم من الضحايا تروح بسببها ..
راكان : يوه انا اذكر واحد كان معانا بالمدرسه .. اخوه الصغير ركب لعبه حقت كبار .. وطبعا الهندي مشاها له .. معنى القوانين تمنع ركوب اللي اعمارهم تحت ال18 سنه .. وبعدها طاح من اللعبه .. لانه ماربط الحزام عدل .. وكان يسوي حركات من فوق باللعبه .. هياط يعني ..
( هذا كان محور حديث الشباب ) ..

عند ام راشد .. اللي تكلم دلال بالجوال وجالسه بعيد شوي عنهم عشان تسمعها كويس .. كانت تسألها عن كل شيء بالتفصييل الممل .. ورد دلال كان : الحمدلله كل شيء تمام ماما ..
ام راشد : طيب كلتي شيء ..
دلال : ايه تو من شوي .. فيصل جاب لنا اكل من بره ( كانت تكذب طبعا ) ..
ام راشد : طيب يماا انتي مبسوطه ..
دلال لوت بوزها بقله حيله : الحمدلله ..
ام راشد : طيب عطيني فيصل خل اوصيه عليك ..
دلال ارتبكت : اا .. فيصل يتروش بالحمام وانتي بكرامه ..
ام راشد : خلاص اجل اخليك .. ماوصيك على نفسك ..
دلال : لاتوصين حريص .. سلميلي على الكل ..
ام راشد : انشاءالله يوصل .. يلا مع السلامه ..
دلال : مع السلامه ..
سكرت ام راشد وهي حاسه انه بنتها تمثل عليها دور المرتاحه ..

عند البنات ..
جالسين جنب بعض على احدا الكنبات الطويله .. شوي يحشون .. وشوي يسولفون عن الموضه .. وشوي عن الطبخ .. يعني نقدر نقول جلسه بنات بامتياز .. وريم كل شوي تسرق بعض النظرات لراشد ..

ساره بفضول : تتوقعون دلال وفيصل شيسون الحين ؟..
ريم : ياربي على اللقافه .. شدخلك واحد وزوجته .. انتي شعليك ..
ساره : بس زوجته اختي .. ( وباحلام ورديه ) .. ياربي متى اتزوج ..
جود وريم فقعو عليها ضحك : ههههههههه ...
جود : لو يسمعك عمي ..
ريم : هههههه كان زوجك ولد الحلال ..
ساره : قولي والله ..
جود تستهبل : والله على فكره دلال سمعها تدعي يارب زوجني .. عشان كذا زوجها فيصل ..
ساره مبققه عيونها .. مصدقه كلامهم : حلفوو .. خلاص قولو له ساره كل يوم تدعي في جوف الليل انها تتزوج واحد اشقر احمر .. جوز اطيحلي على واحد من هالمزاين وابوي يزوجني اياه ..
ريم ميته ضحك على طفاقه هالبنت : مصدقه بعد ..

قطع كلامهم .. وابو راشد يقول : اسمعوني شوي ..

لفو عليه .. وعم الهدوء المكان .. ماعدا صوته وهو يقول : ريم انتي بالذات ابيك تسمعيني زين ..
ريم هزت راسها لعمها يعني طيب وهي من داخل مستغربه شنو يبي .. راشد عرف ابوه شنو بيقال .. بهاللحظه تردد اكثر .. تمنى لو ماخبص في كلامه .. شلون جاته هالفكره .. وشلون تحمس لها مايدري .. خايف انه ريم ترفضه .. وبهنا تكون اهانت كرامته .. ناظر فيها بتمعن .. عشان يشوف رده فعلها وتعابير وجها لما تسمع كلام ابوهه ..

ابو راشد : يابنيتي .. يشهد علي ربي اني اعزك مثل بنتي ساره واكثر .. وانا ماني عمك لا انا ابوك ..
ريم قالت باحترام : اكيد ياعمي .. انت وعمي راشد مكان ابوي الله يرحمه ..
ابو فيصل : الله يبارك فيك ..
ابو راشد يكمل : وماراح اوافق على شيء الا فيه مصلحه لك .. وماراح احطك في مكان الا وانا مطمن عليك .. انتي امانه عندي .. ومستحيل افرط بالامانه الا للي يستاهلها ..

هنا الكل كانو يستمعون لابو راشد بانصات .. وكلهم تشوق انهم يعرفون زبده الكلام ..

ابو راشد : بالنهايه ماراح يصير شيء الا بموافقتك .. والراي الاول والاخير لك .. ريم وانا عمك .. راشد ولدي طلبك للزواج مني ومن عمك ..

هنا كانت الصدمه الكبرى على وجه الكل .. وخصوصا ام راشد .. اللي ودها تقتل ريم بهاللحظه شلون وبنت اخوها فرح .. .. الكل كان يدور في باله سؤال واحد بس .. وفرح ؟؟ .. ريم بلعه ريقها بارتباك .. ماتوقعت هالشيء يصير ابد .. كيف وليه .. وشلون .. كل هذا ودها تعرفه قبل ماتقول رأيها .. عيونها كانت تحاول تشوف رده فعل اللي جالسين معاها .. طالعت في ساره اللي كانت في حاله صمت على غير عادتها .. طالعت بجود اللي عطتها ابتسامه امل .. طالعت في ام راشد وعيونها كان يطلع منها الشرار .. طالعت في ام فيصل اللي كانت تناظرها بنظرات ام حنونه فرحانه لبنتها .. طالعت باعمامها .. كان يطالعونها بشوق يعرفون ردها .. طالعت بعيال عمها .. لقت راكان يبتسم لراشد وكان يقوله بصوت واطي محد سمعه : سويتها يالذيب ..
ثواني بسيطه نظرات سريعه .. مررتها على الكل .. فركت يدينها بعض .. بخوف وقلق وارتباك .. شعور مخيف .. شيء ماكانت حاطته بالحسبان ..

ابو راشد : ها يابنتي وش قلتي ..

ريم طالعت فيه بتردد .. احراج مابعده احراج ..

**************************************

مشاعل كانت جالسه بالصاله .. وحاسه بملل فضيع .. اليوم من صحت من النوم ماشافت احد منهم .. لا وليد ولامها ..

قررت انها تقامر شوي .. وتكشف الشيء اللي مخبىء في الغرفه ..

خطرت على بالها فكره مجنونه .. راحت لغرفتها اخذت حجابها ولفته عليها .. وطلعت للحديقه .. لفت حول القصر .. وكانت تدور على النافذه اللي تطل عليها الغرفه المحرمه .. باالاخير لقت وحده من الغرف .. نافذتها جنب نافذت المطبخ تاكدت انها هي .. قربت منها.. وهي تتلفت حولها تتاكد انه محد شافها .. حاولت تشوف شيء من النافذه لاكن كانت عاليه عليها .. طالعت بالارض حولها .. لقت حصى كبيره جنب النافوره .. راحت لها بسرعه وشالتها .. جابتها للمكان بدون محد يحس فيها .. حطتها تحت النافذه .. وركبت عليها .. طالعت في الغرفه كان المكان ظالم بظالم .. دقت النافذه .. و ..

*****************************************

دلال بعد ماسكرت من امها .. وطمنتها عليها ..
طالعت في الساعه اللي كانت محطوطه فوق التلفزيون .. 2:45 دقيقه .. استغربت .. كل هالوقت فيصل ماجاء .. وين راح ومافي دوام اليوم .. اكيد ماراح يخليها بالبيت بروحها حتى لو متخانقين .. ماعطت اهميه كثير .. كانت تقول بداخلها ( جعله مايرجع ابد ) .. رفعت جوالها للمره الرابعه .. ودقت على فرح .. ماحصلت احد رد عليها .. مافقدت الامل و دقت مره ثانيه .. بعض عدت دقات .. جاها صوت فرح .. الغير طبيعي ..
فرح بصوت مكسور وبحه خفيفه : الو ..
دلال بلهفه : الو .. هلا فروحه .. وينك ..
فرح بنفس الحال : بالبيت ..
دلال هنا حست ان صوتها على غير العاده : لا انا اقصد انك غاطه ماكلمتيني ..
فرح كانت في حاله صمت عجيبه .. ماينسمع الا صوت انفاسها القويه ..
دلال عقدت حواجبها باستغراب .. وقالت بشك : فرح .. شفيك ..
فرح كان ردها غريب جدا ... شهقات من البكي .. تشهج بالم .. دلال خافت عليها اكثر .. وهي تسمع صوت بكيها يعلى ويعلى وكانها تفضفض عن اللي داخلها بهالدموع ..

دلال بخوف : فرح تكفين قولي لي شفيك ؟..

الى هنا انتهى البارت .. القاكم في البارت القادم باذن الله ..

توقعاتكم للبارت الجاي ؟؟..
ليش ابو راشد يقول انه ايامه معدوده ؟؟..
ريم بتوافق على راشد رغم علمها بانه مايحبها ؟؟..
طلال ورجوعه السعوديه .. راح يكون فيه شيء جديد ؟؟..
نوره ام لسان طويل .. ايش الجديد بحياتها ؟؟..
دلال و فيصل مين من بينهم راح يقرب المسافات ؟؟..
مشاعل متى راح تكشف سر وليد ؟؟..
فرح ليش تبكي ؟؟..

كل هذا واكثر بالبارتات القادمه .. تابعوني

..

البارت التاسع والعشرون ..
الجزء الثاني ..

دلال خافت عليها اكثر .. وهي تسمع صوت بكيها يعلى ويعلى وكانها تفضفض عن اللي داخلها بهالدموع ..

دلال بخوف : فرح تكفين قولي لي شفيك ؟..
فرح ومازالت على نفس الحال .. قالت من بين شهقاتها : لحقي علي يافرح لحقي علي ..
دلال بخوف : فرح تكفين قولي لي شفيك ..
فرح توها بتتكلم .. لاكن قطعت كلامها دلال لما سمعت باب الشقه ينفتح : فرح اكلمك بعدين .. شكل فيصل جاء ..
فرح كانت بتقول لها : طط.. ( بس سمعت السماعه تقفلت طوط طوط ) ..

************************************************** ***********************

دلال وهي تسكر السماعه .. كان فيصل داخل الشقه .. شافها بالصاله ..
جاء لعندها : السلام عليكم ..
دلال تنهدت بضيقه و كان اللي جاي عزرايل .. طبعا ماردت عليه ..
فيصل جلس جنبها .. وقال بسخريه : ترا السلام لله ..
دلال وكانها ماتشوفه .. سوت نفسها مندمجه بالتلفزيون ..
فيصل حط رجل على رجل : تغديتي ؟؟..
دلال .....
فيصل كان بيعصب على تطنيشها .. بس مسك نفسه وتعوذ من الشيطان .. ودخل الغرفه ينام له شوي ..
دلال بداخلها وهي تطالعه يدخل الغرفه ( اكرهك .. اكرهك ) ..

************************************************** ************************

عند فرح بعد ماسكرت دلال ... زادت شهقاتها ودموعها .. حست بهاللحظه انها وحيده ماعندها احد تشتكيله .. وتقوله عن مصيبتها .. يمكن يقدر يساعدها .. الوحيده دلال بس ماتقدر تكلمها على كل وقت لان فيصل مانعها عنها .. وماعندها صديقات غيرها ..
انبطحت على السرير .. لفت وجهاا على المخده وغاصت داخلها .. وكانها تدور لها ملاذ يبعدها عن الواقع المر ..

خلاااااااااااااص .. حست نفسها انتهت ... وانهت معاها كل شيء .. انوثتها .. شرفها .. مشاعرها .. اهلها ..
ليه كل ذا صار .. ماتوقعت هالشيء يصير ابد .. كان على بالها اللي تسويه تسليه .. وراح تتركه يوم من الايام .. وبعدها تتزوج وتنسى كل شيء كان .. راح يصير مجرد ذكريات .. كانت تتصور نفسها ذكيه ومحد يقدر يخدعها .. كانت تحسب نفسها قويه وماراح يضرها احد .. بس نست انا كل قوي .. في اللي اقوى منها .. مررت شريط ذكريات ذيك الليله على بالها وكانه احداثها صارت من دقائق بكل تفاصيلها ...

( فرح كانت تكلم ماجد اللي صار بالنسبه لها ادمان : يلا عاد مجوودي .. قولي شنو المفاجاءه ..
ماجد كان يبتسم بخباثه لخويه : لما اشوفك اعلمك شنهي ..
فرح بفضول : اممممم .. بس مقدر اطلع معاك مكان خاص ..
ماجد يبيها تقتنع باي طريقه : ولو فرحوتي لحد الحين ماوثقتي فيني ..
فرح بتردد .. كانت مايله له اكثر بعد ماعرفت انه غني ماودها تخسره الا لما تستفيد منه : لا ياقلبي واثقه .. بس صعبه شوي ..
ماجد ومصر على اللي باله : لا صعبه ولا شيء .. كلها دقائق تجيني بالشقه اوريك المفاجاءه وبعدها ارجعك للبيت ..
فرح : طيب متى تجيني ؟..
ماجد والابتسامه تعلي وجهه اكثر : على الساعه ست المغرب بكون عندك .. وعشان تتاكدين اني مب مسويلك شيء .. جيبي معاك صاحبتك ..
فرح بغيره .. ماجد ممكن يشوف دلال ويحط عينه عليها ويتركها : لا ماله داعي .. خلاص الساعه ست تلقاني جاهزه .. عند المكان اللي اتفقنا عليه ..
ماجد يغمز لخويه يعني وافقت : فديتك ياروح ماجد انتي ..
فرح تاهت علومها من كلامه لها ..

الساعه 6:00 كانت فرح واقفه على الرصيف جنب الشجره اللي اتفق معاها ماجد انها توقف عندها ... طلعت بعد ماخذت اذن من امها انها بتروح لعيد ميلاد صديقتها .. وهي اللي بتجي تاخذها مع السواق من عند الباب .. كانت في كامل زينتها كالعاده .. لفت على صوت البوري العالي لقت ماجد ياشر لها عشان تركب معاه .. تلفتت حولينها ودخلت السياره بسرعه ..

كلها نص ساعه وكانو موجودين داخل المكان اللي فيه المفاجاءه على كلام ماجد .. دخلو داخل فله كانت شبه هاديه ..
فتح ماجد لها الباب وهو يبتسم .. وياشر لها بيدها: تفضلي ..
فرح رجعت على وراء بتردد : خلاص انت ادخل وجيب المفاجاءه هنا..
ماجد .. كان وده يجرها من شعرها .. لاكن مسك نفسه عشان تضبط الخطه : لا المفاجاءه كبيره ماتنجاب هنا .. وبعدين شقلنا حبيبي ..
فرح تنفست بخوف .. ودخلت قدامه .. دخل بعدها ماجد .. ماحست بنفسها بذيك اللحظه .. كانت تحس الدنيا تدور من حولها ...

كانت تحسب نفسها نايمه لاكنها فتحت عينها .. واكتشفت شيء ثاني .. كانت منسدحه على كنبه .. وحولها اربع شباب ..
عدلت جلستها بخوف وهي تردد : انا وين ؟..
هنا الشباب ضحكو عليها ..
ماجد كان يشفط زقاره بتلذذ .. وينفخها بالهواء .. بعدها لف عليه : كنتي ضيفه عندنا ..
فرح طالعت فيه .. حست بمغص بطنها ... غمضت عيونها بخوووف وهي تردد داخلها ( يارب حلم .. يارب حلم ) ..
فتحت عينها على امل انه يكون حلم .. شافت اللي حولها .. نفس الاربع شباب موجودين .. جالسين معاها بنفس المكان ... اشكالهم غريبه .. وكانهم في حاله سكر .. المكان مليان بزجاجه الخمر .. وعلى الطاوله انواع المكسرات والفواكه .. وكاسات مليانه بالثلج .. ريحه المكان كان عباره عن دخان برواح ثانيه مقرفه .. طالعت في نفسها كانت بدون عبايه .. ياريت كذا بس .. لا كانت من غير ملابس كامله .. شهقت وهي تحوط يدها على جسمها .. لحظات صمت من الخوف والصدمه .. كانت في عالم ثاني .. معقوله اللي صار .. تمنت لو يكون حلم .. عمرها ماتمنت شيء بحياتها .. بداخلها تقول .. بس هالمره يارب .. يارب يكون حلم .. والله ماعيدها ..

وقف جنبها وجرها من يدها : يالا تعالي ..
فرح رجف جسمها سحبت يدها عنه بقرف .. وقالت بكل حقد : ياحقيييييييير ..
ماجد ضحك بسخريه : ههههههههه ضحكتيني والله ..
فرح نزلت دموعها : انتو شسويتو فيني ..
واحد من اللي موجودين .. قال وهو يضحك : ماسوينا الا الواجب ..
فرح .. تطالع في ماجد : حرام عليك .. انت وعدتني انك ماتسوي لي شيء ..
ماجد ضحك من قلب : هههههههه انتي كل واحد يوعدك تصدقينه ..
فرح : حسبي الله عليك انتي ضيعت مستقبلي .. بضل ادعي عليكم ليوم الدين ..
ماجد بسخريه يكلم اخوياه : هاهاها ...سمعتو شباب تقول بتدعي علينا .. ( ورجع لف عليها ) انتي اللي مثلك هذا اقل شيء بحقهم ..
فرح مسحت دموعها : وين ملابسي ؟..
ماجد اشر على غرفه بعيده : هنااك ..
فرح قامت من مكانها وهي تغطي نفسها بيدها ودخخلت الغرفه ... بدلت ملابسها وطلعت له وهي تقول : رجعني بالبيت ..
شخص ثاني من الشباب : تو الناس ماستانسنا ..
فرح تركتهم .. فتحت باب الفله وطلعت .. بس هالمره طلعت انسانه غير .. بلا شرف .. عيال الحرام بهذلوها و خذو منها اعز ماتملك البنت .. بالشارع وقفت لها تاكسي .. ورجعت للبيت ) ..

مازالت على المخده .. تبكي بقهر رفعت راسها منها .. بعد ماحست ببروده .. لانها امتلت بالدموع .. افكار كثير تدور بالها .. بعد اليوم كيف راح تكون وشنو مصيرها .. حتى احنا مانعرف ..

بس اللي نعرفه هذا حال كل البنات اللي يمشون طريق الخطا ... في البدايه يقولون نكلم ونجرب .. محد راح يدري عنا .. بعده يتطور الموضوع الى ادمان .. ويقولون نتسلى ماراح نعرض نفسنا للخطا .. مايدرون انا بلحظه ممكن ينجذبون له بدون مايحسون .. الذئاب البشريه في كل مكان .. وتدور هالنوعيه من البنات لانه بالنسبه لها سهله .. ماقول غير الله يحفظنا ويحفظ بنات المسلمين من الغلط ومن عيال وبنات السوء...

************************************************** ************************

حطتها تحت النافذه .. وركبت عليها .. طالعت في الغرفه كان المكان ظالم بظالم .. دقت النافذه .. و .. فجاءه انفتحت النافذه .. وطلعت بوجهاا بنت شكلها مخيييف .. من الخوووف .. : اااااااااااااااااااااااااااااااا ( صرخت باعلى صوت ) ..

البنت مدت يدها بين حدايد النافذه وسكرت فم مشاعل ..
مشاعل سكتت وهي تتاملها بخوف .. كان وجهاا مشووه .. وماكانت ملامحها واضحه لان الانوار عندها مطفيه ..
مشاعل بتعجب : انتي مين ؟؟..
البنت اشرت لها بيدها .. يعني لحظه .. دخلت وكلها لحظات ورجعت لها معاها ورقه وقلم .. مسكت القلم وبدت تكتب .. بعدها مدت الورقه لها .. خذتها مشاعل وقرت اللي كتبته : اسمي منيره .. ( وطالعت فيها ) .. انتي ماتتكلمين ..
البنت هزت صبعها يمين وشمال .. يعني لا ..
مشاعل : اهاا .. طيب انتي ليش هنا ..
منيره .. سحبت الورقه من يد مشاعل .. واكتبت فيها ... ( سالفه طويله .. بس تكفين لاتخليني هنا .. ساعديني اطلع من ذا السجن ) ..
مشاعل بعد ماقرت المكتوب : لاتخافين ماراح اخليك .. انا بروح الحين عشان محد يحس فيني .. وبعدها راح اجيلك كل وقت ..
منيره مسكت يد مشاعل .. واعطتها نظره خوف مخلوطه بدمووع .. وكانها تقول لاتخليني بهالمكان ..
مشاعل ابتسمت لها تعطيها الامل والثقه وبعدها مشت لداخل القصر قبل لاحد يحس فيها ..

************************************************** ********************

ابو راشد : ها يابنتي وش قلتي ..

ريم طالعت فيه بتردد .. احراج مابعده احراج ..

وقفت وهي تقول : انا مو موافقه ..
راشد طالعها بصدمه .. ساره استغربت منها لا .. وهي اللي باين عليها تحبه وتموت فيه .. ردت فعلها غريبه .. ام راشد هنا حست بارتياح ولو انها ماحبت الاهانه لولدها .. لاكن اهون من ان ريم تكون من نصيبه .. الباقين كانو في حاله صمت .. يستمعون للحديث اللي يصير قدامهم ..

راشد وقف وهو يقول لها بعصبيه : مو على كيفك ..
ابو راشد قال بامر : راشد مالك كلام وانا موجود ..
راشد حس انا كرامته انهانت : بس يبا ..
ابو راشد : لابس ولاغيره ..( ولف على ريم ) السبب و انا عمك ..
راشد ساكت ومن داخله وده لو يقرب منها ويكفخها ..ماناقص الا ذي ترفضه ...
ريم طالعت بعمها ماودها ترفض له طلب .. بس راشد بالنسبه لها كان خليط من الحب والكره .. ومستحيل تاخذ شخص مايحبها : عمي انا ماحب اخرب على احد .. ( تقصد فرح ) ..
راشد بعصبيه : وانا اقولك ماحد راح ياخذك غيري فاهمه والا .. ( وعلى صوته على ابوه ) هذا انا اقول لكم اذا ماوافقت راح يكون اخر يوم اجلس فيه بالبيت ..
ومشى بسرعه للباب .. طالع منه وهو فحاله عصبيه .. ماكان حبا فيها .. بس بالنسبه لراشد كل شيء ولا كرامته .. خالد كان واقف بيلحقه .. لاكن ابوه اشر له اجلس وخله يهدى بروحه ..

ريم كانت في حاله حيره .. راشد يعني لها كثيير .. بس ماكانت تبي ترتبط فيه .. وهو مايحبها .. حتى احترام ماكان فيه .. طلعت غرفتها .. هناك تقدر تفضفض اكثر على راحتها .. ولحقوها البنت ..

ابو راشد كانت اماله عكس اللي صار .. ماتوقع انها بترفضه .. والحين زاد الطين بله مع عناد راشد .. زاد همه هميين ..

************************************************** ************************

طلال ومشعل .. وامهم جالسين بالصاله ..

طلال : ابوي وينه ؟..
ام مشعل : طلع يريح شوي ..
طلال : اها ..
مشعل : وين فرحه .. بالعاده اذا جاء طلال ماتفارقه ..
طلال : ايه صح وينها ..
ام مشعل : مدري والله .. كانها قالت راسها يعورها .. يمكن نامت ..
مشعل : تلقينها على النت .. ياحب البنات لهالسوالف ..
طلال : خلها ماعندها شيء يونسها بالبيت ..
مشعل : عاد ايه هاذي دلوعتك ..
طلال : اكييد اختي الوحيد .. بس كانك غيراان ..
مشعل : ايه مرره ..

************************************************** ************************

نوره جالسه بالملحق وحاطه جوال ابوها على اذنها .. تكلم العنود ..

نوره : ماعليك انتي حاولي معاها ... والله وناسه ..
العنود : بشووف .. ماعلينا اخبار ريوم ..
نوره : الحمدلله .. هي قالت بتتصل فيك .. بس شكلها نست ..
العنود : يمكن .. ماتدرين عن مشاعل ..
نوره : لا والله اخر يوم كانت غائبه .. اساسا ماتكلم معاها كثيير ..
العنود : اهاا ..
نوره : وانتي شمسويه بالدار ..
العنود : لا جديد .. على نفس الحال ..
نوره بتانيب ضمير : اسفه لاني تركتك ..
العنود : لا شدعوه هذي حياتك .. وفرحتك هي فرحتي صدقيني ..
نوره : تسلمين ياحلى اخت بالدنيا ..
العنود : نوره .. كيف شعورك وانتي عندك اب ..
نوره : احلى شعور بالدنيا .. مقدر اوصفه لك .. وخصوصا انا ابوي طيب مره .. ( وطالعت في ابوها اللي كان يسمعها بس يسوي نفسه يطالع التلفزيون عشان تاخذ راحتها ) ..
العنود : الله يخليكم لبعض ..
نوره من قلب: امين ..

بعد ربع ساعه من السوالف ... سكرت العنود من نوره .. فرحت كثير لان نوره تغيرت حياتها .. وحست من نبره صوتها انها فرحانه .. الا طايره من الفرحه .. حسدت خواتها على حياتهم .. كل وحده راحت في مكان ثاني وتلاقت مع اهلها .. الا هي ماكان لها حظ بشيء ابد .. حتى حلمها الوحيد انها تكمل دراسته باء بالفشل .. لاكن حمده قالت لها انها خلاص راح يحولونها على مدرسه خاصه للعميان .. عسى انها تتاقلم هناك وتعوض كل شيء ...

************************************************** ***********************

راشد في السياره .. كان سايق بسررعه .. مو شايف شيء قدامه .. ريم نرفزته ..

راشد يتحلطم بينه وبين نفسه : طيب ياريم انا اوريك ... ( وضرب الدركسون بقوى ) اجل لا .. والله شايفه نفسك .. هذا بعد مالميناك .. اوكي انا اوريك .. ماراح اخليك تتهنين بحياتك بعد اليوم ...

يتبع

...

تابع البارت التاسع والعشرون ..
الجزء الثاني ..

ريم طلعت فوق ... على طول دخلت غرفتها وسكرت الباب وراها .. و طلقت لدموعها العنان .. اسلوب راشد ماعجبها .. لو عطاها فرصه ممكن انها توافق لاكن اسلوبه كان واضح انه يبي يتملكها وبس .. مو عشان شيء ثاني .. جلست على الباب حوطت نفسها بيدينها وبكت بحرقه .. حب راشد بالنسبه لها عذاب ماتدري متى راح تتخلص منه .. تحبه.. ودها يكون قربها كل دقيقه وكل لحظه .. بس كيف وهو اللي واضح انه مايداني قربها حتى لو من بعيد .. حبها له كان اهانه بالنسبه لها .. شيء يطعن القلب .. تحب انسان مايكن لها اي مشاعر .. ويوم خطبها كان مجرد عناد .. وعشان يبعد نفسه عن فرح .. كانت بالنسبه له عذر او طريق للهروب من زواجه ..

قامت من مكانه .. ووقفت قدام التسريحه وهي تتامل شكلها ... عيونها صارت ذبلانه .. وصار حولها هالات سوداء .. صارت ماتهتم لشكلها .. عقب ماكانت الاحلى من بين خواتها .. اول مره تذوق الحب .. مو بس الحب .. ذاقت معاه اشياء كثيره .. الذل والاهانه والهم .. والسهر .. صار نومها ساعات قليله .. تحس بغصه داخلهاا .. طلعت تنهيده .. واهااات قويه ..

قطع تاملها بشكلها .. صوت الباب يندق .. قالت بصوت مبحوح : تفضل ..

دخلت ساره وراها جود : ماعليش ندخل ..
ريم تمسح دموعها بحركه سريعه : اكييد ..
ساره قربت منها وهي تقول : ريم ممكن اسالك سؤال ؟؟..
ريم : عارفه وش بتقولين ..
ساره بحيره : طيب ليه .. دامك تحبينه ..
جود تكمل : ليه تعذبين نفسك ؟..
ريم قالت بالم محد حاس فيها : لانه مايحبني .. افهموني .. انا كل يوم اتعذب ومحد فاهمني وحاس باللي داخلي .. راشد خطبني لانه يبي يطول مساله الزواج و بس ..
ساره قربت منها اكثر ومسكتها من كتوفها وحطت عيونها بعين ريم : انا مابي اجبرك على شيء .. بس رفضك لراشد راح يسوي مشاكل راشد اخوي عنيد ..
ريم : انا اسفه اذا راح اسبب لكم مشاكل .. ( وبتردد ) ماعندي مانع اطلع من البيت .. وارجع لداا..
قاطعتها جود بعصبيه : شتقولين انتي .. لا ياريم هذا مو قصد ساره .. هذا بيتك والا نسيتي انا احنا هلك وبنات عمك .. احنا نبي لك الخير ..
ريم بسخريه : مع راشد ..
ساره : احسن ماتاخذه فرح ..
ريم جلست بتعب على كرسي التسريحه وكانه حيلها مهدود : خلاص بناات وربي تعبت ...
ساره : خلاص احنا بنطلع ونخليك تريحين .. بس قبل لانطلع .. ابي اقولك فكري زين .. لاتهدمين حياتك بنفسك ..
جود : واذا راشد مايحبك اليوم .. بكره راح يكرهك اكثر .. لاكن بعد الزواج انتي تقدرين تغيرينه ..
ساره وتسحب جود : يلا جود خلينا نمشي ..
جود : طييب ..

طلعو من الغرفه وخلو ريم في حيره اكثر .. رفضها بجهه .. وكلامهم لها بجهه ثانيه .. ماتبقى تكون سبب في تفرقه العائله .. وبنفس الوقت ماتبقى تهين نفسها لراشد وتكون تحت امره ..

************************************************** *******************

راشد بعد فرارته بالشوارع نص ساعه .. اتصل على اقرب شخص له .. هو الوحيد اللي ممكن يفضفض له عن كل شيء ..
دقه دقتين .. مره مرتين .. وبعدين جاء صوته .. اخوه اللي ماجابته امه ..

مشعل : هلا والله بالغالي ..
راشد بصوت مهموم : هلا فيك ..
مشعل حس عليه .. قام من مكانه .. الي كان جالس بين اهله في الصاله .. وراح للمجلس : راشد صاير لك شيء ..
راشد ومازال معصب : انت بالبيت ..
مشعل باستغراب : ايه ..
راشد : انا جاي لك اذا فاضي ..
مشعل : ولو حياك الله باي وقت هذا بيتك ياخوي ..
راشد : تسلم ( وهو يطالع الطريق ) .. اجل كلها دقائق .. وانا عندك انا بالشارع اللي قريب من بيتكم ...
مشعل : حياك الله ..
راشد : الله يحيك .. ( وسكر السماعه ) ..

مشعل بعد ماسكر منه راشد استغرب وش اللي صاير بعد .. اكيد في شيء راشد مايجي فجاءه في بيتهم الا ويكون متضايق من شيء .. دخل عند امه يقول لهم يصلحون القهوه والشاهي ..

************************************************** ************************

في بيت ابو راشد بعد ماطلع راشد وطلعو البنات فوق ..

ام راشد قالت بزعل : وليه يابو راشد .. فرح بنت اخوي وش فيها ..
ابو راشد كان ساكت .. وباين من وجهه انه متضايق ..
ام راشد تكمل بعد ماحصلت رد منه : طول عمرك اناني وماتفكر الا في نفسك .. الحين استغنيت عن اخوي ..
راكان شاف تعابير ابوه .. وكسر خاطره .. التفت على امه : خلاص يمه ماله داعي ..
التفتت عليه امه بعصبيه : لا خلني اعلم ابوك حقيقته .. ( ورحعت لفت عليه ) هذا جزات اخوي يوم وقف معاك .. وماكان احد حولك .. حتى اخوك اللي الحين حاطله قيمه .. عمره مارفع سماعه التلفوون عليك .. والحين شفت نفسك على اخوي .. وماتبي بنته لولدك ..
راكان ماكان وده يرفع صوته على امه .. بس كان لازم يسكتها لما شاف ابوه وجهه بداء يحمر : يمه خلاص عاد زودتيها ..
ام راشد وقفت بعصبيه : ايه اللي يقول كلمت الحق مايعجبكم .. ( ورفعت يدها بتهديد ) بس خلك عارف لو راشد خذا ريم مالي قعده بهالبيت يوم واحد ..
خالد ماعجبه كلام .. مرت عمه بس مابيده شيء .. قام من مكانه وصعد فوق ..
ام فيصل طالعت بزوجها وهزت راسها بقله حيله .. من لسان ام راشد ..( كانها تقول اعوذ بالله من هالحرمه ) ..
ام راشد مازالت مستمره : وعلى فكره اخوك ذا ( اشرت على ابوفيصل ) .. ماجاء هنا لسواد عيونك .. لا ياحبيبي جاء عشان الدريهمات اللي راح ياخذها من وراك ..
ابو فيصل مايبقى يدخل لاكنها استفزته بكلامها .. وقف وهو يقول لها: خلاص ياحرمه سعود تعبان .. فكينا من لسانك .. واذا على اللي تقولينه كلن يرا الناس بعين طبعه ..
ام راشد ماصدقت انه يرد عليها عشان تتهاوش معاه : لسانك .. والله وطالت وشمختك ترفع صوتك علي بعد .. ولا في بيتي ..
ابو راشد وهو جالس قالها بصعوبه .. وهو يحاول يفتح ازارير ثوبه العلويه : خللل.. ااا..ص ..
ابو فيصل لف على اخوه .. شافه ماسك رقبته بيد وكانه ياخذ انفاسه الاخيره .. ويد ياشر فيها عليه انه يساعده .. مسك يده بسرعه .. وقال بخوف : شفيك ياسعود ..
راكان لما شاف ابوه يحاول يدف عجلات الكرسي بيده عشان يقرب من ابوه .. بس الكرسي ماكان راضي يمشي : يباا .. شفيك .. يباا .. انتظر جاي لك ..
ابو فيصل ينادي خالد بصوت عالي .. شبيه للصراخ : خالد .. ياااا خالللللللللللللللللللد .. حصه جيبي مويه بسرعه .. خااااااااااااااااااااااااااالللد ..
ام راشد لما شافته كذا سكتت وهي تطالعهم بقهر ... ام فيصل ركضت للمطبخ تجيب له موويه ...

نزل خالد على صراخ ابوووه ... ونزلو معاه البنات لما سمعو الصوت ..
خالد بخوف : سم يبا ..
ابو فيصل : تعال خلنا نودي عمك المستشفى ..
خالد : طيب بس اجيب مفاتيح السياره من فوق ..
ابو فيصل بعصبيه : انت تنتظر تشرحلي انقلع جيبهم بسرعه ..
خالد حط رجله بسرعه على الدرج ..
ام فيصل جابت المويه .. ابو فيصل اخذها منها وغطس اصابعه فيها وبدا يرش على اخووه .. فتح له ازارير ثوبه .. وابو راشد كان يحاول يتكلم لاكنه موقادر .. وجهه بدا يميل للون البنفسجي ..

البنات لما شافو ابو راشد بهالحال .. وقفو بخووف يصيحوون .. وراكان كان منقهر مو عارف يتصرف .. ابووه يتالم قدامه وكانه ينازع الموت وهو جالس مو قادر يسوي شيء .. عزت عليه نفسه .. تمنى بهاللحظه يقدر يمشي .. عشان يكون قريب من ابوه .. يساعده ويشيله يوديه المستشفى ..

خالد جاء بسرعه .. وقف جنب ابووه يساعده يوقفون عمه ... وقفووه بصعوبه .. ومشى بشويش لما وصلو للباب .. قدام عين الكل اللي كانو عجازنين عن التصرف ..
راكان قال وكانه يترجاهم : خذوني معاكم .. ( لاكنه سمع كلماات من عمه كانت مثل السكاكين .. والعار على نفسه ) ..
ابو فيصل لف عليه وقال بعفويه : احنا نشيل ابوك ونوديه المستشفى والا نشيلك ..

طلع ابو فيصل وخالد من القصر .. ساعدهم السواق لما شافهم طالعين و ماسكين ابو راشد .. ركبوه السياره .. وحرك خالد باسرع ماعنده للمستشفى ..

************************************************** ***********************

راشد وصل بيت خاله .. اللي رحب فيه هو ومشعل وطلال .. جلسو معاه شوي بعد ماسلمو عليه .. وطلعو من المجلس لما حسو انا راشد جاي بسالفه لمشعل ..

مشعل : هذانا بروحنا وشفيك ؟..
راشد نزل راسه متفشل من مشعل: انا خطبت ريم بنت عمي ..
مشعل بتعجب : كيف !! ..
راشد رفع راسه وهو يقول : ادري يامشعل انها اختك ومهما يكون بتزعل علشانها .. بس انا خذت قراري .. اني اتزوج ريم بنت عمي .. فرح بنت خالي ويشهد علي ربي اني اعزها واتمنى لها كل خير مع غيري ان شاءالله انت من البدايه تعرف اني خطبتها عشان امي ..
مشعل بشك : ويعني ريم تحبها ..
راشد قال بسرعه : لا تخسي الا هي .. انا ماحبها ولا احب غيرها .. اللي احبها راحت بنصيبها ..
مشعل بتفهم : لاتخاف .. زي ماقلت لك دائم انت اخوي وبتضل اخوي .. واذا على زواجك من فرح قسمه و نصيب .. كل واحد فيكم راح يروح بنصيبه ..
راشد منحرج من فعلته : لاكن اذا طلقتها راح تكون ..
قاطعه مشعل : لاتكمل .. قلت لك الزواج قسمه ونصيبه .. انتو ملكتو بس ماتزوجتو .. اهم شيء انت هالمره تختار باقتناع ..
راشد : لاتحسب اني احب ريم .. بس انا قلت باخذها لانها ساكنه معانا بالبيت .. لاني متاكد اني ماحب فرح ومابي اظلمها معاي .. لاكن ريم ..
مشعل : لاكن ريم شنو .. ليكون تبي تعذبها .. ترا البنت مالها ذنب ..
راشد : لا ابي اكسر راسها .. اليوم ابوي فاتحه بالموضوع .. تخيل قالت لا مدري على شنو شايفه نفسها ..
مشعل ببرود : طيب واذا .. مو اخر الدنيا .. هي من حقها تختار ..
راشد : لا مو من حقها انا ولد عمها .. وبعدين من هي عشان تقول لي لا ..
مشعل : ياخي خل عنك الغرور .. ترا ذي بنت عمك .. واذا مفكر انك تتزوجها لازم تسعدها لانها يتيمه وذنبها راح يكون برقبتك .. بس انت ليه زعلان انها رفضتك ..
راشد : مو زعلان .. بس هذي اهانه لي .. انا كل اللي مضايقني اني رفعت صوتي على ابوي ..
مشعل : لا انتبه كل شيء ولا ابوك ..
راشد : عارف .. بس انا عصبت وقلت له مو راجع البيت الا لما توافق ريم ..
مشعل : هو بالغصب يعني ..
راشد : ايه ..
مشعل هز راسه من عناد راشد : لحووول ..

************************************************** **************************

راكان بعد ماحس بكلمات عمه وكانه عاله عليهم .. حس شكثر هو كان قبل في نعمه .. لاكنه استغلها في الغلط مافكر يوووم .. انه يساعد ابوه بشيء والا حتى يجلس معاه .. لاكن اليوم تمنى ذا الشيء بس ماقدر .. قال لاخته ساره تاخذه لغرفته .. وهي نفذت له طلبه .. ريم كانت جالسه ومتضايقه .. تحس بتانيب الضمير وكانها سبب باللي صار .. ماتبقى شيء يصير لعمها لانه هو الوحيد اللي بقى لها من بعده ماراح تعرف معنى للامان .. هو اللي واقف بصفها دائم ويسال عنها .. هي خسرت ابوها قبل لاتشوفه ماتبي تخسر عمها .. وماقضت معاه وقت طويل ... دعت ربها بصمت انه يعديها على خييير .. جود ماكانت اقل منها حزن .. ام فيصل قاعده على اعصابها تنتظر زوجها ولدها يطمنونها على ابو راشد .. ام راشد بعد ماطلعو ماكلفت نفسها تجلس معاهم .. كانت تحس بالقهر من زوجها لانه بيترك بنت اخوها وراشد يطلقها .. ويتزوج ريم ..

************************************************** ***************************

نوره طول اليوم كانت جالسه مع ابوها ... كانت مبسوطه بسوالف ابوها عن امها وذكرياات الماضي .. كانت تبي تعرفه اكثر .. وانبسطت اكثر لما طلع لها مجموعه صور .. له ولامها ... كانو بوقتهم اللي قضوه مع بعض ماحسو بالوقت اللي يمشي بسرعه .. ولاحسو باللي صاير داخل القصر .. كانو في عالم ثاني كله ذكرياات حلووه .. وضحكات من القلب ..

نوره تاشر على صوره كانت بالابيض والاسود .. كان فيها واقف ابوها وهو صغير يمكن عمره بال18 سنه وجنبه شخص كبير بالسن : يبا مين ذا ؟؟..
ناصر ياشر على الشخص اللي جنبه : هذا ؟..
نوره : ايه ..
ناصر : هذا ابو العم سعود .. وابو العم راشد ..
نوره : جد البنات ؟..
ناصر : ايه ..
نوره : طيب ليه مصور معاه ؟ ..
ناصر : يابنتي هالشخص كان لي الابو والاخو الصديق .. رغم فارق السن اللي بينا .. وله فضل كبير علي في حياتي ..
نوره : اها .. الله يرحمه ..

وكانو على هذا الحال كل صوره يشفونها .. يتكلمون عنها مده .. وكانها تحكي قصه طويله ..

*******************************************

فيصل صحى من النوم .. طلع لصالون على طول ماحصل دلال موجود .. رجع للغرفه .. مايشوف شيء قدامه كانه ضباب .. يفتح عيونه ويسكرها بنووم .. قرب من دوره المياه بيغسل ( وانتو بكرامه ) .. سمع صوت المويه .. قرب اكثر ... سمع صوت دلال تغني ومندمجه .. عرف انها تتروش من صوت الموي القوي .. ابتسم ... وطلع من الغرفه مره ثانيه .. رايح للمغاسل ..

************************************

ابو فيصل وخالد بعد ماتطمنو على ابو راشد وقالهم الدكتور انه مجرد ضيقه وتعب .. بسبب الضغط والعصبيه .. ووصاهم انه مايزعلونه كثيير .. بعدها طلب من خالد يطلع برا لانه يبي يكلم ابو فيصل على انفراد .. وخالد بدون لايناقش طلع على طوول ..

ابو فيصل بقلق : ها يادكتور شنو فيه ؟؟..
الدكتور باسف : انا مو قلت لك لازم العمليه نسويها باقرب وقت .. الورم كل ماله يكبر انا خايف انا الوقت يداهمنا ويكبر الورم اكثر .. ويقضي عليه ..
ابو فيصل بقله حيله : والله عجزت يادكتور .. مايبي كل ماقوله خلنا نسوي العمليه برى وبسرعه .. مصر انه مايسويها الا بعد مايتطمن على عياله ..
الدكتور : برى والا هنا ماتفرق .. لاكن اهم شيء انكم تستعجلون .. انا بنا على طلبه ماحبيت اخبر اولاده بمرضه .. لاكن اذا طولها راح اقولهم من غير تردد ..
ابو فيصل : هذا هو عندك بالغرفه روح له وقوله .. يمكن يقتنع منك اكثر ..
الدكتور هز راسه .. بنعم ..

طلع ابو فيصل والدكتور .. ودخلو للغرفه اللي فيها ابو راشد وخالد مازال برى .. الدكتور حاول يقنعه بكل الطرق .. لاكنه عنيد ( ونقول راشد على مين طالع ) .. الدكتور سلم امر لله .. وخلاه على راحته .. عطاهم ورقه مكتوب فيها شويات مقويات ياخذونها من الصيدليه ..

وبعدها طلعو من المستشفى ..

************************************************** ******************************

راشد بعد مافضفض لمشعل .. وقال كل شيء حس بارتياح طلع من بيت خاله وهو مروق ..
قرر انه مايروح البيت الا لما يشوف رده فعل اهله على موضوع زواجه من ريييم .. كان مصمم على الموضوع مجرد عناد ..

مشعل بعد ماطلع منه راشد .. دخل على اهله .. لقاهم كلهم جالسين بالصاله ويسولفوون ..
جلس معاهم .. وبداخله تردد انه يقول لهم قرار راشد عن فرح ..

طلال كان يقول لفرح : فروحه حبيبتي شفيك هالايام مو عاجبتني ؟..
فرح تمثل انها عاديه : عادي مافيني شيء ..
طلال : علي هالكلام .. عيني بعينك اشوف ..
فرح حاولت تبعد عينها كثر ماتقدر عنه .. لان طلال بالنسبه لها مخدر لو استمر كذا راح تنفجر من البكي ..
قطع كلامهم ام مشعل وهي تكلم مشعل : شفيه راشد ..
مشعل بفهاوه : ها !! ..
ابو مشعل : شفيك ؟.. امك تسالك عن راشد شكان يبي منك ...
مشعل قرر انه يقول لهم : راشد خطب ..
الكل طالعه باستغراب ... شلون خطب وهو خاطب فرح ..
مشعل لما شاف عيونهم فيها التعجب .. قال يفهمهم السالفه : ايه راشد خطب ريم بنت عمه .. وهو من الاساس ماكان حاب فرح وماحب يظلمها معاه اكثر ..
ابو مشعل وقف بعصبيه : لا ولد عمك اكيد انجن .. بعد كل هالمده جاي الحين يفركش كل شيء ويقول مابي اظلمها .. تركه لها هذا اكبر ظلم ..
ام مشعل لوت بوزها بقهر : هذا اللي بنحصله منهم .. حسره عليك يابنيتي .. يافضيحتنا شبنقول لناس ..
هنا فرح انفجرت وقامت تصيح بقهر .. مو على راشد .. لانه بالنسبه لها كل شيء ضاع ..
طلال استغرب من راشد .. حركته ذي تقلل من قيمه اختها .. الحين الناس شيقولون عنها ..
مشعل ماكان حاب انا اخته ينكسر خاطرها .. بس هو عارف كل شيء من البدايه عن راشد ويعتبر راشد اخوه واكثر .. وعارف انه خطبته لها من الاساس بعد اصرار اهله ..
ابو مشعل طلع فوق معصب يبي يتصل على اخته ويفهم الموضوع منها اكثر .. كان اكثر شخص منقهر على الموضوع .. مو لانه حاب يستر على بنته ..لا .. لانه كان يبي يستفيد من ورى ابو راشد .. وزواج فرح من راشد هذي الطريقه الوحيده اللي بتخليه يستفيد بعد ماترك الشغل مع ابو راشد ودخل اخوه عليهم وخرب كل شيء بالنسبه له ..

************************************************** ***********************

العنوود كانت جالسه تقنع حمده انها بكره تروح للبنات ..

حمده : خلاص لاتحنين .. اذا رضى صاحب الدار ..
العنود : عشاني ماما تكفيين ..
حمده : خلاص يصير خير .. على فكره اوراقك جات من المدرسه .. وانشاءالله من يوم السبت راح تبتدين تداومين هناك ..
العنود ماتدري ليه ضاق خلقها من هالموضوع .. قالت بدون نفس : اهاا ..

************************************************** *************************

ابو فيصل بعد ماوصلو للبيت ... دخلو ابو راشد للبيت وجلسووه بالمكتب على طلبه .. مايبي يطلع فوق .. كان ساكت طول الطريق .. سرحان اشياء كثير شاغله باله .. شايل هم الكل .. كان يحسب زواج راشد وريم بيزيح هم كبير عنه .. لاكن طلع العكس .. انقلب كل شيء الى صرااع .. ابو فيصل وخالد خلوه بالمكتب وطلعو عنه .. البنات وام فيصل ارتاحو شوي لما شافووه داخل ومافيه الا الخير ..

طلع ابو فيصل من المكتب وهو ينادي ام فيصل .. لانه بيطلع فوق .. طلع فوق وام فيصل لحقته .. خالد سأل البنات عن راكان لما قالو له بالغرفه راح له ..

ريم استاذنت من البنات وراحت لعمها المكتب .. دقت الباب .. بس ماسمعت رده .. فتحت الباب بشويش ودخلت .. حصلته جالس على الكنب الطويل يفكر ... قربت منه حبت راسه : انا اسفه عمي ..
ابو راشد رفع عينه : ليه وانا عمك .. انتي مالك دخل ..
ريم جلست جنبه وهي حزينه : انا عارفه كل اللي صار بسببي ..
ابو راشد : انتي مالك دخل انا تعبت شوي بس ..
ريم : عمي انا موافقه اخذ راشد ..
ابو راشد مسك يدها بحنان : لا يابنتي انتي مو مجبوره انك تاخذينه .. اللي تبينه هو اللي بيصير ..
ريم : لا ياعمي انا ابي راشد .. انا فكرت وحصلت نفسي غلطانه اني رفضته ..
ابوراشد : متاكده ؟.. انا اخاف تكونين وافقتي عشاني ...

ريم : لا مو ككذا .. انا موافقه ومتاكده من قراري ..
ابو راشد : وانا متاكد ان راشد راح يسعدك ..
ريم ابتسمت مجامله : اكييد ..
ابو راشد فتح يدينه : تعالي بحضن ابوك ..
ريم لمته .. وحطت راسها على صدره .. هذي اول مره تحضن فيها شخص قريب منها .. وخصوصا انا ابو راشد كان يمسح راسها بحنان .. كان خايف من قرار ريم .. بس بنفس الوقت كان متاكد ان راشد راح يحبها في يوم من الايام .. كانت هاذي نظرته لهم ..

الى هنا انتهى الب

ارت

البارت التاسع والعشرون ..
الجزء الثالث ..

ابو راشد حس باطمنان مؤقت لما قالت له ريم انها موافقه على راشد .. كان حاس انه موافقتها على راشد .. تبي تصلح الامور ومش قناعه منها .. لاكن في شعور بداخله .. انهم راح يحبون بعض ويرتاحون لبعض بعدين .. اغلبيت المتزوجين مو شرط يكون في حب بينهم قبل الزواج .. لاكنا المحبه تكون اقوى مع العشره .. ولما يعرف كل واحد فيهم شخصيه الثاني اكثر .. ماتردد بلحظه .. بعد ماطلعت منه ريم .. رفع سماعه التلفون الثابت اللي كان موجود على المكتب .. واتصل بغرفه اخوه .. عشان يقول له عن قرار ريم .. ابو فيصل لما عرف كان نفس تفكير اخوووه .. قاله انه هو اللي بيتصل براشد وبيقوله الخبر .. عشان يرجع البيت .. ويبطل حركات مراهقين ..

وطبعا ابو فيصل .. نفس ماوعد ابو راشد اتصل على راشد .. وقاله انا ريم وافقت .. خلاص لاتتعب ابوك اكثر من كذا .. كافي انه مرض عليهم .. وانت رجال مفروض تكون سند لابوك مو انت اللي تكون سبب تعبه .. راشد حس بهالحركه كسر راس ريم .. وانبسط لما عرف بخبر موافقتها .. اصلا هو كان متحسف وندمان لانه رفع صوته على ابوه .. وهو عمره ماسواها .. بس رفض ريم كان السبب .. قال لعمه انه بيرجع .. وبيعتذر لابوه .. وفعلا راشد رجع البيت واعتذر من ابوه .. وبعدها طلع فوق لما شاف انا البيت هادي .. شكل الكل بغرفهم ..

************************************************** *

عند فيصل بعد مارجع من الحمام ( اعزكم الله ) .. دخل للغرفه .. كان متوقع انه بيحصل دلال طالعه من الحمام .. لاكنه ماحصلها .. قرب من جهه الحمام .. سمع صوت الماي يشتغل .. عرف انها تتروش لحد الحين .. راح لدولاب وطلع له ثوب نوم .. بدل ملابسه لانه كان نايم ببدلته .. لبس البيجاما وطلع للصاله يتفرج على التلفزيون .. وهو يحس بالم براسه ( صداع ) من كثر النوم اللي نامه ..

********************************************

فرح .. جالسه بغرفتها تصيح بقهر .. بعد ماقال لها ابوها انا عمتها ماترد .. حست انها خلاص انتهت .. كل شيء انتهى بالنسبه لها .. وصارت ضايعه .. طلال بعد ماشاف حالتها وعدها انه يروح بكره ويشوف الموضوع .. لاكن هي مافرق معاها موضوع خطبه راشد لريم وانه تركها .. كان في موضوع اكبر شاغل تفكيرها .. شرفها اللي ضاع .. شلون لو عرفو اهلها .. شنو راح يسون لها .. هالموضوع مايترقع ابد .. كانت حزينه على خططها اللي انهدمت من زواجها من راشد .. لاكنها حمدت ربها انها جات منه .. بعد اللي صار ماتقدر تتزوج وتنفضح .. حقدت على دلال اللي تزوجت وتركتها .. كانت معاها في كل سواياهم .. بس بالاخير تزوجت وهي ضاع كل شيء منها ..

ولعت انوار الجوال اللي كانت حاطته على الصامت .. ينبها بانه وصلتها رساله .. قرت المكتوب .. واحد رساله من ماجد ..

بسرعه فتحتها .. يمكن يقول لها شيء يطمنها .. او ندمان ويصلح غلطته .. لاكنها قرت شيء فجعها ..

كان هذا محتوى الرساله ..
( اهلا ياحلوه .. انا ماجد اذا ذاكرتني .. بس انا متاكد انك ماراح تنسيني .. على العموم بكره عندي سهره وابيك تجين ننبسط مع بعض .. بنفس المكان اللي قبل .. بس لو ماجيتي .. شريط الفيديو بيتوزع .. وبقول لابو راشد عن موضوع جود .. سلام ياحلوه )

نزلت دمووع قهر على خدها .. هالحيوان بعد اللي سواه يهددها .. لا ومصورها فيديو .. خلاص حست بنهايتها .. ندمت قد شعر راسها انها تعرفت عليه في يوم من الايام .. رمت الجوال على السرير بقووه .. وهي تقول : حقيييييييييير ..

*******************************************

عند خالد اللي كان جالس مع راكان بغرفته ..
خالد : لا ياراكان لاتقول هالكلام ..
راكان بحزن على حالته : هذا اللي احسه ياخالد .. بدال ماكون عون .. صرت ثقيل اخركم عن مشاغلكم وحياتكم كل هذا بسبب ( طالع رجوله ) ..
خالد : صدقني بزعل منك لو عدت هالكلام .. احنا هلك .. وانا ولد عمك يعني سند لك بالدنيا .. لو ماساعدتك الحين متى اساعدك اجل ..
راكان : تسلم ياولد عمي .. نفسي ارجع امشي مثل اول ..
خالد : انشاءالله انت خل املك بالله كبير ..
راكان : ونعم بالله ..
خالد : وخلك ماشي على نفس التدريبات والعلاج اللي قالك عليه الدكتور وبعدها انشاءالله تسافر وتسوي العمليه ..
راكان .. كلام خالد جدد له الامل : انشاءالله ..

************************************************** *

فيصل طالع بساعه اللي معلقه بنص الصاله .. نص ساعه ودلال بالحمام .. غريبه .. كل هذا تتروش .. قام من مكانه عشان يتاكد منها .. دخل للغرفه .. راح لجهت الحمام ..

دق الباب : دلال فيك شيء ..
ماجاه رد منها ..
دقه مره ثانيه لاكن اقوى شوي : دلال ردي طمنيني عليك ..
لارد ..
فيصل هنا حس بقلق ودقات قلبه زادت .. مغصه بطنه برعب عليها ..
حط اذنه على باب الحمام .. سمع صوت المويه بس ..
رفع كفوف يده الثنتين .. وطق الباب فيهم باقوى ماعنده .. وهو يقول : دلال .. دلال ردي .. دلال فيك شيء .. لاتسفهيني ..
من غير تفكير راح للمطبخ .. وهو يركض .. طلع علبت مفاتيح النسخ الاحتياطيه .. كبها على الطاوله وهو بنبش من بينهم عن هدفه .. واخيراا لقاه .. اخذ مفتاح مكتوب عليه ( مفتاح الحمام للغرفه الرئسيه ) .. رجع للغرفه وهو يركض دخل المفتاح وايدينه ترجف خاف تكون دلال غرقانه بالمويه وماتت .. حاول يدخل المفتاح لاكن المفتاح مايدخل .. لان دلال حاطه المفتاح من داخل .. رمااه بعصبيه على الارض ..

رجع يدق باقوى ماعنده : دلال ... دلاااااااال .. دلااااال ..
رجع على وراء وحاول يكسر الباب .. كان يدف نفسه بكل قوته على الباب عل وعسى ينفتح ..

لاكن خاب ظنه لان الباب ماصار له شيء ..

ضرب الباب برجله بقهر : دلااااااااال ..

شاف الباب ينفتح بشويش .. طلعت وهي لافه روب الحمام على جسمها .. وجها شاحب .. وتتخبط بمشيتها كانها دايخه ..
قالها بخوف : دلال في..
ماكمل كلامه لانها طاحت بين يدينه .. فيصل شالها بسرعه كانت مثل الريشه بين يده .. خفيفه وصغيره .. بطحها على السرير .. راح للتسريحه اخذ علبه العطر .. رش بيده من العطر ..قرب منها ومرر يده على انفها ... وهو يحرك خدها بخفيف : دلال اصحي ..
دلال اللي بدت تفيق فتحت شوي من عينها : امم .. فيص.. ( وغمضت عيونها ) ..
فيصل غرق ايده بالعطر اكثر .. وحطها على فمها وانفها ..
دلال فتحت عينها .. ببطىء .. باستوعاب للي حولها : فيصل ..
فيصل يناظرها بقلق : ايه ..
دلال عدلت جلستها .. ومسكت راسها بالم : ياربي انا شصار لي ..
فيصل : اغمى عليك بالحمام ..
دلال .. تتذكر : ايه الحمام .. انا كنت بطلع بس بعدها ماحسيت الا بصوتك وانت تناديني ..
فيصل يطالعها بنص عين : انتي كلتي شيء اليوم ؟..
دلال : مدري .. اممم ( بتفكير ) الا صح اكلت الصباح خفايف ..
فيصل : الصباح !! .. هذا لانك ماكلتي شيء .. انا بروح اسوي لك شيء تاكلينه ..
دلال : لا مابي ..
فيصل قال بامر : مو على كيفك .. انتي ارتاحي دقائق وراجع لك ..

طلع فيصل من الغرفه وراح للمطبخ .. فتح الثلاجه ولقى خفايف نفس الشيء .. طلع البريد والجبن .. وكم حبه بيض قلاهم عالسريع وحطهم بالبريد مع جبن صب كاس عصير.. بعد ربع ساعه .. رجع للغرفه وبيده صينيه الاكل ..

دلال طالعت فيه وهو داخل الغرفه بابتسامه : مالقيت الا خفائف ..
دلال : قلت لك مو لازم ..
فيصل : لا لازم .. ( حط الصينيه على الطاوله .. وجلس على طرف السرير .. ياكل دلال اللي كانت مو مرتاحه من قربه واهتمامه )

بعد ماتطمن عليها .. وقالها تبدل ملابسها وتنام .. عشان ترتاح .. اخذ له بطانيه ومخده .. وطلع برا ينام على الكنب اللي في الصاله .. عشان يخليها على راحتها ..

********************************************

زي مايقولون كلن بهمه سراا .. بهالوقت ابطال روايتنا كانو نائمين .. بس قبل لاينامون .. كان كل واحد فيهم عنده حلم صغير تمنى لو انه يصحى ويلقاه تحقق ..

خلونا نشوف حلم كل شخص فيهم ..

ابو راشد كان يتمنى انه يطمن على عياله وعيال اخوه ويصير كل اللي باله وبعدها يسافر يسوي العمليه بره ..
ام راشد كانت تتمنى خطوبه راشد وريم تنلقي وراشد يرجع لفرح ..
ابو فيصل كان يتمنى انا مرض اخوه يكون مجرد غلطه ماعرفو يشخصونها الاطباء ..
ام فيصل كانت تتمنى انا جود تكون بريئه وترتاح من الشيء اللي شايلته بقلبها ..
راشد كان يتمنى انه يرجع مثل اول .. لانه كان حاس انه صار انسان عصبي ومغرور كاره للحياه وكل اللي حوله بدو يكرهونه ..
راكان كان عنده حلم .. انه يصحى من النوم ويلقى نفسه يمشي ..
فيصل تمنى لو يقدر يخلي دلال تغير رايها فيه وترتاح له ..
دلال كانت تتمنى لوانها ماعرفت فيصل ابد ..
ساره كانت تتمنى انها تكون عروس وتتزوج واحد كل البنات يتمنونه ويكون يخقق على قولتها .. << بنات اخر زمن -_-" ..
ريم تتمنى انو راشد يحس فيها .. ومايقسسى عليها اكثر ..
مشاعل تتمنى ترجع لحياتها اللي قبل بين خواتها وبس ماتبي اهل ولا شيء ..
نوره كانت تتمنى ربي يطول بعمر ابوها وعمرها ويعيشون بهالدنيا بسلااام ..
العنود كانت تتمنى ترجع تشوف واول شخص تشوفه طلال .. وتحقق حلمها انها تكون دكتوره ..

هذي كانت امنياتهم .. امنيات بسيطه .. ماكانو يتمنون فلوس ولا قصور ولاذهب والماس .. لا كانو يتمنون الحب والصحه وطولت العمر ..

****************************************

يوم جديد يطل على ابطال روايتي ..

على طاوله الطعام .. وبالتحديد على وجبه الفطور ..
ابو راشد : انا ودي تعجل بموضوع الزواج ياراشد ..
راشد كان وده يقول هالكلام بس تردد .. بس ابوه سهل عليه الكلام .. طالع بريم : انشاءالله ..
ريم لفت عينها عنه .. وكانها ماتشوفها ..
ساره تراقب الحدث بصمت .. رغم انها مبسوطه انا ريم وافقت بالنسبه لها ريم تاخذ راشد حتى لو مايحبها .. ولا فرح تاخذه .. الا انها كانت حاسه انا راشد راح يذل ريم ..
ابو فيصل : الا ياخالد وراكان ماودكم تتزوجون ..
راكان : بدري على ذا الكلام .. خل نلقى بنت الحلال اول ..
خالد : اتكلم عن نفسك .. انا جاهز للزواج اخطبولي بس ..
ابو راشد : ههههههه اجل خلاص زوجتك عندي ..
ساره رفعت عينها بخوف .. لايكون ابوها يسوي لها نفس ماسوى بدلال ..
خالد بفضول : منهي ؟؟..
ابو راشد .. وباله شيء : بعدين اقولك .. انت افطر الحين ..
جود تراقب امها اللي كانت ساكته وحتى ماتاكل ..
ابو فيصل يكلم زوجته : شفيك ياحصه وراء ماتفطرين ..
ام فيصل : ها ؟.. لاقاعده اكل ..
جود حست انا امها شاغل تفكيرها شيء ..

خالد وهويوقف : ها راكان مشينا ؟؟..
ابوفيصل : وين ؟؟..
خالد : بنروح للبحر انا وراكان ..
ابو فيصل : بحر على ذا الجو ..
راكان : بالعكس ياعم جو البحر بالصباح حلو ..
ابو فيصل : براحتكم .. بس انتبهو للطريق ..
خالد وهو يدف راكان للباب : انشاءالله .. يلا سلام ..

طلعو من البيت وبعدها طلعو الشيبان وراشد معهم .. والبنات طلعو فوق بغرفه ريم ..

*******************************************

دلال بعد ماصحت من النوم حصلت فيصل صاحي وجالس بالصاله .. طلبت منه يوديها لاهلها .. فيصل مامانع على رغم من انهم توهم ماصار لهم يومين جايين من عند اهلها ..بس حب انها تنبسط لما تشوفهم يمكن تحس بالراحه اكثر ..

دلال .. دخلت بسرعه تبدل ملابسها وكلها شوق تشوف اهلها ...

**************************************************

نوره بعد ماصحت من النوم فطرت مع ابوها .. وجلست معاه بس لما قال لها انه بيطلع مع العم سعود وراشد .. استاذنت منه تروح للبنات داخل القصر وهو سمح لها ..

************************************************** ****

مشاعل جالسه بالصاله وعيونها على غرفه منيره .. كانت تبي تحصل فرصه علشان تكلم منيره .. زي ماوعدتها .. لاكن وليد ومها كانو ناشبين لها وجالسين بالصاله معاها ..

مها بدلع تاخذ حبه عنب من طبق الفواكه وتحطها بفم وليد : كل حبيبي مايهمني الا صحتك ..
وليد : تسلمين ياقلبي ..
مشاعل تطالع فيهم بلوعه كبد ..
مها تبي تغيضها ماتدري انها ماحركت شعره من مشاعل .. اللي بالها بشيء ثاني ..
مها : حبيبي لودي ابي اروح السوق ..
وليد : افا عليك روحي ولايهمك شيء .. البطاقه عندك واصرفي براحتك ..
مها : شكرا ياروحي ..
مشاعل تقلدها تتمسخر عليها : لودي حبيبي ممكن اروح لامي ..
بس حطمها وليد لما قال لها : لا ..
مشاعل : ليه ؟؟..
وليد : اذا تبي تجي هي اوكي .. لاكن انتي تروحين لها لا .. مافي طلعه من البيت ..
مشاعل بقهر : لا والله ذي تهيت وانا لا ..
وليد : انا حر ..
مشاعل وقفت بقهر .. وكشت عليه : مالت عليك ..

وراحت لغرفتها .. وهي مقهوره من التفرقه والظلم ..

***********************************************

دلال واقفه قدام باب بيتهم .. كلها يومين وحست بشوق ولهفه لهالبيت .. اللي حضنها سنين .. كل ذكرياتها الحلوه والمره فيه..
لفت على فيصل وهي تقول له : دق الجرس ماطوله ..
فيصل اللي كان طويل بالنسبه لطول دلال المتواضع .. رفع يده وضغط على زر الجرس .. مره .. مرتين .. ثلاث ..
فتحت لهم الخدامه الباب .. واول ماشافت دلال قالت : Welcome Madam ( اهلا سيدتي ) ..
دلال : ماما هنا ..
الخدامه : YES ( يس ) ..
دخلت البيت ودخل وراها فيصل .. سكرت الخدامه الباب وراحت تنادي ام راشد .. رفعت عينها على المكان .. تتامل كل شيء حولها .. الثرياات اللي معلقه بسقف القصر .. الكنبات والارايك .. الطاولات التحف .. الدرج الاصنصير .. حتى السيراميك .. كانت تقول بداخلها ( ليتني ماعرفتك يافيصل ولابعدت عن هلي ) ..
قطع تاملها .. فيصل وهو يهز كتفها : دلال شفيك .. امك تكلمك .
دلال طالعت بامها اللي واقفه قدامها .. قالت بسرعه وهي تحب راسها : اخبارك ماما .. سوري مانتبهت ..
ام راشد طالعت فيها بشك .. عقدت حواجبها : شفيك يماا ..
دلال بابتسامه مصطنعه : مافيني شيء .. بس سرحت شوي بالتحفه اللي هناك ( اشرت على تحفه لاول مره تشوفها ..كانت محطوطه باحد زوايا القصر على طاوله فخمه ) ..
ام راشد .. تطالع نفس التحفه : ايه هذي هديه من سلوى صاحبتي .. ( وبعدها قالت ) تفضلو حياكم ..

بعد ماجلسو ..
دلال تدور بعيونها : وين ابوي .. شكل البيت فاضي محد موجود ..
ام راشد : ابوك تعب علينا امس ..
فيصل بخوف : افا وش صار ؟؟..
ام راشد تكمل : لا الحين بخير .. امس راشد قرر يخطب اللي ماتتسمى ( تقصد ريم .. وقالت لهم كل السالفه ) ..
فيصل وقف : هو موجود بروح اطمن عليه ..
ام راشد : لاتتعب عمرك محد بالبيت .. ابوك وعمك وراشد طلعو للمخازن يقولون في بضائع توها واصله .. وخالد طلع مع راكان يمشيه على البحر ..
دلال بارتياح : الحمدلله .. ( وقالت بقهر ) وراشد توه استوعب انه مايبي يظلم فرح معاه .. عيب اللي يسويه ولدك ماما ..
ام راشد .. لوت بوزها .. وقالت بحقد على ريم : اخوك راشد طول عمره عاقل بس شكلها هي اللي لفت عقله ..
دلال ( الحين فهمت ليه فرح كانت تصيح ذاك اليوم .. شكلها عشان سالفه راشد .. حسبي الله عليك ياريم ) ..
فيصل وقف وهو يقول لدلال : دام مافي احد .. انا بروح والمغرب بمرك ..
دلال بمجامله قدام امها : طيب اتصل قبل ..
فيصل : اوكي .. ( وطلع ) ..

ام راشد .. اول ماشافت فيصل طلع .. قامت من مكانهم وجلست بمكان فيصل جنب دلال .. مسكت يد بنتها : ها يمه وش صار ؟؟ ..
دلال طالعت امها باستغراب : في شنو ؟؟..
ام راشد : يعني في شنو .. مالمسك ؟..
دلال طالعت امها بارتباك .. سؤال امها احرجها .. اكتفت بهز راسها .. يعني لا ..
ام راشد .. اشرت بيدها : يكون احسن .. والله انتي الف من يتمناك بس نصيبك قطك على ولد حصووه ..
دلال تغير الموضوع : الا البناات وين ؟..
ام راشد من غير نفس : فوق متجمعات بغرفه ريمووه .. بس هالمره منضمه وحده للشله ( تقصد نوره ) ..
دلال .. قالت تبي تتهرب من اسالت امها : انا بطلع لهم فوق اسلم عليهم ..
ام راشد : طيب .. انا بطلع ام بندر عازمتنا على الغداء ...
دلال طالعتها باستغراب : ماما بتطلعين وانا جايه لك ..
ام راشد بلا مباله وهي تنادي الخدامه : ميري .. ميري جيبي عبايتي .. ( لفت عليها ) يعني اول مره اشوفك .. انشاءالله اجلس معك مره ثانيه ..
دلال : طيب اجليها هالمره عشاني .. بروح اسلم على البنات واجي اجلس معك ..
ام راشد : يووه دلول لاتطفشيني .. انا وعدت ام بندر واليوم الغداء راح يتجمعون فيه كثار من حريم الوزراء ..
دلال بداخلها ( هذا اللي يهمك ) قالت بحزن : طيب براحتك ..

جاتها الخدامه .. عطتها العبايه ..
ام راشد بعد مالبست العبايه .. حبتها بسرعه .. ومشت وهي تقول : يلا يمه اشوفك بعدين ..
دلال وخاطرها مكسور : مع السلامه ..

وقفت وهي تطالع امها تطلع من الباب .. كان ودها تجلس معاها لو ساعه .. تفضفض لها عن اللي داخلها .. تحس بالوحده .. مفروض امها تكون قريبه منها .. وتعلمها كيف تكون الحياه الزوجيه .. بس امها ماكان همها غير انها تسالها سؤال واحد ( مالمسك؟؟) وبعدها بتطلع .. ونعم الام !! ..

طلعت فوق على امل انها تسلم على البنات .. وتلقى ترحيب منهم .. وتجلس معاهم شوي ..

************************************************** *************************

فيصل بالسياره .. كان حاط اغنيه .. راشد الماجد .. وجالس يسمعهاا بتمعن ..

الله عليك الله عليك مجنون انا والله فيك
كلي لعينك يا الغلا تامر حبيبي وشعليك

دامك ملكت العقل كله
قلبي معاك هذا محله
لك قدر ما حد وصله
مفنود وانا اموت فيك

كان يسمع كلمات الاغنيه وبداخله يقول .. ( اخ منك يادلال .. واخ من غرورك .. لو مو بنت عمي كان ماخذيتك )

..

الله عليك الله عليك مجنون انا والله فيك
كلي لعينك يا الغلا تامر حبيبي وشعليك

يا نجم ومنور سماي
يا امسي الحاضر وجاي
يا نبضي وصافي هواي
ابيك انا كلي ابيك
ابيك حبي و الغرام
و اهيم بك حد الهيام
اهواك مافيها كلام
و ارخص لك الدنيا و اجيك

فيصل .. تنهد من قلب .. وبداخله كلام ماتوقع يقدر يقوله ( ايه والله اعترف اني احبك .. لاكن انتي ماتعطيني فرصه اتكلم معاك .. او حتى اتقرب منك .. انا ناوي افتح صفحه جديده ونعيش مع بعض .. لاكن راسك اليابس هو اللي يجيب المشاكل ) ..

دامك ملكت العقل كله
قلبي معاك هذا محله
لك قدر ما حد وصله
مفنود وانا اموت فيك

الله عليك الله عليك مجنون انا والله فيك
كلي لعينك يا الغلا تامر حبيبي وشعليك

خذها على قلبي وعد
اني احبك للابد
ما صار قبلك او بعد
دايم عيوني تحتريك
تامر على روحي امر
فدوى عيوني والعمر
يا شمس يومي والقمر
دامك حبيبي وشعليك

دامك ملكت العقل كله
قلبي معاك هذا محله
لك قدر ما حد وصله
مفنود وانا اموت فيك

الله عليك الله عليك مجنون انا والله فيك
كلي لعينك يا الغلا تامر حبيبي وشعليك

هذا كان كل اللي يشغل بال فيصل .. من كثر ماكان سرحان بعقله مع دلال .. مانتبه للاشاره اللي ولعت خضراء .. تعلن موعد انطلاق السيارات .. كل مايشرد بفكره فيها .. يقطع عليه عالم افكاره صوت بواري السيارات .. وغير السب والشتم اللي يحصله لانه اخر السير عليهم .. كل تفكيره كيف يقدر يخلي دلال تقتنع فيه كزوج لها وتنسى الماضي عشان يبتدون صفحه جديده مع بعض .. هو كان ناوي بهالشيء من قبل ماينتقلون لشقتهم .. لاكنه كل ماحاول يصلح موقفه معاها .. تستفزه بكلامها وتخليه يسوي شيء .. يخرب كل خططه .. بطبعه انسان عصبي ويتنرفز بسرعه .. وشكل دلال حست بهالشيء علشان كذا تستغل هالشيء لصالحها وتبعده عنها ..

************************************************** ****************************

عند البنات .. كانو مندمجين بالسوالف .. قعدتهم ماتخلى من الاكل والحش .. وصوت ضحكهم مالي المكان .. لحد ماندق الباب ..

ساره وقفت قبل ريم : انا بفتح .. شكلها الشغاله لاني وصيتها على ثلج للبيبسي ..
ريم : اوكي ..

ساره تركت البنات .. اللي رجعو لسوالفهم .. فتحت الباب وابتسامتها مرسومه على وجها من سوالف البناات .. لاكن مسرع ماختفت ابتسامتها ..

دلال طالعت بساره اللي باين عليها الاستغراب : هاي .. شفيك ؟.. ماتبين تسلمين علي ؟..
ساره بعفويه .. قالت اول كلمه طرت على بالها : تطلقتي !! ..
دلال : ساره شفيك .. ماصارلي يومين متزوجه تبيني اتطلق ..
ساره انحرجت من كلمتها .. بس ماتدري ليه كانت متوقعه ذا الشيء اول ماشافت دلال عندهم .. سلمت عليها : اخبارك ..
دلال : الحمدلله .. ( وطالعت من طرف الباب المفتوح ) .. ليكون خربت عليكم جلستكم ..
ساره : لا والله ( وفتحت الباب اكثر ) .. تفضلي البنات .. بينبسطون اذا شافووك ..

دلال دخلت .. البنات كانو متحمسين بسوالف .. بس لما شافو دلال داخله عليهم .. طالعوها بصدمه .. توها متزوجه وجايه عندهم .. اكيد متخانقه مع فيصل .. والا شلون جايه وهي مفروض تكون بشهر العسل .. استغربو من جيتها لغرفه ريم .. ريم هنا حست بمغص بطنها .. جيتها ماراح تعدي على خير .. قربت منهم دلال وساره تمشي وراها بعد ماسكرت الباب ..

دلال مدت يدها لجود : هلا ببنت العم ..
جود ردت لها السلام ومدت يدها بمصافحه : هلا فيك ..
دلال نفس الحركه بمصافحه سريعه مدت يدها لنوره وهي تقول : اووه .. ماتوقعتك هنا .. بس شكلك خذتي على البيت بسرعه .. ( قالتها بنغزه ) ..
نوره توها بترد .. بس سكتت لما شافت ريم غمضت لها عينها يعني عديها على شاني .. قالت بدون نفس : ايه هنا ..
دلال حطت يدها على فمها تضحك بسخريه : يحليلك .. ( بعدها طالعت ريم ) .. انتي عاد لازم احضنك .. بتصيرين مرت اخوي عن قريب .. ( وقربت منها اكثر ولمتها بقوه .. ريم حست من قوه اللمه كان ضلوعها بتتكسر .. ابعدت عنها وطالعت بالاكل اللي محطوط على الارض شبسات ومكسرات وكاكوات وعصيرات وانواع البيبسي ) .. انا بجلس هنا ( تاشر على السرير ) .. لاني بصراحه ماحب اجلس على الارض ..
ريم بمجامله : خذي راحتك .. اعتبري الغرفه غرفتك ..
دلال .. قالت وقصدها تذلها : اكيد ياقلبي .. بيت ابوي اجلس بالمكان اللي يعجبني ..
ريم فهمت عليها انها هي مجرد ضيفه في البيت اما دلال هذا بيتهم .. سكتت عنها .. والبنات رجعو جلسو بنفس اماكنهم .. لاكن هالمره بطريقه غير .. بحذر اكثر .. وعدم ارتياح ودلال معاهم ..
دلال جلست على السرير .. حطت رجل على رجل .. وقالت بصوت عالي عشان الكل يسمعه لانه هم جالسين قدام السرير على الارض : الصراحه اهنيك ياريم .. عرفتي تختاري هالمره ضبطتيها صح ..
ريم مافهمت عليها : بمين بالضبط ؟؟..
دلال طالعت فيها وعينها بعين ريم : اخوي راشد ..
ريم والحين فهمت عليها : اهاا .. هو اللي خطبني انا مالي علاقه ..
ساره انقهرت من اختها .. هي عارفه اختها وش تقصد .. وجيتها هنا كله عشان تستفز ريم .. لانه بتاخذ راشد .. وبيترك فرح صديقت عمرها ..
دلال : اممممم صح .. نسيت .. الرجال هو اللي يخطب .. بس اكيد الرجال مايخطب وحده الا اذا كانت عاجبته ...
نوره قررت انها ترد على دلال : اكيد ريم مو ناقصها شيء .. كل رجال يتمناها وتعجبه .. ادب واخلاق وجمال ..
دلال : صح كلامك .. وخصوصا انها ذكيه .. عرفت كيف تخلي راشد يحط فكرت الزواج براسه بعد ماكان رافضها ..
ساره تبي تسكت اختها عن ذا الموضوع : كل شيء نصيب يادلال ..
دلال : يب يب ..

بعدها فتحت درج الكومدينه اللي جنب السرير كانت تبي تقهر ريم باي طريقه .. شافت صندووق خشبي صغير بحجم اليد وعليه قفل ذهبي دخلت يدها وطلعته .. كلها قدام عيون البنات .. ريم بدون شعور وقفت بسرعه وجت لعندها .. اخذت الصندوق : لو سمحتي ماحب احد يفتش باغراضي الخاصه ..
ساره : عيب دلال اغراض البنت ..
دلال ماعجبها الوضع : طيب كلتوني .. انا بس كنت بشوفه من برا .. ( وطالعت بريم بشك ) .. بس ليه خايفه على هالصندوق لهالدرجه ..
ريم بارتباك من نظرات البنات .. اللي بدو يطالعونها بفضول يبون يعرفون ردت فعلها : ولاشيء .. يعني مجرد استكرات قديمه احب احتفظ فيها ..
دلال : اها .. ( وبداخلها تقول ) .. ( هالصندوق اكيد فيه شيء مهم .. ماكون دلال الا لما اشوف اللي داخله ) .. ( قامت من مكانها ) .. يلا انا بنزل تحت وبخليكم تاخذون راحتكم ..

البنات بقلبهم ( يكون احسن ) .. طلعت من الغرفه بعد ماعجبها الوضع كانت تبي تسمع ريم كلمتين تقهرها فيهم وبس ..

البنات بعد ماطلعت ..
نوره تكش على الباب مكان ماطلعت دلال : فكه منها ..
ريم دقت نوره بيدها .. نوره فهمت عليها انا ساره اختها .. قالت بفشله : اسفه سارونه .. بس الصراحه اختك فرق عنك .. بالمختصر تجيب الهم ..
ساره : لا عادي .. اصلا انا ماتعجبني طباعها .. مع انها اختي وغصب عني لازم احبها ..
جود : انا مستغربه كيف جات وتوهم قبل امس طالعين من هنا ..
ساره : علمي علمك .. شكل دلال تبي تفركش كل شيء ..
ريم : كيف يعني ..
ساره : انتو تعرفون هي ماتبي فيصل .. واختي واعرفها مايمشي معاها شيء بالغصب .. لازم تخرب كل شيء ..
جود : لا لاتقولينه .. والله بعدين عمي يزعل ويصير له شيء ..
ريم : لا انشاءالله .. ماتدرون يمكن فيصل يكون اعقل منها .. وتتعود عليه وتتقبل الموضوع ..
ساره بتفكير : يمكن .. بس هالشيء مايمشي مع دلال ..
نوره : ماعلينا من اختك المنفسه .. كم الساعه .. لان العنود قالت بتجي المغرب بس شكلها طولت ..
ريم طالعت ساعتها اللي بيدها : لا تو الناس الساعه ثلاث ونص .. نص ساعه اذا ماجات بنتصل فيها ..
نوره : طيب ..

************************************************** ************************

في السياره .. بالتحديد في تاكسي حمده كانت مع العنود .. جاين لقصر ابو راشد .. بعد ماخذت حمده اذن من صاحب الدار لانها ماتقدر تطلعهم الا باذنه .. جات معها عشان توصلها وتطمن عليها ..
وصلو للقصر .. دخل التاكسي من البوابه .. لما وصل عند باب القصر الكبير .. نزلت حمده ومعاها العنود اللي كانت ماسكه يدها .. دقت الجرس .. افتحت لها الخدامه .. وراحت تنادي البنات .. دخلتها وجلستها بصاله .. بعدين قالت لها بتروح لدار وبترجع لها بعد صلاه العشاء .. طلعت حمده من القصر وهي طالعه كانت في سياره داخله بنفس الوقت ..

عند العنود كانت جالسه بملل .. محد جاها .. شكل الخدامه ماقالت لهم .. وملت من الجلسه .. كانت متشوقه تجلس مع البنات .. قررت انها تروح لهم بنفسها ..

وقفت من مكانها ومشت بشويش .. بخطوات بطيئه وهي تتحسس اللي حولها .. مشت ومشت لما حست انها بعدت عن المكان اللي كانت جالسه فيه .. اسمعت صوت الباب ينفتح كان احد دخل عليها ..

قالت بشووق : رييييييوم ..
بس محد رد عليها ..
مشت اكثر وهي ماده يدها قدامها عشان ماتصدم بشيء .. توها بتتقدم خطوه وتصقع بالجدار .. بس في يد مسكتها ..

العنود : نوره والا ريم..
ماكان في رد ..
العنود : اكيد ساره .. يلا عاد بلا مزح لاتخوفيني ..
لما ماسمعت رد .. تحسست اليد اللي ماسكتها .. كانت يد خشنه وكانها يد رجال مو بنت .. حست بتوتر .. رفعت يدها على جسم الشخص اللي ماسكها .. تحسسته لما وصلت لوجهه لمست ضقنه .. كان مليان بالشعر ..

ابعدت على وراء بخوف : مين انت ؟؟..

الى هنا انتهى البارت .. القاكم بالبارت القادم .. توقعاتكم ؟؟..

مين اللي مسك العنود ؟؟..
ريم وقصه الصندوق ؟؟..
فرح راح تخضع لتهديد ماجد وتروح له ؟؟

..

البارت الثلاثون ..
الجزء الاول..

لمست ضقنه .. كان مليان بالشعر ..

ابعدت على وراء بخوف : مين انت ؟؟..

كان الهدؤ .. هو الرد الوحيد اللي سمعته ..
كررت كلامها مره ثانيه : مين انت ؟؟ .. ( كملت بعصبيه ) .. لايكون تحسب اني ماشوف يعني بتستفرد فيني .. لو قربت مني ماتلوم الا نفسك ..

مسكت يدها وهي تقول : عنود شفيك واقفه ؟..
العنود تلف وجها بشتات لصوت اللي تسمعه : ريم ..
ريم .. ضمتها بفرحه : وحشتيني يالدوبه ..
العنود ارتاحت لما حست ريم جنبها .. بس السؤال اللي كان يدور بالها مين اللي كان ماسكها من شوي ..
ريم تمسك يد العنود : تعالي نطلع فوق البنات ينتظرونك ..
العنود .. تمشي معاها : طيب ..

************************************************** ********************

راشد وقف السياره قدام السوبر ماركت .. نفس الشارع اللي ساكنه فيه سرح بتفكيره .. لذيك الايام اللي كانت تجمعهم مع بعض .. بس هالمكان وبهالشارع .. وبالتحديد اكثر بالعماره اللي قدامهم .. جمعتها مع شخص غيره .. هالشخص اللي خذا منه انسانه كانت حبه الوحيد .. الانسانه الوحيده اللي قلبه نبض لها .. واللي تمنى انها تكون له .. لاكن هو خذاها منه .. تمنى لو انه ذبحه قبل ماياخذها ..

قطع تفكيره ابوه: راشد .. راشد ..
لف على ابوه بارتباك : نعم ..
ابو راشد : وش فيك .. تراك اخرتنا .. يلا انزل جيب لنا شيء نشربه ريقي نشف ..
راشد : وهو يفتح الباب : انشاءالله ..

نزل من السياره .. ودخل السوبر ماركت .. بخطوات سريعه مر بين الاسياب .. يدور قسم المشروبات ..
ايواا هذا هو لقااه .. وقف قدام ثلاجه العصايير .. مرر عينه على الانواع اللي قدامه .. ايش ياخذ لهم ..

مد يده واخذ ست علب بانواع مختلفه .. شالهم بين يدينه الثنتين ... رفع عينه ولف على الرف الثاني اللي وراه ..

نفس الصوت ايواا هذي هي .. واقفه قدامه تلعب ولدها ..
..... ماسكه بيدها نوعين من العصير.. وتكلمه كانه شخص كبير ويفهم عليها : ماما رشودي .. تبقى هذا والا هذا ..
ولدها بالعربانه يضحك ومش فاهم كلامها كان ياشر بيده على الاثنين ...
حطت الاثنين بسله ..
قرر انه يمشي بسرعه من غير لاتحس فيه .. هذي هي حتى لو كانت لابسه عبايه ومتغطيه .. لو كانت بين مليون يقدر يميزها من بينهم .. يكفي قلبه يدق لاشافها ..
ماشي باسرع ماعنده .. عشان ماتنتبه له ..
وقفه صوتها : راشد ..
راشد تغيرت ملامح وجهه .. مايبقى يقابلها .. مايبقى يشوفها خلاص هو ماصدق انه ينساها .. لا مايبي يشوفها ويرجع له الم الماضي من جديد ..
كمل طريقه من دون لايوقف لها .. خلاص لازم يمحيها من حياته للابد .. حط العصيرات عند المحاسب .. وحاسب بسرعه وطلع ..
ركب السياره .. عطى ابوه وعمه العصير وحرك .. وهو في حاله صمت وتفكير ..

جواهر .. حز بخاطرها انه ماعبرها .. صح انه كانت بينهم علاقه حب صادقه .. لاكنها كانت حابه تفرحه .. لانه اكثر شخص راح يفرح لها .. هي وسلطان قررو يعيشون حياه جديده .. كلها احترام وفاء .. كانت تبي تقوله انها تغيرت وبدت تميل لزوجها .. كانت تبي تقوله انها حاليا ماتعتبره الا اخ عزيز وبس .. لا كنه ماعطاها فرصه .. مشى وخلاه حتى بدون لايلتفت عليها وكانها عدوه .. دفت عربانت ولدها بخيبه وكملت تسوق ..

************************************************** *******************

دلال بعد ماطلعت من البنات .. راحت لغرفتها وجلست فيها .. حست بالملل .. فكرت انها تتصل بفرح وتواسيها .. بعد ماعرفت سالفت اخوها ..

رفعت الجوال وراحت للاسماء .. وقفت عند فرووحه .. وضغطت السماعه الخضراء .. بعد عدت رنات جاها صوت فرح ..

فرح بدون نفس : هلا ..
دلال : هلا بك .. اخبارك ..
فرح بنقزه : اخباري عندك ..
دلال .. استغربت من طريقه كلامها معاها : شفيك فرح ؟..
فرح : انتي ادرى ..
دلال فهمت قصدها على موضوع راشد : فرح انا والله تو دريت .. ولاتتوقعين اني راضيه على قرار راشد .. كله منها هالزفته اكيد هي اللي لافه راسه ..
فرح : مش مهم مين اللي غير رايها .. المهم انه بياخذها ..
دلال : لا تخافين .. ماكون دلال لو ماخليته يغير رايه ..
فرح : كذا والا كذا ماعدت ابيه ..
دلال : ليه ؟؟..
فرح .. وبداخلها غصه من اللي صار : بدون سبب .. بس تاكدي اني راح اخذ بحقي من اي شخص غلط علي او تخلى عني ..
دلال .. كانت تعرف انا فرح قويه ودائما تكون قد كلامها .. بتفكيرها تقدر على الشيطان نفسه .. خافت من تهديدها : فرح وش تقصدين بكلامك ..
فرح : ماعلينا .. كيفك مع فيصل ..
دلال .. لوت بوزها بقرف : عادي ..
فرح : شلون عادي ..
دلال : يعني عادي .. مافي شيء .. عايشين بيت واحد بس كل واحد بحاله ..
فرح : كنت متوقعه ..

************************************************** ******************

بالكورنيش ..

على البحر .. الشمس بدت تغرب .. لون السماء مال للبرتقالي .. هذا الوقت بالتحديد هو اللي يفصل بين نهايه النهار وبدايه الليل ..

راكان على كرسيه المتحرك وخالد واقف جنبه .. الاثنين بصمت كانو مقابلين البحر يتاملون منظر غروب الشمس ..

خالد قطع الصمت وهو يلف على راكان : شنو يذكرك فيه هالمنظر ..
راكان ومازالت عيونه على السما .. بتفكيير : امممم .. ولاشيء .. وانت ؟؟..
خالد : بالنسبه لي يذكرني بايام المراهقه لما كنت ازعل من ابوي اروح اجلس على البحر لما يجي وقت الغروب .. وبعدها ارجع للبيت ..
راكان لف عليه بفضول : ليه انت كنت تزعل من عمي كثيير ..
خالد بابتسامه خفيفه وهو يتذكر الماضي : على طول .. مايجي يوم الا وانا زعلان منه ..
راكان باستغراب : ليه ؟.. يعني شنو السبب ؟ ..
خالد : فيصل ..
راكان .. عقد حواجبه بتعجب : فيصل !! ..
خالد : ايه .. كنت اغار منه .. ودائم احس انا ابوي يفضله علي .. لاكن تقدر تقول افكار مراهقه .. وبهالسن بالتحديد تجيك افكار غريبه وتكون حساس بزياده ..
راكان .. كان حاب يسمع اكثر .. لانها نفس مشكلته مع اخوه : طيب وبعدين ..
خالد : في يوم عصبت على ابوي .. واشتد الحديث بينا وقلت له انك تفضل فيصل علي .. في هاللحظه ابوي قام يضحك .. وجلس معاي يوم كامل وهو يقنعني ان الاب والام .. عمرهم مايحبون واحد من عيالهم على الثاني .. يمكن يكون في واحد قريب منهم لاكن المحبه نفسها للكل وبالنهايه هذول عيالهم ..
راكان : واقتنعت ؟..
خالد : ايه .. بعدها نسيت الموضوع وصرت احس العكس .. وندمت على اني في يوم من الايام بعدت عن ابوي في وقت كان مفروض اكون معاه واتعلم منه .. ( وسكت ) ..
راكان : الله يخليكم لبعض ويطول بعمره وعمرك ..
خالد : تسلم .. راكان ممكن اسالك سؤال ؟؟..
راكان : اللي هو ؟..
خالد : انت تتعاطى ؟..
راكان انصدم من سؤاله المفاجى له .. طالعه بنظرات ارتباك : شكلي يقول كذا ؟..
خالد : دائم اللي يكون بعيد عن اهله وطلعاته كثيره وسهرات وغيره .. يايكون يتعاطى او يشرب .. انت اي وحده منهم ؟..
راكان : الثانيه ..
خالد : اها .. الحمدلله ..
راكان : الحمدلله لاني اشرب ..
خالد : لا طبعا .. بس الحمدلله انك تشرب لانه يمديك تترك هالشيء بسهوله وتتخلص منه .. ولا تتعاطى مخدرات وتصير مدمن طولل العمر .. بس انت تركته من بعد الحادث ؟..
راكان .. جاء على باله مشاعل : لا كنت احاول اتركه من قبل ..
خالد : زين .. اقول ماودك نمشي ترا ظلم المكان ..
راكان : يلا سرينا ..
خالد .. يدف راكان لمكان السياره .. وهو يردد الاغنيه اللي طرت على باله من كلام راكان : سرى الليل واحنا ماسرينا .. وسرى الليل واحنا ماسرينا ..

راكان كان يبتسم على خالد .. لانه كان يغني بصوت عالي وكانه واثق من صوته انه حلو والناس جالسه تطالع فيه .. بس الحقيقه كان مشروع فنان فاشل .. صوته نشاااااااااز ..

************************************************** ***************************

عند البنات ..

العنود .. كانت مستمتعه بالجلسه معاهم على رغم انها ماتشوف تعابير وجيهم وهم يتكلمون .. الا انا صوتهم كان بالنسبه لها كافي .. صارت تميز كل شيء بالصوت .. سواء كان الشخص اللي يتكلم معاها .. فرحان والا حزين .. صادق والا كاذب .. صريح والا منافق ..

البنات كانو فاطسين على سوالف نوره الهبله ..
ريم : ههههههههههه يلعن بليسك ..
ساره : وانا معك نوييير ..
نوره .. طرطعت : نوييير بعينك ... لاتقولين لي نوير ..
ساره .. حطت يدها على خصرها وهي جالسه : ليه وش تبين اقولك .. حضرت جنابك ..
نوره برفعه خشم .. وبكل ثقه : العمه نوره ..
ساره .. خذت المخده اللي جنبها وكفخت نوره فيها : انشاءالله عمتي نوره ..
جود : خلاص سوييير اهجدي .. خلها تكمل عن معرسها اللبناني ..
نوره .. تحمست ورزت عمرها : ايه خل اكمل ..
ساره لوت بوزها : كملي يابرنسيسه ..
نوره : ايه شسمه .. ابيه يكون يعني ملامحه زي مهند .. بس شعره اسود مو اصفر .. لاني ماحب الشعر اللي كذا ..
ساره : هذا اشقر مواصفر ياحظي .. هالبنت ماعندها ثقافه ابد ..
نوره سافطتها لانها متحمسه تكمل للبنات : وجسمه يكون زي كاظم الساهر .. كذا خقه .. وشسمه ( بتفكيير ) .. ايه صح تذكرت وابي صوته زي ماجد المهندس .. ويكون رومنسي زي تامر حسني ..
ريم : حبيبتي هذا لازم تطلبينه طلبيه ..
جود : اووف شهالتعجيز .. الصراحه الرجال احلى شيء فيه شخصيته بعدها الشكل .. مو شرط يكون ملك جمال يعني مقبول ..
العنود : والله مافي احسن من السعودي ..
ريم : صح عليك .. مايملي العين غيره .. يبقى ولد البلد غير ..
ساره .. تكش عليهم : مالت عليكم .. اويلي على شباب الامارات بس .. مزاييين ..
نوره : انا اشهد انهم مطانيخ ..
ريم ملت من الموضوع : خلاص قفلو على السيره ..
هجوم من نوره : ايه انتي شعليك .. انخطبتي وخلاص .. الدور للعنس اللي مثلنا ..
العنود : ههههههههههههه ..
جود : ياربي ليش منقهره منها ..
نوره : وانتي بعد .. انا شعرفني ليه جالسين معكم انتو كبار ومخطوبات .. بعدين تخربونا ..
ريم : لا ياشيخه ..
نوره توها بترد بس دق الجوال اللي بجيبها .. طلعته من جيب الجلابيه .. طالعت في الشاشه .. ( الغالي يتصل بك ) ..
ساره : اكشخ من متى جوال وحركتات ..
نوره نفخت ريشها .. قالت بدلع تقلد البنات المايعات : باباتي جابلي اياه .. اسكتو برد على الحب ..
البنات انفجرو ضحك وهي تقول الحب على ابوها ..

نوره اشرت لهم يسكتون .. وهي تفتح السماعه ترد على ابوها : الو .. هلا يبا ..
ناصر : هلا بنتي الغاليه ..
نوره : امر يالغالي ..
البنات يطالعون فيها .. وش هالذوق اللي نزل عليها .. اللي يسمعها تتكلم من شوي بدفاشه .. مايتوقع انها تتكلم بذوق وادب ..
ناصر : شويات وبنجي البيت .. عاد قلت اتصل عليك .. عشان تجين الملحق ..
نوره : انشاءالله .. من عيوني .. الحين اروح ..
ناصر : اذا جالسه مع البنات خلاص لاتجين خليك معاهم انبسطي ..
نوره : لا لاحقه على البنات .. خلاص انت اذا جيت تلقاني هناك ..
ناصر : طيب .. انتبهي على نفسك يماا ..
نوره : لاتوصي حريصه ..
ناصر : مع السلامه ..
نوره : مع السلامه .. ( سكرت من ابوها .. لمت الجوال على صدرها ) .. الله يخليك لي ياعز الناس ..

ساره .. مبققه عيونها : هي هي انتي ..
نوره لفت عليها وهي مكشره : شتبين ؟..
ساره : مو كان اللي مكلمك ابوك .. كان حبيبك ..
نوره .. حطت يدها داخل يدها الثانيه .. ومدت لسانها : موتي حره .. حبيبي وروحي بعد ..شتبين ..
ساره لوت بوزها بقهر ..
نوره بعدها وقفت : يلا بنات انا بنزل تحت ..
العنود اللي كان كلامها قليل .. كانت تستمع لهم اكثر من ما تتكلم : وين بتروحين تو الناس ..
نوره تطالع بساعتها : الحين الساعه ثمانيه وين تو الناس .. ابوي شوي بيجي عشان كذا بروح قبل .. مايهون علي اخليه يجلس بروحه ..
ريم : روحي اهم شيء ابوك .. واذا نام مبكر تعالي عندنا ..
نوره : اوكي ..

طلعت نوره من الغرفه .. البنات مجرد خروجها من الغرفه حسو بشيء ناقص وبملل .. نوره شخصيه اجتماعيه .. وروحها مرحه .. تحبب الكل فيها .. وتدخل جو مع أي احد بسرعه ..

************************************************** *************************

خالد دخل القصر .. وهو يدف راكان بالكرسي .. دخله غرفته على طلبه .. لانه يبي يرتاح شوي على كلامه .. من الصبح وهم طالعين من البيت وهذي رجعتهم له .. طلع من غرفه راكان .. توه بيطلع فوق .. ضرب على جبهته وكانه نسى شيء : اووه نسيت اطفي السياره ..

غير اتجاها .. وطلع من باب القصر عشان يطفي السياره لانه خلاها مشغله ونزل راكان بسرعه ..

في هالوقت نوره كانت نازله من الدرج .. ومستعجله عشان توصل للملحق قبل لايجي ابوها .. مشت بخطوات سريعه وهي حاطه حجابها على وجها .. فتحت الباب القصر .. وطلعت ... اول ماشافت المكان اللي حولها خافت .. كان الهدؤ سيد المكان .. منظر الاشجار اللي موزعه في ساحه القصر .. يعني اللي يمشي بينها مايحس اذا جاله شيء فجاءه ... وكانه بغابه ..

دخلت بين مجموعه اشجار .. طريق يوديها للملحق .. كان مليان بالاشجار .. كانت ميته من الخوف .. تمشي خطوتين .. وفجاءه توقف تكشف غطاءها وتتلفت حولها ... وعلى هالحال ..

كملت طريقها وبداخلها خوف .. فجاءه حست بايد تمسك كتفها من وراء .. صرخت باعلى صوتها من دون لاتلف .. ورفعت يدها .. وهي تقول : خلاص بسلم نفسي ..
سمعت صوت ضحكه قويه : ههههههههههه ..
كانت خايفه من انها تحصل شخص غريب مخيف وراها زي اللي بافلام الرعب .. لاكن يوم سمعت ضحكته استغربت ولفت على هالشخص : هذا انت !! ..

************************************************** ****************************

مشاعل طلعت من الغرفه بعد ماحست بهدوء في البيت .. خذت لفه في البيت عشان تتاكد من الاوضاع ماحصلت احد .. شكل مها فوق ووليد طالع .. حست بالارتياح شوي .. قربت من الغرفه المحرمه .. دخلت يدها بنطلون البيجاما .. وطلعت ورقه مسفوطه بشكل مربع ومرتب .. نزلت لعند الباب تحت .. ودخلتها من فتحت الباب .. وبعدها طقت الباب ثلاث طقت .. دقائق وسمعت الباب ينطق ثلاث مرات .. قامت من مكانها وهي تتلفت .. تتاكد لو احد شافها .. بعدها رجعت بسرعه لغرفتها ..

************************************************** ***************************

عند نوره ..

..... : ايه انا ..
نوره : انت بكل مكان ناط بوجهي شتبي ..
خالد : انتي اللي شمطلعك بره .. ماتخافين احد يستغفلك ..
نوره : مو الكل يفكرون مثلك .. بعدين انا رايحه الملحق ..
خالد بنبره امر : مره ثانيه لما تطلعين .. خلي احد من الخدم يجي معك .. القصر كبير واحتمال اي احد يدخل فيه فجاءه .. والناس بالليل .. يعني توقعي كل شيء ..
نوره : و انت شدخلك فيني ها ؟؟ ..
خالد : مالي دخل .. بس اخاف عليك لانك بنت العم ناصر ..
نوره : بس كذا .. والا عشان شفت وحده حلوه وبديت تميلح ..
خالد ابتسم على جراءتها : لا مو كذا ..
نوره وبدء عرق العجيز يطلع : الا كذا .. وبعدين ليش فاتح الكشره جعل ضروسك الكسر ..
خالد : انتي ليه لسانك طويل ؟..
نوره : لساني طويل عشان ارد على اللي مثلك ..
خالد : افا .. خلاص اسف .. سوي اللي تبين ..عساك انشاءالله تنخطفين ..( ولف عنها يبي يرجع ) ..
نوره وقفته : شوف انت باين عليك رجال زي مايقولون بالمصري قدع ..
خالد لف عليها : لا ياشيخه ..
نوره : شوف انا ماحب اوقف مع رجال واعطيه وجه ومن هالكلام.. لاكن بما انك خايف علي .. ممكن توقفلي لما ادخل الملحق ..
خالد : امري لله .. مو عشانك .. بس عشان العم ناصر .. يلا انا بوقف هنا لما تدخلين .. اخلصي علي ..
نوره : شكرا لك ايها الوسيم ( قالتها بالفصحه ) ..

وبعدها مشت نوره للملحق قدام عين خالد .. اللي كان يضحك على لسانها الطويل وجراءتها .. لما وصلت للملحق اشرت له بيدها وبعدها دخلت .. خالد بعد ماتطمن عليها رجع لداخل القصر ...

************************************************** ****************************

مشاعل لثاني مره .. بعد ساعه تقريبا ... طلعت من الغرفه .. بخطوات مسروقه .. ترقبت المكان حولها .. كان الوضع هادي جداا .. وقفت قدام الغرفه و ضربت الباب .. دقائق .. وطلعت لها ورقه من تحت الباب .. خذتها بسرعه وراحت للغرفه .. بعد ماضربت الباب ثلاث طقات .. عشان تاكد انها خذت الورقه ..

************************************************** ***************************

فيصل كان بطريقه متوجه لقصر بيت عمه ابو راشد .. عشان يروح ياخذ دلال اللي اتصلت عليه من خمس دقائق استغرب من صوتها .. باين عليها انها مو مبسوطه .. من نبره صوتها .. توقع انها بتطول عند اهلها اكثر خصوصا انهم لما يروحون الشقه راح يكون كل واحد منهم بلحاله .. حس انها مارتاحت هناك او احد ضايقها بشيء ..

************************************************** ***********************

مشاعل جالسه على السرير ... فتحت الورقه بحمااس .. كانت عيونها تدور على السطور تقراء محتوى الرساله ..

وهذا كان محتوى الرساله ..

( انا ارتحت لك كثير وحاسه انك راح تطلعيني من هالسجن اللي عشت فيه لمدت سنتين .. راح اقولك قصتي ... انا كنت بنت طايشه وماهمني شيء بالحياه غير اني انبسط وبس .. ونفس الشيء اخوي وليد كان دائم يسوي كل شيء يبسطني .. وخصوصا بعد وفاه امي وابوي بحادث .. لين اليوم اذكر تفاصيل هذاك اليوم المشؤم .. وكانه احداثه تمر قدامي .. ابوي وامي قررو انهم يسافرون الرياض لجدتي لانها كانت تعبانه طبعا انا وليد قررنا نبقى هنا لان عندنا دوامات .. انطلقو للرياض بسيارتهم .. بس بعد ساعتين من طلعتهم من البيت .. جانا اتصال من الشرطه انهم سوو حادث .. ولما رحنا .. لقينا امي وابوي فارقو الحياه .. في هذيك الايام عشنا انا واخوي اسوى ايام حياتنا .. صرت من انسانه طايشه الى انسانه اطيش بمراحل كثيره.. كنت احس نفسي وحيده من دون اهل ولا مسؤليه .. كل هذا لما تعرفت على ...

مشاعل .. وقفها هالاسم ... حست برجفه بيدها كانت الورقه تهتز بين ايدينها ..

************************************************** *****************************

بعد ماوصل ابو راشد وابوفيصل وراشد .. للبيت من المخازن .. كان اليوم متعب بالنسبه لهم والشغل كثييير ..

زي دائما على طاوله الطعام وجبه العشاء .. الكل مجتمع ..

دلال جالسه معاهم على الطاوله ولابسه عبايتها ..
ابو راشد : ليه مستعجله تعشي معنا ..
دلال : لا يبا بالعافيه عليكم .. فيصل بالطريق جايني ..
ابو راشد : طيب اكلي لك كم لقمه على الاقل ..
دلال : ماني جوعانه ..
ابو راشد : براحتك ..
ام راشد : كل ذا فيصل بالطريق من متى وانتي مكلمته ..
دلال تحسست من كلام امها وكانها تبي تتخلص منها : ماصارلي ربع ساعه متصله عليه ..
ماكملت كلامها الا بدخول فيصل عليهم .. سلم على ابوه وعمه والكل : يلا دلال مشينا ..
دلال وقفت : طيب ..
ابو راشد : وين اجلس تعش معنا ..
فيصل : بالعافيه .. توني تعشيت مع ربعي ..
دلال لفت حجابها : يلا مع السلامه ..
الكل : مع السلامه ..

طلعت هي وفيصل .. متجهين لشقتهم ..

ابوراشد : ها يابنات ماقلتو لي كيف بنت ناصر معاكم ..
ساره : تجنن يبا .. حبوبه .. وحليوه ..
خالد تدخل : ولسانها طويل ..
ساره : ترا لسان بس من داخل قلبها نظيف .. صح ريم ..
ريم هزت راسها يعني ايه .. الكلام مايطلع منها بوجود راشد ..
ابو راشد : الله يجعلها من البارين بابوها ..
الكل : امييين ..
ابو راشد : الا انت وين شفتها ياخالد ؟..
خالد : شفتها مره وهي داخله هنا وبيدها صينيه الفطور ..
ابو راشد : اها ..
ابو فيصل : ماسمعتنا صوتك ياراشد ؟..
راشد بملل : شقوول ..
ابو فيصل : اي شيء شاركنا بالحديث ... والا اقولك متى ناوي يكون موعد زواجك انت وريم ..
راشد رفع عينه على ريم اللي كانت تتجاهل انها تطالعه : انا قلت لابوي انه بيكون بعد اسبوعين الملكه والزواج بنفس اليوم .. لاني ماحب الطواله ..
ريم بهاللحظه .. مغصها بطنها بخووف .. وحست بحراره بجسمها ... واحراج ..
ابو راشد : ايه هو قالي اليوم .. وانا وافقته بالراي خلينا نفرح فيهم باسرع وقت .. شرايك ريم ..
ريم بصوت واطيء شبه مسموع : اللي تشوفه انت وعمي راشد ..
ابو راشد : اللي يرضى عليك ..
ساره كانت حاسه بريم اللي كانت في حيره بين حبها له وبين كرامتها اللي راح يذلها راشد .. اما ام راشد كانت منقهره لدرجه انها ودها تقوم تضرب ريم بكل قوتها .. راكان كان فرحان لاخوه .. والباقي كانو نفس راكان فرحانين لريم وراشد ..

************************************************** *********************

بعد العشاء .. بغرفه ابو فيصل وام فيصل ..
ام فيصل تمد البيجاما لزوجها : وش صار على موضوع جود ..
ابو فيصل ياخذها من يدها : أي موضوع ..
ام فيصل : خطوبتها اللي بالكلام بس ..
ابو فيصل : مدري .. احنا وافقنا وخلاص .. هذانا ننتظر مكالمتهم لنا عشان يحددون موعد الملكه ..
ام فيصل : بس شكلهم نسو الموضوع ..
ابو فيصل : وانتي وش معجلك .. بنتنا عندنا معززه مكرمه والف واحد يتمناها ..
ام فيصل ( بلاك ماتدري عن سوايا بنتك ) : بس انا اقول يمكن غيرو رايهم .. كلمهم واستفسر .

.

البارت الثلاثون ..
الجزء الثاني ..

مشاعل كانت تحاول تناام .. لان بكره وراها مدرسه .. بس الكلام اللي قرته لحد الحين يمر بالها .. مو قادره تنام كل دقيقتين تحاول تغير الجنب اللي نايمه عليه .. يمكن يهد بالها وتغط بالنوم .. لاكن هيهات يجيها نوم بعد اللي عرفته .. راااااكااان .. ااااه منك يارااااكان ...

انقلبت على جهت اليمين وغمضت عيونها .. نفس الخط ونفس الكلام .. وهي مغمضه تشوف الورقه قدامه عيونها ..

(( انا ارتحت لك كثير وحاسه انك راح تطلعيني من هالسجن اللي عشت فيه لمدت سنتين .. راح اقولك قصتي ... انا كنت بنت طايشه وماهمني شيء بالحياه غير اني انبسط وبس .. ونفس الشيء اخوي وليد كان دائم يسوي لي كل شيء يبسطني .. وخصوصا بعد وفاه امي وابوي بحادث .. لين اليوم اذكر تفاصيل هذاك اليوم المشؤم .. وكانه احداثه تمر قدامي .. ابوي وامي قررو انهم يسافرون الرياض لجدتي لانها كانت تعبانه طبعا انا وليد قررنا نبقى هنا لان عندنا دوامات .. انطلقو للرياض بسيارتهم .. بس بعد ساعتين من طلعتهم من البيت .. جانا اتصال من الشرطه انهم سوو حادث .. ولما رحنا .. لقينا امي وابوي فارقو الحياه .. في هذيك الايام عشنا انا واخوي اسوى ايام حياتنا .. صرت من انسانه طايشه الى انسانه اطيش بمراحل كثيره.. كنت احس نفسي وحيده من دون اهل ولا مسؤليه .. كل هذا لما تعرفت على ... راكان راشد ال .. اكيد هالاسم موغريب عليك .. ايواا هو نفسه راكان اللي كنتي معاه .. تعرفت عليه من وحده معاي بالمدرسه وحده من بنات السوء .. كانت تتردد على نفس الاستراحات المشبوه اللي كان فيها راكان .. رحت لنفس المكان .. كنت ابي انبسط وبس .. تعرفت على راكان ومن بعدها صرت مدمنه عليه .. كل يوم اكلمه بسبب وبدون سبب .. وراكان طبعا ماكان يمانع .. بس صدقيني ولامره خليته يلمسني لاهو ولا غيره .. الا ذاك اليوم اللي اتصل علي راكان .. اذكر كلامه بالحرف الواحد .. قالي اطلعي بره ابيك ضروري انا بالسياره جنب باب بيتكم .. وطلععععت .. بس ليتني ماطلعت .. رحنا لنفس المكان .. هناك تنازلت عن شرفي .. عشان ارضيه هو وبس .. بعدها ركبت معاه السياره عشان يرجعني البيت .. راكان كان سكران ولانه مو بوعيه سوا حادث كان بسيط .. بس الشرطه وقفته ولما عملو اجراءتهم اكتشفو انو انا وراكان في خلوه غير شرعيه .. اتصلو على اخوي .. وعملو لي كشف عذريه .. وجاء اخوي بعدها .. عرف السالفه كامله .. ولما شافني زادت نيراان الغضب فيه .. سحبني للبيت .. وهناك ضربني ضرب ماتوقع يهون على الكافر .. وماكفاه هذا الشيء لا قطع لي لساني .. عشان ماقول لحد شيء .. بس هذي كل قصتي .. من يومها وانا محبوسه بذي الغرفه حالي حال الفيران بجحرها ..كان مايبي احد يشوفني وتصير له فضيحه .. ماشوف النور .. الخدم يجيبون لي الاكل بسرعه ويطلعون .. انا ادري اني غلطانه .. وادري ان اللي سويته مو شوي .. مافي احد يرضى انا اخته تدنس شرفه .. بس انا ندمانه والله ندمانه .. ابي ارجع زي اول .. ابي اشوف الناس .. ابي اعيش معاهم .. اضحك واتكلم .. تعبت من هالمكان .. مابي اموت هنا .. مشاعل انا حاسه انك انتي الوحيده اللي بتطلعني من هنا .. اخوي وليد تزوجك بس عشان يقهر راكان .. لانه عرف انا راكان يحبك وهو كان يبي يكسر قلبه باي طريقه .. ويشفي الغليل اللي بداخله .. مع العلم انا راكان جاء وخطبني .. كان حاب يصلح غلطته .. لاكن وليد رفض .. اترجاك لاتتركيني )) ..

دموووع غزيره تتساقط على المخده .. ليتها مانبشت الماضي وعرفت الحقيقه .. راكان بنظرها رجل شهم .. على رغم بعض الاخطاء الا انه كان يعني لها كثيير .. بس ماتدري ليش بعد اللي عرفته تحس قلبه انكسر مرتين .. مره .. لانها وثقت فيه .. ومره .. لانها كانت تعزه .. حمدت ربي انها ماتمت معاه مده طويله .. والا كان حالها حال منيره ... بس هي الحين كل اللي همها انها تساعد منيره ..

************************************************** ***************************

دخل المفتاح ولفه .. طقه .. طقتين .. وانفتح الباب .. مسك المقبض بيده .. وافتحه .. وقف على جنب .. قبل لايدخل ..

اشر لها باحترام وذوق : تفضلي ..
دلال طالعته بنظره سريعه ودخلت .. بعدها دخل وراها فيصل .. قفل الباب ..

دلال شالت غطاها .. وعلى طول اتجهت لغرفه النوم ..
وقفها صوت فيصل : بطلب عشاء ..
لفت عليه .. وطالعته بجمود : طيب ..
فيصل : تبين شيء معين والا اطلب على ذوقي ..
دلال : لا اطلب على مزاجك لانك انت اللي بتتعشى انا مابي بتروش وانام..
فيصل : مايصير انتي ماتعشيتي .. خلاص بطلب لنا على ذوقي ..
دلال .. من غير لاتسمع باقي كلامه دخلت الغرفه .. طبع دلال ماتحب احد يجبرها على شيء مين ماكان ..
فسخت العبايه .. ورمتها على السرير .. خذت ملابسها من الدولاب .. والمنشفه ..
توها بتدخل الحمام ( وانتو بكرامه ) .. دخل عليها فيصل ..
فيصل بامر : لاتقفلين عليك الباب .. خليه مفتوح .. اخاف يصير لك زي ذيك المره ..
دلال كتفت يدينها .. وقالت بسخريه : وش رايك اخليه مفتوح كامل .. عشان ترتاح ..
فيصل حس من نبره كلامها انها تتمسخر عليه .. قال بجديه : انا اكلمك جد ..
دلال عطته نظره بارده .. طنشته .. ودخلت دورت المياه ...
فيصل .. نرفزه طريقت كلامها ونظراتها .. وبرودها .. لاكنه مسك اعصابه مايبي يزودها .. بلحال مشاعرها ناشفه اتجاهه .. طلع من الغرفه .. ينتظر وصول الديلفري ..

************************************************** *************************

ريم جالسه بالغرفه .. وبالتحديد على التسريحه .. كانت تتامل ملامحها .. وتراقب تعابيير وجها .. وكانها اول مره تشوف نفسها بالمرايا ..

شعور غريب بداخلها هالايام .. موجه حزن تجتاحها .. في حيره من امرها
.. حب .. والا كرامه ..
حب .. والا اهانه ..
حب .. والا انسان ماتعنيله اي شيء ..

هذا كان اللي مضايق ريم .. كانت تردد بداخلها .. ليتني ماعرفتك بيوم ياراشد .. انسان حبته من اول يوم شافته فيه .. رجولته .. غروره .. كبرياءه .. عصبيته .. طموحه .. وسامته .. نظرات عيونه .. كل شيء فيه عشقته .. لاكن هو ماعشق فيها ولاشيء .. كان يبيها عشان يتهرب من حب هو عارف انه لايمكن يحصل .. حب مستحيل .. كانت بالنسبه له .. مثل الفرار من الامر الواقع .. كان عندها مشاعر مختلطه .. بين الحب والكره .. حب راشد .. وكره لانانيته .. تحس انه راح يكون امانها بهالدنيا .. لاكن بنفس الوقت خايفه منه .. ايه خايفه .. خايفه انه .. يهينها .. ويهين حبها له ..

بس ريم نست ان اللي يحب ... لازم يستحمل كل شيء .. لازم يضحي بكل شيء .. حتى الكرامه .. هذا هو الحب ..

فتحت الباب .. وضحكتها ماليه وجهها .. ريم انفجعت من الشخص اللي دخل عليها فجاءه ... طالعتها بخووف ..

جود حاطه يدها على فمها .. موقادره تسند نفسها .. لان الضحك هد حيلها : لايفوتك .. ههههههههههههههههههههههههههه ...
ريم عقدت حواجبها : شفيك ؟؟..
جود .. خذت نفس .. بعد ماهدت شويه .. من نوبت الضحك اللي فيها : لايفوتك الخبلات بغرفه خالد ..
ريم بققه عيونها : شيسون ؟؟..
جود : كل وحده فيهم خذت ثوب من ثياب خالد ولبسته .. ولا بعد نسفو الشمغ على روسهم .. والحين قاعدين يضبطون السكسوكه بالكحل .. عاد قالو لي اناديك عشان تشوفين اللوك الاخير .. يلا تعالي ..
ريم وهي توقف من مكانها : ليه وين خالد ؟؟..
جود : خالد تحت مادرى عنهم .. يلا بسرعه خلينا نشووفهم ..
ريم : طيب انتظريني .. بس احط حجابي ..

************************************************** ************************

عند ساره ونوره بغرفه خالد .. خلصو من وضع اللمسات الاخيره .. ينتظرون البنات يدخلون عليهم ..

ساره تعدل الشماغ بيدها الثنتين مقابله نوره : ها كيف .. عدله النسفه ..
نوره : كويسه ... المهم تعالي نوقف .. عند الباب ..

قربو الثنتين من جنب الباب ... يعني وجيهم مقابله لفتحت الباب ... اللي يفتح الباب يكونون بوجهه ..
نوره تمثل لساره .. بحركات شبابيه : هلا يالطيب .. الاخبار علومك .. ياحلو انت ..
ساره : ههههههههه ..
نوره : شنو مو ضابط ؟..
ساره : بالعكس والله كانك واحد من الشباب ..
نوره مضخمه صوتها : مشكور يابو ساره ...

على كلمااات نوره انفتح الباب .. وبهاللحظه تمنو انه مانفتح .. انصدم من اللي يشوفه قدامه .. ثنين في غرفته .. كيف جو هنا .. طالعهم بنظراات فاهيه ..

************************************************** ************************

طلعت من الحمام ( وانتو بكرامه ) .. بدلت ملابسها داخل الحمام .. كانت لابسه بيجاما .. بنطلون مخطط اسود ابيض وردي .. وبلوزه ورديه .. عليها طبعه بالنص ابيض واسود .. شالت المنشفه اللي كانت لافتها على شعرها .. بعد مانشفته .. وعلقتها على الشماعه .. راحت لتسريحه .. خذت لها حلق ناعم فصوص ورديه .. مشطت شعرها بسرعه وسوتها ذيل حصان .. رشت عليها عطر على السريع .. خذت العبايه المرميه على السرير وعلقتها .. شالت غطاء السرير .. تجهزه عشان تنام ... لاكن ذكر على بالها فيصل .. كانت بتسحب عليه .. بس فضولها اكبر .. انها تعرف شيسوي .. لانها ماتسمع صوته ..

طلعت من الغرفه .. بهدوء .. حصلت فيصل جالس على الكنب يطالع التلفزيون .. ومجهز سفره الاكل على الطاوله ..
اول ماشافها وقف : واخيرا طلعتي ..
دلال بارتباك قررت ترجع للغرفه .. وقفتها يد فيصل : وين رايحه ؟..
دلال لفت عليه : بروح انام ..
فيصل بنظرات ملاها الحنان .. وبامر : لا مافيه .. تعشي اول بعدين نامي ..
دلال ذابت من حنيته اللي عمرها ماحستها من احد .. غمضت عيونها بتوتر وفتحتها : مو جوعانه ..
فيصل بحنيه حط ايده على شعرها ومسح عليه .. بنظراات شخص هايم : عشان خاطري بس هالمره ..
دلال ولاول مره تكلمه بهدوء : والله مو جوعانه .. مالي نفس اكل ..
فيصل مانزل عيونه عنها وايده مازالت ماسكه يدها : في احد مزعلك ؟ .. حتى لو كنت انا قولي لي ..
دلال سحبت يدها من يده بقووه .. وقالت بعصبيه : خلاااص عاد .. لاتسوي لي فيها دور الطيب وانا الشريره .. عشاء مابي .. كله انت ..

مشت عنه ودخلت الغرفه ..
لحقها فيصل .. وعلى راسه مئه استفهام ؟؟.. شافها جالسه على السرير .. سحبها من يدها لما وقفها قباله ..
فيصل وكانت عيونها تنبض بالمشاعر : انتي ماتحسين .. اشك انك انسانه مثلنا .. حتى الحيوان وهو حيوان يحس وانتي لا ..
دلال رفعت صبعها السبابه .. وحطته على فمها : اشششش .. ماسمحلك ..
فيصل بجديه : صدقيني بيجي اليوم اللي ماراح تحصلين فيه احد جنبك .. ليه دائما تتكبرين على غيرك .. وتبتعدين عن الناس .. انتي انسانه تعيسه .. وحيده ..
دلال : ايه بالضبط انا كذا .. بس مهما تقول ماراح احبك .. انت ماتفهم ماحبك .. اكرهك .. اكرهك ..
فيصل : ومن قالك اني ابيك تحبيني .. انا ابيك توعين من اللي انتي فيه .. دلال .. انتي مو كذا .. طلعي الانسانه الطيبه اللي داخلك ..
دلال عينها بدت تمتلي بالدموع من كلام فيصل ... وكانه صابها على الجرح ..
فيصل لما شافها ساكته وبدت تحس بكلامه .. رفع ايدينه الثنتين ومسك وجها .. وهو يلاعب خدوده بابهامه : دلال .. مهما كانت الخلافات اللي بينا قبل .. تاكدي انك قبل لاتكونين زوجتي انتي بنت عمي .. واخاف عليك اكثر من نفسك ..
دلال .. وهي تسمع كلامه كانت تحس بغصه داخلها .. عمرها محد كلمها بهالحنان .. تركت لدموعها الحريه انها تنزل .. رمت نفسها بحضن فيصل .. ضربت على صدره بخفيف .. وهي تقول : اكرهك .. والله اكرهك ..
فيصل ابتسم بالم .. حوط ايدينه حولها وكانه يدفيها .. ويخبيها .. ويحميها من نفسها .. كانت بين ايدينه مثل الطفله .. اللي تدور حضن امها .. مثل اليتيم اللي لقى له شخص يرعاه .. ومثل العصفور اللي يدور عش يدفيه بعز الشتاء ..

بس تتوقعون هالعش .. بيطول ؟؟!!..

************************************************** **************************

على كلمااات نوره انفتح الباب .. وياريته مانفتح ... انصدم من اللي يشوفه قدامه .. ثنين في غرفته .. كيف جو هنا .. طالعهم بنظراات فاهيه ..

نوره انصدمت ان اللي دخل عليهم موالبناات ... كان خاااااااااالد !! ... تلثمت بالشماغ على طول ..

ريم وجود .. كانو جايين لغرفه خالد للبنات .. لاكن لما شافو خالد داخل غرفته .. وقفو بعيد يطالعون الحدث اللي بيصير ..

خالد بفهاوه : مين انتو ؟..
ساره : هذا انا خلوود ماعرفتني ..
خالد بشك : ساره ؟..
ساره : ايه ..
خالد : شتسون بغرفتي ؟..
ساره : اسفين بس كنا نبي نتنكر شوي .. فاستعرنا بعض الاغراض من غرفتك .. انت الوحيد اللي من العيال نمون عليك ..
خالد يطالع نوره .. يدقق بملامحها اكثر : مين ذي ليكون جود ؟..
ساره : لا لا .. ذي نوره بنت العم ناصر ..
خالد طالع فيها بنص عين : ياسلااام .. اجل ذي الملسونه .. ( مسك ابت الثوب اللي لابسته نوره ) ولابسه ثوبي بعد ..
نوره : لاتلمس ..
خالد بلعانه : انا مالمستك .. لمست ثوبي .. شيء من ممتلكاتي ..
ساره : خلاص خالد الحين نبدل ونرجع لك ثيابك .. ممكن توسع عن الباب عشان نطلع انا ونوره ..
خالد بعد عن الباب عشان يطلعون : لاتعودونها ..
نوره تتحلطم : اوف بخييل ..
خالد يمثل دور المعصب وقال بصراخ مصطنع : شقلتي .. سمعيني صوتك ..
نوره مشت بسرعه .. قبل لايقول لها شيء .. وراحت للبنات .. لحقتها ساره .. بعد ماهزاءتهم ريم ..

بدلو ملابسهم ورجعو الاغراض لخالد .. الثياب والشمغ والعقل .. والنعل ( وانتو بكرامه ) ..
ساره قالت لخالد انها بتحطهم بسلت الغسيل .. بس هو قالها تخليهم على السرير وهو بيتصرف ..

بعد ساعه تقريبا .. البنات رجعو لغرفهم ..

ونامو كل ابطالنا ..

************************************************** ***********************

صباح يوم جديد ...

أحب الصباح كثيرا وأحب البكور .. فالصباح يكسب الحيوية والنشاط ..

حينما تقوم مع إشراقة النور وتنفس الصباح

تنظر هناك فترى طيرا يروح ويجيء بكل نشاط وحيوية يبني عشا

ترى نحلة تعمل في الخلية بكل جد واجتهاد .. ثم تلتفت وترى نملة تحمل قمحا إلى مخزنها

ترى الزهرة قد تفتحت وفاح أريجها وقطرات الندى تساقطت فأكسبت الزهرة لمعانا وبريقا مع نور الصباح

فهذا كله استيقاظ الكون لله الواحد .. استيقاظ العالم المسلم المستسلم لله

بعد مالكل فطر .. راحو لدواماتهم بنشاط على غير العاده ..

كل واحد ركب سيارته وانطلق ..
ابو راشد وابو فيصل وناصر بسياره وحده كان يقودها ابو فيصل ..
راشد بسيارته ..
خالد بسيارته .. لاكن هالمره كان معاه راكان .. اللي حب انه يغير عن البيت ويروح معاهم للشركه .. يمكن يعجبه الوضع ويشتغل هناك بدل الطفش اللي هو فيه ..

ساره وريم ونوره .. راحو مع بعض .. مع السواق ..

وبكذا يكون الكل طلع من البيت .. يبتدون دوام يوم جديد .. بجد واجتهاد .. ماعاد ام فيصل وام راشد ..

******************************************

***

صحت من النوم على الساعه اللي كانت ترن .. بازعاج جنب راسها ..

مدت يدها بكسل وبعين شبه مفتوحه .. على الكومدينه الصغيره جنب السرير .. وضغط على الزر تطفي جرس المنبه للساعه ..

لفت على جهه الثانيه من السرير .. حصلته نايم جنبها ..
بدون تردد .. بحركه لاراديه .. مسحت على شعره بخفيف .. والابتسسامه مرسومه على وجها .. ماتدري ليه سوت كذا على رغم كرها له ..

فتح عينه فجاءه وهو يقول .. باستهبال : ناعم صح ..
دلال ارتبكت .. شالت يدها بخوف : الساعه ست ونص ..
فيصل : هههههههههه ..
دلال : ليش تضحك ..
فيصل مازال يضحك : هههههههههه ..
دلال قامت بعصبيه : سخييييف ..

ودخلت الحمام بسرعه ( وانتو بكرامه ) ..
فيصل قام من مكانه .. وهو يضحك .. كان يضحك على ارتباكها .. لانها توترت لما كلمها .. وحاولت تصرف .. لما قالت الساعه ست ونص ..

راح للحمام الخارجي ( وانتو بكرامه ) عشان يخلص معاها بنفس الوقت ...

بعد ماخلص فيصل .. ولبس ملابسه للدوام .. نفس الشيء دلال كانت جاهزه ..

دلال : تبقى احطلك فطور ..
فيصل يطالع ساعته : لا مافي وقت الساعه سبع وربع .. تاخرنا كثير .. البسي عباتك خل نطلع ..
دلال : اوكي ..

لبست عباتها وطلعو من البيت .. وصل فيصل دلال للجامعه .. وبعدها راح للشركه ..

*************************************************

الصباح .. 9:00 ..

طلال كان جالس مع عمته بالصاله ..

ام راشد : محد قالي انك جيت ..
طلال : لا انا ماقابلت احد ..
ام راشد : يووه اجل ليه مشيت ..
طلال تذكرها وهي واقفه قدامه : حسيت ان البيت هادي ومافي احد .. قلت اجي بكره اكيد طالعين ..
ام راشد : البنات كانو موجودين هنا ..
طلال حب يتاكد اذا كانت هي والا لا : ماسمعت صوتهم .. يمكن عندهم احد صح ؟..
ام راشد : ايه .. شسوي امر الله .. والا من متى بنات الملاجىء يدخلون بيتي ..
طلال موفاهم شيء : ملاجىء !! ..
ام راشد : ايه هذي اللي جاتهم وحده من بنات الملجىء .. ماعلينا اخبار فرح بعد اللي صار ..
طلال ( اكيد تقصد وحده ثانيه ) : ماعليها بخيير ..
ام راشد بحقد : والله ماني راضيه عن اللي بيسويه راشد .. بس بنت بليس عرفت شلون تلف عليه ..
طلال : من الاساس راشد ماكان يبي فرح ... بس ابوي وعمي ابو راشد اللي يهديهم هم اللي اجبروه .. وبالنهايه فرح كانت الضحيه ..
ام راشد : ايه والله ياعمري عليها ..
طلال : انا احترم قرار راشد .. بس ليته خذا هالقرار من بدري .. وماربط فرح فيه .. بس يلا كل شيء قسمه ونصيب ..
ام راشد : عسى هالنصيب مايتم ..

************************************************** *****************************

في المدرسه .. كان وقت الفسحه ..

والساحه .. كانت قمه بالازعاج .. انواع واشكال من البنات .. كل شله جالسين مع بعضهم .. واللي يتمشون ..

هذي تتمشى مع حبيبتها ( على كلامهم ) .. الحمدلله والشكر ..

وهذي مجمعه شلتها يفزعون لها بهوشه مع وحده ..

وهذولاك واقفين قدام المراياا .. اللي تعدل شعرها واللي تزيد الكحل .. واللي تركب العدسات .. الخ ..

والازعاج اللي كان قدام المقصف .. كل وحده تزاحم الثانيه عشان تشتري لها ولصاحباتها قبل ماتخلص الفسحه ..

ماعلينا من ذولا .. خلينا نروح لنااس نعرفهم ..
جالسين تحت الدرج .. هذا مكانهم اللي تعودو يجلسون فيه .. من اول مادخلو لهذي المدرسه .. لاكن شلتهم نقصت ثنتين .. وزادت وحده ..

ريم حاطه كتابها بحضنها تحفظ .. وحاطه يدها على اذنها عشان تعرف تركز عن الازعاج ..

نوره وساره شغالين .. هذره .. وحش .. مافي بنت مرت من قدامهم .. وسلمت من تعليقهم وطنازتهم عليها ..
نوره تطالع بعيد .. وتاشر لساره : شوفي ذيك الحمدلله والشكر ..
ساره معقده حواجبها .. ماعرفت أي وحده تقصد : وينها ؟..
نوره : ذيك اللي مسويه تسريحه كانها بعرس ولابسه طوق فضي ..
ساره : اهاا .. أي شفتها ..
نوره : لا وبعد حاطه بودر .. عاد من زين خشتها ..
ساره : هههههههه ايه والله .. لايفوتك اللي وراك .. رافعه المريول ومطلعه البنطلون يعني اني خقق .. ماتدري انها لحجيه ..
نوره : خخخخخخ .. وعععع ..

ريم .. شالت ايدها عن اذنها ولفت عليهم بعصبيه : ممكن تسكتون شوي ابي اراجع .. يكفي ازعاج البنات مو ناقصتكم ..
نوره : تكفين يالدفرا .. كان جلستي بالفصل تذاكرين ..
ساره : ايه صح .. لان هنا انسي انك تركزين ابد مع ذا الضوضاء ...

ريم قامت من مكانها متنرفزه : الشرها علي جالسه معكم اصلا .. ( خذت كتابها بيدها .. وتوجهت للفصل ) ..

ريم وهي متوجها لفصلها .. طلعت بوجها مشاعل .. حاولت انها تغير طريقها .. وتبين انها مانتبهت لها لاكن مشاعل وقفت قدامها : مبروك ..
ريم سفهتها ولفت عنها ..
مشاعل : حبيت ابارك لك .. رغم انك ماباركتي لي ..
ريم كانت بتمشي .. بس حبت ترد على كلامها .. لفت عليها : انتي اللي اخترتي تبعدين .. خلاص الله يوفقك ..
مشاعل قربت منها اكثر : اعرف .. لاكن بذاك الوقت كان قراري غلط .. لو انتي محلي بتسوين نفس الشيء ..
ريم : لا طبعا ..
مشاعل : هذا انتي تركتي الدار ورحتي عشتي عند اهلك ..
ريم : بس مانسيت امي وخواتي .. وماتخليت عنهم ونكرتهم ..
مشاعل : ريم انتي تعرفين انك اقرب وحده لي من خواتي .. تكفين انا محتاجه لك ..
ريم بكبر : كنت .. يعني شيء بالماضي ..
مشاعل : لايصير قلبك قاسي علي ..
ريم : انا مو قاسيه بس انا قاعده انفذ اللي انتي طلبتيه ..
مشاعل : وهذا انا الحين اطلب منك نرجع زي اول .. مو شرط نتكلم مع بعض .. بس على الاقل قلوبنا تكون صافيه ..
ريم : ومن قالك اني حاقده عليك .. انا اكثر وحده تتمنى لك الخير .. مع السلامه الحصه بتبتدي ..

وتركت مشاعل واقفه .. وراحت لصفها .. ريم بطبعها عنيده .. و كرامتها فوق كل شيء .. حساسه ..

مشاعل ( اخ ياريم مدري متى تحنين علي .. والله انا من دونكم وحيده .. ماعدت اعرف طعم الفرح بحياتي .. عايشه بمكان مثل الديكور .. بسبب الانتقام صرت انا الضحيه ) ..

************************************************** **********

في الجامعه ..

في احدا المحاضرات .. اللي كانت تجمع فرح ودلال ..
كانو جالسين جنب بعض ..

دلال تهمس لفرح : شفي عيونك .. احسك تعبانه ..
فرح طالعتها بعين ذبلانه .. وبنظرات حقد : مافيني شيء ..
دلال : اذا كان على موضوع راشد .. صدقيني ماراح يدوم ..
فرح .. التفتت عليها بنظرات غريبه : صدقت ناس كثير وماستفدت شيء ..
دلال : كيف يعني .. ماني فاهمتك ؟..
فرح : ولا انا فاهمتك ..
دلال : شفيك فرح ..
فرح : بكل شيء كنا مع بعض .. بس بالنهايه انتي اللي ربحتي وانا اللي خسرت ..
دلال : فرح صدق انا مافهمتك ..
فرح : معليش بيجي يوم وتفهمين وتعرفين .. وفيصل بعد ..
دلال بتعجب : فيصل ..
فرح بنظرات خبيثه : ايه فيصل .. والا هو مو زوجك ..
دلال حست من كلام فرح انها ناويه على شيء .. لاكنها ماكانت عارفه اذا كان هالشيء لصالحها او ضدها .. لفت لشرح الدكتوره .. وهي تفكر بكلام فرح الغامض ...

***********************************************

بعد انتهاء الدوامات ..

على الغداء .. في بيت ابو راشد ..
على طاوله الطعام .. ملتقى الجميع ..

ابو راشد : ريم وانا عمك .. اليوم راشد بيوديكم السوق انتي والبنات .. عشان تتقضين لعرسك ..
ام راشد لوت بوزها بقهر .. وهي تناظر ريم بحقد ..
ساره دخلت عرض : لا مايصير يايبا ..
ابو راشد : وشهو اللي مايصير ؟..
ساره : مايصير الزوج يروح مع زوجته .. ويشوف شنو بتشتري .. لازم تكون مفاجاءه له ..
ابو راشد ضحك على كلام ساره : ههههههههه ..
ريم حست باحراج من كلام ساره ..
راشد طالع ساره بنص عين : خلاص تجهزو على العصر ..
جود : يبا قول لعمي ناصر .. عشان ناخذ نوره معنا ..
ابو فيصل : لشفته قلت له ..
خالد : وذي ام لسان طويل .. بكل شيء رازينها معكم ..
جود : وانت وش حارك .. ياحبيلها ..
ام فيصل : ايه والله هالبنت عجبتني .. ادب واخلاق .. وحليلها .. خفيفه دم بعد ..
ابو راشد : ايه طالعه على ابوها .. ناصر ماشاءالله كامل والكامل الله سبحانه وتعالى ..
راكان : يبا وش رايك تزوجني اياها ..
ابو راشد : هذي الساعه المباركه ..
خالد انقهر .. همس لراكان اللي جالس جنبه : وانت كل ماشفت وحده تبيها ..
راكان : ههههه طيب وش فيك معصب .. عادي نبي الستر ..
خالد : اقول بس ماتنفعك ذي البنت ..
راكان : وليه انشاءالله ؟..
خالد : اقولك لسانها طويل ماتسمع ..
راكان : عادي مع الزواج اعلمها الركاده ..
خالد : لايكثر بس ..
راكان : هههههههههههههههه ...

ابو راشد : وانتي يام راشد ابيك تجهزين للعرس من مجاميعه .. راشد حجز قاعه للعرس ..
ام راشد تبقى أي عذر عشان تكنسل الزواج : انا ماني فاضيه هالايام مشغوله ..
ام فيصل : خلاص يابو راشد ولايهمك انا والبنات نكفي ونوفي .. مايصير خاطرك الا طيب .. كل شيء بيكون جاهز بيوم العرس ..
ابو راشد : تسلمين يام فيصل والله وفيك الخير .. بنتعبك معنا ..
ام فيصل : لاتعب ولا شيء .. ريم وراشد عيالي .. وفرحتهم فرحتي ..

راشد وريم قالو بنفس الوقت وبصوت واحد : تسلمين ياخاله ..

راشد وريم طالعو بعض .. نظره سريعه .. وابعدو عيونهم عن بعض ..

************************************************** **********

على العصر البنات لابسين عباياتهم .. ومتجمعين بغرفه ريم ...

ساره .. وهي تقفل الجوال : خلاص ريوم .. مشغل الجوهره .. من احسن الاماكن اللي يصممون فساتين الزواج .. انا كلمت صاحبه المحل وقلت لها عن موعد الزواج .. قالت ماعندها مانع تشتغل بفستانك ..
جود : غريبه وافقت بسرعه .. بالعاده شهر ويالا تلاقين حجز ..
ساره : لاياحبيبتي مو لسواد عيونا وافقت ..لانها تعرف امي .. وبعد لاني قلت لها بنزيد لها فلوس ..
جود : اها ..

فتحت عليهم الباب وهي تقول : انا جيت ..
ساره : واخيراا مابغيتي ..
نوره : شسوي على بال ماقنعت ابوي .. ولبست وجيت ..
جود : يلا ترا راشد .. ينتظرنا تحت ..
ساره : امشو ليعصب علينا ..

نزلو البنات بعد كل هذا .. وريم كانت في حالت هدوء غريبه ..

ولاكلمه ..

************************************************** *

الساعه .. ست المغرب ..

فرح بعد ماسكرت من مكالمتها مع ماجد ..
طلعت عبايتها من الدولاب .. كالعاده كانت في قمه اناقتها .. راحت للتسريحه .. اخذت علبه العطر .. غرقت نفسها فيها .. طالعت بشكلها .. كل شيء ضابط .. شعرها مستشورته ومسيحته .. الميك اب اوفر .. اكسسوراتها البارقه اللي معطتها اناقه اكثر .. لازم لبسها يكون ملفت وجذاب .. لانها رايحه لسهره .. ومو أي سهره .. كانت راضيه عن شكلها .. زي دائما .. ماتغيرت على طول حلوه وانيقه .. وجذابه .. لبست عبايتها ولفت حجابها .. اخذت شنطتها وطلعت من البيت ..

فرح كانت تظن انها ماتغيرت .. لاكن في شيء مانتبهت له .. ملامحها .. ملامحها تغير صارت انسانه حاقده على كل اللي حولها .. انسانه انانيه .. كل همها تنتقم من كل اللي حولها وبس .. كانت تفكر هم سبب كل اللي صار لها وسبب تعاستها .. ماتدري انا سبب ضياعها .. هي تصرفاتها .. وجنونها .. وغرورها ..

ماكانت تعرف المثل اللي يقول ..

من حفر حفرتن لاخيه وقع فيها ..
الدنيا دواره .. ولك يوم ياظالم ..

********************************************

عند البنات وراشد ..
في المول .. ( جيان ) ..

كانو يطلعون من محل ويدخلون محل .. وراشد اما ينتظرهم بره .. اويدخل معهم ويطالعهم ويسمعهم بصمت ..
ريم ماكان عاجبها شيء .. البنات كل مايدخلون محل ينهبلون على الاغراض اللي موجوده وكانهم هم اللي بيلبسونها .. كل قطعه احلى من الثانيه ..

هذا المحل العاشر اللي يدخلونه .. كان طلب جود انهم يدخلونه .. ريم ماكانت مقتنعه بشيء .. او بالاحرى كانت مو مهتمه للموضوع ..

البنات انتشرو بالمحل كل ثنتين بجهه .. ريم ونوره بجهه .. وجود وساره .. مابقو قطعه الا وتفرجو عليها .. ومابقى شيء الا ونبشووه ..

عند نوره وريم ..

نوره ماسكه فستان ناعم كت ماسك على الجسم من فوق ومن تحت طايح يوصل لحد الركبه .. مزخرف بالوان الربيع .. وبالوسط فيه شريطه بلون اخضر : شرايك بذا .. عليك بيطلع خقه ..
ريم ماكانت منتبهه لنوره .. كانت تطالع براشد اللي مو معبرهم .. تذكرت هالمحل .. هذا المحل نفسه اللي شافت فيه راشد لاول مره .. وبذاك اليوم بدت تميل له ...
نوره لاحظت سرحان ريم .. وانها تناظر بشيء .. لفت على مكان اللي تناظره .. راشد واقف يكلم جوال .. دزتها من كتفها : لا ياشيخه ..
ريم لفت عليها : شفيك ؟؟..
نوره ( لا ياريم انتي بعالم ثاني ) : مافيني شيء .. المهم شرايك بالفستان ..
ريم طالعته بملل : حلو ..
نوره : كم مقاسك .. عشان اجيب واحد قدك .. بيطلع جنان عليك ..
ريم : مدري انا اشوف على النظر ..
نوره : يتهيء لي ذا كبير ( دورت بين المقاسات المعروضه .. وطلعت واحد .. حطته على جسم ريم ) .. هذا تمام ..
ريم : ايه ..

جاتهم ساره ماسكه ثلاث بلايز كل وحده احلى من الثانيه .. شيء دانتيل وشيء حرير .. اللي مطرز واللي عليه شك .. وجود وراها معاها بناطلين جنز وتنانيير ..

ساره مقابله ريم توريها الملابس اللي بيدها : شرايك بذول ..
جود دخلت عرض : لقيت بناطييل شيء عجيب ..
ريم بدون نفس : خلاص خذو اللي يعجبكم ..

راشد سكر جواله ولف عليهم .. قرب منهم .. قال وهو يطالع بريم : خذي اللي يعجبك انتي .. لانك انتي اللي راح تلبسينه لك ( وكانه يقصد شيء بكلامه ) ..
ريم .. فهمت قصده .. قالت بسرعه : انا تعبت من كثر اللف .. ممكن ترجعنا البيت ..
ساره : يوه .. تو الناس مابعد نشتري شيء ..
جود : ايه والله ..
ريم : معلييش بنات بكره نكمل .. انا دايخه ..
نوره .. كانت حاسه فيها : خلاص بنات .. ريم باين عليها انها تعبانه .. نرجع وبكره نجي ..

راشد وكانه ماصدق خبر .. عطى بطاقه الصراف لساره : يلا اجل حاسبو انا انتظركم بره المحل ..
ساره : طيييب ..

************************************************

في الاستراحه .. وبالتحديد عند ماجد و فرح ..

فرح وماجد .. كانو باحد الغرف ..

والا اقول لكم قبل لانعرف ماجد وفرح شنو كانو يسوون .. خلوني .. اوصف لكم هالمكان .. اللي اقل ماينقال عنه .. محل لفعل القذاره .. استراحهه مشبوهه .. ماتخلو من الاتي :

نساء كاسيات عاريات .. يتمايلن باجسادهن ..
رجال ونساء .. خلوه غير شرعيه ..
فعل كل ماهو منكر ..
المكان مليء بالمحرمات .. من مذهبات العقل والمسكراات ..
اصواات موسيقيه بذيئه .. وكلمات منحطه ..

وغيرها من الكثير اللي كان يحصل ..

نرجع لفرح وماجد .. كانو باحد الغرف الموجوده بالاستراحه .. بنان على طلب ماجد .. كل هدفه انهم ينعزلون عن الكل .. لفعل الرذيله ..

فرح بدلع مصطنع وبحركات اغراء .. واقفه قدام المرايا تتامل شكلها وبنفس الوقت تناظر بماجد اللي كان جالس على السرير : مجوودي ..
ماجد بحاله سكر خفيفه : لبيه ..
فرح بحركه سريعه .. طلعت من شنطتها سكين .. وخبتها وراء ظهرها ولفت على ماجد : شفيك اليوم حبيبي ؟..
ماجد يطالعها من بعيد : مافيني شيء .. يلا تعالي ماصارت تعدلين شكلك ( وبنظراات خبيثه ) حلوه والله حلوه ..
فرح وهي تقرب منه بخطواات بطيئه .. ومازالت حاطه يدها وراء ظهرها .. وقفت قدامه : حبيبي .. جبتلك معاي شيء تحبه ..
ماجد قام من السرير وصار مقابل لها .. بتفكيير : احبه .. شنو ؟؟..
فرح قربت منه .. حطت عيونها بعينه .. مسكت ابت قميصه تلعب فيها بدلع : يلا مجوودي فكر ..
ماجد تااه من دلعها .. قرب منها اكثر بي ... لاكن صرخ : اااااااااااا ..
فرح غرست السكين بتلذذ بوسط احشاء ما
جد وهي تقوله : هذي هديتي لك حبيبي ..
ماجد غمض عيونه بالم .. وقال بصعوبه : يا خسييي.. سسه ..
فرح : هذا جزاءه اللي يلعب مع فرح ..

كانت واقفه تتامله بتلذذ وكان غليلها ينشفي بالتدريج .. وهو يتالم ويتمتم بكلمات غير مفهومه .. لحد مافقد وعيه وطاح على السرير .. هنا فرح غطته بالبطانيه .. اخذت جوالاته ولفت السكين بقطعه قماش دخلتها بالشنطه وخذت اغراضها وطلعت من الاستراحه .. بدون لاحد يشوفها ..

الى هنا انتهى البارت .. القاكم بالبارت القادم .. باذن الله ..

توقعاتكم للبارت القادم ؟؟..

ماجد معقوله يكون مات ؟؟ ..
فرح شنو بيكون مصيرها بعد اللي سوته بماجد .. احد شافها ؟؟..
دلال وكلام فرح لها .. شنو تقصد ؟؟..
ريم زواجها راح يتم من راشد ؟؟..
مشاعل كيف راح تساعد منيره وتطلعه من الغرفه اللي مسجونه فيها ؟؟..
جود وزواجها من بندر .. وينه وين اهله اختفو فجاءه ؟؟..
راكان ممكن يتزوج نوره ؟؟

..

» روايه عيون الفهد كامله
» رواية بشروه اني برحل من حياته (( كامله ))
» جبروني عليها وكرهتها وفجأه حبيتها وعشقتها ((كامله))
» رواية ابي انام بحضنك واصحيك بنص الليل واقول ما كفاني حضنك ضمني لك حيل((كامله))